أسوأ 23 حاكم حسب مجلة FOREIGN POLICY

[herohero]

في تقرير نشرته مجلة فورين بوليسي وايا كان هل هي محايده ام لا لكن عملت تقرير عن 23 حاكم ف نظرها هم افسد 23 حاكم على مستوى العالم

حبيت تاخدوا فكرة

http://www.foreignpolicy.com/articles/2010...worst?page=0,15

[Rock]

بيقولوا انة الصورة ابلغ من الف كلمة :ninja:

[hakeem]

ايه ده معقوله احنا فى المركز ال 16........لاتعليق

[mamdowh]

المركز ال 15 يا راجل عد كويس

[hOuSsAm]

طب وبعدين

يعنى نفرح ولا نزعل ولا نتمحلس

محنا عايزين حلول ................ هو كله ضرب ضرب مفيش شتيمة :ninja:

[mamdowh]

لازم نستنى لان احنا دلوقتى فى دور ال16 لزما وحتما تخش دور ال8 بعد ما تصفى دم الشعب وبعدين دور ال4 بعد ما يصفوا دم اللى باقى من الناس وبعدين قبل النهائى يصفوا بعض .......... المهم هايبقى فريق واحد فى النهاية يصفى نفسه ................. يبقى كده خلاص مفيش حد .................. تبقى اتحلت........... صح

تم تعديل 3 يوليو 2010 بواسطة mamdowh

[Alshiekh]

واضح ان الراجل ماشى كويس وترتيبه بيتقدم

عام 2007 كان الـ 18 ، وعام 2010 الـ 15 ، يعنى على 2025 يكون الاول مع مرتبة الشرف

[Howayda Ismail]

الغريب فى التقرير ان معظم الحكام ان لم يكن جميعهم من افريقيا والدول العربية ولولا ذلك كان اصبح الاول على القارة

[kitkat]

طب وبعدين

يعنى نفرح ولا نزعل ولا نتمحلس

محنا عايزين حلول ................ هو كله ضرب ضرب مفيش شتيمة :sad:

علي قولة اللمبي : هي دي حاجة حلوة ولا وحشة

[أسد]

بغض النظر عن حقيقة ما ورد في هذا التقرير ..

لكن يجب أيضاً ألا نغفل .. أو يمر علينا .. أن مثل هذا التقرير مصداقيته قد يكون مشكوك فيها لأن له دواعي سياسية أو إقتصادية تجعل مصداقيته أمر غير مسلم بها بالكلية ..

مثلاً .. نرى أن رئيس الصين في موقع متقدم جداً .. بالرغم من أنهم يمرون بأفضل الأحوال بالنسبة للإقتصاد .. وسوف نرى خلال سنوات الصين على قمة هرم العالم ..

مثلاً .. دول الخليج جميعها .. لم يذكر أي منها في التقرير .. هل هذا يعني أن الحياة في الخليج واحة من الحرية والديمقراطية ..

لنتذكر سوياً .. بأن بعض إخواننا في الكويت قد إجتمعوا على مقهى بعد دعوة من على الفيس بوك .. ليؤيدوا البرادعي فتم ترحيلهم .. وفقدانهم لوظائفهم .. وزلزلة حياتهم .. ولأن الموضوع قد يمس بعض الأمور التي يتجنبها الكثيرون .. فلم تقم الدنيا ولم تقعد مثلما حدث مع مقتل خالد سعيد .. بالرغم من جلل هذا الحدث ..

مش حاتكلم عن الإمارات .. ومؤسساتها التي تخلوا من الديمقراطية إطلاقاً .. حتى أن الشيخ الذي عذب رجل الأعمال الأفغاني .. ونشر الفيديو في كل محطات العالم .. تم توقيع عقوبة على من نشر الشريط وهو رجل أعمال لبناني .. وتبرئة الشيخ .. على إعتبار أن اللبناني أعطى الشيخ دواءاً جعله يفعل ما فعله دون أن يشعر .. ومابالك برجال الشرطة الموجودين معه ... الخ

سلطنة عمان .. ديمقراطية رائعة .. مش كده !!!

اليمن .. ياسلام .. ماتقوليش .. إيه العظمة إللي في اليمن دي ... حرية .. وديمقراطية .. ورغد في العيش .. ونمو إقتصادي ....!!!!!!!

السعودية ... ما ترتيبها كبلد ديمقراطي ؟؟؟

مش عايز طبعاً أتكلم على تونس ... !!!!!

ولا المغرب ...

لا أقول أن وجود رئيس مصر في هذا الترتيب لا يستحقه ..

لا بل يستحقه ... وأكثر ..

ولكنه لا يستحق أن يكون هو ومن معه في التقرير موجودون .. وألا يكون حكام إسرائيل خارج هذا التقرير ...

لا أدافع عن الرجل .. ولكن أهاجم التقرير ..

وعدم حياديته ..

وعدم حيادية .. أو موضوعية من يستند إليه .....

[mfarag]

طبعا التقرير غير محايد و ظالم

المفروض الباشا يطلع الاول و بفــــــــــــــــــــــــــــــــــــــــــــــارق أهداف

[doha]

لا أدافع عن الرجل .. ولكن أهاجم التقرير ..

وعدم حياديته ..

وعدم حيادية .. أو موضوعية من يستند إليه .....

اتفق مع الفاضل اسد في كل مااتى في رده وخلاصته الجزء المقتبس الذي لخص وبدقة مايمكن ان يقال

تحية سيدي الفاضل

[hakeem]

المركز ال 15 يا راجل عد كويس

انا معدتش والله انا لقيته فى صفحه 16 فى الموضوع

[ابو محمد بن مصطفي]

طب فين اسرائيل اذا كان الموضوع حقوق انسان

ولا الفلسطينين دول مش بني ادمين

الموضوع مش موضوعي

[hanzalah]

تحية تقدير الى استاذ اسد

كل مداخلة تقدم لنا فيها نموذج لرجاحة العقل والبعد عن الحكم بعاطفية على الأمور

شكراً لوجودك بيننا

[herohero]

اناادري هل نحن لنا علاقة بديموقراطية دول الخليج وهل حكامها فاسدين ام صالحين سيدي وجميع الاخوة نحن مصريون ويهمنا الشان المصري

ومش فارقه ياريت يبقى حاكمنا زي الصين ويبقى افسد واشرس واحد ع مستوى العالم ف وجهة نظر forign policy

بس يبقى شعبي مليار وكذا مليون فكة بس ابقى مسيطر ف صناعاتي الكويسة والمضروبة وابقى داخل بقوة لاكون القوه القادمة

ماتفرقش معانا لاننا لسه بعيد قووووووووي ع العيش الديموقراطي والحكم النزيه الاول لما يبقى كل مشاكلنا محلولة يبقى يحلها حلال الخليج لا يوجد به ديموقراطية لكن اولاد البلد عايشين عيشه هنيه

هو المشاكل ايه ف مصر هل بتلاقي الشغل الشاغل لنا ف مصر الديموقراطيه لا والف لا......

الناس عاوزة مسكن وماكل ومشرب صدقني لو توفرت مواصلات وطرق وتامين طبي للناس ف مصر ابقى قابلني لو حد اتكلم ف ديموقراطية اوغيره احنا لسه بدري علينا

اوع الاقل غالبية الشعب

انا اتمنى يكون حاكم مصر اسوأ رجل ف العالم بس يعملي معدل نمو عالي ولاقي الشباب شغاله ومش مهم لو اسوأ راجل ف التاريخ

[Howayda Ismail]

طيب ما لقذافى ضمن المذكورين فى التقرير لكن هناك فرق كبير بين المواطن الليبى اللى بيحصل على نصيبه

من عوائد البترول وبين المصرى اللى بيتقاتل عشان يحصل على انبوبة غاز والفرق بين سعر السيارات عندهم

والجمارك وبين اسعارها والجمارك عندنا بتكون عليها 4 اضعاف تمنها صحيح لو الناس اتوفر لها لقمة عيشها

ودى ابسط الحقوق مش حاتفكر لافى ديقراطية ولا دكتاتورية .

[عابر]

هذا التقرير اعده حاقدون على مصر حاسدون لها وليس لدى شك في ان من اعدوه من الصهاينة الكارهين لنا. فنحن رئيسنا يستحق عن جدارة ان يحتل الموقع الاول ولكنها العنصرية الغربية التي ينكر على شخص عربي ان يتفوق في شيء ويحتل فيه المركز الأول. ان ترتيب رئيس مصر في الموقع الخامس او السادس عشر هو انتقاص من كرامتنا يجب ان نثور عليه. واذا نظرنا سنجد ان مبارك متفوق في كل شيء بحيث يستحق الموقع الاول بامتياز مع مرتبة الشرف: هو في التعذيب بل واستضافة التعذيب ايضا الأول في العالم وفي الفساد يتفوق عن التالي له وهو رقم 2 بمسافات بعيدة. في كل شيء تقريبا ستجد انه الاول بجدارة ووضعه في مرتبة متأخرة على هذا النحو هو انتقاص مقصود من كرامة مصر والمصريين. وانا واثق ان الرئيس سيحزن الان جدا عندما يجد نفسه في هذا الترتيب المتأخر وقد يأتي بانجاوات كبيرة خلال عام لكي يتقدم في الترتيب.

[ذهبية]

وياترى ابنة جمال مبارك هياخد الترتيب الكام

ولا انا عرفت اكيد هيورث نفس الترتيب

ما هيورث كل حاجة بابا سايبة

شوفت حنان الاب

[اكرام زعزوع]

اناشايف انه بالنسبه لليهود مش غريبه عليهم حكاية مايفعلونه فى الفلسطينيين لانهم صهاينه

لكن حاكم مسلم اكيد عارف ربنا كويس وعارف انه فيه جنه ونار وعارف قصص سيدنا عمر بن الخطاب

وسايب كلابها على ديابها

الصهاينه ماشى دول صهاينه عاملين زى الايدز بيدمروا اجهزة المناعه

لكن الراجل كان على الاقل يغير اسمه.. او يقول اسم الشهره بس.

مش نزعل من بتوع الدنمارك ونقول بيسيئوا...هو اللى بيحصل ده ايه مش اساءه برضه

ربنا يكافئك بكل خير يا اردغان الراجل اعلن الحداد ونكس علم تركيا لما 15 واحد ماتوا فى سيول هناك مش

بيحضر ماتش كوره والعباره فيها الف واحد بيصارعوا الامواج وعادى خالص والمتسبب خلع من البلد

مجرد الاحساس بس كان كفايه....وووووووووو مش هكتب كله معروف حتى لماسح الاحذيه