أشيروا على عرض عمل بشركة الكوكولا بالسعودية

[الفقير الى الله]

بسم الله الرحمن الرحيم

اخوانى فى الله المغتربين فى السعودية

عندى طلب ليكم لو حد اى حد يعرف معلومات عن شركة كوكاكولا السعودية هل هى شركة ذات سمعة طيبة ولا لاء والعمل فيها كويس او لاء؟

السؤال التانى / العقد جاى بمهنة عامل شحن وتفريغ هل ممكن استقدام الزوجة بعد كدة ..... ولو مش ممكن ينفع اعمل تغيير للمهنة.

السؤال التالت العقد جايلى بمبلغ 1650 ريال سعودى اساسى و 1450 عمولة فى حالة تحقيق الخطة البيعية كاملة هل دة كويس ولا ممكن يحصل لعب فى العمولة. مع العلم ان السكن عليهم سكن مغتربين كل اتنين فى اوضة فهل بعد كدة ممكن يدولى بدل سكن عشان اقدر اجيب زوجتى ؟

مع العلم انى هشتغل هناك مندوب مبيعات للشركة

ارجو من الله ثم منكم الافادة والمشورة فلا خاب من استخار او استشار

اسال الله العظيم رب العرش العظيم ان يوفقنى واياكم ويهدينى واياكم الى طريق الحق والخير

[se_ Elsyed]

الأخ الفاضل ..

شركة كوكاكولا لا غبار عليها وإسم معروف وعالمي

لكن الراتب هزيل للغاية وما يرضيش حد

خصوصاً إن العمل .. سوري يعني .. يكاد يكون شغل " عتاله " يعني تحميل وتفريغ وشيل صناديق لما يتقطع نفسك ..

وحتى لو حققت 100 % من التارحت . يعني بتتكلم في إجمالي راتب حوالي 3000 ريال ..

أما حكاية يدولك بدل سكن .. فدي بترجع لعقدك والأتفاق معهم ..

وهانفترض إنهم إدوك بدل سكن ..

فبدل السكن بينفع على الراتب الأساسي .. يعني كبيرك قوي 5000 ريال ... ودول ما بقوش يجيبوا ولا عشة فراخ في السعودية ..

يعني اللي بيلاقي سكن بـ 10 الاف في السنة .. بيقول أنا بطل الأبطال وحالة نادرة

ناهيك باقي عن باقي المصاريف من كهربا وميه وتليفونات و و و و و و ...

بصراحة حرام عليك تقبل راتب زي ده ..

لإن العامل اللي بيعمل شاي وقهوة بقى مرتبه أعلى من كده مع ارتافع الأسعار والغلاء اللي عم على الكل ..

[الفقير الى الله]

الأخ الفاضل ..

شركة كوكاكولا لا غبار عليها وإسم معروف وعالمي

لكن الراتب هزيل للغاية وما يرضيش حد

خصوصاً إن العمل .. سوري يعني .. يكاد يكون شغل " عتاله " يعني تحميل وتفريغ وشيل صناديق لما يتقطع نفسك ..

وحتى لو حققت 100 % من التارحت . يعني بتتكلم في إجمالي راتب حوالي 3000 ريال ..

أما حكاية يدولك بدل سكن .. فدي بترجع لعقدك والأتفاق معهم ..

وهانفترض إنهم إدوك بدل سكن ..

فبدل السكن بينفع على الراتب الأساسي .. يعني كبيرك قوي 5000 ريال ... ودول ما بقوش يجيبوا ولا عشة فراخ في السعودية ..

يعني اللي بيلاقي سكن بـ 10 الاف في السنة .. بيقول أنا بطل الأبطال وحالة نادرة

ناهيك باقي عن باقي المصاريف من كهربا وميه وتليفونات و و و و و و ...

بصراحة حرام عليك تقبل راتب زي ده ..

لإن العامل اللي بيعمل شاي وقهوة بقى مرتبه أعلى من كده مع ارتافع الأسعار والغلاء اللي عم على الكل ..

[الفقير الى الله]

اشكرك على ردك السريع يا اخى فى الله ...... ولكن لى سؤال مهم جدا فى الموضوع دة ....... هوا مندوب المبيعات بيقوم بعمل الشيل والحط والعتالة زى ما انتة بتقول ...... انا وظيفتى هنا مندوب مبيعات يعنى راجل بدور على البيعة وبعمل الفاتورة وبحاسب العميل مش بشيل او بحط ...... المهنة اللى الفيزا بس مسمى مش اكتر وهيا مهنة عامل شحن وتفريغ.......

انا بردة مستغرب ازاى شركة كبيرة زى دى تدى المرتب دة ... سامحنى لو كنت طولت عليك .... بس اانا معنديش الخبرة الكافية لانى وببساطة مسافرتش قبل كدة .... مش عارف ممكن ازيد بعد كدة ولا لاء ..... دة انا حتى مش عارف اية المنطقة اللى هشتغل فيها هناك؟ يارب بس مروحش منطقة مش كويسة اتخنق فيها من الشغل ياريت لو تنصحنى وهل المهنة دى بعد كدة ممكن اعمل استقدام او زيارة حتى للزوجة؟ يارت تفيدنى احسن انا بجد تعبت والله الموفق

[raouf]

اشكرك على ردك السريع يا اخى فى الله ...... ولكن لى سؤال مهم جدا فى الموضوع دة ....... هوا مندوب المبيعات بيقوم بعمل الشيل والحط والعتالة زى ما انتة بتقول ...... انا وظيفتى هنا مندوب مبيعات يعنى راجل بدور على البيعة وبعمل الفاتورة وبحاسب العميل مش بشيل او بحط ...... المهنة اللى الفيزا بس مسمى مش اكتر وهيا مهنة عامل شحن وتفريغ.......

انا بردة مستغرب ازاى شركة كبيرة زى دى تدى المرتب دة ... سامحنى لو كنت طولت عليك .... بس اانا معنديش الخبرة الكافية لانى وببساطة مسافرتش قبل كدة .... مش عارف ممكن ازيد بعد كدة ولا لاء ..... دة انا حتى مش عارف اية المنطقة اللى هشتغل فيها هناك؟ يارب بس مروحش منطقة مش كويسة اتخنق فيها من الشغل ياريت لو تنصحنى وهل المهنة دى بعد كدة ممكن اعمل استقدام او زيارة حتى للزوجة؟ يارت تفيدنى احسن انا بجد تعبت والله الموفق

السلام عليكم اخى

كلام سى السيد هو الكلام الصح

اقبل العقد فقط اذا لم يكن لك وظيفة فى مصر

اعمل حسابك لن تحوش اى شىء من هذا الراتب

لن يحق لك الاستقدام حتى لو عيرت المهنة

وانسى انك تجيب زوجتك لان الراتب لن يكقى

حاجة كمان بعد قوانين الجوازات الجديدة اذا وجدت فرصة افضل لن تستطبع العمل بها لانهم لن يعطوك نقل كفالة ولا اخلاء طرف وممكن لا تستطيع العودة لفيزا اخرى

الخلاصة الافضل تنتظر فرصة تليق بمؤهلك وكرامتك

تم تعديل 5 يوليو 2010 بواسطة raouf

[رعد]

اخي العزيز,

وفقك الله لكل خير

كما تفضل الزملاء بالرد عليك ومن خلال خبرتي البسيطة في المملكة عموما والخبر تحديد احب ان اضيف لك الاتي,

شركة كوكاكولا في المملكة ليست بالقوة الكافية ولاتجد الرواج الكافي لان منافسها قوي جدااااااااااا وهي شكرة بيبسي بكل انواعها ومنتجاتها والجميع يعرف الطريق لمنتجات بيبسي اكثر من كوكاكولا والزملاء يمكنهم تصحيح ذلك لي ان كنت مخطئ فستجد الاقبال والانتشار الدائم في المطاعم وماكينات الشوارع والبقالات لبيبسي لما تنفقة من دعايا وثلاجات ببزخ فستجد صعوبة في ترويج منتجك

ثانيا لي صديق في بيبسي راتبة قرابة 13000 ريال

وذلك لتقارن وضعك بوضعة

هنا مصاريف الحياه غالية جدااااااااااااااااااااااااااااا والراتب الذي ذكرتة سيتعبك فيما بعد

ارجو لك التوفيق واسالك الدعاء

[الفقير الى الله]

كلامكم والله صح.................................. بس اية العمل ارفض التعاقد ولا احاول التفاوض معاهم يزودا الراتب شوية .... او يغيروا المهنة........ ؟؟؟؟؟ بجد فى حيرة من امرى لم يعد لى حرية الاختيار فعلا؟؟؟؟ مقلق اقول كدة يلغوا التعاقد من اساسة ويشوفوا اى حد تانى اقصد الف واحد غيرى......وممكن تكون فرصة اترقى هناك او مرتبى يعلى مع الايام ...... وفى نفسى الوقت انا لو استنيت هنا مش هقدر احوش اى حاجة ....... افيدونى بالله عليكم

[مصر فى قلبى]

اخى الفقير الى الله وان شاء الله سوف تكون غنى ولكن مع الصبر . الراتب ده ضعيف جدا جدا . سوف تجنى على نفسك . هنا الحياة غالية جدا . يعنى انا دكتور . والله العظيم والله العظيم انا هنا اكتر من 3 سنوات لم اوفر حتى الان غير حوالى 20 الف ريال . لازم يكون العقد احسن من كده . ابعد عن نسبة المبيعات دى . قل لهم انك غير موافق . وتوكل على الله والافضل من كده صلى صلاة الاستخارة . وربنا يبارك فيك ويرزقك ويوجهك للى فية الخير

[se_ Elsyed]

الأخ الكريم طالب النصيحة

اعلم تماماً إن السفر مش هدف في حد ذاته ... وإلا بقت العملية زي اللي بيرمي نفسه في البحر ..

كل الزملاء الأفاضل أصحاب الخبرة أجمعوا من غير ما نعرف باقي التفاصيل إن الراتب هزيل .... ولن يساوي المجهود اللي هاتبذله ...

يا عزيزي المرطبات وخصوصاً كوكا كولا وبيبسي .. هي سلع بتبيع نفسها .. يعني إنت مش هاتنزل تعرف الزبون بها وتعمل ماركتنج لها .... وكل دورك هايبقى تسليم ولف على المحلات والأسواق ... وما أدراك ... يعني سيادتك هاتبقى في عربية نقل كبيرة ومعك السائق ... وطول اليوم بتلفوا في نار جهنم اللي بنبقى فيها في 4 شهور الصيف ودي فترة الذروة لأستهلاك المرطبات والمشروبات الغازية ...

والله يا أخي أنا عملي إداري .. ومع ذلك بأرجع البيت كأني كنت باجاهد لأن المكيفات ما بتعملش حاجه في الحر ده والواحد لو مشي لحد العربية بيعاني .... كل ده وأنا قاعد في مكتب ..

ما بالك وإنت عمال تلف في نار جهنم كما قلت لك ؟ ...

ولا أدري كمان هل دفعت شيء في التأشيرة .. وهل أنت متزوج أم لا ؟

نقطة أخرى مهمه ... لو بعد سنة زودوك 10 % .. لأ يا عم ... قول 20 % .. إيه هاتبقى كام 2000 ريال ؟

برضوا قليل على طبيعة عملك ...

[aimen]

الله يوفقك لا تقبل العرض ابدا ....لا توجد اى ميزات فى العرض .....

صدقنى حتتبهدل هنا بالراتب ده ...

لا تتهاون مثلنا وبعدين تندم وصدقنى احمد ربنا انك لقيت ناس تنصحك ...ما لقينا احد ينصحنا ولا حتى اقاربنا اللى كانوا هنا لفترة طويلة .....

خلاصة الكلام

" العود من اول ركزة "

استحمل شوية وابحث عن حاجه افضل ....

وفقنا الله واياكم

تم تعديل 7 يوليو 2010 بواسطة aimen

[MZohairy]

في حالة وجودك منفردا بدون الزوجه:

المرتب 1650

متوسط العموله 750 مثلا شهريا

الإجمالي 2400 ريال

السكن و المواصلات متوفره من الشركه

حتصرف كام في السعوديه شهريا اكل و شرب و خروج و تليفونات للأهل ؟

حترسل كام مصروف للأسره في مصر شهريا؟

هل عليك ديون شهرية واجبة التسديد؟

احسب الثلاثة بنود دول و اطرحهم من 2400 و شوف المتوفر كام و يستحق ام لا

ده اولا

ثانيا في حالة وجود الزوجه (بصرف النظر عن هل يمكن استقدامها ام لا)

اجمالي الدخل الشهري 2400

بدل السكن الشهري 412 ريال (ثلاثة شهور سنويا من اساسي الراتب)

الاجمالي 2812 ريال

نطرح منه ايجار شقه سيئه في منطقه سيئه ب 812 ريال شهريا

نفترض افتراض جدلي ان مصروفكم شهريا من اكل و شرب و خلافه 1500 ريال !! و هي حياه ليست جيده بأي حال من الأحوال من وجهة نظري

فرضا ماعندكش ديون شهريه

يكون المتبقي 500 ريال شهريا كمبلغ تم ادخاره

طبعا ماحسبناش قيمة الأثاث و الأجهزه اللي حتحطها في البيت

و الكهرباء

و التليفونات

و الأدويه و العلاج لو زوجتك غير مغطاه بالتأمين

و محسبناش احتمالية عدم استلام العموله لعدة أشهر

ربنا معاك و يقسم لك الخير حيث كان

[الفقير الى الله]

جزاكم الله خيرا اخوانى فى الله ...... وأفادكم الله كما افدتمونى وردا على الاخ elsyed نعم انا عاقد قرانى فقط وفعلا عليا ديون كثيرة واجبة التسديد ولم ادفع شىء مقابل التأشيرة التى لم تصل حتى الان . فعلا لقد خارت قواى وسأصبر حتى يأتى الله سبحانة وتعالى بالفرج ..... اما ان يغيروا بنود العقد التى اشك انهم سيغيروها او اصبر حتى اجد فرصة عمل اخرى فى مكان اخر داخل مصر التى اصبحت اشد حرارة على اهلها من بلد اخرى والله الموفق .

[الفقير الى الله]

والله يا اخوانى فعلا انا حسيت من كلامكم بجد ان فعلا الحياة فى السعودية شكلها اصعب بكتير من مصر والله اعلم وخصوصا لو كان الراتب ضئيل بتبقى نقمة مش نعمة والله اعلم ........أسأل الله العظيم رب العرش العظيم ان يوفقنا لما فية الخير لنا وان يجعل لنا من امرنا يسرا

[se_ Elsyed]

والله يا اخوانى فعلا انا حسيت من كلامكم بجد ان فعلا الحياة فى السعودية شكلها اصعب بكتير من مصر

مين قال كده ؟؟؟

أومال إحنا عايشين هنا إزاي ؟

الحياة في أي مكان بالعالم صعبه إذا لم تحسبها بشكل صحيح .. أرباح وخساير .... طموح وأمكانات ....

[doha]

كلامكم والله صح.................................. بس اية العمل ارفض التعاقد ولا احاول التفاوض معاهم يزودا الراتب شوية .... او يغيروا المهنة........ ؟؟؟؟؟ بجد فى حيرة من امرى لم يعد لى حرية الاختيار فعلا؟؟؟؟ مقلق اقول كدة يلغوا التعاقد من اساسة ويشوفوا اى حد تانى اقصد الف واحد غيرى......وممكن تكون فرصة اترقى هناك او مرتبى يعلى مع الايام ...... وفى نفسى الوقت انا لو استنيت هنا مش هقدر احوش اى حاجة ....... افيدونى بالله عليكم

والله يا اخوانى فعلا انا حسيت من كلامكم بجد ان فعلا الحياة فى السعودية شكلها اصعب بكتير من مصر والله اعلم وخصوصا لو كان الراتب ضئيل بتبقى نقمة مش نعمة والله اعلم ........أسأل الله العظيم رب العرش العظيم ان يوفقنا لما فية الخير لنا وان يجعل لنا من امرنا يسرا

سيدي الفاضل من الجملة الي لونتها لحضرتك من كلامك دي بستنتج ان حضرتك راضي بالعقد على وضعه الحالي وشايف انه فرصه ولكن بتتاكد من زملائك في المنتدى من ذوي الخبرة ان كان في امكانية للمفاوضة على زياده السعر ولا لاه بالظبط زي الي بيفاصل مع البائع فان نزل له في السعر شويه مكسب وان منزلش هو كده كده شاري

سيدي الفاضل انا مش هقولك اقبل العرض او متقبلوش لانك ادرى بظروفك لكن هوضح لك الصورة من وجهة نظري كوني كنت عايشه هناك فترة طويلة جدا وانت لك الخيار في النهاية

السعوديه بلد جميلة وحلوة لما تكون ذو مؤهلات وامكانيات ( ويصادف ) انك تلاقي من يقدر كل ذلك .. في مصر ممكن جدا تكون فيك كل صفات النجاح لكن تعيش وتموت متلاقيش فرصتك في السعودية الفرص ( مرمية على الارصفة ) سهل اوي ان الواحد هناك يلاقي فرصه و ينجح ( طالما عنده الامكانيات )

في السعوديه الكفالة قيد بيحد بدرجه 99 في المية من الاستفاده من امكانيات البلد .. لو حظك جاء انك رحت على شركه مش بتقدر موهبتك او مش بتقدر امكانياتك فخلاص هي خلصت كده بالنسبة لك وهتبقى اكبر ميزه في السعوديه ـ كونها بلد الفرص ـ راحت عليك لان مهما كانت الفرص حولك انت مش مسموح لك تخوضها او تقترب منها ..

السعوديه سوق مفتوح بمعنى انه مقصد للايدي العامله من كل انحاء العالم تقريبا والناس دي لما بتيجي تشتغل مبيتحددش اجرها وفقا للمكان الي هم عايشين فيه وهو السعوديه وانما وفقا للمكان الي جايين منه .. وبناء عليه فتوقع اجور شديده التدني لا تكفي العيش الحاف ومتستغربش انهم عارضينها لانهم عارفين ان هيلاقوا من يقبل بيها لان زي مافي السعوديه ناس غنية غنى فاحش فبرضه في العالم حولها ناس فقيرة فقر فاحش بل شديد الفحش وعندهم استعداد يعيشوا في اسوأ الظروف ويقبلوا بالفتات في مقابل انهم برضوا بيعرفوا ( يجيبوا القرش منين ) ..

العرض الي حضرتك متمسك بيه ده معمول عشان الفئة الي بكلمك عليها دي الي مش جايه السعوديه عشان تعيش بكرامه وتكسب بالحلال وترجع في يوم لاهلها .. ده عرض معمول لواحد ( فاقد ) خلاص بدال مايمد ايده في بلده اهو يروح السعوديه ( يقلب عيشه ) ومش هقولك يجرب حظه لان راتب زي ده ومميزات زي دي في ظروف العمل القاسيه الي هتكون فيها ميحتملش تجربة وخطأ ده يحتمل فقط واحد رايح في ذهنه .. ياقاتل .. يامقتول

استخير وانت حر بكل تاكيد في قرارك ومحدش هيزعل منك ابدا لو اخذت القرار الي الكل بيحذرك منه ولا حد هيلومك .. المشكلة انك انت بس الي لو مقتنعتش واخذت قرار بس عشان ترضي الي حوالك فهتلوم نفسك لو مسافرتش .. وهتلومها برضه وباضعاف لو سافرت

شوف ( انت ) عاوز ايه وبعد الاستشارة استخير ثم خذ قرارك

ربنا معاك

[hOuSsAm]

اشكرك على ردك السريع يا اخى فى الله ...... ولكن لى سؤال مهم جدا فى الموضوع دة ....... هوا مندوب المبيعات بيقوم بعمل الشيل والحط والعتالة زى ما انتة بتقول ...... انا وظيفتى هنا مندوب مبيعات يعنى راجل بدور على البيعة وبعمل الفاتورة وبحاسب العميل مش بشيل او بحط ......

للمعلومة

وظيفة مندوب مبيعات بصفة عامة ليها 3 اشكال او 3 قطاعات

1- مندوب الجملة: وده بياخد عربية ملاكى وبيلف على تجار الجملة بياخد الاوردرات ويبلغهم بالعروض فى الشركة وبيحصل منهم الشيكات وبيودى الاوردر لادارة اللوجستك توصل البضاعة للعميل)

يعنى باختصار مسئوليته البيع والتحصيل وتحقيق هدف البيع وهدف التحصيل (مهمة توصيل البضاعة ليست مسئوليته)

مع العلم العمولة تحسب على تحقيق هدف البيع وهدف التحصيل ولو حققت هدف البيع وفيه فاتورة واحدة مش متحصلة يبقى عمولتك هتقف

2- مندوب السوبر ماركت : وده بياخد عربية ملاكى وبيلف على الهيبرات والسوبر ماركت بياخد الاوردرات ويبلغهم بالعروض فى الشركة وبيحصل منهم الشيكات وبيودى الاوردر لادارة اللوجستك توصل البضاعة للعميل)

يعنى باختصار مسئوليته البيع والتحصيل وتحقيق هدف البيع وهدف التحصيل (مهمة توصيل البضاعة ليست مسئوليته)

مع العلم العمولة تحسب على تحقيق هدف البيع وهدف التحصيل ولو حققت هدف البيع وفيه فاتورة واحدة مش متحصلة يبقى عمولتك هتقف

بالاضافة انه بيتفق مع الهيبر او السوبر ماركت على بعض العروض التسويقية

3- مندوب الفان: وده مندوب بيطلع على عربية بصندوق فى بعض الشركات بتبقى كبيرة جدا زى المشروبات الغازية والعصائر وبعضها تكون سيارة بوكس صغيرة

المندوب بياخد البضاعة وبينزل يبيعها فى السوق للمحلات الصغيرة والبقالات وبيجى اخر الشهر بيعمل جرد عالعربية وبيشوفوا اذا كان فيه عجز ولا لاء

وهو بنفسه مسئول عن توصيل البضاعة للعملاء وشيل ويحط

(السيستم ده معمول به فى اغلب شركات الاغذية والمنظفات فى السعودية مش عارف مطبق فى شركات المشروبات الغازية ولا لاء)

بالنسبة للاتفاق على العقد انا هقولك راىى واعمل بردوا اللى انت عايزه

فيه حجات مينفعش تتنازل عنها

1- راتب اساسى محترم يكفيك معيشة انت وزوجتك (اكل وشرب ورفاهيات وحج وعمرة وخروجات)

1- عمولة وتكون اعلى رقم واقل رقم فيها واضح وتكون عارف انت هتقبضها ازاى يعنى المطلوب منك ايه 123 (ومتخليش العمولة دى للحياة يعنى متبنيش حياتك عالعمولة)

2- سيارة كل مستلزماتها على الشركة من بنزين وصيانة وغسيل وتشحيم ده فى حالة ان وظيفتك مندوب (اول بدل مواصلات عالاقل 10 % من راتبك الاساسى وفيه شركات بتدى 15%)

3- بدل سكن 3 شهور للمتزوج وفيه شركات بتستعبط وتدى شهرين للعازب

4- تامين صحى شامل ليك ولزوجتك وتسال وتتاكد عن الفئة اللى هتكون فيها لان فيه فئات بتغطى الحمل والولادة وفيه فئات بتغطيش بالاضافة لجودة المستشفيات (فيه شركات بتدى كمان لطفلين )

5- تذكرة سنوية ليك ولزوجتك (فيه شركات بتدى كمان لطفلين )

6- اجازة سنوية مدفوعة الاجر

7- النقطة دى انت وميولك والفرص المتاجة تكون وظيفتك فى الاقامة حاجة تعرف تعمنل عليها استقدام

8- تفاصيل مكافاة نهاية الخدمة

9- تذكرة طيران ليك ولزوجتك فى حالة نهاية الخدمة

10- العقد يكون مختوم من الشركة وفيه كل البنود اللى فاتت واى حاجة تانية تتفقوا عليها ومتوثق من الغرفة التجارية سواء بجدة او الرياض ومختوم من القنصلية المصرية

مع العلم ان شركات كوكاكولا وبيبسى وبروكتور وجامبل فى السعودية ليست شركات عالمية وانما حسب قوانين السعودية بيبقى شريك سعودى معاهم وهو اللى بيدير مش هما يعنى انت تحت ادارة سعودية وليست اجنبية والله اعلى واعلم

الشركات دى مش بتدى المرتبات دى خالص

فيه حجات اضافية كمان ممكن تتفق عليها بس مش اساسية بس انا شفت ناس بتتفق عليها

فيه ناس بتتفق انها تاخد اجازتها فى اى وقت فى السنة يعنى ممكن تنزل كل شهر مرة وده بيبقى على حسابها مش حساب الشركة

فيه ناس بتتفق على الفندق اللى بينزلوا فيه اول اسبوع يكون كام نجمة

كمان ممتعودش انك تسكن مع حد فى اوضة واحدة وبالذات انت متعرفوض ولو مجبر عالسكن يبقى لواحدك فى غرفة

متضمنش اللى جاى معاك ده دينه ايه وعشته ازاى وممكن يكرهك فى حياتك

نصيحة كمان لما تحب تدور على شركات محترمة عليك باهرام الجمعة وفيه موقع عالنت اسمه شغلانتى

ربنا يصلح حال الجميع ويرزقكم من الطيبات

اتمنى التوفيق للجميع :lol:

[الفقير الى الله]

ردا على اخوانى فى الله جزاكم الله خيرا جعلنى واياكم نصر وعز لكل مسلم انة ولى ذلك والقادر علية.... كلام حضراتكم منطقى جدا و بالحق اقول لكم انة انا شايف فعلا ان المرتب متدنى جدا وضعيف . لذلك سوف اترك الله سبحانة وتعالى يختار لى كيفما يشاء..... والقرار بعد الاستخارة فحاليا لا توجد فرصة فعلية وجادة فى مصر . مش معنى كدة انى فاقد خلاص الامل او انى هرمى نفسى فى النار او انى مش متعلم بالعكس انا جامعى + انى واخد دورات فى البيع والتسويق + دورات اللغة . بس خايف بعد كدة ملاقيش فرصة ارجع اندم على اللى فاتنى خصوصا ان الشركة كبيرة ولها اسم مش هتبقى مجرد كفيل يتحكم كيفما يشاء والله الموفق

[الفقير الى الله]

السلام عليكم

ردا على الاخ حسام عبد الفتاح جزاك الله خيرا وجيع اخوانى فى الله.

كنت بسأل اخوانى فى الله عن انواع مناديب المبيعات؟

وخصوصا مندوب الفان سواء كانت سيارة كبيرة او صغيرة بوكس هل هى افضل ام مندوب الجملة ام مندوب السوبر الماركت وما الفارق بينهم فى المعاملة او تحقيق الخطة البيعية للشركة؟

وهل يوجد طرق اخرى للعمل كمندوب مبيعات ام ان وصف كان شامل لمندوب المبيعات فى السعودية؟

[hOuSsAm]

السلام عليكم

ردا على الاخ حسام عبد الفتاح جزاك الله خيرا وجيع اخوانى فى الله.

كنت بسأل اخوانى فى الله عن انواع مناديب المبيعات؟

وخصوصا مندوب الفان سواء كانت سيارة كبيرة او صغيرة بوكس هل هى افضل ام مندوب الجملة ام مندوب السوبر الماركت وما الفارق بينهم فى المعاملة او تحقيق الخطة البيعية للشركة؟

وهل يوجد طرق اخرى للعمل كمندوب مبيعات ام ان وصف كان شامل لمندوب المبيعات فى السعودية؟

واياكم

انا بصراحة مش خبير فى مجال البيع فياريت لوحد ليه خبرة بالمجال يرد عليك

تمنياتى لك بالتوفيق :closedeyes: