محاكمة هشام عبد الوهاب

[عصام]

الادعاء يتفضل

حضرات القضاة والمستشارين

المتهم الماثل فى قفص الاتهام أمام حضراتكم والمدعو "هشام عبد الوهاب" أجرم فى حق نفسه بل وفى حق محاورات المصريين .. وبل وأكاد أقول فى حق المجتمع بأكمله .. عندما سولت له نفسه التفكير فى الابتعاد عن المحاورات ..

بل وتخطى مرحلة التفكير ليخرج بفكرته الشيطانية إلى حيز التنفيد .. وينقطع عن محاورات المصريين لفترة من الوقت ليست بالقصيرة .. نأى بنفسه خلالها بعيدا .. فلم يشارك ولم يقرأ ولم يكن له اى دور من قريب او من بعيد فى محاورات المصريين ..

محاورات المصريين التى يمثل المتهم أحد أركانها .. التى يمثل المتهم أحد أعمدتها ..

والآن دعونى أطرح سؤالا .. هل أخطأ الأعضاء عندما أحاطوه بحبهم وتقديرهم؟ .. لا والله لم يفعلوا لأنه استحق هذا الحب وهذا التقدير .. ولكن

أقول هنا أن المتهم قد خان هذا الحب وهذا التقدير .. وقد يكون هذا الفعل قد تم رغما عن إرادته .. ولكننا هنا يهمنا الوقائع ..

والآن ... عايزنا نرجع زى زمان ..؟ ... قول للزما....إحم .. قصدى هيهات يا أستاذ

السيد هشام عبد الوهاب .. هل تنكر جريمتك؟

طبعا لا تملك إلا الصمت ..

وعليه سادتى القضاة والمستشارين فإننى اطلب فى حالة ثبوت التهمة وقبل السماح له بالعودة كما أراد .. أن تنزل عقوبة الإيقاف على المتهم لمدة دقيقة واحدة .. يمنع خلالها من المشاركة فى المحاورات كما يتم إنذاره إنذارا صوريا وهذا حتى يكون عبرة لمن يعتبر ... ولكل من تسول له نفسه أن يسلك مسلكه..

القاضى:

فليتفضل الدفاع .. وسنعطى الفرصة بعد ذلك لكل من يرغب فى التعليق كل فى دوره ..

الدفاع يتفضل ...

تم تعديل 26 مايو 2004 بواسطة esssothegreat

[kfaya]

سيدى الرئيس ......حضرات المستشارين .....

ما المتهم الماثل امامكم فى قفص الاتهام الا شريحة من المجتمع الذى طفح بة الكيل و بلغ الزبد الربى ..... انة ابن هذا الزمان الحزين ..المريض ...المهزوم ...المنكسر .... cr((:

لذا التمس من عدالة المحكمة النظر بعين الرأفة و العطف على المتهم اللى بيبص علينا من القفص و أخذ ظروف البلد و المنطقة كلها بعين الاعتبار ....

وخير دليل على أقوالى مداخلة الاخ رجب اثنين فى محاربة الفساد والمعنونة ب " الكحكة " و التى أرجو من عدالة المحكمة ضمها لمستندات القضية .... و التى أناشد أعضاء المحاورات عدم قراءتها و الا كلنا هنعمل زى هشام ......

[se_ Elsyed]

كفاية كتب

و بلغ الزبد الربى

تصدق بالله يا دسوقي أفندي يا صبي المحامي .. إنت نستني هي بتتكتب إزاي .... زبدة إيه ومورتت إيه يا عم اللبان ... إسمها " بلغ السيل الزُبى ( ضمه على الـ ز ) " يعني بالبلدي إتخنقنا ..... إنت كده هاتودي الراجل في داهيه بالاخطاء اللي في مذكرة الدفاع .

انا كعضو إشراف ازرق وكنت مِخضر قبل كده .. أرى تحويل أوراق المتهم إلى فضيلة الأدفايزر وممكن بعدها نسمع دفاعه عشان بتوع حقوق الإنسان وكده يعني .

إتكلم يا سي هشام الإنكار مش هايقفيدك قول حاجة الأدلة كلها ضدك وعبدو البواب شاهد عليك وإعترف إنك كنت مكهرب باب شقتك وقاطع سلك التليفون ومتهرب من سداد فاتورة المحمول أبو كارت عشان ماحدش يتصل بك أو يضغط عليك ...

[kfaya]

سيدى الرئيس .....

أرجو أيضا ضم مستندات زميلى kwa المحامى المنتدب من نقابة المحامين و لجنة حقوق الانسان الى مستندات القضية و هى بعنوان " اين رجل السياسة فى مصر " وتجدها هيئة المحكمة الموقرة فى باب مختارات من الصحف قص و لزق .....

وشكرا سيدى الرئيس ...

[se_ Elsyed]

سيدى الرئيس .....

أرجو أيضا ضم مستندات زميلى kwa المحامى المنتدب من نقابة المحامين و لجنة حقوق الانسان الى مستندات القضية و هى بعنوان " اين رجل السياسة فى مصر " وتجدها هيئة المحكمة الموقرة فى باب مختارات من الصحف قص و لزق .....

وشكرا سيدى الرئيس ...

طلب مرفوض يا سيد كفاية .. ولو سمحت ماتوهناش معاك .. إحنا قدام حالة محددة وهي حالة إنسان وضعنا فيه ثقتنا ورفعناه لأعلى مراتب الإشراف .. وفجأة تخلى عنا جميعاً ونحن في مرحلة حرجة من تاريخ الأمة .. وإنت سيادتك تيجي تدافع عنه وعمال تجيبلي مستندات من الشرق والغرب .. وده ليه عشان تلعب على عامل الوقت .... شوفلك لعبة غير دي ...

أنا عايز مبررات مُقنعة للإستقالة التى قدمها .. ولعلمك في موضوع انا ممكن أغطس وأجيبهولك كان أعتذر فيه باين قبل كده أو كان طلب اجازة مفتوحة حاجة زي كده ... يعني المتهم كان يخطط للهروب ...

وبعدين هو فين المتهم .... ده نام يا عم ونسي إنه عنده جلسة نقض في محكمة زنانيري .... روح يا حشيش إنده للمتهم من عالقهوة وقوله قضيتك في الرول دلوقت والنطق بالحكم هايبقى كمان شوية ...

محــــــــــــــــكمة ( بوم ... ضربة شاكوش )

[هشام عبد الوهاب]

السلام عليكم

المتهم حضر ..... سامحونى ... غصي عنى .. خلاص .

اليأس و وقت الصحوة

[هشام عبد الوهاب]

نسيت اقول لحضراتكم انى موافق على اى حكم تصدره المحكمة.

[سقراط المصري]

نسيت اقول لحضراتكم انى موافق على اى حكم تصدره المحكمة.

انا ياعم حكمي اوطلبي: (الانانيه بدأت تظهر عند الواحد، وهاروح في داهيه).

والله يا هشام بيه طلبي خاص بالموسيقى لو تقدر تعملوه تبقى ابن حلال وهو خاص بأغنيه قلبت النت عليها من ساسها لراسها مالقيتهاش ،لو تعرف تسجلها وتحطها على النت تبقى كريم قوي ، هه موافق ولا فينا من سلام عليكو ومعطلكش ولمواخذه وحركات الربع كم دي.

لو موافق اقولك على الاغنيه.

سمعونا صقفه ياجدعان ، وتشجيعه لاجل النبي ، ويجعله عامر ياخوانا

سقراط

مواطن مصري ( الكحيت سابقاً)

[حرفوش]

براءة

[عصام]

وااحد من بين جمهور الحاضرين الغلابة .... يصيح. .

هو إيييييييييه أصله ده يا جدعان ..!!!!

الصمت يعم المكان فجأة :angry:

يستجمع شجاعته ويكمل صائحا..

هو البيه المتهم إكمنه باشا سابق .. وله وضعه فى البلد .. قصدى المحاورات تبقى المسائل تمشى كده يعنى؟؟؟؟ حسبى الله ونعم الوكييييييل .. ثم يجلس خائفا متوترا :D

القاضى:

لم ما سكتش يا بنى ها اطلعك بره .. سامعنى؟ bxg::

صحيح أنا شايف ان الشهود واخدين المسألة بالراحة كده .. وبيجاملوا المتهم!! هو إيه النظام .؟

المحكمة لازم تصدر حكم .. عاوزين نخلص!!

الادعاء:

يا اسطى ما هى باينى قدامك آهى .. بايننا مش هانعرف ناكل عيش ..

إنده لنا يا بنى ع الشاهد اللى بعده يمكن يقول كلمة كويسة .. (يجلس وعلى وجهه علامات الكبسة)

[kfaya]

سيدى الرئيس ....حضرات المستشارين .....

ما أصاب موكلى الماثل أمام عدالتكم فى القفص , هو ما أصابنا جميعا من حالات الاحباط و الشعور بالمرارة و فقدان الشعور بالهوية الذاتية ..... اختلاط الغث بالثمين ( صح دى ياعم يا أزرق ).... اهالة التراب على كفاءات و طموحات الشباب ..... حالة من اليأس و فقدان الامل , لا يجدى معها غير الانزواء الوقتى حتى تمر بسلام .......

و ها هو موكلى قد عاد بشحمة و لحمة بعد أن شحذ همتة ,اصبح على أستعداد لمزاولة مهام وظيفتة من جديد

و نحن من جانبنا نقول لة عدت و العود أحمد ...

"حط الشنب بقى يا هشام عشان الحرافيش الجداد يحفظوا شكلك "

وأشكر عدالة المحكمة على سعة صدرها