أفضل بنك في مصر - مطلوب رد أصحاب الخبرة

[Ahmed Anwer]

السلام عليكم ،،

الحمد لله ،،، المنتدي لاحظت إن فيه محاسبين كتير

عايز استفيد بخبراتهم

في رأيكم أيه أفضل بنك في مصر للتعامل معه ،،، سواء حكومي أو خاص أو أجنبي

أنا بس عايز أحط فلوسي في حته يكون التعامل معاها سهل و مش معقد

عايز استقبل فلوس و احول فلوس و دفتر شيكات بس ،، مجرد مكان احط فيه القرشنات الزيادة

عناصر التفضيل بالنسبة ليا : _

1- سهولة التعامل و عدم التعقيد

مش كل حاجة لازم الفرع بتاعك و لازم تقدم طلب و لازم مش عارف أيه ،،

2- توفر انترنت بنكي بمعظم التعاملات البنكية اللممكنة

3- خدمة عملاء فاهمة و متوفرة و ترد علي السؤال صح

4- مكن أيه تي أم ،، شغال و بأعطال قليلة

5- و دي أهم نقطة أقل مصاريف سواء في الحسابات ، الكروت ، التحويلات ، كشوف الحساب

6- فروع أكتر

أنا مجرب العربي الأفريقي و كريدي أجريكول و باركليز

و كريدي أجريكول أفضل بكتير ،،،

رغم إن ناس كتير بتشكر في العربي الإفريقي بس أنا بحس أن النظام فيه روتيني جدا و وقت طويل و زحمة

باركليز ،،، افشل بنك في مصر في وجهة نظري

كل يومين تعال حدث بيانتك ،، و مشاكل و نظام فاشل

و ناس تانية بتقول البنك الأهلي اتطور كثير عن زمان

و الاتنين العربي الافريقي و البنك الأهلي الانترنت البنكي فيهم ضعيف ،،

يعني اطلاع بس مفيش تحويلات مثلا ،،

و سمعت إن اتش اس بي سي ،،، دلوقتي هوا الخدمة التوب في البنوك في مصر

اعتقد الفاصل في النقط دي كلها ،،، مصاريف المعاملات البنكية

[ozoozo]

hsbc

[Mr MAGED]

أستاذ أحمد

أنا مش محاسب بس هارد عليك من خلال خبرتي

أولا لازم تحدد انت جوة مصر ولا برة مصر .... عشان تحدد نوع الخدمات المتاحة من البنك

الخدمات البنكية جوة مصر لسة موصلتش لنفس المستوي برة ... لكن معقولة الي حد ما

انت بتتكلم عن خدمات وخدمات عملة وسهولة ... يبقي أكيد لازم تروح لبنك خاص مش بنك حكومي

ال CIB هو الحائز علي الجائزة الأولي لأفضل بنك في خدمة العملاء عام 2009 ... ومن خلال خبرتي في التعامل معاه

هو أفضل من معظم البنوك اللي حضرتك اتكلمت عنها .... بالاضافة ان له مندوبين في جدة والرياض ( تواجدهم بفروع بنك الراجحي ) والدوحة وتقريبا دبي

البنوك في مصر كل حاجة فيها برسوم .. يعني دفتر الشيكات له رسوم .. كشف الحساب له رسوم ( وان كنت تقدر تستغني عن كشف الحساب باشتراكك في الانترنت البنكي )

السي أي بي ... ممكن يديك بطاقة تتعامل بيها ع النت تدفع بيها الفواتير وتشتري بيها كل شيء ودي بتكون مسبقة الدفع

عشان تقدر تتحكم في مشترياتك وعشان لو اتسرقت لا قدر الله ... كمان ممكن يديك خدمة التوقيع الاليكتروني ..

يعني ممكن تعمل اي عملية من خلال النت باستخدام التوقيع الايكتروني المسجل عنهدم ودي بتكون برسوم اضافية طبعا

تحياتي

[عطر الجنة]

لاحظت هنا ان الجميع بيشكر فى بنوك السعودية و لا يعجبه مستوى الخدمة فى مصر

للازدحام نتيجة ان عددسكان مصر كم ضعف من سكان السعودية لذا لابد من الانتظار بعض الوقت

و البعض يشتكى من مصروفات الحساب على خدمة التحويل او ... او ..

السعودية فيها مصروفات على خدمة التحويل و كبيرة كمان

فمن فترة تم تحويل مبلغ من الدولارات تقريبا من احد الماكينات

كان المبلغ المحول 2000 دولار و فوجئت به يصلنى 1970 دولار ... لماذا لان البنك خصم 100 ريال نظير تلك الخدمة

بعكس لو حولت المبلغ من الراجحى او من داخل البنك

فنظير الخدمة سيكون اكيد اقل

انا بتعامل مع البنك الاهلى و بنك فيصل و الاهلى سوسيتيه و هم جيدين فى خدمات التحويل سواء بشيكات او تحويل على الحساب و من فيصل تقدر تسحب من حسابك من اى فرع او تودع

لكن اسوأهم للاسف بنك مصر

تحياتى

[Ahmed Anwer]

أنا في مصر يا جماعة مش في الخارج

و بحتاج أحيانا تحويل فلوس من مصر للخارج

[ابو محمد بن مصطفي]

استاذ احمد

انا محاسب وبتعامل مع CIB كحسابات شخصية او حساب الشغل الامور ماشية بسلاسة و الخدمة ممتازة

بالنسبة لمصاريف البريد mail charge حوالي 25 جنية مصاريف ATM (مش فاكر كام بس هي من السنة التانية)

طبعا دفتر الشيكات ليه كمان مصاريف

خدمة عملاء ممتازة دي مش دعاية للبنك ولكن هو ده احساسي من خلال التعامل مع البنك