مقال الكاتب الكبير تامر حسنى فى جريدة الأهرام

[aimen]

حكاية كام واحد فينا

كتب:تامر حسني

كتبت تنبيها في ألبومي الغنائي الأخير بخصوص اغنية‏'‏ كام واحد فينا‏'‏ يقول‏'‏ الرجاء من كل من تنطبق عليه حالة الأغنية أن يتجنب سماعها مع شريكة حياته‏.

لأنني لاحظت أن كلمات الأغنية شديدة الواقعية. فهي تتحدث عن شيء واحساس خطير بداخل الأشخاص خصوصا المتزوجين‏,‏ وهذا الاحساس لم يتحدث فيه صاحبه‏.‏ الأغنية كلامي ولحني‏..‏ والحقيقة كان إدراكي لحجم صراحة الأغنية كبير جدا ومقلق للغاية من عواقب سماع الأغنية‏.‏

حيث لاحظت أن هذه الظاهرة الاجتماعية منتشرة حينما جلست مع شخص وتحدث عن زوجته وقال‏'‏ مش هي اللي كانت في خيالي‏'‏ والعكس أيضا‏,‏ وجمعيهم يؤكدون ان سبب استمرار العلاقة دون حب هو الابناء‏'‏ الخلفة‏'..‏ ووجدت نفسي أمام شريحة كبيرة من المجتمع تزوجت دون حبا فهناك من تزوج فتاة دون ان يحبها ولكنها من وجهة نظره تصلح أما وتنتمي لأسرة مشرفة‏.‏

وهناك أيضا من تزوجت شابا لا تحبه ولكنه مرتاح ماديا‏,‏ وهناك من تزوجا بشكل متسرع لمجرد احساسهم بأنهم سيكونون في منتهي السعادة وخصوصا في العلاقة الحميمة‏,‏ ويتفاجأ كلا منهما بعد فترة قصيرة أن الزواج لا يتعلق بهذه المسألة فقط ولكنه مسئولية كبيرة لكلا الطرفين واحترام متبادل بينهما‏..‏ وهات وخد‏.‏

فقررت ان أكتب أغنية‏'‏ كام واحد فينا‏'‏ وتحديدا بعدما اكتشفت في معظم الحالات ان الزوج كان يتمني انسانة أخري والزوجة تتمني رجلا آخر بسبب الحب بالعقل وحسبة الأمور فتزوج كل منهما وبداخله مشاعر حب لشخص أخر بالقلب ولكن بسبب الأبناء فكل منهما يكتم سره بداخله‏.‏

وكلمات الاغنية تقول‏:‏

‏'‏ كام واحد فيناعاش مع واحد مكنش بيمتناه

واضطر يقبل حب مكنش في يوم ليه ولا كان علي هواه جوايا احساس بيموتني

ومشاعري اعمل ايه فيها احساس بيخنقني واعمل ايه دي حاجة مقدرش اتكلم فيها

وخصوصا بعد لما بقا بينا حاجات لازم نكمل ونعيش ليها

بيبقي في حضني وبين ايديه وعقلي وقلبي مش وياه

مع حد تاني كان نفسي هو مكانه وانا ابقا معاه

ودي اخرت اللي يحب بعقله ويلغي مشاعره ويحبسها

ومشاعري اعمل ايه فيها احساس بيخنقني واعمل ايه دي حاجة مقدرش اتكلم فيها

وخصوصا بعد لما بقا بينا حاجات لازم نكمل ونعيش ليها

في مرة حبيبي غلط في اسمي سالته ورد وقال مقصدش

مش يمكن برضه حاسس هو نفس الاحساس وانا معرفش

يلا اديني خرجت حاجات جوايا حاسسها ومبتشفش‏'‏

وأذكر انني في أحد الجلسات مع الأصدقاء‏,‏ كنت أقول أني كتبت أغنية كلامها الذي سبق ذكره وكان بجواري صديق لي وزوجته وعندما بدأت أغني الأغنية وجدت الفتاة‏'‏ تبكي مر البكاء‏,‏ وشاهدها زوجها وقال لها في منتهي الغضب‏'‏ المفروض بقي انا الشخص اللي بتبقي في حضنه وتفكري في حد غيره وتتمني تكوني معاه؟‏'‏ وقامت مشاجرة كبيرة بينهما فشعرت بأني لابد أن أضع هذا التنبيه‏.‏

وعلي الجانب الآخر قمت بغناء أغنية‏'‏ اخترت صح‏'‏ وكان مضمونها انني أحببت بقلبي انسانة‏'‏ اخترتها صح‏'‏ واكتشفت انها جرحتني أكبر جرح في حياتي يعني أيضا منجرحتش إلا لما اخترت صح‏.‏

وذلك يعني ان الذي يحب بعقله يعيش في جرح‏,‏ والذي يحب بقلبه يعيش أيضا في جرح آخر‏,‏ فغنيت الموضوعين لأنهما موجودان بشكل ملحوظ أتمني أن يقل عددهم ويزيد عدد المتزوجين السعداء الذين عبرت عنهم بأكثر من أغنية مثل‏'‏ لو هكون غير ليك‏,‏ اطمن‏,‏ قفلت قلبي‏,‏ يا أنا يا مفيش‏,‏ لأول مرة‏,‏ تعرفي‏'.‏

ولكني في النهاية فنان وأحاول أن أعبر عن قضايا المجتمع الخاصة بالمشاعر والاحاسيس في الأفراح والأوجاع آملا أن أكون منفذا لهم يتنفسون عن طريقه حتي لا يحدث اختناق وانفجار في المشاعر مثلما كتبت ولحنت وغنيت أغنية‏'‏ أنا مش عارف اتغير‏'.‏

المصدر - جريدة الأهرام

صحيح اللى يشوف بلوة غيره تهون عليه بلوته

فعلا تموووووووووووووووووووره هو التطور الطبيعى للحاجه الساقعه ...

[ذهبية]

اسلوب جديد فى الترويج للاغنية

[engmido]

ابيه تامر .............. ومن هم على شاكلته

فعلا .....لا حول ولا قوة الا بالله

[herohero]

ايه الحقد الطبقي ده

كتر خيره الاخ تامرشعر الصدر حسني مطربالجيل وملهمه

الراجل كاتب اغنيه مرهفةجدااااااااااا الواحد الدمعه كانت هتفر من عينه وبعدين الراجل كمان عاماغنية تحية لشباب تجارة واداب عين شمس

يعمل ايه بس للبلد هرب من التجنيد وضرب شهاده تخرج حرام عليكم كفايه حقد

الراجل بصراحه زي الصدر الحنين لبنات الجيل يموت نفسه كفايه حقد

طبعا انتوا حاقدين لانه مش خريج طب ولا هندسة ولا صيدلة ولا تجارة والراجل ماتعبش نفسه ف كورسات ولا تعب نفسه ف غربة ولا ياترى تغيير مهنةولا استقدام ولا اي حاجه

والحمد لله بمجهووووووووووووده وكفااااااااااااحه وصل للي معظم اللي ف المنتدى هيتعبوا عشان يوصلوا الراجل حتى جاب الهمر H3 بعرقه وتعبه

كفاية حقد

[mekkawy]

وذلك يعني ان الذي يحب بعقله يعيش في جرح‏,‏ والذي يحب بقلبه يعيش أيضا في جرح آخر‏,

صحيح و الله

العقل زينة في الفاترينة

مكاوى

[ابو محمد بن مصطفي]

تامورة ده حالة فريدة :-

1 - في مجال الغناء :

كاتب اغاني تقولش حسين السيد وملحن اغاني تقولش الموجي مغني فشر عب الحليم موزع اقعد علي جنب يا عم علي اسماعيل

2 - في مجال التمثيل :-

كاتب ولا نجيب في الثلاثية هو ناوي يعمل الرباعية ممثل يوسف وهبي مين يابني كاتب سيناريو وحمار الابياري ميجيش شكه فيه

هو ناوي يدخل مجال المنتير والدوبلير ومدير تصوير.

رمضان داخل علي الابواب متستعجبوش لو شفتوه مسحراتي

وياجماعة الخير اللي عنده مهنة شاغرة ممكن يبعتله هو كفاءة وهيسد

[Mr MAGED]

فعلا ً .... هو ده الزمن المناسب اللي ناخد فيه الحكمة والنصايح

من أفواه المطربين

لا حول ولا قوة الا بالله

[مغتربة]

بصراحه اسلوبه الصحفى محتاج يدرس فى اقسام الصحافه

[لماضة مصرية جدا]

السلام عليكم و رحمة الله و بركاته

قاعدة افر المداخلات نفر نفر....و الحقيقة فكرتوني بحاجة قريتها انبارح لدكتور احمد خالد توفيق

ملخصها...واحد صاحبه في يوم راح كتب ع الفيس بوك "هذا الكاتب يقصد دكتور أحمد يعد فلذة هذا العصر و يجب ان ينال جائزة نوبل"

راحت الناس اللي تعرفوا و اللي متعرفوش راحت داخلة و شاتمة فيه....مين ده اللي فلتة العصر...و يجي ايه ده جنب مين و مين

و ده عمل ليه شهرة مضاعفة....سواء من محبيه اللي هيخشوا يدافعوا و يستبسلوا او من معارضيه مثلا اللي هيخشوا يحدفوا طوب

و دكتور احمد قاعد مروق دماغه و مكنشي عارف ايه اللي بيحصل

الكتاب اسمه "زغازيغ"......كتاب خفيف بس ينكش في الدماغ

و ده اللي احنا عاملينه في التوبيك

يعني تمورة مش عاجب حد.....و عاجب حدياات كتير....

زي برضه ابو الليف و شعبان عبد الرحيم.....و سعد الصغير في اغنيته الفزيعة "حمرة يا اوطة"....و الله سمعتها من يومين و كان معايا ناس اجانب كنت ف وسط هدومي مع اني متأكدة انهم مش فاهمين الرسالة السامية اللي بيقدمها مطرب العواطف دوت م فوق القفص)

أنا رايي المتواضع....سيبوه....يغني....يمثل.....يالف.....ينتج....يتكلم عن السياسة....يتكلم عن مستقبل مصر.......يفتح زراير القميص.......يجيب شعره قدام...يزحلقه بالجيل لورا

سيبوه......

بس خلاص

ع جنب بقي

أنا بحب اسمعله......فيها حاجة دي....بس اتفرج عليه في حفلة و لا في فيلم نو نو نو

و دي وجهة نظر

[Diab]

يجي ايه سلامة احمد سلامة جنب قلم تامر حسني مسطرة الفرن ( إسطورة القرن )

مسخرة دي وربنا

إلا موقع الأهرام في بانر العب حرب القبائل مجانا ودي يمكن من اعلانات ياهو او جوجل

الناس دي معندهاش دم

تم تعديل 11 يوليو 2010 بواسطة Diab

[أحمد سيف]

إنه زمن الرويبضه :rolleyes:

[Damo]

على فكرة بقى كلكو طلعتوا قلة مندسة :rolleyes:

[اغابي]

تـــــفاهات. . لا تنتهي . . شانه شان باقى المطربين فى التسابق لمن هو اتفه . .

مـــحاولات . . لا تنتهى . . فى جمع الثروات والوصول الى الشهرة . .

استفزازات . . لا تنتهى . . فى تصنع الكلمة ومظاهر الرقى . .

اغابي

:lol:

[شريف مان]

طمورة والسبكى

وجهان لعملة واحدة

ربنا يريحنا منهم

[لماضة مصرية جدا]

السلام عليكم و رحمة الله و بركاته

خبر لطيف خفيف.....نضيف

"تسلم تامر حسني مؤخرا خطاباً رسمياً من جامعة الدول العربية يفيد بتوليه منصب سفير الطفولة العربية، حيث اعتبرت جامعة الدول تامر حسني من الفنانين المهتمين بالقضايا الاجتماعية في العالم العربي"

طب هنتوقع انه هينزل باغاني اطفال و لا ايه....ايييييييه فين أيام محمد بيه ثروت و جدو علي!!!

برضه مش فاهمة حاجة... :lol: :lol:

[matzakos]

لا حول ولا قوة إلا بالله

أنا عاوز أعرف مين اللي سمحله يكتب في الأهرام .....اللي هيا أكبر جريدة قومية في مصر

تامر حسني بقى كاتب و كاتب كبير كمان له كتابات في الأهرام ........ لن أقول إلا............... إنا لله وإنا إليه راجعون

[Rock]

لا تعليق...... ولا اقولكم ماهو دة برضة حقي زي برضة ما كان من حق الاستاذ طامر انة يعلق حتي علي نفسة و مش هلاقي احسن من ابو الحسن الطيب المتنبي

و ماذا بمصر من المضحكات ......و لكنة ضحك كالبكاء

شكراا

[aimen]

السلام عليكم و رحمة الله و بركاته

خبر لطيف خفيف.....نضيف

"تسلم تامر حسني مؤخرا خطاباً رسمياً من جامعة الدول العربية يفيد بتوليه منصب سفير الطفولة العربية، حيث اعتبرت جامعة الدول تامر حسني من الفنانين المهتمين بالقضايا الاجتماعية في العالم العربي"

طب هنتوقع انه هينزل باغاني اطفال و لا ايه....ايييييييه فين أيام محمد بيه ثروت و جدو علي!!!

برضه مش فاهمة حاجة... ;) :blink:

دا الكلام طلع صدق

والله افتكرتك بتضحكى ....يادى الكسوف يا ولاد دا الراجل طلع سفير بحق ...

طيب الدامعه العربية دى اختارته على اى اساس انه سفير للطفولة ؟ رابط الخبر

جتنا نيلة ما كانش عندنا لا سفير طفولة ولا اى حاجه ؟

يا جماعه ما تنتقدوش تمورة عيب كده :lol:

احنا بناقش بلاغة الكلمات والتعبيرات والأسلوب اللغوى المميز ( انما انا مش شايف حد بيرقص فى المقالة مثلا ) ...

[engmido]

أنا عاوز أعرف مين اللي سمحله يكتب في الأهرام .....اللي هيا أكبر جريدة قومية في مصر

فعلا سؤال وجيه

[herohero]

عاد يا engmido زي ماخلناه بطل عشان هرب من التجنيد واتعلق له يافطة ع كوبري اكتوبر "وحشتنا "

عاااااااااااااااادي جدا ده مطرب الجيل طبعا ياريت الاخ ابو الليف يشد حيله عشان يبقى سفير الجماعه العربية للاطفال وتشجيعهم ع الاستحمام بالليف