مشكلة احترام الاخرين

[Farah]

الحقيقه هو مش مشكله هو سؤال

ماذا تفعل حينما يستغل الانسان موقفه من احترامك منه بتغير الحديث الي مجراي اخر حتي ينسيك الموضوع الاساسي اللي انت بتتكلم معه فيه؟؟؟؟؟؟؟؟

الموضوع ده انا ببقي متضايقه منه جدا ويمنعني احترامي للشخص اللي بيتكلم معي ان اقول له عيب متغيرش الموضوع عشان موش لاقي حاجه تقولها خلي عندك الشجاعه وتناقش في الموضوع احسن من الهروب بس احتراما له مش بقدر ارد

وفي احيانا اخري يكون هذا الشخص بيستغل منصبه وعارف ان اللي قدامه مش ح يرد عليه في هذا الموقف مش بقدر اقول حاجه غير ربنا يهدي :blink:

وساعات بكون اقدر اقوله عيب بس بتكسف واسكت بس في داخلي بقول هو للدرجه دي مش واخد باله ان الناس بتفهم fsh::

لو انت مكاني بتعمل ايه؟؟؟؟؟؟؟؟؟؟؟؟

ملحوظه هامه هنا انا مش باتكلم عن لما انسان بيكون تافه ومش عارف هو بيقول ايه انا باتكلم لما بيكلم الانسان علي موضوع مهم واللي قدامه فاهم انه مهم بس بيحاول يعمل اذكي من السأل مستغل منصبه او سنه اوقدرته علي تغير الحديث وليس المواجه

[se_ Elsyed]

الحل بسيط جداً يا فرح .. إذا شخص عمل كده ومهما كان هو مين وفتح موضوع تاني ألتزم الصمت ولا أعيره إي إنتباه وخليه يكلم نفسه ..إلى أن يشعر بإنه غير محترم .. حيث أن من صفات الشخص المحترم هو ان يستمع إلى الآخرين كما يُحب هو ان يستمعوا إليه .

معليش أنا هأقول نقطة - وإوعي تقولي ده تغيير للموضوع :blink: :blink: :blink: - أنا اعترف بإني أقوم بهذا الفعل الإجرامي ولكن والله العظيم غصبٍ عني .. فلدي في العمل شخصين تلاته أسرع من سرعة الصوت في الكلام وإذا فتح موضوع واديتله ودني ممكن يفضل يتكلم وياخدها معاه وهو مروح مع العلم بأني ألتزم الصمت .. وانتظر إنه يخلص.... أبداً .. فبروح مغير الموضوع إلى أي شيء تاني عشان أقفل على الأولاني أأأأأأأأأأفففففف

[Farah]

س س لو خدت بالك حتلقيني كتبت ملحوظه ان دي مش الناس اللي بتكلم عنها لان فيه ناس كتير لازم تعمل معهم هذا

لا انا بتكلم علي لما الموضوع بيكون جد واكترمن واحد شايف انه جد ولكن صاحب الجلاله بيغير الموضوع عشان مش عاوز يواجه الموضوع وبيستغل احترام الاخريين مش تفاهة الاخرين

[Salwa]

شوفى يافرح ....

حددى بالضبط ...هل هذا الانسان بطبعه مبرمج او قابلك للحديث فى موضوع معين ووجدك انتى بتتكلمى فى موضوع تانى هو مش عامل حسابه يتكلم فيه فحاول الا يشتت فكره ورجع بيكى للموضوع الأصلى ؟؟

او هو اساسا عاوز يهرب من موضوعك وبيضعك امام امر واقع بطرح موضوعه هو ؟؟؟

اصل دى حاجتين مختلفتين تماما ولو انهم باينين انهم واحد ....

يعنى ..هل هو اساسا طرح موضوع معين .......ولم يجد منك او لديك اجابة ؟؟

اما بقى لو كان نوع ثالث ....يعنى واحد غاوى يتمنظر ويغير الموضوع علشان يكلمك فى موضوع هو ممكن يكون نجم فيه وفاهمه ومش فاهم غيره او معندهوش استعداد يتناقش غير فى اللى يعرفه ويعتقد ان غيره ميعرفوش .....او مثلا زى واحد نعرفه هنا .......لو اتكلمتى فى اى موضوع تلاقيه هو مسك زمام الحديث وشرح وافاض وفجأة .........لو كنتى بتتكلمى فى السياسة تلاقى نفسك دخلتى فى موضوع زيادة الاسعار ....

ولو كنتى بتتكلمى فى الاقتصاد تلاقى بيكلمك فى الحضارة .....

وغصب عنك ..ولو مكنش عندك ثقة فى نفسك ....تلاقى نفسك عاوزة تنكمشى وتبعدى ....او .تقولى له وزى ما يحصل يحصل .

ياعم ...دول كلمتين انت حافظهم .وكل ما حد يتكلم فى موضوع تيجى قايلهم ...// وقاعد منتشى //...

.وكأنه فريد عصره وزمانه ..

اللى زى ده يافرح ..خسارة حتى تزعلى نفسك على موقفهم .....

واجمل وافضل حل ......../// الاهمال ///......عن تجربة .

يعنى لو حصل ومفروض اتناقشتى معاه .....اهمليه ولا توجهى له كلام .......هو ده احسن حل ...

واللى بيحترم ..بيحترم نفسه اولا ...حتى يستطيع احترام الآخرين ..

تحياتى ....

[Farah]

او هو اساسا عاوز يهرب من موضوعك وبيضعك امام امر واقع بطرح موضوعه هو ؟؟؟

مدام سلوي

كده بالظبط عاوز يهرب من الموضوع وبيستغل احترامك ليه مش حتكسفيه فلا تجدي الا الصمت

[سقراط المصري]

الاخت فرح

بما ان سيادته رئيس عمل مثلاً فهو بيعطي فعلاً لنفسه الحق انه يتكلم والاخرين مستمعين.

عامة لو كان رجل كبير في السن يبقى انسي انه يتغير ، واحسن حاجه لو هو توه في الكلام توهي انت كمان وسبيه يتكلم ويتكلم ويتكلم (مافيش حل غير كده بحكم سلطته) وفي الاخر قولي له جمله واحده ، طيب سيادتك شايف احل الموضوع (س) ازاي ، والوضوع (س) هو اساسا محور حديتك معاه ، بالرغم انه اتكلم في موضوع اخر، هنا سيادته لازم يجاوب اجابه محدده او لو توه تاني فاستمعي ثم استمعي ثم استمعي وبعدين واجهيه بنفس السؤال المحدد . في الغالب هيجاوب ومش هيهرب ولو هرب خليكي وراه يالاستماع والصبر والسؤال المحدد.

بعدها هيحرم يتوه معاكي تاني لانه عارف انك اصبحت غتته ومش غبيه ، واحتمال كبير ميحاولش يحتك بيكي او يستعيير اذنك.

انا بتكلم على الناس اللي في حكم رئيس العمل او سلطه اعلى منك.

سقراط

[Advisor]

الفاضلة فرح

أحيانا يكون تغيير موضوع الحديث نوع من الرد المؤدب أو الرسالة الموجهه من الطرف الآخر.

كأن تكونى مثلا متحمسة لموضوع معين أو فكرة خطرت على بالك و يكون هذا الموضوع قتل بحثا من قبل أو أن خبرته تؤكد هيافة هذا الموضوع مثلا فيلجأ إلى هذا الأسلوب بدلا من أن يقول لك " وفرى أفكارك دى لنفسك و إسمعى الكلام الذى يقوله رئيسك"

و اللبيب بالإشارة يفهم جزء من مهارات النجاح أن يكون عندك القدرة - و يمكن التدرب عليها - على قراءة ال body talk

[kfaya]

الصمت أو تغيير الموضوع دة نوع من فنون الحوار .....

والدى اللة يرحمة دربنى من صغرى على هذا النوع من المحاورات ....منذ الصغر حينما كنت أخاطبة و انا فى قمة الحماس و الانفعال , كان يهدأ من روعى و يقول لى طيب اية رأيك فى كذا و كذا .... و بالتدريب أصبحت أفهم ماذا يعنى ...

و بالمثل فى التعامل مع الاخرين أصبح فن الحديث و مراعاة شعور الاخرين و اللباقة و الكياسة لها مستلزماتها التى لا تؤذى أو تنفر ....

جايز جدا لو تمسكت بحقى فى الاستماع الى اجابة .... قد يؤدى بى الى شعور بالخجل او الندم يريد محدثى ان يجنبنى اياة ........