عنبو بتاريخ: 13 يوليو 2010 تقديم بلاغ مشاركة بتاريخ: 13 يوليو 2010 السلام عليكم التوبيك ده هيكون عباره عن مجموعة مواقف فيه منها اللى حصل فى الواقع وفيه منها اللى من تأليفى وطبعاً اللى عاوز يشترك معايا مافيش اى مشكله انتظروا الحلقه الاولى و اول يوم فى الجامعه مع عنبوووووووووووووووووووووووووووو لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش رابط هذا التعليق شارك المزيد من خيارات المشاركة
mekkawy بتاريخ: 13 يوليو 2010 تقديم بلاغ مشاركة بتاريخ: 13 يوليو 2010 اهلاً يا حبيب الشعب و الحمد على السلامة و ابي خلي بالك بعد كدة .. طب بأقولك يا باشا .. متحكيلنا آخر يوم ع السلم :D مكاوى رابط هذا التعليق شارك المزيد من خيارات المشاركة
لماضة مصرية جدا بتاريخ: 13 يوليو 2010 تقديم بلاغ مشاركة بتاريخ: 13 يوليو 2010 السلام عليكم و رحمة الله و بركاته إمممممم عنبيات علي وزن حشيشيات إمممممم(وش واحد بيقرب وشه من الشاشة و بيمخمخ) مستنينك يا رفيق عنبوووف عايزين المزاج يبقي عنب.....(ع راي الدكتور تهامي) رابط هذا التعليق شارك المزيد من خيارات المشاركة
Mr MAGED بتاريخ: 13 يوليو 2010 تقديم بلاغ مشاركة بتاريخ: 13 يوليو 2010 (معدل) عنبو ... ايه الحلاوة دي انا جبت الآيس كريم ... وقاعد جنب مكاوي مستني أهه اتحفنا يا ريس تم تعديل 13 يوليو 2010 بواسطة INVESTOR العقول الكبيرة تبحث عن الأفكار .. والعقول المتفتحة تناقش الأحداث ... والعقول الصغيرة تتطفل علي شؤون الناس .... رابط هذا التعليق شارك المزيد من خيارات المشاركة
عنبو بتاريخ: 13 يوليو 2010 كاتب الموضوع تقديم بلاغ مشاركة بتاريخ: 13 يوليو 2010 ميكاوى ولماضه و انفستور شكراً لكم جميعاً والان مع اول يوم فى الجامعه المكان : احدى قرى محافظة الشرقيه الزمان : يوم الجمعه بالليل 2001 الشله : عنبو _ يوسفو _ سعيدو والان مع الحوار عنبو : بكره بقى يا جماعه عاوزين نصحى بدرى من النجمه علشان نوصل الجامعه بدرى ونشوف الكلام على ايه يوسفو :واحنا نروح بدرى ليه يا عنبو منروح على راحتنا وبعدين اخويا قالى ان الجامعه مفيهاش طابور زى المدرسه عنبو : ادى الكلام اللى يزعل بقى يابنى حتى لو فيها طابور هو احنا حضرنا طوابير فى المدرسه لما هنحضر فى الجامعه ويلتف عنبو الى سيعدو قائلاً وانت ساكت ليه ياعم متقولك كلمه فى الليله دى ولا الاخ ناوى على ايه سيعدو : لا بفكر وخايف اقول اصل تزعلوا منى يوسفو : اقضى يا عم واقول مش هنزعل منك سيعدو : ابويا اقلى متمشيش مع الواد عنبو والواد يوسفو علشان بيشربوا سيجاير وممكن يفسدوك وشد حيلك فى الجامعه علشان تبقى معيد عنبو : استنى بس هو ابوك فاكر ان انا اللى فاسدك يابنى انت اساساً مستنقع فساد وبعدين احنا بنشرب سجاير وانت بتشرب لوليتا يعنى سيعدو : هو فاكر كده بقى يا عنبو يوسفو : خلاص يا عنبو سيبه على راحته ابقى خلى ابوه ينفعه هو حر عنبو : على رايك يا يوسفو خليه روح انت بقى روح يا حماده علشان متضربش سيعدو : ..............ايه ياعم منك له انا هشيل الليله لوحدى ولا ايه فكك ياعم من الحوار كله الكلام على ايه بكره عنبو : انتوا عارفين اكتر حاجه عجبانى فى الجامعه ايه يوسفو وسعيدو : ايه يا معلم عنبو : انى كل يوم هركب العربيات ساعه ونص رايح وساعه ونص جاى وهشوف الشجر وهو بيمشى يوسفو : انا بقى اكتر حاجه عجبانى فى الجامعه انى هقدر اولع سجاير فى اى مكان وفى اى وقت بدون لما ابقى خايف واحد يشوفنى ويقول لابويا سيعدو : انا بقى اكتر حاجه عجبانى انى هاكل برجر من كافتريا الجامعه عنبو : يا دى الجهل اللى هيفضحنا يابنى مش اسمه برجر اسمه كاتشب يوسفو : لا ياعنبو الكاتشب ده هو البتاع اللى بيتحط عليه عنبو : انتوا رحتوا القاهره قبل كده يوسفو وسيعدو : لا عنبو : انا رحت دمياط قبل كده وهناك لقيتهم بيقولوا عليه كاتشب سيعدو : خلاص ياعم مش هتفرق المهم نروح بقى دلوقتى علشان نصحى بكره بدرى ___________________________________________________ وينصرف الثلاثه تانى يوم الساعه السابعه صباحاً يتقابل الثلاثه ويركبوا المواصلات وينطلقوا الى الجامعه فى ذلك الحين ينظر عنبو من الشباك وهو يكاد يطير فرحاً لانه يرى الشجر يتحرك _____________________ وصل الثلاثه الى الجامعه " جامعة الزقازيق " عنبو : يانهار ابيض ايه ده ياااااض دول كلهم بشر يوسفو : امال ايه يا معلم انت فاكر انا بقول كل واحد فينا يروح كليته يجيب جدول المحاضرات ونتقابل فى اى كافتريا عنبو : جدول محاضرات ايه وبتاع ايه احنا لو سبنا بعض هنتوه من بعض انت مش شايف المولد اللى احنا فيه سيعدو : احنا نخلينا مع بعض ونلف على كل كليه نشوف ايه نظامها يوسفو : تمام عنبو : انا شايف كلية العلوم ايه تعالى نروح نتفرج عليها ________________________________________ يصل الثلاثه الى كلية العلوم ويجد ان كل اسره عامله معرض بتبع فيه الادوات الازمه للمعمل من بالطو الى ادوات المعمل وهكذا وكل اسره معها جدول محاضرات بتوزعه على الطلبه الجدد _______________________________________ عنبو : تعالوا نشوف اسرة ابن سينا اسمهم بيدل على انهم فاهمين عنبو مخاطباً فرد من افراد الاسره : بعد اذنك ممكن جدول بس الفرد : اتفضل انت معانا فى الكليه عنبو : ان شاء الله عنبو مخاطباً يوسفو وسيعدو : يانهار مش فايت ايه المواد دى كلها وايه الاسماء الغريبه دى عنبو مخاطباً فرد الاسره : هو ليه المواد مكتوبه بالانجليزى هو احنا هندرس بالانجليزى الفرد : طبعاً عنبو فى سره : وانت مالك بتقولها وانت فرحان كده الفرد : على فكره فى محاضره سيتولوجى شغاله دلوقتى ممكن تيجى معانا تحضرها عنبو : مين سيتولوجى ده " بدون تعطيش الجيم " الفرد : ده علم الخليه عبنو : متقول ياعم علم الخليه الله يرضى عليك الفرد : تعالوا احضروا دى المحاضره 45 دقيقه اعرفوا النظام عنبو ينظر الى سيعدو ويوسفو : ايه رأيكم يا اولاد يوسفو : انا ياعم فى هندسه هحضر ليه سيعدو : لا يا معلم احنا قولنا هنفضل مع بعض تعالى احضر معانا ودخل الثلاثه المدرج ____________________ دخلت الدكتوره بعدما القت السلام ورحبت بالطلبه الجدد بدات فى الشرح عنبو : واد يا سيعدو نهار اهلنا مش فايته الوليه دى بتقول ايه انت فاهم حاجه يااااااااض سيعدو : ولا عارف ايه ده اصلاً تنظر الدكتوره الى عنبو وسيعد وتطلب منهم الوقوف والمجىء لها الدكتور : بتتكلموا ليه اطلعوا بره عنبو وسيعدو : ليه يا دكتوره الدكتوره : انا قولت اطلعوا بره يبقى اطلعوا بره يخرج عنبو وسيعدو من المحاضره تاريكن فيها يوسفو اللى هو اساسا فى هندسه مش فى علوم بعد المحاضره يوسفو : يعنى انتوا تسيبونى وتروحوا تتفسحوا بره عنبو : مهو انت اللى عاملى مؤدب ومكنتش بتتكلم معانا يوسفو : تعالوا بقى نروح كلية الهندسه عنبو : يلا اصل انا نفسى اتسدت من علوم والدكاتره بتوعهم __________________________ يذهب الثلاثه الى كلية الهندسه يوسفو : تعالى نشوف المعرض اللى مكتوب عليه اسرة النور شكلهم بيبعوا حاجات برده وبعد لما يتكلموا شويه ويجبوا الجدول ويقرر يوسفو ان يحضر كلاً من عنبو وسيعدو معه المحاضره ___________________________ يذهب الثلاثه الى المدرج يدخل الدكتور ويرحب بالطلبه ويبدأ المحاضره وفى اثناء المحاضره يسمع صوت موبيل يرن واذا فجأه الدكتور الموبيل لااااااا الموبيل لااااا الموبيل لاااااااا عرفنا فيما بعد ان الدكتور ده اساساً لاسع ما علينا خلصت المحاضره بحلوها ومرها ________________________ عنبو : دلوقتى بقى كل واحد فينا معاه الجدول بتاعه وعرفنا ان الكليات بتاعتنا زى الزفت والقطران وبالانجليزى والدكتاره لاسعين يبقى لازم نفك عن نفسنا شويه انا نفسى اروح كلية الاداب اسمع انها بالعربى سيعدو : اه وانا اسمع انها كلية الكعب العالى يوسفو : يلا بينا نفتح اداب ________________________ يصل الثلاثه الى اداب ويصيح سيعدو انا عاوز برجر ينظر اليه عنبو : قصدى كاتشب يدخل الثلاثه الى الكافتيريا عنبو : انا هاخد كبده اصل الكاتشب مش كويس مع السجاير يوسفو : وانا كمان سيعدو : كاتشب راح يوسفو يجيب السندوشتات ليه ولعنبو بينما سيعدو راج يجيب ساندوتش الكاتشب يأتى يوسفو ويسأله عنبو : الواد سيعدو فين لسه جوه يخرج سيعدو وهو محمر الوجه مبنكش العينين زاراً اذنيه قائلاً " ابقى جاموسه بقرنين لو سمعت كلامك تانى عنبو : ليه ياض بس ايه اللى حصل سيعدو " اقول للراجل عاوز كاتشب يقولى انت اهبل يابنى كاتشب ايه بس اقوله من ده تضحك الراجل عليا مهو انا قولت لاهلك انه اسمه برجر عنبو : وانت يعنى حد قلك اسمع كلامى وبعدين انا لقيتهم بيقولوا عليه كده فى دمياط سيعدو : تطلعنى فلاح ياعنبو مااااااااااشى عنبو : هو انا يعنى كنت اعرف متزعلش يقى يا سيعدو وروق كده __________________________ يتبع لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش رابط هذا التعليق شارك المزيد من خيارات المشاركة
Damo بتاريخ: 13 يوليو 2010 تقديم بلاغ مشاركة بتاريخ: 13 يوليو 2010 ههههههههههههه كاتشب تسجيل متابعة :lol: " Feed Your Faith and your fears will starve to death " Unkown~ رابط هذا التعليق شارك المزيد من خيارات المشاركة
ozoozo بتاريخ: 13 يوليو 2010 تقديم بلاغ مشاركة بتاريخ: 13 يوليو 2010 ياريت توصفلنا احساسك وانت بتلمس اول ضفدعه في حياتك مع ذكر شعور الضفدعه رابط هذا التعليق شارك المزيد من خيارات المشاركة
Damo بتاريخ: 13 يوليو 2010 تقديم بلاغ مشاركة بتاريخ: 13 يوليو 2010 ياريت توصفلنا احساسك وانت بتلمس اول ضفدعه في حياتك مع ذكر شعور الضفدعه أنا كنت فكره موضوع الضفادع ده في طب!! مش كده؟ ولا عنبو عمل حاجه في طب ؟ أنا كنت فاكرها علوم! ولا في علوم في ضفادع؟؟؟! شفت اللخبطة " Feed Your Faith and your fears will starve to death " Unkown~ رابط هذا التعليق شارك المزيد من خيارات المشاركة
Howayda Ismail بتاريخ: 13 يوليو 2010 تقديم بلاغ مشاركة بتاريخ: 13 يوليو 2010 المواهب الادبية ابتدت تظهر فى المحاورات بالتوفيق ان شاء الله خواطر swan رابط هذا التعليق شارك المزيد من خيارات المشاركة
عنبو بتاريخ: 13 يوليو 2010 كاتب الموضوع تقديم بلاغ مشاركة بتاريخ: 13 يوليو 2010 الحلقه الثانيه بعدما يتناول التلاته السندوتشات يتجهون الى كلية الاداب ويبحلق كلاً منهم فى البنات بحلقة الجائع اللى بقاله مسيرة عشرة اشهر بالجمل ولا يجد ما يأكله , وفجأه صوت واحد ولا يا عنبو ولا يا يوسفو ولا يا سعيدو ينظر الثلاثه خلفهم ليجدوا من تامرو زميلهم فى الثانوى ومن نفس القريه ولكنه دخل اداب وبعد لما سلموا على بعض تامرو : انتوا بتعملوا ايه هنا عنبو : ولا حاجه جايين نشم هوا هنا بدل خامس اكسيد الكاربونيك اللى خانق علينا تامرو : ماشى ياعم يوسفو : بس ياض يا تامرو نسوانكم حلوه قوى ياض انا لو اعرف كده مكنتش ذاكرت فى الثانويه العامه وكنت دخلت اداب بدل الرجاله بتوعنا هناك تامرو : احنا فيها تيجى نبدل اثناء وقوف الاربعه عدى على تامرو واحده ورمت عليه السلام ورد عليها السلام التلاته فى نفس واحد : مين دى ياااااااااض تامرو : دى زميله فاضله اتعرفت عليها انهارده معايا فى قسم جغرافيا هم شله اساساً تعالوا اعرفكم عليهم وعندما وصل اليهم عنبو : تامر مش تعرفنى عليهم ماشى تامرو : ليه ياض عنبو : ياعم اسكت هم دول بنات يعنى احنا من الصبح عمالين نشوف حاجات طالعه وحاجات نازله وانت جاى تقولى دول ياعم دول مدرسات الابتدائى احسن منهم تامرو : يا عم عنبو الوحشه بتجيب الحلوه بعدين اتقل انت بس دى قواعد فى اللعبه يوسفو : انت هتقفلها ليه يا عنبو خليها تندع بدل من الصبح الواحد ماشى يتحنس وبدأ التعارف كلاتى عنبو كلية علوم , سعيدو علوم برده , يوسفو هندسه ميكانيكا فتحيه , سعاد , انتصار معايا فى اداب ونفس القسم يوسفو : اهلاً وسهلا فتحيه : تصدقوا انا كان نفسى ادخل قوى كلية هندسه بس المجموع بقى يوسفو : هندسة اللى خسرت عنبو متحدثاً من تحت الضرس : مش تملس عليها اقوى كده يا معلم اصل تفيص منك الله يخليك هندسة ايه اللى خسرت يوسفو : وطى صوت اهلك الكلام مش بفلوس عنبو : ياعم متخليهم يمشوا انا خايف اصل حد يشوفنا من البلد وتبقى فضيحه ويروح يقول فى البلد شفت الولاد واقفين مع غفر سعيدو : لا يمشوا ايه بس خليهم ياعم اهوا عاملين منظر لينا وخلاص سعاد : على فكره انا اختى عندكم فى كلية علوم فى سنه تالته سعيدو : مش قولتك يا عنبو اهو هنستفاد منها وهتعرفنا على بنات عندنا فى الكليه سعيدو : واختك فى قسم ايه سعاد : حشرات خاص عنبو : تمام بشرة خير حشرات خاص يا نهار مش فايت واختك اسمها ايه سعاد : فايزه سعيدو : ياريت يا فايزه تعرفينا عليها علشان احنا تايهين فى الكليه ومش عارفين حاجه خالص فى تلك الاوقات كان يوسفو بدا ياكل ودان فتحيه من الكلام وبدأ يحدثها عن نفسه وعن احلامه وعن كلية الهندسه وبدا ايضا سعيدو يتحدث الى سعاد وبدا كل منهم يندمج مع الاخر وطل عنبو وتامرو وانتصار مع بعض الى ان حانت الساعه الخامسه وانطلاق تامرو وسعبدو ويوسفو وعنبو الى البلد واتفق كلاً منهم انه يروح ينام له شويه على ان نتقابل بالليل عند عنبو علشان نخطط _____________________________ فى المساء اتى كلاً من تامرو وسعيدو ويوسفو وبعض الاصحاب من الدبلوم لكى يسمعوا وينصتوا ما حدث فى هذا اليوم العظيم جلس كل من سعيدو ويوسفو وتامرو يحكوا للعيال بتوع الدبلوم عن الجامعه وعن البنات ولبس البنات ويقول يوسفو : بس انت ايه رأيك فى البت فيفى " فتحيه يعنى " تامرو : لا والله اموره قوى وشكلها ارتاحت لك سعيدو : لا والله والبت سها حبوبه قوى وجدعه وطيبه وصعبت عليا عبنو : ارحم امى من موضوع صعبت عليا دى فاكر البت اللى كانت شغاله فى الكافتيريا بتعت المصيف اللى قعدت قارف اهلنا بيها وصعبت عليا وفى الاخر طلعت شغاله غسااااااله واخذ كل واحد يمدح فى البنات فيوسفو يمدح فى فتحيه وسعيدو يمدح فى سعاد وتامرو شويه يمدح فى فتحيه وشويه فى سعاد بالتوازى يعنى وايضاً كان يثنى بعض الشىء على انتصار واخذ عنبو فى الاستغراب والازبهلال واخذ يضرب على ارسه يمكن يكون شاف بنات تانيه غير اللى بيحكوا عنهم ولكن الموقف لا يسمح بفضح السر علشان الشكل العام قدام العيال بتوع الدبلومات لاننا كنا منتفيهم وبنقول ليهم انتوا كل واحد فيكم بيحب فى فردة شبشب والكلام ده فمينفعش ناكل فى بعض قدامهم يعنى ووجهه احد الحاضرين من الرجال بتوع الدبلوم الى عنبو مستفهماً : وانت يا معلم مافيش واحده كده ولا كده عنبو : طبعاً فيه انهارده اتعرف على تلاته مره واحده الزبون : مين عنبو : سعاد , وفتحيه , وانتصار فى تلك الاثناء نطر كلاً من يوسفو وتامرو وسعيدو الى عنبو واعينهم تقول ابوس ايدك بلاش فضايح الزبون : طول عمرك كبير يا عنبو تلاته مره واحده متعرف اخوك بقى على واحده منهم عنبو : حاضر يا معلم انت تأمر بس هقولها فى كلية ايه الزبون : اقولها فى خدمه اجتماعيه عنبو : والله فكره تعالى بكره معانا وانا هعرفك على سعاد وانتصار وفتحيه هتيجوا يا اولاد معانا سعيدو ويوسفو وتامرو : فى نفس واحد لا احنا مش هنروح بكره عاوزين نريح شويه عنبو : براحتكم انا هاخد الاولاد اعرفهم على البنات واخليهم ينتشروا يوسفو وسعيدو وتامرو : طيب احنا هنروح بقى عنبو : طيب استنوا لما انزل اوصلكم وهم نازلين على السلم بينما العيال بتوع الدبلوم فوق يوسفو : كده ياعنبو عاوز تضيع فتحيه منى وقال سعيدو ايضاً : كده يا عنبو عاوز تضيع سعاد منى وتامرو : لا يا عنبو البنات دول زملاتى انت عاوز تعرفهم على العيال دى عنبو : مهو انتوا اللى عشتوا فى الوهم قعدتوا تكدبوا على العيال اكن فتحيه اسمها فيفى وسعاد اسمها سها بس متخفوش انا هسمع العيال دى فيلم رعب ونسهر للفجر مع بعض وبلها بكره الكليه بش مش تعيشوا فى الوهم بعد كده ____________________ تانى يوم دار الحوار بين عنبو والده الوالد : اصحى ياض علشان تروح الكليه عنبو : بح بح يا با مافيش كليه انهارده الوالد : انت من اولها كده ابقى قابلنى لو نفعت يتجه الوالد الى درج مكتب لعله يحصل على جدول المحاضرات لكى يتأكد من كلام هذا الكائن ولكنه وجد علبة سجاير وولاعه وصاح ياه ده ياض انت بتشرب سجاير يابن التتتتتتتتتتتتتتتتتتتتتتتتتت عنبو : بعدما نزل عليه الخبر مثل الصدمه مما جعله يفوق قائلا الله اكبر فين ده الوالد : ايه دى مش ولاعه ودى علبة سجاير عنبو : ياعم الولاعه دى علشان سكشن الكيميا علشان التسخين والتبريد يعنى ودى اول حاجه انا اشتريها انهارده من ادوات المعمل اللى كانوا بيبعوها فى الكليه الوالد : لا ملتزم ياض طيب وعلبة السجاير عنبو : دى اجنبى يا با هو انا هشرب سجاير اجنبى دى لقيتها انهارده وانا فى الجامعه الوالد : طيب وخلتها معاك لي عنبو : قولت اديها لاى واحد بيشرب سجاير الوالد : لا دى تقطعها كده وقام الوالد يتقطيع علبة السجاير وفى تلك الاثناء قال عنبو : قطعها الله يخرب بيت اللى بيشربوها وعدى الموضوع على خير والحمد لله _________________________________ وبكده يكون انتهى اول يوم فى الجامعه استنوا فى الحلقات القادمه لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش رابط هذا التعليق شارك المزيد من خيارات المشاركة
عنبو بتاريخ: 13 يوليو 2010 كاتب الموضوع تقديم بلاغ مشاركة بتاريخ: 13 يوليو 2010 دامو ومدام هند متشكر ليكم جميعاً ozoozo مشاركة بتاريخ اليوم, 06:19 PM ياريت توصفلنا احساسك وانت بتلمس اول ضفدعه في حياتك مع ذكر شعور الضفدعه اصبر يا عم متخفش د الصفداع والصراصير والفيران وكل حاجه هو انا لسعت من شويه لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش رابط هذا التعليق شارك المزيد من خيارات المشاركة
لماضة مصرية جدا بتاريخ: 13 يوليو 2010 تقديم بلاغ مشاركة بتاريخ: 13 يوليو 2010 انتصار فتحية سعاد سجاير في اول يوووووووووووووووووووووووووووووووووووم :closedeyes: :rolleyes: آداب إيه بس يا عنبووووف.....انتو مكنشي عندكو السن....و لا فنون جميلة مساك ضحكة ملهاش حدود كمل بقي :blink: رابط هذا التعليق شارك المزيد من خيارات المشاركة
hOuSsAm بتاريخ: 14 يوليو 2010 تقديم بلاغ مشاركة بتاريخ: 14 يوليو 2010 حرام عليك ههههههههههههههههه الكاتشب ده اعدت اضحك عليه نص ساعة وابويا بيبصلى ويقول الواد ده اتجنن ولا ايه ربنا يهديك يا عنبى الا مش هتعزمنى على ساندوتشات كاتشب من عند برجر كنج :closedeyes: طول ما املى معايا معايا وفى ايدي سلاح حافضل اجاهد وامشى وامشى من كفاح لكفاح طول ما ايدي فى ايدك اقوم واقف واهتف واقول حيّ حيّ على الفلاح داري يا داري انا احميك بايمـــــانى طول ماذراعى معايا ابني واعلي بنياني حافضل عايش فيها بجهدي واملى ابنيها انا روحى فداها وفدا اهلى واوطـــــاني زاحف يا شعبي تمحي الماضي رياحك عهــدك جوا ف قلبي والبطولة جراحك أيامنـــــا اللي جاية وارادتنا القويـــــة تنصرنا يا وطني ويملا الدنيا صباحك نمشي ونمشي والعزة تعيــــــش ويانا لأ احنا منرجعش ولاتتراجع فى خطانا تهتف اراضينا لنا والنصر ينــــادينا يلا بينا يلا وربــنا معانا رابط هذا التعليق شارك المزيد من خيارات المشاركة
pocy بتاريخ: 14 يوليو 2010 تقديم بلاغ مشاركة بتاريخ: 14 يوليو 2010 فظيعه جدا جدا جدا وبالتوفيق بجد اسلوب جميل جدا وخصوصا موضوع الكاتشب ولا اللى حضر المحاضره فى هندسه واللى فى الكليه راحوا يتفسحواههههههههههههههههههه بجد كمل يابنى اضحك الله سنك مدونتى ....الدخول من هنا مدونتى إسلاميات }فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * { "(الحمد لله الذي تواضع كل شئ لعظمته الحمد لله الذي استسلم كل شئ لقدرته)" "سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين" رابط هذا التعليق شارك المزيد من خيارات المشاركة
عنبو بتاريخ: 15 يوليو 2010 كاتب الموضوع تقديم بلاغ مشاركة بتاريخ: 15 يوليو 2010 لماضة مصرية جدا مرسلة 13 July 2010 - 11:06 PM انتصار فتحية سعاد سجاير في اول يوووووووووووووووووووووووووووووووووووم آداب إيه بس يا عنبووووف.....انتو مكنشي عندكو السن....و لا فنون جميلة مساك ضحكة ملهاش حدود كمل بقي h هى كلية السن دى بتخرج ايه ناس مسنه يعنى ولا ايه ؟ فنون حلوه مش موجوده فى كل الجامعات HOSAM ABDELFATAH مرسلة الأمس, 04:05 AM حرام عليك ههههههههههههههههه الكاتشب ده اعدت اضحك عليه نص ساعة وابويا بيبصلى ويقول الواد ده اتجنن ولا ايه ربنا يهديك يا عنبى الا مش هتعزمنى على ساندوتشات كاتشب من عند برجر كنج والله ليك واحشه يا حوش ميكاوى نفض تنفيض اول لما الجماعه جم طبق المثل بتاع وقفة الراجل ............ مسموش برجر كنج بقى اسمه كاتشب كنج pocy مرسلة الأمس, 10:17 AM فظيعه جدا جدا جدا وبالتوفيق بجد اسلوب جميل جدا وخصوصا موضوع الكاتشب ولا اللى حضر المحاضره فى هندسه واللى فى الكليه راحوا يتفسحواههههههههههههههههههه بجد كمل يابنى اضحك الله سنك ام عمرو شكراً ليكى خدى بقى بقالك من عمرو اديكى شوفتى الشباب عاملين ايه وده ولسه ان شاء هكمل بس اول لما اتأقلم على الشكل الجديد بتاع المنتدى ربنا يسترها حاسس انى بكتب فى الايميل بتاع الشركه محلوظه : كل الحكاوى اللى هنا من خيال المؤلف وليست لها علاقه بالواقع تحياتى : عنبو لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش رابط هذا التعليق شارك المزيد من خيارات المشاركة
عنبو بتاريخ: 17 يوليو 2010 كاتب الموضوع تقديم بلاغ مشاركة بتاريخ: 17 يوليو 2010 (معدل) الحلقه الثالثه يمر اول اسبوع من الكليه وكل يوم يذهب الثلاثى المرح الى الجامعه للفسحه فقط لا غير وكل يوم فى كليه وفى كافتريا الى ان قرر كل واحد فيهم انه يحضر محاضره وذهبا كلاًً من عنبو وسيعدو الى كلية العلوم بينما ذهب يوسفو الى كلية الهندسه وعندما وصل عنبو وسعيدو الى كلية العلوم كان فيه محاضره للدكتور محسن استاذ علم التشريح ومعرفش ايه كده على العموم قالوا تشريح يبقى اكيد فيه حاجات حلوه تعالى ندخل نحضر ونشوف الكلام على ايه دخل الدكتور المحاضره وسلم على الجميع وبدأ كلامه بالتشكير فى كلية العلوم وتحدث عن فرص العمل وبدا الطلبه فى فتح بقهم واللى يضحك فى سره واللى يبتسم واللى يقول فين ابويا يجيى يسمع منك اقول كمان الله يرضى عليك وعظمه على عظمه واشتكى بعض الطلاب من صعوبة الكليه نظراًً لانها بالانجليزيه وانهم لسه متعودش على الدراسه باللغه الانجليزيه ورد عليهم الدكتور ان الموضوع سهل وبسيط جداً ومافيش اى مشكله ومتخافوش يا اولاد انتوا زى اولادى وانا مش هسقط حد انتوا بس اكتوا اسمكم وهنا قال عنبو لسعيدو يعنى يا خويا داوشين اهلنا ويقولك علوم صعبه علوم صعبه والدكاتره زى الفل اه بتقولك زى اولادى ومتخفوش وانتوا بس اكتبوا اسمكم بس داحنا يا جدع احسن من اداب سعيدو : ده شكله راجل طب وعنده اولاد فى سننا وحاسس باللى احنا فيه عنبو : اسمع بس بيقول ايه كمان واخذ الدكتور يقول انا مش هسقط اللى ميعرفش يحل علشان يبقى عقاب له ويطلع سوق العمل ميبقاش عارف حاجه وبكده يكون اكبر عقاب له عنبو : والله الراجل ده بيقول درر اقول يا ابابا الحج قول كمان وعندما انتهت المحاضره بدأ الطلبه فى الخروج من المحاضره وكل منهم منفشخ السريره والكل يردد الحمد لله انى دخلت علوم الحمد لله انى دخلت علوم واتجه عنبو وسعيدو الى كافتريا كلية العلوم وبدأ يتحدثا عن ما قاله الدكتور محسن واذا بفتى يظهر عليه اثار السفر ينظر اليهم ويضحك وكلما تكلم عنبو او سعيدو عن الدكتور محسن اذا بذاك الكائن الغريب يضحك ويسكت وكان يضحك على فترات زى العربيه اللى شرقانه بنزين وتعجب كلا من عنبو وسعيدو من ذلك الكائن البيهمى وقالا له ايه يا معلم فيه ايه ؟ ورد ذلك الكائن : شكلم لسه فى اولى علوم واجابا عنبو وسعيدو ليه باين علينا قال لهم اكيد من كلامكم عن الدكتور محسن عرفت انكم فى سنه اولى وتعجب عنبو وسعيدو من كلام هذا الكائن واخذ ذلك الفتى فى الحديث معرفا بنفسه الاول اخوكم شيترى وكان اسمى قبل لما ادخل علوم محمود على ولكن للكليه احكام بقى بقالى فى الكليه عشر سنين من ايام لما كان محسن لسه مدرس مساعد وقاطع عنبو كلامه قائلا : حبيبى الله يبشر اهلك بالخير ايون كده فوقنى من الحلم اللى كنت فيه قولى وقال الشترى : بصوا يا اولاد اولاً دعونا نتفق ان كلية العلوم مش اربع سنين خالص ابسليوتلى اطلاقاً دى كليه مفتوحه ايون كليه مفتوحه يعنى بعد لما ربنا يكرمك وتعدى من سنه اولى متعدش بعد كده سعيدو : كمل يا عمنا الله ينور عليك الشترى : محسن ده كل سنه يمسك الطلبه بتوع اولى ويقول ليهم نفس البؤين دول يطلع العيال يهللوا ويفرحو يعنى امهم وتلاقى العيل طالع بيعمل المروحه زى ابو تريكه وبيغنى والنبى لهشه يا العفريت وهو يعنى مخدوع مخدوع مخدوع وهنا سكت الشترى ولمح عنبو قطرة مياه تزرف من عين الشترى وسأله عنبو : ايه ياشترى انت غلطت مع الدكتور محسن ولا ايه الشترى قال : لا انا غلط مع كل الدكاتره سعيدو : لا واضح من شكلك الشترى : لا انتوا فهمتوا غلط مش غلط بتاع عود الكبريت لا ده غلط فى اامتحانات يعنى عنبو : قول كده يا اخى دانا بصيت على الحزام بتاعى واخذ الشترى يعرف الاولاد بالكليه والاقسام اللى فيها وانهم لازم يذاكرو كويس علشان ينجحوا فيها واثناء كلام الشترى اتى واحد نادى على الشترى قال له تعالى ياشترى علشان فيه سكشن واستأذن الشترى وقال انه مقيم فى هذا المكان ولو احجتوا اى حاجه عدوا عليا انا متواجد هنا باستمرار وانصرف الشترى وترك علامات استفهام على وجه كلاً من عنبو وسعيدو وحول الفرحه الى غم ونكد وان الكليه صعبه وعاوزه حصور وانتظام والا فلا نجاح وفيه فصل وفضيحه واشار عنبو الى سعيدو قائلاً تعالى نروح هندسه نشوف يوسفو عمل ايه يمكن يكون عنده اخبار حلوه وتوجه عنبو وسعيدو الى هندسه وعندما قابلا يوسفو قالا له ايه الاخبار فسكت يوسفو قائلاً ربنا يسترها يا معلم ده الموضوع مش سهل خالص وفحت ولازم نلتزم ونذاكر واقال سعيدوا شرحه يا يوسفو احنا فنس النظام واخذوا يتشاورون فيما بينهم ماذا يفعلون فى هذا المصيبه فهم كما صور لهم ان بدخلوهم الكليه سوف يعيشون حياة المرح والفسح والرحلات ومافيش مذاكره الا اخر شهر لكن واضح ان الكليه عاوزه التزام ومذاكره من اول يوم ولكنهم اتفقوا فى الاخر انهم مش يبظوا قوى يعنى شويه علوم وهندسه وشويه اداب وقروا الفاتحه على كده ولكن حصل لكل منهم ظروف غريبه وغامضه يتبع عنبو مافيش عندى تحكم فى الخط ف اسف لو الخط صغير تم تعديل 17 يوليو 2010 بواسطة عنبو لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش رابط هذا التعليق شارك المزيد من خيارات المشاركة
engmido بتاريخ: 17 يوليو 2010 تقديم بلاغ مشاركة بتاريخ: 17 يوليو 2010 المواهب الادبية ابتدت تظهر فى المحاورات فعلااااااااااا ﴿ قال رسول الله صلى الله عليه وسلم كلمتان خفيفتان على اللسان ثقيلتان فى الميزان حبيبتان الى الرحمن ﴾ رابط هذا التعليق شارك المزيد من خيارات المشاركة
Damo بتاريخ: 18 يوليو 2010 تقديم بلاغ مشاركة بتاريخ: 18 يوليو 2010 اده !!!!! يعني اغيب اغيب وارجع الاقي مفتنيش غير حلقة واحدة ؟؟؟ ده اسمه كلام يا عنبو ؟؟ ماعلينا بس هي ايه المصيبة ان الجامعة طلعت محتاجة مذاكرة ؟؟؟ أنا اول مادخلت الجامعة كنت فاكرها فسح برده بعدين لما اكتشفت إنها عايزة مذاكرة أكتر محصلش حاجة يعني :happy: " Feed Your Faith and your fears will starve to death " Unkown~ رابط هذا التعليق شارك المزيد من خيارات المشاركة
عنبو بتاريخ: 19 يوليو 2010 كاتب الموضوع تقديم بلاغ مشاركة بتاريخ: 19 يوليو 2010 انا كنت ناوى امشى الاحداث كلها مع بعضها بس لقيت ان الموضوع هيبقى صعب خصوصا مع كثرة المشاكل اللى وقوعوا فيها فقولت ناخد كل مشكله مشكله ونشوف هيتصرفوا فيها ازاى الحلقة الرابعه " الثلاثه والغفير " بعدما انتهى اليوم الدراسى واتفق الثلاثى على شوية مذاكره وشويه صياعه ذهب كلاً منهم الى بيته واتفق على ان يتقابلوا بالليل فى المكان اللى بيقعدوا فيه وكان المكان ده عباره عن عشه فى احد الاراضى الزراعيه التابعه للقريه وكانوا يأخذون معهم المشاريب والاكل والشرب واساسى السجاير ويذهبون الى هذا المكان للسهر وتقابلوا جميعاً بعد صلاة العشا وبدأو السهره وبدأ كل واحد يحكى ويفضفض ويتكلم عن مشاكله وعن مستقبله وهو يحتسى طوب الشاى ويأخذ نفس عميق من السجاره واثناء اندماجهم فى مناقشة موضوع ما سمعوا صوت واحد بيقول انتوا مين ياض وبتعملوا ايه هنا التفت الثلاثى ليبحثوا عن مصدر الصوت وجدوا شخص طوله يزيد عن 200 سم وزنه يترواح بين 150 الى 190 كجم ويوجد فى يده حاجه كده وعندما اقترب منهم عرفوا انه الغفير بعصاويصى قالوا له على اسمهم وقام الغفير بتفحص الوجوه ليتأكد من هويتهم ولكنه ازبهل عندما رأى علب السجاير وقالو يا سنه سوووووخه بتشربوا سجاير دانتوا خيرة شباب البلد بتشربوا سجاير والله اعلم بتشربوا ايه كمان انا لازم اقومى بواجبى واقول لابهاتكم واحد واحد واراد الغفير ان يأخذ علب السجاير ولكن امسك بيده عنبو وقال له : لو هتاخد علب السجاير مش تقول اما لو هتقول يبقى سيب علب السجاير واتوكل على الله فرد الغفير : يعنى كده وراس ابويا العمده مغمض عينى انهارده الا لما اكون قايل لاهاليكم وانصرف الغفير وودار الحوار كالاتى بين الثلاثى يوسفو: يانهار الوان انا ابويا لو عرف هتبقى مصيبه يا عنبو عنبو : وانا يعنى اللى ابويا هيعملى تمثال ده مش بعيد يطردنى من الدار سعيدو : انا مش مروح انا عارف ابويا هيعملى فضيحه واخذ الثلاثه يفكروا بطريقه لتخلصوا من هذا الفخ وقال يوسفو : بصوا احنا مش قدمنا غير اننا ننكر ونكذب الغفير ده عنبو : طيب مهو ايه الدافع اللى يخلى الغفير يقول علينا كده سعيدو : انا عندى فكره خطيره بس يارب تنفع عنبو : قول يا معلم سعيدو : خير طريقة للدفاع الهجوم يوسفو : وضح يا عم زويل سعيدو : احنا نروح لاهلينا ونقولهم اننا كنا بنتمشى فى الطريق الزراعى ولقينا الغفير ده طالع بيقول لينا هاتوا الفلوس اللى معاكم وكان عاوز يقلبنا واحنا طلعنا نجرى وبكده بقى لو الغفير ده راح كلم اهالينا هياخد على دماغه و واتفق الثلاثى على كده وقرأو الفاتحه كمان وتم تنفيذ المخطط وفى صلاة العشا حيث يصلى كلاً من والد عنبو ويوسفو وسعيدو تقابلوا مع الغفير ولسه الغفير جاى يكلمهم قالوا له انت ازاى تعمل كده فى العيال احنا هنوديك فى داهيه واخذ الغفير فى الحلفان انه شافهم وهم بيشربوا سجاير وكان جاى يقول ليهم ولكن.................. هكمل لما اروح البيت يتبع لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش رابط هذا التعليق شارك المزيد من خيارات المشاركة
Damo بتاريخ: 19 يوليو 2010 تقديم بلاغ مشاركة بتاريخ: 19 يوليو 2010 يعني الغفير جه يسرقهم ولما معرفش قرر ينتقم بانه يلبسهم تهمة سجاير ...ممممم وبعدين :closedeyes: " Feed Your Faith and your fears will starve to death " Unkown~ رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان