أسرار البنات والمدينه الجامعيه

[pocy]

الحلقه 14

دخلت ناديه الى الحمام حتى تقرأ ما في الورقه بمفردها وعندما قرأتها احست انها قد يغمى عليها من وقع الكلام المكتوب بها فلقد كان كلاما جميلا يحمل العديد من المعانى ولكن ياترى

كيف سأرد على السؤال هل ساتصل به ام لالالالالالالالالالالالالالالا

انا فى حيره كبيره من امري ساخبر شيري وارى ماذا ستقول لى ؟؟؟؟؟؟؟؟

ناديه تذهب الى الحجره وتجد شيري فى انتظارها وعلى احر من الجمر لتبدا شيري الحوار

شيري : ها احكيلي احكيلي انا مش رضيت انا م الا لما اعرف حصل ايه

ناديه : ابدا مش كتير وحكتلها اللى حصل ثم اعطتها الورقه لتقرأها وكانت فحوى الورقه كالاتى

""

ناديه ..........اه اسمك جميل جدا وله رنين فى اذنى لا اعرف كيف سابدأ كلامى هذا ولكنى ساتكلم حاولت كثيرا ان ارتب افكارى وانا اكلمك ولكى وجدت ان هذا مستحيلا فانا انسي كل

شئ ولا افكر الا بانى معك ففكرت ان اكتب ما يدور فى بالى حتى لا يذهب بعيدا اتعلمين انى اليوم اكتشفت انى اغير عليك نعم والله العظيم باغير عليكى لما شوفتك وانتى بتكلمى رمضان

حسيت انى عايزه اعرف انتوا بتقولوا ايه وحسيت اكتر انى عايز انزل اضربه واقوله لا دى ملكى انا نعم يا ناديه فانا احس انك ملكى انا ولا اريد ان يتكلم معك احد ولواطول ان اضغك فى قفص

ذهبي لوضعتك حتى تكونى معى نعم معى انا فقط ناديه انا اغير عليك من كل من حولك اغير عليك من كل اصدقائك واقرب الاقربين لكى من اخوكى واختك وعائلتك اجمع اتمنى ان اكون

بجانبك طوال الوقت لم اذق طعم الحب الحقيقي الا عندما تعرفت عليكى نعم فانتى الان اصبحتى كل شئ لي فى الدنيا ولا اريد غيرك

ناديه سأسألك سؤالا ومنتظر منك الاجابه اليوم ناديه هل انتى تحسي باي مشاعر تجاهى أم لالالالالالالالالالالالالا؟

ارجوكى اخبرينى وانا بانتظار ردك

ورقم تليفونى هو 3659823

أحمد عاشق ناديه

""

بعد ان قراتها شيري لم تستطع ان تتكلم وفكرت كثيرا فى كل الحلول المناسبه وغير المناسبه ووجدت ان ناديه لو اتصلت به ممكن ان تنزل من نظره ولم تقل شيئا

ناديه : ايه ي ا بنتى انتى فين

شيري : انا هنا

ناديه : ها يا فيلسوفه اعمل ايه ؟؟؟؟

شيري : لا انا مش مطمنه حاسه ان فى حاجه غلط ثم انا حاسه ان بيستعجل الامور جدا

ناديه : ازاى ؟؟؟؟؟ بيستعجلها

شيري : مش عارفه بس فى حاجه مضيقانى ومححسانى ان فى حاجه غلط ارجوكى يا ناديه مش تتصلي بيه

ناديه : طب انا برضه خايفه ومش عارفه بس اقولك الصراحه انا نفسي اكلمه جدا

شيري : لالالالالالالالالا كده انتى هتضعفي قدام كلمتين واحنا لسه بنقول يا هادى

ناديه : طب بصي انا مش هتصل بيه واشوفه هعمل ايه

شيري : عين العقل كده افضل ولو فلا بيحبك هيستنى الاتصال العمر كله

ناديه : يالا ننام

شيري : لا خلاص عدى وقت النوم شويه وهتلاقي ياسمين جت تعالى نشرب شاي ونروق الاوضه ونبقي ننام بدرى

ناديه : طيب

وبعد عده ساعات وفى حدود الساعه 9 مساءا جاء تليفون لناديه فابتسمت لى ونزلت لترد

ياسمين : شيري هو فى ايه عند ناديه فى البيت

شيري : الله اعلم ليه هى قالتلك حاجه

ياسمين : لالالالا بس انا مستغربه اتصالتهم الكتيره فى الفتره دى وكمان ناديه اتغيرت شويه مش ملاحظه

شيري : طبعا ملاحظه هابقي اشوف الموضوع واقولك

ناديه : السلام عليكم

شيري : خير يا ناديه فى حاجه

ناديه : لا دا اخويا محمد بيطمن على وكان عايزنى اتصل بماما فى البيت لانه بيتكلم من السنترال

شيري : طب قالك ليه ؟؟؟؟؟؟

ناديه : لالالالالالالالالا مش قالى وواضح انه ميعرفش

ياسمين : طب خلاص المدينه قفلت معاكى كارت ميناتل ولا اجبلك بتاعى

ناديه : اه معاى هبقي اكلمهم بالليل الساعه 11

شيري حست ان فى حاجه واضايقت ان ناديه غيرت رايها وهتتصل بيه وقالت لما تطلع ياسمين ابقي اشوف الحكايه وبعد ساعتين طلعت ياسمين لان ناديه عايزه تنام ثم حدثت شيري عن

ما حدث بالتليفو ن

ناديه : طلع احمد اللى بيكلمنى وبياكد على انه مستنى اتصال منى ضرورى وانا قلتله هحاول وبيتاكد انا قريت الورقه ولا لا وانه كان عايز يسمع صوتى

شيري عندها احساس وحش جدا ان فى حاجه وحشه هتحصل وقررت انها تنزل مع ناديه لتتابع الحوار معها وتشوف ايه اللى هيحصل وعندما نزلوا الساعه 11 وجدوا ان البنات واقفين بالدور على كابينه ميناتل وطبعا مش وافقت انها تتصل وجنبها كل البنات دى فطلعت وقررت انها مش هتتصل وطبعا ده فرح شيري جدا جدا

وفى صباح اليوم التالى ذهبوا البنات للجامعه وهناك وبعد اول محاضره جاء احمد لناديه يطلب منها كشكول المحاضرات لدكتور نبيل ولكنها قالت انه ليس معها الان فقال لها اذا لم تكونى محتجاه فممكن تضعيه فى معمل الفيزيا قصدى مكتبه اسلام وانا هاخده من هناك الساعه 4 ان شاء الله وهاجيبه بكره

فهمت ناديه انه قصده انه هيقابلها بكره الساعه 4 عند معمل الفيزيا

وفى الساعه الرابعه كانت ناديه تقف عند معمل الفيزيا منتظره المهندس احمد والى كان شايط جدا جدا جدا ودار بينهم الحوار الاتى

الحوار بقي فى الحلقه الجايه

[pocy]

عنصر التشويق بيزيد من حلقة للتانية

اما انشوف عم أحمد ده هيودينا لفين .... يا خووووووووووفي

تسجيل متابعة

تحياتي

ميرسي جدا يا اخى الفاضل واتمنى انها تكون دايما كده وتعجبك ان شاء الله

ايه ده يا بنتي اروح المصيف و ارجع الاقيكي بتالفي قصص

بس جميله والله استمري

بس رجاء يا ريت تكتبي الحلقات بسرعه عشان الانتظار وحش

او بصي ابعتيلي المختصر علي الايميل :sad:

اه ايه رأيك بقي يا نونه يا مسهل يارب تعجبك

هابقي اكملهالك على الميل

الحلقه "13"

احمد : خلاص احنا مش هنتقابل انا هكلمك فى التليفون ونتعرف على بعض وعلشان مش اضايقك فى المدينه انتى اتصلي بي كل يوم الساعه 11 بالليل وده كارت ميناتل انا عارف ان المدينه من تحت فيها كارت ميناتل فى مشكله لو كلمتينى ؟؟؟؟

اووووت خلااااص طلعت اووووووووت...يا بوسي إزاي 11 بليل ونيته كويسه؟؟؟! وميناتل وحركات .

لالا كان المفروض تقطع من هنا من رأيي.

والصدمه فى الحلقه 16 انتى ليه مستعجله على رزقك اصبري شويه ياقمر

ايه هو أحمد اتحبس في شئون الطلبة ولا ايه

و شكلها ياسمين خلصت على نادية بعد التسيب ده كله

خير يا عم عمر .. ماما فين ؟ :partytime:

يا رب يكون الكل بخير

مكاوى

لالالالا ما ساب الشئون وراح معمل الفيزيا بقاله يومين اهه

ياسمين لسه مش شمت الموضوع وربنا يسها والبقيه تاتى ان شاء الله

[Damo]

على فكره يا بوسي ده تعذيب

أنام أنا إزاي النهردة!!!!

تم تعديل 13 يوليو 2010 بواسطة Damo

[Howayda Ismail]

ازيك يابوسى

انت مش معايا ان رغم خبرة احمد فى الحاجات دى الا انه تصرفات المراهقين اللى بيعملها وراها ( ان)

[pocy]

على فكره يا بوسي ده تعذيب

أنام أنا إزاي النهردة!!!!

ازيا يا قمر انا عايزاكى تنامى وتشبعى نوم وكمان انا هنزل حلقه على اخر اليوم علشان تستعدى لحلقه بكره ان شاء الله

ازيك يابوسى

انت مش معايا ان رغم خبرة احمد فى الحاجات دى الا انه تصرفات المراهقين اللى بيعملها وراها ( ان)

برافووووووووووووووووووووووا ياقمر

انا احب الناس الى تفهمها وهى طايره استنى حلقتين بس و هيظهر كل شئ

[ساره احمد]

حلقتين اية بس يابوسي ياشيخة؟ بصي انت ادى لعمر منوم واكتبى كام حلقة كدة

اية رايك بقييييييييييييييييييييييييي؟

[pocy]

الحلقه 15

توقفنا فى الحلقه الماضيه ان احمد طلب من ناديه الاتصال به بالليل على رقم التليفون والحمد لله نزلت ناديه لتحاول الاتصال به

ولكن لقيت ان التليفون زحمه جداجدا وتانى يوم حاول احمد ان يكلم ناديه ولكن على المتغطى علشان محدش يفهم الا هى وفعلا فهمت الرساله انه هيستناها الساعه 4

عند معمل الفيزيا وذهبت ناديه لتجده مستشيط غضبا وده طبعا لانه مش متعود يستنى حد على التليفون هو يدى الميعاد وهم يتصلوا على طول ولكن ماحدث كان العكس وانتظر وانتظر

الى ان نام وكان ناوى يوريها وكان هذا الحوار اللى دار بينهم

احمد : انا استنيتك امبارح لحد الساعه 1 بالليل ومش اتصلتى ممكن اعرف ليه مش اتصلتى ؟؟؟؟

ناديه : لسبب بسيط جدا ان التليفون كان زحمه جدا ومش عرفت اتكلم وكان عليه دور كان دورى ممكن يجى الساعه 2 بالليل

احمد : خضتينى يا شيخه كنت بحسبك طنشتينى

ناديه : مانا برضه كنت هطنشك بس صعبت على فقلت ابص بصه عند التليفون وحظك طلع كده بقي

احمد: طب يالا ردى لى سؤالى

ناديه : انسي ياعمر

احمد : ليه بس ؟؟؟؟ انا من امبارح وانا عايزك اسمعك وانتى بتردى على

ناديه : صعب انى اقول اى حاجه وانت قدامى وبتبصلي

احمد : طب ما تكتبيها وتديهانى

ناديه : لا صعب برضه

احمد طب انا هودى وشي الناحيه التانيه وانتى قولى

ناديه : اصل انا مشاعرى تجاهك متلخبطه مره احس انى عايزه اقرب منك ومره تانيه احس انى لا زم ابعد عنك ومش عارفه

احمد : ناديه انا بحبك بجد

ناديه : .............. :closedeyes:

احمد : مش هتردى ..............

ناديه : ارد اقول ايه ؟؟؟؟

احمد : انك بتحبينى انا كمان

ناديه : صعب اقول حاجه انا مش متاكده منها

احمد : كل ده ومش متاكده من حبي ليكى

ناديه : لا انا حاسه فعلا بيك بس مش قادره احكم هل بحبك ولا مهتمه بيك ولا ايه بالضبط

احمد : ارجوكى سيبي قلبك بقي اللى يرد وكفايه تفكير في كل كلمه بطلعيها

ناديه : مقدرش عقلي هو اللى يطلع منى اى حاجه

احمد : ناديه يعنى افهم من كده انك مش بتحبينى طب انا مضطره امشي بقي وكفايه كده واوعدك انى مش هضايقك تانى سلام

ويمشي احمد ويترك ناديه قلبها يذرف دمعا على ما قاله ولا تدرى ماذا تقول وكانت تقول فى نفسها

يارتنى كنت قلتله انى بحبه وبعشق التراب اللى بيمشي عليه وذهبت الى المدينه وهى تجر ذيل الخيبه ورائها وما ان وصلت للحجره

ووجدت شيري حتى ارتمت عليها وهى منهاره وما لبثت ان هدأت وحكت لشيري ما حدث ولا تعرف ماذا تفعل

شيري : عايزه رايى بصراحه انسي الواد ده هو مستعجل علي ايه وكمان انا حاسه انه ملزق كده وبمجرد ما تقوليله انك بتحبيه هيتكبر عليكى وانتى اللى هتجري وراه تلاقيه بيعمل كده مع كل

البنات صدقينى يا بنتى هو من النوع ده اللى بيخلي البنت تجرى وراه بعد ما يوصل لمنطقه معينه

ناديه : انا مخنوقه قوى وتنهار مره اخرى

شيري : خدى دش دافي وتعالى نامى وان شاء الله لما تصحى نبقي نفكر ولو ان الموضوع مش محتاج تفكير

وبعد ساعه لم تعرف ناديه طعم النوم فخرجت من المدينه وعلى اول كابينه ميناتل واتصلت باحمد لترد والدته فارتبكت ناديه ولم تعرف تغلق التليفون فردت

ناديه: لو سمحتى ممكن اكلم احمد

والده احمد: اقوله مين ؟؟؟

ناديه : زميلته فى القسم

والدته : وزميلته دى ملهاش اسم ؟؟؟؟وتضحك

ناديه : لا طبعا ليها ناديه

ثم تنادى والده احمد ع احمد وبتقوله كلم واحده اسمها ناديه قالها هرد من الاوضه اقفلي عندك

احمد : الووووووووووو

ناديه : الوووو

احمد: فى حاجه يا ناديه

ناديه : لا حبيت اقولك انى مكنش مفروض تمشي

احمد : كان لازم امشي لانى حسيت انى تقيل عليكى قوى ومش عايزه تكلمينى فقلت كفايه كده وبلاش اضايقك اكتر من كده

ناديه : ومين قالك انك ضايقتنى

احمد : مانتى مش عايزه تطمنينى ولا تقوليلي حتى انك موافقه على ارتباطنا ولا كلمه واحده تحسسنى انى قريب منك

ناديه : طب عايزنى اقولك ايه وانا اقول

احمد : لا انا عايزك تقولى اللى على بالك

ناديه : I NEED UR LOVE

احمد : بجد انا مش مصدق اخيرا يابنتى قوالتيها انا مش مصدق نفسي ارجوكى قوليها تانى

ناديه : لا انا مضطره اقفل علشان فى واحد عايز يتكلم فى التليفون ومستنى من بدرى ومحروجه اتكلم قصاده كده

احمد : طب انا هتصل بيكى فى المدينه كمان شويه

ناديه : طيب هستنى اتصالك

احمد : سلام يا نيدووووو

ناديه : سلام

وبعد دقائق كانت فى المدينه تنتظر اتصال احمد وكانها تمشي في طريق لا تعرف نهايته ولكن ناديه من داخلها تصارع نفسها وهى متاكده ان ما فعلته كان خاطئ جدا جدا ولكن قلبها هو

من يحركها الان وبعد ربع ساعه نزلت ناديه لترد على التليفون وقررت ان لا تحكى لشيري ما حدث من انها نزلت واتصلت بيها لانها هتهزقها وكفايه احساس ناديه بالذنب

ردت على التليفون ورجعت للحجره لتجد شيري مستيقظه وبتقول ان احمد اتصل بيها واتاسفلها وقال انه هيسيبها براحتها ومش هيستعجلها وطبعا الحديث اللى دار ليس كذلك بل انه كان

افظع من ان يحكى لقد صار صوت احمد فى التليفون بمثابه البرشامه التى تاخدها ناديه وتتمنى ان تزيد من جرعتها يوميا لقد ادمنت كلامه واتصاله

ولكن ما حدث في اليوم التالى فى قسم شيري جعل شيري تشعر بالغثيان بل انه اتعبها كثيرا

يا ترى ماذا حدث فى قسم شيري ولماذا احست شيري بالغثيان هذا ما سنعرفه فى الحلقه القادمه تابعونى

الى اللقاء فى الحلقه القادمه واللى هتحول مسار القصه تماما

تم تعديل 14 يوليو 2010 بواسطة pocy

[pocy]

حلقتين اية بس يابوسي ياشيخة؟ بصي انت ادى لعمر منوم واكتبى كام حلقة كدة

اية رايك بقييييييييييييييييييييييييي؟

ساره حبيبتى الحلقه 16 جاهزه بس قلت اشوقكم شويه لانها هتكون حلقه قويه جدا جدا جدا

انتظرونى وتابعونى

وياجباره عايزانى ادى الواد منوم هههههههههههه

وياترى ابو عمر هيدينى ايه ساعتها؟؟؟؟؟؟؟؟؟؟؟؟؟؟؟؟؟؟؟ :closedeyes:

[Damo]

أيوه هي حلقة 16 دي اللي مستنيها على احر من الجمر ....اديني فرشت وقاعدة مستنية أهو ....اتفضلوا معايا يا جماعة

[pocy]

الحلقه 16

فى صباح اليوم التالى ذهبت شيري الى الكليه وكانت بمفردها متجه للقسم حيث انها هى الوحيده فى المدينه الجامعيه في قسم عماره سنه ثانيه وهناك كانت تنتظرها

صديقتها منى وكانت من دمياط ولكنها لم تتحمل ضغوط المدينه الجامعيه فى اعدادى هندسه ففضلت ان تسافر كل يوم على ان تقيم يوم واحد فقط فى المدينه الجامعيه وكانت

منى تقف مع محمود خطيبها وهو بورسعيدى ومعهم فى نفس القسم وسيتزوجوا بمجرد ان تنتهى الدراسه حيث انه مقتدر ماديا وايضا وظيفته موجوده فى مكتب والده بمجرد

التخرج وكانت دائما ما تمر علاقتهم بعثرات ولكن شيري هى من كانت دائما تعيد المياه الى مجاريها لذلك كانوا يحبونها جدا وخصوصا انها خدومه جدا جدا وتساعدهم فى كل شئ

وكانت تربيه شيري غريبه بعض الشي فهى كانت هى واسرتها وهى صغيره فى الامارات وبالتحديد ابوظبي وابواها واخوها الاصغر هناك ولكن اختها الاكبر متزوجه وتقيم فى القاهره

وهى عندما تسافر تقيم معها وفى اوقات لا تسافر فيها وتقيم فى الاجازه فى المدينه تعودت شيري وقد اخذت تلك الصفه من امها والتى كانت ترأس جمعيه نسائيه لمساعده الغير

تعودت ان تعطى دون ان تأخد كانت دائما واثقه من نفسها ومسئوله عن تصرفاتها كانت تسافر الامارات فى اجازه نصف العام واهلها ينزلوا مصر في الاجازه الكبيره

ولكن ماذا حدث في هذا اليوم كانت شيري ومنى ومحمود واقفين يتحدثون عن مشروعهم وكل واحد منهم بفكره مختلفه ولكن بعد قليل جاء اصدقاء محمود وكان من ضمنهم احمد

زميل ناديه ووقفوا ليس بعيدا عن منى وشيري وكانوا يسمعون فيما يتحدثون ودار بينهم هذا الحوار

محمود : وصلت لفين ياعم الامور ؟؟؟

احمد : فى ايه؟؟؟

محمد: هيعنى هيكون في ايه البنت المختاره هو كان اسمها ايه ؟؟؟؟؟؟

احمد : اهه قصدكم البنت اللى اختارتوها ههههههههههههه ناديه طبعا كسبت الرهان ومش محتاج بس لسه مش سجلت الشريط هى الطبخه استوت بس لسه ذره الملح

محمود : يعنى ايه مش فهمت وصلت معاها لفين

أحمد : اتصلت بي امبارح بس مكنتش مسجل المكالمه بس المكالمه الجايه هتجيلكم كامله وساعتها عليكم بقي الغدا بتاعى لمده اسبوع فى المطعم اللى اشاور عليه

محمود : طب يا عم الامور بس انت بس جيب الشريط ونبقي نشوف الموضوع ده

أحمد: يابنى خلاص العمليه استوت على الاخر

شيري كانت سمعت الحوار وقبل ان يكملوا باقي الحوار كان قد اغمى عليها وسريعا ما حاولت منى ان تمسكها ولكن لحقها محمود قبل ان تقع ع الارض شيري تفوق بعد قليل على

برفان قوى يزغزغ انفها واذا تجد احمد فى وجهها فلطشته قلم على وجهه وعدلت من جلستها ولم تستطع ان تبرر ما حدث والكل قال انها لم تفق ووجدت وجه غريب فضربته

ولكنها ضربته بالقلم وقصدت ذلك ولكنها لم تعلمهم وكان رد فعل احمد انه مسك وجهه ومذهول مما حدث ومحمود يشاور له معلش استحمل هى مش فايقه

ولكن فى تلك اللحظه كان وجه شيري منور جدا وهى فى الاصل جميله جداجدا حرك هذا الوجه البرئ فى قلب احمد شئ لم يتحرك من قبل فاستاذن هو واصدقائه واستاذنت ايضا

منى وشيري لتذهب بها الى المدينه الجامعيه لتنهار شيري وتفكر كيف ستقول لناديه انها كانت مجرد رهان ولعبه فى يد احمد واصدقائه كيف يكون الشباب بهذه الدرجه من

الهيافه وتحدثت مع منى في هذا الامر واذا كانت تعلم اى شئ عنه وحدثتها منى وقالت لها

منى : اللى اعرفه من محمود ان احمد ده اخد فى نفسه قلم كبير قوى وانهم عايزين يهبطوه شويه فاحمد قالهم اختاروا اى بنت وانا اسجلكم شريط بعد اقصر مده ممكنه انها

بتحبنى وبتموت في واعتقد انهم قالوا هنختارلك واحده من قسمك واختاروا بنت من القسم محترمه وملهاش في الكلام ده وكمان شكلها يوحي انها همكن تضربه بالقلم اول ما

يقولهاالكلام ده الا صحيح انتى ليه ضربتى احمد كنتى لسه مش فقتى ولا اتخضيتى انك لقيتى واحد غريب عنك وساندك بايده اصلي ضعيفه مقدرتش اشيلك فشالك هو محمود

وقعدوكى على كرسي الدكتور وانا قلت اكيد مش هتضايقى فى موقف زى ده انتى عارفه مفيش غيرى انا وانتى وسلمي ومش هنعرف نشيلك وسلمى مكنتش موجوده لسه

شيري : انتى عارفه مين البنت دى ؟؟؟؟

منى : لالالالا هو انتى تعرفيها ؟؟؟؟؟؟؟؟؟

شيري : البنت دى تبقي ناديه اللى معايا فى الاوضه

منى : يا خراشي بجد مش معقول

شيري : لا هى وانا متابعه الموضوع بقالى فتره ودلوقتى انا فهمت هو مستعجل ليه

منى : طب هتعملى ايه ؟؟؟؟

شيري : ياريتنى كنت ضربته الف قلم وقلم ومش عارفه هاقول ايه لناديه وخصوصا انها كذبت على ومش قالتلى انها اتصلت بيه دبرينى يا وزير اعمل ايه ؟؟؟؟؟؟؟؟؟؟؟؟؟

منى : مش عارفه والله بس انا ممكن اقول لمحمود انهم يبطلوا الموضوع ده وازعقله كمان

شيري: ده مش هيطفي النار اللى جواى انا اللى يهمنى دلوقتى ناديه انا مش عايزاها تنجرح بس إزاى ؟؟؟؟؟؟؟

منى : خلينا نفكر ونشوف طب ما تقولى لناديه اللى سمعتيه وخلاص ............

شيري : لا كده هيبقي صعب علة ناديه جدا وهتكره نفسها انا اللى بفكر فيه انى اقول لناديه انى شفت احمد مع واحده ورا الورش ووقفته معاها مكنتش طبيعيه واحاول اقنعها

انه فى حاجه غلط وليه واقف مع البنت دى دى بالشكل ده وكأنه ..........

منى : تفتكرى هتصدق ؟؟؟؟؟؟؟؟؟؟

شيري : مش عارفه بس لازم اخليها تصدق ومضطره اشارك ياسمين معايا علشان نخنق على ناديه الايام دى بحيث انها مش تقابله ولا تكلمه فى التليفون ويارب نقدر نقنعها من غير

ما تتجرح

منى : ياه انا مشفتش حد بيعمل كده لواحده انتى للدرجه دى بتحبيها

شيري : انتى مش تتصورى ناديه بالنسبه لى هى الام والاخت والصديقه وكل حاجه ودى مش عشره يوم ولا اتنين دى عشره سنين انا عارفه اهلها كلهم واحد واحد وشوفتهم وبحبهم وبيحبونى

وكانهم اهلى واكتر هل ممكن تسيبي اختك فى موقف زى ده ؟؟؟؟؟

منى : استحاله طبعا

شيري : اهى ناديه اكتر من اختى بقي المهم انا عايزه احملك امانه هسالك عليها يوم القيامه

منى : خير

شيري : مش تقولى لمحمود على اى حاجه من اللى حصلت دى و لحد ما افكر تقوليله ايه بالضبط اوك اوعدينى

منى : اوعدك وهقوله ان ضغطك وطى فجأه وموضوع ضربك لاحمد مكنتيش تقصدى اوك

شيري : اوك يالا نكمل باقي المحاضرات ونروح الكليه

منى : يالا

فى هذا الوقت حدث مع احمد حاجه تانيه خالص هنعرفها بقي في الحلقه الجايه وهنعرف ازاى شيري هتتصرف وتنقذ صديقه عمرها من براثن شاب لاهي

والى اللقاء في الحلقه القادمه

ها ايه رأيكم فى الحلقه دى ؟؟؟؟؟؟؟؟؟؟؟؟؟؟

تابعونى ويا ريت ردرود بقى منكم وهل حد كان متوقع كده ولا لا وايه اللى ممكن تعمله شيرى علشان تنقذ ناديه

انا مش عايزاكوا تقروا وتمشوا لا عايزاكوا تردوا على امانه عليكم تردوا وتقولوا رايكم

[pocy]

اين انتم يا محاوراتيه مش عجباكم الحلقه دى ولا ايه ؟؟؟؟؟؟؟؟؟؟؟؟

[Howayda Ismail]

حتصدقينى لو قلتك انى كنت متوقعة كده لما قلتك ياخوفى يابدران وفيه (ان) بس

ماكنتش عاوزة اسابق الاحداث لكن الكارثة ان احمد وشيرى ......

الحمد لله ان ظنى لم يخيب فى أحمد يعنى ماكنش سوء ظن

متباعك بحسى وسردك الجميل للقصة

[Damo]

أنا كنت متأكدة ان نيته وحشة ....بس اتصدمت برده :cry:

[لماضة مصرية جدا]

السلام عليكم و رحمة الله و بركاته

طب ااقول ايه انا بس

يعني انا قاعدة ساعة بقرا الحلقة عشان الخط الصغير اصلا مخليني مقربة ع الشاشة زي ما هكون هديها قبلة الحياة......ابقي يا حماتي العزيزة كبري الفونت خليه سبعة و لا ااقولك دوسي عليه مرتين يمكن يطلع اربعتاشر

بصي بقي

الواد احمد ده مش عاجبني من اول الليلة....بس اللي مش عاجبني اكتر هي البت شافيقة.....قصدي نادية....البنت مينفعشي تبقي كده....متبقاش ضعيفة كده و مصدقة...و سبحان الله دايما البنت بيبقي جواها احساس يا ريت تبقي تصدقه....بدل ما احنا متشحتفين كده في الستاشر حلقة

ع فكرة ..هو انا مش كنت قولتلك اني بحس اني شبه البت "شيري"....دلوقتي انا بصمت بالعشرة فعلا....بس انا لو مكان شيري الحقيقة مكنتش هديه بالقلم...انا كنت اديته بالشوووووز.....لانه يستاهل

بس قبل ما نتهور و نضيع فردة الشوز...قلب الام بيقولي حاجة تانية

كملي يا حماتي

بس ابقي احكي الحكاية دي لعموري الاموري....عشان علي اد ما انا احبه يصيع....بس صياعة اللي اسمه احمد دي مفقوسة اوي و بتؤدي الي حوداث صرماتية

ع جنب بقي

هي دامو لسه قاعدة بالفرشةو لا قامت

طالبة معايا افرش جنبها...و نبص للنجوم.....و نضحك....علي ايه مش عارفة

مساااااكم رضا يا رب

[Damo]

أيوه أنا لسة هنا أهو استني لما اتاخرلك

بس خدي بالك البـويه الجديدة تيجي على هدومك

[pocy]

الحلقه 17

فى الحلقه الماضيه كانت شيري تجلس مع صديقتها منى وجاء احمد لزياره صاحبه محمود وهو ايضا خطيب منى وسمعت ان هناك

مراهنه على ان ناديه ستقع فى حب احمد فى اقل مده ممكن ولكى يثبت ذلك كان لابد ان يسجل صوت ناديه وهى تقول هذا الكلام

وعندما علمت شيري بالامر اغمى عليها ولما افاقت وجدت ان من يمسك بها كان احمد فضربته بالقلم ع وجهه وثم رجعت منى

وشيري على المدينه وهناك قررت انها ستقف امامه باى طريقه ممكنه وانها ستنقذ ناديه مهما كلفها الامر

ورجعت شيري ومنى ليكملوا باقي المحاضرات بعد ان اقتنعت انها لا بد من ان تأخذ بالثأر لناديه وستشارك ياسمين بالامر

وبعد ما انتهى اليوم من المحاضرات رجعت شيري الى المدينه فوجدت ناديه نائمه فذهبت الى ياسمين فى حجرتها وقالت لها على

الحقيقه المره وطلبت مساعدتها وياسمين لحبها فى ناديه اقرت انها ايضا كانت حاسه بشئ ما يحدث وانا ستفعل ما في وسعها حتى لا

تترك ناديه بمفردها طول الوقت حتى لو اقمت معها فى الحجره نزلت شيري للحجره فلم تجد ناديه فاحست شيري ان ناديه ممكن ان

تكون عند التليفون تتحدث فنزلت ولم تجدها تحت فسألت الحارس اذا كان شاف ناديه وهى خارجه فقال لها انه رائها وهى تخرج

منذ قليل فخرجت شيري متجه الى الكليه ومكتبه اسلام فوجدت ناديه تتحدث في تليفون ميناتل ولكن واضح انها لم تجده او هناك شئ

يغضبها واقفلت السماعه فاسرعت شيري الى الحجره لتنتظرها

ناديه : انتى جيتى امتى ؟؟؟؟

شيري : من زمان جيت حطيت الحاجه بتاعتى ونزلت صورت ورق ورجعت وشوفتك عند ميناتل انتى كنتى بتكلمى البيت ولا ايه ؟؟؟

ناديه : بصراحه لالالاانا كنت بكلم احمد

شيري: بتهرجى حنا قلنا ايه وكمان انا عايزه اقولك تنسي الواد ده

ناديه : ليه ؟؟؟؟

شيري : لانى بصراحه شوفته واقف واقفه مش اللى هى ورا الورش مع بنت شكلها لسه فى اعدادى

ناديه : شوفتيه امتى ؟؟

شيري : مش بصيت فى الساعه بس الواد ده شكله بيلعب بيكى سيبك منه

ناديه : بس هو قالى انه بيحبنى

شيري : مش مهم هو يقول ايه المهم انتى متكونيش رديتى عليه والا هيتقل وخلاص بقي هيبقي عايك تكلميه كل شويه ثم تعالى هنا انتى

اتصلتى بيه ليه ؟؟؟؟؟؟؟؟؟ حصل حاجه جديده ؟؟؟؟

ناديه : لالالا بس النهارده طول اليوم كان شكله غريب فحسيت انى عايزه اطمن عليه

شيري بسخريه : يا حبيبتى وانتى بقي امه اللى هتطبطبي عليه يا ناديه يا حبيبتى فوقى بقي

ناديه : انتى ايه اللى غيرك كده مانتى كنت موافقه وبتشجعينى

شيري: لا انا طول الوقت وانا حاسه ان فى حاجه غريبه ومش عايزه اقولك لتزعلى بس انتى اكتر من اختى ولازم انصحك قبل الفاس ما

تقع فى الراس وساعتها ياقمر مش هيكون فى رجعه

ناديه: بس انا حاسه انى بحبه

شيري : ناديه يا حبيبتى خليكى زى كده احساسي ومشاعري اديها للى يستاهلنى مش لواحد بيشغل اسطوانه لكل واحده شويه

ثم انا لما شوفته النهارده حسيت انه بيضحك عليكى وخصوصا ان وقفته كانت مريبه مع البنت دى و حارس الامن اللى هناك مشاهم

لو كانوا واقفين باحترامهم كان الموضوع فرق

ناديه: خلاص انا مش هكلمه تانى لحد ما هو يكلمنى

شيري : الله ينور عليكى ايوه كده اتقلي عليه جدا ولما نشوف هيجري وراكى ولا لا ؟؟؟

وبعد لحظات رن تليفون الموبيل بتاع شيري وكانت نمره منى استغربت شيري انا لسه سيبها من ساعه لحقت توصل البيت انا

خايفه ليكون فى حاجه

شيري : خير يا منى فى حاجه انتى كويسه ؟؟؟

منى : يا بنتى انا كويسه جدا بصي انا قدامى تقريبا ساعه واكون فى البيت اتصلي بي ضرورى فى موضوع عايزاكى فيه بخصوص

احمد

شيري : طيب اوك كمان ساعه واتصل بيكى يا شيخه قلقتنيى عليكى سلام

منى : سلام

ناديه : خير فى حاجه ؟؟؟؟؟؟؟؟

شيري : لا دى منى عايزه تحكيلي حكايه بس عايزانى اتصل بيها فى البيت لما ترجع المهم اتفقنا يا ناديه مش تتصلي بيه تانى الواد ده

هجاص وبتاع بنات والى من النوع ده مفيش اسهل من الكلام عنده

وبعد ساعه اتصلت شيري بمنى لتعرف ايه اللى حصل وايه الموضوع اللى بخصوص احمد

والحوار هنشوفه الحلقه الجايه ان شاء الله

تم تعديل 16 يوليو 2010 بواسطة pocy

[om marawan]

انا تايهة خالص بقالى كام يوم فى النسخة الجديدة للموقع بس اخييييرا شفت من بعيد الفرشة بتاعة دامو ولماضة عرفت انهم قاعدين مستربعين وايدهم على خدهم بيسمعوا حدودوت بسبوسة

يااااااه الحمد لله انى تهت وجيت على المفاجاة لما اتعرفت بس الظاهر الاحداث لسه فيها تشويق كتير

على فكرة ممكن نكون كنا حاسين انه فيه لعبة بتحصل وان احمد ده غريب بس السرد نفسه جميل وحكاوى البنات ودردشاتهم وشخصياتهم وخوفهم على بعض بجد جميل جداا

مستنيين الباقى يابوسى يا جميلة ومعلش والله ماشفتش مداخلتك غير دلوقتى انا اريحة على "النون" المدينة الجامعية بتاعة المحاوراتيات :) ولو انى اتأخرت اوى واكيد البنات ردوا

تم تعديل 16 يوليو 2010 بواسطة om marawan

[Damo]

أهلا ام مروان

احنا عملنا ديليفري وجبنا لب وترمس ولقمة القاضي

أما نشوف شيري هتعمل ايه في اللي أنا والكل عارفين أنه هيحصل :unsure:

[mekkawy]

بــــــــــاك

أولاً: بأحييك يا أم عمر على الآداء الرائع و السرد المميز و التشويق اللي هيموتنا كلنا

ثانياً: الواد أحمد ده واد سيس

ثالثاً: ام أحمد باة ما عجبتنيش و ده يديني مؤشر على تربية سي السيد .. أقصد سي أحمد اللي فاكر نفسه هارون الرشيد و كل حاجة مجابة و كل اللي يشاور عليه موجود و ده راجع للتربية السيس من الأم السيس و دول شكلهم عيلة سيس أساساً. :closedeyes:

رابعاً: نادية لازم حد يديها بالألم الشديد و أنا مش مع شيري و ياسمين في أسلوبهم خالص ... يا بخت من بكاني و بكى عليا ولا ضحكني و ضحك الناس عليا .. لازم يخبطوها في وشها كدة .. هيستنوا ايه ؟؟ لما تعمل حاجة غلط الواد الخسيس ده يسجلها و تتفضح؟

خامساً: حسي الأدبي بيقولي حاجات كدة بس مش هأتنبأ بيها ولا هأحرقها عشان الإخوة الزملاء و عشان حقوق النشر .. بس لو حصل .. شيري كمان بت سيس يلا هاااا md2:

سادساً: البت شيري دي مية مية على الألم الموجه المرسل لوجه سي أحمد بيه خازندار .. جدعــــــــة

سابعاً: مع السلام عليكم

مكاوى .. كريتيسيزم

[Damo]

مكاوى .. كريتيسيزم

هههههههههه دي احلىىىىىىى حته في كلللل اللي قلته

أنا هلكت من الضحك :D