فيلم ......... و الف معنى

[مغتربة]

ساعات بنشوف فيلم و بعديها بنتحسر على تمن التذكره الى دفعناها علشان ندخله و على الوقت الى ضيعناه فى الفرجه عليه

و ساعات بيعجبنا الفيلم و نقيمه تقيم عالى من حيث القصه او الاخراج او التمثيل او ....او ..........او

لكن ساعات فيه افلام ممكن متكنش من نفس درجه الجوده او الشهره او اى حاجه

لكن بنحس انها بتخلق جوانا اسئله كتيره او بتخدنا للتفكر فى مناطق بعيده او بطريقه تفكير مش متعودين عليها من قبل كده

افلام بتثير جواك شهيه الملاحظه و التفكير و ربما الدهشه

عن الافلام دى التوبك دا معمول و كلنا هنشترك فيه

مش انا بس

يعنى اى فيلم اثر فيك بشكل معين فكرته او اثار عندك ملاحظات معينه او تسبب فى شكل من اشكال الانطباع

احكى لنا عنه هنا

ايه الى حرك جواك حاجه و خلى الفلم دا معلم معاك

ايه الاسئله الى لقيت نفسك بتسالها لنفسك و انت بتتفرج على الفيلم

اى التاملات الى نكشها الفيلم دا فى داخلك و ليه

التركيز فى التوبيك دا مش على التقنيات بتاعت الفيلم و انما عن الفكره الى بيقدمها

انا هكتب و هستناكم انتم كمان تكتبوا

تحياتى

تم تعديل 12 يوليو 2010 بواسطة مغتربة

[مغتربة]

اول فيلم هتكلم عليه هو الفيلم دا

الفيم بيحكى باختصار عن اختيين شقيقتين بيدخل فى حياتهم شخص واحد

و مش اى شخص

لا دا ملك انجلترا نفسه

و الصراع الحقيقى بيحصل لما بيفضل واحده منهم على الاخرى

و ازاى الاخرى دى هتحارب و ببساله علشان تسترجعه تانى

الفيلم بيخلق الف سؤال و سؤال عن ازاى ممكن الاخوه تنقلب لعداوه و الحب بين الاخوه يتحول لغيره لمجرد التنافس للظفر بشخص بيمثل كل السلطه و القوه فى بلده

كل لمحه فى الفيلم بتتكلم عن سطوه السلطه

عن ازاى ممكن الانسان فى سبيل تحقيق اطماعه انه يتخلى عن كل القيم و المبادىء و يدوس عليها علشان يوصل لهدفه

من غير ما يتعظ بنهايه كل الى سبقوه فى الطريق دا و انه ممكن غروره يصور له انه الاذكى و الادهى منهم جميعا و انه هيعرف ازاى يجنب نفسه الى وصلوله

لكن طبعا النتيجه فى الاخر معروفه

ازاى ممكن رغبات الانسان تتحكم فيه الى المدى الى ممكن يخليه يغامر بكل ما يملك فى سبيل ان يملك شيىء يريده بشده

ثم بعد ان يملكه يزهد فيه الى الحد الى يجعله يسارع فى التخلص منه

الفيلم قصه حقيقيه عن الملك الاسطوره هنرى الثامن

و سرد لقصه حياته

و ازاى و لمجر\ رغبته فى الاقتران بان بولين انشق عن الكنيسه الكاثوليكيه و غير مذهب بلد بحاله حتى يستطيع ان يتخلص بسهوله من زواجه القائم و يستطيع ان يتزوج بان

و اسس لنفسه مذهب و عين نفسه رئيس عل الكنيسه حتى لا يقع تحت رحمه اى سلطه دينيه مره اخرى

ما الذى اسره الى هذا الحد و جعله يقوم بهذا العمل الخطير و المغامره الغير محسوبه التى كان من الممكن ان تكلفه عرشه و حياته

هل هو براعه ان فى اغوائه

ام انانيته

ام حب امتلاك فاق عنده كل حد

من الملام هنا و من المخطىء

و لماذا بعد كل هذه المحاربه لامتلاكها يزهد فيها مره واحده بعد وقت قصير و يخلص منها باعدامها بالمقصله

اسئله كثيره يثيرها الفيلم

و بشكل عام الفيلم بيسلط الضوء على المشاعر و تضادها و تناقضها عند الشخص الواحد

و بين الاشخاص و بعض

[aimen]

هو فى البداية فيلم رعب ..مش رومانسى ولا حاجه

اسمه "right at your door" الفيلم مافيهوش دم وقتل وتقطيع ولا كائنات فضائية او غيره

الفيلم فكرته حدوث هجوم كيماوى على لوس انجلوس ...

مشكلة الفيلم " عندما حدث الهجوم الكيماوى كان الزوج فى داخل المنزل والزوجة كانت فى طريقها للعمل " فى نفس المنطقة اللى حصل فيها الإنفجار ...بتظهر تحذيرات بإغلاق البيوت وعدم ادخال اى شخص تعرض للكيماويات وهنا المشلكة ...الزوجة امام الباب وزوجها وراء الباب ...الكل عاوز يعيش ...الزوج خايف ان زوجته تسبب له المرض والزوجه عاوزه تدخل البيت ...طبعا بيدور حوار وعتاب بينهم ...وكفاية بقى علشان لو حد حب يشوف الفيلم

لما شفت الموقف بين الزوج والزوجة ...بصراحت ارتبكت ؟ ايهما اختار هل اسمح لها بالدخول ؟ هل اتركها خارجا ؟ طيب لو انعكست الأية وبقيت انا اللى فى الخارج ؟ فى رأيى ان الرعب فى الفيلم مصدره الفكرة دى مش موضوع الهجوم ...هل تفضل الحياة بمفردك وتترك زوجتك أو تموتا معا ؟

بالمناسبة الفيلم انتهى بمفأجأة غير متوقعه على الأطلاق

رابط الفيلم

تحياتى مدام مغتربة

[اغابي]

شكرا يا مغتربة على الموضوع الجميل

- انا خلينى فى الافلام العربي

حاقول فلم بسيط جدا ( تيمور وشفيقة ) - منى ذكى واحمد السقا . .

كلنا طبعا عارفينه مع تحفظى الشديد على اسم الفلم وكم الكوميدية التى تخترق احداثه بدون مبرر . .

اكيد السينما عالجت مشاكل المراة بوجه عام وهذه النقطة تمت مناقشتها بشكل اكثر كوميدية - فى مراتى مدير عام . .

لكن الفلم داه . . اتكلم فى نفس النقطة بطريقة عصرية . . الرجل الشرقى . . كيف تكون نظرته لزوجته اذا كانت اعلى منه فى المراكز العلمية

لماذ يشعر بالنقص والرفض والجمود والتعسف والترهب والخوف والتفكير المستمر

لماذ يشعر بان ذلك تهديد له بشكل او باخر وتهديد لكيانه وتهديد لرجولته بماذا يشعر الرجل الشرقى ؟؟

ولماذا لا يعتبر نجاح رفيقة كفاحه نجاح له هو ايضاً هل كتب على المراة ان تظل اقل من الرجل وتخضع له. . الى اجل غير مسمي . .

اعتقد ان الفلم لفت الانتباه الى هذه النقطة الهامة جدا فى حياه الرجل الشرقى والمراة على حد سواء . .

اغابي ;)

[Damo]

موضوع جميل يا مغتربه :rolleyes:

بس كده حرقتي عليا الفيلم!!!

بهزر

شكرا يا مغتربة على الموضوع الجميل

- انا خلينى فى الافلام العربي

حاقول فلم بسيط جدا ( تيمور وشفيقة ) - منى ذكى واحمد السقا . .

كلنا طبعا عارفينه مع تحفظى الشديد على اسم الفلم وكم الكوميدية التى تخترق احداثه بدون مبرر . .

اكيد السينما عالجت مشاكل المراة بوجه عام وهذه النقطة تمت مناقشتها بشكل اكثر كوميدية - فى مراتى مدير عام . .

لكن الفلم داه . . اتكلم فى نفس النقطة بطريقة عصرية . . الرجل الشرقى . . كيف تكون نظرته لزوجته اذا كانت اعلى منه فى المراكز العلمية

لماذ يشعر بالنقص والرفض والجمود والتعسف والترهب والخوف والتفكير المستمر

لماذ يشعر بان ذلك تهديد له بشكل او باخر وتهديد لكيانه وتهديد لرجولته بماذا يشعر الرجل الشرقى ؟؟

ولماذا لا يعتبر نجاح رفيقة كفاحه نجاح له هو ايضاً هل كتب على المراة ان تظل اقل من الرجل وتخضع له. . الى اجل غير مسمي . .

اعتقد ان الفلم لفت الانتباه الى هذه النقطة الهامة جدا فى حياه الرجل الشرقى والمراة على حد سواء . .

اغابي :sad:

فعلا يا اغابـي أنا برضو لفت انتباهي قوي الفيلم ده. خصوصا ان تيمور شخصيه كويسه و كمان من نفس طبـقة شفيقه يعني مش بيعمل كده عند وخلاص ولا نقص ثقافة. و نفس اللي محيرك محيرني

[ذهبية]

هو فيلم كل ما اشوفة لازم ابكى فى اخرة بكاء شديد جدااااا و يترك فيا انطباع ما بين الشجن و الحزن الشديد

وبرضة اول ما بالاقية فى قناة لازم اتفرج علية بالرغم من كمية الحزن اللى بتفضل لازمنى بعد نهايتة

فيلم حبيبى دائما

نور و بوسى

بجد كانوا رائعين بشكل

قد اية بحزن لما بلاقى المرض و بالذات الخبيث اللى بيفرق بين حبيبين كانوا بيجمعهم احلام يكون ليهم بيت و اطفال

قد اية نظرة نور ليها بعد ما عرف بالمرض و هى بتقولة انا عرفت كانت لحظة هى ماستر الفيلم

[pink rose]

هو فى البداية فيلم رعب ..مش رومانسى ولا حاجه

اسمه "right at your door" الفيلم مافيهوش دم وقتل وتقطيع ولا كائنات فضائية او غيره

الفيلم فكرته حدوث هجوم كيماوى على لوس انجلوس ...

مشكلة الفيلم " عندما حدث الهجوم الكيماوى كان الزوج فى داخل المنزل والزوجة كانت فى طريقها للعمل " فى نفس المنطقة اللى حصل فيها الإنفجار ...بتظهر تحذيرات بإغلاق البيوت وعدم ادخال اى شخص تعرض للكيماويات وهنا المشلكة ...الزوجة امام الباب وزوجها وراء الباب ...الكل عاوز يعيش ...الزوج خايف ان زوجته تسبب له المرض والزوجه عاوزه تدخل البيت ...طبعا بيدور حوار وعتاب بينهم ...وكفاية بقى علشان لو حد حب يشوف الفيلم

لما شفت الموقف بين الزوج والزوجة ...بصراحت ارتبكت ؟ ايهما اختار هل اسمح لها بالدخول ؟ هل اتركها خارجا ؟ طيب لو انعكست الأية وبقيت انا اللى فى الخارج ؟ فى رأيى ان الرعب فى الفيلم مصدره الفكرة دى مش موضوع الهجوم ...هل تفضل الحياة بمفردك وتترك زوجتك أو تموتا معا ؟

بالمناسبة الفيلم انتهى بمفأجأة غير متوقعه على الأطلاق

رابط الفيلم

تحياتى مدام مغتربة

اتفرجت على الفيلم دا اد ايه بجد فعلا مؤثر

و يخلي الواحد يفكر لو كان في مكان الزوج في الفيلم كان هايعمل ايه

بس اظن كان هايبقى التصرف عكسه تماما

قلب الست غير قلب الراجل

يعني مثلا هو لما شاف الولد الصغير في الشارع كل اللي عمله قاله روح بيتك

لكن هي نادت على الولد و اخدته و اهتمت بيه اكلته و حمته في وسط ما هي المفروض في ازمة فظيعة و اهو مجرد طفل ما فيش بينها و بينه اي معرفة لكن دا جوزها و حبيبها و كلام كتير اوي

و اظن كانت نهاية الاحداث مكافأة ليها لكن هو .....

تم تعديل 13 يوليو 2010 بواسطة remo

[pink rose]

فيلم حب لا يرى الشمس

فيلم نكد في نكد الله يسامحهم و بجد كل ما اشوفه بانهار من العياط

بس اللي لفت انتباهي للفيلم ان محمود عبدالعزيز كان بيحب بنت عمه و عايشين سعداء لحد ما باباه اصر انه يتجوز نجلاء فتحي عشان يخلف و كان معترض تماما على الفكرة و بيحب مراته و اول ما اتجوز نجلاء كان بيعاملها وحش على اساس انها باعت نفسها

لكن سبحان الله مشاعره اتبدلت تماما بقى حابب نجلاء جدا و كره صفية العمري اوي

ازاي القلب بيتغير كده سبحان الله مقلب القلوب و الابصار

[مغتربة]

جميله جدا الافلام الى اضفتوها

و فعلا كل فيلم بيثير فكره مشاغبه معينه مبيقدرش الواحد يتخلص منها بسهوله

فيلم right at your door

كنت هنزل بيه لكن استاذ ايمن سبقنى بيه

تحياتى

[مغتربة]

بجد الفيلم عباره عن حاله وجدانه غنيه و بيطرح اشكالايات كتيره عن العلاقات الضبابيه بين الخير و الشر

صراع الانسان عندما يكون فى مواجهه مع فطرته

و الحدود الممايزه لتقبل نفس الفعل باختلاف تبريراته و توجهاته من العقل البشرى

لو كتبت كل الى بيبهرنى فى فكره الفيلم مش هيكفيه رد واحد

اداء احمد ذكى فى الفيلم اداء عبقرى يستحق عنه اوسكار بجداره

[لماضة مصرية جدا]

السلام عليكم و رحمة الله و بركاته

التوبيك ده حلو يا مغتربة...عارفة ليه....عشان اوقات كتير فيه افلام بتصنع في حياتنا حالة.....يمكن توحد مع اشخاصها في وقت كتير.....يمكن انفعال بنهرب بيه من واقع....يمكن انبهار بقصة في منتهي البساطة ممكن تكون بتحصل لحد فينا في حياته لكن معالجتها بتكون خارج حدود المألوف

هبتدي معاكي بالفيلم دوت

شايفة الصورة.....ده روبين ويليامز....بيلعب دور طبيب

لكنه قرر يكون طبيب مختلف

الطبيب بيوصف علاج و كبسولات و علاج كيماوي كما هو في الفيلم.....او بيكتب ريبورت عن الحالة

اما باتش آدامز و ده اسمه في الفيلم.....هيعالج الناس باسلوبه هو......بطريقته هو.......هيعالجهم بالضحك.....هيعالجهم انه بدل ما يديهم جرعات مطثفة من الكيماوي هيديهم جرعات بسيطة عفوية جدا من الضحك.....ممكن تلاقيه يلبس البتاعة الحمر دي في مناخيره....و دي اصلا جزء من حقنة

هيكرس كل علاجه عشان الناس تتضحك......و تكركع.....و يحقق ليهم كل امنياتهم....و ان كانت مستحيلة .....او عبيطة.....كان مريضة عندها تسعين سنة....بس كانت بتحلم انها تعوم في البودنج

الفيلم انساني الي ابعد مدي......لان البطل في البداية دخل مصحة عشان يتعالج من الاكتئاب....و في المصحة.... اللي دخلها بارادته....هيلاقي طريقه

و هيخرج

و هيفتح شبابيكه للحياة......و هيبقي زي ريح لازم اللي يمر بيها او تمر بيه يفتح هو كمان شبابيكه للحياة

الفيلم كل ما بيجي في التلفزيون بتفرج عليه.....لانه عدوي للضحك و التفاؤل....بشكل غير عادي

حتي في اقسي لحظاته......الغير متوقعة.....البطل بيقف علي قمة جبل.......و بيلاقي فراشة....قدرته ع التامل في اللحظة دي......هي اللي هتفصله بين الاستسلام لحالة الياس.....او التمسك بحلم...عكس التيار

مساكي.....خاص جدا

تم تعديل 13 يوليو 2010 بواسطة لماضة مصرية جدا

[لماضة مصرية جدا]

برضه انا تاني

خدي بقي يا ستي عندك

ده فيلم الحرام.....للرائع يوسف إدريس

مش هتكلم عن اداء الفذ عبد الله غيث....و لا فاتن حمامة

افتكر اني كنت بعاني من اكتئاب مرة من حاجات تافهة الحقيقة.....و بعدين واحدة صاحبتي جزاها الله خير قالتلي ريهام افتحي التلفزيون و شوفي الفليم ده

الفيلم بتفاصيله البسيطة جدا....من الفرحة المسروقة للبسطاء......للتكوم في العربية اللوري ورا لقمة العيش.....لرجولة عبد الله غيث لما بيشد مراته عشان تركب عربية انفار التراحيل.....لعجزه و قلة حيلته......للزوجة اللي بتشيل جوزها......للفقر.......للطمع.....للانزلاق......لجدر البطاطا........للامومة.........للعار......للخوف من نظرة الناس.....لكلام الناس......للموت

الفيلم حالة تامل غير عادية

علي الرغم من بساطة تفاصيله.....و بساطة القصة

[ساره احمد]

انا بقي عجبنى اوى الفيلم دة ومهما شفتة مش بزهق منة ابدا

Twilight

الفيلم ده ياجماعة رومنسي هو مصاص دماء وهي بنت عادية يقعان في الحب ادوارد وبيلا

بصو انا حاولت احكى الفيلم بس معرفتش

المهم الفيلم دة رومنسي لابعد الحدود بجد هيعجبكم

نزل منة تانى جزء twilight saga new moon

والجزء الثالثtwilight eclipse

الفيلم لية جزء رابع بس لسة مااتصورش

والاربع اجزاء بيقوم ببطولتة نفس الممثلان كريستين ستيوارت وروبرت باتنسن

القيلم دة اصلا ملحمة مكونة من اربع قصص ابطالها بيلا وادوارد وكلها بتدور

عن قصة حبهم

مغتربة موضوع حلو اوى

كنت عايزة انزلكم صور الفيلم بس كان فية مشكلة

[ساره احمد]

[matzakos]

برضه انا تاني

خدي بقي يا ستي عندك

ده فيلم الحرام.....للرائع يوسف إدريس

مش هتكلم عن اداء الفذ عبد الله غيث....و لا فاتن حمامة

افتكر اني كنت بعاني من اكتئاب مرة من حاجات تافهة الحقيقة.....و بعدين واحدة صاحبتي جزاها الله خير قالتلي ريهام افتحي التلفزيون و شوفي الفليم ده

الفيلم بتفاصيله البسيطة جدا....من الفرحة المسروقة للبسطاء......للتكوم في العربية اللوري ورا لقمة العيش.....لرجولة عبد الله غيث لما بيشد مراته عشان تركب عربية انفار التراحيل.....لعجزه و قلة حيلته......للزوجة اللي بتشيل جوزها......للفقر.......للطمع.....للانزلاق......لجدر البطاطا........للامومة.........للعار......للخوف من نظرة الناس.....لكلام الناس......للموت

الفيلم حالة تامل غير عادية

علي الرغم من بساطة تفاصيله.....و بساطة القصة

الفيلم ده رهيب .... يوسف إدريس ملك القصة القصيرة ....و اداء فاتن حمامة و عبد الله غيث أكثر من رائع

حبيت بس أقول منه لله محمد سعد " اللمبي " لما ردد المقولة المشهورة الخاصة بفيلم الحرام " جدر البطاطا اللي كان السبب يا بني " ...... حول الفيلم إلى نوع من التفكه أو التهريج اللي بيبوظ أي معنى جميل.

[matzakos]

شفت مؤخراً فيلم " ألف مبروك " للرائع أحمد حلمي ...... الفكرة متهيألي مقتبسة من فيلم اسمه Triangle

الإنسان اللي بيشوف الأحداث و الشخصيات كما يحلو له أن يراها ..... مع إنه ببساطة لو خرج من الدائرة اللي وضع نفسه بداخلها ( أو المثلث في حالة فيلم Triangle) سيستطيع إنه يرى الدوافع و الأسباب اللي بتخلي الناس تتصرف تصرفات قد تبدو إليه غريبه

سيتستطيع إنه يحسن من نفسه و يحول نفسه إلى شئ مفيد .......أحمد حلمي لخص الكلام بعبارة في آخر الفيلم

" أن تكون غائباً و نافعاً خيراً من أن تكون حاضراً غير نافعٍ "

تحية لأحمد حلمي ..... و عقبال ما أشوف فيلم عسل أسود

تم تعديل 14 يوليو 2010 بواسطة matzakos

[مغتربة]

من اكتر الافلام الى لسه معلمه معايا لغايه دلوقتى

رغم ان اول مره شوفته فيها كنت صغيره يمكن 8 سنين بس لحد دلوقتى كل مره اشوفه بيثير نفس التساؤلات عندى

الفيلم بيحكى عن شخص منطوى على نفسه بيحب بنت جميله لكن مش شايف عنده فرصه انه يعرف يتعرف عليها و يعرفها بحبه ليها

علشان كدا بيقرر انه يخطفها و يحبسها فى بيته علشان يديها فرصه انها تتعرف عليه و تحبه زى ما بيحبها

ما بين الاكراه و التخيير بيسير بينا الفيلم

و بيخلينا نسال نفسنا عن هل ممكن ان الانسان يحب بالاكراه

هل ممكن العاطفه تنمو فى جو مقيد

و هل يمكننا اننا نخلى الاخرون يحبونا بالقوه

هل نتعاطف مع البطل الى كل الى كان عايزه انه يدى حبيبته فرصه انها تتعرف عليه

و لا ننقم عليه لانه خطفها و احتجزه قسرا عن ارادتها

و هل ممكن ان الحب ينمو فى وسط خانق له

و ازاى ان ممكن فعلا من الحب ما قتل

فيلم جميل و كل مره بشوفه فيها بتزداد روعته عندى اكتر من الاول

[لماضة مصرية جدا]

السلام عليكم و رحمة الله و بركاته

مهما انعاد بحب اتفرج عليه

عشان

الست ممكن تبقي قوية اوي.....لما بتفكر... و لما بتكون ضعيفة ع الهادي كده (نموذج سعاد حسني)

و الست ممكن تبقي ضعيفة اوي.....لما بتراهن ع الصوت العالي....و مبتفهمشي دماغ الراجل صح...(نموذج سناء جميل)

و الست ممكن تصطاد في المية العكرة......(نموذج نعيمة الصغير اللي خلت الست اللي نفسها في حتة عيل تنام قدام القطر)

و الست ممكن تبقي جباااااااااااااااااااارة.......لو فتحت شباكها علي شباك جارتها و ابتدت تقارن...(نموذج سهير المرشدي)

أما بالنسبة لنموذج الراجل

فببساطة

يتحرك وفق اهوائه

العمدة....تحركه الرغبة...

المأذون....تحركه الرهبة

الزوج المقهور....تحركه الغيرة

اخو العمدة.....السلطة

حتي عبد المنعم ابراهيم......شيخ الخفر.....تحركه شرب شوية لبن طازة من الجاموسة بعيد عن اعين اصحابها

و دي وجهة نظر

[ذهبية]

الله عليكى يا لماضة تحليلك للفيلم رائع بجد عجبنى جداااا

[matzakos]

فيلم الهروب

الرائع أحمد زكي .....أن تظل هارباً من كل شيئ ...تهرب حتى من نفسك بأن تجلس كالصقور فوق الأشجار العالية ...لو استطعت أن تحلق بجناحين مثل الصقور لفعلتها.

الهروب من المجتمع ...من العصا الغليظة ...من كل شئ إلا العادات و التقاليد فهي أصيلة ومحفورة.

الأم زوزو نبيل ...تبكيك عندما تقول الجملة الوحيدة لها في الفيلم ( خليك تاعب جلبي زي أبوك يا منتصر )

الموسيقى الحزينة المصاحبة للصقور وهي تحوم و تحلق عالياً

فيلم أشعر فيه بالشجن و يزيدني حنيناً إلى وطني ورائحة أرض وتراب وطني و العادات و التقاليد النبيلة.

تم تعديل 15 يوليو 2010 بواسطة matzakos