عرض وطلب .. ولا استهبال وأستسهال وأستعجال ؟

[se_ Elsyed]

أمبارح واحد صديقي أتصل بيه عشان يطمنني انه رجع من مصر ..

هو مدير أحدى مؤسسات تأجير السيارات بالسعودية

وأخدته وروحنا أتعشينا وبعدين أتقابلنا مع الرفيق زهيري .. قائد المنطقة الشمالية بالرياض والخرج :blink: وسهرنا نتفرج على الماتش

المهم الراجل كان في اجازة وكمان كان بيشتري محاسبين للمؤسسة بتاعتهم من مصر

اخدتوا بالكم ... انا قلت بيشتري مش بيعين

سامحني يا زهيري ما رضيتش أقول الكلام ده قدامك أمبارح أحسن تعمل في نفسك حاجه بصفتك راجل مدير مالي كبير ...

خدوا المفاجأة وكل واحد يحضر حباية الضغط اللي تحت اللسان .. أو يدخل الموضوع بتاع الحشيش والأفيون عشان يهيس وما يركزش معايا

تخيلوا يا جماعة نزل أشترى مجموعة محاسبين من سوق النخاسة في مصر ... براتب شهري

1000 ريال ... total package قايم نايم مقطوع من شجره ....

إن لله وإنا إليه راجعون

محاسبين من أبو بكالوريوس 4 سنين ... اللي كنا فيه إحنا !!!!!!!!!

وحسبي الله ونعم الوكيل في وزارة العمل اللي سايبه الشباب يرموا نفسهم في النار وفيكي بالأخص يا عيشة يا مخدماتية

والله العظيم تلاته ... بنعين عاملين للشاي والقهوة والنظافة على 1500 أقل شيء وبيتنططوا علينا كمان وتلاقيه قرفان من الواحد

وأجازة سنوية 21 يوم مع تذكرة وسكن وتأمين طبي

دول بقى 1000 مقطوعه ... وتذكرة كل سنتين ...

أينعم الميزة الوحيدة اللي مش شايفها أي ميزة إنهم ما بيدفعوش حاجه في التأشيرة والسكن متوفر

لكن ....

مش عارف أقول إيه

أنا عملت زي حسين رياض في فيلم " رد كلبي " وأتشليت يا سعاد

[aimen]

حسبى الله ونعم الوكيل

ممكن اقول كلمة فى قلبى

لنفرض ان الشباب اللى قبلوا بالعرض دا لا يعرفوا اى شئ عن البلد هنا وحالها

وفاكرين هنا ارض الأحلام

لنفترض انهم قرروا ان يجربوا الغربة

لنفترض ان الظروف فى مصر سيئة جدا بالنسبة لهم ...

لكن

ماذا عن الساحرة جوجول ( الساحرة جوجول دى ست كانت بتختار الناس اللى حتتقدم قرابين فى قصة كنوز الملك سليمان ) اللى هو صاحبنا المصرى ...

الا يعلم ان الظلم ظلمات

الا يعلم انه يفترض اننا ندعوا يوميا " اللهم انى اعوذ بك ان اظلم او أظلم "

الا يدخل ذلك فى باب الظلم للأخرين ؟

الأ يخاف من ان يرد ذلك له بصورة او اخرى ؟ فى الدنيا أو الأخرة فى اولاده فى عمله

مش عارف اقول ايه ؟

نفسى اعرف ايه المكسب بتاع الأخ ده ؟

حنقول دا من اصول شغله ..طيب يتقى الله فى الناس ولا يكون سبب لأذى الأخرين

وبعدين تيجى الناس تقول هو ليه المصريين بيكرهوا بعض ؟ لأننا بنظلم من الأخر ...الظلم بقى حاجه سهلة جدا ...وشطارة ...انك تضحك على غيرك وتلبسه العمة ...

حسبى الله ونعم الوكيل فيمن يضر اى شخص ...

حسبى الله فى تلك الأشكال اللى بسببها سمعتنا بقت فى الأرض ...

حسبى الله ونعم الوكيل

[Mr MAGED]

الموضوع ده كبير وبيتكرر كتير وله أسباب أكتر واكتر

أولا كلنا عارفين الوضع في مصر عامل ازاي ... لدرجة توصل زينة شباب البلد انهم يرموا نفسهم بالشكل ده

ومينفعش نعفيهم من المسئولية ... لأنهم لو تعبوا ودوروا شوية ... أكيد كانوا هيلاقوا شغل في مصر

يوفرلهم بالتأكيد أكتر من اللي هيتوفر من الالف ريال ده ... ده حتي لو وقف بياع في محل في مصر أكرمله

ثانيا ً واعذرني .... صديقك المبجل لم يراع الله ولم يراعي الأمانة اللي اتحطط في رقابته لما قبل يقوم بعملية توظيف

يعني ايه انه ينزل يجيب محاسب ويعرض عليه الف ريال ... وعارف انه فعلا ممكن يقبل عشان ظروفه

مع انه عارف انه الالف ريال دي يا دوب راتب عامل النظافة اللي بييجي من الهند !!!!

هو كده بيستغل شباب بلده وبيستغل حاجتهم وظروفهم

مع تأكيدي انهم مشتركين معاه في المسئولية

لأن لو أي واحد فيهم بيحترم نفسه وبيحترم مؤهله ... وبيسعي علي أكل عيشه زي ما كل الناس بتعمل

مكنش حصلهم كده

[MZohairy]

أمبارح واحد صديقي أتصل بيه عشان يطمنني انه رجع من مصر ..

هو مدير أحدى مؤسسات تأجير السيارات بالسعودية

وأخدته وروحنا أتعشينا وبعدين أتقابلنا مع الرفيق زهيري .. قائد المنطقة الشمالية بالرياض والخرج :ninja: وسهرنا نتفرج على الماتش

المهم الراجل كان في اجازة وكمان كان بيشتري محاسبين للمؤسسة بتاعتهم من مصر

اخدتوا بالكم ... انا قلت بيشتري مش بيعين

سامحني يا زهيري ما رضيتش أقول الكلام ده قدامك أمبارح أحسن تعمل في نفسك حاجه بصفتك راجل مدير مالي كبير ...

خدوا المفاجأة وكل واحد يحضر حباية الضغط اللي تحت اللسان .. أو يدخل الموضوع بتاع الحشيش والأفيون عشان يهيس وما يركزش معايا

تخيلوا يا جماعة نزل أشترى مجموعة محاسبين من سوق النخاسة في مصر ... براتب شهري

1000 ريال ... total package قايم نايم مقطوع من شجره ....

إن لله وإنا إليه راجعون

محاسبين من أبو بكالوريوس 4 سنين ... اللي كنا فيه إحنا !!!!!!!!!

وجسبي الله ونعم الوكيل في وزارة العمل اللي سايبه الشباب يرموا نفسهم في النار وفيكي بالأخص يا عيشة يا مخدماتية

والله العظيم تلاته ... بنعين عاملين للشاي والقهوة والنظافة على 1500 أقل شيء وبيتنططوا علينا كمان وتلاقيه قرفان من الواحد

وأجازة سنوية 21 يوم مع تذكرة وسكن وتأمين طبي

دول بقى 1000 مقطوعه ... وتذكرة كل سنتين ...

أينعم الميزة الوحيدة اللي مش شايفها أي ميزة إنهم ما بيدفعوش حاجه في التأشيرة والسكن متوفر

لكن ....

مش عارف أقول إيه

أنا عملت زي حسين رياض في فيلم " رد كلبي " وأتشليت يا سعاد

والله العظيم تلاته انا لو كنت اعرف كده ماكنتش خليت الولد الفلبيني يجيبله المشروب بتاعه :blink:

بس عموما العقد شريعة المتعاقدين

و اللي ييجي على مبلغ زي ده يستاهل اللي حيجراله

بس نرجع و نقول ماهو بكده بيبوظ على كل المصريين امكانية حصولهم على رواتب جيده

فطالما صاحب العمل السعودي بيقدر يجيب الواحد المصري بألف ريال بسلطاته ببابا غنوجه يبقى ايه اللي يخليه يجيب واحد بألفين او بخمسه؟

معاهم حق والله اصحاب الشركات

و لعنة الله على من يسمح من الحكومه المصريه بمثل هذا النوع من النخاسه

[سارة هارون]

السلام عليكم ورحمة الله وبركاته

ده اول رد ليا ف المنتدى معاكم هنا بس بصراحة الموضوع استفذنى لدرجة انى ارد

كل حد دخل قال رايه ف ان ازاى الشباب دول يوافقوا انا لو مكانهم طبعا مش هوافق بس مش يمكن ف مصر مش عارفين يشتغلوا اصلا بربع المرتب لا ومش يمكن ده اكيد عندنا المحاسب بينزل 4شهور على الاقل تدريب بياخد فيهم 250جنيه ف الشهر وبعد لما يتثبت بياخد 350جنيه يعنى ولا تنفع حتى ثمن مواصلات مش مرتب واحد ياخده ويكون منه نفسه ويصرف على نفسه وبيته

ف الحلم الوحيد اللى تقريبا عند كل الشباب ف مصر ان هما ييجوا ارض الاحلام ف اى مكان برا مصر المهم هيكسبوا من وراه وخلاص ومهما كانت 1000ريال قليلة مش هتكون اقل من اللى هياخده وهو ف مصر

مش عارفة ممكن يكون رايى غلط او مختلف مع رايكم شوية بس كل واحد بيشوف الموضوع من زاوية ولازم نعزر الشباب على الحال اللى بيوصلوا نفسهم ليه وانه يتقال عليهم بيتباعوا

[se_ Elsyed]

شوفتوا بقى الاحكام المسبقة الغير مبنية على حقائق ؟

يشهد الله إن الراجل ده الجدعنه اللي في الدنيا .. وبصراحة .. بتوع المنصورة من الأخر يعني .. رجوله وأخلاق ووطنية

أول ما اتعين الراجل لقى شقله - بالفلاحي يعني كوم أو مجموعة - محاسبين على 1500 ريال .. مصريين للأسف وجاي معاهم في نفس الدفعة سوريين بـ 2500

السوريين قعدوا 5 شهور وفيصوا وجابوا جاز لأنهم طلعوا قلل

والعيال المصريين كويسين وفاهمين محاسبة

الراجل أعترض وطلب لهم زيادة وتعديل أوضاع تلقائياً من غير ما يطلبوا هما ..

طبعاً سمع ما يكره من صاحب المؤسسة وأبوها راضي وأنا راضي ومالك ومالنا إنت يا قاضي

لفت الأيام والمعروض هناك بقى مرطرط ونزل المرتب من 1500 إلى 1000 للجُدد يعني ما رضيناش بالخوخ .. أشرب يا معلم شرابه ...

وأعترض وهاج وماج .... راح ببساطه السعودي نازل معاه وهو اللي تعاقد مع الناس

وللاسف كلهم من الأرياف .. وتحديداً من الشرقية

على فكره .. صاحب المؤسسة شاب صغير .. وخلف أبوه في إدارة المؤسسة .. وبقى صايع وكإنه متربي في الحواري ..

تعرفوا

مستحيل يجيب حد من المدن القاهرة أو الأسكندرية ... بينزل بقى في أعماق الريف وينقي زي عمال التراحيل

والعيل من دول أول ما بيسمع إنه مش هايدفع حاجه في التأشيرة بيسورق والفرحه ما بتبقاش سايعاه

وبعدين بتتريقوا حضراتكم ؟؟؟؟

إيش حال هنا في باب المغتربين حكيت لكم على واحد قريبي لقيته كابس عليه وجه فجأة من غير ما يتصل بي حتى .. عشان يشتغل عامل في وزارة الدفاع بمرتب 800 ريال .. والمكتب واخد منه 15 الف جنيه نصها للمكتب ونصها للعميد اللي عمل للمجموعة أنترفيو وصرف هو حوالي 10 تاني ورق وجواز ونيله على دماغه ... وأول يوم اشتغل فيه قالوا المرتب الحقيقي هو 600 ريال لأن في 200 ريال أشتراك في المطعم وهايتخصم منك 750 ريال إقامة .. لوووووووووووووووووووووووووووووولي

أنا مش عاوز أقول تفاصيل رد فعلي ....... لكن أطلقوا لنفسكم العنان لفووووووووووق قوي من شاب أكل عليه الزمن وشرب .. ومن الأخر أدارجي .. ده أنا وأعوذ بالله من كلمة انا يعني :blink:

إزيكم بجا ؟

طبعاً نزل بعد شهرين نهائي لأنه ما أستحملش الكفر اللي هنا وكان هايموت فعلاً من طبيعة العمل

فعاوز أقول لكم إن انت لو في الوضع ده وهاتختار ناس ونصحتهم ولم يستجيبوا ... بيك من غيرك الناس دي هاتيجي هاتيجي لان ما فيش حد بيحميهم بالقوم الجبرية ..

على فكره

الحماية مش إنك تنصح بس .. لأ

ده الحماية أن تكون صاحب سُلطة وتضربهم بالكرباج وتقول له أنا بأضربك عشان إنت بتنتحر وعشان مصلحتك

لأن مهما نصحت هايقول لك إنت مالك

ويطلع الفول والدُره - زمان قوي كنت بأشوفهم في البلد لما بأسافر .. في المدارس بيعدوا بالفول والدرا بدل ما يعد على صوابعه - كالكوليتور فلاحي يعني ...

ويحسب يا معلم

1000 ريال *1.5 = 1500 ج

بالطول بالعرض أصرف 200 ريال .. يتبقى لي 800 *1.5= 1200 * 12 شهر 14400 جيني .... قول 15 مقفولين .. وعلى رأي المثل .. شيريطين على كُمي .. ولا فدانين عند أمي

بييجي هنا على ارض الواكع المرير ... ما بيحصلش نص كم أو كت حتى ... وبيتفحت زي التور اللي مربوط في ساقيه ولو الشيطان وزه وحاول يفلت من العبودية ... بيدفع أهله ثمن التأشيرة

عرفتوا أنا عاوز أقول إيه ؟

[engmido]

السمك طلع من المية يا منعم ...قصدى يا س س

هو فعلا يستاهلوا اللى يجرالهم....ولكن فعلا فى نفس الوقت فيه ناس ظروفها زفتتتتت

ولكن لما نيجى نعمل معادلة... غربة + ظروف صعبة والتزامات + مرتب ضعيف + مفيش بديل مقنع فى مصر ..لا يساوى الموافقة على هذا العرض

[se_ Elsyed]

السلام عليكم ورحمة الله وبركاته

ده اول رد ليا ف المنتدى معاكم هنا بس بصراحة الموضوع استفذنى لدرجة انى ارد

كل حد دخل قال رايه ف ان ازاى الشباب دول يوافقوا انا لو مكانهم طبعا مش هوافق بس مش يمكن ف مصر مش عارفين يشتغلوا اصلا بربع المرتب لا ومش يمكن ده اكيد عندنا المحاسب بينزل 4شهور على الاقل تدريب بياخد فيهم 250جنيه ف الشهر وبعد لما يتثبت بياخد 350جنيه يعنى ولا تنفع حتى ثمن مواصلات مش مرتب واحد ياخده ويكون منه نفسه ويصرف على نفسه وبيته

ف الحلم الوحيد اللى تقريبا عند كل الشباب ف مصر ان هما ييجوا ارض الاحلام ف اى مكان برا مصر المهم هيكسبوا من وراه وخلاص ومهما كانت 1000ريال قليلة مش هتكون اقل من اللى هياخده وهو ف مصر

مش عارفة ممكن يكون رايى غلط او مختلف مع رايكم شوية بس كل واحد بيشوف الموضوع من زاوية ولازم نعزر الشباب على الحال اللى بيوصلوا نفسهم ليه وانه يتقال عليهم بيتباعوا

يا ساره هانم

مرحباً بيكي أولاً وشدي لك كرسي وتعالى ريحنا هنا

يا فندم أحنا موجودين على خط النار وعارفين بنقول إيه

يا فندم عامل الشاي بياخد 1500

والحياة غاليه نارررررررررررر أكل وشرب وتليفونات وعلاج وهدايا والواحد نازل وظروف طارئه وخلافه

يعني بالورقة والقلم كده ..

اتفحت في مصر واشتغل بـ 350 ج زي ما حضرتك قولتي وسنة ولا أتنين أخد خبرة وأكبر

أحسن من اني أرمي نفسي في البحر

أقسم بالله لو أنا شخصياً .... وكانت مقفله من الناحيتين زي الدومينو .. لانزل أشتغل صنايعي ومش عيب .. الصنايعية بيوصل أجرتهم 50 ج في اليوم دلوقت وأكتر كمان لو عنده صنعه وماهر فيها

ما كملتش لكم بقية القصة ...

واحد من ضمن اللي عملهم أنترفيو أول ما سمع المبلغ .... تييييييييييييييييييييت .... نعتذر لقطع الكلام الخارج :blink: كرد فعل عقلاني جواني

الواد بكالوريوس تجارة وشغال على توك توك في البلد .. بيصفي له 70 ج يا جماعة في اليوم وبمزاجه ومن غير ما حد يتحكم فيه

أه نسيت اقول

لو كنت أنا كده .. وأنا صغير يعني ومعايا بكالوريوس تجارة زي مانا حالياً ... وحكمت إني أشتغل صنايعي فول وطعميه أو حلاق حتى ... وجيت أتقدم لواحده وأهلها عايروني بمهنتي .. يبقى مش هاخسر بالعكس هاكسب احترامي لنفسي .. واللي ما يحترمنيش زي ما أنا على بعضي كده إن شالله كنت زبال - بس بلاش العربية أم حمار .. كنت هاجيب عربية صغيرة والبس جوانتي وأشغل ناس معايا يشيلوا القفه - يبقى اللي ما يحترمنيش زي مانا .. يبقى ما يلزمنيش وطريقهم أخضر .. وبعدين هما لاقيين يتجوزوا أساساً :ninja:

[se_ Elsyed]

السمك طلع من المية يا منعم ...قصدى يا س س

هو فعلا يستاهلوا اللى يجرالهم....ولكن فعلا فى نفس الوقت فيه ناس ظروفها زفتتتتت

ولكن لما نيجى نعمل معادلة... غربة + ظروف صعبة والتزامات + مرتب ضعيف + مفيش بديل مقنع فى مصر ..لا يساوى الموافقة على هذا العرض

أنتي اللي فيهم يا ميدو وهارشني

عندي ليك حاجه بـ 1200 ... وسجايرك وكيفك ومزاجك علينا ..... بس إنتي أبقى راضي الرجاله .. سامعني الفاتحه بقى

[Alattar]

ده الحماية أن تكون صاحب سُلطة وتضربهم بالكرباج وتقول له أنا بأضربك عشان إنت بتنتحر وعشان مصلحتك

لأن مهما نصحت هايقول لك إنت مالك

الا دي بأه يا س س

ده مش بس انت مالك....

لأ... ده انتوا ما بتحبوش الخير للناس...

وعاوزين انتوا بس اللي تسافروا و تاخدوا فلوس...

و ايه الأنانية دي..

و جاتكوا الأرف مليتوا البلد...

مع اني سبت البلد أصلا !!!!

[se_ Elsyed]

مش كل الناس بالتأكيد عندها رفاهية الأنترنت والبحث والتطقيس ... خلينا نكون واقعيين

حتى لو عنده ... ما هو ممكن يحسبها بالطريقة الهلامية اللي قلنا عليها دي

ماشي

يبقى الحل إننا يكون عندنا قوانين محترمه تحدد حد أدني لمرتبات المصريين بالخارج ... ويتم تعميم ذلك على مكاتب العمل اللي المفروض بتوثق عقود العمل .. كذلك من فترة للتانية المسئولية وعلى رأسهم عيوشه ... تجتمع بأصحاب مكاتب السفريات

اللي فعلاً كتير منهم بقوا مكاتب نخاسه زي اللي باعوا محمود وجهاد وفقعوا عين سلامه زمان .. وتقول لهم " يا دِزم يا قديمة إنتوا مصريين وعيب عليكم لما تبيعوا وتشتروا في ولاد بلدكم عشان عمولة دراهم معدودة .. وإن كرامتك يا دزمه إنت وهو من كرامة إبن بلدك "

ده أنا مكسوف أقول إن مكاتب الخدامات في اندونيسيا والفلبين بيعملوا كده ومعلمين الخليجيين الأدب على حق ربنا ... ولو حد حاول هنا يجيب خدامه بيشوف بيمضي على كام ورقه وبيسجل إيه في سفارة بلد الخدامه .. وناقص كمان يقولوا له : تفسحها خميس وجمعه وتعشيها كافيار .. وتشترك لها في سبا أو نادي الهلال السعودي عشان البت بتحب تلعب باسكات

بعد ده كله لو حد تحايل مثلاً ومضى عقد مضروب بأكتر من المرتب الفعلي عشان يسافر وخلاص .. يبقى لو جه وأنسحل هنا كما يحدث .. وحاول يشتكي .. يبقى نفس الدزمة اللي ضربنا بيها صاحب المكتب اللي في مصر .. نضربوا إحنا بالفرده التانيه بس هنا في الخليج ... لانه فرط في حق نفسه وظلمها ظلماً عظيماً .. يبقى اللي يحضر العفريت يصرفه ونسيبه مع نفسه عشان يبقى عِبره لمن يعتبر واللي يحب الدح .. ما يقولش يا لهوي ياما أنا أتلعست وألحقوني بمرهم حريق ...

[الغريب]

والله العظيم تلاته انا لو كنت اعرف كده ماكنتش خليت الولد الفلبيني يجيبله المشروب بتاعه :unsure:

بس عموما العقد شريعة المتعاقدين

و اللي ييجي على مبلغ زي ده يستاهل اللي حيجراله

بس نرجع و نقول ماهو بكده بيبوظ على كل المصريين امكانية حصولهم على رواتب جيده

فطالما صاحب العمل السعودي بيقدر يجيب الواحد المصري بألف ريال بسلطاته ببابا غنوجه يبقى ايه اللي يخليه يجيب واحد بألفين او بخمسه؟

معاهم حق والله اصحاب الشركات

و لعنة الله على من يسمح من الحكومه المصريه بمثل هذا النوع من النخاسه

هي دي الخلاصة .. العقد شريعة المتعاقدين

وعلى فكرة ياباشا محدش يوجه اللوم للحكومة لأنك أصلا لما بتييجي تعمل إجرائاتك في مصر بتقدم عقد العمل للخارجية علشان توثقه فهما بيلاقوا في العقد الوظيفة سائق ولا فراش فمبيقولوش حاجة

المشكلة فعلا أن الناس دي بيأثرو بالسلب على وضع المصريين بالخليج لأنك لما تييجي تتكلم مع إدارتك بخصوص زيادة راتب يقولك أنا أقدر أفكك بخمساشر واحد من مصر براتبك والخمساشر دوول أكيد هييجيبو نفس الكوالتي بتاع شغلك

وطبعا لما نييجي نقول الكلام ده لحد هنا جاي الخليج على الرواتب دي يقولك الناس المغتربين دوول كلهم أناننين ومبيحبوش الخير غير لنفسيهم

بس بصراحة المشكلة فعلا يا جماعة أن الناس دي في أعماق الريف المصري ملهمش أي عمل فبالتالي بيقولك بدل ما أسافر أشتغل في القاهرة أسافر السعودية وأهي غربة بغربة وكفاية أني هحج ببلاش

يبقى فين العيب هنا هل العيب في الحكومة أنها مبتشجعش الشباب بتوع الأرياف دوول على تحسين وضعهم بمشاريع كويسة، ولا العيب في الإعلام اللي صورلهم مصر زي الكابوس اللي لازم يهربوا منه ، ولا العيب في المغتربين أمثالنا اللي فيه منهم ناس لما بتصدق تهرب من مصر وتنسى أن وراها مسؤولية تجاه الشباب دوول في مصر

شكرا

تم تعديل 11 يوليو 2010 بواسطة الغريب

[herohero]

ماقولنا ياعم سي السيد محصلة بعضها

شوف هم مخطئين ومش مخطئين الناس ده طفشانه فاهم يعني ايه طفشانه بمعنى ماتحتوية الكلمة من قرف ع زهق ع تركيبة حاجات كده توصل الانسان لاي شيئ يعمله

ماهو الشباب ده اما تيجي السعوديه بمرتبات بسيطة او ترمي نفسها ف البحر وف كلا الحالتين انتحار وف كلا الحالتين بترمي نفسك ف البحر وانت مابتعرفش تعوم

الخلاصة يا سي السيد صورة ورديه اترسمت ف عيون الشباب وخاصه من اهالي الاقاليم وانا مستغرب ان الصورة مازالت مستمرة لان بجد ف فرص ممتازة والواحد غير محظوظ اوغير مناسب سميها زي ماتسميها لكن ف اماكن كتير ف مصر بمرتبات ومستقبل ممتاز

لكن مازالت الصورة بتاعت اللي سافر ورجع بالمروحة والريكوردر لكن هل الناس ده ادامها شيئ

بعد مذاكرة الثانوية العامة اللي طالعه نتيجتها من شوية تقوله تبقى صنايعي ماهو قولنا الحكاية مش فارقة ومحصلة بعضها

الحكاية محتاجه تغيير ف ثقافة المجتمع ولا السعودي ولا غيره غلطانين ياسيدي هو عاوز حد اي حاجه يمشي الشغل وخلاص او يحس انه أني 10 افراد ويحس انه مدير

سيدي لا تلوم هؤلاء الشباب فهم ما بين مطرقة الظروف وسندان الاستغلال

اما اخونا المصري فيمكن الومه لكنه اكيد ماغصبش الناس ع شيئ برده بل يمكن لوقال كلامك هيزعلوا منه

انا عشان عملي بحب كل واحد يجرب ويخوضالتجربة ويكتوي بنار فشلها او لذة نجاحها

اما عن تاثير هذا ع مستوى رواتب المصريين فلاتقلق سيدي الناس بتبص ع برامج التوك شو فبتقولك مصر كلها معتصمة وفقرانه فعادي الصورة واصلة كويس قووووي

وافلام خالد يوسف زي قلعني شكرا وكلمني وشربني واكلني شكرا يعني كل سلسلة " شكرا " كفيلة بانها تحدد الكثير بصراحه عداهم العيب رفعوا راسنا بجد

شوفت ياسي السيد مش قولت لك ف الثانوية العامية مش فارقة

وتمنياتي بالتوفيق للجميع

[MZohairy]

والله العظيم تلاته انا لو كنت اعرف كده ماكنتش خليت الولد الفلبيني يجيبله المشروب بتاعه :unsure:

بس عموما العقد شريعة المتعاقدين

و اللي ييجي على مبلغ زي ده يستاهل اللي حيجراله

بس نرجع و نقول ماهو بكده بيبوظ على كل المصريين امكانية حصولهم على رواتب جيده

فطالما صاحب العمل السعودي بيقدر يجيب الواحد المصري بألف ريال بسلطاته ببابا غنوجه يبقى ايه اللي يخليه يجيب واحد بألفين او بخمسه؟

معاهم حق والله اصحاب الشركات

و لعنة الله على من يسمح من الحكومه المصريه بمثل هذا النوع من النخاسه

هي دي الخلاصة .. العقد شريعة المتعاقدين

وعلى فكرة ياباشا محدش يوجه اللوم للحكومة لأنك أصلا لما بتييجي تعمل إجرائاتك في مصر بتقدم عقد العمل للخارجية علشان توثقه فهما بيلاقوا في العقد الوظيفة سائق ولا فراش فمبيقولوش حاجة

المشكلة فعلا أن الناس دي بيأثرو بالسلب على وضع المصريين بالخليج لأنك لما تييجي تتكلم مع إدارتك بخصوص زيادة راتب يقولك أنا أقدر أفكك بخمساشر واحد من مصر براتبك والخمساشر دوول أكيد هييجيبو نفس الكوالتي بتاع شغلك

وطبعا لما نييجي نقول الكلام ده لحد هنا جاي الخليج على الرواتب دي يقولك الناس المغتربين دوول كلهم أناننين ومبيحبوش الخير غير لنفسيهم

بس بصراحة المشكلة فعلا يا جماعة أن الناس دي في أعماق الريف المصري ملهمش أي عمل فبالتالي بيقولك بدل ما أسافر أشتغل في القاهرة أسافر السعودية وأهي غربة بغربة وكفاية أني هحج ببلاش

يبقى فين العيب هنا هل العيب في الحكومة أنها مبتشجعش الشباب بتوع الأرياف دوول على تحسين وضعهم بمشاريع كويسة، ولا العيب في الإعلام اللي صورلهم مصر زي الكابوس اللي لازم يهربوا منه ، ولا العيب في المغتربين أمثالنا اللي فيه منهم ناس لما بتصدق تهرب من مصر وتنسى أن وراها مسؤولية تجاه الشباب دوول في مصر

شكرا

ياعم الغريب الموضوع سهل جدا

كل الموضوع ان الست الوزيره بتاعة الخادمات دي مش فاكر اسمها ايه عبد الهادي تعمل قوانين او شروط لكل مهنه بأن لا يقل الراتب فيها عن كذا

و بكده نكون وضعنا حد ادنى لا يمكن النزول عنه لكل المهن لكل المصريين

و طبعا مفروض يكون فيه اجهزه رقابيه لتفعيل الكلام ده

اذكر و انا في مسقط كنا بنستقدم شغاله سيريلانكيه و فوجئت ان المكتب بيقوللي ان الحكومه السيرلانكيه عملت اتفاق مع حكومة السلطنه بأن الشغاله لا يقل دخلها عن 100 او 120 ريال حكومة الفلبين عملتهم 160 ريال (الريال العماني بعشره ريال سعودي)

ايه المانع ان بنت عبد الهادي تعمل الكلام ده؟

بلا خوته و حرقة دم يا أخي

[hOuSsAm]

السلام عليكم ورحمة الله وبركاته

ده اول رد ليا ف المنتدى معاكم هنا بس بصراحة الموضوع استفذنى لدرجة انى ارد

كل حد دخل قال رايه ف ان ازاى الشباب دول يوافقوا انا لو مكانهم طبعا مش هوافق بس مش يمكن ف مصر مش عارفين يشتغلوا اصلا بربع المرتب لا ومش يمكن ده اكيد عندنا المحاسب بينزل 4شهور على الاقل تدريب بياخد فيهم 250جنيه ف الشهر وبعد لما يتثبت بياخد 350جنيه يعنى ولا تنفع حتى ثمن مواصلات مش مرتب واحد ياخده ويكون منه نفسه ويصرف على نفسه وبيته

ف الحلم الوحيد اللى تقريبا عند كل الشباب ف مصر ان هما ييجوا ارض الاحلام ف اى مكان برا مصر المهم هيكسبوا من وراه وخلاص ومهما كانت 1000ريال قليلة مش هتكون اقل من اللى هياخده وهو ف مصر

مش عارفة ممكن يكون رايى غلط او مختلف مع رايكم شوية بس كل واحد بيشوف الموضوع من زاوية ولازم نعزر الشباب على الحال اللى بيوصلوا نفسهم ليه وانه يتقال عليهم بيتباعوا

يا استاذة العيال دى بتكبر دماغها وعايزة تغمس الايس كريم بالعيش من اول يوم

كلامك مش واقعى بالمرة وانا هقولك ليه ومش مقبول

انا اتخرجت من كلية التجارة جامعة المنصورة 2006

وانا من عمق الاقاليم والفلاحين اللى بتقولوا عليهم دول

واكمنياتى محدودة جدا ............ يمكن اقل من ناس كتيرة معايا فى الدفعة ........... تقديرى تقدير عادى

المهم انا خلصت امتحانات فى شهر مايو 2006 كنت 15 يونيو بتدرب فى شركة من اكبر شركات الشرق الاوسط فى مجالها

فى ديسمبر كنت متعين فى شركة تانية تعتبر من اكبر الشركات فى الدلتا والاسكندرية بمرتب 600 جنيه

بعدها بسنة اشتغلت فى القاهرة ب 1200 جنيه وكنت قاعد فى شقة فى المعادى تبع الشركة

بعدها بشهرين سافرت السعودية

مع العلم ان اغلب سنوات الدراسة كنت بشتغل فى الاجازة لاما فى شغل متواضع لاما فى اعمال تطوعية ........... فقطكنت عايزاتعلم الحياة ماشية ازاى

انا مش عاريز اقولك كام شركة فى اليوم كانت بتكلمنى عشان تعمل معايا انترفيو (وكل ده وانا مش متميز انسان عادى جدا زى كل الفلاحين اللى طالعين من الكفور والنجوع اللى بتقولوا عليها)

ووصلت بيا الدرجة انى كنت بتنك عليهم لانى مش لاقيلهم وقت

الشغل فى مصر متلقح يا ناس

انا يناس زى ولاد التييييييت اللى بيطلعوا على الف ريال دول (من نفس الاماكن)

بس الحمد لله كان عندى طموح ومش برضى بالقليل

حسبى الله ونعم الوكيل فيهم اللى بيطلعوا عالمرتبات دى وبيبوظوا سمعتنا فى الخليج

ولا الوم على اى واحد سعودى محترم عايز يعمل توفير اقتصادى ينزل يجيب شوية عبيد من سوق مكاتب السفريات (اسف اقصد مكاتب النخاسة)

حسبى الله ونعم الوكيل والحكومة ملهاش ذنب......... واسمعونى لو الحكومة عملت اى اجراء من اللى انتوا عايزينه الناس هتقوم عليها وهيقولوا مش عايزين يسفرونا

[Howayda Ismail]

المشكلة لها اكتر من اتجاه اولا دور الحكومة المتمثلة فى عائشة عبد الهادى التى ارتضت الهوان لالاف المصريين العاملين

فى الخارج بموافقتها على عقود عمل رسمية بأجور متدنية و شروط مجحفة تنتقص من كرامة العامل المصرى وبعد سفر المصرى

وحدوث مشاكل فى جهة عمله تنفض يدها كليا من الموضوع ولاتتحرك الابعد فضح الاعلام لهم واثارة الرأى العام واكبر دليل على

كده العشرات ويمكن المئات المحبوسين فى السجون الليبية بقضايا مختلفة لا السفارة ولا الوزيرة بيسألوا فيهم.

شئ اخر انها تترك المصرى ضحية للكفيل الخليجى وللعمولات من قبل بعض المصريين ضعاف النفوس .

من جهة اخرى ان معظم الشباب اليومين دول اصبح حلمه الوحيد السفر بغض النظر عن الراتب او الظروف المعيشية

المتوفرة بحجة ان البلد مافيهاش شغل ممكن تكون الخصخصة والغاء مكاتب تعيين القوى العاملة ساهموا بنصيب كبير

فى اللى بيحصل لكن مجالات الاستثمار فى البلد كثيرة منها الاسماعلية والعاشر واكتوبر وبورسعيد والسويس

والاسكندرية التى بها اكتر من 60% من الصناعات فى مصر فى برج العرب والمنطقة الحرة ومناطق كثيرة والله بها نقص

كبير فى العمالة وبمرتبات اكتر من معقولة مع وجود اقامة للمغتربين وفعلا ياتى اليها كتير من المحافظات المجاورة

لكن معظم الشباب دلوقت ياوظيفة جنب بيته يااما السفر رغم مرتبه هنا ممكن يكون اعلى من مرتب الدولة اللى رايحلها

بالأمس فقط شاب من اسكندرية مضى عقد ب4 الاف جنيه فى احدى محافظات الصعيد واخر كان يعمل فى نفس المكان

بمرتب 7 الاف معنى الكلام ده ان فى فرص عمل كويسة من غير واسطة المهم الكفاءة والخبرة وده غير متوفر لدى

الكثيرين واكثر شباب الريف لم تتوفر له التدريبات الازمة لتأهيله وفرص العمل قليلة مقارنة بالمدن

و للاسف هنا بيستنوا الوظيفة تيجيلهم لكن لو دور حيلاقى بدل الهجرة الغير شرعية او بهدلتهم فى دول الخليج.

الحكومة شالت اديها من الموضوع ومافيش منها فايدة واللى يقدر من المغتربين يوضح للقادم مزايا وعيوب الوظيفة

المستقدم اليها جازاه الله خير لان فى ناس من هنا اتعرضت لعمليات نصب كتير ومن مصريين زيهم .

[se_ Elsyed]

نلف وندور ونعيد ونزيد ونأكد على إن " زوجه واحده لا تكفي .. قصدي المؤهل وحده لا يكفي "

تخيلوا منظر شاب لسه مخلص ثانوي ويادوب خلع الحلق اللي في ودنه زي محسب في فيلم صراع إن ذا ريفر نايل .. وفي أول يوم محاضرة ومنبهر بقى بشكل عربية الكبدة في الكلية وبالمدرجات الرومانية والبنات اللي كان محروم منهم في أيام أعدادي وثانوي العجاف فجأة بقوا حقيقة مجسمه ... ما علينا ... ما علينا

وفي أول يوم يدخل دكتور محاسبة هو نار على علم ( مش عارف عايش ولا لأ دلوقت ) .. إسمه عباس حجازي ... أمبراطور بصراحه .. واول كلمة ينطق بها هي إنه يقول لنا : إن دفعتنا في كلية تجارة عين شمس حوالي 5 الاف في عين العدو ... فلما تاخد بكالوريوس وتدور على شغل وتيجي شركة من شركاتي أو مكتب محاسبة من المكاتب بتاعتي العديدة .. إيه اللي يخليني يا معفن - مش أنا والله - إيه اللي يخليني أشغلك عندي ؟

واخد بكالوريوس تجارة ؟

يا فرحة ماما بيك ... طب ما هو 5 الاف زيك خدوه السنة دي ... وفي زيهم في جامعة القاهرة ... وفي قدهم 100 مره قاعدين في غزرة أم مجدي اللي تحت كوبري الملك الصالح بيضربوا زغاريف وبيشموا كُله.... ؟

قلت إيه الأحباط ده ... يعني حتى يا ربي مش هالاقي لي مكان في الغرزة أو جوزه فاضية حتى ؟ طب أولع حتة فحم واحطها في قفايا لحد ما أبقى جثة متفحمه ؟

فالراجل فوقنا بصراحة وقال .. من الأخر كده . إذا لم يكن لديك مقومات تميزك عن الأخرين . .. يبقى أقعد في بيتكم لحد ما تموت يا معفن ...

وأنا عشان مش عاوز أبقى معفن .. كنت بأشتغل وأنا طالب .. مع إني مش محتاج ولا أهلي قصروا معايا في حاجه .. ومع ذلك أشتغلت في أثناء الدراسة ومسكت فلوس ودخلت كورسات لغة أنجليزية بالجامعة الأمريكية عشان أتقوى زيادة وأبقى محترم ... وكورسات كمبيوتر أيام ما كان الـ بنتيوم 286 زي السيرفر اليومين دول :unsure: ... ولان الله لا يُضيع أجر من أحسن عملاً .. أول أنترفيو أروحه كان شركتنا الحالية دي وأشتغلت فيها في مصر لعدة أيام فقط وأحتاجوني هنا في مقر الشركة الأم بالسعودية ....

لا واسطه ولا كرت من رقاصه ولا لاعب كره حتى

لكن أتحدى حد يقول اني بأشتغل كمبيوتر كويس .. أو أستحملت الذل والشقى وأتدربت عند حازم حسن اللي بيدي 150 ج للمتدرب لمدة سنة يعني ما يكفوش أجرة التوك توك رايح جاي .... وأشتغلت على برامج محاسبية كويسة ... وأنا حريف نت وبدل ما اعمل شات مع بنات وأصبغ شعري أزرق وأعيش في درو إبراهيم سعيد وأشتغلهم واقول لهم دادي ومامي واكلمهم عن الشالية بتاعنا اللي في مارينا .. لأ أنا دخلت جبت مجموعة كبيرة من المصطلحات المحاسبية وحفظتها ... وكمان نزلت دروس من على اليوتيوب عن معالجة مشكلات محاسبية واقعية .... وقدمت في مجلس الوزرا على الدورات اللي بتتعمل وتكاد تكون مجانية وتعبت شويه وصرفت واستحملت سنة وإتنين وبقيت واقف على ارضية صلبة ...

اتحدى واحد زي ده ييجي ويقول والله كل ما أروح شركة يرفضوني لأني ما معييش واسطه او مالقيتش شغل مناسب أو كل اللي لقيته كان بـ 350 ج

على فكرة .... أنا قابلت محاسبين من أمهات 1000 دول ...

بالمناسبة أنا ما أشتغلتش محاسبة وزهيري لما بيقعد يكلمني بحب وشغف عن قوايم الدخل ودفتر الأستاذ بأفتكره بيتكلم عن حد من قرايبه بيحترمه ويقول عليه أستاذ يعني تبجيلاً وكده ... بالرغم من أن تخصصي محاسبه .. لكن كل شغلي كان في إدارة الأعمال ... حد زقني في المجال ده وسابني ... لكن لما باتكلم مع حبايبنا دول .. بأقول فعلاً الكليات ياما بتخرج .. واسلق يا عم الحج ...

لسه طازه مقابل واحد منهم ... واحد معرفه - سودا - باعتهولي و جاي عاوز يتشغل محاسب وقلت له أشوف إقامتك .. لقيت المهنة " مُقدم قهوة " قهوجي يعني .. وفعلاً جاي على قهوة والراجل هايديله تنازل ....

قلت مش إشكال ... دلق القهوة خير وأهم حاجه يبقى كويس والواحد يبقى له وش يدعمه ويبقى واد سكر زياده وما يفورش دمنا ويثبت إنه مش كنكه وخلاص وإلا هادلقه ..

لقيته بقى

انجليزي .... أبيض يا فُل وكان قاعد أمبارح زي رجل البنطلون .. وشكله ما سمعش عن اللغة الحية دي أساساً

محاسبة .... أي واحد حافظ جدول الضرب أحسن منه وبرقبته .. وأنا ياللي ما أشتغلتش في الكار أهو بس على الأقل ما ينضحكش عليه يعني في الكلام المحاسبي اللي بدون تفاصيل صغيرة مش لازم أعرفها لأني عديت البراميل وما بقتش محتاج الحاجات دي

يبقى إيه بقى اللي يخليني أشغله محاسب وبراتب متوسط حتى ؟

مش عاوز أقول إننا نحكم على الناس دي بالاعدام أو نعصرهم ينزلوا محاسبين صغيرين ... لأ

لكن مش كل حاجه نلوم الظروف وعيشه وأم الخير والعيشه واللي عايشينها

اعمل اللي عليك يا حبيبي ولما تتسد قدامك الطُرق أبقى اقبل بقى العروض الهزيلة دي إن شالله تيجي تشتغل بلقمتك ما حدش هايلومك ...

[ابو محمد بن مصطفي]

فعلا يا استاذ سي السيد مابعد المؤهل اهم بكتير من المؤهل نفسه

ورد عليا خريجي جامعة امريكية محاسبة مش عارف يقرأ كشف حساب البنك ......

اخوك علي طول يثبته واقوله خلي الموقف ده في دماغك لما تكبر وتبقي محاسب كبير

تطوير الشخص لنفسه في مجال عمله هو ده الاساس ..... دورات تدريبيه - شهادات مهنية - كمبيوتر - لغات

رضي الشخص بالعمل هو الحافز لتطوير نفسه .....

اما اللي بيشتغل لغاية ما تفرج يلاقي العمر بيجري وهو لا طال بلح الشام ولا عنب اليمن ولا حتي صوابع زينب

في ناس معاهم مؤهلات عليا وشغالة بعقود في الحكومة بمبالغ تقطع الكبد عند سماعها 450 جنية وبقاله 10 سنين

وكل ده من اجل عيون التعيين والتثبيت في الحكومة والمصالح الحكومية فيها من اليعينات ده زي الهم ع القلب

وللاسف معظمهم من الريف او المحافظات وبيشتغلوا اعمال مفيهاش خبرة ولا يحزنون بس فيها يبكون

[the consultant]

معرفش اللي حاقولة ده صح و لا غلط بس اهو فكر :

كلنا عارفين إن صوابعك مش زي بعضها و ربنا خلقنا بقدرات مختلفة و دي من نعم ربنا علينا و على فكرة لو كل المحاسبين بقى معاهم 4 لغات حية و اتنين ميتين و خدو زمالة جامعة شهبندر البلجيكية و ماسترز و كيت كات و بقو فطاحل يبقى محدش حيلاقي الشغل ابو مرتب كويس .... الناس مش زي بعض.....

يعني مثلا حالنا احنا (خريجين حقوق) متوافق نوعا ما مع المحاسبين فاللي بيحصل كالاتي الكلية بتخرج يمكن 3000 أو 4000 (انا بتكلم عن جامعة واحدة ) مثلا منهم نقول 300 أو 400 بيروحو على النيابات بانواعها (عامة و ادارية و مجلس دولة و قضايا الدولة و عسكرية) و الباقي ربعهم بنات في الغالب بيعدوا في البيت أو بيحاولو ينزلو المحكمة و بيقرروا التخلي عن الفكرة نهائيا بعد 3 أيام من التعامل مع موظفي الجنح أو حتى المدني.... و ربع تاني يعني حسبة 1500 مثلا بيقرروا مايشتغلوش في المجال يعني انا دفعتي فيها ناس دلوقتي ما شاء الله مهندسين (مصمم جرافيكس ) و في ناس سلكت مسلك ال (HR) بدعوى انه فاهم قانون عمل و انها فيها شق قانوني و طبعا الباقي مبيعات ، ده غير اللي بيزهق من كتر السوط و بيهاجر اي بلد.

نيجي بقى عند المتشبسين بالمحاماة ، برده منهم 75 % ماسك ليلة الجنايات و متأثر بأحمد زكي و معظمهم برضة بيتراجع لقلة الفلوس ..............طيب ححكيلكو على حاجة مرة و انا في سنة تانية قررت اتمرن عند محامي في الصيف (طبعا من غير فلوس) اول جملة الهالي " مهنتنا جميلة جدا و شيقة بس مشكلتنا انك لازم تتعبلك حسبة 11 سنة كدة عشان تبدأ تدخل فلوس"......................................!!!!!!

المهم قليلون هم الراغبين في تمييز نفسهم في الكلية (من اصحاب النفس الطويل) اصل عشان تعمل دراسات عليا في القانون دي كارثة و خصوصا لو في اسكندرية (نسبة النجاح غالبا تكون 3%)

المهم من دول كمان تلاقي بردة ناس عايزة تاخد اي حاجة و خلاص يعني مثلا واحد رايح ياخد دبلومة قانون إداري طيب حاتعمل بيها ايه يابني يقولك اصل انا كنت شاطر فيه في الكلية (يافرحتي) :unsure: يابني السوق محتاج قانون خاص (يعني تجاري , مدني و ما الى ذلك ........) مفيش ،

تلاقي واحد رابع رايح ياخد لغة (صيني) لا اله الا الله طيب الانجليزي ايه اخباره (ضايع) . المهم كل دول في الاخر يا بيزهؤا برضة و يغيروا الكارير يا بيشتغلو في الشئون القانونية لاي شركة و بيبقوا مديين اكتر على شئون موظفين ........!!

النتيجة ان خريجي حقوق (من اللي شغالين بيها) من نفس الدفعة و دخل احدهم 150 جنيه بدل تدريب أو فتح مكتب و هو و رزقة و أخر 2500/3000 نيابة (حسب اخر معلوماتي) 1000 جنيه (شئون قانونية في شركة عادية) أو محامي في مكتب كويس 1500 جنيه أو 8000 جنيه شئون قانونية في احد شركات المالتيناشيونال المتوسطة بالقاهرة و اخر 30000 جنيه في احد شركات المالتيناشونال بالقاهرة ، وهناك من يصل راتبة الى 50/70 الف درهم باحد الشركات بالامارات.

الخلاصة ان الناس لا يمكن ان تقاس بمقياس واحد ، كل واحد له نظرة و تفكير و لو كل ال خمس الاف اللي متخرجين من الكلية خدو ماجستير و دكتوراه مكنش حيبقى فيه تميز لحد و لولا اختلاف السلع لبارت الاسواق.

[Howayda Ismail]

استاذ the consultant

كان لازم تفكرنى دلوقت بحقوق اسكندرية ابنى لسة فى سنة اولى ومن اول محاضرة اتقالوهم بالنص من دكتور

معين معقد ابقوا تعالوا قابلونى لو حد عدى من المادة دى السنة دى والنتيجة ان ابنى ماصدق وطبعا طلع بها

وكره اصلا الدراسة فيها وحب يحول اول السنة كلية تانية لكن ابوه رفض وفى النهاية مادخلش الامتحان التيرم التانى

وطبعا التحق بوظيفة بمرتب فى حدود 1000جنيه شهريا وهو مقتنع دلوقت لو كمل فى الكلية دى او غيرها

مش حياخد المرتب ده لكن احنا مصريين انه يكمل تعليمه ونظرته ان البلد بلد فلوس مش شهادات ياترى احنا اللى صح ولا هو

وخصوصا انه شايف ناس خرجين حقوق ومؤهلات عليا بيشتغلوا معاه والمؤهل مرمى فى البيت على حد قولهم