س + ص = وقت و فلوس و سعادة

[the consultant]

انا انهاردة صاحي من النوم عايز أكتب حاجة و خلاص (ايه هي ؟) مش عارف بس عايز اكتب ....................(بس ملحوظة : كل اللي داخل يدور على حل المعادلة السحرية اللي في اسم الموضوع يطلع لان انا اساسا بدور على حلها.. :blink: )

السنين بتجري اسرع من الطيارة ، يمكن عشان احنا في غربة و بنستنى الاجازات مثلا يعني الجملة دي مكنتش بستسيغها زمان ابدا ( يا عم هانت كلها ثلاثة شهور) و فعلا الثلاثة شهور بيعدوا هوا ..يا نهار اسود !! فاكرين الثلاثة شهور بتاعة زمان كانت عاملة ازاي (أجازة الصيف) ده عمر لوحدة و تبص للسنة الدراسية على انها حاجة بعيييييدة بمجرد ما تروح البيت من أخر امتحان و ترمي المقلمة اللي ضيعت نص ادواتها ( انا كنت مهمل جدا بصراحة) و تبدأ في اجازة صيف :ninja: مستمتعا بكافة برامج الاطفال بداية ببابا ماجد و ماما سامية لحد الكابتن ماجد و ايمن استاذنا الظريف و دلفي و ببار و الشغل المدبلج دة اللي كنا نجلس امامه بكل عته :lol: لحد جولة الكاميرا و اليوم المفتوح (والله ايام). نفس الحال في الكلية كنا نقول (يابني لسة فاضل شهر على الامتحانات يعني طلعة الساحل دلوقتي اكيد مش حتفرق ده شششششششششششششهر ) و فعلا في الشهر دة كنا بنذاكر كتب قانون من ذوات الالف صفحة.......!!!!!!! هي بركة الوقت فين انا بنتي اتولدت امبارح دلوقتي عندها 5 سنين، يعني انا متجوز من 6 سنين ( والله مش مصدق).

و في اليد الاخرى (اون ذا اذر هاند يعني) برده الفلوس بتجري مع السنين زي الطيارة ( انا مش مصدق اني صرفت المبلغ ده في الفترة دي ،قات لنفسك كدة قبل كدة ؟ ) يا نهار اسود بردة هو في ايه. مع العلم اني بتحرى مصدر الاموال و بتأكد ان عملي حلال و الحمد لله طيب في ايه يمكن العيشة غالية (ده حتى السعودية ارخص من باقي الجلف) ...!! يمكن العيب فيه انا فعلا مبحبش اخطط بس هل آن الاوان للتخطيط و التوفير . و الله ما حقدر يا جماعة دي حياتي و انا واخد على كدة ، ما هو ماتبقاش سعودية و حبسة !!!.... مش عارف. لا بس الموضوع دخل كمان في الكريدت مع اني كنت مقاطعة في مصر ( يعني عربية و سكن و مدارس و كريدت .........أقساط أقساط أقسااااااااااااااااااااااااااااااط "بسم الله الرحمن الرحيم"!!!!! :sad:

بصو بقى انا حعترف اعتراف مهم جدا، انا مبحبش الاستقرار (لا مش معنى كدة اني مش حابب اسرتي ) انما إحنا كلنا كأسرة مش بنحب الاستقرار يكفي اني اقولكو اننا تقريبا بنخرج كل يوم (مش طايق اقعد في البيت) و بالتالي السعودية بالنسبة ليا مش عقد عمل في الخليج و عشان كدة شكلي مش حطول . انا متعود يبقى حوليا ناااااس كتير صحاب من كل الدرجاااات . يمكن لما الولاد ينتظموا في المدرسة الموضوع حيختلف (الناس بتقول كدة).

تفتكرو الشخصيات اللي زيي ماينفعوش في الغربة (ولا بالذات السعودية) أصل الموضوع بالنسبة ليا كدة مابقاش اني مش بحوش بس لأ ده انا كمان مش مستمتع مهما صرفت و بالتالي بحاول اصرف اكتر يمكن اوصل للساتسفاكشن بوينت في انتظار نصائحكم العملية الغالية (مع الاخذ في الإعتبار اني لا اصنف ك سفيه أو معتوه أو مجنون أو ذي غفلة و هي من عوارض الاهلية قانونا).

[mekkawy]

حبيب قلبي يا مستشارنا الغالي

أخوك شرحه .. نفس المنهج التبذيري المسرف العجيب .. و نفس مبدأ هي السعودية و حبسة كمان .. ايكش تولع .. اصرف يا عم اصرف محدش واخد منها حاجة .. بس للأسف أنا اللي كدة مش الأسرة كلها .. و أنا كدة عاملهم مشاكل في البيت لأني بأستفزهم و بأنرفزهم من غباوتي في الصرف و عدم النظام .. و اتقالتلي كتـــــــير .. هتفضل كدة .. في مصر في السعودية في المريخ هتفضل كدة

فأحب أبشرك يا أبو نسمة .. هتفضل كدة :blink:

مكاوى

[hOuSsAm]

بص يا سيادة المستشار

انا فكرت فى الموضوع ده كتير ملقتش غير حل واحد (وده من وجهة نظرى)

انك تزود دخلك (محنا مش هنعرف نقلل مصاريفنا يبقى تزود دخلك عشان قايمة الدخل تظبط)

ادرس بقى ولا خد كورسات ولا روح شركة تانية كبيرة ولا روح دولة تانية يكون الدخل فيها مرتفع

بس متجيش على مصاريفك............ لانى بعتبرها هى حياتك واستمتاعك وده اللى بتاخده من الايام

ولو وصلت لحل او طريقة تانية للمعيشة ابقى عرفنى ............. اخوك مزنوق ومحتاج للنصيحة

بمناسبة س+ص بقى

انا هقولك على سر خطير ودى اول مرة اقوله هنا فى المنتدى

تعرف ان العالم حسام مؤسس علم الرياضايات المتوسطة والطويلة المدى ذو التاثير على التغيرات المحاسبية فى عالمنا الحالى :rolleyes: (حد سمع عنه bv:- )

اثبت ان 1=2 (مش انا بس مش فاكر المعلومة جاتلى منين)

شوف بقى

س2 - س2=س2 - س2 (سين تربيع)

وباستخدام قواعد التحليل

س(س - س)=(س+س)(س - س)

وبالقسمة على (س-س)

هنلاقى

س = (س+س)

س = 2س

وبالقسمة على س

اذن 1=2 :unsure:

صباح الفل يا معلمين

[engmido]

والله يا اخ حسام انت حسستنى ان انى كنت بادرس رياضة تانية خالص

هى صحيح الرياضة فى هندسة غير فى تجارة؟؟؟

[the consultant]

حبيب قلبي يا مستشارنا الغالي

أخوك شرحه .. نفس المنهج التبذيري المسرف العجيب .. و نفس مبدأ هي السعودية و حبسة كمان .. ايكش تولع .. اصرف يا عم اصرف محدش واخد منها حاجة .. بس للأسف أنا اللي كدة مش الأسرة كلها .. و أنا كدة عاملهم مشاكل في البيت لأني بأستفزهم و بأنرفزهم من غباوتي في الصرف و عدم النظام .. و اتقالتلي كتـــــــير .. هتفضل كدة .. في مصر في السعودية في المريخ هتفضل كدة

فأحب أبشرك يا أبو نسمة .. هتفضل كدة :lol:

مكاوى

حبيبي يا ميكو ، خلاص جبت ضرفها يعني مفيش امل ، زي الفل (جبتك يا ابو نسمة تعني اتاريك يا بو نسمة عايز تتعان.....)

[the consultant]

بص يا سيادة المستشار

انا فكرت فى الموضوع ده كتير ملقتش غير حل واحد (وده من وجهة نظرى)

انك تزود دخلك (محنا مش هنعرف نقلل مصاريفنا يبقى تزود دخلك عشان قايمة الدخل تظبط)

ادرس بقى ولا خد كورسات ولا روح شركة تانية كبيرة ولا روح دولة تانية يكون الدخل فيها مرتفع

بس متجيش على مصاريفك............ لانى بعتبرها هى حياتك واستمتاعك وده اللى بتاخده من الايام

ولو وصلت لحل او طريقة تانية للمعيشة ابقى عرفنى ............. اخوك مزنوق ومحتاج للنصيحة

بمناسبة س+ص بقى

انا هقولك على سر خطير ودى اول مرة اقوله هنا فى المنتدى

تعرف ان العالم حسام مؤسس علم الرياضايات المتوسطة والطويلة المدى ذو التاثير على التغيرات المحاسبية فى عالمنا الحالى :lol: (حد سمع عنه wst:: )

اثبت ان 1=2 (مش انا بس مش فاكر المعلومة جاتلى منين)

شوف بقى

س2 - س2=س2 - س2 (سين تربيع)

وباستخدام قواعد التحليل

س(س - س)=(س+س)(س - س)

وبالقسمة على (س-س)

هنلاقى

س = (س+س)

س = 2س

وبالقسمة على س

اذن 1=2 :lol:

صباح الفل يا معلمين

استاذنا العزيز العلامة المحاسبي حسام / (صاحب نظرية 1=2)

المشكلة الكبيرة اني انا اساسا في شركة كبيرة يمكن من اكبر الشركات (قطاع الخاص) هنا + اني معايا 2 ماجستير واحد منهم من امريكا يعني مفيش كورسات تانية ممكن اخدها و دخلي الحمد لله كويس بس خد بقى المعادلة دي من واحد مالوش في الرياضيات اساسا ......

( المصروفات تتناسب طرديا مع الدخل ) (و معدل زيادة المصروفات اكبر من معدل زيادة الدخل يعني مرونة المصروفات عالية ( ELASTICITY ) نفس فكرة (تناسب الطلب مع الدخل) the higher the income the higher the quantity demanded " الله يرحمك يا ادم سميث .

[shiko]

السنين بتجري اسرع من الطيارة ، يمكن عشان احنا في غربة و بنستنى الاجازات مثلا يعني الجملة دي مكنتش بستسيغها زمان ابدا ( يا عم هانت كلها ثلاثة شهور) و فعلا الثلاثة شهور بيعدوا هوا ..يا نهار اسود !! فاكرين الثلاثة شهور بتاعة زمان كانت عاملة ازاي (أجازة الصيف) ده عمر لوحدة و تبص للسنة الدراسية على انها حاجة بعيييييدة بمجرد ما تروح البيت من أخر امتحان و ترمي المقلمة اللي ضيعت نص ادواتها ( انا كنت مهمل جدا بصراحة) و تبدأ في اجازة صيف :lol: مستمتعا بكافة برامج الاطفال بداية ببابا ماجد و ماما سامية لحد الكابتن ماجد و ايمن استاذنا الظريف و دلفي و ببار و الشغل المدبلج دة اللي كنا نجلس امامه بكل عته :lol: لحد جولة الكاميرا و اليوم المفتوح (والله ايام). نفس الحال في الكلية كنا نقول (يابني لسة فاضل شهر على الامتحانات يعني طلعة الساحل دلوقتي اكيد مش حتفرق ده شششششششششششششهر ) و فعلا في الشهر دة كنا بنذاكر كتب قانون من ذوات الالف صفحة.......!!!!!!! هي بركة الوقت فين انا بنتي اتولدت امبارح دلوقتي عندها 5 سنين، يعني انا متجوز من 6 سنين ( والله مش مصدق).

و في اليد الاخرى (اون ذا اذر هاند يعني) برده الفلوس بتجري مع السنين زي الطيارة ( انا مش مصدق اني صرفت المبلغ ده في الفترة دي ،قات لنفسك كدة قبل كدة ؟ ) يا نهار اسود بردة هو في ايه. مع العلم اني بتحرى مصدر الاموال و بتأكد ان عملي حلال و الحمد لله طيب في ايه يمكن العيشة غالية (ده حتى السعودية ارخص من باقي الجلف) ...!! يمكن العيب فيه انا فعلا مبحبش اخطط بس هل آن الاوان للتخطيط و التوفير . و الله ما حقدر يا جماعة دي حياتي و انا واخد على كدة ، ما هو ماتبقاش سعودية و حبسة !!!.... مش عارف. لا بس الموضوع دخل كمان في الكريدت مع اني كنت مقاطعة في مصر ( يعني عربية و سكن و مدارس و كريدت .........أقساط أقساط أقسااااااااااااااااااااااااااااااط "بسم الله الرحمن الرحيم"!!!!! wst::

بصو بقى انا حعترف اعتراف مهم جدا، انا مبحبش الاستقرار (لا مش معنى كدة اني مش حابب اسرتي ) انما إحنا كلنا كأسرة مش بنحب الاستقرار يكفي اني اقولكو اننا تقريبا بنخرج كل يوم (مش طايق اقعد في البيت) و بالتالي السعودية بالنسبة ليا مش عقد عمل في الخليج و عشان كدة شكلي مش حطول . انا متعود يبقى حوليا ناااااس كتير صحاب من كل الدرجاااات . يمكن لما الولاد ينتظموا في المدرسة الموضوع حيختلف (الناس بتقول كدة).

تفتكرو الشخصيات اللي زيي ماينفعوش في الغربة (ولا بالذات السعودية) أصل الموضوع بالنسبة ليا كدة مابقاش اني مش بحوش بس لأ ده انا كمان مش مستمتع مهما صرفت و بالتالي بحاول اصرف اكتر يمكن اوصل للساتسفاكشن بوينت في انتظار نصائحكم العملية الغالية (مع الاخذ في الإعتبار اني لا اصنف ك سفيه أو معتوه أو مجنون أو ذي غفلة و هي من عوارض الاهلية قانونا).

هى دى النقطة ....نقطة التعادل عند التقاء الخطين ..س و ...ص....

Break even point

هى ....الساتيسفاكشن بوينت

اللى مدوخة الكل وراها ...وهاتكل الاخضر واليابس ...علشان توصلها ....

وعلى فكرة الموضوع موش مرتبط بالغربة او خلافه دى مرتبطة بالشخصية اكتر...

ده حالة من النهم فى الصرف ...للوصول الى حالة اشباع ....

الموضوع وما فيه هو ان الشخص مرتبط ....بالبحث عن السراب ....

كل حاجة الواحد متخيل انها هى دى منتهى السعادة اللى هايوصلها ...

وفى الاخر ...يتنقل تروح عينه على حاجة تانية ...

بس حاول تدوس استوب ...وماتمشيش ورا نفسك علشان تقاومها ....

وكلوا واشربوا ولا تسرفوا....

تم تعديل 12 يوليو 2010 بواسطة shiko

[اغابي]

طيب المعادلة دى عجبتنى . . ( س + ص ) يعنى فليكن

س = الغربة رخمة وتقيلة لازم تتخفف . . طب ازاى

ص = طب ممكن شوية مصاريف زيادة

يبقى نقول /

غربة + مصاريف = وقت + فلوس - سعادة = ايـــــــــ؟؟ــــــــــه

( خلينا نفكر شوية ) :lol:

اغابي

:lol:

[the consultant]

السنين بتجري اسرع من الطيارة ، يمكن عشان احنا في غربة و بنستنى الاجازات مثلا يعني الجملة دي مكنتش بستسيغها زمان ابدا ( يا عم هانت كلها ثلاثة شهور) و فعلا الثلاثة شهور بيعدوا هوا ..يا نهار اسود !! فاكرين الثلاثة شهور بتاعة زمان كانت عاملة ازاي (أجازة الصيف) ده عمر لوحدة و تبص للسنة الدراسية على انها حاجة بعيييييدة بمجرد ما تروح البيت من أخر امتحان و ترمي المقلمة اللي ضيعت نص ادواتها ( انا كنت مهمل جدا بصراحة) و تبدأ في اجازة صيف :lol: مستمتعا بكافة برامج الاطفال بداية ببابا ماجد و ماما سامية لحد الكابتن ماجد و ايمن استاذنا الظريف و دلفي و ببار و الشغل المدبلج دة اللي كنا نجلس امامه بكل عته wst:: لحد جولة الكاميرا و اليوم المفتوح (والله ايام). نفس الحال في الكلية كنا نقول (يابني لسة فاضل شهر على الامتحانات يعني طلعة الساحل دلوقتي اكيد مش حتفرق ده شششششششششششششهر ) و فعلا في الشهر دة كنا بنذاكر كتب قانون من ذوات الالف صفحة.......!!!!!!! هي بركة الوقت فين انا بنتي اتولدت امبارح دلوقتي عندها 5 سنين، يعني انا متجوز من 6 سنين ( والله مش مصدق).

و في اليد الاخرى (اون ذا اذر هاند يعني) برده الفلوس بتجري مع السنين زي الطيارة ( انا مش مصدق اني صرفت المبلغ ده في الفترة دي ،قات لنفسك كدة قبل كدة ؟ ) يا نهار اسود بردة هو في ايه. مع العلم اني بتحرى مصدر الاموال و بتأكد ان عملي حلال و الحمد لله طيب في ايه يمكن العيشة غالية (ده حتى السعودية ارخص من باقي الجلف) ...!! يمكن العيب فيه انا فعلا مبحبش اخطط بس هل آن الاوان للتخطيط و التوفير . و الله ما حقدر يا جماعة دي حياتي و انا واخد على كدة ، ما هو ماتبقاش سعودية و حبسة !!!.... مش عارف. لا بس الموضوع دخل كمان في الكريدت مع اني كنت مقاطعة في مصر ( يعني عربية و سكن و مدارس و كريدت .........أقساط أقساط أقسااااااااااااااااااااااااااااااط "بسم الله الرحمن الرحيم"!!!!! :o

بصو بقى انا حعترف اعتراف مهم جدا، انا مبحبش الاستقرار (لا مش معنى كدة اني مش حابب اسرتي ) انما إحنا كلنا كأسرة مش بنحب الاستقرار يكفي اني اقولكو اننا تقريبا بنخرج كل يوم (مش طايق اقعد في البيت) و بالتالي السعودية بالنسبة ليا مش عقد عمل في الخليج و عشان كدة شكلي مش حطول . انا متعود يبقى حوليا ناااااس كتير صحاب من كل الدرجاااات . يمكن لما الولاد ينتظموا في المدرسة الموضوع حيختلف (الناس بتقول كدة).

تفتكرو الشخصيات اللي زيي ماينفعوش في الغربة (ولا بالذات السعودية) أصل الموضوع بالنسبة ليا كدة مابقاش اني مش بحوش بس لأ ده انا كمان مش مستمتع مهما صرفت و بالتالي بحاول اصرف اكتر يمكن اوصل للساتسفاكشن بوينت في انتظار نصائحكم العملية الغالية (مع الاخذ في الإعتبار اني لا اصنف ك سفيه أو معتوه أو مجنون أو ذي غفلة و هي من عوارض الاهلية قانونا).

هى دى النقطة ....نقطة التعادل عند التقاء الخطين ..س و ...ص....

Break even point

هى ....الساتيسفاكشن بوينت

اللى مدوخة الكل وراها ...وهاتكل الاخضر واليابس ...علشان توصلها ....

وعلى فكرة الموضوع موش مرتبط بالغربة او خلافه دى مرتبطة بالشخصية اكتر...

ده حالة من النهم فى الصرف ...للوصول الى حالة اشباع ....

الموضوع وما فيه هو ان الشخص مرتبط ....بالبحث عن السراب ....

كل حاجة الواحد متخيل انها هى دى منتهى السعادة اللى هايوصلها ...

وفى الاخر ...يتنقل تروح عينه على حاجة تانية ...

بس حاول تدوس استوب ...وماتمشيش ورا نفسك علشان تقاومها ....

وكلوا واشربوا ولا تسرفوا....

شكرا على المداخلة الرائعة ، عجبتني أوي حتة البحث عن السراب دي، فعلا السعادة او بمعنى ادق (الساتسفكشن بوينت) شئ نسبي و كل ما توصل لمرحل نفسك تتوق للاكثر

النفس دايما عايزة و أول ما توصل للي عايزاه بتعوز تاني. بمعنى اكثر دقة نفسك مثلا تقول يااااه نفسي في عربية جت----نفسي في عربية نضيفة-----جت-------نفسي في عربية نضيفة اكبر-------جت------نفسي في عربيتين .....................هو ده السرااب

حينما تسألك نفسك الحصول على شئ تحت وعد ان هذا يكفيها و يشبعها الا ان هذا الوعد ما يلبث ان يخلف من قبل نفسك بمجرد الحصول على الشئ و للاسف تصدق انت وعود اخرى و أخرى و تظل تسعى و تبحث عن السراب (الساتسفكشن بوينت)

ما هي (نفسي) اللي قالتلي سافر و اوعدك اني حهدى لكن...........!!! :lol:

[the consultant]

طيب المعادلة دى عجبتنى . . ( س + ص ) يعنى فليكن

س = الغربة رخمة وتقيلة لازم تتخفف . . طب ازاى

ص = طب ممكن شوية مصاريف زيادة

يبقى نقول /

غربة + مصاريف = وقت + فلوس - سعادة = ايـــــــــ؟؟ــــــــــه

( خلينا نفكر شوية ) wst::

اغابي

:lol:

استاذتنا العزيزة أغابي/

لو لقيتي حل قوليلي علطول . انا بالنسبة ليا دلوقتي غربة+مصاريف (كتير)-وقت= سعادة (بلاستيك :lol: ).

[اغابي]

لــــسة بفــــكر . . اهــــــو

الموضـــــــــوع لســـة عـــــــاوز شـــوية وقـــــت . . اصبـــــر

اغـــــابي

:lol:

[عنبو]

يعتقد بعض الناس ان السعاده فى صرف المال والتنزه كل يوم واقتناء افخم الاشياء فقط

والغريب انهم حينما يفعلون هذه الاشياء لا يصلون الى السعاده وتجدهم دائمون الشكوى

وانهم تعساء

طيب ايه السبب

السبب ان هولاء الناس يبحثون عن شىء حسى او معنوى ولكنهم يبحثون عنه وسط الاشياء الماديه

من اجل ذلك لن يجدوا فالسعاده شىء معنوى وحسى لابد ان يبحثوا عنه فى قائمة الاشياء الحسيه

والسعاده هى الرضا لذا لابد ان تحقق الرضا لكى تجد السعاده

عندما تجد الرضا سوف تجد طعم فى كل شىء فى حياتك حتى لو كان بسيط

تحياتى

عنبو

[hOuSsAm]

والله يا اخ حسام انت حسستنى ان انى كنت بادرس رياضة تانية خالص

هى صحيح الرياضة فى هندسة غير فى تجارة؟؟؟

ياعمى لاء هى رياضة واحدة

علم الرياضة لا يتجزأ ولا ينشطر

بس الفرق ان بتوع تجارة بيهتموا بالربحية شوية عشان امثال سيادة المستشار يعيشوا سعداء ومبسوطين ويجيبوا اللى نفسهم بيه ويلفوا الدنيا كلها

لكن بتوع الهندسة بيهتموا بالمقاسات شوية ومحبكينها حبتين يعنى تقله زودلى الشقة دى مترين يقولك لاء تقوله ياعمى ماهو الواحد بيساوى اتنين حواجبه تدخل فى بعضها ويزربن

---------------------

على هامش المداخلة بقى بتوع المحاسبة دول لا يعنيهم علم الرياضيات ده من قريب ولا من بعيد ولا توجد علاقة بين الرياضيات وبين المحاسبة بس هى هواية عند الواحد من زمان.

من ناحية تانية بتوع هندسة بياخدوا من عندنا علم التكاليف لان ده بيفيدهم فى شغلهم وبصراحة بتعجبنى دماغ المهندسين بعد ميتعلموا تكاليف وتحس ان دماغهم قلبت على اقتصاد :lol:

-------------------

سيادة المستشار رجعتلك تانى ;)

بص يا سيدى

صافى الدخل = الايرادات - المصاريف

طيب الايراد مش عارفين نلعب فيه (وده الاسلوب اللى كنت بحبه) على حسب اقوالك

يبقى نتجه للمصاريف ونعمل ليها تحليل............ انا مش هقولك تقلل مصاريفك..............لاء انتا هتعملها شوية تقنين

او هتحل شوية مصاريف ذات اهمية على مصاريف تانية ممكن نهمشها

ببساطة كدة

كنت مرة بتكلم مع مدير المبيعات وكان انسان دخله عالى جدا ومصاريفه عالية جدا

قالى يا حسام انا فيا عيب انى لما بدخل سوبر ماركت بشترى حجات كتيرة ولما بروح البيت بشوف انا اشتريت ايه الاقيها شوية حجات ملهاش اى لازمة ولا بعمل فيها حاجة

طيب الحل يا عمنا

قالى انا بقيت بمسك ورقة وقلم وكل مشترى حاجة اكتب انا اشتريت ايه وسعرها (وده لمدة شهر)

فى نهاية الشهر حللت اللى انا جبته لاقيت 40% من مصاريفى حجات تافهة ممكن استغنى عنها وبالفعل بدات اقنن الموضوع

انا عارف ان من اكتر الحجات اللى بتدمر ميزانيتك هى الزيارة الاسبوعية اللى انت بتعملها والمدام لهيبر بندة (اللى بتشتروا فيها حجات انت مش عارف جبتها ليه)

الحل تخلى المدام قبل متخرجوا من البيت تكتب قايمة بكل حاجة انتوا محتاجينها الاسبوع ده.......... وهى دى الحجات بس اللى تشتروها (يعنى تلتزموا بيها) مهما كانت العروض والاغراءات متسمعش الحجات دى وكله ضحك عالدئون.......... ده اصلا طبيعة شغلى الحجات دى وانا فاهم القصة ماشية ازاى.......... وفعلا ناس كتيرة بتشترى حجات هما مش محتاجينها بسبب ان عليها عرض........... مش مشكلة ان المدام تكتب حجات كتيرة هى محتجاها بس المشكلة انكوا لما تروحوا هناك تفاجئك بمصاريف تانية

تمسك بقى كل ببنود مصاريفك وتحللها بالطريقة دى وهتلاقى فيه بنود كتيرة ممكن تتقنن من غير متاثر على حياتك وسعادتك

انت بتقبض 10 قروش

السكن 4 قروش (ينفع نغير ونقلل منه بما لا يتعارض مع السعادة)

المواصلات 2 قرش (هينفع نعمل حاجة)

الاكل 3 قروش (شوف فيه هالك كتير ولا العملية مظبوطة)

الترفيه 1 قرش (مثلا بدل مبتروح كل اسبوع درة العروس تقضى ليلتين هناك........ ممكن تشوف منتجع تانى وسعره يكون حنين شوية او تروح اسبوع درة العروس واسبوع ابحر)

انا شايف ان العملية بتمشى كدة

فيه حل كمان انك تعمل ميزانية باكتر البنود فيها مصاريف وممكن تعمل كنترول ليها (اللى هى الاكل والترفيه) وتدى الميزانية دى لوزارة المالية :lol: (اللى هى المدام) وهى هتظبطلك المواضيع وهتعيشك احلى عيشة

رغيت كتير انا بس لو الحجات اللى فوق دى منفعتش قولى وانا اشوفلك حجات تانية :blink:

[the consultant]

يعتقد بعض الناس ان السعاده فى صرف المال والتنزه كل يوم واقتناء افخم الاشياء فقط

والغريب انهم حينما يفعلون هذه الاشياء لا يصلون الى السعاده وتجدهم دائمون الشكوى

وانهم تعساء

طيب ايه السبب

السبب ان هولاء الناس يبحثون عن شىء حسى او معنوى ولكنهم يبحثون عنه وسط الاشياء الماديه

من اجل ذلك لن يجدوا فالسعاده شىء معنوى وحسى لابد ان يبحثوا عنه فى قائمة الاشياء الحسيه

والسعاده هى الرضا لذا لابد ان تحقق الرضا لكى تجد السعاده

عندما تجد الرضا سوف تجد طعم فى كل شىء فى حياتك حتى لو كان بسيط

تحياتى

عنبو

كلام أكثر من الرائع ، و لكن خلينا نترجم هذا الكلام الى واقع ( ما هو الرضا) أو بمعنى أخر كيف تصل بنفسك المتطلبة الى درجات الرضا التي توصلك الى السعادة ؟؟؟؟؟ هل الايمان الصادق هو الطريق.... خليني اتكلم بصرااااحة شديدة انا عايز شخص يحدثني عن تجربتة الشخصية المستمرة (المستمرة!!!!) في ترويض نفسة و كبحها و إبدال كل مطامعها بالرضا لعلي اكون خلفا له !!!!

[Howayda Ismail]

يعتقد بعض الناس ان السعاده فى صرف المال والتنزه كل يوم واقتناء افخم الاشياء فقط

والغريب انهم حينما يفعلون هذه الاشياء لا يصلون الى السعاده وتجدهم دائمون الشكوى

وانهم تعساء

طيب ايه السبب

السبب ان هولاء الناس يبحثون عن شىء حسى او معنوى ولكنهم يبحثون عنه وسط الاشياء الماديه

من اجل ذلك لن يجدوا فالسعاده شىء معنوى وحسى لابد ان يبحثوا عنه فى قائمة الاشياء الحسيه

والسعاده هى الرضا لذا لابد ان تحقق الرضا لكى تجد السعاده

عندما تجد الرضا سوف تجد طعم فى كل شىء فى حياتك حتى لو كان بسيط

تحياتى

عنبو

كلام أكثر من الرائع ، و لكن خلينا نترجم هذا الكلام الى واقع ( ما هو الرضا) أو بمعنى أخر كيف تصل بنفسك المتطلبة الى درجات الرضا التي توصلك الى السعادة ؟؟؟؟؟ هل الايمان الصادق هو الطريق.... خليني اتكلم بصرااااحة شديدة انا عايز شخص يحدثني عن تجربتة الشخصية المستمرة (المستمرة!!!!) في ترويض نفسة و كبحها و إبدال كل مطامعها بالرضا لعلي اكون خلفا له !!!!

ان القناعة اصل الغنى فمهما اوتى الانسان من مال ولم يؤت القناعة فهو فقير

فعلا سعادة الانسان مش فى حجم مايملك ولكن الرضا بهذا الحجم

بمعنى اننا بنشوف ناس عندها رصيد فى البنك واملاك ووظيفة بمرتب لايحلم به انسان لكن فى نفس الوقت مش

سعيد ببساطة لانه طماع والجشع مش مخليه مستمتع باللى فى ايده كل مشكلته عاوزه يزيد مع ان فى ناس تانية

ممكن مش بتلاقى تكاليف علاج شهرى لمرضها المزمن لكن الرضا والابتسامة مش بتفارقها لانها مؤمنة ان ده نصيبها

ومؤمنة ان الغنى مش مقياس رضا ربنا عن الانسان والنموذجين اعرفهم معرفة شخصية

الرسول صلى الله عليه وسلم قال الانسان ينظر للاعلى منه فى الدين وللاقل منه فى المال .

كذلك قال صلى الله عليه وسلم :

(لاحسد الا فى اثنتين رجل اتاه الله مالا فسلطه على هلكته فى الحق ورجل اتاه الله الحكمة فهو يقضى بها ويعلمها)

(ليس الغنى عن كثرة العرض ولكن الغنى غنى النفس)

(قد افلح من اسلم ورزق الكفاف وقنعه الله بما أتاه)

(منهومان لايشبعان طالب علم وطالب مال)

وهناك مقولة لعلى بن ابى طالب العلم يحرسك ولكن المال تحرسه

[عنبو]

يعتقد بعض الناس ان السعاده فى صرف المال والتنزه كل يوم واقتناء افخم الاشياء فقط

والغريب انهم حينما يفعلون هذه الاشياء لا يصلون الى السعاده وتجدهم دائمون الشكوى

وانهم تعساء

طيب ايه السبب

السبب ان هولاء الناس يبحثون عن شىء حسى او معنوى ولكنهم يبحثون عنه وسط الاشياء الماديه

من اجل ذلك لن يجدوا فالسعاده شىء معنوى وحسى لابد ان يبحثوا عنه فى قائمة الاشياء الحسيه

والسعاده هى الرضا لذا لابد ان تحقق الرضا لكى تجد السعاده

عندما تجد الرضا سوف تجد طعم فى كل شىء فى حياتك حتى لو كان بسيط

تحياتى

عنبو

كلام أكثر من الرائع ، و لكن خلينا نترجم هذا الكلام الى واقع ( ما هو الرضا) أو بمعنى أخر كيف تصل بنفسك المتطلبة الى درجات الرضا التي توصلك الى السعادة ؟؟؟؟؟ هل الايمان الصادق هو الطريق.... خليني اتكلم بصرااااحة شديدة انا عايز شخص يحدثني عن تجربتة الشخصية المستمرة (المستمرة!!!!) في ترويض نفسة و كبحها و إبدال كل مطامعها بالرضا لعلي اكون خلفا له !!!!

ان القناعة اصل الغنى فمهما اوتى الانسان من مال ولم يؤت القناعة فهو فقير

فعلا سعادة الانسان مش فى حجم مايملك ولكن الرضا بهذا الحجم

بمعنى اننا بنشوف ناس عندها رصيد فى البنك واملاك ووظيفة بمرتب لايحلم به انسان لكن فى نفس الوقت مش

سعيد ببساطة لانه طماع والجشع مش مخليه مستمتع باللى فى ايده كل مشكلته عاوزه يزيد مع ان فى ناس تانية

ممكن مش بتلاقى تكاليف علاج شهرى لمرضها المزمن لكن الرضا والابتسامة مش بتفارقها لانها مؤمنة ان ده نصيبها

ومؤمنة ان الغنى مش مقياس رضا ربنا عن الانسان والنموذجين اعرفهم معرفة شخصية

الرسول صلى الله عليه وسلم قال الانسان ينظر للاعلى منه فى الدين وللاقل منه فى المال .

كذلك قال صلى الله عليه وسلم :

(لاحسد الا فى اثنتين رجل اتاه الله مالا فسلطه على هلكته فى الحق ورجل اتاه الله الحكمة فهو يقضى بها ويعلمها)

(ليس الغنى عن كثرة العرض ولكن الغنى غنى النفس)

(قد افلح من اسلم ورزق الكفاف وقنعه الله بما أتاه)

(منهومان لايشبعان طالب علم وطالب مال)

وهناك مقولة لعلى بن ابى طالب العلم يحرسك ولكن المال تحرسه

كلام جميل قوى يا مدام هند

يا مستشار باشا

بص حضرتك ممكن تعمل معادله بسيطه قوى ايه هى

ان حضرتك راكب عربيه وتلاقى نفسك بتقولك يا سلام لو معايا عربيه احسن شويه

اقولها فى الحال ماذا لو مافيش عربيه اصلاً ؟

وهكذا مع كل النعم بس مش كلام بس فكر فيها

ايام لما مكنش عندى عربيه كنت اقول ياه لو عندى اى عربيه بس اقضى عليها مشاورى وابقى اطلع الف بيها شويه

جت العربيه يا سلام لو جديده

جت الجديده يا سلام ولقيت نفسى داخل فى دوامه مش بتخلص ومش حاسس بانى فى نعمه انى راكب عربيه جديده

اقولت لا هنا واستوب وعلى طول عملت فلاش باك واقولت فاكر لما كنت بتقول ...............

لقيت نفسى بحضن العربيه اه والله وبأقول الحمد لله ياااااااااارب

واقولك بقى على حاجه عمله قوى كمان اختلط بالناس اللى اقل منك فى المجمتع وانت هتحس اقد ايه انك محظوظ

فيه برده حاجه تانيه مثلاً هتخرج انهارده هتصرفوا متين ريال طيب نكنسل الخروج انهارده ونطلع المتين جنيه دول لاسره فقيره تعيش بيهم

[shawshank]

الأخ العزيز الفاضل the consultant

أرسل لي صديق مقالاً بليغًا، معنىً ومبنىً، بعنوان "الشقاء والسعادة ليس لهما طبقة"، يقول إنه لمصطفى محمود. وأضيف إلى محتواه: إن طاعة الله طريق كل سعادة، ومعصية الله طريق كل شقاء.

الذي يسكن في أعماق الصحراء يشكو مر الشكوى لأنه لا يجد الماء الصالح للشرب.

و ساكن الزمالك الذي يجد الماء والنور والسخان والتكييف والتلفون والتليفزيون لو استمعت إليه لوجدته يشكو مر الشكوى هو الآخر من سوء الهضم والسكر والضغط.

والمليونير ساكن باريس الذي يجد كل ما يحلم به، يشكو الكآبة والخوف من الأماكن المغلقة والوسواس والأرق والقلق.

والذي أعطاه الله الصحة و المال والزوجة الجميلة يشك في زوجته الجميلة ولا يعرف طعم الراحة.

والرجل الناجح المشهور النجم الذي حالفه الحظ في كل شيء وانتصر في كل معركة لم يستطع أن ينتصر على ضعفه وخضوعه للمخدر فأدمن الكوكايين وانتهى إلى الدمار.

والملك الذي يملك الأقدار والمصائر والرقاب تراه عبدا لشهوته خادما لأطماعه ذليلا لنزواته.

وبطل المصارعة أصابه تضخم في القلب نتيجة تضخم في العضلات.

كلنا نخرج من الدنيا بحظوظ متقاربة برغم ما يبدو في الظاهر من بعض الفوارق.

وبرغم غنى الأغنياء وفقر الفقراء فمحصولهم النهائي من السعادة والشقاء الدنيوي متقارب.

فالله يأخذ بقدر ما يعطي ويعوض بقدر ما يحرم وييسر بقدر ما يعسر.. ولو دخل كل منا قلب الآخر لأشفق عليه و لرأى عدل الموازين الباطنية برغم اختلال الموازين الظاهرية.. ولما شعر بحسد ولا بحقد ولا بزهو ولا بغرور.

إنما هذه القصور والجواهر والحلي واللآلئ مجرد ديكور خارجي من ورق اللعب.. وفي داخل القلوب التي ترقد فيها تسكن الحسرات والآهات الملتاعة.

والحاسدون والحاقدون والمغترون والفرحون مخدوعون في الظواهر غافلون عن الحقائق.

ولو أدرك السارق هذا الإدراك لما سرق ولو أدركه القاتل لما قتل ولو عرفه الكذاب لما كذب.

ولو علمناه حق العلم لطلبنا الدنيا بعزة الأنفس ولسعينا في العيش بالضمير ولتعاشرنا بالفضيلة فلا غالب في الدنيا ولا مغلوب في الحقيقة والحظوظ كما قلنا متقاربة في باطن الأمر ومحصولنا من الشقاء والسعادة متقارب برغم الفوارق الظاهرة بين الطبقات.. فالعذاب ليس له طبقة و إنما هو قاسم مشترك بين الكل.. يتجرع منه كل واحد كأسا وافية ثم في النهاية تتساوى الكؤوس برغم اختلاف المناظر وتباين الدرجات والهيئات

وليس اختلاف نفوسنا هو اختلاف سعادة و شقاء وإنما اختلاف مواقف.. فهناك نفس تعلو على شقائها وتتجاوزه وترى فيه الحكمة والعبرة وتلك نفوس مستنيرة ترى العدل والجمال في كل شيء وتحب الخالق في كل أفعاله.. وهناك نفوس تمضغ شقاءها وتجتره وتحوله إلى حقد أسود و حسد أكال.. وتلك هي النفوس المظلمة الكافرة بخالقها المتمردة على أفعاله.

وكل نفس تمهد بموقفها لمصيرها النهائي في العالم الآخر.. حيث يكون الشقاء الحقيقي.. أو السعادة الحقيقية.. فأهل الرضا إلى النعيم و أهل الحقد إلى الجحيم.

أما الدنيا فليس فيها نعيم ولا جحيم إلا بحكم الظاهر فقط بينما في الحقيقة تتساوى الكؤوس التي يتجرعها الكل.. والكل في تعب.

إنما الدنيا امتحان لإبراز المواقف.. فما اختلفت النفوس إلا بمواقفها وما تفاضلت إلا بمواقفها.

وليس بالشقاء والنعيم اختلفت ولا بالحظوظ المتفاوتة تفاضلت ولا بما يبدو على الوجوه من ضحك وبكاء تنوعت.

فذلك هو المسرح الظاهر الخادع.

وتلك هي لبسة الديكور والثياب التنكرية التي يرتديها الأبطال حيث يبدو أحدنا ملكا والآخر صعلوكا وحيث يتفاوت أمامنا المتخم والمحروم.

أما وراء الكواليس.

أما على مسرح القلوب.

أما في كوامن الأسرار وعلى مسرح الحق والحقيقة.. فلا يوجد ظالم ولا مظلوم ولا متخم ولا محروم.. وإنما عدل مطلق واستحقاق نزيه يجري على سنن ثابتة لا تتخلف حيث يمد الله يد السلوى الخفية يحنو بها على المحروم وينير بها ضمائر العميان ويلاطف أهل المسكنة ويؤنس الأيتام و المتوحدين في الخلوات ويعوض الصابرين حلاوة في قلوبهم.. ثم يميل بيد القبض والخفض فيطمس على بصائر المترفين ويوهن قلوب المتخمين و يؤرق عيون الظالمين ويرهل أبدان المسرفين.. وتلك هي الرياح الخفية المنذرة التي تهب من الجحيم والنسمات المبشرة التي تأتي من الجنة.. والمقدمات التي تسبق اليوم الموعود.. يوم تنكشف الأستار وتهتك الحجب وتفترق المصائر إلى شقاء حق وإلى نعيم حق.. يوم لا تنفع معذرة.. ولا تجدي تذكرة.

وأهل الحكمة في راحة لأنهم أدركوا هذا بعقولهم وأهل الله في راحة لأنهم أسلموا إلى الله في ثقة وقبلوا ما يجريه عليهم ورأوا في أفعاله عدلا مطلقا دون أن يتعبوا عقولهم فأراحو عقولهم أيضا، فجمعوا لأنفسهم بين الراحتين راحة القلب وراحة العقل فأثمرت الراحتان راحة ثالثة هي راحة البدن.. بينما شقى أصحاب العقول بمجادلاتهم.

أما أهل الغفلة وهم الأغلبية الغالبة فمازالوا يقتل بعضهم بعضا من أجل اللقمة والمرأة والدرهم وفدان الأرض، ثم لا يجمعون شيئا إلا مزيدا من الهموم وأحمالا من الخطايا وظمأً لا يرتوي وجوعا لا يشبع.

فانظر من أي طائفة من هؤلاء أنت.. واغلق عليك بابك وابك على خطيئتك.

ومن المأثور: "إنما أنت أيام معدودة، فإذا ذهب يومٌ ذهب بعضك، وإذا ذهب البعض يوشك الكلّ أن يذهب، وأنت تعلم، فاعمل".

تم تعديل 12 يوليو 2010 بواسطة shawshank

[the consultant]

يعتقد بعض الناس ان السعاده فى صرف المال والتنزه كل يوم واقتناء افخم الاشياء فقط

والغريب انهم حينما يفعلون هذه الاشياء لا يصلون الى السعاده وتجدهم دائمون الشكوى

وانهم تعساء

طيب ايه السبب

السبب ان هولاء الناس يبحثون عن شىء حسى او معنوى ولكنهم يبحثون عنه وسط الاشياء الماديه

من اجل ذلك لن يجدوا فالسعاده شىء معنوى وحسى لابد ان يبحثوا عنه فى قائمة الاشياء الحسيه

والسعاده هى الرضا لذا لابد ان تحقق الرضا لكى تجد السعاده

عندما تجد الرضا سوف تجد طعم فى كل شىء فى حياتك حتى لو كان بسيط

تحياتى

عنبو

كلام أكثر من الرائع ، و لكن خلينا نترجم هذا الكلام الى واقع ( ما هو الرضا) أو بمعنى أخر كيف تصل بنفسك المتطلبة الى درجات الرضا التي توصلك الى السعادة ؟؟؟؟؟ هل الايمان الصادق هو الطريق.... خليني اتكلم بصرااااحة شديدة انا عايز شخص يحدثني عن تجربتة الشخصية المستمرة (المستمرة!!!!) في ترويض نفسة و كبحها و إبدال كل مطامعها بالرضا لعلي اكون خلفا له !!!!

ان القناعة اصل الغنى فمهما اوتى الانسان من مال ولم يؤت القناعة فهو فقير

فعلا سعادة الانسان مش فى حجم مايملك ولكن الرضا بهذا الحجم

بمعنى اننا بنشوف ناس عندها رصيد فى البنك واملاك ووظيفة بمرتب لايحلم به انسان لكن فى نفس الوقت مش

سعيد ببساطة لانه طماع والجشع مش مخليه مستمتع باللى فى ايده كل مشكلته عاوزه يزيد مع ان فى ناس تانية

ممكن مش بتلاقى تكاليف علاج شهرى لمرضها المزمن لكن الرضا والابتسامة مش بتفارقها لانها مؤمنة ان ده نصيبها

ومؤمنة ان الغنى مش مقياس رضا ربنا عن الانسان والنموذجين اعرفهم معرفة شخصية

الرسول صلى الله عليه وسلم قال الانسان ينظر للاعلى منه فى الدين وللاقل منه فى المال .

كذلك قال صلى الله عليه وسلم :

(لاحسد الا فى اثنتين رجل اتاه الله مالا فسلطه على هلكته فى الحق ورجل اتاه الله الحكمة فهو يقضى بها ويعلمها)

(ليس الغنى عن كثرة العرض ولكن الغنى غنى النفس)

(قد افلح من اسلم ورزق الكفاف وقنعه الله بما أتاه)

(منهومان لايشبعان طالب علم وطالب مال)

وهناك مقولة لعلى بن ابى طالب العلم يحرسك ولكن المال تحرسه

كلام جميل قوى يا مدام هند

يا مستشار باشا

بص حضرتك ممكن تعمل معادله بسيطه قوى ايه هى

ان حضرتك راكب عربيه وتلاقى نفسك بتقولك يا سلام لو معايا عربيه احسن شويه

اقولها فى الحال ماذا لو مافيش عربيه اصلاً ؟

وهكذا مع كل النعم بس مش كلام بس فكر فيها

ايام لما مكنش عندى عربيه كنت اقول ياه لو عندى اى عربيه بس اقضى عليها مشاورى وابقى اطلع الف بيها شويه

جت العربيه يا سلام لو جديده

جت الجديده يا سلام ولقيت نفسى داخل فى دوامه مش بتخلص ومش حاسس بانى فى نعمه انى راكب عربيه جديده

اقولت لا هنا واستوب وعلى طول عملت فلاش باك واقولت فاكر لما كنت بتقول ...............

لقيت نفسى بحضن العربيه اه والله وبأقول الحمد لله ياااااااااارب

واقولك بقى على حاجه عمله قوى كمان اختلط بالناس اللى اقل منك فى المجمتع وانت هتحس اقد ايه انك محظوظ

فيه برده حاجه تانيه مثلاً هتخرج انهارده هتصرفوا متين ريال طيب نكنسل الخروج انهارده ونطلع المتين جنيه دول لاسره فقيره تعيش بيهم

استاذ عنبو/ استاذة هند

كلام جميل جدا بس في نقطة مهمة يا جماعة انا مش جاحد على النعمة انا حامد ربنا و الحمد لله (قولا و عملا) بس هو الموضوع مش موضوع فلوس على اد ما هو فعلا معنوي ، المعادلة اللي انا بدور عليها هي اللي تخليني اجمع بين كل مميزات مراحل عمري المختلفة ، يعني المسألة مش مسألة عربية جديدة او بيت جديد او غيره نهائيا فدة بالذات و الحمد لله راضي عنه جدا و مقتنع تماما ان ربنا اعطى لي اكثر مما استحق بالاضافة الى اني بعمل كل اللي حضرتك قلت عليه....مشكلتي تاني اني باحث دائم عن التغيير بصفة عامة و الدليل اني لما قررت اسافر كان ده هدفي مش الفلوس او البحث عن التوفير و لذلك سافرت بالرغم ان فرق الدخل مكانش كبير و كنت في مصر مستريح "ماديا". (هي حكاية معقدة شوية، بس انا كان لازم اوضح النقطة دي حتى لا يختزل الموضوع في كوني شخصية طماعة لا اقنع بما لدي :D )

شوفو مثلا إحساسك و انت طفل و انت في كلية و انت في بداية شغلك و بعد ما سافرت. الفكرة انك لازم تضحي بشئ عشان تحصل على الاخر. إذا فما ابحث عنه هو الرضا المعنوي و ليس الرضا المادي.

[the consultant]

أستاذنا العزيز SHAWSHANK

مقالة في غاية الروعة و جزاك الله خيرا.

في مراحل عمري المختلفة مريت بكافة القوالب الحياتية لشاب استقريت في بعضها لفترة و اكتفيت بتجربة البعض الاخر اي اني لعبت جميع الادوار الجيد منها و السئ و إختلطت بمختلف الاشكال و نجحت و فشلت و تفوقت و سقطت و سافرت و رجعت..................و انا في أخر سنة ليا في الكلية مريت بمرحلة التزام شديد وصلت لدرجة اني اسير و في رأسي فكرة لا تغيب، واضحة وضوح الشمس مستمرة صباحا و مساءا وهي (أن الله يراقبني) بكل ما تحمله الفكرة من معاني و أصبحت هذه الفكرة مسيطرة سيطرة تامة و ما لبثت ان اصبحت هي الفلتر (إن صح اللفظ) الذي ينقي كافة أفعالي و أقوالي فما من فعل أنويه الا و عرض أولا على هدا الفلتر فإن رفضه عدلت و إن قبله فعلت. كنت أذكر نفسي بالموت كل لحظة لدرجة اني علقت "بوستر يمثل مراحل الغسل و التكفين و الدفن" امام سريري لاراه قبل النوم و بعد الاستيقاظ .................." أقسم بالله انها كانت افضل فترات حياتي و كنت انام راضيا مطمئنا".

إذا دعونا نقر ان الرضا الوحيد الحقيقي لا يمكن الوصول اليه إلا بالوصول لقمة الايمان (و أعني قمة الايمان و ليس مجرد الايمان) ، المشكلة الكبرى انه قليلا جدا ما تجد شخصا يقر بهذه المسألة بل و حتى نفسك إن سألتها ذلك تاقت الى الدنيا فأقنعتك بالإعتدال و ما هو الإعتدال !

داخلنا حقيقة واحدة لا تغيب عنا بل نتناساها أو نتجاهلها عن عمد أو تلقائيا و هي الموت. و بوضع هذه الفكرة قيد التحليل تجد ان ما من شئ في الحياة يمكن ان يمنح نفسك الرضا سوى ان تقنعها بانها سوف تحيا في الجنة بعد موتها (أي أن تملأها بالايمان)، أما غير ذلك من الامور فمحصلتها صفر (مال زواج ذرية وظيفة) كل ذلك زائلا و بالتالي لن يمنح نفسك الا رضا مؤقت ما يلبث أن يزول كونها مبرمجة على أنها زائلة و لذلك تحثك على البحث عن الرضا بشكل أخر فتفشل و هكذا ...... إذن رضا النفس لن يأتي الا بالايمان الكامل و هذا الاخير لن يأتي الا بإفراغ كل ما في النفس من أمور دنيوية و إحلال الايمان محلها بما في ذلك فكرة الموت التي يجب ان تسيطر هي و فكرة الرقابة الإلهية على زمام حياتك كامله...

إذن فالمسألة ليست بمجرد عمل خير أو التصدق أو المواظبة على الصلاة بشكل روتيني ، و بالنسبة لي لا يأتي الرضا بالاعتدال الديني (حسب مفهومي عن الإعتدال) بل بالإيمان الكامل (حسب مفهومي عن الايمان الكامل).

[the consultant]

أستاذنا العزيز SHAWSHANK

مقالة في غاية الروعة و جزاك الله خيرا.

في مراحل عمري المختلفة مريت بكافة القوالب الحياتية لشاب استقريت في بعضها لفترة و اكتفيت بتجربة البعض الاخر اي اني لعبت جميع الادوار الجيد منها و السئ و إختلطت بمختلف الاشكال و نجحت و فشلت و تفوقت و سقطت و سافرت و رجعت..................و انا في أخر سنة ليا في الكلية مريت بمرحلة التزام شديد وصلت لدرجة اني اسير و في رأسي فكرة لا تغيب، واضحة وضوح الشمس مستمرة صباحا و مساءا وهي (أن الله يراقبني) بكل ما تحمله الفكرة من معاني و أصبحت هذه الفكرة مسيطرة سيطرة تامة و ما لبثت ان اصبحت هي الفلتر (إن صح اللفظ) الذي ينقي كافة أفعالي و أقوالي فما من فعل أنويه الا و عرض أولا على هدا الفلتر فإن رفضه عدلت و إن قبله فعلت. كنت أذكر نفسي بالموت كل لحظة لدرجة اني علقت "بوستر يمثل مراحل الغسل و التكفين و الدفن" امام سريري لاراه قبل النوم و بعد الاستيقاظ .................." أقسم بالله انها كانت افضل فترات حياتي و كنت انام راضيا مطمئنا".

إذا دعونا نقر ان الرضا الوحيد الحقيقي لا يمكن الوصول اليه إلا بالوصول لقمة الايمان (و أعني قمة الايمان و ليس مجرد الايمان) ، المشكلة الكبرى انه قليلا جدا ما تجد شخصا يقر بهذه المسألة بل و حتى نفسك إن سألتها ذلك تاقت الى الدنيا فأقنعتك بالإعتدال و ما هو الإعتدال !

داخلنا حقيقة واحدة لا تغيب عنا بل نتناساها أو نتجاهلها عن عمد أو تلقائيا و هي الموت. و بوضع هذه الفكرة قيد التحليل تجد ان ما من شئ في الحياة يمكن ان يمنح نفسك الرضا سوى ان تقنعها بانها سوف تحيا في الجنة بعد موتها (أي أن تملأها بالايمان)، أما غير ذلك من الامور فمحصلتها صفر (مال زواج ذرية وظيفة) كل ذلك زائلا و بالتالي لن يمنح نفسك الا رضا مؤقت ما يلبث أن يزول كونها مبرمجة على أنها زائلة و لذلك تحثك على البحث عن الرضا بشكل أخر فتفشل و هكذا ...... إذن رضا النفس لن يأتي الا بالايمان الكامل و هذا الاخير لن يأتي الا بإفراغ كل ما في النفس من أمور دنيوية و إحلال الايمان محلها بما في ذلك فكرة الموت التي يجب ان تسيطر هي و فكرة الرقابة الإلهية على زمام حياتك كامله...

إذن فالمسألة ليست بمجرد عمل خير أو التصدق أو المواظبة على الصلاة بشكل روتيني ، و بالنسبة لي لا يأتي الرضا بالاعتدال الديني (حسب مفهومي عن الإعتدال) بل بالإيمان الكامل (حسب مفهومي عن الايمان الكامل).