الاعضاء و كندا و اى كلام فى البطيخ

[the doors]

اولا احب اقول ان 90 فى المائة الكلام غلط -كله غلط - وان ايضا 90 من الاعضاء الى بيكتبوا عن كندا هم اصلا فاشلوا او لم يفعلوا الكثير ليتقدموا فى كندا

المقدمه

انى بقالى فى كندا سنه و ربع و الحمد لله انا وزوجتى استقرانا - فعندى شقة ملكى واشتغلت بعد عزاب و زوجتى اشتغلت وفى نفس مجالتان انا محاسب و هى فى مجال الشحن والتصدير

كندا

1- حكاية ان الجبن مش حلل - ده كله كلام فى الهجيس - و75 من الجبن حلال - لخلوه من مشتقات الخنزير - وطبعا انى لا اريد ان افتى ولكن ان متاكد والله اعلم

2- كندا البرد فيه فظيع - وفعلا الحياة فى الشتاء صعبة

3- فعلا الشغل هنا صعب - بس ممكن و الحمد لله

4- لكل مجتهد نصيب

الاعضاء و الفشل التام

1- عضو من الاعضاء قال ان اشتريت بيت فى مالتون و حتى اليوم بشوفوا بيصلى فى مسيساجا و الغريب ان بيقول ان شغال فى تورنتو - الغريب و الواضح لى ان الكلام مش راكب خالص يعنى هو ولا شغال فى تورنتو ولا هو اشترى بيت فى مالتون

2- عضو تانى بيقول انه بقالوا 5 سنين فى كندا وبعد كله ده اشترى بيت فى مدينة تبعد عن تورنتو لا يقل عن ساعة ونصف سواقة وايام الزحمة ممكن 3 ساعات او اكتر - سوال تفتكر ده حقق نجاح فى تجربته فى كندا - و تفتكر ان ممكن تاخد منه نصيحه لتبنى حياتك

3- عضو قديم كان بيقول ان بيصرف فى الشهر 4000 دولار و ان ميزانية المهاجر الجديد 4000 دولار - انا حتى اليوم بالمورتج ما اعتقدش انى وصلت للمبلغ ده

4- عضو تانى مهتم بالشراء و احدث المشتريات فمره عضوه كتبت ان لقت جونتى ب 40 دولار فى سيلرز - فقالها ده رخيص قوى - طبعا ده حوار يدل على نقص شديد و جهل بالحياه هنا - اولا سيلرز ده محل حقير انا نادرا اما بدخل لشترى منه حاجة - تانى حاجة اما حشترى جونتى محترم مش حشترى من المحل التعبان ده

و الغريب ان 40 دولار فى كندا هنا كتير جدا - انا عاوز اقول حاجة المحفظة " التومى" ب 30 دولار وجلد !!!!!!!!!!!!!!!!!! - يبقى جونتى فى محل حقير زى سيلرز حيبقى ب 40 دولار و التانى يرد يقول رخيص يبقى هو ما يعرفش حاجة فى كندا - لان الحاجات النضيفة بتشترى من محلات اخرى .

الساده الاعضاء اهو هو الهدف من الكلام ده

ان السيد ده ممكن يكون باب فشل للمهاجرين الجدد - وان الانسان يجب ان يجتهد ان يصل الى هدفه - و بعدان ان نفسى اعرف هم ليه الاعضاء الى هنا بيكدبوا عشان يحسوا بنفسهم بتشجيع الاخيرين

[KhaledElshaer]

اتفق معاك 100%

تسلم ايدك

[Alrefaey]

هو فيه ايه

اتقى الله يا اخى فى كلامك وابعد عن الشخصنة الغير مقبولة دى

اذا كنت تراهم فاشلين وكاذبين من وجهة نظرك فهذا شىء يخصك وحدك واحتفظ به لنفسك من تتحدث عنهم هم اعضاء افاضل وناجحين وتشرفت بمقابلة بعضهم فى كندا وهم والحمد لله فى خير ونعمة ومستقرين وربنا يذيدهم فضل وثواب عما بذلوا من مجهود لمنفعة اخوانهم

وما ادرى ما هو الهدف من موضوعك تريد ان تبرز وجهة نظرك او تجربتك التى تراها ناجحة فليكن لك ما تحب ولكن بعيد عن شخصنة الاخرين

[KhaledElshaer]

يا جماعة الخير

فعلا أنا متفق مع The Doors في معظم النقاط اللي ذكرها بغض النظر عن الاسلوب الهجومي

ولكن لا يجب اجحاف الاعضاء حقهم فقد بذلوا مجهود رائع في سرد تجاربهم الشخصية التي لا يمكن تعميمها.

في من الأعداء اللي بيفتي وخلاص وفي منهم فعلا يكتبون عن دراية كاملة.

وفي الاخر لا يجب ان ننسى ان الهدف واحد وهو افادة بعضنا بما يتوفر من معلومات.

وكل سنة وأنتم طيبين.

[eurostar]

اولا اسلوبك فى الكتابة فى حاجة غلط

ثانيا اتقى الله ولا تهاجم احد لانهم ناس محترمة وكل واحد عرض تجربتة لكى نستفيد وجزاهم الله خير

ثالثا أعرض تجربتك كده علشان نشوف قصة النجاححححححححححح بتاعة حضرتك

[Pharmaher]

مع اعتراضي الشديد على الاسلوب و الطريقة و المحتوى

انا وصلت كندا من اسبوع و الحق يقال ان اكتر من 95% من الكلام اللي قريته من تحارب الاعضاء كان صحيح

ولا احكم هنا على الانطباعات و الاراء الشخصية لأن كل واحد مننا وله نظرته و تقييمه للمواضيع و الظروف

لكن الناس فعلا وصفت التفاصيل بشفافية و وضوح و دقة

ولا يهمني ابدا ان اعرف ان فلان اشترى في ميلتون و ساكن في تورونتو او لا ولا يعنيني اذا كان الكلام صحيح او لا

اللي يهمني انه لما وصف حاجات كتيرة كان صادق فيها و عشت معاه التجربة قبل ما اوصل لها على ارض الواقع

ودي حاجة وفرت عليا وقت و جهد و اتوقع اي واحد مننا دخل المنتدى استفاد بشكل او بأخر من تجارب الاعضاء السابقين

ودي فرصة اشكرهم كلهم بدون استثناء و ربنا يجزيهم خير عننا

انما ممكن اعرف حضرتك كتبت لنا ايه في المنتدى علشان نستفيد من تجربتك الشخصية ؟ ولا مجرد اتهام الناس يعد افادة من وجهة نظرك

تم تعديل 11 يوليو 2010 بواسطة Pharmaher

[Lendo]

مع احترامي لحضرتك و احترامي لجموع المشاركين من المؤكد مليون في المية ان مش كل الكلام صحيح 100% علي صعيد الحياة الفردية لكنة كلام مفيد علي صعيد التجربة العامة يعني مش هيهمني انة اشتري فين ولا بيشتغل ولا لا لكن في اساسيات بناخدها و بنفيد بيها بعض علي الاقل و كل الناس عارفين انهم مسافرين علي بلد قد تكون تجربة ناجحة و قد تكون فاشلة غير موفقة كلة بتاع ربك مع كتير من العزم و التصميم و الجهد .

كلمة اخيرة لحضرتك ياريت بدل النقد السلبي يبقي هادف و لك الشكر الجزيل لك و لجميع الاعضاء الموقرين

[Alshiekh]

الفاضل / the doors

برجاء الابتعاد عن الشخصنة واختيار الفاظ تليق بالتحاور مع اعضاء المنتدى المحترمين.

لو احببت ان تسرد تجربتك ؛ فأهلا وسهلا بشرط عدم اتهام الآخرين او وصفهم بما لاتحب ان يصفوك به.

سيتم غلق الموضوع تمهيدا لحذفه.

شكرا لتفهمكم ونرجو تعاونكم