هي كلمة "عانس"....مين اخترعها...!!!!

[لماضة مصرية جدا]

السلام عليكم و رحمة الله و بركاته

حبايبي الحلوين

لاني من اشد المعجبين بدكتورة "غادة عبد العال" صاحبة مدونة "عايزة اتجوز"...اللي هيتعمل مسلسل في رمضان (بس شكلي كده مش هحبه)

كنت النهاردة بقرا المقال ده و عجبني اوي

و هي بتتكلم فيه عن كلمة لطيفة اوي بنقولها في مصر "عانس"....

المقالة عجبتني اوي....

قريتها و قعدت اسال نفسي....يعني ايه "عانس"....

طب هو فيه كلمات بتبقي للبنت....و كلمات بتبقي للولد.....

يعني البنت نقول عليها "عانسة" و الولد "عانس" مثلا

طب هو اصلها مثلا الفعل "عنس".....و ده ايه يا اخويا ده....مش فاهمة حاجة؟؟؟

و مين اصلا اللي استخدما و خلاها تنتشر بالطريقة دي في مجتمعاتنا؟؟؟

طب الناس اللي بره ليه مش عندهم الففكرة دي....هما عندهم الكلمة ع فكرة....بس نادرا لما اسمعها تستخدم (بس في قصص أجاثا كريستي.... wst::)

طب راي البنت فيها ايه...لو اتقالت في وشها....او اتقالت من وراها؟؟؟

طب ليه بجد منبتديش نفكر في الكلام اللي بيطلع من بوقنا دوت؟؟؟.

المقالة جميلة من وجهة نظري

و يا رب تعجبكم

و الاهم

و يا رب تخلينا نعيد تفكيرنا بنقولها كده و خلاص

إليكم المقالة

سمعني الصقفة بقي........

حتى لا تضطرى للانتحار

«إلهى يقع على زوره ويتشك فى جفونه ويتعض فى ضوافره ويتخرشم فى بنكرياسه، ومناخيره تقع فى قفاه اللى يقول على أى بنت كلمة (عانس)».. أما وقد بدأنا بهذا الاستهلال البديع خلينا نعمل مقدمة.. نحن نعيش فى مجتمع يعشق الكلمات الكبيرة.. «فى الحقيقة وفى الواقع».. والكثير من الجمل الرنانة.. «الوحدة الوطنييية».. «الانفجاااار السكااانى».. «أزمة الزوااج».. وفى معظم الأحيان إذا توقف المتحدث للحظة وركز فى اللى بيقوله.. هيلاقى إن معظم الكلام الكبير اللى بيستخدمه هو أصلا مش فاهم معناه.. (فيه حد مثلا ممكن يقدم لك تعريفا محددا لموضوع «الوحدة الوطنية» ده؟.. ثم إزاى يبقى عندنا «انفجار سكانى» ومعاه فى نفس ذات الوقت «أزمة زواج» هه؟)..

إلا أن البعض يستمر فى استخدام تلك المصطلحات عميانى، تبعا لمبدأ «نحن على دين آبائنا ومادام هم استخدموها هنفهم احنا أكتر منهم يعنى؟».. من المصطلحات دى مصطلح «العنوسة» .. تلك الكلمة السخيفة التى اخترعها أحدهم (إلهى لا يربح لا فى دنيا ولا فى آخرة) وأدمن البعض استخدامها محاولين إقناعك أنها المصطلح المناسب لوصف ظاهرة «تأخر سن الزواج عند الجنسين»، بينما تدرك أنت والجميع أن عبء هذا المصطلح السخيف يقع على عاتق الفتاة وحدها.. المصطلح المناسب للرجل هو «أعزب» مهما طال زمن عزوبته.. أما هى فهى «عانس» بمجرد أن تتخطى عتبة الثلاثين.. والعانس فى الثقافة المصرية هى زينات صدقى.. هى عائشة الكيلانى.. هى فتاة قبيحة.. غريبة الأطوار.. غبية.. حمقاء.. مثيرة للشفقة.. غير مرغوب فيها.. تطارد الرجال فى بنايتها وفى شارعها وربما فى وسائل المواصلات لأنها هههه «عانس».. تلك الكلمة المهينة والمعانى الكامنة وراءها هى الدافع الرئيسى لانتحار 2700 فتاة العام الماضى، حسب إحدى الإحصاءات، آخرهن أستاذة جامعية فى الأربعين ألقت بنفسها من الدور الثالث..

طب إيه اللى يخلى أى بنت تفقد الأمل لدرجة تدفعها للانتحار؟..

«يمكن قرايبها اللى كل أما يشوفوها يمصمصوا شفايفهم ويقولولها ربنا يعدلهالك؟..

يمكن جيرانها اللى بيقولوا مادام لسه قاعدة يبقى أكيد فيها إنه؟...

يمكن صاحباتها اللى بقوا يخافوا منها على أزواجهم فنبذوها ؟..

يمكن أهلها اللى بيزنّوا عليها تقبل أى حد يتقدملها حتى لو غير مناسب؟

يمكن لأن الكل حسسوها إنها مالهاش أى قيمة بدون زواج..

يمكن سبب من دول ويمكن كلهم..

لكن الأكيد إن المجتمع كله بيمارس ضغوط زى دى كل يوم على بنات ناجحات وجميلات وذوات أصل طيب..»،

يصر الإعلام على وصمهن بكلمة أقل ما يقال عنها إنها «شتيمة» ويأبى إلا أن يسخر منهن فى كل فرصة ومناسبة للاستظراف.. يحملهن الجميع مسئولية اقتصاد فاشل وشباب سطحى ومجتمع فقد إنسانيته فأصر أعضاؤه على تحميل أضعف عناصره مسئولية فشل الجميع.. والضغط بيولد اكتئاب.. والاكتئاب قد يتطور لانتحار..

لكن لأ.. عزيزتى الشابة التى تخطت الثلاثين.. بما إن الشقق بقت نار وجرام الدهب بأه بـ200 جنيه

والرجالة بمعناهم الصحيح نصهم راح فى حرب 73 وربعهم راح فى زلزال 92 والربع الباقى راح السعودية وهو راجع غرق فى العبارة..[/color](عجبتني دي موووووت..... :lol: )

فاحنا قاعدين مع بعض شويتين..

ولهذا يجب علينا تطوير مهارات المقاومة ضد هذا المجتمع اللئيم..

خليكى قوية وبطلى ضعف.. ما تديش لحد خدك التانى وردى الصاع صاعين..

السن بالسن والعين بالعين وانت لازم تعورى كل اللى يحط صابعه فى عينيكى..

اللى يقولك كلمه ردى عليه بعشرة.. ما هو واضح إنه مش هينفع معاهم غير كده..

اللى تقولك إنت طولتى فى القاعده كده ليه؟.. قوليلها وانت دخلك إيه؟..

اللى تقولك هو انت مش ناوية تتجوزى بأه؟..

قوليلها وانت مش ناوية تخليكى فى حالك بأه؟..

اللى تقولك مش تشدى حيلك؟.. قوليلها واللى شدوه يعنى اتنصفوا؟ ما انت قدامى أهه..

هيقولوا عليك لسانك طويل.. هيقولوا عليك مش متربية.. يقولوا.. ما هم كده كده بيقولوا.. طالما الكل بييجى يرمى دبش فى وشك ويروح مرتاح البال.. لأ بأه.. كونى ذئبا حتى لا تأكلك الكلاب.. يمكن يحلوا عن دماغك.. يمكن يبطلوا حرق لأعصابك.. يمكن يبصوا لنفسهم ويسيبوكى فى حالك.. تعيشى وتشتغلى وتنجحى لحد ما تلاقى شريك حياتك أو تكمليها بدون ما تدبسى نفسك فى اختيار خاطئ أو تضطرى للانتحار لمجرد الهروب من أن توصمى بكلمة «عانس».

المصدر

http://shorouknews.com/Columns/Column.aspx?id=264880

تحياتي

ريهام

[herohero]

والله يالماضة انا هتجنن منالكلمة ده وكمان انا فاكر لما من كم يوم ع قناة الحياة 2 ف برنامج رولا خرسا كانوا بيناقشوا الموضوع ده

وكمان كانوا بيعلقوا ع فيلم بنتين من مصر فيلم كويس وفكرته حلوة رغم سواده

انا مقتننع بضرورة حذف هذه الكلمة من قاموسنا

وابوس ايدين المجتمع الحلو ده سيبوا كل واحد ف حاله مالكوش دعوة تتجوز ولا تعمل اللي هي عاوزاه كل واحد حر

بجد انا قريت مدونة غاده عبد العال زمان وبحترم اي واحده تاخد قرار الارتباط بمزاجها والشباب كذلك

نفسي كل واحد يبقى ف حاله ابقى بنت ناجحه ومتفوقه واتجوز واحد فاشل لا انا لو بنت يفوتني قطار الزواج ولا انه يدوسني

[Pharm]

هههههههههههههههه والله انا ضحكت كتير جدا يا اخت لماضة لما قرايت مقالة غادة انا كنت متابع المدونة بتاعتها من اول ما بدات فيها كتابة

وكنت بموت على نفسى من الضحك وهى بتحكى ماساة انسانية بطريقة ساخرة من المجتمع والظروف . وصدقينى المشكلة مش بتواجه البنت بس

لا كمان ولولد بيكون ناجح فى حياته بيحب يرتبط بواحدة ناجحة متكونش سطحية وتافه فبيفضل عدم الجواز او يضحى ويقول اى واحدة وخلاص وطبعا

اكيد بتكون النتيجة بفشل التجربة . انا بتكلم من واقع شخصى واسمى ولد وبيقولولى يا عانس هههههههههههههه :lol: على رغم انى 27 سنة بس شوفتوا

المصيبة كل اللى يشوفنى يقولى انت شغال وزاى الفل وعندك شقة مش عاوز تتجوز ليه ؟؟؟؟؟ اقوله انا بدور على انسانة تناسبنى يكون ليه طموح وهدف

يرد ويقولى كلهم واحد انت هتتأمر اتجوز وخلاص طبعا انا رافض دا

فكلمت عانس وحياتكم للولد وللبنت دلوقت وكمان ممكن نقول لهبل الاهالى فى طلبات والظروف اللى زاى الزفت للبلد وشباب وتلاقى الاهالى يقولوا عاوزين وعاوزين

وقال ايه بيامنوا مستقبل بنتهم وان بنتهم متكلفة (على اساس ان هو متربى فى اصلاحية )

بس انا معاكم كلمة مش ظريفة وبتغظنى جداااااا سواء سمعتها لى لو لبنت او اى شخص من حق كل واحد فينا يختار اللى هيشاركه حياته ويكون مناسب ليه

مش لازم ننتحر او نتجوز جوازة فاشلة (يعتبر اشد من الانتحار ) عشان نهرب من للقب المجتمع بيقوله بكل جهل

ادعولى بقا اااااااااااااااا اهرب من اللقب المنيل دا والاقى نصفى الحلو wst::

[se_ Elsyed]

اتفق معكم جميعاً إننا شغلنا انفسنا بعيوب غيرنا أو باحوال غيرنا .. وتركنا احوالنا نحن ..

لكن دعونا نتفق برضوا إن هناك قوالب إجتماعية وانماط معيشية .. صعب نغيرها ولو بعد الاف السنين ..

ده واقع ولازم نعترف به ...

إحنا يا جماعة مجتمعات شرقية لها أصول ... الأصول والجذور دي ضاربة في أعماق الزمن من الاف السنين وبنتوارث نحن حاجات على بعضها كده فيها الحلو وفيها المُر وفيها الجميل وفيها القبيح وإذا كنت عاوز صلصة لازم تاخد معاها مكرونه .. ما ينفعش تاخد حاجه واحده وتسيب الباقي ...

( ايه الكلام ده يا سين سين ... لأ ده الجمبري بتاع الغدا عامل معاك شغل عالي النهاردة وتلافيف دماغك عامله سمبوكسات )

المهم

إحنا من زمان من ايام قيس وليلى .. وسهام وعبد الفتاح .. عارفين إن البنت مسيرها للجواز .... ويا دوب المفروض تاخد الدبلون او تخلص الجامعة .. ويبتدي المجتمع كله .. بكل فئاته عمال وفلاحين والطلبة خلف مكاتبهم والعجائز أمام مدافئهم والفلاحين في الحقول والكل كليله يمسك لها ستوب ووتش وكل شويه :

ها .. إيه مش هانفرح بقى بعروستنا قريب ؟

إيه الأخبار يا أم مديحه ياختي .... هانلبس قصدي هانشرب شربات مدشيحه أمتى ؟

سخافات وحشر انوفنا في امور الغير ... وتلاقي اللي بيسأل لا ناقة له ولا جمل في الموضوع

يعني لو حصلت ضغوطات على البنت مثلاً وأتكروتت في جوازه منيلة رافعةً الشعار الأبدي " ضل راجل ولا ضل حيطه " ..

بالصلاتو عالنبي ... الحيطه هاتقع على مين ؟

على الست تحيه الحشرية اللي كل يوم كانت تيجي تشقر عليهم وتسمعهم الكلام السخيف ده ؟

ولا على مدشيحه اللي أضطرت تقبل بقى في النهاية وتتنازل عن طموحاتها وإتجوزت واحد الحيطه أنضف منه ، على الأقل الحيطه لو مبنيه صح فبتضلل على الواحد وممكن كمان يدق فيها مسامير ويعلق هدومه عليها او يبني فوقيها سقف يحميه من المطر والأتربة والغبار ... لكن أخينا طلع حيطه مايله وسوري يعني الواحد ما يقلعوش من رجله ؟

برضوا معليش شئنا أم أبينا ... نحن مجتمع ذكوري ... مكسوف من ربنا ومن تعاليمه .. وبالتالي لا نقوم الأن بؤد البنات صراحةً زي أيام الجاهلية ..

وماحدش يزعل مني

ساعات الؤد بيبقى أرحم ... واهو خبطه بالمرزبه ولا عشرة بالشاكوس وهي موته ولا أكتر ...

لكن الؤد البطيء النفسي والمعنوي بيخلي الواحد يموت 100 مره في اليوم

أضرب لكم مثل ؟

خلي واحد وواحده متجوزين بقى لهم 3 أيام وما حصلش حمل

يا لهووووووووووووووووووووي ..... المجتمع كله يسيب قضايا التوريث والفساد والبرادعي ويوسف بطرس غالي ويبتدي يتكلم على من حُرموا من نعمة الأنجاب

شوفت يا عيني ..... إبراهيم وسميحه متجوزين يوم الثلاث اللي فات ... والنهاردة بقينا ياختي السبت .. ولسه ما حصلش حمل ؟؟؟؟

لا حول ولا قوة إلا بالله ... يعني كده إبراهيم ييجي الدنيا ويمشي منها وما فيش حتة عيل يشيل إسمه ، ويبقى كده يا عيني زي جزع النخلة المقطوع اللي كبيره يتعمل مقشة بلح نكنس بيها البيت زي الفلاحين ؟

ولا سميحه .. البنت الأموره اللي زي العسل يا كبد أمها .. تتحرم من نعمة الأمومة كده وتدور ترضع عيال الجيران عشان تشبع الرغبة دي ؟

طب الحمد لله بقينا يوم الأثنين ولسه ما كملناش اسبوع جواز وسميحه نفسها غمت عليها وبتتوحم وبقت حامل ...

يا ألف بركه لوووووووووووووووووووولي

قولي لنا بقى يا سميحه ... عملتي سونار وشوفتي النونو ولد ولا بنت ؟

لا والله يا طنط السونار بيتعمل بعد الشهر الرابع وانا لسه حامل أول أمبارح ، وبعدين كل اللي يجيبه ربنا كويس

بعد 9 شهور ربنا ينتع سميحه بالسلامه وتجيب لنا بنت زي القمر

ييييييييييييييييييييييييييييييه

شوفي يا عيني .... إهي جابت بنت ... وقال يا مخلفه البنات يا شايلة الهم للمامات

ولما قالوا ده ولد .. أنشد ضهري وأنسند .. ولما قالوا دي بونيه .. أتهديت الحيطه عليه

الله يحرقكوا بجاز يا بُعده .. يعني لا وهي مش متجوزه عاجبه

ولا لما أتنيلت عاجبه ولا لما خلفت عاجبه ؟

طب الناس تعمل إيه ؟

تدي قماشة حياتها للمجتمع وهما يفصلوا حياتنا ومصائرنا على مزاجهم ومقاسهم ؟

لاحظوا حاجه ...

ده كل الكلام والتقطيم ده بيبقى 90 % موجه للبنت او المرأه .. وكإن حاجه زي انجاب البنات أو الأولاد بإيدها ، وهي لما تبقى متعكننه تقوم جايبه بنات .. ولما تبقى مزاجها معدول تجيب عيال يشيلوا إسم عيلة ابوهم .. يعني ياخي هايشيلوا ورق بنكنوت !!!!

نعم نحن مجتمعات ذكورية متسلطة

البنت لو عدت 25 وما أتجوزتش .. فأوتوماتيك بتروح تغير المهنة في بطاقة الرقم القومي وتكتب المهنة " عانس " وما بتبقاش عارفه تخرج من بيتها من عيون الناس وكلامهم وتعليقاتهم

والولد بقى - أنا شوفت أصحابي بعيني وماحدش قال لي - يوصل 49 سنة ولسه ما دخلش دنيا .. ومع ذلك بيلاقي كلمات أستحسان وتشجيع من فئات المجتمع كله .. وشد حيلك يا بطل ... وولا يهمك الراجل ما يعيبوش غير جيبه ... وخلي بالك الفياجرا ماخلتش حاجه وأنت أن شاء الله زي الفل ولسه شغال وقدامك 20 سنة أخرى من العطاء المتواصل ....

وحتى تخيلوا لما يُقدم على الجواز .. أيوه اللي فوق ده أبو 49 سنة ... يبتدي يحط رجل على رجل ويضع شروط وهميه فشر شروط لجنة ميلنر بتاعت أستقلال مصر وجلاء الانجليز عنها طبقاً للمطالب الوطنية للمصريين سنة 1924 ...

ويقول لك : أنا عاوز بنت صغار 18 كده قول 22 سنه ... تدلعني وترجعني شباب تاني ...

يا نهار إسود .... فرق حوالي 25 سنة يا ظالم ... يعني بعد 20 سنة مثلاً يبقى عندك إنت 75 سنة وخلاص ركبت الران واي ودفعتك إتخرجت من بدري .. وهي تبقى لسه بتقول يا هادي وأصطبحنا وصبح المُلك لله وما كلمتش 40 سنه ؟

شوفتوا الظلم الذكوري ؟

والله ربنا ما يرضى بالظلم أبداً

--------------

طيب نعمل زوم أوت ونروح لبيت مدشيحه

يا نهار مياتم يا جدعان ...

مديحه بقى عندها 27 سنة وواخده بكالوريوس أقتصاد منزلي قسم مكرونه باشميل من حوالي 5 سنين ... وكل ده ولسه ما أتجوزتش ...

والعمل ؟

امممممممممم ... خلاص ننزل بسقف الطموحات شويه .. يعني إيه ؟

يعني مش مهم عريس الغافله يبقى ولد ولود - زي بنت بنوت كده - .. ممكن نقبل بواحد متطلق ... بس ما تكونش الأولانية على ذمته ...

أو أرمل .... وما عندوش عيال

والسن الله يخليكوا ما يعديش 45 .. مش هايبقى جواز وخراب ديار

------------------

تعدي الأيام وما فيش أي أوفرات جت لأي سبب بقى ده كله بتاع ربنا واللي يقول غير كده يبقى ضعيف الإيمان

دخلت مدشيحة في الـ 31 سنة ..

شيل يا عم قد عشر مداميج طوب - المدماج هو مصطلح في لغتنا نحن البنائين ... يعني صف طوب عرضي من الحائط - وأنزل يا عم بسقف الطموحات اللي بقى أرتفاعه دلوقت متر ونص والواحد بقى ماشي في البيت مئتب من كتر التوطيه

طب شوفوا لنا يا أخواننا واحد مُطلق ومراته كانت نكديه راحت لبسته العيال وبقى محتاس بيهم وعاوز واحده تطبخ وتمسح وتربي العيال ولا سندريلا في زمانها .. ولا مانع إن أشبعت هي غريزة الأمومه وجابت لها عيل ولا حاجه وهانشوف الموضوع ده بعدين بناء على تقييم تجربتها في معاملة عيال جوزها ويا ترى كانت بتكويهم بالنار كام مره في اليوم .. فما بالنا لو جابت هي أولاد يبقى من الطبيعي إنها هاتسم الأولانيين وتتخلص منهم ... ده لو جابت عيال اساساً بعد سن 31 ( ده رأي المجتمع مش رأيي والله العظيم )

سوري مش هاتكسف منكم لما أقول إني أنا شخصياً من كُتر قراءتي منذ الصغر والأراء اللي بأسمعها ... ترسخت لدي فكره إن البنت بعد سن 35 ... كده باي باي ... بتدخل سن اليأس ولما تمشي على الحيط حتى مش ممكن تخلف

وهو شيء في منتهى التخلف والجهل وغير علمي ولا حقيقي بالمره ...

لكن مازالت تلك الفكره والأنطباع ده موجود لدى الكثيرين

اممممممممم .. طب بنتنا دلوقت 31 .. يعني فاضل في تاريخ الصلاحيه 4 سنين . وإيش ضمنني إن يبقى فيها الرمق وممكن تخلف ؟

وبما إننا نزلنا بالسقف قووووووووووي ..

يبقى بنتكلم دلوقت في واحد مُطلق عنده عيال

أرمل وعنده عيال

واحد ما اتجوزش ولسه بخيره بس في عِبر الدنيا ومستحيل يلاقي مِعزه حتى تتجوزه من سوء اخلاقه وهمجيته وبالتالي هو مرمي عالرصيف وماحدش بيقول له إنت فين ...

-----------------

وهكذا .... كل المشاكل تتجمع على مر العصور .. لتصب في مصب واحد فقط وهو " البنت "

هي اللي لازم تدفع ثمن الخرافات والمعتقدات الشريرة اللي عندنا

هي اللي لازم تدفع فاتورة الأزمة الإقتصادية والدهب اللي بقى الجرام بتاعه بـ 200 ج غير المصنوعيه وإنت ابقى راضي الرجاله

هي اللي لازم تدفع فاتورة إنتشار الفضائيات والقنوات الأباحيه وبالتالي الشباب بقى عنده شبه إكتفاء ذاتي ويقول لك أتجوز ليه يا عم ما الدنيا حلوه واللحمه كتير .. او على الأقل تسيب نفسها وترضى بالتحرشات بتاعت شارع جامعة الدول لان الشباب تعبان ومش لاقي ودي الفئة اللي عدت مرحلة الفضائيات وعاوزه تجرب عملي ..

------------------------------

ولنا عوده عشان أنا مفقوع من جنس الرجالة ده وعاوز أولع فيهم - مش كلهم يعني -

[aimen]

معك يا سى السيد قلبا وقالبا

بس فيه نقطة انا بستغرب لها كثير

ان الست هى الى دايما بتقود حملات التعذيب للست

بمعنى التساؤلات عن من تزوجت ومن طلقت

ومن خلفت ومن مر على زواجها مدة ولم تحمل

ومن ومن ومن ؟ ...

كلها سهام موجهه من الطرف النسائى للطرف النسائى ......وكأن اللى بيتعذب بيحاول يعذب غيره أو كأنها فرصة للأنتقام من المجتمع ...

غريب مش كده

[Howayda Ismail]

الازمة عندنا مش ازمة انفجار سكانى بقدر ماهى ازمة امكانيات لان فى شباب كتير عنده رغبة فى تكوين اسرة

لكن عاجز عن تحقيق ذلك.

وبالنسبة لوقتنا الحالى بسبب ارتفاع نسبة المتعلمات والدراسات العليا والتحاقهن بسوق العمل يجعل الكثيرات يعزفن

عن الزواج لانه بيحد من طموحها فى الترقى ويجعلها تفكر الف مرة ايه يخلينى ارتبط بواحد اقل منى .

الشباب من الجنسين لما بيفكر يفتح بيت دلوقت عاوز كل الامكانيات من شقة كبيرة لجميع الكمليات قبل ما يتجوز

مش بيتنازل زى زمان خصوصا البنات او اهلها ده غير القايمة وغير الشبكة والمهر والمؤخر فى الاخر الشاب

بيلاقى نفسه مكبل بقائمة طلبات مش بيقدر عليها فبيبعد عن فكرة الزواج لحد مايكون نفسه وفى الوقت ده

سنه يعدى30سنة لكن لما يفكر يتجوز يختار بنت عندها 18 ومايبصش للى من سنه بيعتبرها كبيرة

الشهر الماضى شاب فى العشرينات انتحر لانه ماقدرش يتتم زواجه لظروف مادية لكن لو الناس اللى بتعمل عمرة

عشرات المرات او اللى بتبنى جامع جنب جامع جنب جامع لو خصصوا الفلوس دى لمساعدة حالات زى دى

فى جوزات بتتفركش على حاجات بسيطة عاجز احد الطرفين انه يجبها لو ساعدنا الناس دى متهيألي حنساعد

شوية لو اتعمل شبه جمعية خيرية واتبرع كل واحد باللى يقدر عليه من اشياء عينية او مادية وخصوصا رجال

الاعمال اللى بيعملوا افراح ولادهم بالملايين. لو استقطع جزء من زكاة المال يخصص لبند زواج الشباب المتعسر.

من فترة كان فى حفلات زواج جماعى للمتعسرين ماديا واليتامى لكن مش عارفة السبب اتوقفت ليه ولا هى

مرتبطة بالانتخابات .الموضوع انسانى واجتماعى و الجمعيات الاهلية ممكن يكون لها دور كبير فى حل جزء من الازمة

[pocy]

مقاله فظيعه شكرا يا لمضه على المقاله اللمضه دى بجد وهندها حق فى حاجات كتير اصلا تحس ان البنت اتجاها مسير مش مخير ليه بقي اقولك انا ليه

البنت تتولد وهى فى اللفه يقروا فتحتها لفلان وطبعا ده مجرد كلام وبعد كده تدخل المدرسه ومنها للكليه وبعدين تتخرج وبعدين تلاقي بقي الستات بدأو يتكلموا اه والله ماهى اتخرجت طب ليه ماتخطبتش ولما تتخطبب طب ليه لسه متجوزتش ولما تتجوز هى ليه مخلفتش طب لما خلفت هى لسه ليه مش جابت التانى ولما تجيب التانى هو مش عايزه تجيب اخ كمان للاخ واخت للاخت ولا ايه وهلم جره وهكذا وتبدأ الحكايه مره تانيه من الابناء وهكذا فالموضوع مستمر الى ان يشاء الله

وفعلا محدش جاب كلمه العانس الا الستات

[shiko]

..

إحناها .. إيه مش هانفرح بقى بعروستنا قريب ؟

إيه الأخبار يا أم مديحه ياختي .... هانلبس قصدي هانشرب شربات مدشيحه أمتى ؟

سخافات وحشر انوفنا في امور الغير ... وتلاقي اللي بيسأل لا ناقة له ولا جمل في الموضوع

يعني لو حصلت ضغوطات على البنت مثلاً وأتكروتت في جوازه منيلة رافعةً الشعار الأبدي " ضل راجل ولا ضل حيطه " ..

بالصلاتو عالنبي ... الحيطه هاتقع على مين ؟

على الست تحيه الحشرية اللي كل يوم كانت تيجي تشقر عليهم وتسمعهم الكلام السخيف ده ؟

ولا على مدشيحه اللي أضطرت تقبل بقى في النهاية وتتنازل عن طموحاتها وإتجوزت واحد الحيطه أنضف منه ، على الأقل الحيطه لو مبنيه صح فبتضلل على الواحد وممكن كمان يدق فيها مسامير ويعلق هدومه عليها او يبني فوقيها سقف يحميه من المطر والأتربة والغبار ... لكن أخينا طلع حيطه مايله وسوري يعني الواحد ما يقلعوش من رجله ؟

أضرب لكم مثل ؟

خلي واحد وواحده متجوزين بقى لهم 3 أيام وما حصلش حمل

يا لهووووووووووووووووووووي ..... المجتمع كله يسيب قضايا التوريث والفساد والبرادعي ويوسف بطرس غالي ويبتدي يتكلم على من حُرموا من نعمة الأنجاب

شوفت يا عيني ..... إبراهيم وسميحه متجوزين يوم الثلاث اللي فات ... والنهاردة بقينا ياختي السبت .. ولسه ما حصلش حمل ؟؟؟؟

لا حول ولا قوة إلا بالله ... يعني كده إبراهيم ييجي الدنيا ويمشي منها وما فيش حتة عيل يشيل إسمه ، ويبقى كده يا عيني زي جزع النخلة المقطوع اللي كبيره يتعمل مقشة بلح نكنس بيها البيت زي الفلاحين ؟

ولا سميحه .. البنت الأموره اللي زي العسل يا كبد أمها .. تتحرم من نعمة الأمومة كده وتدور ترضع عيال الجيران عشان تشبع الرغبة دي ؟

طب الحمد لله بقينا يوم الأثنين ولسه ما كملناش اسبوع جواز وسميحه نفسها غمت عليها وبتتوحم وبقت حامل ...

يا ألف بركه لوووووووووووووووووووولي

قولي لنا بقى يا سميحه ... عملتي سونار وشوفتي النونو ولد ولا بنت ؟

لا والله يا طنط السونار بيتعمل بعد الشهر الرابع وانا لسه حامل أول أمبارح ، وبعدين كل اللي يجيبه ربنا كويس

بعد 9 شهور ربنا ينتع سميحه بالسلامه وتجيب لنا بنت زي القمر

ييييييييييييييييييييييييييييييه

شوفي يا عيني .... إهي جابت بنت ... وقال يا مخلفه البنات يا شايلة الهم للمامات

ولما قالوا ده ولد .. أنشد ضهري وأنسند .. ولما قالوا دي بونيه .. أتهديت الحيطه عليه

الله يحرقكوا بجاز يا بُعده .. يعني لا وهي مش متجوزه عاجبه

ولا لما أتنيلت عاجبه ولا لما خلفت عاجبه ؟

طب

لاحظوا حاجه ...

ده كل الكلام والتقطيم ده بيبقى 90 % موجه للبنت او المرأه .. وكإن حاجه زي انجاب البنات أو الأولاد بإيدها ، وهي لما تبقى متعكننه تقوم جايبه بنات .. ولما تبقى مزاجها معدول تجيب عيال يشيلوا إسم عيلة ابوهم .. يعني ياخي هايشيلوا ورق بنكنوت !!!!

البنت لو عدت 25 وما أتجوزتش .. فأوتوماتيك بتروح تغير المهنة في بطاقة الرقم القومي وتكتب المهنة " عانس " وما بتبقاش عارفه تخرج من بيتها من عيون الناس وكلامهم وتعليقاتهم

والولد بقى - أنا شوفت أصحابي بعيني وماحدش قال لي - يوصل 49 سنة ولسه ما دخلش دنيا .. ومع ذلك بيلاقي كلمات أستحسان وتشجيع من فئات المجتمع كله .. وشد حيلك يا بطل ... وولا يهمك الراجل ما يعيبوش غير جيبه ... وخلي بالك الفياجرا ماخلتش حاجه وأنت أن شاء الله زي الفل ولسه شغال وقدامك 20 سنة أخرى من العطاء المتواصل ....

===============================

طيب نعمل زوم أوت ونروح لبيت مدشيحه

يا نهار مياتم يا جدعان ...

امممممممممم ... خلاص ننزل بسقف الطموحات شويه .. يعني إيه ؟

يعني مش مهم عريس الغافله يبقى ولد ولود - زي بنت بنوت كده - .. ممكن نقبل بواحد متطلق ... بس ما تكونش الأولانية على ذمته ...

أو أرمل .... وما عندوش عيال

والسن الله يخليكوا ما يعديش 45 .. مش هايبقى جواز وخراب ديار

------------------

دخلت مدشيحة في الـ 31 سنة ..

شيل يا عم قد عشر مداميج طوب - المدماج هو مصطلح في لغتنا نحن البنائين ... يعني صف طوب عرضي من الحائط - وأنزل يا عم بسقف الطموحات اللي بقى أرتفاعه دلوقت متر ونص والواحد بقى ماشي في البيت مئتب من كتر التوطيه

طب شوفوا لنا يا أخواننا واحد مُطلق ومراته كانت نكديه راحت لبسته العيال وبقى محتاس بيهم وعاوز واحده تطبخ وتمسح وتربي العيال ولا سندريلا في زمانها .. ولا مانع إن أشبعت هي غريزة الأمومه وجابت لها عيل ولا حاجه وهانشوف الموضوع ده بعدين بناء على تقييم تجربتها في معاملة عيال جوزها ويا ترى كانت بتكويهم بالنار كام مره في اليوم .. فما بالنا لو جابت هي أولاد يبقى من الطبيعي إنها هاتسم الأولانيين وتتخلص منهم ... ده لو جابت عيال اساساً بعد سن 31 ( ده رأي المجتمع مش رأيي والله العظيم )

سوري مش هاتكسف منكم لما أقول إني أنا شخصياً من كُتر قراءتي منذ الصغر والأراء اللي بأسمعها ... ترسخت لدي فكره إن البنت بعد سن 35 ... كده باي باي ... بتدخل سن اليأس ولما تمشي على الحيط حتى مش ممكن تخلف

وهو شيء في منتهى التخلف والجهل وغير علمي ولا حقيقي بالمره ...

لكن مازالت تلك الفكره والأنطباع ده موجود لدى الكثيرين

اممممممممم .. طب بنتنا دلوقت 31 .. يعني فاضل في تاريخ الصلاحيه 4 سنين . وإيش ضمنني إن يبقى فيها الرمق وممكن تخلف ؟

وبما إننا نزلنا بالسقف قووووووووووي ..

يبقى بنتكلم دلوقت في واحد مُطلق عنده عيال

أرمل وعنده عيال

واحد ما اتجوزش ولسه بخيره بس في عِبر الدنيا ومستحيل يلاقي مِعزه حتى تتجوزه من سوء اخلاقه وهمجيته وبالتالي هو مرمي عالرصيف وماحدش بيقول له إنت فين ...

-----------------

وهكذا .... كل المشاكل تتجمع على مر العصور .. لتصب في مصب واحد فقط وهو " البنت "

هي اللي لازم تدفع ثمن الخرافات والمعتقدات الشريرة اللي عندنا

هي اللي لازم تدفع فاتورة الأزمة الإقتصادية والدهب اللي بقى الجرام بتاعه بـ 200 ج غير المصنوعيه وإنت ابقى راضي الرجاله

هي اللي لازم تدفع فاتورة إنتشار الفضائيات والقنوات الأباحيه وبالتالي الشباب بقى عنده شبه إكتفاء ذاتي ويقول لك أتجوز ليه يا عم ما الدنيا حلوه واللحمه كتير .. او على الأقل تسيب نفسها وترضى بالتحرشات بتاعت شارع جامعة الدول لان الشباب تعبان ومش لاقي ودي الفئة اللي عدت مرحلة الفضائيات وعاوزه تجرب عملي ..

------------------------------

ولنا عوده عشان أنا مفقوع من جنس الرجالة ده وعاوز أولع فيهم - مش كلهم يعني wst:: -

انا موش هاعلق على الموضوع دلوقتى انا بس عاوزة اسألك يا س....

هو انت كنت عانس قبل كده ولا ايه ؟؟

بجد جبت وعرفت الاحاسيس .....دى امتى ...وازاى وفين ....؟؟

ده غادة عبد العال نفسها ....ماتجيش جانبك ربع عانس .....!!

بس سيبك انت ....هانتكلم مع لماضة ....للصبح ....

ولنا عودة ...استنونى ...ماتمشوش....

[اغابي]

بعض النقاط الهامة

العانس - احد ضحايا المجتمع الذكورى

والظروف والتقاليد حسب كل مجتمع تختلف و تتحكم فى تحديد بلوغ سن العـانس

كمثال فى الصعيد بوجه عام - من تخطت ال24 سنة - فتعتبر عـانس

فى القاهرة والاسكندرية ومحافظات وجه بحرى - 35 سنة

فى سينا والواحات 18 سنة

اغابي wst::

[engamr]

بعض النقاط الهامة

العانس - احد ضحايا المجتمع الذكورى

والظروف والتقاليد حسب كل مجتمع تختلف و تتحكم فى تحديد بلوغ سن العـانس

كمثال فى الصعيد بوجه عام - من تخطت ال24 سنة - فتعتبر عـانس

فى القاهرة والاسكندرية ومحافظات وجه بحرى - 35 سنة

فى سينا والواحات 18 سنة

اغابي wst::

انت عندك حق

بس برده لازم نقول ان المشكله ده من اهم اسبابها هما البنت واهلها لانهم بيطلبوا طلبات تقطم وسط اي شاب عاوز يتجوز

وانا على فكره لى تجربة شبيهه شوية بالنقطه ده وفي الاخر البنت بتقعد جمب مامتها

انا مش بقول ان ده السبب الرئيسي بس ده سبب مهم

تم تعديل 14 يوليو 2010 بواسطة engamr

[لماضة مصرية جدا]

السلام عليكم و رحمة الله و بركاته

اخواني الطلبة

بجد سعيدة اوي ان المقال عجبكم و طرح عندكم نفس التساؤلات اللي اتنكشت في دماغي

سعيدة اكتر بمداخلات الشباب اللي زي الورد استاذنا هيرو فيرو، و استاذ قورما..و الرجالة الجدعان المجدع...استاذنا سين سين

سعيدة بتواجد البناويت...امل مصر و المستقبل...حماتي بوسي...و بنتي شيكو لوز....و الفاضلة اغابي

بعد السلام المربع دوت

ممكن افكر معاكم في حاجة كده

احنا بنتكلم عن الناس و المجتمع و القوالب الجاهزة اللي بيتحط فيها البنت و الولد ...و بقول البنت و

القوالب ...القوالب دي اللي بتختزلها بعض الكلمات و بنفضل نرددها بغبغانات

من القوالب دي

اللي لو البنت جميلة و ذكية و محترمة و نحسبها علي خير و لا نزكي علي الله احدا....لكنها لم تتزوج...تلاقي دايما القالب....اكيد هي طالعة فيها او اكيد فيه إن...(اموت و اعرف ايه الان دي...و غالبا نفس الناس اللي بتتطوع و بتقول فيه ان...هي نفسها اللي بتتطوع و بتفسر الان علي انه فشل قصة حب قديم.....او البنت معقدة....او.....او....او ....مبيغلبوش الصراحة wst:: )

القوالب اللي لو الولد عنده وظيفة محترمة....و من عيلة محترمة....و عنده شقة (يا الف بركة)...يبقي لازم يتجوز....و لو متجوزشي...تلاقيه لازم يكون في موقف دفاع...او موقف تبرير مثلا....زي اصلي مستني اخواتي البنات....او مش في دماغي....او يا عم هما اللي اخدوا من الجواز ايه

عمري ما قابلت حد خرج بره القالب و قال... يا جماعة الخير....."نصيبي خير"...و ربنا اداني نصيبي علي اكمل وجه و له الحمد

ليه الناس لازم تبقي في موقف دفاع و لازم تبرر.....طب هي الناس بتبرر ايه...بتبرر عطاء الله....و العياذ بالله

حاجة تانية

هو المجتمع ده مين....مش انا و انت و حضرتك اللي قاعد قدام و الست يا عيني اللي بتعافر في الاتوبيس عشان تروح لولادها بعد يوم شغل منهك

المجتمع ده مش مصطلح هلامي

المجتمع ده بني آدمين...يعني ناس....و الناس دي اول دايرة بنتكلم فيها...هي الدايرة القريبة مننا...يعني دايرة والدينا و اخواتنا

لاني الحقيقة هستبعد دايرة الجيران و محيط الاصدقاء و الناس اللي ماشية في الشارع لان رايهم في حياتي لا يعني لي شيء علي الاطلاق

يا تري...لو انت اب او ام....امتي هتبطل تسال السؤال ده لابنك او بنتك "امتي هنطمن عليك؟؟ او عليكي"...و الاطمئنان هنا يعني يكون للبنت بيت مستقل....و يكون للولدبرضه بيت و اسرة.

انت كأب او كام يا تري فعلا بتحس ان ولادك ناجحين في حياتهم....زي ما هم كده...من غير جواز....و لا بتفضل بينك و بين نفسك تمصمص شفايفك.....و تقوم بالليل و تفضل تناجي ربنا بصوت مسموع اوي و تقول يا رب عدلهلهم يا رب

الدعاء مشروع جدا و انساني جدا.....ب

س مش يمكن ربنا سبحانه و تعالي فعلا يكون معدلها لاولادك فعلا....يعني وظيفة ممتازة.....كارير بيحلم بيه الناس....ان الولد او البنت دول فعلا نشاوا علي الطاعة و بيراعو ربنا في حياتهم.....مش يمكن هو ده العدل....(بفتح العين و فتح الدال)

العدل.....مفهوم بجد لازم كل اب و كل ام يفكروا فيه....لانه جاي من العدل( بفتح العين و تسكين الدال)...يعني عدالة...يعني كل واحد بياخد نصيبه.....كلنا بناخد نصيبنا.....

مش لازم نكشكش الصورة اوي....و نحصرها في صورة زفاف مع انها حلم.....

لكن من حق كل ولد و بنت....انه ياخد لقطة الصورة دي لما يحس انه مستعد ليها....لما يحس انه اد المسئولية...لما يحس انه هيقدر يطلع اسرة مسلمة تعز الاسلام....

مش مجرد عشان اقف في كادر الصورة كده و البنت لابسة الفستان الابيض....او الولد لابس السمكوينج...و ناخد صورة هتبقي عدة ساعات....لكن بعد كده بننسي ان بعدها صور و لقطات تانية كتير

سؤالي برضه لكل اب و ام.....يا تري بتربوا ولادكم ازاي.....بتحطوهم في قوالب و بتقول ليهم تأقلم

و لو ولد او بنت....حس ان إنائه ضاق بيه....لانه بيكبر....و الاناء تحطم.... يا تري بتكونا غضبانين عليه....و لا بتشجعوه انه يلاقي الاناء اللي يحتويه....عشان يعرف يتنفس و يعيش باجمل مافيه

مجرد سؤال

تحياتي

و بكرر شكري اوي لكل اضافاتكم الثرية

و الله بجد...حسيت ان فيه بارقة امل...(حلوة بارقة دي.....تقريبا معناها لمبة نور.... )

مساكم نور اليقين ان كل عطاء ربي خير

في امان الله

[لماضة مصرية جدا]

بعض النقاط الهامة

العانس - احد ضحايا المجتمع الذكورى

والظروف والتقاليد حسب كل مجتمع تختلف و تتحكم فى تحديد بلوغ سن العـانس

كمثال فى الصعيد بوجه عام - من تخطت ال24 سنة - فتعتبر عـانس

فى القاهرة والاسكندرية ومحافظات وجه بحرى - 35 سنة

فى سينا والواحات 18 سنة

اغابي wst::

مين قال؟؟؟؟

و فين المنطق في ده

انا عارفة ان حضرتك بتتكلمي عن عرف اجتماعي

بس هو العرف ده اصله منين؟؟؟

و ايه اللي يخلي الناس تبقي ماشية وراه عمياني

الناس زمان في القبائل كانت بتحافظ عليه عشان ده اللي بيميز هوية القبيلة

لكن دلوقتي

نفسي حد يفهمني...احنا ماشيين وراه عمياني ليه؟؟؟

رايي

احنا الهوية بتاعتنا في الدين فقط....

و مافيش نص صريح بيلزم الزواج في سن معينة

[مغتربة]

الى اخترع الكلمه دى يا لماضه

اكيد انه زى كل الى اخترعوا قبله و هيخترعوا بعده كلمات سمجه و سطحيه لوصف كل من لم يحابيه الله بما هو سائد

للاسف ان احنا البشر عندنا عاده غريبه جدا

ان احنا لما نحب ننتصر على غريم لينا انتصار وهمى نعايره بما منعه الله عليه

رغم ان كلنا متفقين ان محدش بيتعس نفسه بايده

و لا حد ليه حاجه فى نفسه

بس هو كده

ناسيين ان محدش بياخد كل حاجه فال اتجوزت مثلا ممكن تكون عايشه حياه تعيسه و هكذا

و زى ما حد قال قبل كدا لما عاب شخص عليه قبحه شكله

فقاله اتعيب الصنعه ام الصانع

علشان كدا افضل اسلوب للتعامل مع اى تعامل بالشكل دا

هو زى ما قالت كدا غاده

انك متسمحيش لاى حد انه يتطفل على حياتك او انه يرزعك كامكلمه حلوه كدا ظاهرهم الرحمه و باطنهم التشفى

لازم توقفى كل واحد عند حده و الى ميعرفش حده نعرفهوله بالادب و لو مفهمش يبقى ميلومش حد غير نفسه

مساكى و صباحك ايام فى طاعه الله لان هى دى الاهم و الابقى

wst::

[لماضة مصرية جدا]

الازمة عندنا مش ازمة انفجار سكانى بقدر ماهى ازمة امكانيات لان فى شباب كتير عنده رغبة فى تكوين اسرة

لكن عاجز عن تحقيق ذلك.

وبالنسبة لوقتنا الحالى بسبب ارتفاع نسبة المتعلمات والدراسات العليا والتحاقهن بسوق العمل يجعل الكثيرات يعزفن

عن الزواج لانه بيحد من طموحها فى الترقى ويجعلها تفكر الف مرة ايه يخلينى ارتبط بواحد اقل منى .

الشباب من الجنسين لما بيفكر يفتح بيت دلوقت عاوز كل الامكانيات من شقة كبيرة لجميع الكمليات قبل ما يتجوز

مش بيتنازل زى زمان خصوصا البنات او اهلها ده غير القايمة وغير الشبكة والمهر والمؤخر فى الاخر الشاب

بيلاقى نفسه مكبل بقائمة طلبات مش بيقدر عليها فبيبعد عن فكرة الزواج لحد مايكون نفسه وفى الوقت ده

سنه يعدى30سنة لكن لما يفكر يتجوز يختار بنت عندها 18 ومايبصش للى من سنه بيعتبرها كبيرة

الشهر الماضى شاب فى العشرينات انتحر لانه ماقدرش يتتم زواجه لظروف مادية لكن لو الناس اللى بتعمل عمرة

عشرات المرات او اللى بتبنى جامع جنب جامع جنب جامع لو خصصوا الفلوس دى لمساعدة حالات زى دى

فى جوزات بتتفركش على حاجات بسيطة عاجز احد الطرفين انه يجبها لو ساعدنا الناس دى متهيألي حنساعد

شوية لو اتعمل شبه جمعية خيرية واتبرع كل واحد باللى يقدر عليه من اشياء عينية او مادية وخصوصا رجال

الاعمال اللى بيعملوا افراح ولادهم بالملايين. لو استقطع جزء من زكاة المال يخصص لبند زواج الشباب المتعسر.

من فترة كان فى حفلات زواج جماعى للمتعسرين ماديا واليتامى لكن مش عارفة السبب اتوقفت ليه ولا هى

مرتبطة بالانتخابات .الموضوع انسانى واجتماعى و الجمعيات الاهلية ممكن يكون لها دور كبير فى حل جزء من الازمة

سعيدة بتواجد حضرتك معانا

بس خلينا ااقول لحضرتك.....كلام حضرتك اكثر من رائع لو تناولنا ازمة الزواج و دي مش في مصر بس دي كل الدنيا

بس هو هنا احنا كنا بنتكلم عن الطرح في المقالة عن مسميات ظهرت مع الازمة دي....من غير ما حد يقول المسميات دي صح و لا غلط و لا ايه

المسميات دي....هي اللي بتخلي الولد او البنت في لحظة ضغط ما عشان يهربوا منها...و من "ازمة الزواج"....بيرمي نفسه في جوازة عشان يحس انه خلاص عدي للفريق التاني....اللي المفروض انه مستريح يعني و مقبول في العرف الاجتماعي

مع انه بعد شوية بيطلع لينا بمسميات تانية اسوأ جدا...زي "المطلقة"...."الست اللي خلعت جوزها"

مرة تاني يا تري بنستخدم المسميات دي ازاي

و الاهم... يا تري بنبص لاصحاب الحالات دي ازاي

بنمصمص شفايفنا و نتصعب ع الشابة اللي طلقت بعد اول سنة زواج (و فيه بعد اول شهر)....

و لا دايما برضه بنبص ليها بطرف عينينا اكيد فيها حاجة غلط

و البنت اللي ممكن تكون خلعت جوزها.....و بتاخد لقب ..."مخلوعة".... يا تري بنخليها من نوادر القعدة....و لا بنتعامل معاها ان فيه جانب من القصة السودة محدش يعرفه

و ليه اصلا حد يحشر مناخيره و يعرف القصة.....

يا جماعة البنت لو اتفسخت خطوبتها.....لازم تقف في الميدان و بعلو صوتها ترص لسته بالاسباب الفزيعة اللي ادت لفسخ الخطوبة.....كانها بتنفي عن نفسها تهمة

هنفضل لحد امتي كده

انا جبت جاز الحقيقة

[لماضة مصرية جدا]

كلها سهام موجهه من الطرف النسائى للطرف النسائى ......

وكأن اللى بيتعذب بيحاول يعذب غيره أو كأنها فرصة للأنتقام من المجتمع ...

غريب مش كده

من ست لست....و صاروخ ارض جو في كلام متغلف بالشيكولاته و قلبه سم....عشان الدماغ واحدة يا استاذ الفاضل

عشان الست اللي بتسال هي نفسها دماغها كده....سقف احلامها كده...ده الاخر...يعني م الاخر

اضحك حضرتك

في درس القران الاسبوع اللي فاتت اتعرفت علي سيدة فاضلة من ابناء الجالية المصرية العريقة

و تمشينا بعد الدرس

المهم لاني برتدي خاتم عزيز علي قلبي جدا و يشبه الدبلة فهي افترضت اني متزوجة.....

و بدا حشر المناخير

انتي هنا اديلك اد ايه

طب زوجك بيشتغل فين

طب كفالتك عليه و لا ايه

طب شقتك كويسة

معرفشي ايه اللي صبرني عليها و هي بتزفني الاسئلة دي

بعد شوية لما لقتني ساكتة ...قالتلي...ادينا بندردش مع بعض

عشان اجنبها الاحراج...قولتلها انا مش متجوزة

انها تتهد و تسكت

لقيتها

إممممممممم

هو انتي منين

و بتشتغلي علي كده

و مرتبك

و سكنك ايه

وموبايلك شيك....

.....................جرجرجرجرجرجر (ده مصطلح بقي.....بتاع الت و العجن)

ببساطة يا سيدي الفاضل

اي ستتين بيتقابلوا..... البعض منهم مش كلهم بتبقي حاطة معايير للمقارنة المسبقة و خصوصا مع وجودنا في الوضع ذاته.....احنا الجوز في غربة.....فالدماغ عايزة تشوف احنا شبه بعض في ايه...من المعايير المتفصلة من قبل... ده نموذج من الناس.....و مش بنعمم

و السؤال برضه....مين قال ان احنا لازم نبقي شبه بعض

ع جنب بقي

انا اللي درسته في الانجليزي ان فيه حدود و مناطق ممنوعة للحوار....taboos مينفعشي اي حد كدهوت يقفز فوقيها...و مش من حق اي حد انه يسال فيها

زمان اخويا قالي دراستك للانجليزي بوظت دماغك.....تفتكروا ده صحيح....و لا فيه حاجة ناقصة...و لا نظبط الصواميل ازاي؟؟؟؟

[Howayda Ismail]

الازمة عندنا مش ازمة انفجار سكانى بقدر ماهى ازمة امكانيات لان فى شباب كتير عنده رغبة فى تكوين اسرة

لكن عاجز عن تحقيق ذلك.

وبالنسبة لوقتنا الحالى بسبب ارتفاع نسبة المتعلمات والدراسات العليا والتحاقهن بسوق العمل يجعل الكثيرات يعزفن

عن الزواج لانه بيحد من طموحها فى الترقى ويجعلها تفكر الف مرة ايه يخلينى ارتبط بواحد اقل منى .

الشباب من الجنسين لما بيفكر يفتح بيت دلوقت عاوز كل الامكانيات من شقة كبيرة لجميع الكمليات قبل ما يتجوز

مش بيتنازل زى زمان خصوصا البنات او اهلها ده غير القايمة وغير الشبكة والمهر والمؤخر فى الاخر الشاب

بيلاقى نفسه مكبل بقائمة طلبات مش بيقدر عليها فبيبعد عن فكرة الزواج لحد مايكون نفسه وفى الوقت ده

سنه يعدى30سنة لكن لما يفكر يتجوز يختار بنت عندها 18 ومايبصش للى من سنه بيعتبرها كبيرة

الشهر الماضى شاب فى العشرينات انتحر لانه ماقدرش يتتم زواجه لظروف مادية لكن لو الناس اللى بتعمل عمرة

عشرات المرات او اللى بتبنى جامع جنب جامع جنب جامع لو خصصوا الفلوس دى لمساعدة حالات زى دى

فى جوزات بتتفركش على حاجات بسيطة عاجز احد الطرفين انه يجبها لو ساعدنا الناس دى متهيألي حنساعد

شوية لو اتعمل شبه جمعية خيرية واتبرع كل واحد باللى يقدر عليه من اشياء عينية او مادية وخصوصا رجال

الاعمال اللى بيعملوا افراح ولادهم بالملايين. لو استقطع جزء من زكاة المال يخصص لبند زواج الشباب المتعسر.

من فترة كان فى حفلات زواج جماعى للمتعسرين ماديا واليتامى لكن مش عارفة السبب اتوقفت ليه ولا هى

مرتبطة بالانتخابات .الموضوع انسانى واجتماعى و الجمعيات الاهلية ممكن يكون لها دور كبير فى حل جزء من الازمة

سعيدة بتواجد حضرتك معانا

بس خلينا ااقول لحضرتك.....كلام حضرتك اكثر من رائع لو تناولنا ازمة الزواج و دي مش في مصر بس دي كل الدنيا

بس هو هنا احنا كنا بنتكلم عن الطرح في المقالة عن مسميات ظهرت مع الازمة دي....من غير ما حد يقول المسميات دي صح و لا غلط و لا ايه

المسميات دي....هي اللي بتخلي الولد او البنت في لحظة ضغط ما عشان يهربوا منها...و من "ازمة الزواج"....بيرمي نفسه في جوازة عشان يحس انه خلاص عدي للفريق التاني....اللي المفروض انه مستريح يعني و مقبول في العرف الاجتماعي

مع انه بعد شوية بيطلع لينا بمسميات تانية اسوأ جدا...زي "المطلقة"...."الست اللي خلعت جوزها"

مرة تاني يا تري بنستخدم المسميات دي ازاي

و الاهم... يا تري بنبص لاصحاب الحالات دي ازاي

بنمصمص شفايفنا و نتصعب ع الشابة اللي طلقت بعد اول سنة زواج (و فيه بعد اول شهر)....

و لا دايما برضه بنبص ليها بطرف عينينا اكيد فيها حاجة غلط

و البنت اللي ممكن تكون خلعت جوزها.....و بتاخد لقب ..."مخلوعة".... يا تري بنخليها من نوادر القعدة....و لا بنتعامل معاها ان فيه جانب من القصة السودة محدش يعرفه

و ليه اصلا حد يحشر مناخيره و يعرف القصة.....

يا جماعة البنت لو اتفسخت خطوبتها.....لازم تقف في الميدان و بعلو صوتها ترص لسته بالاسباب الفزيعة اللي ادت لفسخ الخطوبة.....كانها بتنفي عن نفسها تهمة

هنفضل لحد امتي كده

انا جبت جاز الحقيقة

بصى حضرتك طول مافي عواجيز الفرح عمر قاموس المصطلحات ما راح ينتهى الناس بتتكلم فى جميع الحالات مع انه

ممكن يكونوا فى نفس الوضع لكن بيحطوا مبررات لنفسهم تنفى عنهم العيب ده بمعنى جايز بنتى تأخرت فى سن

الزواج لكن أدعى ان هى اللى بترفض عشان عاوزة تعمل دراسات او ان العريس مش عاجبها وغيره من الادعاءات

لكن فى نفس الوقت مش بدى العذر ده لبنت جارتى او بنت من العيلة يعنى مش بخلينى فى حالى لأ

نيست عيوبى وانتبهت لعيوب غيرى ودى مشكلتنا لكن لو كل واحد منا شغل نفسه بحاله مش حنأذى واحدة بكلمة

ممكن تكلفها حياتها او على الاقل تسبب لها اكتئاب أو حقد على كل من حواليها لازم نحاول نقضى على الوصف ده

بالتوعية او من مبدء حرمة النميمة اى شئ نعمله لمحو كلمة عانس من عرفنا

[لماضة مصرية جدا]

بصى حضرتك طول مافي عواجيز الفرح عمر قاموس المصطلحات ما راح ينتهى الناس بتتكلم فى جميع الحالات مع انه

ممكن يكونوا فى نفس الوضع لكن بيحطوا مبررات لنفسهم تنفى عنهم العيب ده بمعنى جايز بنتى تأخرت فى سن

الزواج لكن أدعى ان هى اللى بترفض عشان عاوزة تعمل دراسات او ان العريس مش عاجبها وغيره من الادعاءات

لكن فى نفس الوقت مش بدى العذر ده لبنت جارتى او بنت من العيلة يعنى مش بخلينى فى حالى لأ

نيست عيوبى وانتبهت لعيوب غيرى ودى مشكلتنا لكن لو كل واحد منا شغل نفسه بحاله مش حنأذى واحدة بكلمة

ممكن تكلفها حياتها او على الاقل تسبب لها اكتئاب أو حقد على كل من حواليها لازم نحاول نقضى على الوصف ده

بالتوعية او من مبدء حرمة النميمة اى شئ نعمله لمحو كلمة عانس من عرفنا

السلام عليكم و رحمة الله و بركاته

كلام حضرتك مظبوط جدا...و عجبتني اوي "حرمة النميمة"

بس معلشي بقي لماضة بلماضة......مين هم عواجيز الفرح......اصلي دايما بسمعها و بيجي في ذهني ناس عجوزة اوي و كركوبة و بتبقي قاعدة علي جنب في الفرح او في اي مناسبة....هما دول

و لا يكونشي قصدك علي عواجيز التفكير...اللي ممكن يبقوا كل الناس و اي حد و ممكن ااقرب حد.....بس دماغهم في قالب معين!!!!!

ع جنب بقي

ينفع حضرتك متقوليليش حضرتك.....احسن و ربنا حسيت اني طولت قيمة 100 سم مكعب...انتي ممكن تقوليلي ريهام....لماضة...و لو اتزنقتي اوي في اي اسم قوليلي يا عوكل...... :lol:

مساكي اتفاق في وجهات النظر.....و ده خير

[se_ Elsyed]

انا اللي درسته في الانجليزي ان فيه حدود و مناطق ممنوعة للحوار....taboos مينفعشي اي حد كدهوت يقفز فوقيها...و مش من حق اي حد انه يسال فيها

زمان اخويا قالي دراستك للانجليزي بوظت دماغك.....تفتكروا ده صحيح....و لا فيه حاجة ناقصة...و لا نظبط الصواميل ازاي؟؟؟؟

لأ بالعكس .. مافيش اجمد من الصواميل الإنجليزي

من المناطق المُحرمة الممنوع الإقتراب منها على سبيل المثال هي المناطق المادية

مش من حق الأخ حتى إنه يسأل أخوه دخله قد إهي ومرتبه قد إيه وما إلى ذلك

كذلك الموضوع اللي إحنا بنناقشه اللي بتتعلق بجانب شخصي جداً للإنسان واللي مش المفروض يقدم كشف حساب للمجتمع هو ليه ما أتجوزش لحد دلوقت أو ليه ما أنجبش اطفال بالرغم من إن كل حاجه جاهزة زوجه وملابس للبيبي ومستشفيات ولاده شغالة 24 ساعة ومع ذلك مش عارف يجيب لنا حتت عيل نفرح بيه ؟

انا بس عاوزة اسألك يا س....

هو انت كنت عانس قبل كده ولا ايه ؟؟

بجد جبت وعرفت الاحاسيس .....دى امتى ...وازاى وفين ....؟؟

ده غادة عبد العال نفسها ....ماتجيش جانبك ربع عانس .....!!

ههههههههه .. لا ما كنتش

لكن أنا إنسان فقط

وعشان إنسان بيبقى عندي أحاسيس تجاه مشاكل إنسانية كتيره ومش شرط الواحد يُمر بتجربة معينه عشان يشعر بها ...

وإذا كانت السعادة في الزواج .. فيارب كل واحد يتجوز ويتهنا إن شالله وهو في إعدادي حتى .

-----------

على جنب بقى يا اسطى

العنوسه ييييييييييه بلاش بقى ماحنا قولنا نغير الحاجات المعفنة دي

قصدي الإضراب المقصود عن الزواج بيبقى مرفوض مش من صاحبه .... لأ كفكره يعني بيدفع الإنسان ثمنها غالياً

صديقي اللي قلت لكم إتزوج وهو عنده 49 سنة ده .. كان خاطب بنت عمه لفترة طويلة وبيحبوا بعض حب عنيف وحاجه بهدله يعني .. المهم ما حصلش نصيب

المهم هي إتجوزت وبقت زي الفل وعندها اولاد

وده قعد سنين طوووويلة مُضرب عن الزواج .... لحد ما وصل للسن ده ... وأبتدى يفكر في نفسه بقى وإنه لازم يشوف مصلحته لأن تضحيته دي جت على دماغه هو

لكن نرجع ونقول إن برضوا مش من حق المجتمع يحشر مناخيره في أمور أي حد مش عاوز يتجوز .. يا سيدي وإنت مالك .. ربما يكون ده إنسان محترم .. أكتشف بالصدفه إن لديه مشاكل صحية معينه ومش عاوز يظلم حد معاه

أعتقد إن مناقشتنا لأسباب المشكلة لابد ان تكون مقترنه بأقتراح حلول .. ومنها على سبيل المثال إننا كطبقة مثقفة لابد أن نعبر دوماً عن رفضنا لمثل تلك السخافات .. ونقوم بتوعية من حولنا ومن نحتك بهم بتلك الأفكار الرافضة للتابوهات العتيقة والهدامة ...

[Pharm]

فعلا يا جماعه الستات لا يمكن يطيقوا بعض ابدااااااااااااااااااااااااااااااااا ممكن يكون اصحاب اه ممكن يكونوا ام وبنت اه لكن يكون اتنين فى بيت واحد مش ممكن

سبب عنوسه البنات اهليهم وهما دلوقت البنت مش عاوز تتعب نفسها عاوز تبقا اميرة وعندها قصر مش شقة وكمان احدث فرش فيها واجهزة وخدامة فلبينية

وياريت لو الشقة على البحر ويفضل فى لوران او رشدى ولو زيزينيا مش هتمانع وكمان جوزها وسيم وامور وعربية موديل العام وفولس فى البنك كتير وياريت لو

شاليه فى مارينا او غردقة ولا شرم على ما ربنا يفرجها بتفضل تحلم وتتمسك باحلامها لحد ما تعنس وتقول ياريتنى لحقت نفسى بدرى بدرى بيفضلوا يتعوجوا

على الفاضى اللى اخدت كليه فاكرة نفسها انها الخريجة الوحيدة وان اهلها صرفوا عليها وان اللى جاى متقدم لها درس مجانا منحة من الحكومة

تيجى للاهالى فى الاول كل يوم يطلبوا من ربنا حد يخبط على الباب يجى ياخد البنت واول ما يدخل ينسوا الدعاء وصلوات من اجل ان ياتى ويبداواء فى لستة الطلبات

من شقة وكام اوضة ونوعيه التشطيب ولازم نشوفها والحى اللى هى فيه والجيران وكام دور وفيها اسانسير ولا لا وكمان كام شقة فى الدور وياترى بحرى ولا قبلى

ندخل على العفش ياترى من فين وماركته ايه ومن نفس المحل اللى اشتريت منه بنت خالتها ولا لا ولازم يكون احسن منها وياتر هتجيب كام اوضه ندخل على الاجهزة ا

الاجهزة الكهربائية من ثلاجة 100 قدم وماركة الكتروستار او كريازى ولو وينجستهاوس يكون افضل بعدها الغسالة كام برنامج وبتشيل كام كيلو وهلما جرة من دش

وتلفزيون وميكروييف وتوست وبوتجاز كام شعلة

بعد دا كله كله كوم وشبكة كوم تانى دا انا بنتى تستاهل مال قارون دى هى الحيله دى بنت عمها جايبة 35 الف والموضه دلوقت تقوللك مش هقولك سولتير انا عاوزة

دهب ابيض وتقولهم انت معاك كذا تيجى عند الصايغ وتختار اكتر طبعا امها بتكون موصيها لما تقولهم انا عامل حسابى على كذا تقوالك ما كله راجعلك هتستخسروا

فيها كام جرام زيادة (على اساس ان الجرام ب5 جنيه )

بعد دا كله لسه مخلصناش القايمة تكتب كل اللى جابته دا باسمها على اساس انها مكسورة الجناح والقانون مش معاها ولا سوزان ولا جيهان السادات كمان

وكمان لسه المؤخر اللى الاهالى واهمين نفسهم انهم بيربطوا الراجل بيه هو والقايمة ميعرفوش ان الراجل او الست لما بيكرهوا ممكن بفتوها بلاد

ونيجى بقا للمكان الفرح والقاعه فين ونوعية البوفيه والفستان والكوافير وانت هتاخد كام كارت دعوة وهى هتاخد كام كارت دعوة وهى عاوز تعزم صاحبتها وخالاتها وتلاقى

امها تقوالك احنا عيلتنا كبيرة قوىىىىىى على اساس ان انت غريب جاى من كندا انت وامك واخواتك بس الفرح ومالكش اهل فى مصر

يقدر حد يقولى بعد دا كله مين يتجوز ويقعد قدام ناس تقعد تتشرط عليه بالمنظر دا ؟؟؟؟؟؟؟

بسبب المهازل دى البنات بتعنس او كمان فيه مهم اللى بينحرف وتبقا يا بلحة يا مقمعه نفس الشى الشباب بينحرف مفيش حاجة اسمها يتفرج على فضائيات

ولا افلام حضرتك الاماكن معروفة والاسعار ومعروفة وكمان النت موجود ربنا يخليه لينا يبقا يتجوز ليه ويدفع الافات وهو يعيش ليله من اجله بجنيهات معدودة

اللوم على مجتمع متخلف بافكار راجعية مجتمع بيحب المظاهر والفشخرة على الفاضى وفى الاخر يقولوا شبابنا انتحر شبابنا انحرفبناتنا عوانس

يتشدقوا بالدين والدين منهم برى مفيش ولا حاجة من اللى بتطلب من الشاب اليومين دول الدين امر بيها قال اللى عنده دين جوزوه بناتكم دلوقت اللى عنده فلوس

قدموله بناتكم يمكن زمن الجوارى انتهى زمان دلوقت موجود بصورة مقننه تباع وتشترى وتنتظر من يدفع اكتر ياريت الاهالى يبطلوا يتحشروا فى حياة ابنائهم يسيبوهم

يختاروا يبطلوا يتحشروا فى حياة الشباب هما مالهم اتجوزت ولا طلقت ولا خلفت ولا لا مجتمع مريض

[se_ Elsyed]

بالمناسبة

لاحظت وجود أنماط سلوكية جديدة أستُحدثت حينما أستقرت ناس كتيره في المدن الجديدة .. وبالتالي المسافات بعدت شوية بين الجبران ... وبقى في ناس كتير قوي ما يعرفوش حتى مين اللي ساكن جنبه ده

يعني إحنا عاوزين يكون في حل وسط

لا نبعد قوي وبالتالي ما أعرفش حتى شكل جاري اللي ساكن جنبي

ولا نقرب قوي قوي بحيث تحس إن العلاقة بقت عامله زي الخيوط المتشابكة والواحد لو في مره جاب ربع كيلو لحمه يبر بهم نفسه .. تلاقي المنطقة كلها والمناطق المجاورة وعلى السادة المقيمين خارجها مراعاة فروق التوقيت . تلاقي كل دول عرفوا إن سين إبن المعلم سين أكل لحمه يا مينز .

وده بتلاقيه موجود قوي في الريف

يا نهار مش فايت لو مش واحده ما أتجوزتش .. لأ لأ الفكره دي مستبعده عندهم ..... ..دي لو أتجوزت و جوزها كان سافل وأنفصلوا ....

لقب مُطلقه ده بتضيع فيه رقاب

ولو أتطلقت لأي سبب مش مهم اهم حاجه عندنا النتائج .... فعلى طول بتبقى ست سيئة السُمعه .. أو سهلة المنال وصيد لكل من هب ودب ..

لكن الراجل لو اتجوز وطلق 13 مره زي محمد فوزي في الزوجة 13 ... فده بيدُل على سعة أُفقه وعلى إنه كمان يا عيني مالقاش بنت الحلال اللي تهدي سره

أو إتنين متجوزين الانجاب عندهم إتأخر شويه .... وإنت مغمض كده الست هي اللي لازم تشيل الليلة وتطلع عاقر وفيها عِبر الدنيا .. مع إنها علاقة زي طرفي المقص ... لكن كلام الحلاقين ده مش عندنا .. هي الست يا سيدي إسمع كلامي أنا .. ربنا يشفيها وتتعالج وهاتبقى زي الفل وتملى لنا البيت عيال ..