طرااااااااخ.............بوووووووووووووم..............تشششششش........هتاخد حقك ازاااااى ؟؟؟؟؟

[hOuSsAm]

حضرتك او حضرتك (بالكسرة)

راكب العربية الجديدة اياها موديل 2010 سواء بى ام او تيوتا او مرسيدس او لانسر او اى عربية نضيفة وماشى فى التحرير او العباسية او مكرم عبيد او شارع الهرم او على كورنيش اسكندرية او اى مكان زحمة فى المحروسة

وهوب يجى واحد سواق على ميكروباص من موديلات السبعينات ويقوم فارم الجنب اليمين بتاعك او يكسرلك الفوانيس وازاز العربية يتسرطن والكبوت مش عارف يحصل فيه ايه كمان (مع اعتبار انك فى ساعة الزروة وان سياتك وراك ميعاد مهم او ماشابه)

الناس اللى فى الخليج اتعودت انها بتسيب الوضع على ماهو عليه وتتصل بالشرطة خلال عشر دقايق بيجوا وبيعاينوا الحادثة ومن وجهة نظر الفنى بيعمل نسبة تحمل معينة عالمخطئ بنسبة خطئه والموضوع بيتحل فى ساعتها وبكدة مهما كانت الظروف انت بتاخد حقك وبتحس بارتياح كبير

فى مصر انت ممكن تفكر فى ميت حاجة الا انك تتصل بالشرطة لان فى الغالب لو احتجزوا العربية بتتقلب هناك فى القسم اياه

عايز افكر معاكوا بصوت عالى ايه الحلول اللى ممكن بيها اخد حقى (لانى فكرت كتير فى الموضوع ده ومش عارف التصرف المناسب يكون ازاى)

وهل حد فيكوا مر بالتجربة المريرة دى قبل كدة؟ طيب اتصرفت ازاى؟ طب انت راضى عن التصرف ده؟

يعنى اشيل مطوة واللى خبطنى ده اشلفطله وشه

ولا انزل اشتم والم الناس

ولا امرى لله واتصل بالشرطة

ولا اكتم فى نفسى واخد الخبطة ومن سكات اتوكل على الله

الوضع فعلا بيبقى ساعتها متازم والدنيا زحمة وناس كتيرة تقولك واحنا مالنا والراجل الغلطان ده يقولك اللى تقدر عليه اعمله

وممكن يشتمك ويطلعك غلطان كمان (ولو دخلت معاه فى سكك وحوارات مش هتخلص)

الشرطة والمرور انا غسلت ايدى منهم فى القصة دى خلاص ومهما حصل فى العربية معتقدش ان حد هيتصل بيهم

ومش عايز حد يدخل يشتم فى الحكومة او الشرطة لان مش ده الهدف من التوبيك الهدف انه........... عايز حقى

ببساطة انا عايز اخد حقى........ باى طريقة كانت ومش عايز اكتر من كدة............ اللى غلط يتحمل غلطه وياخد فوق دماغه

[Amr Radwan]

و الله يا حسام الموضوع ده انا كنت بفكر فيه بقالي مده و مش لاقي له حل ..

اخويا يا عيني جاب عربية زيرو من كام شهر .. و من ساعت ما جابها و هي عمالة تتخبط دايما و هي حتي مركونة

العربية مركونة و متغطية و يجي واحد ابن حلال بعربية نصف نقل سايب الباب بتاع القلاب مفتوح و خد العربية و هي مركونة جمب البيت من اول الفانوس لحد الفانوس التاني .. يعني طير الجمب اليمين و في النهاية قال ان مش معايا فلوس و مش هعرف اعملكم حاجة ..

نفس العربية و نفس اخويا برده .. و هو واقف و هو جوا العربية و تيجي واحدة ببتعلم و تخبط له الجمب بتاعه و لما بيكلمها قالت له خد نمرة جوزي و كلمه و اخويا محترم و بعد ما روح كلم جوزها و قاله ايوة هي فعلا قالت لي علي الموضوع ده بس معلش خد رقم ابوها هو اللي هيخلص معاك الموضوع ده .. جه و اتصل بابوها قاله بعدين بعدين ...

طبعا اخويا استعوض ربنا و تحمل الخبطة اللي في العربية و اللي في اعصابة ..

ملحوظة قبل ما يركنها في الشارع كان بيركنها في جراج .. يصحا الصبح يروح شغله يلاقي البنزين خلصان لان الباشا السايس كان مشغل العربية و التكييف و الكاسيت طول الليل و نايم فيها ... او انها محكوكة لان الباشا السايس برده كان بيطلع العربية اللي وراها و حكها و لما اخويا يكلمه بيقوله و الله يا باشا هي كده من ساعت ما جبتها انت تلاقيك حكيتها من غير ما تاخد بالك لكن احنا هنا مش بنحك عربيات الناس .. يا باشا دي امانة امااااااااااانة :) .

----

اللي اسمعه ان لو العربية راحت القسم في حادثة العربية بتتقلب في القسم اللي بتقف عنده و بتنسرق حتي البطارية بتتقلب و لذلك نص العما و لا العما كله و حاول تتصرف مع اللي خبطك و الا عوضك علي الله ..

طبعا و لو عندك واسطة من اي نوع من النوع التنفيذي (ظابط شرطة او حتي امين) او من النوع القضائي (وكيل نيابة او مستشار) اللي قدامك هيدفع لك سواء انت غلطان او مش غلطان ..

لنا الله .. و يا رب نرجع نحترم القانون ..

تم تعديل 6 يوليو 2010 بواسطة Amr Radwan

[Diab]

نصيحة لأي حد في ناوي يشتري عربية

أعي تشتري عربية جديدة في مصر

لانها يومين وهتبقي كانها بقالها 100 سنة

مصر محتاجة دبابة

من تجربة أتحدث

[shiko]

حضرتك او حضرتك (بالكسرة)

راكب العربية الجديدة اياها موديل 2010 سواء بى ام او تيوتا او مرسيدس او لانسر او اى عربية نضيفة وماشى فى التحرير او العباسية او مكرم عبيد او شارع الهرم او على كورنيش اسكندرية او اى مكان زحمة فى المحروسة

وهوب يجى واحد سواق على ميكروباص من موديلات السبعينات ويقوم فارم الجنب اليمين بتاعك او يكسرلك الفوانيس وازاز العربية يتسرطن والكبوت مش عارف يحصل فيه ايه كمان (مع اعتبار انك فى ساعة الزروة وان سياتك وراك ميعاد مهم او ماشابه)

الناس اللى فى الخليج اتعودت انها بتسيب الوضع على ماهو عليه وتتصل بالشرطة خلال عشر دقايق بيجوا وبيعاينوا الحادثة ومن وجهة نظر الفنى بيعمل نسبة تحمل معينة عالمخطئ بنسبة خطئه والموضوع بيتحل فى ساعتها وبكدة مهما كانت الظروف انت بتاخد حقك وبتحس بارتياح كبير

فى مصر انت ممكن تفكر فى ميت حاجة الا انك تتصل بالشرطة لان فى الغالب لو احتجزوا العربية بتتقلب هناك فى القسم اياه

عايز افكر معاكوا بصوت عالى ايه الحلول اللى ممكن بيها اخد حقى (لانى فكرت كتير فى الموضوع ده ومش عارف التصرف المناسب يكون ازاى)

وهل حد فيكوا مر بالتجربة المريرة دى قبل كدة؟ طيب اتصرفت ازاى؟ طب انت راضى عن التصرف ده؟

يعنى اشيل مطوة واللى خبطنى ده اشلفطله وشه

ولا انزل اشتم والم الناس

ولا امرى لله واتصل بالشرطة

ولا اكتم فى نفسى واخد الخبطة ومن سكات اتوكل على الله

الوضع فعلا بيبقى ساعتها متازم والدنيا زحمة وناس كتيرة تقولك واحنا مالنا والراجل الغلطان ده يقولك اللى تقدر عليه اعمله

وممكن يشتمك ويطلعك غلطان كمان (ولو دخلت معاه فى سكك وحوارات مش هتخلص)

الشرطة والمرور انا غسلت ايدى منهم فى القصة دى خلاص ومهما حصل فى العربية معتقدش ان حد هيتصل بيهم

ومش عايز حد يدخل يشتم فى الحكومة او الشرطة لان مش ده الهدف من التوبيك الهدف انه........... عايز حقى

ببساطة انا عايز اخد حقى........ باى طريقة كانت ومش عايز اكتر من كدة............ اللى غلط يتحمل غلطه وياخد فوق دماغه

....دول الحلين الوحيدين ...

الاول تنزل تخلص على الزبون ...وده علشان تطفى نارك ...

وبعدين اكتم فى نفسك وامشى على بيتكم وروح ..مطمنان حقك رايح رايح ....

[ساره احمد]

مسيو حسام مع الالم مع الاسف مش هتعرف تاخد منة مليم احمر وخصوصا لو كان ميكروباص او بعيد عنك اتوبيس

كنا رايحيين نوصل اختى المطار وماشيين في طريقنا زى الناس الحلوين وفجاه وبدون اي مقدمات اتوبيس عام القاهرة(عارف الاتوبيسات الكبيرة اوى دى اللي شكلها زى مايكون مصدية كدة) دخلت في العربية بسرعتها شالت الجنب الشمال كلة والازاز كلة بتاع العربية اتكسر وطار علينا والمكان اللي في الباب دوت دخل في جنب اختى بس ربنا ستر شوية كدمات كدة والراجل السواق قعد يقول انا اسف مشفتكش!!!!!! :) (يمكن كنا لابسين طقية الاخفي) ومن هنا لهنا اخدنا بعضنا ومشينا (في العربية اللي اتدشدشت ) علشان نلحق نودى اختى علي المطار تخيل عربية لانسر جديدة هيبقي شكلها عامل ازاى بعد اللي حصل دة؟

تانى مرة السنة اللي فاتت كان بابا مستنينى برا الكلية كان عندى امتحان ركن العربية لحاد مااخلص ونزل يصلي العصر في مسجد لسة بيقفل باب العربية وهووووووووووووووووووووووووب ميكروباص دخل في نفس الجنب اللي خبط فية الاتوبيس (شكلها كدة مدعي عليها) وبرضو محدش هيعرف ياخد منة لاحق ولا باطل

بعد كدة بقي خفنا بصراحة حاجة تالتة تدخل فينا تموتنا بابا قرر يغير العربية خالص ويريحهم يمكن المشكلة كانت فيها ولا حاجة

[ساره احمد]

]مصر محتاجة دبابة [/quote]

هو دة الكلام المزبوط

[ابن مالك]

ياولاد الحلال صديقى اتجراء وجاب عربية زيرة هما اسبوعين خد خبطة محترمة فى وش العربية واتصلت بالشرطة من الساعة كام ياحبيبى الساعة 12 الظهر لحد الساعة 8 بالليل محدش عبرنا واحنا وقفين فى عز الحر كل شوية يقولك 10دقايق مع العلم ان كان بينا وبين القسم 4 دقايق مشى ومش لازم اشيل العربية قبل المعاينة علشان التامين وفى الاخر صورنا الحادث ورحنالهم فى القسم علشان نعمل المحضر نلاقيهم قاعدين بيهظروا مع الى جاي بمخدرات وللى ضربا جوزها وسيبنا احنا نفرقع

وبسال لو الحادث كان فيه حد مصاب كان مات وللا ايه ويجعلك عمار يامصر ويخرب بيت اللى ميحبش كدا :)

[عنبو]

امن عليها تأمين شامل كامل ضد كل حاجه وريح نفسك

[الترجمـان]

الحل ان حضرتك تأمن على العربية في شركة تأمين محترمه ..

وتحط تحت محترمة دي 100 خط ...

اما بالنسبة للقوانين وإجراءات التقاضي بالنسبة لحوادث الطرق في مصر فضررها أكثر بكثير من نفعها ...

فقضايا التعويض المدني تأخذ سنوات وسنوات ..,

وهذا ما يضطر المتخاصمين لأخذ حقهم بيدهم كما تقترح حضرتك ...,

[محمد عبدالعزيز]

الموقف اللى حصل معايا كان بالعكس, يعنى أنا اللى خبطت اللى قدامى وكسرت له وش الفانوس.

بصراحة أنا كنت لسه بتعلم والطريق كان زحمة جداً وكله شغال كلاكسات من حواليا, وكواحد لسه بيتعلم بقى اللى قدامى طلع يدوبك نص متر ووقف لأن الدنيا زحمة وأنا رحت داخل فى الفانوس مالحقتش أفرمل.

المهم أنا حطيت نفسى مكان الراجل ممكن أعمل إيه لو حد خبطنى؟ وأنا اللى غلطان يبقى لازم أتحمل نتيجة خطأى.

المهم شاورت للراجل إننا نقف بس بعيد عن الزحمة واتأسفت له وقلت له شوف الفانوس يتكلف كام وأنا أدفعه, وفعلاً سألنا محل قطع غيار ودفعت للراجل تمنه واتصافينا ومشينا.

أتمنى لو حصل موقف مشابه معايا وأنا اللى مخبوط يكون التصرف بالطريقة دى, بس مع سواقين الميكروباصات أعتقد ما ينفعش ومش ممكن تاخد حقك بدون ماتكون مسنود.

وبناءً على ذلك, لا أنصح بالعربيات الزيرو فى مصر وحتى لو بتأمين شامل لأنك حندفع فى التأمين كتير عشان تكون شركة محترمة.

[se_ Elsyed]

مع الأسف مع الأسى

حتى التأمين في مصر .. التعويض فيه مش بالساهل .. لان لازم يكون هناك طرف ثالث شركة التأمين تاخد حقها منه

وفي مصر التأمين غالي جداً جداً وأجراءته مُعقده ومش عارف بيحصل إيه بصراحة لو حد خبطك وجري . هل هايعوضوك ولا يقولوا لك ما جريتش وراه وجبته ليه ؟

في السعودية بيحصل كده ولو أثبتت إن الجاني فر هارباً وسواء شوفته ولا لأ .. بتُقيد ضد مجهول وخلصت

أنا برضوا حصل معايا زي ما حصل مع زميلنا محمد عبد العزيز

في مدينة نصر خلف الناي الأهلي خدشت بعربيتي عربية واقفه خدش لا يُرى بالعين المجردة .. وأنتظرت صاحب العربية حتى أتي .. وطلعت واحده ست كبيرة في السن عرفت أنها دكتورة وأول حاجه قلت لها شوفي حضرتك عاوزه كام ثمن الخدش ده مع أن معايا تأمين شامل .. شتمت وقلت أدبها من الباب للطاق وكان معايا زوجتي وأخويا كمان والناس اللي كانت واقفه أستغربوا من تصرفي الحضاري وإني ما جريتش مثلاً مع إن ماحدش كان شايفني وإن يكون رد الفعل سافل ومن واحده ست ... بس أنا ضحكت وهي بتقول لي " أنا عارفاكو يا شباب يا طايشين ياللي بتجروا في الشوارع بعربياتكو وتخبطوا الناس " ... روحت ماسكها مبهدلها كرد فعل طبيعي ومتصل بالشرطة عشان تيجي تفصل بيننا ... وبأمانة يا جماعة الشرطة وصلوا في 10 دقايق وهي زهقت ومشيت قفاها يقمر توست .... وتم تحرير محضر ضد الوليه اللي مش متربيه دي وقالوا في المحضر إنها هي اللي خبطتني وفرت هاربه مع إن عربيتي ما حصلش فيها حاجه ... والشهود اللي كانوا واقفين أكدوا إني عرضت عليها فلوس وأسترضيتها وكلمتها باحترام لكن هي ما أتربتش وهي صغيرة ...

موضوع الميكروباصات والحاجات دي ...

دي بقى هاسيبها للموقف ... أحسن الواحد يتهور وبعدين يتعور ... يعني يا أكون قد الخناقة يا إما أدخلهاش وبالتالي أنسحب إنسحاب تكتيكي منظم وأنا اشعر بالهزيمة ..

[sarmar]

تعرف يااستاذ حسام طول ماانت بتسوق سيارت فى مصر انت عايش مافيش مشاكل ولا شىء ومنفض للموضوع دة ولما لاقدر الله يحصل يبقى لكل حادث حديث والموضوع دة خلاص بيتحط فى ارشيف العقل وطبعا لما بتقع الحادثة بيكون طرفين كل واحد نازل من سيارتة متحفز للتانى وهو حاطط بردة فى دماغة ان الخصم هو الغلطان وانة مابيعرفش يسوق واصلة بياخد لسة مصروفة والكلام اياة اللى انت عارفة وهذا الحوار الداخلى بيكون فى دماغ الطرفين ونسيب كفة ميزان القوة هو اللى بيرجح طرف على الاخر وطبعا دور الشرطة مستبعد نهائى لانهم لايملكون اليات العمل لمثل هذة الظروف

اما من يسافر خارج مصر ومارس قيادة السيارة فانة بالطبع يرى فى الشوارع اشياء كثيرة تجعل وقوع الحادثة اقل كثيرا مما يحدث فى مصر ترى طرق ممهدة ومنظمة وبها العلامات الارشادية المرورية موجودة بطريقة واضحة جدا فى الطريق تخطيط الشارع وتقسيمة الى حارات بعلامات واضحة جدا جدا وايضا علامات بارزة فوسفورية تساعد قائد السيارة فى السية باتجاة واحد منتظم دون الانحراف الفجائى الا بعد اعطاء اشارات واتباع وسائل السلامة

تجد خارج مصر اهم من اى علامات او اى شىء هو الصيانة الدورية الصارمة التى تجعلك ترى الطريق وكانة ممهد من ساعة فقط

تجد السلوك العام لجميع قائدى السيارات هو احترام والتزام واتباع ارشادات المرور المتعارف عليها دوليا وهذة مسؤولية هندسة الطرق مع ادارات المرور طبعا

تجد الشرطة معنية بهذا الامر ومهتمة بة جدا الشرطى يعرف واجبة كما يقول القانون ولايحيد عنة ويؤدى واجبة بدون واسطة او اى شىء ااااخر

اما فى ظل اوضاع بلدنا الجميلة التى تساعد السمكرية فى ايجاد عمل مستمر فانة من الصعب بمكان ان تحدد الطريقة التى تعيش بيها اصلا او تاخد بيها حقك سواء سيارة او غير سيارة واقصد انة كيف تاخد حقك فى مصر

[Howayda Ismail]

المصيبة ان بعض سواقى الميكروباص بيكون غلطان ويقف لك ببجاحة وبلطجة انك تدفع له تكاليف اصلاحاته لانها مش عربيته

ويوميته مش حتكفى يصلحها والا نصيبك علقة سخنة منه ومن زمايله وطبعا الناس بتاخد دور المتفرج وساعة الجد

بتخلع لكن مصادمات الملاكى مع بعضها نادرا من يرفض دفع التكاليف دى عملية ذوق وضمير .

[herohero]

مش عارف ياجماعه حاسس كانكم نسيتوا الحياه ف مصر او غرباء عن مصر

ياجماعه الحكاية ماشية بالدراع عشان كده انت لازم تبقى مستعوض ربنا انسى ياعمرو ات ممكن تبقى راكن عربيتك صح خاصوتوك توك يحكها وعادي

او عيل ما شي بمفك يحكها

او عجلة

ياااااااااااااااااه فكرتوني بسلوكيات الواحد مفتقدها وحشتيني يا مصر بمفكاتك وعجلاتك وكل حاجه بتحك وحشتيني بحكاتك واللي يريح ع عربيتك ويمشي ياااااااااااه وحشتيني بجد

ياساده ده سلوكيات محتاجه تنظيم ونظام وبعدين حد قالك تركب عربية ياجماعه العربية اللي تجيبها حاول انك تبقى مستغني عنها وانت سايقها ف مصر

وماتتناقشي يا حسام ف الموضوع ده لانه مش هيتحل ده موضوع كبيييييييييييييير ومش هيتحل شكلك بس نسيت الواقع ف اشارع المصري

[hOuSsAm]

السلام عليكم

اللى طلعت بيه من الموضوع ان الواحد سواء معاه عربية جددة او قديمة يستعوض ربنا فى اللى هيحصله وميفتحش بؤه

يعنى الواحد ياخد على قفاه ويضيع حقوقه

طيب..................... اتفقنا ........................ وحسبى الله ونعم الوكيل

انا اصلا مبحبش السواقة وشايف ان التاكسيات والمترو والباصات اسرع بكتير :unsure:

عنبو مشاركة بتاريخ اليوم, 02:06 PM

امن عليها تأمين شامل كامل ضد كل حاجه وريح نفسك

طيب متفيدنا ياعم الحاج فى الليلة دى عالالقل يبقى طلعنا بحاجة مفيدة من الموضوع اللى كله خسارة ده

بس اظن انه مش بالسهولة ولا بالجودة اللى بنشوفها فى الخليج

[أحمد سيف]

تعرف يااستاذ حسام طول ماانت بتسوق سيارت فى مصر انت عايش مافيش مشاكل ولا شىء ومنفض للموضوع دة ولما لاقدر الله يحصل يبقى لكل حادث حديث والموضوع دة خلاص بيتحط فى ارشيف العقل وطبعا لما بتقع الحادثة بيكون طرفين كل واحد نازل من سيارتة متحفز للتانى وهو حاطط بردة فى دماغة ان الخصم هو الغلطان وانة مابيعرفش يسوق واصلة بياخد لسة مصروفة والكلام اياة اللى انت عارفة وهذا الحوار الداخلى بيكون فى دماغ الطرفين ونسيب كفة ميزان القوة هو اللى بيرجح طرف على الاخر وطبعا دور الشرطة مستبعد نهائى لانهم لايملكون اليات العمل لمثل هذة الظروف

اما من يسافر خارج مصر ومارس قيادة السيارة فانة بالطبع يرى فى الشوارع اشياء كثيرة تجعل وقوع الحادثة اقل كثيرا مما يحدث فى مصر ترى طرق ممهدة ومنظمة وبها العلامات الارشادية المرورية موجودة بطريقة واضحة جدا فى الطريق تخطيط الشارع وتقسيمة الى حارات بعلامات واضحة جدا جدا وايضا علامات بارزة فوسفورية تساعد قائد السيارة فى السية باتجاة واحد منتظم دون الانحراف الفجائى الا بعد اعطاء اشارات واتباع وسائل السلامة

تجد خارج مصر اهم من اى علامات او اى شىء هو الصيانة الدورية الصارمة التى تجعلك ترى الطريق وكانة ممهد من ساعة فقط

تجد السلوك العام لجميع قائدى السيارات هو احترام والتزام واتباع ارشادات المرور المتعارف عليها دوليا وهذة مسؤولية هندسة الطرق مع ادارات المرور طبعا

تجد الشرطة معنية بهذا الامر ومهتمة بة جدا الشرطى يعرف واجبة كما يقول القانون ولايحيد عنة ويؤدى واجبة بدون واسطة او اى شىء ااااخر

اما فى ظل اوضاع بلدنا الجميلة التى تساعد السمكرية فى ايجاد عمل مستمر فانة من الصعب بمكان ان تحدد الطريقة التى تعيش بيها اصلا او تاخد بيها حقك سواء سيارة او غير سيارة واقصد انة كيف تاخد حقك فى مصر

كلام حضرتك مظبوط ... حبيت بس أضيف 3 عناصر تجعل السواقة خارج مصر أسهل وأكثر أمانا ... ولن بنصلح حال المرور في مصر بدونها

- الناس بتتعلم سواقة صح يعني كيفية تنفيذ قواعد المرور مش زي التدريب التعبان والامتحان المهزلة اللي مطلوب من الناس في مصر ... كل واحد عرف يظبط رجله على البنزين والدبرياش بيدوله رخصة سواقه.

- قواعد واضحة تحدد أولوية المرور للسيارات وآلية لتطبيقها ... يعني مثلا اللي هيغير حارته أو هيدخل دوار أو هيدخل من شارع فرعي على شارع رئيسي لازم يعطي الأولوية للطرف الثاني وإلا كان هو المتسبب في الحادث.

- تأمين إلزامي على السيارات تخلي الناس مش حامله هم مصاريف التصليح عند وقوع حادث وبالتالي تقل العصبية والعدائية وقلة الأدب.