مشكلة إضافة تابع مولود خارج المملكة

[YaserK]

في أي حد عنده فكرة عن المشكلة الحالية الخاصة بإضافة تابع مولود خارج المملكة؟؟

المشكلة اني رحت الجوازات عشان أضيف بنتي على إقامتي.. هيا كانت جايه من مصر بجواز سفر منفصل وتأشيرة منفصلة.. حسب النظام في رسوم استقدام 2000 ريال عشان تضاف لإقامتي لكن بالنسبة للعاميلن في الحكومة يتم اعفاؤهم من الرسوم دي, إلا إن الكمبيوتر بتاع الجوازات مش متقبل فكرة إعفاء الرسوم دي.. سألت مدير الجوازات قاللي انهم ركبو نظام جديد لكمبيوتر الجوازات والنظام ده فيه خلل بالنسبة لإعفاء بعض الناس من الرسوم دي.. قالولي انهم رفعو خطاب للرياض بخصوص المشكلة دي وقالو هما مش عارفين متوقع حلها امتى, ممكن تستمر أسابيع وجايز شهور..

في أي حد عنده تجربة مشابهة؟؟؟ حد يقدر يفيدني؟

[مصطفى محمد ابراهيم]

اسف على الرد بموضوع لانى ليس لى الصلاحية فى كتابة موضوع

بسم الله الرحمن الرحيم

انا مواطن مصرى سنى 24 سنه

وجيت هنا المملكة على تأشيرة زيارة تجارية وجددتها لمده شهرين والكلام ده كان من سنه فاتت وحصل مشكلة انى رحت واخدت شغل من شركة عشان اشتغله فى البيت الورق ده كان تبع شركة الاتصالات وعبارة عن عقود بنملاها من واقع صور اقامات المهم انا كنت شغال فى ملئ الاستتمارات دى فى البيت اللى كنت قاعد فيه واديت واحد من اللى اعرفهم جزء من الشغل المهم صاحبى ده اخد الشغل معاه الشغل بتاعه وهو شغال فى الحكومة فمديره بلغ عنه على اساس انه مزور وقبضت الشرطة عليه وعليه وعلى الشخص اللى ادانا الورق من الشركة وحققو معانا وعرفو ان احنا ملناش دخل فى الموضوع والحمدلله طلعنا براءة المشكلة بقى ان الشرطة واخدة جوازى من ساعتها بتقول لحد ما القضية تخلص وانا زى ما انتو عارفين زيارة تجارية فاا حاليا متخلف والسؤال اللى انا عاوز اطرحه عليكو والاستفسار الهام هو :

انا ازاى اخد جوازى من الشرطة مع العلم انهم هما اللى مطلعنى بكفالة

ولو اترحلت انا بدفع فعلا عشر االاف ريال زى ما بيقولوا ولا بدفع ايه

ولو مش معايا العشر الاف ريال ايه الله هيحصل

ارجوكم يا زوى الخبرة تفيدونى فى هذه المشكلة مع العلم انى مريض كبد ونفسى ارجع مصر وكمان والدى مريض فى مصر وعاوز انزل مصر عشان اقدر اتابع معاه فى مصر مع الدكاترة

ارجو الافادة ممن زوى الخبرة

وشكرا لسعة صدوركم فى قراءة موضوعى

تم تعديل 1 يوليو 2010 بواسطة مصطفى محمد ابراهيم