الساحر و المسحور..

[بنت شعنونة]

كل منا له ضشبح في هذه الحياة

وكل منا يأتي عليه اليوم الذي يتجسد فيه هذا الشبح امامه

واضحا جليا

اعلم يقينا انه شبحي

بل ربما انا من صنعته

لا

لا

لم اصنعه

بل زرعوه في داخلي

لكني ما زلت لا اعلم كيف اتخلص منه...!

ايام كتير بتدور

و انا الساحر و المسحور

ايام فرح.. ايام حزن و يوم مهدور

وانا الساحرو انا المسحور

ينكتب كتاب ويعلى الجواب.. وتيجي الموجة تهد السور

وانا الساحر و انا المسحور!!

يقرب اليوم الموعود.. واتكحل بالكحل والعود..وتيجي الريح تبخر العطور

وانا الساحر وانا المسحور

قالولي مالكي يا بنتي؟ عليكي عين؟

والا حسد لعين؟

والا يمكن مرض عاوزله معين؟

قلت .. ماليش غير ربي معين..

وانا الساحر وانا المسحور..

عقدة ورا عقدة

حطتني فيها الدنيا من غير رحمة والا هدنة

وانا لا مارد ولا ابو الهول!! انا مجرد مصنوع عجائن لدنة

والعقدة اتبلورت وبقت اخطبوط

يبلع كل لحظة حلوة او همسة ممكن تفوت

قلت اكيد انا مريضة وجوا النفس مش مظبوط

لفيت ع العيادات.. وخدت كل العلاجات.. لكن الحال لسا مش مظبوط

وانا الساحر وانا المسحور..

اكونشي فعلا مسحورة؟

ومن قاريبي محسودة؟

والعمل مربوط على رجل نملة في حفرة مهجورة!!

اتجنتت؟؟

يجوز

بس كله في الاذكار مكتوب؟

امال افسر بايه كل العكوسات

مش ممكن كل الناس تاهت زي في الطرقات

ولا كل من مر ع الطريق دا كان يصرخ ب اهات

لفيت على المشايخ في كل الطرقات

وقريت من القران كل الأيات

لكن لا سكينة ولا راحة من الراحات

تعبانة يا ناس وجرحي مني

واللوم من كل الخلايق محاصرني

وانا لا بيدي ولا بدمي

انا اغلب من الغلب والرب فاهمني

والايام بتفوت والعمر سابقني

وانا الساحر وانا المسحور....

:(

دعواتكم...

[Scorpion]

الله يخرب بيت اللي يزعلك يا شانا... عمل ايه يا دكتورة.... و اشباح ايه .. انتوا بالليل بتتسامروا في ايه بالظبط...خديها ببساطة و حتعدي.... و الا يمكن اللي ايده في الميه مش زي اللي ايده في النار.. و ما فيش اسهل من النصايح...

بس لو سيبتي نفسك كده .. حتخشي في سكة كئيبة يا شانا.. و انت جواكي نبع فرح و مرح و تفاؤل.... طلعيهم ...

اتشعنني....

سؤال بسيط .. موضوع الشبكة مهم اوي عندك..اصل حشيش حط راسه في دماغه و بيدور علي عروسة...بس مزنوق في الشبكة...

prt:

اضحكي بقي خليكي جدعة....

[بنت شعنونة]

هوا انا لسا ها ادخل فيها يا سكوب!!

انا دخلت خلالاص من يجي شهر

ومش عارفا اطلع من حالة الأكتئاب دي خالص

لدرجة انهم في الشغل كلهم حسوا بكدا وزقوني عشان اخد اجازة من كتر ما انا بقيت عصبية ونكدية وعاملة مشااااااكل مع كل الناس وفي كل حتة

بجد مش عارفا اعمل ايه

زمان قبل ما اشتغل كنت بقول اني ماحدش بيتقدملي وعاملة فيها مظلومة

دلوقتي

الناس ابتدت تعرفني وناس كتير بقت تروح تخطبني من المديرة او من اي دكتورة تعرفني

وناس زييييي الفل يا سكووووب

والله العظيم زي الفل فعلالالالالالا

واتمنى ربع اي واحد فيهم

لكن اول ما الموضوع يخش في الجد

يركبني مليون عفريت وعفريت وما استريحش الا لما افركش الموضوع تمااااما وبلالالالالا عودة

ساعتها بسسسسسسس احس اني استريحت

وقبل كدا اكتئاب وعياط ليل ونهار وبهدلة وقلة نوم وحالة عجججججب عمري ما اكون فيها الا في الوضع دا بس!!

لدرجة ان بابا ابتدى يعتقد فعلا انه ممكن يكون معمولي عمل!!

وبجد انا نفسي احترت مالي؟

ماهو لو عقدة اكيد كنت ها اعرف انتصر عليها

انما المنظر دا

والأنهيار دا

وبدون اي سبب؟؟

مش عارفة فيه ايه والله :(

[Sherief AbdelWahab]

عن نفسي بتجيلي الحالة دي كتير..و بافكر جديا إني أخلص على بعض الناس اللي تسببوا لي فيها بكام طلقة حلوين من مدفع رشاش..

لكني تراجعت ، و ألقيت بالمدفع جانبا..لسبب واحد: طبعا مش لإن الاكتئاب وحش!

لأن سعر الرصاص ارتفع هذه الأيام!

خلص الكلام

[بنت شعنونة]

شريف :blink:

حتى لو كان الرصاص غالي

هوا مش من حق الأنسان انه يعذب " ولو مرة واحدة" حد كان سبب في تعذيبه!

انا اكتشفت ان اكبر عذاب ممكن تصيب به انسان

انك تعمله عقدة معينة في حياته وتسيبه يتعذب بيها بقيييييييييت عمره :(