حمد لله على سلامتك يابو المحابيط

[se_ Elsyed]

عودٌ حميد لحبيب قلبي أبو المحابط ..

إن شالله عُمر( جنيور موحبيط ) يكون بخير .. وتكون جبتلي معاك السبوع خاصة الخروب والفشار ( انا باموت فيه )

يالله ياولاد كلوا يجهز المزورة عشان نقيس بها مداخلات موحبيط الذي لن يروق له موضوع إبننا حشيش " في سطر واحد " mfb: mfb:

[Cleo]

حمدلله عالسلامة يا محبط...

أنا عشان كنت غايبة بقالى فترة عن المنتـدى فمكنتش عارفة ظروف غيابك...

لكن بما إن العملية فيها نونو و محبط جونيور يبقى أكيد مش هاتنازل عن حقى فى حلة مغات بالسمن البلدى و المكسرات ... mfb: mfb: mfb: mfb: (هو المنتـدى كله داخل على طمع ولا إيه؟؟؟)

ألف ألف مبروك.... يتربى فى عزك و تعيش و تشوفه راجل ملو هدومه يرفع راسك و راس أمته...

تم تعديل 29 مايو 2004 بواسطة Cleo

[disappointed]

عزيزى الغالى سى السيّد و العزيزة كليو

شكرا جزيلا على المجاملة الرقيقة

و.....

كان بودّى أبعث لكم سبوع "عمر أفندى" على الإيميل , بس للأسف.... ماعنديش سكانّر :blink:

[drmsaber]

حمداً لله على سلامة عمر ووالدته

بورك فى المولود و شكرت الواهب و

رزقك الله بره و أعانك على تربيته مسلماً صالحاً نافعاً لدينه

[هشام عبد الوهاب]

حمد الله على السلامة يادوك ..

مليون مبروك ............. :blink:

[Farida]

حمد لله على السلامه يا محبط ....بس اللى انا فاكراه ان عمر قرب على السنه دلوقتى ولا ان اتلخبطت

[ragab2]

مبروك

يادكتور محبط

[disappointed]

العزيز الفاضل د/صابر

شكرا جزيلا لك و ربّنا يسمع منك

الأخ العزيز هشام عبد الوهاب

الله يسلّمك , و أنا عارف إنى مقصّر معاك بس لو تعرف قد إيه كانت هذه الأجازة مرهقة للدرجة التى أحتاج لأجازة بعدها فحتعذرنى...... وغلاوتك عندى قعدت 45 يوم كنت بأقوم كل يوم من الساعة 7 الصبح ولا كأنى فى إجازة........ لمّا نتقابل على الميسنجر حأبقى أحكى لك التفاصيل

العزيزة فريدة

شكرا جزيلا لك

هوّه عمر إتولد فى 14/2 (يوم عيد الحب...... حيطلع ولد خلبوص الظاهر jmb-) ) بس أنا ما شفتوش غير لما نزلت فى 15/4

عزيزى الغالى د/رجب

الله يبارك فيك..... و أرجو أن تقبل إعتذارى عن عدم قدرتى على ترتيب موعد للقائك...... فبعد مكالمتى لك أدخلت والدى المستشفى كما تعلم , وبعد أن كان مقررا له أن يمكث 5 أيام بالمستشفى لعمل العملية فوجئنا يوم الدخول و نحن نقوم بعمل التحاليل الروتينية أن رسم القلب أظهر جلطة قديمة بالقلب يبدو أن والدى تحامل على نفسه و أهملها , فظل بالمستشفى 3 أيام قبل العملية قضاها فى أشعات و تحاليل مكثفة تخص وظيفة و حالة القلب (العملية طويلة ... حوالى 5 ساعات) , وبعد العملية تعب جدا , ولم يخرج من المستشفى إلا بعد 12 يوم...... ولك أن تتخيل أن أشعة الرنين المغناطيسى التى قمنا بعملها له فى المتابعة بعد العملية قد تم عملها صباح يوم عودتى من القاهرة..... فالمعذرة... كانت أجازة مشحونة و مليئة أيضا بشلال من الأوراق الرسمية و المعاملات الحكومية

[الأفوكاتو]

عزيزى دكتور محبط,

يبدوا أنى جئت متأخرا, فقد كنت فى أجازة.

لقد وحشتنى كتاباتك, و تساءلت عن سبب غيابك, و الحمد لله بسلامة العودة, و بوصول ولى العهد.

تقبل تحياتى.

[Seafood]

حمد الله على السلامة يا محبط ..

هوّ العلم إللي تحت إسمك دا علم ترينيداد ؟

[disappointed]

عزيزى الغالى الأفوكاتو

ده إنت والله اللى وحشتنى بجد....... فالإنسان لا يصادف من كانوا مثلك إلا كل فترة طويلة

مع تحيّات عمر أفندى لعمّه الأفوكاتو

عزيزى سى فوود

الله يسلّمك

فعلا...... العلم علم ترينداد و توباجو ...فأنا على السيرفر القديم ما كنتش حاطط علم أساسا لأنى من المؤمنين بأن حلاوة التحاور على النت مع الآخرين فى رسمك صورة إفتراضيّة ذهنيّة لهم دون أن يشوّشها معلومات عنهم (مثل الشكل أو الإسم الحقيقى أو محل الإقامة).... وعند إدخال السيرفر الجديد إكتشفت إنه إجبارى تختار علم (لم أفلح فى أن أعثر على إختيار "بدون علم") , فإخترت ترينداد و توباجو كرسالة شفريّة مفادها : مش مهم نكون مين , ولا فين... المهم إحنا بنقول إيه

[مواطنين]

الف مبروك بوصول ولى العهد ..... وحمد لله علي السلامة

[إبن مصر]

سريعا سريعا........

اتمنى ان تكون قد رتبت كل الاوراق..

وعبثت بكل الادراج..

واحضرت قلمك الذهبى ..

لتداوى به الاخفاق..

بكلمات الاسقاط والادراج..

فلا تغب مره اخرى ..

الا لتملأ القلم وتكتب للظلم بلا اشفاق..

او لتعود لاخوانك...

مختبرا قدر الاشواق

حمدا لله على سلامتك يا محبط

[disappointed]

سريعا سريعا........

اتمنى ان تكون قد رتبت كل الاوراق..

وعبثت بكل الادراج..

واحضرت قلمك الذهبى ..

لتداوى به الاخفاق..

بكلمات الاسقاط والادراج..

فلا تغب مره اخرى ..

الا لتملأ القلم وتكتب للظلم بلا اشفاق..

او لتعود لاخوانك...

مختبرا قدر الاشواق

حمدا لله على سلامتك يا محبط

عزيزى الغالى إبن مصر :

منّيت الروح بأضواء

فى آخر تلك الأنفاق

فوجدّت بلدى تتوجّع

والناس تخشى الإملاق

وبكيت كَمَداً..فمشيت

أدعو من ربّى الإعتاق

و دعوت لأبناء الوطن

فى ألم بادِ و إشفاق

أنّى لفؤادىَ أن يهنأ

وبلادى فى هذا الإخفاق

فرّج كربتها يا ربّى

دى مصر... مش واق الواق

تم تعديل 1 يونيو 2004 بواسطة disappointed

[disappointed]

شكرا جزيلا للأخ العزيز مواطنين h): , وربّنا يديم المحبّة