حلايب وشلاتين ،، ركلة أخرى في مؤخرة الأسد العجوز

[الغريب]

أخواني الأعزاء..

آسف للعنوان ولكنني أحسست أني ملهم في كتابته

جاء منذ يومين تصريح للرئيس السوداني عمر البشير يقول فيه " أن حلايب محافظة سودانية "

فلم يشغل الرئيس السوداني همه حول الجنوب وأستفتاء أنفاصاله الذي لم يتبقى عليه سوى بضعة أشهر قليلة ، ولم يشغله همه حول القوى السياسية المتعددة بالسودان وتحرشاتها بسلطته للبلاد ، بل ولم يراعي تحالف مصر مع السودان والموقف المتوحد في قضية حوض النيل ..

أخواني لست في هذا الموضوع لأهاجم السودان ولا رئيسها ، ولا لأهاجم الدول العربية ، وأرجو من يشارك بالموضوع أن يراعي هذه الرغبة لدي.

ولكني حزنت لضياع مهابة بلدي .. صارت تأخذ ركلة من هنا وركلة من هناك على الصعيد الدولي ..

وها هي اليوم زيارة جديدة لوزير الخارجية أحمد أبو الغيط ووزيرة التعاون الدولي فايزة أبو النجا لمقابلة رئيس وزراء أثيوبيا "زيناوي" الذي تكلم عن مصر بشكل سخيف وغير مقبول ،،

وأخشى ما أخشاه أن ينتظر رئيس الوزراء الأثيوبي تحرك طائرة الوزيرين للمغادرة ثم يعتدل ليوجه ضربة جديدة لمؤخرة الأسد العجوز

فما السبب وراء ضياع المهابة بهذا الشكل القوي ؟

[سكر]

السبب كما قلت انت

الاسد اصبح عجوز

والعجوز ليس له انياب

[se_ Elsyed]

الأسد العجوز جتته نحست - مشيها جتته عشان الرقابة -

فداخلياً هو أفسد كل حاجه وباع كل حاجه

وخارجياً أصبح خيال مآته ووزنه ما بقاش يساوي جناح بعوضه والصغير قبل الكبير بقى يضحك عليه ... ويكفي ان يكون لديك وزير خارجية مثل أحمد أبو الغائط لكي تكتمل بالوعة المجاري

فعندما سمع إشاعة .. إشاعة فقط ..الأسبوع الماضي

بإن حماس هاتنقل قبر الجندي المصري المجهول في غزه وهاتعبث به ... قبل أن يتأكد من الخبر وإنه مش صحيح وإن الموضوع إنهم بيرمموه وبيخلوا منظره أحسن على حسابهم ... خرج يتوعد ويهدد حماس بعواقب الأمور والويلات والثبور ... مثلما قال لهم في تصريح عنتري غائطي " اللي هايخطي حدود مصر هاقطع رجله "

يا واد يا راجل ياللي غلبت عتريس في زمانه

لسه بقى ما كملش القاذورات اللي بيخرجها من فمه .. إلا ويكون لليوم الثالث على التوالي إسرائيل تقتل على الحدود المشتركة مصريين ... يومياً تخيلوا ؟ بداعي إنهم مهربين

طب حتى المهرب يابو الغائط مش مصري برضوا ولا أنت إيه نظامك ؟

بعدها بيوم وده كله الأسبوع اللي فات ... جندي من قوات حرس الحدود المصريين أتصاب برصاصة ... لأن ببساطة ومن شهادات ومشاهدات موثقة على قنوات إخباريه والله يا جماعة شاهدتها ... الصهاينة بيتعلموا النشان على الجنود المصريين الغلابه العُزل ... تخيلوا ؟ ..

بيقف الصهيوني من دول في برج الحراسة .. وينشن على اي حد واقف الناحية التانية ... وأهي بتبقى تدريبات بالذخيرة الحية .. وتكرر الموضوع ده كثير جداً جداً

ولم يخرج أبو الغائط ويقول كخ كده حتى .. اه والله

ومن شهرين فاتوا ... وحوالي 3 مرات ورا بعض ...

واحد صحفي صهيوني تسلل من جنوب سينا إلى حيث معبر رفح ... عشان يعمل سبق صحفي عن الأنفاق ... قوات الشرطة المصرية مسكته وقعدوه في احلى فندق في العريش واكل نايم شارب وجابوا له بدله جديده وطقم ملابس داخلية .. ورجعوه معزز مكرم لأسرائيل ويمكن معاه اكياس رز وسكر عشان الاولاد .

تاني يوم .. والله الكلام ده حقيقي مش تهريج ... شخص صهيوني تسلل بالموتوسكيل الخاص به إلى سينا ..... وبرضوا أتمسك ... ورجع برضوا بسكر ورز

تالت يوم ( وكأني بأشاهد فيلم عنتر ولبلب بتاع كل يوم قفا ) شخص تسلل سابحاً إلى طابا ... وأتمسك من حرس الحدود .. وقالوا عليه مختل عقلياً ورجعوه لأسرائيل بس مش عارف كان في رز وسكر ولا لأ

بعدها بيوم ... كل ده موثق ... محكمة إسرائيلية حكمت على مصري سيناوي بالسجن 4 سنوات بدعوه التسلل إلى أراضيها من مصر

لوووووووووووووووووووووووووووووووووووولي

أيوه كده يحي العدل يحي العدل

كل ده وإيه .. ابو الغائط ولا بيفتح بؤه .. لكنه مصلطح قفاه عشان القفا يتلزق بالصوابع الخمسة واللي يطرقع ما يتحسبش يا معلم

------------

نرجع لموضوع السودان ..

إذا كنت إنت في أزمة ... ولقيت قفا ممكن يخرجك من الأزمة دي .. وإيه قفا طيب لا بيصد ولا بيرد ... تتبطر على النعمة وتقول لأ مش لازقك يا قفا على قفاك ... ولا ترزعه وتظهر في صورة أبو السباع وعنتر زمانه أمام شعبك والجماهير العريضه .؟

وهذا ما فعله البشير ....

البشير في مصيبة وكارثة حقيقية ... لأن موعد إستفتاء أنفصال جنوب السودان قرب ولم يتبقى عليه إلا 5 شهور ( يناير 2011 ) ... هههههه والموضوع محسوم زي تيمور الشرقية في أندونيسيا ... ناس بيحاربوا سنوات عشان ينفصلوا لأنهم شعروا بظلم على مر الزمن من الحكومة الشمالية يبقوا هايقولوا لأ عاوزين نبقى في حضن ماما ومش عاوزين نتطلق ؟؟؟؟؟؟؟؟؟ ... كمان هما ينتموا إلى العرق الأفريقي الزنجي .. عكس الشماليين اللي فيهم عرق عربي .... وكمان ديانة معظمهم مختلفة .. ما بين مسيحية ووثنية ... كمان ظهرت ثروات عندهم تخليهم عايشين في نعيم .. يكفي إن معظم أحتياطي النفط عندهم ولسه بخيره ماحدش شفطه .. كمان في مساعدات من دول الجوار الشريرة زي أوغندا .... ولم ننسى قيام الحيزبون المتصابيه مادلين أولبريت حينما كانت وزير خارجية .. قامت بالذهاب إلى أوغندا ومن ثم السفر عن طريق البر إلى جنوب السودان في زيارة رسمية للاجتماع بالمسئولين الجنوبيين في قفا واضح للبشير وكأنها ميغه أو بلد من غير صحاب ..

كمان عنده مصيبة دارفور والسعي نحو الأنفصال ... وبرضوا الخرائط بتبين إن عندهم يورانيوم بالعبيط ونفط كمان ...

كمان البشير عليه أحكام نفقة ومطلوب وكان رايح يحضر أفتتاح كاس العالم فرئيس جنوب أفريقيا ( زوما ) قال له لو جيت أهلاً وسهلاً بك .. لكن هاتتعكش في أقرب كمين يا معلم وهانسلمك تسليم مفتاح

فالراجل بعد ده كله عاوز يخرج بأي شكل .. فقال لك نتنطط على ضهر الأسد الخرفان يمكن يبقى لي شعبيه ...

أضف إلى ذلك .. كيف تقول الخارجية المصرية أمس في بيان رسمي أن حلايب وشلاتين تابعه لمصر - وهي حقيقة بالمناسبة بغض النظر عن التخاريف السودانية - ثم نسمح كمصر لسكانها في المشاركة بالأنتخابات الرئاسية السودانية اللي تمت منذ شهور قليلة ؟

حد يفهمني أصلي خلاص مخي أبتدا يهيس

فوق كل ده وده

الأسافين الصهيوينة في تسخين دول المنبع على السودان ومصر عشان يشربونا بيبس بدل الميه

وإمعاناً في ............of the Old Lion احم احم Kicking the .. قالوا ما تيجي نخنقه وندق أخر مسمار في شنبه .. ونسخن عليه السودان اللي أخر مره أتكلموا في الموضوع ده كان سنة 92 ... تخيلوا ؟

طب حتى لو هي من حقهم .. إيه اللي صحى الموضوع سنة 2010 ؟

كل ده عشان عارفين إن الراجل مات تقريباً وهي مسألة أيام على ما نستخرج تصريح الدفن وإعلام الوراثة ... فأن خرب بيت الأسد .. خد لك منه حلايب ...

وسلم لي على حديقة الحيوان بالديزة .

[hanzalah]

الفاضل الاستاذ سي السيد كتب

فعندما سمع إشاعة .. إشاعة فقط ..الأسبوع الماضي

بإن حماس هاتنقل قبر الجندي المصري المجهول في غزه وهاتعبث به ... قبل أن يتأكد من الخبر وإنه مش صحيح وإن الموضوع إنهم بيرمموه وبيخلوا منظره أحسن على حسابهم ... خرج يتوعد ويهدد حماس بعواقب الأمور والويلات والثبور ... مثلما قال لهم في تصريح عنتري غائطي " اللي هايخطي حدود مصر هاقطع رجله "

يا واد يا راجل ياللي غلبت عتريس في زمانه

لسه بقى ما كملش القاذورات اللي بيخرجها من فمه .. إلا ويكون لليوم الثالث على التوالي إسرائيل تقتل على الحدود المشتركة مصريين ... يومياً تخيلوا ؟ بداعي إنهم مهربين

طب حتى المهرب يابو الغائط مش مصري برضوا ولا أنت إيه نظامك ؟

بعدها بيوم وده كله الأسبوع اللي فات ... جندي من قوات حرس الحدود المصريين أتصاب برصاصة ... لأن ببساطة ومن شهادات ومشاهدات موثقة على قنوات إخباريه والله يا جماعة شاهدتها ... الصهاينة بيتعلموا النشان على الجنود المصريين الغلابه العُزل ... تخيلوا ؟ ..

بيقف الصهيوني من دول في برج الحراسة .. وينشن على اي حد واقف الناحية التانية ... وأهي بتبقى تدريبات بالذخيرة الحية .. وتكرر الموضوع ده كثير جداً جداً

ولم يخرج أبو الغائط ويقول كخ كده حتى .. اه والله

ومن شهرين فاتوا ... وحوالي 3 مرات ورا بعض ...

واحد صحفي صهيوني تسلل من جنوب سينا إلى حيث معبر رفح ... عشان يعمل سبق صحفي عن الأنفاق ... قوات الشرطة المصرية مسكته وقعدوه في احلى فندق في العريش واكل نايم شارب وجابوا له بدله جديده وطقم ملابس داخلية .. ورجعوه معزز مكرم لأسرائيل ويمكن معاه اكياس رز وسكر عشان الاولاد .

تاني يوم .. والله الكلام ده حقيقي مش تهريج ... شخص صهيوني تسلل بالموتوسكيل الخاص به إلى سينا ..... وبرضوا أتمسك ... ورجع برضوا بسكر ورز

تالت يوم ( وكأني بأشاهد فيلم عنتر ولبلب بتاع كل يوم قفا ) شخص تسلل سابحاً إلى طابا ... وأتمسك من حرس الحدود .. وقالوا عليه مختل عقلياً ورجعوه لأسرائيل بس مش عارف كان في رز وسكر ولا لأ

بعدها بيوم ... كل ده موثق ... محكمة إسرائيلية حكمت على مصري سيناوي بالسجن 4 سنوات بدعوه التسلل إلى أراضيها من مصر

لوووووووووووووووووووووووووووووووووووولي

أيوه كده يحي العدل يحي العدل

كل ده وإيه .. ابو الغائط ولا بيفتح بؤه .. لكنه مصلطح قفاه عشان القفا يتلزق بالصوابع الخمسة واللي يطرقع ما يتحسبش يا معلم

الافاضل

انا فعلا فشلت إني افهم لماذا تعاملنا حكوماتنا المتعاقبة بهذه القسوة !!

وتعامل الصهاينة بهذه الحنية

ممكن حد يتفضل ويشرح لي !!

[أحمد سيف]

الافاضل

انا فعلا فشلت إني افهم لماذا تعاملنا حكوماتنا المتعاقبة بهذه القسوة !!

وتعامل الصهاينة بهذه الحنية

ممكن حد يتفضل ويشرح لي !!

لإن دي حكومه بتخاف ما بتختشيش ... وهي خايفه من الصهاينه واللي وراهم ... إنما احنا مش قالقينها في حاجه ... ديّتنا معروفه ... واللي تعرف ديّته اقتله

[MaYousof]

الافاضل

انا فعلا فشلت إني افهم لماذا تعاملنا حكوماتنا المتعاقبة بهذه القسوة !!

وتعامل الصهاينة بهذه الحنية

ممكن حد يتفضل ويشرح لي !!

لإن دي حكومه بتخاف ما بتختشيش ... وهي خايفه من الصهاينه واللي وراهم ... إنما احنا مش قالقينها في حاجه ... ديّتنا معروفه ... واللي تعرف ديّته اقتله

أخي وأستاذي الفاضل أحمد سيف,

أنا لا أستطيع إنكار قناعتي الشخصية بإن 95% من المسئولين في الحكومة بيخافوا مابيختشوش .. لكن هذا في واقع الأمر يأتي بالتوازي مع نفس قناعتي الشخصية بإن 95% من أبناء وطني الكرام (كمرآة الحكومة) مايتخيروش كتير عن المسئولين في الحكومة وتحديدا في نقطة الخوف وعدم الخشا دي.

وبصراحة كده أنا لما قرأت قليلا في الموضوع ده نط في راسي سؤال, صحيح خارج عن النقطة الرئيسية للموضوع, بس هو يعني أنا مش مستني ردود على السؤال ده عشان أفردله موضوع كامل. عشان كده هاسمح لنفسي بطرح السؤال ده هنا, ليس فقط على أعضاء المنتدى الكرام بل حتى على زواره من غير الأعضاء, لأني مرة أخرى أكرر إني شخصيا مش مستني عليه ردود, خصوصا تلك الردود التي تتفنن في ترك السؤال نفسه لتسهب في الحديث عن شيء آخر ليس له أي علاقة بالسؤال الأصلي.

السؤال, أو بالأصح التساؤل اللي نط في راسي بيقول إيه:

إلا من حق صحيح, هي تركيا انتهت لإيه بخصوص موضوع الـ 16 اللي نط عليهم الجيش الإسرائيلي ودبّحهم واحد ورا التاني زي مايكون بيدبّح في فراخ بيضا عشان عزومة كبيرة؟ خدوا ديّة زي بتوع لوكيربي كده؟

تحياتي لحضرتك وللجميع.

[herohero]

لا يمكن انكار ان اسدنا العجوز مؤخرته اتهرت "اتعبط بما فيه الكفاية"

وياريت بجد يريح نفسه شوية

انا اللي مستعجب منه هو احنا فايقين وفالحين قوووي يعني حلايب وشلاتين ايه انتوا شاطرين زمان لما الموضوع ده كان ف عزه عملتوا لنا مسلسل بكار

هل يعقل ان نقرب الشعب من منطقة نفترض انها ارضه عن طريق مسلسل كارتون زي بكار

عموما هذا ينضم لسلسة الفشل الداخلي والخارجي

وبرافو ومن فشل اى الاخر

لا اعلم هل قرا اسدنا وبقية الذئاب المفترسة قرات كتاب زي شخصية مصر وعبقرية المكان

يا رجاله روحوا اقروا كتب جمال حمدان وانتوا تريحوا مؤخراتكم من الضرب ابوس ايديكم اقروا عشان احنا زهقنا

وياريت تبقوا وحوش ع الكل مش علينا بس اسود وقطط وفيران ادام الغير

[مهندس ابو يوسف]

اخواني

ارجع واقول احنا اللي عملنا في انفسنا كده

في مثل يقول ( الثور لما يقع ..... تكثر سكاكينه)

وللاسف احنا وقعنا

تحياتي

[herohero]

اخواني

ارجع واقول احنا اللي عملنا في انفسنا كده

في مثل يقول ( الثور لما يقع ..... تكثر سكاكينه)

وللاسف احنا وقعنا

تحياتي

ماهو الوقوع ده كان من خيبتنا حكومتنا لا تعرف يعني ايه امن قومي وكفاية مهزلة دول حوض النيل

[الأقصرى]

:lol: :lol:

[الأقصرى]

اسجل اعجابى وتقديرى لجميع الاراء

نحن فى مرحلة الهرتله وربنا يعديها على خير

[الغريب]

الأخوة الأفاضل أشكر للجميع مشاركاته التي شاركتني في حزني وغمي على حال بلدي ، ولا يسعني أن أقتبس مشاركة أو أخرى دون باقي المشاركات لأن جميع المشاركين محل تقدير

أشكر سي السيد عن تقريره التسلسلي المنطقي لأسباب تردي حال أسدنا العجوز في غابته

أشكر أخي حنظله على سؤاله المنطقي جدا

وأشكرا أيضا أخي أحمد سيف على جوابه على سؤال حنظلة بنفس المنطقية والبساطة

ولكن أسمحولي أن أعقب فقط على مشاركة لأخي محمد يوسف ، وأنا أعتز كثيرا بمشاركاته التي تدعونا دوما للإيجابية والدور الفعال في حل مشاكلنا بأيدينا لا بأيدي حكوماتنا التي أقر هو والجميع تخاذلها بنسبة كبيرة (95%)

أنا يا أخي لم أكن يوما من هواة التعديد وشق الجيوب على أي مشكلة تواجه بلدنا التائه سواء على الصعيد الدولي أو الداخلي ، ولكن المشكلة أن أخطاء الكبار تهدم ألف بل قول مليون من تصحيحات الصغار ؛ فخطأ في تصريح أو رد فعل للخارجية المصرية على حادثة ما يقضى على نسبة من السمعة المصرية التي ساهم في تكوينها ألف مواطن متميز بالخارج ..

تحياتي :lol:

[justme]

صدق من قال

فرق تسد

مع الحترامي للكثيرين ولكن هذا هو قمة ما يريده الاعداء

طيب بسرعة مين هما الاعداء لو عرفنا من هو العدو جيدا سنعرف ما هو الحل

في كل بلد مسلم نزاع حدودي صغر ام كبر يبعث العداوة او مشكلة طائفية او .....

عادت فينا نزعة الجاهلية للاسف انا مصري وانا سوداني وانا سوري و و و

يحلو لبعضنا ان يطلق احكامة عامة

المشكلة هو عدونا الحقيقي الذي نسيناه

قوله تعالى:{ إن الشيطان لكم عدو فاتخذوه عدوا إنما يدعو حزبه ليكونوا من أصحاب السعير }(فاطر: 6)

بدل ما نتوحد بنتفرق وكل واحد يقول انا جدع وليا هيبه

طيب بنتشطر على بعض وسايبين عدونا الحقيقي

تحياتي

[matzakos]

حلايب أرض مصرية يسكنها سودانيين ...... طيب تبقى زيها زي إقليم ناجورنو كاراباخ المتنازع عليه بين أرمينيا وأذر بيجان( الأرض أرمينية والسكان أذربيجانيين) ..... أو مثل الأراضي الصربية التي يسكنها مسلمون في البلقان و التي تسببت في أبشع مجزرة في التاريخ.

إذن كل المواضيع اللي من هذا النوع غالباً يكون فيها نزاعات و ربنا يستر و ما تكونش دمويه.

أما من حيث كون الأسد عجز أم لا ..... أنا بأقول إن مصر توقفت عن التطور إعتباراً من سنة 1971 .... ( بالمناسبة أنا لست ناصري) بس هيا دي الحقيقة.

تخيلوا لو كانت مصر استمرت في التطور و النهضه الصناعية و لو كنا أصبحنا مثلاً رواد في مجالات صناعية وتكنولوجية معينة في المنطقة..... كيف ستكون نظرة الدول المحيطة لنا ؟؟ أكيد نظرات إعجاب و تقدير ...و بالتالي ضمان الريادة في المنطقة.

لكن اللي حصل ....إنفتاح غير مدروس ...مش هيتصلح ولو في 200 سنة.....أدي لظهور الفئات المعروفه في مصر ....الهليبة و المخلصاتية والبزنسمن و تجار المخدرات و الفوهيجيه و الطبقات المتدنية و إزداد الفقراء فقراً ...و ظهرت الطبقات المتسلقة.

( أرجوكم إقرأوا كتاب ماذا حدث للمصريين للكاتب جلال أمين).

الخلاصه بلد كانت رائدة في محيط دول صغيرة حديثة التحرر من الاستعمار و لا تمتلك اي مقومات لتكون دول بينما تلك البلد لديها من الخبرات و الزخم الحضاري ما يؤهلها للقيادة

البلد الرائد توقف عن التطور - أو أجبر على التوقف لمن يفضل نظرية المؤامرة- بينما الدول المحيطة أصبح لديها موارد سواءاً طبيعية أو إمكانات بشرية ...و بالتالي أصبحت تنظر غلي مصر على أنها دولة شقيقة أي نعم لكن ليست الشقيقة الكبرى كما يفضل البعض داخل مصر تسميتها.

إذ أن تلك الدول سواءاً عربية أو إفريقية لم تعد بحاجة لأشقاء كبار من هذا النوع الذي يتكلم ولا يفعل ....بل رأوا قدرتهم في الإستغناء عن مثل هؤلا الأشقاء ......

و ليس ما حدث مؤخراً من التحالف بين الجزائر و قطر ...إلا محاولة لتأكيد هذا المفهوم ..... ( أصبح العاملون في الجزيرة الرياضية مثلاً معظمهم ممن الجزائر أو من دول المغرب أو تونس ) في محاولة لتأكيد الإستعانة بخبرات غير مصرية.

في النهاية الموضوع ذو شجون..... و مازلنا غارقون!!!!

تم تعديل 14 يوليو 2010 بواسطة matzakos

[ابو محمود]

أخواني الأعزاء..

آسف للعنوان ولكنني أحسست أني ملهم في كتابته

جاء منذ يومين تصريح للرئيس السوداني عمر البشير يقول فيه " أن حلايب محافظة سودانية "

فلم يشغل الرئيس السوداني همه حول الجنوب وأستفتاء أنفاصاله الذي لم يتبقى عليه سوى بضعة أشهر قليلة ، ولم يشغله همه حول القوى السياسية المتعددة بالسودان وتحرشاتها بسلطته للبلاد ، بل ولم يراعي تحالف مصر مع السودان والموقف المتوحد في قضية حوض النيل ..

أخواني لست في هذا الموضوع لأهاجم السودان ولا رئيسها ، ولا لأهاجم الدول العربية ، وأرجو من يشارك بالموضوع أن يراعي هذه الرغبة لدي.

ولكني حزنت لضياع مهابة بلدي .. صارت تأخذ ركلة من هنا وركلة من هناك على الصعيد الدولي ..

وها هي اليوم زيارة جديدة لوزير الخارجية أحمد أبو الغيط ووزيرة التعاون الدولي فايزة أبو النجا لمقابلة رئيس وزراء أثيوبيا "زيناوي" الذي تكلم عن مصر بشكل سخيف وغير مقبول ،،

وأخشى ما أخشاه أن ينتظر رئيس الوزراء الأثيوبي تحرك طائرة الوزيرين للمغادرة ثم يعتدل ليوجه ضربة جديدة لمؤخرة الأسد العجوز

فما السبب وراء ضياع المهابة بهذا الشكل القوي ؟

عزيزى الغريب الحل انت ذكرتة فى توقيعك الرجاء قراءة توقيعك وستعرف الحل

[جسار]

[ أنا با أشبه موقف مصر الحالى فى علاقاتها الخارجية

مع دول العالم وبالذات بالدول العربية ...برجل كبير ومحترم ومن عيلة لها اسمها والكل بيسمع كلامه وبياخد بمشورته

ولامم العيلة بتاعته كبيرها وصغيرها تحت جناحيه ، وأى واحد فيهم بيقع فى مشكلة بيكون هو أول واحد واقف جنبه ويشور

عليه بالصح ، والناس كلها فى البلد عارفين مقدار الرجل المحترم الكبارة اللى ما تتطلعش منه العيبة وبيعطف على الصغير

والكبير بيلتزم بكلمته وما يتنيهاش ابدا ، ...وفجأة أستيقظ أهل البلد على خبر شوم وماصدقوهوش فى الاول ، الراجل الكبارة

المحترم أتجوز رقاصة بتاعة موالد وبيسرح معاها فى البلاد بيشتغل حارس عليها وعلى أصحابها من الغوازى ، ولم يكتفى بذلك

بل قام ببيع أرضه وأرض أبناؤه من الراحلة زوجته الاولى لينفق منها على زوجته الجديدة ويلبى متطلباتها من ملابس وحلى

ومجوهرات وعزومات لاقاربها الفنانين ، وترك البلد وترك أيضا الصلاة وعاقر الخمر ليواكب أجواء الحفلات والسهرات الجديد

على حياته ، وأنتهى الامر بأن لفظته الراقصة بعدما أنهت على آخر جنيه من ثمن الارض والبيت اللى باعهم ، وجر أذيال الخيبة والندم عائدا لبلده آملا بأن ينسوا فعلته ويسامحوه ، وعندما أقترب من مشارف بلدته وجد أحد أقاربه ومعه طفل صغير فأقترب

منهما ومد يده محييا ولكنه فوجئ بأن قريبه لم يمد يده بل أشاح بوجهه ناحية ابنه الصغير وأسر له فى أذنيه ببضع كلمات

لم يسمعها صاحبنا وبدون مقدمات وجد الطفل الغير يتناول حفنة من التراب من الارض وقام بالقائها على وجه الرجل الكبير

وخرجت من فمه بضع كلمات لم يسمع منها سوى ..هو أنت الراجل بتاع الغازية ليه جاى عندنا روح لها ماعدش ليك مكان معانا

ياللى بعت أهلك وناسك ....

[الغريب]

وها هي اليوم زيارة جديدة لوزير الخارجية أحمد أبو الغيط ووزيرة التعاون الدولي فايزة أبو النجا لمقابلة رئيس وزراء أثيوبيا "زيناوي" الذي تكلم عن مصر بشكل سخيف وغير مقبول ،،

وأخشى ما أخشاه أن ينتظر رئيس الوزراء الأثيوبي تحرك طائرة الوزيرين للمغادرة ثم يعتدل ليوجه ضربة جديدة لمؤخرة الأسد العجوز

هذه كانت أول مشاركة في الموضوع وكنت قد توقعت ركلة جديدة من رئيس وزراء أثيوبيا ردا، على زيارة وزير الخارجية المصري..

هاهي الركلة تأتي من رئيس وزراء أثيوبيا

رئيس وزراء اثيوبيا يحذر مصر من حرب بشأن مياه النيل

(رويترز) - قال رئيس الوزراء الاثيوبي ملس زيناوي في مقابلة ان مصر لا يمكنها ان تكسب حربا مع أثيوبيا على مياه نهر النيل مشيرا الى أنها تدعم جماعات متمردة في محاولة لزعزعة البلد الذي يقع في القرن الافريقي.

وتخوض مصر واثيوبيا وسبع دول أخرى يمر بها نهر النيل محادثات صعبة منذ أكثر من عقد يخيم عليها الغضب بسبب ما يعتبره البعض ظلما ناجما عن معاهدة سابقة بشأن مياه النيل تم توقيعها في عام 1929 .

ووفقا للاتفاق الأصلي يحق لمصر ان تحصل على 55.5 مليار متر مكعب من المياه سنويا وهو نصيب الأسد من إجمالي مياه النيل التي تبلغ 84 مليار متر مكعب رغم ان نحو 85 في المئة من المياه تنبع من اثيوبيا