سائق بـ"المقاولون" يقتل 6 ويصيب 16 في إطلاق نار عشوائى

[مغتربة]

لقى 6 عاملين مصرعهم وأصيب 16 آخرون، إثر قيام سائق أتوبيس بشركة المقاولون العرب ، الذى كان يقلهم، بإطلاق النار عليهم بطريقة عشوائية بمحافظة 6 أكتوبر .

وكان اللواء أسامة المراسى مساعد وزير الداخلية مدير أمن أكتوبر، قد تلقى بلاغاً بأنه أثناء سير أتوبيس تابع لشركة المقاولون العرب بمنطقة أبو النمرس، متجهاً إلى ورش الشركة، قام قائده بإيقافه بشكل مفاجئ وأطلق النيران بشكل عشوائى من سلاح آلى كان بحوزته على جميع العاملين بالأتوبيس، وانتقلت على الفور قيادات المديرية إلى مكان الحادث وتمكنت من ضبط سائق الأتوبيس، وجارى الآن استجوابه لمعرفة دوافعه وراء الجريمة.

وأسفر ذلك عن مصرع 6 عاملين وإصابة 16 آخرين، وتم نقل المصابين إلى مستشفى الحوامدية العام لتلقى العلاج اللازم، وتحرر عن ذلك المحضر اللازم وأخطرت النيابة العامة لمباشرة التحقيق.

انا عارفه ان مينفعش التعميم و ان دى حادثه فرديه

بس بجد المتابع للشان المصرى

هيلاقى ان جزء كبير من الناس بقت تلجا للعنف ضد بعضها لاتفه الاسباب

و احيانا من غر سبب اساسا

انا عايزه اعرف ايه الى وصلنا كده

و ايه الى ممكن يحصل اكتر من كده لو فضل الوضع على ما هو عليه ؟

[Alattar]

سائق بالمقاولين العرب يفتح النار على زملائه ويقتل ويصيب 22 منهم

مصراوي :

ارتكب سائق بشركة المقاولين العرب جريمة بشعة، صباح الثلاثاء، عندما قام بإطلاق النار بطريقة عشوائية على زملائه الذين كان يستقلون معه اتوبيس الشركة، مما أسفر عن مقتل 6 وإصابة 16 آخرين.

تبين أن الأتوبيس كان ينقل موظفي الشركة من منطقتي 15 مايو والتبين، إلى فرع الشركة في منطقة ابو النمرس التابعة لمحافظة 6 اكتوبر، ثم توقف عند طريق مصر أسيوط الزراعي، وأخرج السائق سلاح آلي وفتح النار بطريقة عشوائية على زملائه.

كان يستقل الاتوبيس 23 موظف، تم نقل الضحايا لمستشفى الحوامدية، والمستشفيات القريبة.

ترددت أنباء أن سبب إرتكاب السائق للحادث، نقله من فرع الشركة الذي كان يعمل به، إلى فرع أبو النمرس، فأصيب بحالة نفسية سيئة، دفعته لارتكاب جريمته.

تم إلقاء القبض على الجاني، وأحيل للنيابة للتحقيق.

لا حول ولا قوة الا بالله

أنا مذهول من ساعة ما قرأت الخبر ده؟؟

طيب الراجل و بيمر بأزمة نفسة حادة..زي ما هو مكتوب..

طب جاب السلاح الآلي ده منين...؟؟؟!!!!

الواحد من الذهول ما بقاش فاهم حاجة خالص.

[se_ Elsyed]

للأسف ده شيء مُلاحظ وهو التغير الإجتماعي الرهيب اللي حدث في الكام شهر اللي فاتوا بالذات وبقت الناس تقتل لأتفه الأساب .. وتنتحر لأسباب أتفه وما حدش بقى طايق حد ...

وكل ده والمتخصصين واقفين بيتفرجوا .. أو مساطيل ومش واخدين بالهم

يا مدام مغتربة بقى لنا 4 أيام دلوقت حضرتك ويومياً في حوادث طُرق بشعة بتحصل ويومياً ما بين 8 إلى 18 قتيل غير المصابين اللي مش نافعين نفسهم ....

وبرضوا الداخلية بتقول ماليش دعوه

ووزارة المواصلات بتقول وأنا مالي

والمحافظة اللي بتحصل فيها الحادث بتقول ما شوفتش حاجه

وما فيش عيل صغير حتى طلع على وسائل الإعلام يقول وحدوووه حتى

فين علماء الأجتماع ولا علماء النفس ولا رجال الدين ؟ يمكن بيصيفوا ؟

[مغتربة]

أنكر محمود طه أحمد سويلم (50 سنة) سائق شركة المقاولون العرب المتهم بإطلاق أعيرة نارية على زملائه، ارتكابه للواقعة أمام المستشار حمادة الصاوى المحامى العام الأول لنيابات جنوب الجيزة، مؤكداً أن مجهولين خرجوا عليهم وارتكبوا الحادث.

وحضر اللواءان أسامة المراسى مدير أمن أكتوبر وأحمد عبد العال مدير المباحث، وأمرا بفرض كردون أمنى حول الشركة لمنع المصورين والأهالى من الدخول إليها لحين انتهاء النيابة العامة من المعاينة.

أفاد شهود العيان من عمال الشركة، أن المتهم دخل عليهم من الباب الرئيسى للشركة بالأتوبيس الذى كان يستقله بطريقة طبيعية ولم تظهر عليه أى علامات ارتباك، إلا أنهم فوجئوا بوجود عدد من القتلى والمصابين داخل الأتوبيس الذى يقوده، كما أبدى العمال دهشتهم من ارتكابه للواقعة، مؤكدين أنه حسن السير والسلوك، وأن علاقته جيدة مع باقى زملائه ولا توجد أى خصومات مع زملائه قبل الحادث.

وحضرت أسر المجنى عليهم فى الحادث إلى مقر الشركة وتعرفوا على جثث ذويهم، فيما أمر هيثم أبو الحسن ومحمود عبود وكيلى أول نيابة حوادث جنوب الجيزة بنقل جثث الضحايا إلى مشرحة زينهم والمصابين إلى المستشفيات.

حد فاهم حاجه :rolleyes: :D

[hOuSsAm]

يا جماعة فيه حاجة غريبة اوى بشوفها من ساعة منزلت الاجازة

تانى يوم لاقيت والدتى بتحكيلى وكانه موضوع عادى .............. كانها بتكلم عن ماتش كورة

واد فى تالتة اعدادى لاقوه متقطع حتت مش عارف فين

واتنين منتقبات خطفوا واحدة ودبحوها مش عارف فين

واربع ولاد كانوا راكبين موتسكلات وخبطوا ببعض والمتسكلات ولعت بيهم.......... وماتوا

بنت فلانة كانت راجعة من الكلية وكلمت اهلها انا جاية فى الطريق............ وحتى الان 3 ايام لا يعرف احد ليها طريق ......... مع العلمانها مخطوبة وخطيبها فى السعودية وفرحهم فى سبتمبر

المنادى مرتين اسمعه بينادى على فقييد علم وشباب (ناس عمرهم مجبش 15 سنة لسه)

مش عارف مين يخطف مين عشان ياخد منه ايه

لاقيتهم بيتكلموا عالحجات دى وبتحصل كل يوم ادام عينيهم .......وانا قاعد عالسرير مزعور وبقول هى الدنيا حصلها ايه

انا بتكلم على احدى مراكز محافظة الدقهلية ............ يعنى ناس فلاحين والمفروض يكونوا طيبين.......... مبالك بالقاهرة بقى

وده اللى انا سمعته مبالك باللى محدش بيقول عليه

بجد ربنا يسترها ................. بس حاسس بالغليان الداخلى للناس

انا واقفة لبعضها عالكلمة

لاتفه الاسباب وبدون اسباب ............. تلاقى الناس عايزة تولع فى بعضها

لا حول ولا قوة الا بالله

[Howayda Ismail]

ده بداية انفجار المرجل او بشاير البركان

لان ده حصيلة ( قلة دين وايمان + ضغوط نفسية واجتماعية +خلل سلوكيات + الاحساس بالقهر +فقدان القدوة الحسنة

انتشار افلام ومسلسلات العنف والبلطجة +فقد المدارس لدورها الاساسى وهو التربية + البطالة ++++ المخدرات).

صديقتى حكت لي عن قريبها شاب متزوج حديثا ولديه طفل مولود وكان فى غاية الادب والاخلاق ورزانة عقل لكنه فى

الفترة الاخيرة تعرض لضغوطات شديدة فى عمله من زملاءه حملوه فوق طاقته من الاعمال لانه ذوق يخاف يزعل حد

تخطوه فى الترقيات والحوافز بحجة انه وحيد وميسور الحال ومش محتاج وزاد الطين بلة مشاحنات والدته وزوجته المستمرة

لانهم فى منزل واحد وكل واحدة بتتهمه انه بيجى عليها عشان الطرف التانى يعنى لا راحة فى بيت ولاشغل

والنتيجة لاحول ولاقوة الا بالله فقد اتزانه بمعنى مخه فوت ودخل فى مرحلة نفسية شديدة من ضلالات وشبه فقدان للذاكرة

بصورة واضحة وده لانه متدين لم يتجه لعنف او مخدرات لكن كان هروب نفسى هو دلوقت فى مرحلة استشفاء

ربنا يكمله شفاه على خير .

انا خايفة اقول ان كل الناس اصبحت تفقد اعصابها بسبب الهرمونات والكيماويات التى تزرع بها المحاصيل الزراعية

وكثرة المواد الحافظة فى منتجاتنا فلم يعد اقتصارها على الجسم فقط ولكن واضح تأثيرها على الاعصاب بمساعدة

العوامل السابق ذكرها .القتل والانتحار مش مقصور على الفئات الفقيرة فقط بل شمل معظم شرائح المجتمع .

لابد لعلماء الاجتماع والصحة النفسية معالجة الامور على وجه السرعة لان معدل الجريمة زاد بصورة مرعبة

[se_ Elsyed]

رحم الله القتلى ... وربنا يشفي اللي إتصابوا

أحسن ما في الموضوع واللي يهون مصيبة الناس شويه إن المهندس المحترم بجد إبراهيم مِحلب رئيس مجلس إدارة شركة المقاولون العرب أمر بصرف مبلغ 100 الف ج تعويض لكل قتيل .. و20 الف لكل مصاب ... مع تسوية معاش القتلى عند سن 60 سنة مهما كانت مدة خدمتهم قصيرة ... يعني هاياخد معاش كامل كأنه أشتغل في الشركة لحد سن الستين لان بالتأكيد دول ناس بسطاء وعندهم عائلات بيصرفوا عليها

وأرجو إن الإعلام يبطل تصريحات تهجيصية من غير ما ينتظروا حتى يعلموا ملابسات الحادث من الشهود المصابين لأن من الصبح الواحد عمال يقرأ في قصص هندية وأفيال بزلومه بتطير وجريده تقول لك ده السواق كان بيتاجر في الأثار هو وزميل له فشافه في الأتوبيس وقال له أنزل يالا .. مانزلش راح ساحب الرشاش الألي من تحت الكرسي وقلته وقتل الركاب

جريدة تاني أو موقع أخر يقول : لأ لا ده السواق كان عنده أكتئاب عشان نقلوه منطقة تانية راح ساحب الرشاش الألي وقتل زمايله

رشاش إيه ده إن شاء الله اللي بيتحط تحت الكرسي ؟

وبعدين مش في حاجه أسمها جراج وورش صيانة الاتوبيس بيدخلهم كل يوم .. يعني الأتوبيس هايدخل الورش يتنضف ويتظبط وفي رشاش تحت الكرسي وماحدش خد باله منه ؟ ولا السواق بيمشي شايله على كتفه في الشركة وههههههههههههع مين هناك ؟

[Morial]

هي دي اللي كنا بنقول عليها بلد الامن والامان؟

أصبحت بلد رشاش ألي لكل مواطن

ولـــــــــســــــــــه

بكره الناس يقطعوا بعض بالسكاكين عيني عينك في الشوارع

[se_ Elsyed]

يا مونريال أستهدي بالله

ده موضوع عادي وممكن يحصل في أي بلد وياما قرانا عن أحداث فردية نادرة زي دي حصلت في أمريكا وفي أوروبا .. بل هنا في السعودية كذا مره تحصل حوادث زي دي

فأي حد ممكن يمر بظروف نفسية تجعله غير مسئول عن تصرفاته ... حتى لو كان عايش في نعيم

-----------

من شهادات الشهود دلوقت حسب ما سمعته في بعض برامج التوك شو ..

قالوا أن السائق ده بقى له أكتر من 20 سنة في شركة المقاولين ومرتبه محترم جداً

وكان متزناً ومحترم ومشهود له بالكفاءه طول فترة خدمته

شوفوا بقى تدبير ربنا ..

شخص من المصابين إصابة بسيطة هو السبب في أن الحادث يقل فيه الضحايا لحد كبير

فهذا الشخص متعود كل يوم إنه يجلس في الصف التالي المباشر للسائق ...

لكن هذا اليوم تأخر في الصعود للأتوبيس وكمان الاتوبيس كان هايفوته لأنه وصل متأخر ... وطلع لقى زميل اخر جالس مكانه .. فجلس في الخلف خالص

وبعد ما مشي الأتوبيس شويه ومن غير مقدمات السائق توقف وأخرج الرشاش وضرب زملائه وكان اول واحد مات هو الشخص اللي جلس مكانه ..

فصاحبنا ده أتصاب وعمل ميت ... والسائق طبعاً شكله فصل خالص لأن منظر الجم بالتأكيد ممكن يصيب الأنسان بالهيستريا والأنفصال عن الواقع .. وبعد ما خلص .. ساق الاتوبيس عادي وراح مقر الشركة .... وأتوبيسات الشركة غير مسموح لها بالدخول من بوابة الشركة .. لكن ده كمل ولم يلتزم بتعلميات الامن اللي جريوا وراه إلى الداخل بعد ما لاحظوا إن الدماء تسيل من الأتوبيس ...

فصاحبنا توقف في الداخل وفتح الباب ممسكاً بالرشاش عشان يكمل على بقية المودجودين فيها ..

راح الراجل اللي أتصاب ده جاي من وراه وشل حركته وبمساعدة الأمن أخدوا السلاح منه وسلموه للشرطة

يا سبحان الله

[herohero]

عادي جدا جداجدا

ولو حد مستغربجايزلانه كان عايش في مصر ولما بعد شاف الرؤية اوضح الاوضاع ده بقالها فترة موجوده يعنيمش اقل من سنتين لكن الناس مشغولة ف الطاحونة اللي عايشه فيها

فلما بتنزل انت اجازة بتقدر تبص بنظرة اخرى لكن لو كنت داخل الدوامة ده مكنتش هتحس بشيئ

انا مقتنع انها مرحله من الفوضى والانهيار وبدات ارهاصاتها وعموما ده شيئ كويس عشان نخلص ونوصل بقى لنهاية هذا النفق المظلم عشان النور يجي بقى

بتوعمالتوك توك معاهم اسلحه بيضاء بتوعم الميكروباص اقل شيئ بيطلع لك الحديده بتاعت كوريك العربية يعني القصه سهة وموضوع السلاح سهل عندنا ف مصر

يعني ياجماعه ماتقلقوش عادي جدا اي حد مننا ممكن يطلع عليه سلاح او حديده

عشان كده ياريت حد يدلنا ع موضوع العصا الكهربائية لان بتنفع بجد

[شريف مان]

الناس اتهبلت خلالالالالالالالالالالالاص

[سكر]

انا مش فاهم حاجة

فى حد بعد الجريمة دى يركب الاتوبيس ويروح مقر الشركة برجليه

الموضع اما حاله نفسيه فعلا

او اكبر مما قيل

[hanzalah]

لم افهم

لماذا يضع سائق اتوبيس شركة محترمة

رشاش آلي سريع الطلقات تحت مقعدة !!

============================

في جريدة الوفد ص 8

المهندس ابراهيم محلب - رئيس مجلس ادارة المقاولون العرب - يقول :

مرتكب المذبحة عاقل

وملفه خال من الجزاءات

لاحظت انه قد جاء في تفاصيل الخبر ان شركة المقاولون قررت صرف - 100 الف جنيه - لكل متوفي ومبلغ 20 الف لكل مصاب !!

على ما اذكر الدولة .. صرفت 5 الف جنيه لكل متوفي في مذبحة العياط .. !!

هل شركة المقاولون أغنى من الدولة !!

تم تعديل 7 يوليو 2010 بواسطة hanzalah

[سكر]

بالمناسبه هولا العمال من حقهم قانونا تطبيق قانون الاصابه اثناء العمل

واعتقد هذا ما قامت به المقاولون العرب

وسرعة المهندس ابراهيم محلب تثبت ان الشركة فعلا شركة محترمه

[مغتربة]

هي دي اللي كنا بنقول عليها بلد الامن والامان؟

أصبحت بلد رشاش ألي لكل مواطن

ولـــــــــســــــــــه

بكره الناس يقطعوا بعض بالسكاكين عيني عينك في الشوارع

دا على اعتبار ان كندا عمرها ما حصل فيها حاجه زى كدا

طيب ما تشوفى الرابط دا الى موجود فيه تفاصيل الحادثه الشهيره لمذبحه مونتريال زى ما سموها

لما واحد ابن حلال كدا قتل 14 سيده و انتحر

http://archives.cbc.ca/society/crime_justice/topics/398/

و دا رابط اخر لنفس الموضوع

http://en.wikipedia.org/wiki/%C3%89cole_Po...hnique_massacre

او الرابط التانى دا الى بيتكلم على جرح عشرين شخص فى جامعه فى مونتريال شخص فتح عليهم النار بصوره عشوائيه

http://en.wikinews.org/wiki/20_injured_in_..._shooting_spree

و دا كمان رابط لاطلاق نار فى حى سكنى

http://www.thestar.com/News/Canada/article/407333

كفايه كدا و لا احط تانى :flr1: :blink: :blush2: wst::

و عجبى

[Howayda Ismail]

هي دي اللي كنا بنقول عليها بلد الامن والامان؟

أصبحت بلد رشاش ألي لكل مواطن

ولـــــــــســــــــــه

بكره الناس يقطعوا بعض بالسكاكين عيني عينك في الشوارع

دا على اعتبار ان كندا عمرها ما حصل فيها حاجه زى كدا

طيب ما تشوفى الرابط دا الى موجود فيه تفاصيل الحادثه الشهيره لمذبحه مونتريال زى ما سموها

لما واحد ابن حلال كدا قتل 14 سيده و انتحر

http://archives.cbc.ca/society/crime_justice/topics/398/

و دا رابط اخر لنفس الموضوع

http://en.wikipedia.org/wiki/%C3%89cole_Po...hnique_massacre

او الرابط التانى دا الى بيتكلم على جرح عشرين شخص فى جامعه فى مونتريال شخص فتح عليهم النار بصوره عشوائيه

http://en.wikinews.org/wiki/20_injured_in_..._shooting_spree

و دا كمان رابط لاطلاق نار فى حى سكنى

http://www.thestar.com/News/Canada/article/407333

كفايه كدا و لا احط تانى wst:: wst:: wst:: wst::

و عجبى

جزاك الله خير فعلا نوع هذه الجرائم دخيلة على المجتمع المصرى ولم نكن نسمع بها الا فى المجتمعات الغربية

[Alattar]

في مفاجأة جديدة بواقعة مذبحة أوتوبيس المقاولون العرب، التي راح ضحيتها 12 قتيل ومصاب، اعترف المتهم محمود طه أحمد سويلم، بأنه حصل على السلاح الآلي المستخدم في الجريمة من جاره أمين الشرطة، والذي يدعى "حماده شحاته".

أنا عاوز أعرف..هما أمناء الشرطة بقوا بيشيلوا مدافع اليومين دول؟؟

علي كده بأه الواحد علي ما يوصل عقيد..يمشي بدبابة!!!!

وحتي لو بيشيلوا..مش ده بيبقي في فترة الخدمة بس كعهدة..و هو مروح البيت بيسلمه؟؟

واضح ان وزارة الداخلية مش هتلاحق بعد كده علي الفضايح.

تم تعديل 7 يوليو 2010 بواسطة Alattar