حملة جديدة على الـ (فيس بوك) تحت شعار (استرجل واشرب عصير قصب مصري)

[Alattar]

مصراوي – خاص - كل يوم يأتينا "الفيس بوك" بالجديد والغريب في نفس الوقت، آخر طرائف الموقع الاجتماعي الشهير حملة أطلقها مجموعة من الشباب "جروب" للترويج لعصير القصب باعتباره المشروب الوطني المصري، الحملة جاءت تحت عنوان "استرجل واشرب عصير قصب"، على غرار حملة مشروب "بريل" الشهيرة التي حملت عنوان "استرجل واشرب بريل".

المجموعة، التي وصل عدد المشتركين فيها نحو 150 ألف مشترك، تقدم للمتصفحين شرحاً وافياً عن فوائد عصير القصب الطبية والنفسية كونه يعالج الاكتئاب وينشط الكبد.

من الشعارات التي يروجها "الجروب" شعار "ليه تشرب كانز لما ممكن تشرب عصير قصب"، و" في السنه اللي رفضنا فيها الكوكا انتجنا "عصير القصب"، و "عصير القصب المصري ....ام البيبسي و الكوكا"، ودعا مؤسسو "الجروب" شباب "الفيس بوك" مشاركتهم حلمهم بأن يصبح عصير القصب المشروب الرسمي المصري.

وطالبوا بعمل "شيبسي" بطعم عصير القصب، وأيضا عمل "كانز" لعصير القصب مثل المشروبات الغازية الأخرى

150,000 مشترك حتة واحدة؟؟؟!!!

طبعا .. عصير القصب غني عن التعريف...

كانت مشكلتي طول حياتي..اني لو اشتريته و روحت بيه البيت..لونه بيبقي أسود

عامل زي الفول بتاع العربية...زي ما الفول ما يبقاش حلو الا لو كلته من علي العربية..برضه القصب ما يتشربش الا من المحل.

[Damo]

كانت مشكلتي طول حياتي..اني لو اشتريته و روحت بيه البيت..لونه بيبقي أسود

مشكلتي لما كنت اشتريه مش يعيش معايا لحد البيت :lol:

تم تعديل 7 يوليو 2010 بواسطة Damo

[hOuSsAm]

كان واحد صحبى عنده عصارة

كان بيحط القصب من ناحية وانا كنت بحط بقى :lol: فى النحية التانية

[شريف مان]

كان واحد صحبى عنده عصارة

كان بيحط القصب من ناحية وانا كنت بحط بقى :lol: فى النحية التانية

ههههههههههههههه

أكيد أفلس بسببك يا حسام

:lol:

[se_ Elsyed]

150 الف عشان عصير قصب وعسل إسود وكلام من ده ؟؟؟؟

طيب ....

كل سنه وهما مسوسين