أسرار البنات والمدينه الجامعيه

[pocy]

الحلقه العاشره

بدأ كلا من ناديه و أحمد المشي في الطريق الى معمل الفيزياء ولكن ليس من الداخل بل من ناحيه الحديقه وكان الجو جميلا ومنعشا والهواء العليل يداعب طرحه ناديه وهنا بدأ احمد

بالكلام

أحمد : انا النهارده كنت هتجنن واكلمك وعندى كلام كتير قوى عايز اقوله بس مش عارف ابدأ منين ؟

ناديه : خير قلقتنى ثم مقلتش ليه الصبح وانتى بتكلمنى.......!!!

أحمد : الصبح اكيد بتهرجى والاخوه الاعداء معاكى صعب طبعا ده غير انا خفت اعمل مشكله :blink:

ناديه : طب خير ؟؟؟

أحمد : اولا انا عايزه اعتذر عن اتصالي فى المدينه بس والله انا كنت عايزه اعتذر عن انى مش جبت الكشكول زى ما وعدتك وانا مش بحب اخلف وعدى وخفت تكونى محتجاه ولا حاجه وانا

جتلك المدينه ووقفت قدامها علشان اديه للحارس يدهولك بس قلت لتزعلى ولا حاجه بس فقلت اتصل بيكى وانتى تقليلي اجى ولا ممش ضروررى ففؤجئت برضك بصراحه وقفلتى السكه فى

وشى وبدل ما اصلح المشكله لا عقدتها اكتر وبجد انا اسف جدا جدا وانا بتصل ساعات ببنات النادى لما بيكون في اجتماع ومش بلحق اقولهم كلهم وهم اللى ادونى الرقم علشان لو فى

حاجه وببلغ واحده وهى بتبلغ الباقي وبجد ارجوكى تعذرونى

ناديه : بصراحه انا اضايقت طبعا من اتصالك لان قلقت على العائله فى البيت لان محدش بيتصل بي الا هم وكمان لما طلعت انت اللى بتتصل قلقت اكتر لان المشرفات ممكن ياخدوا عنى فكره

وحشه وانا محبش كده

أحمد : انا اسف جدا انى اكون اتسببت فى اى مشكله بجد ارجوكى مش تزعلى منى

ناديه : خلاص الموضوع وضح ومش ضرورى الاسف

أحمد : الحمد لله بس صوتك مختلف فى التليفون وكنت خايف تكونى مش انتى ؟؟

ناديه :صوتى مختلف إزاى يعنى ؟؟؟

ناديه عارفه ان صوتها حلو فى التليفون كانت شيري تقولها كده دايما يا بو صوت حلو انت كل ما تكلمها فى البيت عندهم

أحمد : لا حلو جدا وناعم

ناديه وهى محروجه :blush2: : شكرا الحمد لله انه كان كويس

ناديه تحادث نفسها يا خراشي انا مش قادره استحمل اكتر من كده امتى بقي هيقولى باقي الكلام ويا ترى ايه باقي الكلام ده طب انا هقوله هستأذن واشوف هيقول ايه يارب يقلي استنى

معاى شويه وانا استنى معاه باقي عمرى

ناديه : طب انا هستأذن بقي لانى اتاخرت

أحمد : اتاخرت ع ايه انا اعرف المدينه بتقفل الساعه 7 ولسه بدرى

ناديه وهى بتضحك : لا الاخوه الاعداء مستنينى علشان الغدا

أحمد : بصراحه فى كلام كتير عايزه اقوله وكنت مرتبه فى دماغي وحاسس انه كله اتمحى من دماغي طب ممكن تشتركى معاى فى نادى الجامعه على اساس انى اقابلك كل يوم وبشكل

طبيعي ومحدش يضايقك باى كلمه ولا يقولك اتاخرتى ليه بجد عايز اتكلم معاكى كل يوم

ناديه قلبها بيرفرف وفرحانه جدا ومش عايزه تبين الفرحه دى واكيد خدودها احمروا يارب ما اخد باله مش عايزه يعرف ان كلامه مأثر في جدا انا عمرى ما حد قالى كده وكمان عايز يشوفنى

كل يوم

ناديه :flr1: : ربنا يسهل ان شاء الله بس انت لو عايز حاجه انا معاك فى القسم فاكيد هتشوفنى و لما تحتاج الكشكول قولى فى اى وقت وانا حاضره

احمد : انا حاسس انى مش فهمانى ناديه انا ..... انا ....

وصمت قليلا ومشي فى اتجاه شجره بجوارهم وكمل وقال

أحمد : مش عارف اقولها ازاى انا اول مره اكون مهزوز كده ومش عارف اجمع كلمتين ع بعض

ناديه: بصراحه انا مش فاهمه حاجه ومش عارفه انت عايز تقول ايه ؟؟؟؟؟؟؟؟؟؟؟؟؟؟؟

ناديه فى صميم قلبها حاسه باللى هو عايز يقوله بس مش مصدقه عايزاه هو اللى يقولها علشان تصدق عايزه تسجله فى دماغها وتعمل replay كل شويه بس هو يقول

أحمد : ناديه ممكن نكون اصدقاء مش زمايل ؟؟؟؟؟؟؟؟؟؟؟؟

ناديه وكأنه دلق عليها جردل ميه ساقعه على وشها السخن واخرتها صديقه احنا بنهرج انا عايزه اتقدم وكمان صديقه دى مفهومها وحش قوى واحنا هنا مش فى الغرب علشان ابقي girl friend بتاعه حد

ناديه : انا اتاخرت قوى ولازم امشي سلام

أحمد وهو يجرى وراها وهى بتمد الخطى وهو مش عارف ليه زعلت هو انا قلت حاجه غلط

أحمد : يعنى موافقه ولالالالالا؟؟؟؟؟؟؟؟؟؟؟

ناديه لم تتوقف بل كملت مسيرتها متجه فى طريق العوده الى المدينه وهى تسرع فى الخطوات وهو توقف عن متابعتها ولكنه كان ينظر اليها وهى تمشي ثم امسك راسه بيديه و راح يمسح على شعره وذهب تجاه شئون الطلبه وهو يفكر هل أخطأ فيما قاله ؟؟؟؟؟؟؟؟ هل هو خسر ولا ايه ؟؟؟؟؟؟؟؟؟؟

وفى المدينه وصلت ناديه للغرفه ووجدت ياسمين تنظرها غاضبه وبادرت ناديه بالقول

ناديه : انا اتاخرت رحت اتكلمت فى السنترال وكان زحمه معلش

ياسمين : مش كنتى تقولى طيب انك هتروحى السنترال انا كنت هروحلك الكليه

ناديه : ايه يا سمين هوانا عيله صغيره هدورى عليها ثم انا قلتلك لا صحيح انا قلت لشيري مش

ليكى

ياسمين : انا غلطانه انى قلقت عليكى الاكل اهه وسخنته وبرد ولما تيجي شيري ابقي نادينى انا

هروح اصلي العصر

ناديه: طيب وانا هغير واصلي تكون شيري جت ان شاء الله

ياسمين: طب سلام

خرجت ياسمين من الحجره وناديه قفلت الباب وبكت كثيرا وكثيرا

تابعونى الحلقه القادمه ستكون اكثر اثاره

[ساره احمد]

اية يابوسبوس الحلاوة دى كلها بجد جميلة اوى فكرتينى بايام ماكنت بقرا قصص الملف المستحيل والحاجات دى

ادينى اهه سبت المذاكرة وقاعدة متنحة wst:: قدام اللاب

مستنية الباقي wst::

[ساره احمد]

اية يابوسي انتى بتضحكى علينا ولا اية يعنى تعلقينا وبعد كدة تسيبينا مش هينفع الكلام دة علي فكرة

ومش هبعتلك ورد تانى wst:: wst::

[mekkawy]

أحمد ده واد لون كدة و مش مظبوط wst:: و انا مب بأحبش الواد المش مظبوط

الفاضلة أم عمر .. يا تظبطي الواد خلال الأحداث و يطلع جد يا هنزعل منه و الكل كليلة

و نادية كمان مش مظبوطة .. يلاااااا (بأهزر بأهزر)

لا هي غلبانة بس لو أحمد طلع بيلعب عليها و عاوز يضيف نمرة في الفون بوك بتاعه يبا واد تيت و سيس و ناقص و سوري ع الألفاظ دي بس بأزعل

سلامات

بالنسبة ليكي بأة يا ام عمر .. الله ينور .. واضح إن عمر بينام كويس اليومين دول فمديلك مساحة تكتبي الأفكار الجميلة دي و التسلسل الرائع ده ... ممتاز و الله

انا كنت فاكر نفسي بأعرف أكتب wst::

مكاوى

[Damo]

ممممممم طيب انا دلوقتي متلخبطة!!!!

في الاول قولت مادام هو بتاع بنات خلاص زاي ما مكاوي قال عايز يضيف حد جديد مش اكتر. بس بعدين بعد ردة فعل نادية احمد ' امسك راسه بيديه و راح يمسح على شعره وذهب تجاه شئون الطلبه وهو يفكر هل أخطأ فيما قاله ؟؟؟؟؟؟؟؟ '

اعتقد لو هو نيته مش كويسة مكنش حس الاحساس ده عشان بتوع اللي غاويين بنات لو واحدة قالتلهم كده يا اما هيطنشوها و خلاص ياما هيعتبروها challenge .

كمان انا قولت لو نيته حلوة مكنش قالها نبقى اصدقاء و الكلام ده!!!

بس بعدين غيرت رأيي و قولت ماهو تلاقيه عشان مش بيحتك بناس محترمين كتير ميعرفش ازااااااي يعبر عن نفسو بطريقة محترمة.

بس نيته وحشة او حلوة مش فارقة الاتنين اوت لان سيادتة سمعته منيلة...يشرب بقى

و كفاية كده انهردا عشان شتمت كتير wst::

[pocy]

اية يابوسبوس الحلاوة دى كلها بجد جميلة اوى فكرتينى بايام ماكنت بقرا قصص الملف المستحيل والحاجات دى

ادينى اهه سبت المذاكرة وقاعدة متنحة stnd:: قدام اللاب

مستنية الباقي

لالالالا الا المذاكره انا مش عايزه خطيبك يجي يضربنى ههههههههههههههههههههه ربنا يوفقك يا قمر وميرسي جدا جدا على الورد الجميل ده

اية يابوسي انتى بتضحكى علينا ولا اية يعنى تعلقينا وبعد كدة تسيبينا مش هينفع الكلام دة علي فكرة

ومش هبعتلك ورد تانى :lol:

يا قمر انا عمر مش بيخلينى اكتب الا حلقه واحده بس في اليوم وبالتالى مش بقدر احط غيرها يعنى بكتبها وبحطها وحتى ساعات مش براجع عليها

أحمد ده واد لون كدة و مش مظبوط :lol: و انا مب بأحبش الواد المش مظبوط

الفاضلة أم عمر .. يا تظبطي الواد خلال الأحداث و يطلع جد يا هنزعل منه و الكل كليلة

و نادية كمان مش مظبوطة .. يلاااااا (بأهزر بأهزر)

لا هي غلبانة بس لو أحمد طلع بيلعب عليها و عاوز يضيف نمرة في الفون بوك بتاعه يبا واد تيت و سيس و ناقص و سوري ع الألفاظ دي بس بأزعل

سلامات

بالنسبة ليكي بأة يا ام عمر .. الله ينور .. واضح إن عمر بينام كويس اليومين دول فمديلك مساحة تكتبي الأفكار الجميلة دي و التسلسل الرائع ده ... ممتاز و الله

انا كنت فاكر نفسي بأعرف أكتب :wub:

مكاوى

أخى الفاضل الاستاذ مكاوى والشهير بعكاوى الايام القادمه هيحصل لناديه واحمد تطورات فظيعه جدا وللاسف التطورات دى هتبقي صدمه كبيره ليكم قبل ما تكون لناديه واحمد وشيري تابعنى ومش هتندم

ممممممم طيب انا دلوقتي متلخبطة!!!!

ليه بس يا قمر استنى شويه والامور هتتوازن بالنسبه ليك وعايزه اقولك ان المشاعر ماهى الا مجموعه من الاحاسيس الملخبطه واللى الواحد مش بيعرف يحطها ازاى ولا يوظفها ازاى

في الاول قولت مادام هو بتاع بنات خلاص زاي ما مكاوي قال عايز يضيف حد جديد مش اكتر. بس بعدين بعد ردة فعل نادية احمد ' امسك راسه بيديه و راح يمسح على شعره وذهب تجاه شئون الطلبه وهو يفكر هل أخطأ فيما قاله ؟؟؟؟؟؟؟؟ '

اعتقد لو هو نيته مش كويسة مكنش حس الاحساس ده عشان بتوع اللي غاويين بنات لو واحدة قالتلهم كده يا اما هيطنشوها و خلاص ياما هيعتبروها challenge .

كمان انا قولت لو نيته حلوة مكنش قالها نبقى اصدقاء و الكلام ده!!!

بس بعدين غيرت رأيي و قولت ماهو تلاقيه عشان مش بيحتك بناس محترمين كتير ميعرفش ازااااااي يعبر عن نفسو بطريقة محترمة.

بس نيته وحشة او حلوة مش فارقة الاتنين اوت لان سيادتة سمعته منيلة...يشرب بقى

و كفاية كده انهردا عشان شتمت كتير wst::

تعرفى يا داموووووووووووو انتى ممتازه لانك قربتى من جزء مهم جدا وهو انى قدرت الخبطك هههههههههههههههههههه لا بجد هتعرفي ليه انا قلت عليكى كده بس تلات حلقات تقريبا من دلوقتى وهبقي افكرك

[pocy]

الحلقه الحاديه عشر

فى الحلقه اللى فاتت عرفنا ان الاستاذ المبجل احمد طلب من ناديه انها تكون صديقه ليه بس الموضوع ده ضايق ناديه جدا لانها كانت متوقعه انه يقولها انه عايز يرتبط بيها وده كان حلم وكانت عايزاه يقول كده رغم انها الى الان مش مصدقه اللى بيحصل لانها وكما حكت عن نفسها انها مش حلوه وبنت عاديه جدا واسلوبها عادى مفيش حاجه مميزه فيها ولا هو بيحب يرمرم وطبعا الكلام ده ناتج عن قله ثقتها فى نفسها وفيما تحسه بنفسها ولكن ما سيحدث بعد ذلك سيغير مجرى حياتها نعم وهنعرف الان

كانت اخر الحلقه السابقه ان ناديه قد انهارت بالبكاء بعد خروج ياسمين

وبعد لحظات جاءت شيري من الكليه وطرقت الباب ثم فتحته وعندما وجدت ناديه منهاره قفلت الباب وراءها واخدت ناديه بالحضن و الى ان هديت قليلا وخف نحيبها

شيري : ممكن بقي تهدى وتحكيلي في اايه انا قلبي فى رجلي قولى بقي ؟؟؟؟

ناديه وهى لازالت تتشحتف : مفيش حاجه حصلت .........................

شيري : يا سلام وانتى منهاره كده كنوع من التغيير مثلا انا سيباكى الصبح كويسه فى ايه حصل ؟؟؟؟؟؟

ناديه : ابدا اصلي قابلت احمد وحصل ..........

وبدأت ناديه تقص على شيري ما حدث ولكى تخفف شييري من وقع ماحدث قالت لها الاتى

شيري مبتسمه : والله مكنتش احسبك هبله كده يعنى انتى عايزه احمد يجى ويقلك بحبك وانتى بتحبينى ولا لا ؟؟؟ اكيد طبعا هيعرف انك هتقولى لالالالا او هفكر وارد عليك فليه يحط نفسه فى موقف الرفض لا هو عايز يتعرف عليكى وتتعرفي عليه قبل ما يقر بالارتباط ثم انتى بتقولى انه قال انه مهزوز ومش عارف يتكلم يعنى ممكن يكون فعلا مش عرف يوصلك كلامه صح وخصوصا انك غير كل البنات اللى هو قابلهم

ناديه عجبها كلام شيري ونظرت الى شيري وهى تسترجع ما قاله احمد وتقول

ناديه : فعلا هو قالى انه اول مره ميعرف يتكلم بالشكل ده

شيري : شوفتى ثم فى حاجه اسمها تسلسل الاول زملاء مفيش بينكم غير السلام والمحاضره فين ثم الصداقه المحترمه و معها يأتى تبادل المنفعه وهنا بقي افكرك بكلام احمد لما قالك انه عايزه يشوفك ويتكلم معاكى كل يوم يعنى عايز يتعرف عليكى اكتر

ناديه : مش عارفه حاسه ان فى حاجه غريبه مخوفانى انى اتقدم فى الموضوع ده

شيري من داخلها تحادث نفسها وتقول وانا كمان والله يا بنتى بس مضطره اجاريكى علشان حالتك النفسيه بس بس مش هسيبك يا ناديه الا وانتى ع بر الامان ان شاء الله

شيري : يا ستى انتى بس مش حاسه بقيمتك ثم انتى عارفه ليه هو مش عارف يتعامل معاكى لانه مقبلش واحده محترمه وفيها حاجات حلوه كتير زيك بنت بتخاف على نفسها وعلى سمعتها وعلى اهلها وبالتالى مش عارف يتعامل معاكى

ناديه : يعنى انتى شايفه كده ؟؟؟؟؟؟؟

شيري : اهه انا شايفه كده واكتر من كده المهم انا بقي عايزاكى تهتمى بنفسك الايام دى اولا تروحى بس الاول تغسلي وشك وهنتفاهم بعد الغدا على كل حاجه وعل .............

تتوقف شيري عن الحديث فجأه لانها سمعت صوت التيكتفون ينادى على ناديه محمود جالها تليفون :

ناديه قلبها يخفق بشده وتقول لشيري : ممكن يكون هو ارد ولا لا ؟؟؟؟

شيري : طبعا تردى انتى عايزه ياسمين تنزل ترد يالا اجري بسرعه

نزلت ناديه جرى ع السلالم وردت وهى تنهج : الووووووووو مين معاى ؟

أحمد : انا احمد ارجوكى مش تقفلي السكه عايزه اوضح حاجه واحده وبس

ناديه : خير على ما اعتقد ان كل شئ واضح

أحمد : لالالا انا والله غلطت ومش عارف ازاى طلعت مى كده ناديه بصراحه انا عايز اتقرب منك عايز اعرف انتى بتحبي ايه ومش بتحبي ايه عايزه اعرف ناديه بتفكر ازاى ؟؟؟؟؟؟

ناديه هيغمى عليها من وقع الكلام الجميل فان ما قاله احمد هو نفس ما قالته شيري اذن فهو يحبنى ولكنه لا يعرف كيف يتعامل معى لانى مختلفه ولابد ان أظل مختلفه

أحمد : ناديه انتى معاى ارجوكى ردى على ناديه ناديه

ناديه فى مكان تانى لا تفكر الا فى صوت احمد وهو ينادى عليها وكيف انه يريد ان يتقرب منها

احمد : ناديه انتى معاى ولا قفلتى

ناديه : انا اهه

احمد : ساكته ليه ؟؟؟؟؟؟ اتكلمى قولى حاجه

ناديه : حاجه زى ايه ؟؟؟؟؟؟؟؟

احمد : زى اى حاجه قوليلي موافقه تتعرفي على واتعرف عليكى ؟؟؟؟؟

ناديه : مش عارفه هتتضايق لو قالتلك انى محتاجه وقت افكر

احمد : طب اتصل بيكى كمان دقيقتين

ناديه : هههههههههه بتهرج دقيقتين انا محتاجه وقت اطول

أحمد : الله ضحكتك حلوه قوى طب نقول خمس دقايق

ناديه : لا بكره بعد المحاضرات عند معمل الفيزيا الساعه 4

احمد : بس بكره احنا بنخلص ع الساعه 2ونص

ناديه وهى تضحك : يعنى اجى والاخوه الاعداء معايا ؟؟؟؟؟؟؟؟

احمد : لالالالالالالالا يبقي بكره الساعه 4 انا مش عارف من الان لحد بكره الساعه 4 هعمل ايه هموت من التفكير

ناديه : لا ارجوك مش تموت استنى لبكره انا مضطره اقفل لان المكالمه طولت سلام مؤقت

أحمد : ناديه

ناديه : نعم

أحمد : i ...... u

ناديه : والنقط دى مكانها ايه ؟؟؟؟

احمد : انتى اللى هتقوليلي بكره الساعه 4 احط مكانها ايه ؟؟؟؟؟؟؟؟؟؟؟؟

ناديه : طب سلام بقي لحسن المشرفه بتقلي خلصي

احمد : اوك سلام مؤقت

ناديه : سلام مؤقت

قفلت ناديه السماعه ولم تستطع الصعود فجلست لترتاح قليلا على الانتريه بتاع الزياره ثم استجمعت قواها وطلعت فوجدت ياسمين فى الغرفه مع شيري

ياسمين : في حاجه يا ناديه مين كان بيتصل انا قلقت والله لانك كنتى لسه فى السنترال وشكلك كان مكتئب

ناديه : لا دانا اتصلت رد ت على اختى واتكلمت معاها فماما قلقت وقالت تتصل تطمئن على لكون محتاجه فلوس ومش قلت لاختى ممش اكتر

شيري كانت تنظر الى ناديه بوجهها المشرق والذي زالت عنه كل الهموم التى اثقلها تفكيرها احست شيري ان ناديه مفعمه بحيويه ونشاط وروحها الجميله رجعت كانت تحس بالقلب الذي يخفق بشده من فرط الفرح فعلمت انه كان احمد وانه اسمعها ما كانت تريده

شيري : طب احنا سخنا الاكل يالا ناكل وهنشوف هنعمل ايه هناكل ولالا

ياسمين : بيتهيألى الوقت راح مش هنعرف ننام فنقضيها مذكره بعد كوبايه الشاي بعد الغداء ايه رايكم

ضحكت ناديه وهى تنظر لشيري : طبعا اكيد شيري عايزه تنام وتنيمنى معاها صح ولالالالالا؟

شيري وهى تنظر لناديه نظره ذات مغزى : هو انا اقدر اقول لياسمينا لا اللى تقوله ياسمين يمشي ع الكل

ومشي باقي اليوم عادى غير ان ناديه لم تكن تركز فيما تقوله ياسمين الى ان جاء وقت النوم وهنا تحدثت مع شيري وحكت لها ماذا حدث بعد ان صعدت ياسمين الى حجرتها وهنا طبت ناديه من شيري ان تجهز لها طقم من عندها يكون شيك ومناسب ليها وبالفعل اختارت لها طقم شيك جدا وملائم مع ناديه وثم ذهبا ليناما ولكن شيري كانت متاكده ان ناديه استحاله ان تنام فهى ستفكر وتفكر فيما حدث

وغدا سانزل لكم بما حدث فى اليوم التالى عند الساعه الرابعه

الى اللقاء فى الحلقه القادمه ان شاء الله

[Damo]

'شيري من داخلها تحادث نفسها وتقول وانا كمان والله يا بنتى بس مضطره اجاريكى علشان حالتك النفسيه بس بس مش هسيبك يا ناديه الا وانتى ع بر الامان ان شاء الله'

نوووو يا شيري نوووووووو مش تجاريهااااااا

:lol: Better safe than sorry

[om marawan]

'شيري من داخلها تحادث نفسها وتقول وانا كمان والله يا بنتى بس مضطره اجاريكى علشان حالتك النفسيه بس بس مش هسيبك يا ناديه الا وانتى ع بر الامان ان شاء الله'

نوووو يا شيري نوووووووو مش تجاريهااااااا

Better safe than sorry

ترجمة اللى قالته دامو بالعربى " يابخت من بكانى "

حلو اوى يابوسى تصدقى انا قعدت اقول ليه نادية هتتصدم وبعدين رجعت قلت ماهو ازاى يعنى الدنيا تمشى عادى كده امال الناس هتتعلم ازاى

باسجل متابعة بس ماتتأخريش علينا عشان نعرف ايه اللى هيحصلها

[pocy]

'شيري من داخلها تحادث نفسها وتقول وانا كمان والله يا بنتى بس مضطره اجاريكى علشان حالتك النفسيه بس بس مش هسيبك يا ناديه الا وانتى ع بر الامان ان شاء الله'

نوووو يا شيري نوووووووو مش تجاريهااااااا

Better safe than sorry

ترجمة اللى قالته دامو بالعربى " يابخت من بكانى "

حلو اوى يابوسى تصدقى انا قعدت اقول ليه نادية هتتصدم وبعدين رجعت قلت ماهو ازاى يعنى الدنيا تمشى عادى كده امال الناس هتتعلم ازاى

باسجل متابعة بس ماتتأخريش علينا عشان نعرف ايه اللى هيحصلها

أم مروان وحشانى موت انى مقرك فين دلوقتى يارب تكونى وصلتى بالسلامه

ميرسي جدا لتشجيعك وبصراحه داموووووووووو عندها حق وشيري هيكون ليها دور كبير بعد كده يمكن هو مش واضح الان بس هيبان قريب جدا ومش تستغربوا ان الحكايه هتاخد مجرى جديد

اتمنة فعلا انها تكون عجباكم بس كلامكم بصراحه بيخلينى اكمل الحكايه

أم مروان عايزاكى شويه وكل البنات فى نون النسوه فى سؤال مستنيكم هناك

[pocy]

الحلقه "12"

توقفنا فى الحلقه السابقه عندما كانت ناديه تحكى لشيري عن الحوار الذي دار بينها وبين احمد قبل ان يناموا واليكم ما حدث لناديه وهى فى انتظار اليوم الثانى

حاولت ناديه ان تنام ولكن فرحتها بكلام احمد والاحاسيس والمشاعر الجياشه التى انتابتها من هذا الكلام وكيف انه مهتم بها حالت بينها وبين النوم و ولم يلبث ان تدخل عقلها وحاول

ان يفوقها مما هى فيه واليكم ما كان يدور فى عقل ناديه

ناديه : انا مش مصدقه اشهر واحد فى الجامعه بيحبنى انا

عقل ناديه : متفرحيش قوى كده انا حاسس ان فى حاجه غلط

ناديه : ارجوك سبنى افرح باللحظه الحلوه دى

عقل ناديه : هل انا خزلتك قبل كده فى اى موقف قبل كده مش انا اللى دايما جنبك ؟؟؟؟

ناديه : نعم انت معى دائما ولكن ارجوك اترك قلبي يعمل ولو لمره فى حياتى كفايه كده انا فكرت بعقلي كتير سبنى ولو مره افكر بقلبي

عقل ناديه : ازاى عايزانى اسيبك وانا حاسس انك بتجرى ورا وهم الواد مأكد عايز منك حاجه

ناديه : عايز منى ايه ؟؟؟ اى حاجه عايز ياخدها موجوده فى بنات كتير

عقل ناديه : طيب ليه اختارك انتى ؟؟؟

ناديه : لانى مختلفه

عقل ناديه يسخر منها ضاحكنا مستهزاءا : هههههههه وايه بقي وجه الاختلاف لبسك اللى فى العاده مش لايق على بعضه ولا عيونك اللى لبسه فوقيها نظاره كعب كوبايه ؟؟؟؟؟؟؟؟ لالالا

ولا ممكن يكون حابب فيكى اسلوبك الراقي ولا .........

ناديه : كفايه كده انت السبب فى انى مش واثقه فى نفسي انت السبب انى حاسه انى ضئيله قدام اى حد :blink:

عقل ناديه : عارفه انتى فعلا مختلفه عارفه مختلفه في ايه ؟؟؟

ناديه : فى ايه ؟؟؟؟؟؟؟؟

عقل ناديه : في انك غبيه ومش قادره تفهمى الفارق بينك وبينه ده واحد لما بيبقي عايز حاجه من بنت عارف ايه الطريق اللى ممكن يسلكه انا نصحتك ابقي افتكرى انى قلتلك انه بيلعب

عليكى

ناديه : كفايه كده انا مش هتكلم معاك تانى عقدتنى انا هفكر فى بكره وايه اللى مستنينى فيه انا هفكر فى احمد وانا بخليه يعترفلي ويعترف ليك انه بيحبنى من كل قلبه انا مصدقاه قوى

وعايزه اصدقه قوى قوى كمان

وهنا بدات ناديه فى تفكيرها الحالم في كيف سيكون اللقاء كيف سترد عليه واليكم ما حدث في يوم غد

ناديه الساعه الرابعه تنتظر عند معمل الفيزيا من ناحيه حديقه كليه تجاره وفى الساعه الرابعه وعشر دقائق جاء احمد

ناديه : اتاخرت يا بشمهندش ؟؟؟ انا كنت همشي

أحمد : انا متاخرتش ولا حاجه الساعه 4 بالضبط ومستنى من ناحيه كليه الهندسه فقلت انك انتى مش هتيجي فقلت ابص عليكى من هنا وارجع تانى مكانى

ناديه : اوك مفيش مشكله

احمد : ها اخبارك ايه تعرفي ان طول الليل امبارح وانا بفكر فى اللى هتقوليه وخايف جدا وكان عندى امتحان وبصراحه مش اى امتحان ده اختبار حياتى كلها

ناديه : مش للدرجه دى لتغر ولا حاجه

أحمد : لا انتى لازم تتغري تعرفي انك بقيتى مختلفه وخصوصا طريقه لبسك الايام دى وبجد الاستيل ده لايق عليكى جدا انتى مكنتيش كده وكمان غيرتى طريقه لفتك للطرحه خليت وشك

يظهر اكتر ويبان جماله اكتر واكتر

ناديه : مش بقولك انا كده هتغر ومش هتعرف تتكلم معايا تانى

أحمد : قوليلي بقي قلتى ايه؟؟؟ موافقه ولا ...........؟

ناديه : على ايه ؟؟؟؟؟؟؟؟؟

أحمد : بتهرجى على كلامى فى التليفون

ناديه : فكرنى كده ......؟

أحمد : ماشي يا ستى انا قلتلك انى عايزه يتقرب لناديه واعرف عنها كل حاجه وعايز ناديه تعرف عنى كل حاجه وتقرب منى شويه شويه ؟؟؟؟

ناديه : ممكن سؤال قبل ما ارد عليك؟؟؟

أحمد : لالالالا انا عايزك تردى بس لو هو ده هيفرق انا موافق على السؤال؟؟؟

ناديه : ليه انا ؟؟؟؟؟

أحمد : لانك مختلفه حاسس فيك بحاجه جميله بتشدنى قوى ليكى حاسس ان انتى اللى بدور عليها بس عايز اعرفك اكتر علشان اتاكد

ناديه : طب ايه اللى خلاك فجأه الموضوع كله ماخدش يومين ولا تلاته وخايفه نكون بنستعجل حاجه مش موجوده على اساس صلب

احمد : انا اللى محتاجه علشان اعرف انها انتى اللى بدور عليها عرفته و عايز اتاكد منه المهم انتى موافقه ولا لا ؟؟؟؟؟

ناديه : حاسه انى محتاجه افكر

احمد : بتهرجى تفكرى فى ايه هو انا للدرجه دى مليش ولو جزء بسيط فى تفكيرك ؟؟؟؟

ناديه : احمد انتى الان بالنسبه لي زميل ولما افكر معناه ا انى عايزاك تكون اكتر من كده بس انا عايزه اتاكد انك مش اخطأت العنوان حتى لا اترك مشاعرى تجاهك

احمد : ارجوكى سيبي قلبك يختار ومش تفكرى بعقلك الحب طعمه جميل انتى بس سيبيه وانتى هتعرفى انا بحبك أد ايه انا بحب التراب اللى بتمشي عليه بناديه بغير عليكى من اصحابك

بحس انهم اعدائي ومش عايز حد يكون معاكى غير انا عايز احس انك ملكى انا جربي طعم الحب وانتى مش هتندمى وخصوصا انى بحبك والله العظيم بحبك

شيري : ناديه .... ناديه اصحى ايه يا بنتى مش سمعه المنبه

ناديه : هو رن انا مش سمعته خالص

شيري : غريبه دانتى اللى بيتحرك جنبك بتصحى عليه هههههههههه وتقوليلي فلان ماشي بره الاوضه ههههههههههههههههههه

ناديه : اصلي كنت بحلم حلم جميل ومكنتش عايزه اقوم

شيري : هنيالك ياعم احمد طب يالا قومى علشان تلحقى وانا هروح اعمل الشاي

وهنا قامت ناديه وهى مبسوطه بمما حلمت بيه وتتمنى ان يقول لها نفس الكلام الجميل ده

ونتابع معا اللقاء كاملا فى الحلقه القادمه ان شاء الله

[Howayda Ismail]

تصدقى والله كنت حاسة انه حلم قبل ماكمل قراءة لان واحدة فى شخصية نادية لن تتباسط فى الحديث كده مع

واحد زى احمد وياخوفى يابدران ان أحمد ده يطلع فى الاخر ولابلاش الحلقة التانية امتى

[ساره احمد]

ازيك يابوسو عاملة اية

يالهوى هو دة حلم؟ انا حاسة ان الواد احمد دة هيطلع مصيبة

مستنية الباقي

[pocy]

الحلقه "13"

استيقظت ناديه من الحلم الجميل واللى مكنتش عايزه تصحى منه ابدا ثم ذهبت لتغسل وجهها وتصلي الضحى وترجع الى الغرفه لتجد شيري تحضر لها طقم خروج من عندها وتكوى

الطرحه الخاصه بهذا الطقم وقالت شيري لناديه :

شيري : ايه رايك يا ناديه فى الطقم ده هيبقي عليكى خطير جدا

وكان عباره عن جيبه بيضاء واسعه شيفون وعليها بدى ابيض وجيليه (صديري) بنى وطرحه بيضاء بزخرفه بنيه وبندانه بيضاء

ناديه : جميل جدا طبعا

شيري : طب يالا علشان الطرحه هتحتاح وقت تتظبط فيها

ناديه: طيب

وبعد لحظات ارتدت ناديه الطقم وبدأت شيري فى تظبيط الطرحه وكانت تقول لناديه

شيري: عقبال ما البسك وانتى عروسه يارب وافرح بيكى وبعيالك

ناديه : مش قبلك يا قمر انا مش عارفه انتى ليه لحد الان مش ارتبطى بحد مع ان فى ناس حاولت كتير تتقرب منك بس ليه انتى رفضتيهم مش عارفه

شيري : انا شايفه ان اللى يستاهلنى لسه مجاش ولو حسيت انه جه همسك فيه بايدى واسنانى يارب عجل بيه يارب

ناديه : ان شاء الله ياقمر

شيري : اتعدلى بقي علشان الطرحه تتظبط ايوه كده بسم الله ماشاء الله عليكى يا ناديه ايه النور ده بجد وشك جميل قوى وصافي

ناديه : متحرجنيش بقي تعرفي انا حسيت ان الراحه النفسيه والتغيير بيخلي الواحد فى حاله جميله جدا تعرفي ان الكل ملاحظ على التغيير

شيري : علشان اقولك انك مش محتاجه اى حاجه غير انك تبقي واثقه من نفسك مش اكتر

ناديه : فعلا عندك حق

شيري : بصي يا ناديه مش تزعلى منى بس انتى عارفه انا بحبك اكتر من اخت لي انا عايزه اقولك ان اى شاب لما بيحس ان البنت مدلوقه عليه بيحس انها سهله ومش هيتعب معاها وطول

ما هو تعبان ومش قادر يوصلها بسهوله بيتمسك بيها اكتر علشان كده بقولك مش تبسطى علاقتك باحمد خليها صعبه وغامضه عايزاكى مره تشدى ومره ترخي لحد ما تحسي فعلا انه عايز

يرتبط بيكى ومش اخدك تحدى ليه ان اى بنت ممكن باشاره منه تجى جرى وكل ماخرتى كلمه بحبك كل ما كان افضل ليكى ناديه اوعى تزعلى منى انا عايزه مصلحتك

ناديه : استحاله ازعل منك انا كمان من رايك والنهارده لما اكلمه مش هقوله على اللى في بالي ولا حاجه ومش هريحه الا لما اشوف اخره

شيري : ايه العقل ده بس ياربي

ناديه :علشان تعرفي بس انا كده من زمان

ياسمين بتخبط وبتنادى على ناديه ...............

شيري : ثوانى

وتضع بسرعه زبده كاكاو لناديه وتضع كحل فى عيونها ثم تفتح الباب لياسمين التى يظهر عليها المفاجأه من زى ناديه وجمالها

ناديه : يالا بينا امال فين ايمان ؟؟؟؟؟

ياسمين : لا ايمان مش هتحضر اصلها تعبانه مانتى عارفه النهارده ميعادها

ناديه : اهه الله يعينها طب اديتيها المسكن ولالا ؟؟؟

ياسمين : اهه اديتهولها ولو قدرت تيجي هتيجى لو مش قدرت احنا هنعتذرلها ان شاء الله

ناديه : طيب يالا نمشي مش عايزه حاجه يا شيري ؟

شيري : لا مع الف سلامه

ياسمين تسال ناديه وهى تنظر اليها

ياسمين: ناديه عايزه اسألك وتقوليلي بصراحه ؟

ناديه : اسألى ؟

ياسمين : انا حاسه انك متغير ه جدا الايام دى بس مش عارفه ليه

ناديه: متغيره إزاى يعنى وللاحسن ولا الاوحش؟

ياسمين : ابدا يعنى مش كنتى بتلبسي لبس شيري قبل كده ولا بتحطى كحل ولا رووج

ناديه: طب وهو ان الواحد يهتم بنفسه دى حاجه وحشه ؟؟؟؟ وكمان انا كنت بحط كحل من زمان بس مكنش بيبان لانى كنت بحطه غلط وشيري علمتنى احطه ازاى وجابتلى نوع كويس

وطبي ودى سنه عن الرسول وانتى عارفه انا مش بحط رووج خالص دى زبده كاكاو علشان شفايفي مش تشقق وتوجعنى وده صحى برضه

ياسمين : طيب سيبك من ده انتى طول المحاضرات بتبقي سرحانه ومش مركزه وكمان لما بنيجي نزاكر بتبقي مش مركزه حاسه ان فى حاجه مغيراكى

ناديه : فعلا انا كمان حاسه انى متغيره يا ياسمين بس حاسه انى بتغير للاحسن مش للاوحش وبالنسبه للتركيز لان فى موضوع شاغلنى عندنا فى البيت ومضايقنى شويه وبفكر فيه

ياسمين : خير ؟؟؟ قلقتينى ............!!!!!

ناديه : ابدا ..... لما اسافر واعرف هبقي اقولك

ياسمين : طيب بس ابقي طمنينى فى البيت لما نرجع وانا هتصل اطمن عليكى

ناديه : طيب

ووصلوا لقاعه المحاضرات وكل ملاحظ تغير ناديه المفاجئ والكل يشدوا ويغنى بتغير ناديه وما هو نوع الماسك المستخدم للتفتيح وو سر الاهتمام الفجأئي وكانت واحده منهم اقتربت من

الحقيقه وقالت احنا بنحب ولا ايه ؟؟؟؟؟ اعترفي ولكن ناديه كانت تاخد الامر بهزاروكانت ناديه تلمح احمد الذي كان من الواضح جدا عليه انه ينظر اليها طول فتره اليوم ويلاحظ كل تحركاتها

الى ان جاء رمضان زميلهم وطلب من ناديه كشكول محاضرات دكتور شعبان ووقف يتحدث معها اذاا كانت هتسافر هذا الاسبوع ام لا واجابت بالنفي له حتى لا تضطر ان يحجز لها معه فى

اتوبيس السفر وكان اليوم بالنسبه لكل من احمد وناديه طويل لا يخلص الى ان اتت الساعه 2ونص وذهبت ناديه مع البنات فى المدينه واتغديت وقالت انها ستنام وبعد ربع ساعه

خرجت ناديه وذهبت للكليه مره اخرى وعند معمل الفيزيا وجدت احمد ينتظرها هناك

ناديه : السلام عليكم

أحمد : وعليكم السلام انتى اتاخرتى ولا انا اللى بيتهيألى

ناديه: لا بيتهيألك

احمد : اليوم كان طويل مش عارف ليه وكنت عايزه يجرى لحد ما تيجي الساعه 4

ناديه : لا اليوم كان عادى جدا بالعكس ده مشي بسرعه

أحمد : طيب ممكن اقول حاجه ومش تزعلى منى ؟

ناديه : هزعل اكيد لو بتزعل بس فضولى عايز يعرفها

أحمد : انتى جميله قوى النهارده

ناديه : طيب

احمد : زعلتى ؟؟؟

ناديه : لا ازعل ليه مش حاجه تزعل دى

أحمد : طب انا سيبتك تفكرى من امبارح مش هتقوليلي ردك ؟؟؟؟

ناديه : انا فعلا فكرت وردى عليك انى محتاجه اعرفك قبل ما اخليك تعرفنى

أحمد : طب يعنى موافقه ؟؟؟

ناديه : موافقه على ايه؟؟؟

أحمد : على اننا نتعرف على بعض و نرتبط

ناديه : معلش مممكن سؤال ؟؟؟؟

احمد : اتفضلي

ناديه : يعنى ايه كلمه الارتباط بالنسبه ليك ؟؟؟

احمد : اننا نتعرف على بعض كانها فتره خطوبه بس غير رسميه

ناديه : انا لو عملت كده يبقي بخون ثقه اهلى في وحاجه زى دى مستحيل اعملها من نفسي انا مش عايزه اعقدها واقولك اقول لماما وانت تتصل بيها وتكلمها علشان ابقي انا فى السيف

سايد وكمان علشان اقدر اكلمك مع قدام اى حد بدل مانا حاسه انى بعمل حاجه غلط وبلتفت حولى يمين وشمال خايفه حد من بتوع المدينه يشوفنى وكانى بسرق حاجه مش ملكى

أحمد : تعرفي ان كلامك ده بيزيدك عندى احترام وتقدير وتعرفي انك اول واحده تقولى حاجه زى كده ناديه انا هحترم رغبتك بس برضه مقدرش اتصل بماماتك واقولها حاجه زى دى وانا مش على

استعداد ليها الان بس ارجوكى اسمعى كلامى لللاخر ممكن ؟

ناديه : اتفضل....................

احمد : انا بصراحه عايز اتاكد من انى بحبك ايوه يا ناديه انا بقالى فتره متبعك عايز اعرف انتى ايه حاسس انك لذيذه ودمك خفيف منكرش ان فى اجمل منك بس انتى جمالك حقيقي مش صناعى فيكى حاجه بتجذبنى ليكى ومش عايز اخسرك ممكن؟؟؟؟؟

ناديه : طب والحل؟؟؟؟

احمد : خلاص احنا مش هنتقابل انا هكلمك فى التليفون ونتعرف على بعض وعلشان مش اضايقك فى المدينه انتى اتصلي بي كل يوم الساعه 11 بالليل وده كارت ميناتل انا عارف ان

المدينه من تحت فيها كارت ميناتل فى مشكله لو كلمتينى ؟؟؟؟

ناديه : لا انا معاى كارت ومش محتاجه بتاعك خليه معاك ومش عارفه اذا كنت هتصل ولا لا ؟

أحمد : طب الورقه دى فيها رقمى وفيها كلام انا مش قادر اقولهولك دلوقتى وفيها سؤال في الاخر منتظر منك اتصال تقوليلي فيه الاجابه

ناديه : احتمال تستنى كتير واحتمال لالالالالالالالا انا هصلي استخاره واشوف وربنا ييسر اللى فيه الخير انا مضطره امشي سلام

أحمد : لا ارجوكى خليكى معاى شويه

ناديه : لا زم ارجع علشان مش اتاخر اكتر من كده

احمد : طب مستنى اتصالك ضرورى ارجوكى مش تسبينى كده لانى بجد مش هعرف انام الا لما تكلمينى ........................

ناديه : ربنا يسهل

احمد : سلام مؤقت يا اجمل من رأت عينى

ناديه : بابتسامه خفيفه سلام

وضعت ناديه الورقه فى الشنطه وكانت تعدو الى المدينه حتى تصل هناك وتفتحها وتعرف ماذا بداخلها وعندما وصلت للمدينه وجدت شيري بالحجره فاستاذنتها ان تذهب للحمام وترجع

تحكيلها وذهبت ناديه ومعها الورقه حتى تقراها بمفردها لتعيش احلى اللحظات ولا يشاركها احد فيها ........................

ياترى ايه اللى مكتوب في الورقه ده بقي فى الحلقه الجايه وياترى من وجه نظرك ناديه بنت محترمه ولالا وهل اخطأت وهل هتتصل بالتليفون ولالالالالا؟؟؟؟؟؟

منتظره توقعاتكم ان شاء الله

[pocy]

تصدقى والله كنت حاسة انه حلم قبل ماكمل قراءة لان واحدة فى شخصية نادية لن تتباسط فى الحديث كده مع

واحد زى احمد وياخوفى يابدران ان أحمد ده يطلع فى الاخر ولابلاش الحلقة التانية امتى

يا قمر كانك بتكتبى معاى بالضبط بس ساعات الشاب بيكون غلبان واللى بيحصل فيه مش طبيعي وبجد ميرسي جدا على متابعتك بتفرحينى لما تقولى رايك

ازيك يابوسو عاملة اية

يالهوى هو دة حلم؟ انا حاسة ان الواد احمد دة هيطلع مصيبة

مستنية الباقي

ساره حبيبه الملايين ازيك ياقمر واخبار المذاكره ايه ربنا يوفقك ياقمر يارب اللهم امين

والبقيه تأتى ن شاء الله وربنا يهدى على عمر وابو عمر

[pocy]

؟؟؟؟؟؟؟؟؟؟؟؟؟؟؟؟؟؟؟؟؟

[Mr MAGED]

عنصر التشويق بيزيد من حلقة للتانية

اما انشوف عم أحمد ده هيودينا لفين .... يا خووووووووووفي

تسجيل متابعة

تحياتي

[HanaaOsama]

ايه ده يا بنتي اروح المصيف و ارجع الاقيكي بتالفي قصص

بس جميله والله استمري

بس رجاء يا ريت تكتبي الحلقات بسرعه عشان الانتظار وحش ;)

او بصي ابعتيلي المختصر علي الايميل :blink:

[Damo]

الحلقه "13"

احمد : خلاص احنا مش هنتقابل انا هكلمك فى التليفون ونتعرف على بعض وعلشان مش اضايقك فى المدينه انتى اتصلي بي كل يوم الساعه 11 بالليل وده كارت ميناتل انا عارف ان المدينه من تحت فيها كارت ميناتل فى مشكله لو كلمتينى ؟؟؟؟

اووووت خلااااص طلعت اووووووووت...يا بوسي إزاي 11 بليل ونيته كويسه؟؟؟! وميناتل وحركات .

لالا كان المفروض تقطع من هنا من رأيي.

[mekkawy]

ايه هو أحمد اتحبس في شئون الطلبة ولا ايه

و شكلها ياسمين خلصت على نادية بعد التسيب ده كله

خير يا عم عمر .. ماما فين ؟ :D

يا رب يكون الكل بخير

مكاوى