ممنوع دخول المحجبات ؟؟؟؟؟؟؟؟؟؟

[ابو محمود]

اعزائى الاخوة والاخوات الكرام السلام عليكم .. على فكرة انا كنت استهل مواضيعى بالسلام او البسملة فكان هناك انطباع من بعض اصحاب الفكر الأمبريالى بأنى سلفى او متعصب ودة لانى ابدأ بالسلام او كما اسلفت بالبسملة والناس دى وجعو دمغنا ودماغ الكثيرين من مثقفين المحاورات المثقفين بدون غسيل مخ او تلون واعجاب بثقافات غربية ... المهم

الناس دولهما بقى المثقفين اياهم بتوع اليبرالية وحقوق المرأة ياريت بقى يرودو على تسائلاتنا التى هى

بدأت فى مصر المحروسة وبكل اسف بعض محلات الاطعمة الفايف استارز بأعلان عدم قبولها دخول ذبائن محجبة .. يعنى لو ست او مدام او هانم محجبة تخلع الحجاب قبل ما تدخل وعلى فكر انتشر الكثير من تلك المحال والريستوران الفايف ستارز بصورة تجعل الاندهاش يطل برأسة على حال مصر وما يحدث بها من تجاوز مشين فى حق دستورى وغير قابل للنقاش الا وهو الحرية العامة

فهل ينطق اهل الحريات ومن صدعو رؤسنا بها يارب نتكلم فى صلب الموضوع ولا نغلوش او نحول مسارة

يارب يكون الرد محترم .....

على فكرة اتمنى ان يرضى الله عنى واكون كما وصفنى اهل الثقافة اياها .......ربى ذدنى علمآ

[عبير يونس]

بدأت فى مصر المحروسة وبكل اسف بعض محلات الاطعمة الفايف استارز بأعلان عدم قبولها دخول ذبائن محجبة .. يعنى لو ست او مدام او هانم محجبة تخلع الحجاب قبل ما تدخل وعلى فكر انتشر الكثير من تلك المحال والريستوران الفايف ستارز بصورة تجعل الاندهاش يطل برأسة على حال مصر وما يحدث بها من تجاوز مشين فى حق دستورى وغير قابل للنقاش الا وهو الحرية العامة

يا خبر أبيض

:ninja:

ده بجد حضرتك؟؟؟!!!!

أعلم انه بعض الأماكن قد تفرض عدم الحجاب على الموظفات

و ان كنت اعتبر ذلك منتهى التعسف

الا انه اولا و اخيرا شروط صاحب العمل

و للمتقدم القبول أو الرفض

أما ان تفرض شروط على الزبائن

هو ده الجديد

و الغير معقول

و المثير للدهشة حقا

بغض النظر عن تعاليم الدين

و التي لا يمكننا بالطبع الزام الناس بها ان لم يلتزموا بأنفسهم

ماذا عن عبارة

الزبون دائما على حق

؟؟؟؟؟

في الاوبرا بيشترطوا بدلة للرجال و ملابس سهرة للنساء

و لكن لا أعتقد ان الحجاب ممنوع

فالهدف هو ان يكون المكان رسميا

و الا يدخله الناس بالجينز مثلا

بعض المطاعم على الشاطئ مثلا

تمنع الدخول بملابس السباحة

بعض القرى السياحية تمنع النزول في حمام السباحة بالملابس

و لكنها بالطبع تسمح بملابس السباحة الخاصة بالمحجبات

كل ذلك يتم لأهداف محددة و معروفة

أما أن يتم منع دخول المحجبات لمطعم

:sad:

فلا أرى إلا انه منتهى السخافة

و قلة الذوق

و بالتالي

بناقص المطعم ده

شكرا

[Alshiekh]

اعزائى الاخوة والاخوات الكرام السلام عليكم .. على فكرة انا كنت استهل مواضيعى بالسلام او البسملة فكان هناك انطباع من بعض اصحاب الفكر الأمبريالى بأنى سلفى او متعصب ودة لانى ابدأ بالسلام او كما اسلفت بالبسملة والناس دى وجعو دمغنا ودماغ الكثيرين من مثقفين المحاورات المثقفين بدون غسيل مخ او تلون واعجاب بثقافات غربية ... المهم

الناس دولهما بقى المثقفين اياهم بتوع اليبرالية وحقوق المرأة ياريت بقى يرودو على تسائلاتنا التى هى

بدأت فى مصر المحروسة وبكل اسف بعض محلات الاطعمة الفايف استارز بأعلان عدم قبولها دخول ذبائن محجبة .. يعنى لو ست او مدام او هانم محجبة تخلع الحجاب قبل ما تدخل وعلى فكر انتشر الكثير من تلك المحال والريستوران الفايف ستارز بصورة تجعل الاندهاش يطل برأسة على حال مصر وما يحدث بها من تجاوز مشين فى حق دستورى وغير قابل للنقاش الا وهو الحرية العامة

فهل ينطق اهل الحريات ومن صدعو رؤسنا بها يارب نتكلم فى صلب الموضوع ولا نغلوش او نحول مسارة

يارب يكون الرد محترم .....

على فكرة اتمنى ان يرضى الله عنى واكون كما وصفنى اهل الثقافة اياها .......ربى ذدنى علمآ

وعليكم السلام ورحمة الله وبركاته

الفاضل / محمود مصطفى

خطابك مستفز وغير منطقى وغير مقبول وهذه ليست المرة الاولى التى " تجر فيها شكل " من لايوافقونك الرأى.

المطالبة بالحرية او الحريات ليست تصديعا ولن تجلب الصداع الا لمن كان تفكيره منحرفا عن الطريق القويم.

الخبر الذى اوردته يحتاج الى اثبات من مصدر موثوق وليس سمعت او قالوا لى ، ولو لم يكن هناك مصدر موثوق فالخبر لايعدو كونه اشاعة اربأ بك عن ترديدها .

[Howayda Ismail]

صراحة اول مرة اسمع الكلام ده بالنسبة للمطاعم رغم انه حدث فى بعض المدارس الاجنبية الموجودة فى مصر

لكن بالنسبة للمطاعم فده شئ غريب ده حتى ماكدونالز وكنتاكى وهما تابعين لملكية اجنبية تدخله المحجبات

وده موجود فى القاهرة واسكندرية ومطروح وكثير من المحافظات واكثر روادهم محجبات .

ولكن ان حدث ذلك فيعتبر كارثة ولكن من سترضى ان تتنازل عن دينها او حجابها مقابل وجبةاخرها الصرف.

[أسد]

ممكن لو سمحت أسماء تلك المطاعم ..

حتى نشهر بهم في حال صدق الخبر

[Howayda Ismail]

ممكن لو سمحت أسماء تلك المطاعم ..

حتى نشهر بهم في حال صدق الخبر

للاسف الاهتمام بها ممكن يلفت النظر اليها اكتر وممكن يكون الغرض من ذلك الخبر هو شهرتها وليس التشهير لان الفضول

سيجذب الكثيرين الى تلك المطاعم المفروض الانذكر تلك الاشياء اصلا وعلى المستاء ان يلجأ لشكوى لاى جهة دون حدوث

جلبة

[أسد]

ممكن لو سمحت أسماء تلك المطاعم ..

حتى نشهر بهم في حال صدق الخبر

للاسف الاهتمام بها ممكن يلفت النظر اليها اكتر وممكن يكون الغرض من ذلك الخبر هو شهرتها وليس التشهير لان الفضول

سيجذب الكثيرين الى تلك المطاعم المفروض الانذكر تلك الاشياء اصلا وعلى المستاء ان يلجأ لشكوى لاى جهة دون حدوث

جلبة

لكن إحنا من حقنا نعرف الأماكن دي .. طالما أن مثل هذا الخبر نشر ...

أيضاً نريد أن نتأكد من مصداقية هذا الكلام ...

ما هو مش ممكن أي حد يقول أي حاجة .. نقوم نصدقها بدون أي دليل ..

أنا طلبت نشر أسماء تلك الأماكن ..

لنتأكد ونتحقق من ذلك ..

ثم لنقاطعهم ...

[Howayda Ismail]

ممكن لو سمحت أسماء تلك المطاعم ..

حتى نشهر بهم في حال صدق الخبر

للاسف الاهتمام بها ممكن يلفت النظر اليها اكتر وممكن يكون الغرض من ذلك الخبر هو شهرتها وليس التشهير لان الفضول

سيجذب الكثيرين الى تلك المطاعم المفروض الانذكر تلك الاشياء اصلا وعلى المستاء ان يلجأ لشكوى لاى جهة دون حدوث

جلبة

لكن إحنا من حقنا نعرف الأماكن دي .. طالما أن مثل هذا الخبر نشر ...

أيضاً نريد أن نتأكد من مصداقية هذا الكلام ...

ما هو مش ممكن أي حد يقول أي حاجة .. نقوم نصدقها بدون أي دليل ..

أنا طلبت نشر أسماء تلك الأماكن ..

لنتأكد ونتحقق من ذلك ..

ثم لنقاطعهم ...

اصلا من المستحيل ان اى مطعم لديه استعداد ان يعلق لافتة(ممنوع دخول المحجبات) وان حدث كان زمان

الدنيا اتقلبت عليه وان لم يفعل فليس من المعقول انه يجبر المحجبات على خلع الحجاب بعد دخول المطعم

او مغادرته فى حالة الرفض الكلام كله غير منطقى ده حتى كارفور اليهودى لايجرؤ على فعل ذلك واكثر مرتديه

محجبات

[MZohairy]

بصرف النظر عن الطريقه الرديئه التي تم عرض الموضوع بها للأسف من الأخ محمود هداه الله

و بصرف النظر عن عدم ايراده لاي مصدر يؤكد كلامه و يتيح لنا ابداء الرأي في قضيه حقيقيه مؤكده

الا انه في حالة صدق الموضوع سيكون رأيي بالرفض بطبيعة الحال لأي حجر على الحريات في ارتداء الملبس و خصوصا في المطاعم و هي اماكن لا تتطلب بروتوكولات معينه في الملابس او الدريس كوود كما يطلق عليه

تحياتي

[doha]

اصلا من المستحيل ان اى مطعم لديه استعداد ان يعلق لافتة(ممنوع دخول المحجبات) وان حدث كان زمان

الدنيا اتقلبت عليه وان لم يفعل فليس من المعقول انه يجبر المحجبات على خلع الحجاب بعد دخول المطعم

او مغادرته فى حالة الرفض الكلام كله غير منطقى ده حتى كارفور اليهودى لايجرؤ على فعل ذلك واكثر مرتديه

محجبات

بديهية وقبل مناقشة الخبر اننا نعرف على الاقل مصدر المعلومه كبدايه ثم مين هي المطاعم المقصوده دي والي بالتاكيد هيحصل لها شهرة لما تتعرف بس شهرة سلبية هتضرها باضعاف ماهتنفعها

وبالحديث عن مصادر المعلومات ياريت برضه ياسيدتي الفاضلة تقولي لنا مصدر معلومتك عن ( يهودية كرفور ) لانها جديده علي بصراحه ..

تم تعديل 4 يوليو 2010 بواسطة doha

[mekkawy]

سلام عليكم

شوفوا يا جماعة الخير

و الله في حال عدم صحة الخبر .. خلاص يا دار ما دخلك شر

في حالة صحته

خلاص الشر على أصحابه .. ما يضير المحجبات .. على رأي الفاضلة مصرية متغربة .. بناقص مطعم .. هم الخسرانين مش المحجبات .. ما شاء الله مصر ما زالت دولة إسلامية و عدد المحجبات فيها يفوق بكثير عدد المتبرجات.

هو الموضوع مش في المطاعم الفايف ستارز و كدة .. لأ في بعض الأماكن فعلاً الموضوع موجود و أنا حصل معايا .. لكن في مكان عادي أتوقع فيه كدة و هو نوادي ضباط الجيش .. كنت رايح مع والدي (أبويا ضابط تخيلوا) و منعوني و زوجتي عشان أنا ملتحي و هي منتقبة أحمدك يا رب

يلا سلام عليكم

مكاوى

تم تعديل 4 يوليو 2010 بواسطة mekkawy

[شيدوان]

المشروعات التجاريه تدار على اساس مادى وليس دينى ..اى على اساس الربح والخساره فى الدنيا لا الآخره .. وسواء هذ المطاعم او غيرها من المشروعات فان قبولها او عدم قبولها للمحجبات لادخل له بالدين انما باشياء اخرى تؤثر سلبا او ايجابا على ارباحها .

وانا اذكر محلا للملابس الحريمى كان فى شارع قصر النيل تملكه وتديره سيده اجنبيه وان كانت تتكلم العربيه ، وكان يعرض احدث الموديلات ....وبعد انتشار الحجاب وجدت المعروضات فى الفترينه لملابس المحجبات ، ودهشت فدخلت المحل لارى هل هناك تغيير بالداخل ايضا ؟... فوجدت كل شئ كما هو ..المدام كما هى بالفستان احدث موضه تجلس ساقا على ساق والسيجاره بين اصابعها ...وتجرأت وسألتها ..لماذا ملابس المحجبات مع ان ....

وقاطعتنى وردت بسرعه كأن السؤال سبق تكراره عليها ...ان المحل مفتوح ليبيع وتكسب منه ، لا ليعرض بضاعه لا يشتريها احد ... لذلك هى تعرض ما يريده الزبون لا ما تريده هى.

ارجو الا يكون الدين وكلمات الحرام والحلال جاهزه حاضره دائما لتكفير او لعن او حتى استنكار اى تصرف لا نرضى عنه ... ثم اننا لو كنا نتكلم بحياد عن موضوع الحريه .... فالعدل ان نقول

من حق السيدات ارتداء الحجاب ، ومن حق المطاعم رفض دخول المحجبات

شكرى وتحياتى

[abaomar]

السلام عليكم

الاخوه الكرام جزاكم الله خيرا

.

اخى الحبيب محمود..

الرسول محمد صلى الله عليه و سلم يقول افشوا السلام و انت تخشى ان يتهمك علمانى او امبروالى بالسلفيه بسبب ذلك

يا اخى نعم التهمه لو احسنا النيه ..

.

يا اخى ارجوك ان تعذر هؤلاء القوم فهم فى اشد حالات الكرب تلك الايام بعد الضربات المتلاحقه و التى

جعلتهم فى موقف لا يحسدون عليه بسبب إنكشاف ..ظهورهم .. من خلال المواقف المخزيه لرموز الليبراليه

بدء من فضيحه تزوير حزب الغد الليبرالى مرورا بفضيحه ..القمنى ..العلمانى البلبوص ..المزور ايضا مرورا بالموقف المخزى

و السكوت الفاضح امام ما تفعله الكنيسه المصريه برفض تنفيذ الامر القضائى بدعوى مخالفته لتعاليم الكنيسه و القفز فوق معاناه

مئات الالاف من الاسر و النساء اللواتى يردن حياه طبيعيه عفيفه من خلال الزواج الشرعى و الذى تقف امامه الكنيسه

موقفا متعنتا مخالفا لقوانين عملت بها الكنيسه نفسها سنون طوال و لكن ...نحن فى عصر ..التنوير و الحداثه

( الكلام طبعا من الجانب المواطنى و القانونى باعتبار ان هؤلاء مواطنين مصريين لهم حقوق

و ليس له علاقه بالجانب الدينى و الروحى للمسيحيه و اقول ذلك

لقطع الطريق على المطبلاتيه و الهتيفه محترفوا التنقيط فى الافراح و انصار نظريه ..دراع مرسى .. ).

.

طبعا المد العلمانى و محاوله التأثير على الصبغه الاساسيه لمصر الاسلاميه و الذى فشل فشلا ذريعا

لن يعدم المحاولات لتغيير الهويه الاسلاميه السنيه لمصر و لكنه كمن يحرث فى الماء ..

.(الاحترام موصول لزملائنا فى المنتدى بجميع مشاربهم و الامر بالنسبه لى اكبر من يكون شخصيا ضد احد بعينه

و من يشعر ان على رأسه بطحه ..تلك مشكلته )

بالمناسبه و تأييدا لكلام اخونا محمود

http://www.aawsat.com//details.asp?section...88&feature=

جريده الشرق الاوسط

الاربعـاء 18 رجـب 1431 هـ 30 يونيو 2010 العدد 11537

مطعم مصري يرفض استقبال المحجبات

القاهرة: عصام بدوي

قررت إدارة منشأة سياحية بالقاهرة منع استقبال المحجبات. فبعد أن قررت مجموعة من السيدات إقامة حفل عشاء في أحد المطاعم (فئة خمسة نجوم)، فوجئن بسؤال من موظف الحجز بالمطعم عن وجود سيدة محجبة بين المدعوين، وبعد استفسارهن عن السبب، أجابهن قائلا: «المطعم لا يستقبل المحجبات». واتصلت «الشرق الأوسط» بالمطعم الشهير في القاهرة لحجز إحدى الموائد لكن موظف الحجز بادرنا بالسؤال عما إذا كنا سنصحب محجبات معنا، مؤكدا أن المطعم لا يستضيف المحجبات.

وقال المسؤول عن المطعم إنه ليس هناك قانون يمنع ذلك، إلا أن هذه التعليمات خاصة بصاحب المكان، لأنه ملكية خاصة، وتقدر تذكرة دخوله بنحو 100 جنيه مصري (نحو 17 دولارا). وفي نفس الاتصال الهاتفي، بادره مراسل الجريدة برغبته في حجز أماكن لمجموعة من السائحين تضم سيدات منتقبات، للتأكد مما إذا كان هذا الإجراء ينطبق على المصريات فقط، فرد المسؤول أن المطعم يمنع ذلك تماما للجميع. واعتبرت مصادر ذات صلة بمجال السياحة «أن المطعم يتعسف في اختيار رواده سواء من مصريات أو من جنسيات أخرى، كما أنه يترك انطباعا سيئا في مجال السياحة المصرية بالإضافة إلى أنه موقف غير قانوني وأن من حق أي سيدة تمنع من دخول أي مطعم اللجوء للقضاء لمنع تكرار هذا التصرف الغريب».

وثارت في مصر العديد من الأزمات بسبب النقاب حيث تمنع بعض قاعات الأفراح والمطاعم دخول النساء المنتقبات.

.

الزميل الفاضل شيدوان

من حق السيدات ارتداء الحجاب ، ومن حق المطاعم رفض دخول المحجبات

المطعم الذى يقع على ارض مصريه و يقع تحت طائله القانون المصرى و يحكمه الدستور المصرى الذى ينص على

مرجعيه الدوله و هى الاسلام و ينص ايضا على المواطنه و المساواه و عدم التمييز ليس له حق فى منع

دخول المحجبات و إذا كان له فهو حق البلطجه و قله الادب ..فقط ......إذا كان ذلك حقا .

تم تعديل 4 يوليو 2010 بواسطة abaomar

[Howayda Ismail]

اصلا من المستحيل ان اى مطعم لديه استعداد ان يعلق لافتة(ممنوع دخول المحجبات) وان حدث كان زمان

الدنيا اتقلبت عليه وان لم يفعل فليس من المعقول انه يجبر المحجبات على خلع الحجاب بعد دخول المطعم

او مغادرته فى حالة الرفض الكلام كله غير منطقى ده حتى كارفور اليهودى لايجرؤ على فعل ذلك واكثر مرتديه

محجبات

بديهية وقبل مناقشة الخبر اننا نعرف على الاقل مصدر المعلومه كبدايه ثم مين هي المطاعم المقصوده دي والي بالتاكيد هيحصل لها شهرة لما تتعرف بس شهرة سلبية هتضرها باضعاف ماهتنفعها

وبالحديث عن مصادر المعلومات ياريت برضه ياسيدتي الفاضلة تقولي لنا مصدر معلومتك عن ( يهودية كرفور ) لانها جديده علي بصراحه ..

تردد على مسامعنا اثناء زيارتنا لكارفور اسكندرية وخصوصا بعد الزيادة الكبيرة التى ضمت لمساحته انه استثمار

غير مصرى واكثر الظن انه يهودى ولانعرف صدق المعلومة من عدمها وان كانت صادرة من العاملين انفسهم.

ولكن نفس الكلام ردده ناس اخرون من مرتاديه.

وللعلم اليهودية فى مصر ديانة وليست جنسية وهم موجودين من مئات السنين وكان منهم ممثلين مشهورين

[مغتربة]

اصلا من المستحيل ان اى مطعم لديه استعداد ان يعلق لافتة(ممنوع دخول المحجبات) وان حدث كان زمان

الدنيا اتقلبت عليه وان لم يفعل فليس من المعقول انه يجبر المحجبات على خلع الحجاب بعد دخول المطعم

او مغادرته فى حالة الرفض الكلام كله غير منطقى ده حتى كارفور اليهودى لايجرؤ على فعل ذلك واكثر مرتديه

محجبات

بديهية وقبل مناقشة الخبر اننا نعرف على الاقل مصدر المعلومه كبدايه ثم مين هي المطاعم المقصوده دي والي بالتاكيد هيحصل لها شهرة لما تتعرف بس شهرة سلبية هتضرها باضعاف ماهتنفعها

وبالحديث عن مصادر المعلومات ياريت برضه ياسيدتي الفاضلة تقولي لنا مصدر معلومتك عن ( يهودية كرفور ) لانها جديده علي بصراحه ..

تردد على مسامعنا اثناء زيارتنا لكارفور اسكندرية وخصوصا بعد الزيادة الكبيرة التى ضمت لمساحته انه استثمار

غير مصرى واكثر الظن انه يهودى ولانعرف صدق المعلومة من عدمها وان كانت صادرة من العاملين انفسهم.

ولكن نفس الكلام ردده ناس اخرون من مرتاديه.

وللعلم اليهودية فى مصر ديانة وليست جنسية وهم موجودين من مئات السنين وكان منهم ممثلين مشهورين

كارفور فى الاصل هى شركه فرنسيه

اما استثماراتها فى كلا من الامارات و مصر

فهىشراكه مع وكيلها فى المنطقه رجل الاعمال الاماراتى ماجد الفطيم

[Salwa]

اصلا من المستحيل ان اى مطعم لديه استعداد ان يعلق لافتة(ممنوع دخول المحجبات) وان حدث كان زمان

الدنيا اتقلبت عليه وان لم يفعل فليس من المعقول انه يجبر المحجبات على خلع الحجاب بعد دخول المطعم

او مغادرته فى حالة الرفض الكلام كله غير منطقى ده حتى كارفور اليهودى لايجرؤ على فعل ذلك واكثر مرتديه

محجبات

بديهية وقبل مناقشة الخبر اننا نعرف على الاقل مصدر المعلومه كبدايه ثم مين هي المطاعم المقصوده دي والي بالتاكيد هيحصل لها شهرة لما تتعرف بس شهرة سلبية هتضرها باضعاف ماهتنفعها

وبالحديث عن مصادر المعلومات ياريت برضه ياسيدتي الفاضلة تقولي لنا مصدر معلومتك عن ( يهودية كرفور ) لانها جديده علي بصراحه ..

تردد على مسامعنا اثناء زيارتنا لكارفور اسكندرية وخصوصا بعد الزيادة الكبيرة التى ضمت لمساحته انه استثمار

غير مصرى واكثر الظن انه يهودى ولانعرف صدق المعلومة من عدمها وان كانت صادرة من العاملين انفسهم.

ولكن نفس الكلام ردده ناس اخرون من مرتاديه.

وللعلم اليهودية فى مصر ديانة وليست جنسية وهم موجودين من مئات السنين وكان منهم ممثلين مشهورين

صباح الخير...

قبل ما نتكلم ف موضوع المحجبات...

كارفور طبعااااااااااااا..........رأس مال يهودى .

ف كل انحااااااااء العالم.....

عايزيننا نتناقش حتى ف...(( الأنجراما بتاعته )) ...انتم شايفين الشكل ايه ؟؟؟

بيتهيأ لكم انه ايه ؟؟ سهم وعكسه...؟؟ مثلا ؟؟؟

والا ...اشارة لعلم فرنسا ؟؟؟ .ممكن برضه..

ويمكن يكون حرف........c............ باللون الابيض ..فى المنتصف يعنى ؟؟؟ ....يعنى احمر وابيض وازرق ؟؟؟...بس محدش بياخد باله انه....حرف.. :P

طيب دوروا على اصل الرسمة ؟؟؟؟

ثم...

ايه المشكلة دلوقت ؟؟ ...طيب ماهى ...قناة الجزيرة ....رأس مال مشترك ؟؟؟ يهودى قطرى ...(( بلاش نقول اسرائيلى قطرى ))

وغيره وغيره وغيره ...

كارفور عامل دعاية لنفسه من كذا سنة وبينادى برعاية البيئة ...وشوفوا الاكياس البلاستيك اللى عنده؟؟ شوفوا الملايين اللى على مستوى العالم كله ..؟؟

دى تجارة ..

والتجارة (( ف عرف رجال الاعمال ...انهاردة )) شطارة ..

والكل (( على مستوى العالم كله )) ...عاوز يكسب من ..الكل ..

مش مهم الديانة ..

نيجى بقى للمحجبات ..

كانت حاتبقى معقولة نوعا ما..لو ثيل....ممنوع دخول المنقبات ...(( ليه بقى ؟؟؟ ممكن يقولك وافرض انه راجل وشايل قنابل ؟؟؟ او متخفى وجاى مع واحدة مش زوجته ؟؟ او غيره واسباب كتيرة وكل واحد له وجهة نظر )) .

لكن؟؟

ممنوع دخول المحجبات ؟؟؟؟؟؟؟

طيب تيجى ازاى دى ؟؟؟؟؟؟؟؟

واحدة داخلة مطعم شيك ...اكييييد معاها فلوس ....اذن...

مش منطقى نهائى انهم يقولوا ممنوع...؟؟

ممكن يكون الخبر ده....لاحداث فتنة ...

فاكرين موضوع حنان ترك ؟؟ لما قالوا ممنوع دخول غير المحجبات ؟؟؟؟؟؟؟؟

ناس فاضية بجدددددددد..

شفتوا ؟؟؟

اليهود اذكياء جدااااااااا.....والله العظيم بجد .

يعنى ناس فعلا فعلا ف منتهى الذكاء ..

تغلغلوا جوا كللللللللللل البلاد العربية ( وغير العربية ) ...من غير دوشة ولا فرقعة اعلامية ( هما برضه مسيطرين على الاعلام ف العالم كله خللوا بالكم )..

والناس بقى ...المحجبة والمنقبة واصحاب اللحى ....بيجروا كل اسبوع على كارفور ....فرحانين بالاسعار ..

و...

صباح الخير... :sad:

[tarek hassan]

الخبر موجود على النت على مواقع غير مشهورة ولكن

بطريقة أشبه بالإشاعة

لكون الخبر ليس فيه أسماء لتلك المطاعم

وذكر أحداث فردية لا تتصل بمطاعم ولكنها كانت على شواطيء أو في الجامعة مثلا

ولكون أصحاب المطاعم عامة لا يهتمون إلا بالجانب الربحي ولا يعقل أن يقدم صاحب مطعم في بلد إسلامي على ذلك وإلا كان مجرما في حق نفسه وحق أولاده على الأقل

ولو حدث ذلك لكان الأولى به ماكدونالدز وغيرها من المطاعم الغربية في البلاد العربية التي لا تشترط ذلك

وأشارت إحدى الفتيات إلى انه لدى دخولها مع إحدى زميلاتها أحد المطاعم الواقعة ما بين الدوار الخامس والسادس في العاصمة سمح لصديقتها بالدخول بينما منعت هي، والسبب ارتداءها الحجاب بينما زميلتها لم تكن ترتديه كما أفاد موظفو الاستقبال بالمطعم.

هل يعقل أن تدخل إحدى الطالبات وتترك زميلتها ؟

لا اسم للفتاة ولا اسم للمطعم ولا اسم لموظفي الاستقبال

لا تصدق أستاذ : محمود

ولكن هناك إيجابية في هذا الخبر الغير صحيح وهي : أن استنكاره كان بالإجماع

تم تعديل 4 يوليو 2010 بواسطة tarek hassan

[Amr Radwan]

المشروعات التجاريه تدار على اساس مادى وليس دينى ..اى على اساس الربح والخساره فى الدنيا لا الآخره .. وسواء هذ المطاعم او غيرها من المشروعات فان قبولها او عدم قبولها للمحجبات لادخل له بالدين انما باشياء اخرى تؤثر سلبا او ايجابا على ارباحها .

وانا اذكر محلا للملابس الحريمى كان فى شارع قصر النيل تملكه وتديره سيده اجنبيه وان كانت تتكلم العربيه ، وكان يعرض احدث الموديلات ....وبعد انتشار الحجاب وجدت المعروضات فى الفترينه لملابس المحجبات ، ودهشت فدخلت المحل لارى هل هناك تغيير بالداخل ايضا ؟... فوجدت كل شئ كما هو ..المدام كما هى بالفستان احدث موضه تجلس ساقا على ساق والسيجاره بين اصابعها ...وتجرأت وسألتها ..لماذا ملابس المحجبات مع ان ....

وقاطعتنى وردت بسرعه كأن السؤال سبق تكراره عليها ...ان المحل مفتوح ليبيع وتكسب منه ، لا ليعرض بضاعه لا يشتريها احد ... لذلك هى تعرض ما يريده الزبون لا ما تريده هى.

ارجو الا يكون الدين وكلمات الحرام والحلال جاهزه حاضره دائما لتكفير او لعن او حتى استنكار اى تصرف لا نرضى عنه ... ثم اننا لو كنا نتكلم بحياد عن موضوع الحريه .... فالعدل ان نقول

من حق السيدات ارتداء الحجاب ، ومن حق المطاعم رفض دخول المحجبات

شكرى وتحياتى

الفاصلة "شيدوان" ..

كلامك جميل و مقنع و منطقي الا في اخر جملة ..

نفس مبدأ حاجات كتيرة في البلد اليومين دول ..

عذرا اختي الفاضلة هذا ليس من الحرية .. بل هو قمع للحرية ..

هل هناك تفسير منطقي و مقنع من اغلاق الباب في هذه المطاعم اما "المحجبات" و ليس ال "المنتقبات" !!!!

هل هناك اي صلة منطقية بال"بزنس" ؟

يعني المحجبة مش هتدفع مثلا ؟

يعني المحجبة هتيجي في مكان خمس نجوم بعباية لف و منديل ؟

لا و الله ..

للاسف كنا في السابق الغير بعيد .. ندافع عن حق المنتقبة في الدخول الي الاماكن العامة .. و المؤسسات الحكومية .. و الان تطور الوضع و اصبحنا نتحدث عن احقية "المحجبة" في الدخول للمطاعم

هل هذه هي الحرية و المساواة التي يطالب بها البعض .. !!!!

يعني انا في امريكا و لو عندي مطعم و قلت مش عاوز اي حد يهودي يخش المطعم .. لاني شايف ان اليهود وحوش و مجرمين حرب ... اية رايكم ؟؟ انتوا عارفين ايه اللي هيحصل ؟

الدنيا هتتشال و تتهبد ..

ادعوكم الي وقفة مع النفس و التفكير من الناحية الاخري من الكرة الارضية .. او التفكير بعقل و طريقة الطرف الاخر و احساسيه و مشاعره .

[mekkawy]

للاسف كنا في السابق الغير بعيد .. ندافع عن حق المنتقبة في الدخول الي الاماكن العامة .. و المؤسسات الحكومية .. و الان تطور الوضع و اصبحنا نتحدث عن احقية "المحجبة" في الدخول للمطاعم

هل هذه هي الحرية و المساواة التي يطالب بها البعض .. !!!!

ادعوكم الي وقفة مع النفس و التفكير من الناحية الاخري من الكرة الارضية .. او التفكير بعقل و طريقة الطرف الاخر و احاسيسه و مشاعره .

أخويا عمرو

الله يفتح عليك يا سيدي والله

مهو ده اللي صوتنا اتنبح نقوله و نقول دي حرب على الاسلام يقولك مواهيم .. نقول دي تدريج ... يقولك مجانين .. حتى لو الخبر مجرد اشاعة و كذبة .. ماشي .. و لكن مؤشرات تردج الحرب على النقاب ثم الحجاب تعني و تشير إلى أن الصدام سينتقل لمراحل أبعد و ثوابت أكبر

و كما قال اخونا عمرو .. بالأمس القريب كان النقاب .. بعده الحجاب .. كلنا قرأنا عن طرد العمال الصائمين بدعوى تقصيرهم في العمل بسبب صيامهم .. شوية و الضهر مالوش لزمة عشان الحر .. حبة و رمضان كفاية يوم و يوم مش لازم كل يوم ... و الله التردج في الحرب على الاسلام واضح و جلي بس للي عاوز يشوفه

دعوتي هي نفس دعوة أخويا عمرو بالأحمر فوق دي .. بارك الله فيك يا عمرو

مكاوى

تم تعديل 4 يوليو 2010 بواسطة mekkawy

[اغابي]

انا اضم صوتى لصوت استاذ زوهير

اذا ثبت الكلام داه - اعتقد ان المطعم داه حتى ولو تحت شعار السياحة - يبقـــــــــى قلـــــــة زوق

- لان السياح نفسهم عندهم محجبات فى بلادهم سواء اوربا او امريكا . .

ازاى اى حد يجبرنى البس لبس معين ويقيد حريتى - مع العلم انى مسيحية وكلكم تعرفوا كدا . .

لكن بتكلم لو اتطلب منى العكس مثلا . . . . . وليه لاء . . ممكن يحصل . . نتوقع اى حاجة فى عصر رئيسنا المحبوب . . مبارك بيه . .

طيب

- كان اتردد اشاعة بعد حجاب الممثلة حنان ترك انها كتبت على مطعمها الجديد - ممنوع دخول المسيحيين او دخول غير المحجبات - وانا اعتبرته قلة ادب

وقولت فى بالى الله يرحم افلامك وقضية الاداب الشهيرة بتاعتك انت ووفاء عامر . .

والله واعلم من صدق الخبر اللى قريته وقتها على بعض المنتديات وفى اخبار تانى كذبت الخبر على لسان الفنانة - وانها نفت الخبر وقالت ازاى اعمل كدا

وان داه ممكن ياثر على نجاح المطعم .

بغض النظر عن اى اعتقاد - المطعم داه مش مكان دينى - دا حتى - الاماكن الدينية ودور العبادة عمرها ما اتكتب عليها تحديد نوع من الملابس او اجبار حد على كدا . .

غريب داه قلة زوق فعلا -

واى حد يتدخل فى ما لا يعنيه او بيتخطى حدوده فى الكلام الغير لائق او الغير مطلوب - انا فى راى واكيد كلكم توافقونى يبقى قلة زوق برضوه . .

وفى النهاية ليا رد للزميل الفاضل / ابو عمر

ياريت ما تدخلش فى كل موضوع وتتكلم عن امور وشئون المسيحيين

او تدخل فى الكلام بعض التوبيخ على الكنيسة ( قال يعنى نيتك سليمة وما تقصدش حاجة يا ابو عمر ) .

وتفضل بقى تلزق معاناه للنساء المسيحيات اللى نفسهم على حد قولك وحيموتو يا حراام ويتجوزو كمان مرة وبتحسسنى انهم اشتكلولك

ودى مش شطارة دى اسمها ( .. .. )

عموما قولتلك يا ابو عمر قبل كدا - هى اولها بتبقى كدا - بشري خير . .

كمان الزميل الفاضل/ محمود مصطفى

صاحب المواضيع البناءة - كل مواضيعك غريبة ياترى مش بتلاقى موضوع مفيد للناس تتكلم فيه اكتر بدل من موضوعات . .

تزود بيها - الاحتقان الديني والكراهية والفتن فى نفوس الناس اللى على المحاورات -

مش عارفة ليه افتكرت موضوع انت كنت فتحته قبل كدا وابتسمت بينى وبين نفسي - موضوع . . . . هل نهر النيل مسلم ولا مسيحي ؟؟؟؟ :P

تحياتى للجميع

اغابي

:sad:

تم تعديل 4 يوليو 2010 بواسطة اغابي