عنبو بتاريخ: 20 يوليو 2010 كاتب الموضوع تقديم بلاغ مشاركة بتاريخ: 20 يوليو 2010 الحلقه الخامسه قالوا له انت ازاى تعمل كده فى العيال احنا هنوديك فى داهيه واخذ الغفير فى الحلفان انه شافهم وهم بيشربوا سجاير وكان جاى يقول ليهم طبعاً الاباء تظاهروا انهم غير مصدقين وخصوصا ان الغفير ده سمعته مش ولابد فى القريه وعندما انصرف الغفير بدأ الاباء الثلاثه يفكرون فى كلام الغفير وقالوا ان الغفير كلامه صح احنا عارفرفين اولادنا شياطين واتفقوا على ان كل اب يضرب ابنه علقه موووووووووووووووووووووووت وتم تنفيذ الاتفاق وفى صباح اليوم التالى تقابل الثلاثى وتحدث كلاً منهم للاخر عن العلقه والحرمان من المصروف وغلق باب الضقه بعد العاشره مساءً يعنى تضيق خناق الى ابعد الحدود ولكن اتفق الثلاثه على الانتقام من الغفير عندما تحين الفرصه ومره شهر على هذه الحادثه وبدأت العلاقه بين الاباء والابناء تعود كما كانت وتم فك الحصار والتضيق وعادة الامور كما كانت وفى يوم اخر كان الثلاثى يتمشون على الطريق الزراعى وسمعوا صوت واحد نايم وبيشخر فتوجهوا الى مكان الصوت وجدوا الغفير بعصاويصى نايم وجنبه البندقيه بتعته وهنا دار الحوار كالاتى عنبو : جت لينا فرصه مش عاوزين نضيعها لازم ننتقم من ابن ......... ده يوسفو : انا بقول نخوفه ونخليه يطلع يجرى فى الاراضى ونضحك عليه سعيدو : لا نخوفه ايه بس هو فيه واحد بينام النومه دى فى المكان ده ويكون بيخاف انا بقول ناخد النبدقيه ونرميها فى البحر عنبو : لا انا بقول نولع فى القش اللى نايم عليه وناخد النبدقيه نرميها فى الاراضى وهو يقعد يلف عليها لحد لما يلاقيها وفعلاً قام الثلاثه باشعال النار فى القش وخدوا البندقيه وجرى على الاراضى راموها وعندما احس الغفير بالنار اقعد يصوت ورمى نفسه فى الترعه علشان يطفى النار خرج من الترعه ليبحث عن النبدقيه فلم يجدها اقعد يلطم على خديه ويشيل تراب من على الارض ويحط على راسه ويقول اللى يفرط فى سلاحه يفرط فى شرفه وجلس طول الليل يبكى حتى بدا الفجر وبدأ الناس يذهبوا الى ارضهم ووجودا بعصويصى يبكى ويشيل تراب ويحط على راسه وسأله احد الفلاحين : مالك يا ولا يا بعصويصى بعصويصى : د البندقيه بتعتى اتسرقت والقش ولع فيا وانا نايم الفلاح : من اعمالك يا بعصويصى فى الناس ربنا بسلط عليك اللى ينتقم منك بعصويصى : انا هتوب الى الله بس الاقى البندقيه بتعتى الفلاح : طيب اقوم يا ولا كده لما ندور عليها فى الاراضى يمكن نلاقيها وبدأ الفلاحين يبحثون مع بعصويصى على النبدقيه واذا بفلاح تبدو عليه ملامح الذكاء والدهاء انا لقيتها يا ولاد انا لقيتها يا ولاد واخذ بعصويصى البندقيه وبدأ يعمل المروجه زى ابو تركيه ويقبل الناس والناس تشيله كأنه عريس وقرر بعصويصى انه يتوب الى الله ويرجع اليه وانه ميظبمش حد بعد كده ولا يتبلى على حد وحسن اسلام بعصويصى وكان السبب فى هدايته الثلاثى عنبو , يوسفو , سعيدو تمت _______________________________________ الحلقه القادمه بعنوان شهادة الجيش لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش رابط هذا التعليق شارك المزيد من خيارات المشاركة
عنبو بتاريخ: 20 يوليو 2010 كاتب الموضوع تقديم بلاغ مشاركة بتاريخ: 20 يوليو 2010 engmido مرسلة 17 July 2010 - 06:41 PM Quote المواهب الادبية ابتدت تظهر فى المحاورات فعلااااااااااا شكراُ يا انجى ميدو : يعنى مهندس ميدو Damo مرسلة 18 July 2010 - 11:41 PM اده !!!!! يعني اغيب اغيب وارجع الاقي مفتنيش غير حلقة واحدة ؟؟؟ ده اسمه كلام يا عنبو ؟؟ ماعلينا بس هي ايه المصيبة ان الجامعة طلعت محتاجة مذاكرة ؟؟؟ أنا اول مادخلت الجامعة كنت فاكرها فسح برده بعدين لما اكتشفت إنها عايزة مذاكرة أكتر محصلش حاجة يعني ياعم دى عيال مختلفه خاااااااالص عن الناس اصبرى بس وانتى هتعرفى كل حاجه لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش رابط هذا التعليق شارك المزيد من خيارات المشاركة
عنبو بتاريخ: 20 يوليو 2010 كاتب الموضوع تقديم بلاغ مشاركة بتاريخ: 20 يوليو 2010 الحلقه السادسه شهادة الجيش بطل الحلقه دى واحد تانى خالص غير الثلاثى بطل الحلقه دى ابن عم سعيدو وابوه الابن اسمه عوض والاب اسمه السيد وكان الاب والابن فلاحين ملهمش غير الفلاحه والغيط والدار يعنى من البيت للغيط ومن الغيط للبيت وكان الاب السيد دائم معايرة عوض انه اللى بيصرف عليه وانه اللى جابه للدنيا وانه من غيره لا يسوى الا ان جاء الوقت ودخل عوض الجيش وهنا بدأت عينه تتفتح على الدنيا ويعرف حقوقه وعندما انهى عوض فترة الخدمه العسكريه وعاد الى الغيط وبدأ التصادم مع ابوه ويضرب كلا منهم الاخر فالسيد يضرب عوض وعوض يضرب السيد والناس تتلم علشان تحوش وفى ذات مره عاير السيد ابنه انه لو طرده من البيت مش هيلاقى ياكل وما كان من عوض الا انه دخل سريعا متجها الى السحاره واخرج منها شهادة الجيش وقال لابوه انا هشتغل بالشهاده دى انت ناسى انى معى شهاده اهى اهى واخذ يفرج الناس على شهادة الجيش وانه من الصبح لو قدم بشهادة الجيش فى اى مصلحه سوف يقبل فوراَ لانه حامل شهادى زيه زى اى واحد من حملة الشهادات تمت ___________________________________________ الحلقه القادمه معيده فى الكليه لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش رابط هذا التعليق شارك المزيد من خيارات المشاركة
لماضة مصرية جدا بتاريخ: 21 يوليو 2010 تقديم بلاغ مشاركة بتاريخ: 21 يوليو 2010 السلام عليكم و رحمة الله و بركاته انا لسه مش قريت الحلقة بتاعت الجيش....بس فطست في الحلقات بتاعت بصاويصي ديت بس عندي شوية سؤالات كدهوت انتوا بتقروا الفاتحة ليه.......كل ما تتفقوا علي حاجة...تقروا الفاتحة...المشكلة انها بتبقي نصيبة...ليه بقي...ها؟؟؟ ايون انت قولت ان كل واحد فيكم باباه اداله علقة.....بس كروتنا في الحتة دي....من فضلك بقي يا عنبو...متحاولشي انك تقفز فوق المشاعير الانسانية اللي ممكن نتعاطف و نتشحتف و نلم من بعضينا فيها فلوس احنا عندنا بابا كان تخصص خرطوم الحقيقة....و كان فيه شبشب ابيض بلاستيك فقري...بيلسع لسوعة....يا تري التقنيات العالية دي...وصلت عندكم و لا لا ع فكرة انا مكنتش بنضرب....حتي لما بعمل غلط يا عيني اخويا هو اللي كان بيشيل عني....انا بس كنت بعمل المؤثرات الصوتية من زعيق و عياط....(ايه العيال الرخمة دي) ايون قبل ما امشي عنبو...و سعيدو....و يوسوفو...بيفكرونوا بدول ايون متهرشي في راسك....دول عصابة القناع الاسود يالا هروح اقرا الحلقة بتاعت الديش صباحك.....عصابة رابط هذا التعليق شارك المزيد من خيارات المشاركة
عنبو بتاريخ: 22 يوليو 2010 كاتب الموضوع تقديم بلاغ مشاركة بتاريخ: 22 يوليو 2010 لماضة مصرية جدا مرسلة الأمس, 10:46 AM السلام عليكم و رحمة الله و بركاته انا لسه مش قريت الحلقة بتاعت الجيش....بس فطست في الحلقات بتاعت بصاويصي ديت بس عندي شوية سؤالات كدهوت انتوا بتقروا الفاتحة ليه.......كل ما تتفقوا علي حاجة...تقروا الفاتحة...المشكلة انها بتبقي نصيبة...ليه بقي...ها؟؟؟ ده سلو بلدنا يا لمااااااااضه ايون انت قولت ان كل واحد فيكم باباه اداله علقة.....بس كروتنا في الحتة دي....من فضلك بقي يا عنبو...متحاولشي انك تقفز فوق المشاعير الانسانية اللي ممكن نتعاطف و نتشحتف و نلم من بعضينا فيها فلوساحنا عندنا بابا كان تخصص خرطوم الحقيقة....و كان فيه شبشب ابيض بلاستيك فقري...بيلسع لسوعة....يا تري التقنيات العالية دي...وصلت عندكم و لا لا شبشب ايه بس بيقولك خنااااااااشير وعاملين مصيبه سجاير مع وقيعه مع الغفير الشبشب ده كان يستخدم لما حد يطلب منى حاجه ولازم اول كلمه اقولها مش عاااااامل الاقى حاجه طارت فى الجو بس ولله الحمد الحته دى فادتنى قوى انى تعلمت ازاى اتفادى الاخطاء ع فكرة انا مكنتش بنضرب....حتي لما بعمل غلط يا عيني اخويا هو اللي كان بيشيل عني....انا بس كنت بعمل المؤثرات الصوتية من زعيق و عياط....(ايه العيال الرخمة دي) هو الموضوع ده كان عامل ليا عقده وانا صغير كنت انا بس اللى اضرب لكن اختى مكنش حد يقدر يكلمها وعرفت بعد كده من ابويا قالى يا عنبو يا ابنى انا لما بضربك اخرك تعيط خمس دقايق والموضوع يسكت لكن لو ضربت اختك هتقعد تعيط فيها اسبوع وتعمل جنازه فى البيت فعلشان كده مافيش حد بيضرب البنات بس لما بيتزجوا ازواجهم بقى بيطلعوا عليهم القديم والجديد لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش رابط هذا التعليق شارك المزيد من خيارات المشاركة
Damo بتاريخ: 22 يوليو 2010 تقديم بلاغ مشاركة بتاريخ: 22 يوليو 2010 هو الموضوع ده كان عامل ليا عقده وانا صغير كنت انا بس اللى اضرب لكن اختى مكنش حد يقدر يكلمها وعرفت بعد كده من ابويا قالى يا عنبو يا ابنى انا لما بضربك اخرك تعيط خمس دقايق والموضوع يسكت لكن لو ضربت اختك هتقعد تعيط فيها اسبوع وتعمل جنازه فى البيت فعلشان كده مافيش حد بيضرب البنات بس لما بيتزجوا ازواجهم بقى بيطلعوا عليهم القديم والجديد هههههههه أنا كده هخخاف أتجوز على فكرة " Feed Your Faith and your fears will starve to death " Unkown~ رابط هذا التعليق شارك المزيد من خيارات المشاركة
عنبو بتاريخ: 25 يوليو 2010 كاتب الموضوع تقديم بلاغ مشاركة بتاريخ: 25 يوليو 2010 الحلقه السابعه معيده فى الكليه فى احد سكاشن التشريح تدخل المعيده وعندما رأى كلاً من عنبو وسعيدو المعيده بدأوا فى الازبهلال فالمعيده غير محجبه وتلبس بنطلون من ماركة للوقوف فقط واخذ كلاً من سعيدو وعنبو فى البحلقه وتقريباً كانت هذه المره الاولى التى يروا فيها واحده بهذا المنظر وبدأت الدكتوره فى الشرح وتعريف الطلبه كيف يقومون بتشريح الضفدعه وعندما انتهت من الشرح بدا العامل فى توزيع الضفادع على الطلبه واخذ كلاً من عنبو وسعيدو الضفدعه وبدأو يسألوا الطلبه كيف يقومون بتشريح هذه الضفدعه لانهم اساسا مكانوش مركزين اثناء الشرح ولكن كان كل طالب مشغول فما كان منهم الا انهم اخذوا طبق التشريح وعليه الضفدعه وذهبوا الى الدكتوره ليسالوها وبدأت الدكتوره فى الشرح ولما اقتربا من الدكتوره بدأ كل واحد فيهم يسرح تماماً وبدأ كل واحد يطلق لخياله العنان واثناء قيام الدكتوره بتشريح الضفدعه اذ سقط منها المقص فنزلت تجيبه فى نفس اللحظه اللى نزل فيها كلاً من عنبو وسعيدو وهنا حدث شىء غريب لاحظت الدكتوره ان عنبو وسعيدو مش نازلين للمقص ولكن نزلوا لغرض تانى فما كان منها انها قامت مسرعه وقالت لهم خذوا الطبق وشوفوا اى واحد يشرح لكم وهنا فطم كلاًً من سعيدو وعنبو ان الدكتوره احست بنظرة كلاً منهما واخذ عنبو وسعيدو الطبق ومشيا وبدا الطلبه يسألوا ليه الدكتوره رفضت انها تشرح ليهم وكلنهم لم يجبوا على احد ولكن شكل عنبو وسعيدو اتحفروا فى ذاكرة الدكتوره وتم وضع علامه حمرا لكلا منهما واثناء الامتحان النظرى فى نصف العام كان عنبو يجلس فى اول المدرج وكانت نفس الدكتوره تراقب عليه وفجأه سقطت المسطره من عنبو واستأذن من الدكتوره لكى يقوم حتى يأتى بالمسطره فما كان من الدكتوره ان اتت اليه لكى تجيب له المسطره وعندما اقتربت منه تذكرت الموقف بتاع السكشن فقالت له هو انت لا اطلع انت هاتها ولا كمل الامتحان بدونها فنظر لها عنبو نظرة عتاب ولسان حاله يقول لها قبل لما تلموننى لومى نفسك اولاً تمت _________________________________ الحلقه القادمه بعنوان تجارة الضفادع لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش رابط هذا التعليق شارك المزيد من خيارات المشاركة
عنبو بتاريخ: 25 يوليو 2010 كاتب الموضوع تقديم بلاغ مشاركة بتاريخ: 25 يوليو 2010 الحلقه الثامنه تجارة الضفداع كان باقى على امتحان العملى تقريباً ثلاث اسبايع ولم عنبو وسعيدو جاهزون لاى شىء لا امتحان عملى ولا نظرى فسألوا اهل الخبره امثال الشترى عن كيف يقومون بحل هذه المشكله العويصه فاشار عليهم الشترى انه يعرف عامل فى قسم التشريح اديه تتلف فى حرير وعليه مسكة ضفدعه لا يعلى عليها وانه ممكن يشرح ليهم تشريح الضفدعه مقابل عشره جند من كل واحد فوافق عنبو وسعيدو وذهبوا بعد الساعه السابعه مساءً حيث ان اغلب طاقم الكليه قد غادر الكليه ودخل عنبو وسعيدو الى السكشن وبدأ الدكتور المعيد العامل فى شرح كيف يتم تشريح الضفدعه وتقريباً العامل مكنش فاهم حاجه خالص هو فقط فتح باطن الضفدعه ووقف على كده فساله سعيدو ان يكمل فاجاب عليه انه كده خلص وهو ده التشريح فقاله يعنى كده خلاص قالوا ماشى قالوا طيب اتفضل عشره جند ايه وسأله ان كده باقى عشره فقال له مهو انت فتحت بطنها بس وكده كويس على العموم اخذ العامل العشره جند وهو يدعى عليهم ويقول انتوا طلعتوا منين وفى اليوم الثانى تقابل كلاً من عنبو والشترى فسأله الشترى : ايه رأيك فى العامل فقال له عنبو : ده ياعم فتح بطن الضفدعه زى لما يكون بينضف سمك مش بيشرح ومش عارف حاجه واحنا ادينا له عشره جند بس وهنا قال الشترى حيث انه من اهل الخبره فى الكليه فهو دفعة العميد او اقل قليلاً يبقى مش قدامكم الا بلان بى فقال له عنبو : ايه هى رد الشترى : ان انتوا تشوفوا عيل من العيال اللى بتحرت من اول السنه وتجيبوا له ضفدعه وعدة تشريح ويعلمكم ازاى تشروحها فقوافق عنبو على هذا الاقتراح واتفقا مع طالب كان لابس نظاره طبيه وجسمه قليل كده يعنى شكله فاهم يعنى وذهب عنبو لكى يحضر ضفدعه من سكشن التشريح ولكنه تفاجأ بان الضفدعه ب 5 جند وطبعاً رفض عنبو ان يدفع خمسه جند فى ضفدعه دى تبقى فضيحه وميدخلش القريه تانى وهنا قال عنبو لسعيدو ايه رأيك يا سعيدو فى سبوبه نجيب منها سجاير اجنبى وعيشه فقال له سعيدو : قول ياعم قال له : احنا نشوف عيل من عيال الشوارع اللى فى البلد ندى كل عيل نص جنيه ونخليه يقوم بجمع اى ضفدعه تقابله ونحطهم فى شوال ونبيع الواحده هنا ب 3 جند علشان ننافس عمال المعمل يعنى وبعدين احنا الضفادع بتعتنا هتكون كبيره وملظلظه وبالفعل اتفقوا مع العيال على ان يقوموا يتجميع الضفداع الكبيره فقط لا غير على ان يقوموا باعطاء كل عيل نص جنيه وبالفعل تم تجميع الضفادع وتم وضعها فى شوال مخرم وتم شحنها فى عربية زميلهم زيكو اللى كان رافض فى الاول ولكنهم اتفقوا معاه ان هيكون له نصيب فوافق وعندما وصلا الى الكليه حتى علم الطبه بامر الضفادع الملظلظه وسعرها ب 3 جند بس على عكس ضفادع الكليه صغيره جداً وب 5 جند وبدأ الطلبه فى شراء الضفادع وكان مع كل ضفدعه كيس بلاستيك اسود واستك للبنات بس لكن الولاد مش مهم واتى الطالب المجتهد اللى المفروض يشرح ليهم التشريح فقالوا له انت تاخد اربع ضفادع ببلاش بس تشرج لينا فوافق على تلك الصفقه ولكن عندما علم عمال السكشن بان كلاً من عنبو وسعيدو ضربوا لهم الموسم قاموا بالشكوى الى دكتورة التشريح وقامت الدكتوره باستعداء كلاً من عنبو وسعيدو لكى تبحث فى الموضوع وعندما دخل عليها عنبو وسعيدو تذكرت موقف السكشن فقالت لهم اطلعوا بره مش عاوزه اشوفكم انتوا اخاركم تجار ضفادع وذهب كلا من عنبو وسعيدو والدهشه تملىء اعين العمال ويتسأل كلا منهما الاخر لماذا لم تفتح الدكتوره معاهم اى كلام !!!!!!!!! تمت ____________________________ الحلقه القادمه بعنوان اشتغاله قلبت بجد لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش رابط هذا التعليق شارك المزيد من خيارات المشاركة
عنبو بتاريخ: 25 يوليو 2010 كاتب الموضوع تقديم بلاغ مشاركة بتاريخ: 25 يوليو 2010 هو الموضوع ده كان عامل ليا عقده وانا صغير كنت انا بس اللى اضرب لكن اختى مكنش حد يقدر يكلمها وعرفت بعد كده من ابويا قالى يا عنبو يا ابنى انا لما بضربك اخرك تعيط خمس دقايق والموضوع يسكت لكن لو ضربت اختك هتقعد تعيط فيها اسبوع وتعمل جنازه فى البيت فعلشان كده مافيش حد بيضرب البنات بس لما بيتزجوا ازواجهم بقى بيطلعوا عليهم القديم والجديد هههههههه أنا كده هخخاف أتجوز على فكرة لا انتى بقى علشان تتجنبى الموضوع ده هات باكوا بسكويت وامسكى بسكوتايه واديها للى متقدم لكى لو قدر يكسرها يبقى مش توافقى ولو مقدرش يبقى وافقى على طوووووووووووووووول وربنا يتمم بخير لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش رابط هذا التعليق شارك المزيد من خيارات المشاركة
mekkawy بتاريخ: 25 يوليو 2010 تقديم بلاغ مشاركة بتاريخ: 25 يوليو 2010 ضفاااادع يا عنبي ... ضفاااادع يا عنبي شوف يا ابن الحلال .. لا تخالطني ولا أخالطك ولا يلم ايدينا طبق واحد .. و أنا اللي فاكرك مهندس .. طلعت تشريحجي و ضفدعجي ... لا لا يا عنبي مكنش العشم أقول للأوسة ايه دلوقت .. عمك عنبو بتاع ضفادع يا حبيبتي .. لا اخس عليك اخس بس ايه يا واد الحلاوة و الفتاكة دي .. و الله عجبتوني أوي لما بعتوا العصافير .. قصدي الضفاديع في قلب الكلية و سكعتوا العمال على قفاهم .. أكتر حاجة عجبتني الدكتورة بتاعت التشريح الصراحة :lol: يا جدع لأ مش الدكتورة نفسها .. موقفكم التاني معاها بتاع الضفاديع ده استمر ياخويا استمر مكاوى رابط هذا التعليق شارك المزيد من خيارات المشاركة
عنبو بتاريخ: 27 يوليو 2010 كاتب الموضوع تقديم بلاغ مشاركة بتاريخ: 27 يوليو 2010 mekkawy مرسلة 25 July 2010 - 02:29 PM ضفاااادع يا عنبي ... ضفاااادع يا عنبي شوف يا ابن الحلال .. لا تخالطني ولا أخالطك ولا يلم ايدينا طبق واحد .. و أنا اللي فاكرك مهندس .. طلعت تشريحجي و ضفدعجي ... لا لا يا عنبي مكنش العشم أقول للأوسة ايه دلوقت .. عمك عنبو بتاع ضفادع يا حبيبتي .. لا اخس عليك اخس لا اقول لاوسه تاجر وخلاص ولو صممت يعنى والحت اقولها تاجر زواحف بس ايه يا واد الحلاوة و الفتاكة دي .. و الله عجبتوني أوي لما بعتوا العصافير .. قصدي الضفاديع في قلب الكلية و سكعتوا العمال على قفاهم .. أكتر حاجة عجبتني الدكتورة بتاعت التشريح الصراحة يا جدع لأ مش الدكتورة نفسها .. موقفكم التاني معاها بتاع الضفاديع ده انت متأكد ان الموقف بس اللى عجبك مش حاجه تانيه حبيبى يا ميكاوى بحب انا بتوع المبيعات لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش رابط هذا التعليق شارك المزيد من خيارات المشاركة
عنبو بتاريخ: 27 يوليو 2010 كاتب الموضوع تقديم بلاغ مشاركة بتاريخ: 27 يوليو 2010 انا فكرت لقيت ان التوبيك ده محتاج موسيقى تصويريه يعنى او خلفيه موسيقيه وملقتش انسب من الاغنيه دى ساعات بشتاق ليوم عشته وانا صغير لشكلى قبل ما اتغير لايام فيها ارحة البال علشان كانا ساعتها عيال http://www.youtube.com/watch?v=UFHUOUcewzU لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش رابط هذا التعليق شارك المزيد من خيارات المشاركة
عنبو بتاريخ: 13 ديسمبر 2010 كاتب الموضوع تقديم بلاغ مشاركة بتاريخ: 13 ديسمبر 2010 الموضوع ده له عندى معزه خاصه قوى راجعلك يا موضوعى العزيز اكتب فيك حكايات وذكريات مع اجمل اصحاب واجمل ايام تحياتى عنبو لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش رابط هذا التعليق شارك المزيد من خيارات المشاركة
م تيمور المراغي بتاريخ: 13 ديسمبر 2010 تقديم بلاغ مشاركة بتاريخ: 13 ديسمبر 2010 تسجيل متابعه يا اجمل عنبي في الدنيا :happy: المجد لولادك المخلصين ... رابط هذا التعليق شارك المزيد من خيارات المشاركة
عنبو بتاريخ: 13 ديسمبر 2010 كاتب الموضوع تقديم بلاغ مشاركة بتاريخ: 13 ديسمبر 2010 architect مرسلة اليوم, 07:49 PM تسجيل متابعه يا اجمل عنبي في الدنيا تسلم يا اجمل مهندس والان مع الحلقه التاسعه بعنوان اشتغاله قلبت بجد كان كلاً من عنبو وسعيدوويوسفو يتمشوا على الطريق الزراعى بين قريتهم واحدى القرى المجاوره واذا فجأة يخرج عليهم اتنين معاهم سلاح ابيض " موس " اعلى ياض انت وهو باللى معاك علشان مش اغزك عنبو : ايه ياعم فيه ايه عيب برده الحركات دى واحد منهم : بطل ياض كلام واخلص اعلى باللى فى جيبك ياض علشان مش ابشلك يوسفو: طيب ياعم قول بس انت عاوز ايه واحد منهم تانى : انتوا شكلكم كده تخلونا نعملها معاكم بقى وكل واحد يروح متعلم على وشه فكم طبعاً مكنش قدام الثلاثى الا الاستسلام لحين شعار اخار طبعاً تم تقليبهم يعنى موبيلات فلوس ساعات خواتم يعنى من الاخر اتعلم عليهم تعليه حلوه قوى وفجأه اختفى العيال وبقى كلاً من عنبو ويوسفو وسعيدو لا يصدق كلاً منهم ما حصل وكانهم كانوا فى حلم ولكن لم يكن امامهم الا ان يوصلوا بيوتهم وبكره يحلها ربنا من عنده فى الصباح الباكر التقى كل من عنبو وسيعدو ويوسفو على احد المقاهى البلدى القريبه من الجامعه واخذوا يخططوا كيف لهم ان يثأروا لنفسهم من العيال اللى قلبوهم ولكن كيف اتفق الثلاثى على انهم يقوموا بالتصرف فى اسلحه بيضاء وياخدوها ويطلعوا على نفس الطريق لعلى ولعسى العيال تطلع عليهم ووقتها بقى يخبطوهم ويقلبوهم وفعلاً فى المساء تقابل الثلاثى وكل واحد فيهم معاه السلاح بتاعه وذهبوا الى الطريق الزراعى ولكن العجيب ان مافيش اى حد طلع عليهم فى اليوم ده وفى اليوم التانى ذهبوا ايضاً ولكنهم لم يجدوا اى احد وفى اليوم الثالث قرر عنبو وسعيدو ويوسفو ان يباتوا فى الطريق ده يمكن العيال تطلع فى اى وقت ولكن اثناء نومهم فى احدى العشش اللى على الطريق سمعوا صوت واحد بينازع وبعدين الصوت اختفى خالص فقام عنبو يستشكف الطريق واذا فجأه يلاقى . . . . . واحد مدبوح على الطريق ويصيح باعلى صوته قتيل يلااااااااااااااااااااااااااااااااااااااااااااااااااا ويجرى كل من سعيدو وعنبو ويوسفو الى ان يصلوا الى اول الطريق فيجوا احد اهالى القريه ويسألهم انتوا بتجروا ليه يا شباب ردوا جميعا مافيش حاجه احنا بنحب نجرى بالليل وطبعاً وشهم كان باين عليه انه مفيهوش ولا نقطة دم وذهبا كلا منهم الى بيته ولم يستطع اى منهم النوم فى تلك الليله وفى الصباح كان خبر القتيل قد تسرب الى القريه وعلمت بامره كل اهالى القريه واتى البوليس وبدأ فى التحقيق وتين ان القتيل من القريه المجاوره وكان راجع من الى بيته من على الطريق الزراعى هو ومراته ووجدوا مراته مغمى عليها ومعتدى عليها ولكنها مازلت على قيد الحياه فتم نقلها الى المستشفى واخذ البوليس يبحث عن القاتل ويعمل كل التحريات الازمه وفى هذه الاونه كانت القريه لا تنام وكذلك الثلاثى لا ينام ايضاً ترى ماذا سوف يفعل الثلاثى فى تلك الجريمه هذا ما سوف تبينه الايام القادمه تحياتى عنبو لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش رابط هذا التعليق شارك المزيد من خيارات المشاركة
Dreamwithme بتاريخ: 13 ديسمبر 2010 تقديم بلاغ مشاركة بتاريخ: 13 ديسمبر 2010 تسجيل إعجاب شديد ومتابعة بس كده الموضوع قلب بوليسي وأكشن وكلام كده يا أستاذ عنبو. <p class='bbc_center'><span style='color: #000080'><strong class='bbc'><span style='font-size: 14px;'>"من مدحك فإنما مدح مواهب الله فيك.....فالشكر لمن وهب وليس لمن وُهِب له" ابن عطاء السكندري<br /><br />"اللهم من ضاق صدره بنا فاجعل قلوبنا تتسع له" الامام أبو حنيفة</span></strong></span></p> رابط هذا التعليق شارك المزيد من خيارات المشاركة
قلب ابيض بتاريخ: 20 ديسمبر 2010 تقديم بلاغ مشاركة بتاريخ: 20 ديسمبر 2010 architect مرسلة اليوم, 07:49 PM تسجيل متابعه يا اجمل عنبي في الدنيا تسلم يا اجمل مهندس والان مع الحلقه التاسعه بعنوان اشتغاله قلبت بجد كان كلاً من عنبو وسعيدوويوسفو يتمشوا على الطريق الزراعى بين قريتهم واحدى القرى المجاوره واذا فجأة يخرج عليهم اتنين معاهم سلاح ابيض " موس " اعلى ياض انت وهو باللى معاك علشان مش اغزك عنبو : ايه ياعم فيه ايه عيب برده الحركات دى واحد منهم : بطل ياض كلام واخلص اعلى باللى فى جيبك ياض علشان مش ابشلك يوسفو: طيب ياعم قول بس انت عاوز ايه واحد منهم تانى : انتوا شكلكم كده تخلونا نعملها معاكم بقى وكل واحد يروح متعلم على وشه فكم تحياتى عنبو عنبو .... انت متأكد انهم السلاح الابيض ده موس مثلا ؟؟؟ ولا باكو لبان؟؟ اصل اللى يقولك مش اغزك ممكن اوى مش يخليك تخر دم ..يااااااااى ومش يبشلك ؟؟؟ ومش تعيط ومش تزعل احكى يا عنبى احكى ...ادينى جبت كيس الاستفندى وربعت لك اهو قول يا ابنى قول ومش تكروت فى الكلام ;) رابط هذا التعليق شارك المزيد من خيارات المشاركة
عنبو بتاريخ: 22 يناير 2011 كاتب الموضوع تقديم بلاغ مشاركة بتاريخ: 22 يناير 2011 Dreamwithme مرسلة 13 December 2010 - 08:41 PM تسجيل إعجاب شديد ومتابعة بس كده الموضوع قلب بوليسي وأكشن وكلام كده يا أستاذ عنبو. مهو لازم الواحد ينوع علشان الناس متملش وميرشى على مرورك الجميل قلب ابيض عنبو .... انت متأكد انهم السلاح الابيض ده موس مثلا ؟؟؟ولا باكو لبان؟؟ اصل اللى يقولك مش اغزك ممكن اوى مش يخليك تخر دم ..يااااااااى ومش يبشلك ؟؟؟ ومش تعيط ومش تزعل احكى يا عنبى احكى ...ادينى جبت كيس الاستفندى وربعت لك اهو قول يا ابنى قول ومش تكروت فى الكلام يانهار مش فايت يعنى انا تاعب نفسى وكل يوم مخصصلك ساعه درس صياعه وفى الاخر فاكره ان المقصود بالموس هو موس الحلاقه مع ان موس الحلاقه برده ليه استعمالات اخرى هنبقى نذكرها فى حلقه اخرى ان شاء الله منوره يا امى مبروك لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش رابط هذا التعليق شارك المزيد من خيارات المشاركة
م تيمور المراغي بتاريخ: 22 يناير 2011 تقديم بلاغ مشاركة بتاريخ: 22 يناير 2011 مع كل حرف قريته وكل كلمه وصلتني معانيها ,, لا يسعني ونحن في تلك الايام المباركه من تاريخ مصر ,, لا يسعني الا ان اشكر الايام الجميله والمدينة السعيده والبحر الاحمر على معرفتي بكم استاذ محمد ولك مني قبله في الهواء ,, :happy: اخوك السغنن ,, اركتيكت وسعات بيقولوالي ارشيتكت المجد لولادك المخلصين ... رابط هذا التعليق شارك المزيد من خيارات المشاركة
عنبو بتاريخ: 22 يناير 2011 كاتب الموضوع تقديم بلاغ مشاركة بتاريخ: 22 يناير 2011 (معدل) تكملة اشتغاله قلبت بجد وفى المساء التقى الثلاثى ودار الحديث كالاتى عنبو : ايه العمل يا رجاله انا حاسس انى العيال اللى قلبونا هم اللى قالتوا الراجل يوسفو : اكيد بس ايه العمل سعيدو : انا بقول نروح نبلغ البوليس ونقولهم على اللى حصل لينا عنبو : انت اهبل ياعم دى جريمة قتل يعنى لو بس جبنا سيره اننا كنا على الطريق يوم الحادث هيتحفظوا علينا وهندخل الحجز يا معلم والحجر بقى يا معلم فيه حاجات غريبه يوسفو : زى ايه يا عنبو عنبو : انت شايفنى رد سجون ياعم بس اسمع من العيال يعنى اللى دخلوا ان العيال هناك راسمين تليفزيون على الحيطه "" الجدران يعنى "" وتلاقى عيل ابن تتتتتتتتتتتتتتت يقولوك غيرى القناه سعيدو : ونغيرها ازاى دى يا عنبو عنبو : مش عارف والله بس تقريباً تقوله وصل الكهربا الاول واطلع فوق اظبط الاريل علشان الصوره تبقى حلوه وتلاقى عيل ابن تيتتتتتتتتتتتتتتتت راسم سلم على الحيطه برده ويقولك اطلع عليه وعلشان ماحدش فيكم يسأل ده تروح ماسك ورقه او بطاقه وتطلعها على السلم يعنى وفي بقى حاجات تانيه يوسفو : زى ايه يا عنبو عنبو : لا عادى ممكن عيل من العيال يقولك اقلع ......................................................... الساعه واللى يفرط فى الساعه يبقى من غير ساعه وكل واحد يخلى باله من الساعه بتعته سعيدو : كل الا الساعه دانا ساعتى غاليه عليا قوووووووى يوسفو : اسكت ياعم الحاج انتى مش منك خوف ساعتك اى كلام الدور والباقى عليا يانهار مش فايت طيب والعمل يا عنبو عنبو : والله مش عارف يا رجاله يوسفو : انا جاتلى فكره الواد احمد صاحبنا ابن عمه ضابط نروح له ونحكى له على الحكايه وهو اكيد هيفيدنا عنبو : تمام على خيرة الله يذهب كلاً من عنبو ويوسفو وسعيدو واحمد الى الكابتن ايهاب ويحكى الثلاثه القصه كلها ويتصل الكابتن ايهاب على ضابط المباحث اللى ماسك القضيه ويحكى له على القصه وياخد الكابتن ايهاب الثلاثى ويذهب الى القسم طبعا عند وصولهم الى القسم كان الثلاثى فى حاله غريبه فهم اول مره يدخلوا القسم واول مره يشوفوا ناس غريبه حيث مر عليهم واحد لا تعرف له وش من ضهر يرتدى جاكت زيتى فوق الجلابيه تشعر بحالة اشمئزاز عندما تره وسأل عنبو الكابتن ايهاب مين ده يا كابتن الكابتن : ده يا عنبو بعبول المخبر عنبو : واضخ فعلا انه بعبول تحس انه مبعبل والبعبله واضحه علي كده اللهم بعبله كمان وكمان يقص "" حلوه يقص دى"" كلا من عنبو وسعيدو ويوسفو على ضابط المباحث القصه ويتفق معهم الضابط ان يعطوا بيانات الحاجات المسروقه وعمل بيها محضر وتم ابلاغ جميع محلات الموبيلات باوصافاالعدد المسروقه وفعلا تم العثور على موبيل يوسفو فى احد المحلات وبسؤال صاحب المحل تبين ان اللى باعه له واحد من القريه فعلا وتم القبض عليه ومن اول قلم من بعبول المخبر اعترف وارشد عن باقى زملائه وتم القبض عليهم تمت تحياتى عنبو انتظروا الحلقه القادمه الكيف تيجى نجرب تم تعديل 22 يناير 2011 بواسطة عنبو لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان