نائب في البرلمان المصري يستجدي الجنسية الكويتية!

[herohero]

كشفت جريدة «النهار» المصرية في صدر صفحتها الاولى عن «تذلل» عضو مجلس الشعب المصري رجل الأعمال أحمد عبدالسلام قورة لوزير الداخلية الكويتي الشيخ جابر الخالد الصباح من أجل منحه الجنسية الكويتية.

واستنكر رئيس مجلس ادارة النهار أسامة شرشر طلب قورة الحصول على الجنسية الكويتية معتبراً طلبه هذا سابقة هي الأولى من نوعها في تاريخ أعضاء مجلس الشعب المصري، متسائلاً كيف يتقدم قورة بخطاب الى وزير الداخلية الكويتي يتذلل له فيه لنيل شرف المواطنة والجنسية الكويتية؟، ومستشهداً بالحكمة القائلة «أذل القهر والطمع والجشع أشباه الرجال».

وتحسر شرشر في مقاله على «الزمن الرديء والذي - حسب قوله - أفرز لنا هذه النماذج البرلمانية التي استباحت بيع أرض مصر مقابل حفنة من الدولارات، فلا عجب أن يتقدم الى وزير الداخلية الكويتي بمذلة أن ينظر إليه بعين العطف الأبوي لنيل شرف الجنسية الكويتية».

وشدد شرشر في مقاله على انه «سيتقدم ببلاغ الى الرئيس حسني مبارك للتحقيق في هذه الواقعة الخطيرة، والمدعومة بالمستندات والتي من شأنها أن تدمر البقية الباقية من سمعة نواب الحزب الوطني الحاكم تحت قبة البرلمان».

وخاطب شرشر في مقاله جمال مبارك وأمين التنظيم في الحزب الوطني أحمد عز بالقول «هذه عينة نوابكم فمن نائب الأراضي الى نائب النقوط الى نائب يستجدي الجنسية... والبقية تأتي».

مقال منقول من جريدة النهار

بجد حاجه تشرف يانواب مصر

إضغط هنا لزيارة موقعي

[pocy]

الخبر ضايقنى جدا وطبعا ده كله بسبب ما تقدمه الحكومه الكويتيه لمواطنيها والحاصلين على الجنسيه

فاى حد يتمنى الجنسيه الكويتيه حتى يتم معاملته باحترام ومش دى بس الجنسيه الوحيده اللى بتعامل اهلها باحترام

وربنا يوعد حكومتنايارب اللهم امين

[herohero]

العبرة ليست ف ان الحكومة الكويتية تعامل ابنائها جيدا ام لا لكن هل يصح هذا من عضو مجلس شعب يعني لو قولنا مواطن مصري عادي يعني ممكن نتكلم فيها ونتناقش اما عضو مجلس شعب

يعني مستفزة شوية لما عضو مجلس الشعب اللي عايش ف مصر باشا امال الناس الغلابة تعمل ايه

[MaYousof]

كتب نبيل الفضل يقول: (كان الكويتيون يتذمرون على مدى عقود من اعمال النصب التي يورطهم بها اخوتنا العرب، الذين كان اشهرهم اهل مصر واهل لبنان. مؤخراً وأخيرا انتقم احد الكويتيين لأهل الكويت من ذلك التاريخ وحوَّل سير الاحداث ليقوم كويتي من عيال بطنها بالنصب على مصري!.

الحكاية، ان احد النواب السابقين والمنتمين الى حركة الاخلاق الحميدة واللحى المهذبة، كان قد اكتشف ضالته في مصري يعمل طباعا في الصباح وحدادا في المساء، فقام باحتضانه وانشأ معه شركة صغيرة للحدادة وبناء المظلات و«الهانغرات» سرعان ما تطورت بالمواهب الميكانيكية الكويتية و«الغطاء السياسي» للنائب النزيه، الذي بدأ حياته في قسم الصيانة لأحد المصارف. انهالت الارباح من كل حدب وصوب وبوسائل مشروعة احيانا، حتى وصلت الى ترشح الطباع المصري – المليونير الجديد – لمجلس الشعب المصري وأصبح نائبا في عام 2005!. هذا الموقع السياسي فتح بابا جديدا للشراكة القديمة لتتوسع في مصر التي نامت نواطيرها عن ثعالبها.

المهم أن النائب السابق في عام 2007 قال لشريكه وصديق درب الثراء بأنه يرى أن يتقدم للحصول على الجنسية الكويتية كونه رجل اعمال مرموقاً وكون زوجته كويتية، وانه اي – النائب الميكانيكي – سيسعى لدى الحكومة الكويتية لمنح المصري جنسية كويتية تحت بند الخدمات الجليلة كما حدث مع «مهاوش». المليونير المصري كتب الكتاب المؤرخ في 1 مايو 2007 واعطاه لشريكه الكويتي الذي لم يتقدم به للحكومة!!. بل احتفظ بالاصل في خزانته الحديدية، ثم جاء الى شريكه المصري والسوق يهتز من تحت قدميهما وقال له ان الشركة فكرتك وهذه المصائب لا اريد أن اكون طرفا فيها، ويجب عليك تحمل كل شيء، وأن سمعت منك كلمة اعتراض، فقسما عظما سأذهب الى القاهرة واعطي الصحافة المصرية التي تريد رأسك كتابك للحكومة الكويتية بطلب التجنيس، ساعتها ستطرد من مجلس الشعب المصري شر طردة وستفقد الحصانة.

وهكذا وجد النصاب التراثي نفسه في حبائل النصاب المستجد على الساحة الكويتية، فأوقع في يده ولم يستطع سوى ابتلاع المرارة والموس وتحمل الكلفة المالية لما جناه الشريك الكويتي الذي أوقعه في خطة محكمة الهندسة .. ميكانيكية التنفيذ.. وخرج من الورطة كالشعرة من العجين!.

لا عزاء لمتولي ومبروك للنصاب الكويتي هذا الانجاز الوطني. ونقول نحن للمهندس الذي صمم خطة «النذالة» هذه لشريكه السابق بأننا قررنا ان نكون المقاولين لخطته الهندسية وسنقوم بارسال صورة الكتاب المؤرخ في 1 مايو 2007 إلى أصدقاء لنا في الصحافة المصرية، ليعود الطباع طباعاً والحداد حداداً. ولا عيب، فكلها مهن شريفة.

أعزاءنا نقول لشيبوب باننا لا نهدد بالأدلة وانما نقدمها لمن يهمه الامر متى ما توفرت لنا، تماما كما نفعل الآن مع عضو مجلس مصري هام .. فلماذا لا تكون «عنتر» بدلاً من الاقتناع فقط بدور «شيبوب» وتتقدم لمن يهمه الامر بأدلتك الشبيهة بعقلك؟!)

أنتهى المقال بتوقيع وصورة نبيل الفضل ولما كان ذات الكاتب قد نشر مقالاً سابقاً باسم متولى قورة ولم يكن لدينا اعتقاد كامل بأنه يقصد النائب أحمد عبد السلام قورة غير أن هذا المقال كان أكثر وضوحاً ولم يكن ما أورده كافياً بل كان لابد من الحصول على صورة من الطلب الذى كتبه النائب للحصول على الجنسية الكويتية وبالفعل حصلنا على صورة من الطلب المدون فى ورقتين ومرفق به البطاقة المدنية لأحمد محمد عبد السلام قورة ونحن إذا ننشر الواقعة فهذا من باب المصلحة العامة فهذه واقعة وثيقة الصلة بالنائب وعمله البرلمانى إذا لا يحق له طلب جنسية أخرى وهو عضو فى البرلمان ولما تأكدنا أن كتابة طلب الجنسية تمت خلال عضويته فى مجلس الشعب وليس قبل العضوية قررنا نشرها وكلنا أملٌ أن يرد النائب بعدم صدق ما نشرته الوطن الكويتية وبعدم صدق الواقعة من أساسها وساعتها سنفرد لرده المساحة اللازمة بل وسنقدم له الأعتذار وقد نتوقف عن متابعة كتابات نبيل الفضل إذ أن ساعتها قد نتهم الكاتب المدقق بأنه لا مدقق ولا يحزنون.

نص طلب الجنسية الكويتية

على أوراق الشركة الأم لشركة منا القابضة والشركات التابعة وهى المجموعة الدولية للمشاريع القابضة وهى شركة مساهمة كويتية مقفلة ، تأسست في 2003/6/8 برأسمال قدره 1,000,000 د.ك ( فقط مليون دينار كويتي ) موزعة على 10,000,000 سهم بقيمة أسمية 100 فلس للسهم تم زيادة رأسمالها الى 15,000,000 د.ك في 28/1/2007 زيادة نقدية وعينية للشركة وهى شركة لها مجموعة من الشركات التابعة ومجموعة من الشركات الزميلة داخل دولة الكويت وخارجها على ورق هذه الشركة المهيبة كتب النائب أحمد محمد عبد السلام عضو مجلس الشعب المصرى فى واحد مايو 2007 هذا الطلب الذى ما زلنا نتمنى أن لا يكون صحيحاً ويكون ما كتبه الزميل نبيل الفضل فى الوطن الكويتية مجرد دعابه أو تكون المستندات والوثائق التى بحوزتنا غير سليمة فليس أغلى من صون كرامة مصر و عدم تعرضها للاساءة من نائب فى برلمانها شىءٌ عندنا يرتجى وهذا ليس من قبيل الحماسة بل من فرط حب هذا الوطن الذى نشرف بجنسيته ولا نرضى لها شريكاً أو بديلاً معاذ الله.

كتب النائب النص التالى حاملاً توقيعه:

سعادة الشيخ / جابر مبارك الحمد الصباح حفظك الله ورعاك

معالى النائب الأول لرئيس مجلس الوزراء ووزير الداخلية والدفاع

السلام عليكم ورحمة الله وبركاته ......

أتقدم بكتابى هذا راجياً من الله سبحانه وتعالى ثم من معاليكم التكرم بالموافقة على نيل شرف المواطنة بمنحى الجنسية الكويتية على بند الخدمات الجليلة حيث أننى مواطن من الجنسية المصرية ومقيم بدولة الكويت من السبعينات من القرن الماضى , ومتزوج من كريمة إحدى الأسر الكويتية السيدة/ رشا عبد الحميد عبد العزيز عبد اللطيف العثمان كويتية الجنسية (مادة أولى بالتأسيس) ولى منها أربعة أولاد فى مراحل التعليم المختلفة بدولة الكويت.

وقد قمت بالتعاون مع رجال أعمال كويتيين بممارسة عدة مشاريع اقتصادية قوية وهامة داخل الكويت وكان لها الدور الإيجابى بالرقى والتقدم فى حركة المجتمع الكويتى الناهضة والمتقدمة وأساهم بعدة شركات مساهمة داخل الكويت منها:

- المجموعة الدولية للمشاريع الصناعية ش.م.ك.م

- المجموعة الدولية للمشاريع القابضة ش.م.ك.م

- المجموعة الدولية للتخزين ش.م.ك.م

- المجموعة الدولية للخدمات البترولية ش.م.ك.م

- مجموعة الدائرة الأولى للتجارة العامة والمقاولات ذ.م.م

- شركة العثمان والصديق للتجارة العامة والمقاولات ذ.م.م سابقاً

وأنا أحمل شهادة جامعية فى الصحافة والإعلام ولدى أفكار عديدة للمساهمة فى تقوية النشاط الاقتصادى وتم نشر عدد منها خلال عدة مقالات فى الصحف الكويتية المختلفة. ولقد كنت من المدافعين عن قضية الكويت العادلة أثناء الأحتلال العراقى الغاشم على دولتنا العزيزة عام 1990. وقد كان لى شرف إدخال أحدث نظم البناء المعدنى فى العالم إلى دولة الكويت العزيزة من خلال نظام الكية سبان والسوبر سبان والرووف سيستم. لذا أرجو من معاليكم التكرم والنظر بعين العطف الأبوى بالموافقة على نيلى شرف الجنسية الكويتية سائلاً المولى عز وجل أن يوفقكم ويسدد خطاكم لما فيه الخير دائماً وأبداً فى ظل راعى نهضتنا وقائد مسيرتنا سيدى حضرة صاحب السمو أمير البلاد المفدى وسمو ولى عهده الأمين وسمو رئيس مجلس الوزراء حفظهم الله ورعاهم.

وتفضلوا معاليكم بقبول فائق الأحترام والتقدير.

مقدمه لسيادتكم,

أحمد محمد عبد السلام

المرفقات:

1- صورة من جنسية الزوجة

2- صورة من شهادات ميلاد الأطفال

3- صورة من عقد الزواج

4- صورة من المؤهل الدراسى

5- صورة من ميزانيات الشركات

6- صورة من اعتمادات التوقيع

7- صورة من كتالوجات نشاط الشركات

8- صورة من بعض المقالات المنشورة بالصحف

9- صورة من عقود تأسيس بعض الشركات

10- صورة البطاقة المدنية

المصدر: النهار المصرية 5 يوليو 2010

-----------------------------

بقي علينا الآن قبل التهليل على ما نسب للسيد النائب من مستندات أن نستغل هذا الحماس الطاغي في التأكد من حقيقة صحة هذه المستندات المنسوبة.

بلاش: علشان خاطر ربنا أمرنا بكده,

خليها: علشان على الأقل شكلنا ميبقاش كخة لو المستندات دي طلعت ملفقة.

خصوصا أني لا أثق في نزاهة المدعو/ أسامة شرشر, رئيس مجلس إدارة النهار المصرية.

ليس في ما قلت الآن دفعا عن هذا أو الذب عن ذاك, وإنما هو دفاعا عن احترامنا لعقولنا التي تركنا احترامنا لها منذ عقود لنلهث وراء ما مال هوانا لحب سماعه.

تحياتي.

[Rock]

اعتقد انة انسب رد علي سيادة النائب الكوميدي هذا الذي يفوق عادل امام في كوميديتة ,ان تسقط الحكومة المصرية حصانتة و جنسيتة و يبقي يمثل فيلم الحدود مع دريد لحام و رغدة و يبقي لا لحق مصر و لا بزراميط

ياريت نضيف الموقف دة الي ارشيف المواقف المشرفة لنواب المجلس

بصراحة شديدة انا باحس انة نواب الشعب المصري بيمثلوا دولة تانية خالص غير مصر

انا حاولت ابقي جاد بس مقدرتش.....سامحوني

[Rock]

ة

تم تعديل 8 يوليو 2010 بواسطة rock

[justme]

طيب في سؤال اهم

ليه الناس بقت عايزة اي جنسية غير المصرية حتى ولو كان نائب؟؟

[om marawan]

كان الكويتيون يتذمرون على مدى عقود من اعمال النصب التي يورطهم بها اخوتنا العرب، الذين كان اشهرهم اهل مصر

الغطاء السياسي» للنائب النزيه، الذي بدأ حياته في قسم الصيانة لأحد المصارف

النائب الميكانيكي

وهكذا وجد النصاب التراثي نفسه في حبائل النصاب المستجد على الساحة الكويتية،

لا عزاء لمتولي ومبروك للنصاب الكويتي هذا الانجاز الوطني

بعد اذنك دى بعض الاقتباسات اللى اخدتها من المقال وعاوزة بس اسأل سؤال

ده خبر فى جريدة ولا وصلة من المعايرة والرد والسب لأهل وجنسية بلدين صاحب " المقال " يحمل واحدة منهم

ايه ده ؟؟؟؟يعنى بجد شىء مؤسف انه فيه ناس مريضة فى دماغها بالشكل ده

اعتقد لو كان النائب تقدم بطلب الحصول على الجنسية الكندية اللى فيه مليون مصرى " بيتذللوا " عشان يحصلوا عليها كان رد الفعل هيبقا مختلف

النائب اخطا لو كان تقدم بالطلب جايز يكون فكر لان زوجته كويتية وعاوز يكون لاولاده الحق فى الجنسية

وجايز يكون قبل ترشيحه للمجلس والتاريخ مزور وجايز يكون شريكه زور الورقة كلها وكان حصوله على المستندات امر سهل بما انهم شركاء من زمان وواضح ان بينهم حاليا خلافات والايقاع بيه متعمد

اللى مش جايز ولا " جائز " ولا "لائق" هو نشر الخبر بهذا الاسلوب حتى وان كان به شىء من الصحة

[herohero]

سيدتي ام مروان الخبر هذا لفت نظر الكثيرين وما يلفت النظر انه يطلب الحصول ع الجنسية الكويتية يعني مع كامل احترامي مش هي الجنسية اللي عضو مجلس شعب

يعني المفروض راجل ممثل لناس او يعني خلينا نقول المفروض يكون راجل وطني ( من الاخر واكل خير البلد ومستمتع ميه فل و14 و 15) مش ده اللي محتاج جنسية ده كل اموره سااااااااااالكه ف مصر

ولو حب يطلب يطلب الكندية

اما عن كلمة يتذللوا ياريت حضرتك تراجعيها ما اظنش ان اللي مقدمين لطلب الحصول ع الجنسية الكندية بيتذللوا يعني ابقى حضرتك شوفي شروط الهجرة وهل بيضيفوا نقط ع الذل ولا لا يعني امتحان IELTS مش بيكون محتوي ع اختبار ذل

سيدتي ياريت نكون موضوعيين ومانكنش ملكيين اكتر من الملك احنا قولنا عضو مجلس شعب مش حاجه يعني منزة من الاخطاء وانت عارفه ان كلهم ناس كويسيييين قوووووووووووووي ومالوهمش ف لرشاووووووووووي خالص

يعني مش مشكلة لو طلب حتى الجنسية الاسرائيلية يعني اي شيئ تتوقعيه منك

معلومة ع جنب كده ياريت حضرتك تسالي نفسك هو ليه طنط خديجه مرات انكل جمال خلفت ف بريطانيا

ياريت لما تعرفي الرد تبقى تبلغينا

يعني انا شايف تصرف العضو شيئ عادي جدا صحيح هو تصرف مستفز كونه عضو مجلس شعب يعني مش محتاج اي جنسية اموره سالكة

بس هنقول ايه لما طنط خديجه الجمال مرات عمو جمال خلفت بنتها بره عشان تاخد اوتقدرتقدم طلب الحصول ع الجنسية

بلاش نبقى ملكيين (جمهوريين ) من عمو جمال وجدو حسني

[مهندس ابو يوسف]

ياجماعة

لما واحد عضو مجلس شعب - يعني من المفترض انه بيمثل الشعب -

بيقدم طلب بحصوله على جنسيه اخرى ايا كانت يبقى ايه ؟؟؟؟؟؟

حد يجاوبني ؟؟؟؟؟

الناس هتنظرلنا ازاي ؟؟؟؟؟

عرفتم مين السبب؟؟؟؟

سلوكيتنا وتصرفاتنا الهوجاء

واحد زي ده ناقصه ايه عشان يطالب ويبوس الايادي عشان ياخد جنسيه اخرى

طب لما هو كارها كده دخل مجلس الشعب ليه ؟؟؟؟

لومواطن عادي كان ممكن ؟؟؟ لكن هو بيمثل الشعب

للدرجه دي مصر هانت -لهم حق يعملوا فينا اكتر من كده -

الله يسامحه وحسبى الله ونعم الوكيل

تحياتي

[وطني حر]

ما الفرق بين

متذلل سابق حصل على جنسيه اخري واصبح عضو في مجلس الشعب

متذلل حاليا عضو محلس الشغب ويرغب الحصول علي جنسيه اخري

او هيتذلل بعد ان يترك مجلس الشعب .؟؟

ما افرق بين ازدواج الجنسيه من دوله عربيه

او ازدواج جنسيه اوربيه او امريكيه

هل اظن الجنسيه تلغي الوطنيه والقوميه

اقرب مثال

رفيق الحريري حصل على الجنسيه السعوديه بالتجنس بعد ان بلغ من الكبر عتيا وقام بواجبه الوطني في لبنان بكل وطنيه واخلاص .

فكان ومواطنا لبنانيا شريفا خدم بلده

ايضا سليم الحص كان حاصل على الجنسيه الكويتيه ( مش متاكد ) لكن انا متاكد ان نص عمره تقريبا كان في شركات كويتيه

[justtrying]

وايه المشكلة يعني

يعني حلال للناس الي عاوزه الجنسية الكندية والامريكية ومش حلال ليه ؟ !!!!

الناس عمالة تنتحر في مصر

وناس تانية بتقتل في بعض عشان رغيف العيش

وناس بتسرق وناس بتبلطج وناس بتموت بالظلم وناس بيضيع حقها عشان محدش ساندها

البلد اصلا خربت من زمان واي شاب مصري يتمنى انه يهاجر برة مصر

تم تعديل 10 يوليو 2010 بواسطة justtrying

[MaYousof]

..

طب لما هو كارها كده دخل مجلس الشعب ليه ؟؟؟؟

لومواطن عادي كان ممكن ؟؟؟ لكن هو بيمثل الشعب

للدرجه دي مصر هانت -لهم حق يعملوا فينا اكتر من كده -

الله يسامحه وحسبى الله ونعم الوكيل

تحياتي

الفاضل مهندس ابو يوسف,

منين حضرتك جبت إنه "كارهها"؟

حسبي الله ونعم الوكيل.

تحياتي.

---------------------------

الفاضل herohero,

أكيد طلب الجنسية الكندية كله تذلل في تذلل!! اللي بيطلب الجنسية الكندية بيتذل عشان نقطة ناقصاه وبيطلع عينه عشان يعرف يعوضها وساعات من الذل مش بيعرف!! وبيتذل على كلمة نسي يكتبها في طلب الجنسية وتلاقيهم بيرجعوله الملف كله عشان كلمة واحدة ناقصة!! وبيتذل مع إنه مانسيش ولا كلمة لما يلاقي إنهم مرجعينله طلبه عشان نسي يمضي عليه!! وبيتذل على إيد بواب السفارة لو اضطر لأي سبب إنه يروح هناك بنفسه!! وبيتذل عشان يجيب درجة امتحان الـ IELTS من أول مرة من غير ما يضطر مذلولا إنه يعيده على نص درجة ناقصاه في سكشن واحد بس من الأربع سكاشن بتوع الامتحان!! وبيتذل عشان يجمع الورق المطلوب منه بدون مايكون فيه غلطة في كلمة عشان مايغضبوش عليه وهم بيراجعوا ملفه!! وبيتذل لو جاله فرصة للسفر لكندا على تأشيرة طالب عشان بيوقفوا التعامل على الملف الهجرة بتاعه لحد ما يبقى باقيله أقل من سنة على إنتهاء دراسته!!

أظن واضح إن طلب الجنسية الكندية بييجي مصحوبا بالكثير من الذل, مش بييجي على طبق من فضة لمن يطلبها وهو معزز مكرم. الحمد لله إن الواحد ماحتاجش يتذل كل الذل ده عشان يلاقي بلاد يتعلم فيها ببلاش وتديله بعدها جواز سفر يعرف يقدم بيه على الهجرة وهو مذلول علشان يعرف ياخد جنسية تانية. الفكرة بس إن اللي عايز يشوف الصح بيشوفه, واللي عايز يشوف اللي بيعجبه بس مش بيشوف غيره, وساعات بيفتكر إنه بكده بقى موضوعي!!

معلومة على جنب لكل موهم بأنه موضوعي (ومن غير ما أكتبها بخط كبير واعمل إني فتك): منذ عام 1983 وبريطانيا لا تمنح الجنسية لأي طفل مولود على أرضها ولا تعطيه أي أفضلية جراء ولادته على أرضها ما لم يكن أحد والديه بريطانيا بالفعل. الكلام ده مش جديد!! ده كلام بقى له أكتر من 27 سنة معروف ومعمول بيه!!

تحياتي.

---------------------------

الفاضلة om marawan,

حضرتك عندك القدرة على إدراك إن كاتب المقال الأصلي والكاتب الذي اقتبس منه بالتبعية كلاهما ناس مريضة في دماغها بالشكل ده عشان حضرتك عندك القدرة على احترام عقلك ولم تلهثي وراء ما مال هواك لحب سماعه. ومع إني أشكرك بكل صدق على مداخلتك السابقة إلا إني عندما تركت المداخلة التي بها المقال كنت أتمنى إني أسمع الكلام اللي حضرتك قلتيه من ناس أكتر من كده. لكن الأماني بكل أسف لا تغير واقعا مريرا.

تعرفي حضرتك يا om marawan إيه اللي مش جائز ولا لائق أكتر من نشر خبر بهذا الإسلوب من إعلام اعتبره شخصيا قمة في الـ"وساخة"؟

إننا ننساق وراء مقالات بهذا الانحضاض في لغتها وفي غير لغتها.

مايهمنيش إن الإعلام يبقى منحض وبايع لنزاهته بالثلث, اللي يهمني (من الهَمّ) إن كثير مننا بيتسابق للتهليل لهذا الانحضاض. دليل على إيه ده؟

مش هاقول إلا الله يمسيك بالخير يا د. فندي.

دُمتِ بكل ود.

[Morial]

---------------------------

أكيد طلب الجنسية الكندية كله تذلل في تذلل!! اللي بيطلب الجنسية الكندية بيتذل عشان نقطة ناقصاه وبيطلع عينه عشان يعرف يعوضها وساعات من الذل مش بيعرف!! وبيتذل على كلمة نسي يكتبها في طلب الجنسية وتلاقيهم بيرجعوله الملف كله عشان كلمة واحدة ناقصة!! وبيتذل مع إنه مانسيش ولا كلمة لما يلاقي إنهم مرجعينله طلبه عشان نسي يمضي عليه!! وبيتذل على إيد بواب السفارة لو اضطر لأي سبب إنه يروح هناك بنفسه!! وبيتذل عشان يجيب درجة امتحان الـ IELTS من أول مرة من غير ما يضطر مذلولا إنه يعيده على نص درجة ناقصاه في سكشن واحد بس من الأربع سكاشن بتوع الامتحان!! وبيتذل عشان يجمع الورق المطلوب منه بدون مايكون فيه غلطة في كلمة عشان مايغضبوش عليه وهم بيراجعوا ملفه!! وبيتذل لو جاله فرصة للسفر لكندا على تأشيرة طالب عشان بيوقفوا التعامل على الملف الهجرة بتاعه لحد ما يبقى باقيله أقل من سنة على إنتهاء دراسته!!

لا حول ولا قوة الا بالله العلي العظيم

إيه كمية المغالطات والتناقضات دي كلها

يا سيدي الفاضل هو لما طالب يقعد يذاكر ويجتهد في المذاكرة علشان ينجح يبقي بيتذل لوزارة التربية والتعليم ؟

وللا لما خريج جديد يتحري الدقة في جمع وترتيب اوراقه لأرسالها لاحدي الجهات بهدف الحصول علي وظيفة يبقي بيتذللهم علشان يشغلوه ؟

إيه هو مفهومك عن الذل ؟

الذل ان تبقي حاجة من حقك وبذلت مجهود علشان تحصل عليها وفي الاخر ترجع بخفي حنين قوة واستقدارا من صاحب السلطة او من بيده الامر

والامثلة في مصر ماشاء الله لاحصر لها

علي سبيل المثال لا الحصر انك تكون شخص كفؤ لوظيفة ما وياخدها غيرك الاقل منك علشان عنده واسطة او دفع رشوة

إيه اللي مزعلك في أن السفارة الكندية ترجعلك ورقك لو ناقص؟

بالمنطق ده يبقي المفروض كل من هب ودب يروح يهاجر حتي من غير ورق وبدون تقنين

وللا أيه الفرق بين واحد أجتهد وتعب علشان نص درجة في أمتحان أيلتس والتاني مكبر دماغه وعايز يهاجر والسلام علي الرغم انه معندوش لغة كويسة يتواصل بيها مع مجتمعه الجديد

تعرف

قول أي حاجة علي كندا بس تيجي لحد موضوع التذلل ده وأسمحلي

كندا مفيهاش ذل غير للفاشل اللي عايز يقعد في بيتهم ومستني الحكومة تصرف عليه وتديله اعانة بطالة

وحتي اللي عايش علي البطالة يا أخي مبيتذلش علشان يلاقي ياكل علي الرغم من انه لا يستحق

الذل هنا

وهنا الذل

حيث طوابير العيش

والمحسوبية

وابجني تجدني

أظن واضح إن طلب الجنسية الكندية بييجي مصحوبا بالكثير من الذل, مش بييجي على طبق من فضة لمن يطلبها وهو معزز مكرم

يعني ايه معزز مكرم ؟ يعني مبذلش أي مجهود حتي يستحقها

عايزة اقولك بمبدأمعزز مكرم بتاعك ده 90% من الشعب المصري هيجري يقدم علي الجنسية لأنها مفتوحة علي البحري لكل من هب ودب.

الحمد لله إن الواحد ماحتاجش يتذل كل الذل ده عشان يلاقي بلاد يتعلم فيها ببلاش وتديله بعدها جواز سفر يعرف يقدم بيه على الهجرة وهو مذلول علشان يعرف ياخد جنسية تانية. الفكرة بس إن اللي عايز يشوف الصح بيشوفه, واللي عايز يشوف اللي بيعجبه بس مش بيشوف غيره, وساعات بيفتكر إنه بكده بقى موضوعي!!

كلامك صحيح والاولي بك أن تقوله لنفسك

معلومة على جنب لكل موهم بأنه موضوعي (ومن غير ما أكتبها بخط كبير واعمل إني فتك): منذ عام 1983 وبريطانيا لا تمنح الجنسية لأي طفل مولود على أرضها ولا تعطيه أي أفضلية جراء ولادته على أرضها ما لم يكن أحد والديه بريطانيا بالفعل. الكلام ده مش جديد!! ده كلام بقى له أكتر من 27 سنة معروف ومعمول بيه!!

ومعلومة علي جنب جنب معلومتك

جمال مبارك مصري أنجليزي

يبقي اكيد بنته لما تتولد في لندن لازم تحصل علي الجنسية البريطانية

وهو ده كان الهدف من انها تتولد هناك

تحياتي.

--------------------------

تم تعديل 10 يوليو 2010 بواسطة Morial

[herohero]

انا اسف لاني مازلت مصر ع التناقش المصري وما يحتمله لاهانات لاي شخص تخول له نفسه ان يتحدث لا اعلم هلهذا المنتدى حكر عافكارمعينه لماذا مطلوب مننا احادية الفكر ف اي شيئ

لماذا ليس متاح لنا حتى ف منتدياتنا ان نختلف وان نختلف بادب هل هذا هو الاسلوب المتبع ان نتوجه بالاهانات

عموما ياسيدي يامن تتهكم ولا اعلم ما سبب تهكمك ياسيدي اللي اداك يدينا نتكلم بالاسلوب المتبع هنا وياسيدي اذاكان التقدم بالجنسية الكندية تذلل فمرحبا بكل المتذللين وشوف كده باب الهجرة فيه متذللين اد ايه

وياسيدي انا معلوماتي ع ادي بس اللي اعرفه لو الحكاية مش فارقه كانت زوجه جمال مبارك خلفت ف مصر يعني ولا ايه رايك يعني لو الامور ورديه قوي واللي اعرفه ان جمال مبارك كان عايش طول عمره ف بريطانيا وكان شغال هناك ف بنك ده معلوماتي المتواضعه ولا اجد عيبا ابدا ف ان اي شخص ياخذ جنسية اواتنين

تعليقي ان ممثلين الشعب هم ممثلين للدولة ويعني شكلها مش ظريف بس لا اكثر ولا اقل واللي عاوز ياخد جنسية تانيه وهو حر

اما عن الذل برده اللي انت مصرة عليه ماشي ياسيدي اللي مقدمين لكندا هم اذلال لكنهم ع الاقل بيحلموا لابنائهم بمستقبل بعيد عن قانون الطوارئ وبعيد عن قله ادب ضباط الشرطة وبعيد عن الاكل المسرطن بيحلموا بحرية وبتعليم راقي

معلش اصلهم ناس متذلله ربنا يقويك ويقوي الناس الشامخه التي رفضت الذل معلش سيبهم يتذللوا

وياريت حضرتك تبقى تشوف اسلوب الحوار الراقي ازاي يعني ياريت عشان الناس المتذلله تتعلم

ولا هو بقى سمة اي حوار مصري لازم يكون كده خلينا نرتقي شوية

[الغريب]

أخواني الكرام

"للأسف" لعلي أنا أول من أثرت هذا الخبر هنا بالمحاورات وكنت قد كتبته في مشاركة في موضوع "الحزبوطني" وموضوع "حلايب وشلاتين" وما حفزني لهذا أني وجدت الموضوع مثار في أحدى المنتديات للمصرين بالكويت والذي يحظى بدعم السفارة المصرية بالكويت ، وهذا ما وثق لدي الخبر ولما ذهبت لموقع جريدة "النهار" المصرية وجدتها تنوه في عنوان الخبر أن لديها المستندات ولكني لم أستطع الوصول لتفاصيل الخبر ، ولذلك لم أقرر أن أفتح موضوع خاص هنا بمحاورات المصريين لمثل هذا الخبر ..

في اليوم التالي وجدت مقال للمدعو "نبيل فضل" في جريدة الوطن -وهو ممن لا أحترم فكرهم- يحكي فيه بشكل مستفز لهذه الواقعة بل ويقول أنه هو من زود جريدة النهار المصرية بالمستندات ، وبالمناسبة "نبيل الفضل" كما يشتهر عنه هنا في الكويت أنه عراقي كردي أبوه كان أحد الحلاقين في القصر الأميري وأستطاع أخذا الجنسية الكويتية..

الخلاصة أني أعتذر للأخوة أني أشعت خبر هنا في المحاورات دون أن أتقصى له بشكل جيد ولهذا قد أبلغت الإدارة بحذف مشاركاتي بهذا الخصوص في الموضوعين المذكورين

تحياتي wst::

[أبو محمد]

أخواني الكرام

"للأسف" لعلي أنا أول من أثرت هذا الخبر هنا بالمحاورات وكنت قد كتبته في مشاركة في موضوع "الحزبوطني" وموضوع "حلايب وشلاتين" وما حفزني لهذا أني وجدت الموضوع مثار في أحدى المنتديات للمصرين بالكويت والذي يحظى بدعم السفارة المصرية بالكويت ، وهذا ما وثق لدي الخبر ولما ذهبت لموقع جريدة "النهار" المصرية وجدتها تنوه في عنوان الخبر أن لديها المستندات ولكني لم أستطع الوصول لتفاصيل الخبر ، ولذلك لم أقرر أن أفتح موضوع خاص هنا بمحاورات المصريين لمثل هذا الخبر ..

في اليوم التالي وجدت مقال للمدعو "نبيل فضل" في جريدة الوطن -وهو ممن لا أحترم فكرهم- يحكي فيه بشكل مستفز لهذه الواقعة بل ويقول أنه هو من زود جريدة النهار المصرية بالمستندات ، وبالمناسبة "نبيل الفضل" كما يشتهر عنه هنا في الكويت أنه عراقي كردي أبوه كان أحد الحلاقين في القصر الأميري وأستطاع أخذا الجنسية الكويتية..

الخلاصة أني أعتذر للأخوة أني أشعت خبر هنا في المحاورات دون أن أتقصى له بشكل جيد ولهذا قد أبلغت الإدارة بحذف مشاركاتي بهذا الخصوص في الموضوعين المذكورين

تحياتي wst::

شكرا لك سيدى الفاضل "الغريب" على شجاعتك الأدبية ولحرصك على توخى المصداقية

لاتعليق على من يتكلم عن كل شئ مصرى وكأنه "من طينة غير طينتنا" وليس مصريا ، ولا تعليق على كل من ينظر إلى كل شئ مصرى نظرة دونية "لانريد التورط فى البحث عن دوافعها بين السطور" ..

ولا تعليق على كل من يبحث وينقب فى مجاهيل الصحافة - التى لم ترق بعد إلى مستوى طباعة نسخة ورقية منها رغم طموحها إلى ذلك – ليخرج كل ما يشين فرد مصرى مهما كانت صفته ، ويضعه هنا متأسفا ومتباكيا على "كل" مصر و "كل" المصريين .. نقول : ليس عليه سوى أن يعلم أن إصراره على مخالفة هذا الإعلان المثبت قد جعله مؤهلا لوضع عضويته فى محاورات "المصريين" موضع الدراسة من فريق الإشراف ، طبقا لهذه الفقرة من الإعلان

فأى تعميم مقصود به إساءة لمصر .. أو للمصريين تصريحا أو تلميحا فى سياق نقد المظاهر أو الظواهر السلبية - التى نشجع على محاربتها - سيكون مصيره الحذف ، والنظر فى شطب عضوية من تجمع آراء أعضاء فريق الإشراف على تعمده ذلك التعميم أو تلك الإساءة

ولقد أغلق الموضوع إلى إشعار آخر

فريق الإشراف والتنسيق