مصر مصنفة لتصبح معجزة اقتصادية

[Mohammad Abouzied]

مجلة دولية تؤكد أن مصر مصنفة لتصبح معجزة اقتصادية (2004-03-09 02:00)

القاهرة: تلقى الدكتور عاطف عبيد رئيس مجلس الوزراء تقريرا نشرته مجلة فوربس الدولية الاقتصادية بقلم رئيس تحريرها ستيف فوربس؛ أكد فيه أن مصر مصنفة لتصبح معجزة اقتصادية تنافس أيرلندا وهونج كونج

وجاء فى تقرير المجلة أن مصر ستبادر فى الأشهر المقبلة بإصلاحات اقتصادية ستؤدى إلى تغيير مهم فى أدائها الاقتصادى بما يسهم فى تحقيق مزيد من الرخاء وتوزيع الدخل واستفادة الملايين من المصريين وتقوية الطبقى الوسطى من المجتمع

وأجرى التقرير مقارنة بين التغيرات الاجتماعية التى حدثت فى اليابان ومصر، وقال إن مصر بعد سنوات من التمهيد والإعداد تسير فى نفس الاتجاه الذى سيؤدى إلى مردود إيجابى على جميع دول الشرق الأوسط، كما يؤدى إلى زيارة الملكية الخاصة لملايين المصريين؛ خاصة فى المناطق النائية، كما ستصبح جميع المنشأت قادرة على التحول إلى الاقتصاد الرسمى؛ بالإضافة الى سهولة ويسر الحصول على رخصة المنشأة

واشار التقرير إلى أن إحدى الدراسات تقول إن الاقتصاد غير الرسمى فى مصر يقدر بنحو 248 مليار دولار من الاصول غير المستخدمة والتى لا يمكن استخدامها فى الائتمان أو الاستثمار ولتحويلها لا بد من صدور تشريعات لحماية حقوق الملكية وتشجيع المشروعات الخاصة

[فــيــروز]

الكلام ده بجد؟ :D

مصر تسير بخطى حثيثه :angry: نحو الاصلاح الاقتصادى !!

طيب وشعوا الشكه للشرييييع bxg::

[ragab2]

هى

مجلة فوريس تبع الجمهورية

يعنى تبع الكاتب الصحفى الكبير المرموق الأستاذ سمير رجب

أخشى

أن تعتذر المجلة عن التسرع فى نشر هذا الخبر

وخاصة فى هذه الظروف التى نعلمها جميعا

[Mohammad Abouzied]

المجلة قالت ستبادر وليس بادرت

يعني ابقى قابلني لو بادرت

حرف السين دا موجود منذ قيام الثورة 52 واحنا بنسمعه لدرجة اني اصيبت بسأسأه في لساني

[kfaya]

ايرلندا و هونج كونج تقيمان دعوى مستعجلة أمام محكمة باب الخلق الجزئية ضد المدعو محمد أبو زيد .........

[arabawy]

هى

مجلة فوريس تبع الجمهورية

يعنى تبع الكاتب الصحفى الكبير المرموق الأستاذ سمير رجب

أخشى

أن تعتذر المجلة عن التسرع فى نشر هذا الخبر

وخاصة فى هذه الظروف التى نعلمها جميعا

يادكتور رجب ..

ممكن يكون دة اعلان مدفوع الغراب نشرة للتدليس

والعينة بينة والمجاعة عالابواب . غلاء بطالة افلاس اغلاق تسريح غش تزوير سرقة .

لكن قولي اية اخبار كشري الحبايب فلس وللا لسة

[hamo90]

ولما لا فمصر لديها جميع المقومات الاقتصادية لتصبح دولة عظمي

وذلك في زمن قياسي

في رأيي الشخصي لن يتعدي 3 مليون سنة علي أقصي تقدير

وذلك في ظل القيادة المصرية الرشيدة

بقيادة القائد

هيثم وائل مبارك

ومعالي رئيس الوزراء السيد

توتو ميدو عبيد

معا لنبني مصر الجديدة

والي الامام

ومتقولش ايه ادتنا مصر ....... قول أحنا هنأخد ايه من مصر

hamo

prt:

[Mohammad Abouzied]

يظهر الله اعلم اني غلطت وكتبت الموضوع غلط في باب الاقتصاد

انا اسف يا جماعة ممكن انقلة لباب الابتسام

[se_ Elsyed]

يظهر الله اعلم اني غلطت وكتبت الموضوع غلط في باب الاقتصاد

انا اسف يا جماعة ممكن انقلة لباب الابتسام

ليه يا عم محمد بالعكس ده شر البلية ما يُضحك .. وإحنا مش مستنيين مجلة فوربر ولا هربز لما تقول كده .. لأن الكلام ده بيتقال كل يوم على لسان رئيسنا ورئيس وزارتنا .. ولكننا لا نرى إلا السراب ولا نلمس إلا الخراب ... والعيب مش في إقتصادنا ولا في مواردنا ولكن العيب في العقول العجالي اللي عندنا واللي بتحول الذهب إلى تراب ....

[kfaya]

ترنك : ألو .... سامعنى ..هنا مكتب الدكتور ع.ع.

محمد أبو زيد :أيوة سامعك ...

الكتورع.ع. : صباح الخير..... ازى الصحة ... يا محمد

محمد أبوزيد : واللة الحمد للة فى رضا و نعيم ...

ألدكتور ع.ع. :ألا قولى يا محمد أنت صحيح قرأت الخبر دة بنفسك فى مجلة فوربس دى يا محمد ؟؟؟

محمد أبوزيد : أيوة يا فندم قرأتة بنفسى ....

دكتور ع.ع. : برافو يا محمد ..... هيا فوربس دى تبع ابراهيم نافع بتاعنا ...يعنى زى نصف الدنيا و أصدارات الاهرام ....والحاجات دى يا محمد ؟؟؟؟

محمد أبوزيد : لأ يا فندم دى حاجة تانية خالص ....

دكتور ع.ع. :الناس من الصبح عمالة تهنينى و الوزارة كلها عندى و نازلين تورتة وجاتوة و يقولوا لى اسمك فى الفوربس ..اسمك فى الفوربس .....مش الفوربس دة اللى كان من اسبوعين فى الاردن....هوة دة يا محمد ؟؟؟؟

محمد أبو زيد : لأ يا فندم التانى أسمة فوروم ... ودة منتدى اقتصادى بينعقد كل سنة فى دافوس فى سويسرا .... وبقالهم سنتين بيعملوة فى الاردن عشان الشرق الاوسط الكبير و تظبيط المنطقة يعنى .....

دكتور ع.ع. : أكيد الناس دى بتفهم يا محمد .....انا من زمان عمال أقول احنا على الطريق ... احنا على الطريق محدش مصدقنى .... أهى جت من فوربس أهى .... يالا بقى كدبوها لو تعرفوا ...نفسى أسمع حد يقول غراب البين دى تانى ...... هما قالوا ايرلندا و هونج كونج ولا المانيا و اليابان ..يا محمد ؟؟؟

محمد ابوزيد : ايرلندا و هونج كونج يا فندم ....ماهى الفلوس اللى كانوا معايا يا دوبك على قد دولم .....

دكتور ع.ع. : كويس ...كويس عشان تبقى ملمومة شوية يعنى ومبلوعة ...ألا هما قالوا لازم نعمل اية عشان نصلح ؟؟ ........ قالوا لك يا محمد ؟؟؟؟؟

محمد أبو زيد: لأ يا فندم ..... هما قالوا لازم مجموعة اجراءات ... حزمة يعنى ...

دكتور ع.ع. :حزمة ....حزمة .....حزمة ......انا فاكر أنى سمعت المصطلح دة قبل كدة ....فين ؟؟ فين ؟؟؟؟ ايوة أفتكرت ... يوم شم النسيم فى القناطر..... يا محمد .................

[Mohammad Abouzied]

والله ما جعله خير

اليوم حلمت حلم غريب قوي

ال انا خايف اخرج انا وسيدة نروح السوبر ماركت علشان نشتري التموين بتاعنا طوال الاسبوع من الانفجارات في الشوراع وضرب النار في كل مكان

واتصلت بالاستاذ عادل في مصر وقلت له انا نازل مصر يا ترى الاحوال ايه

قالي اتكل على الله بس اتعلم ياباني علشان احنا خلاص بقينا يابانين وبنتكلم ياباني وكل حاجة في مصر بقت زي النظام الياباني والاقتصاد انشاء الله ها يتحسن

سئلته : هل الحكومة زي ما هي ولا اتغيرت

رد علي : لسه زي ما هي

صحيت على طول لاقيت نفسي مكتوم ومش قادر اتكلم

[e.m.a]

محمد أبو زيد : لأ يا فندم التانى أسمة فوروم ... ودة منتدى اقتصادى بينعقد كل سنة فى دافوس فى سويسرا .... وبقالهم سنتين بيعملوة فى الاردن عشان الشرق الاوسط الكبير و تظبيط المنطقة يعنى .....

______________________________

لا هما بيعملوه فى الاردن عشان فى الاردن الشعب يتمتع بديموقراطيه مش موجوده فى سويسرا وممكن يتظاهر ويعمل كل اللى هو عايزه من غير ما حد يحطهم فى المعتقلات ولا حاجه

[Khaled Ahmed]

ممكن أن تضع لنا وصلت الخبر على الإنترنيت

يظهر إن حكاية نمر إقتصادى إكتشفوا أنها نمر من ورق

و حكاية عنق الزجاجة هذه الناس زهقت منها

فتوصلوا لحكاية المعجزة

ولكني أعتقد أن زمن المعجزات إنتهى من زمان

[Cleo]

هى مصر لسة "ها" تبقى معجزة اقتصادية..!!!!

لما بقالنا 7000 سنة و الــ wlch:: بينهبوا فيها، و مع ذلك لسة لاقيين لقمة عيش حاف ناكلها...

بذمتكم فيه معجزة أكبر من كدة..!!!! :)

تم تعديل 31 مايو 2004 بواسطة Cleo

[ragab2]

احنا

فعلا وصلنا نمر فى الفساد الاقتصادى