اليوم الذكرى السنوية الأولى لوفاة ابنى الاكبر

[أبو العز]

تجربة مريرة عشتها على مدار عام كامل ، ولكن أحببت انى اتكلم لانى اشعر انى ح انفجر وانا كاتم احزانى بداخلى

لقد تسببت رعونه سائق ميكروباص متهور فى اغتيال احلامى فى لحظة وياليتنى اعرفه فقد هرب بعد الحادث مباشرة

لم أصدق حتى الان انى فقدت اعز صديق لى والذى كان لاينام الى بجوارى ولايلعب الا معى ولايذاكر دروسه الا معى

لم اصدق انى فقدت الحلم الذى كنت احلمه وهو يكبر امامى يوميا على مدار 9 أعوام ويتفوق فى دراسته وفى الرياضة

لم اصدق وانا انظر الى صورته معى وهو يحمل كأس البطولة ويرتدى الميدالية التى حصل عليها اننى لن اراه مرة ثانية

لولا الايمان بالله وقضاؤه ما كنت أحيا لليوم

أتمنى الا يتعرض اى انسان لتلك التجربة المريرة

أسف على الموضوع المحزن ولكننى رغبت فى الكتابة طالما لا استطيع الكلام حتى افرغ مابداخلى من حزن وقهر

[aimen]

خالص التعازى

اللهم اغفر له وارحمه وادخله جنتك يا ارحم الراحمين

حسبى الله ونعم الوكيل

[مغتربة]

اعلم انه لا توجد كلمات تستطيع ان تخفف عنك ما تشعر به

ادعو الله لك ان يصبرك و يربط على قلبك و يجزاك خيرا و يجمعك به يوم القيامه على خير باذن الله تعالى

اللهم اغفر له و ارحمه يا ارحم الراحمين

[Mr MAGED]

عزيزي أبو العز

جميعنا يتفهم شعورك جيدا ً ...

وبالتأكيد ندعوا الله من قلوبنا أن يلهمك الصبر ويعوضك بالخير ان شاء الله

البقاء والدوام لله .... تقبل خالص تعازيي وخالص دعواتي

تحياتي

[لماضة مصرية جدا]

السلام عليكم و رحمة الله و بركاته

استاذنا الفاضل ابو العز

المساحة اللي حضرتك بتشاركنا بيها النهاردة خاصة جدا

مش خاصة بحضرتك فقط....خاصة بينا اوي....لان كل واحد فينا عنده صفحة من حياته....عمره ما بيقلبها....بيرجع يزورها كل ما بيقرب معادها

استاذي دعني اقتبس منك و اليك

إيماني بالله و يقيني أن كل قضاؤه خير

مش حضرتك قولت كده

هو الايمان يا استاذي اللي هيربط علي قلب حضرتك و هيثبتك....مش عشان تنسي و لا عشان تقلب الصفحة...لانه مش بتتقلب بارادتنا و بكامل اختيارنا....عشان تكون علي يقين أنه قدر مكتوب من فوق السماوات السبع من قبل ما ناتي للدنيا

القدر ده هو ابتلاء لحضرتك....و لكل اللي ممكن يكون عنده تجربة مشابهة باختلاف التفاصيل و الملامح...لكن تظل المساحة كما هي....تتجدد و تتأجج

زمان لما كنت بسمع جملة "ربنا استرد وديعته"....مكنتش بفهمها...لكن من فترة بقيت احسها اوي

احناو اللي بنحبهم مكاننا مش هنا...احناوديعة ربنا في محطة ترانزيت

ربنا خلقنا و نزلنا في محطة ترانزيت....و بعدين هنتقابل كلنا باذن الله في مكان يا رب افضل

بس فيه ناس نزلت من القطر بدري....و فيه ناس لسه مستنية دورها...بس و هي مستنية عارفة انها هتنزل في المحطة اللي ربنا

بس هو عارف معادهاسبحانه و تعالي

فوض امرك لله

و اعلم ان ربنا شايل لحضرتك خيرا كثيرا...عسي أن يكون هذا الصبي هو اول من ينتظرك و يستقبلك

علي باب الجنة

ربنا يربط علي قلبك يا رب و علي قلب والدته

و دايما اتواصل معانا في اي وقت

ريهام

[عطر الجنة]

لقد استعاذ رسولنا الكريم من الموت الفجأة

لكن كما قيل من قبل وديعة و استردت

معك كل الحق فى حزنك و دمعك فلقد دمعت عينا رسول الله فى فقد ابنه ابراهيم

و اين نحن من رسول الله صلى الله عليه و سلم

ده مقدار حزنك و ما هو بقليل لكن عليك انت ووالدته التى اكيد حزنها اشد تجاوز هذا الحزن بالايمان بالله و قدره و تلاوة القرآن الكريم و الصبر

و الخروج للحياة العامة

جعل الله اجر صبرك على مصابك فى ميزان حسناتك

[justtrying]

في جنان الخلد بإذن الله في الفردوس الاعلى مع الصديقين والنبيين والشهداء

اللهم آمين

تم تعديل 15 يوليو 2010 بواسطة justtrying

[hanzalah]

ربنا يصبرك يا استاذ ابو العز

والله كلماتك بسيطة ومؤثرة جدا

ربنا يرحمه رحمه واسعة ويلحقنا به في جنات النعيم

ولو فيه كلمات بسيطة للتصبر والسلوى

فاعلم استاذي الكريم ان الموت مجرد انتقال من حال لحال

فابنك لم يغب عنك

وانت لم تغب عنه

هو فقط بانتظار حضرتك

الموت مجرد سفر

هناك من سبقونا الى هنا من الاحباب

ونحن سوف نصل اليهم

بعد فترة وجيزة

يوما او بعض يوم

فادعو الله ان نلتقي الاحبة في جنات النعيم

فهو ارحم الرحمين

[dongol]

في جنان الخلد ان شاء الله

في مقعد صدق عند مليك مقتدر

انا حاسس بحضرتك و عارف ان اي كلام مش ممكن هيكون في تعزية او مواساة

القرب من الله الحاجة الوحيدة اللي ممكن تخفف عنك

[Morial]

استاذ ابو العز

أعلم انك أن لم تقتص من قاتل ابنك في الدنيا

فإن الله العادل السميع البصير سيقتص لك في الدنيا والاخرة

وأعلم علم اليقين ان هذا السائق المجرم لن يهنأ له بال ولن يصفو له يوم وسيكون انتقام الله منه مروع

أعلم ايضا ان ولدك في الجنه فلم يقترف ذنبا ولا معصيه فهنيئا له ولك ايضا

وأعلم انا انه ليس هناك من كلمات تستطيع التخفيف عنك ما تعانيه من ألم ولكن

تذكر الحديث القدسي الذي فيما معناه

ان الله عز وجل سأل الملائكة :

هل قبضتم ولد عبدي؟

فقالوا نعم

قال هل قبضتم ثمرة فؤاده؟

فقالوا نعم

قال رب العزة:فماذا قال عبدي؟

قال الملائكة:حمدك وصبر

فقال الله عز وجل أبنوا لعبدي بيتا في الجنه وسموه بيت الحمد

أعتذر لعدم حفظي الحديث القدسي علي وجه اليقين

وأسأل الله عز وجل أن يجعلك من ساكني بيوت الحمد في الأخرة وأن يثيبك علي صبرك ومصابك وأن يعوضك خيرا في ابنائك حفظهم الله لك من كل سؤ

تقبل عزائي ودعواتي الصادقة لك بالصبر والسلوان

[عبيد الله]

أخي الحبيب أبو العز

إن لله ما أخذ وله ما أعطى وكل شيءٍ عنده بأجل مسمى..

رحمة الله على ولدك.. وإنا لله وإنا إليه راجعون

عن أبي موسى رضي الله عنه أن رسول الله صلى الله عليه وسلم قال: "إذا مات ولد العبد

قال الله تعالى لملائكته قبضتم ولد عبدي فيقولون نعم فيقول قبضتم ثمرة فؤاده فيقولون نعم فيقول فماذا قال عبدي فيقولون حمدك واسترجع فيقول الله تعالى ابنوا لعبدي بيتا في الجنة وسموه بيت الحمد".. رواه الترمذي وقال حديث حسن..

اصبر أخي واحتسب.. واللهَ أسأل أن يربط على قلبك أنت وزوجتك ويجزيكما خيراً

[ابو محمد بن مصطفي]

الاستاذ ابو العز

اصبر واحتسب ابنك عند الله ونحسبه من الشهداء ان شاء الله ولا نذكي علي الله احد

فاصبر واطلب من الله ان يسكنه فسيح جناته

[Howayda Ismail]

الله ينزل البلاء بقدر ايمان اصحابه ونحسبك ان شاء الله من اهل الصبر والايمان

ويكفيك ان جزء منك دخل الجنة باذن الله

[ozoozo]

ربنا يصبرك ويعوضك عنه خير ان شاء الله

[المهندسه]

السلام عليكم اخى

طبعا لا توجد كلمات ممكن ان تقال لتهون عليك حزنك و لكن احب ان اقول لك ان

حين اسرى الله بعبده سيدنا سيد الخلق اجمعين محمد صلى الله عليه وسلم من المسجد الحرام الى المسجد الاقصى وصعد مع جبريل عليه السلام السموات السبع كان سيدنا ابراهيم فى اعلى سماء فيهم قبل ان يصل عليه الصلاه والسلام الى صدره المنتهى ...وجد سيدنا ابراهيم و حوله مجموعات من الاطفال فسأل جبريل عليه السلام: من هؤلاء قال:هؤلاء الاطفال الذين توافاهم الله و لم يبلغوا الحلم يعلمهم سيدنا ابراهميم الدين و يفقههم فيه.

ارأيت اخى اين ابنك الان فى اعلى سماء مع سيدنا ابراهيم هنيئا له ولك.

[arora]

استاذى الفاضل

لا اجد كلمات من الممكن ان تساهم او تخفف من احساسك بالالم لفقد العزيز الغالى

واشعر جيدا بما تشعر وتعانى

لكنى اثق جيدا فى ان الله يعطى التجربة ويعطى معها العزاء

فالله قادر ان يسكب السلام والهدوء الى صدرك وصدر والدته

ويعطيكم العزاء والصبر

يا ملك السلام اعطنا سلامك

[doha]

سيدي الفاضل ابو العز ... استوقفني موضوع حضرتك بكل تاكيد خاصه وهو بيتكلم عن احساس عرفاه ومجرباه .. خاصه اكتر والذكرى السنوية الثانية لوفاة ابني تصادف هذا الشهر ايضا..

مش هقولك كلام انشاء ولا تصبير لكن هقولك كلام واقعي اتمنى ان حضرتك تفكر فيه بعقلك وقلبك معا لتكتشف ان الموضوع وان كان كبير وان كان مصاب وجلل الا انه في الاحتمال وان لنا عزاء ممكن جدا يصبرنا على كل ده ويخلينا ننسى . . والحياه تستمر

انا مش عوزاك تبطل تفتكر ابنك ولا تبطل تبص في صوره ولا تبطل كلام عنه .. لكن .. افتكره وترحم عليه واطلب من ربنا يجمعك بيه في الجنة .. بص في صورته وتأمل فيها واحمد ربنا واشكره على( الهدية ) الي ارسلها ليك عن طريقه .. اتكلم عنه واحكي لكل حد بس خليك فاكر ان ابنك ( مراحش ) ابنك موجود ودي حقيقة ابنك هتقابله باذن الله لما يأذن سبحانه .. انت مختلف عن اي شخص معندوش ابناء زي ابنك .. هم مش هيقابلوا حد انما انت خلاص رصيدك فيه واحد هو بس سبقك ( لهناك ) فعليا مش مجازا .. ممكن جدا يكون واحشك وممكن جدا تكون مفتقده وممكن حاجات كتير الا انه ( راح ) او خلاص على كده .. ابنك عند ربنا ومفيش عند ربنا حاجه بتروح وبما انك مؤمن وعارف بان القيامه قائمه لا محالة واننا مبعوثون لا ريب فابنك هيصحى تاني وانت كمان وهتتقابلوا هناك وهتعيشوا مع بعض للابد .. هي مسألة وقت ..

افتكر الذكرى السنوية لابنك بش مش لانها ذكرى اليوم الي راح منك فيه وانما لانها ذكرى اليوم الي باذن الله اصبحت فيه من اهل الجنة واصبح لك هناك بيت ( ملك ) هتروح له في يوم من الايام وتلاقي ابنك وكل الي بتحبهم وربنا رضي عنهم وادخلهم معاكم في الجنة كله هيكون هناك ..

يمكن انت طلبت من ربنا الجنة في لحظة صدق .. ويمكن مكنتش عملت عملها .. ربنا من كرمه وفضله انعم عليك وقالك خلاص هبعت لك هدية .. هاخذ منك العزيز وهاخذ منك الغالي .. هتصبر ؟ هتقوله ايوه يارب عشانك وعشان جزائك انا هرضى بالي هتقضي بيه .. ربنا تفضل وسهلها عليك فتح لك ابواب الجنة على مصراعيها وقالك خلاص طلبك مجاب .. يبقى تقول ايه غير الحمد ؟

كلمه دائما بقولها وبثقة .. احنا محتاين عيالنا ليه ؟ مش عشان يونسونا في الدنيا وكونوا ( سندنا ) ويدعولنا بالرحمه بعد مانموت ؟

طيب ان كانت الدنيا طالت قصرت رحلتها لازم بتنتهي .. ومهما كان طولها فهي لا تقارن بالابديه الي مفروض نعيشها .. صدقني ياسيدي الفاضل لو حسبتها هتكتشف انك محتاج الجنة باكثر كتير من حاجتك للابناء .. ابنك الي استعوضته عند ربنا في الدنيا ده راح عشان يكون باذن الله ( سندك ) في الآخرة .. صدقني احنا ( محظوظين ) ان ربنا رزقنا بشيء زي كده اهو على الاقل يكون لنا عين نحلم بيها ونقول لعل ربنا تقبل لعل ربنا كتبنا من اهلها

حتى ابنك نفسه الي السائق اخذه ( غدر ) ربنا سبحانه ( اصطفاه ) من بين ملايين البشر انه وبدال مايدخل التجربة من اولها لآخرها.. وبدال مايكافح في الدنيا ويبتلى ويايعمل خير يايعمل شر .. بدال مايفتن ويايطلع منها مؤمن او لاقدر الله يكون شيء تاني .. ربنا اختصر عليه كل ده ووفره وقاله تعال الى جواري تعال لتكون باذني مرضي عنك .. ابنك ربنا سبحانه ( اختاره ) بمعنى الكلمه عشان لا يتعذب ولا يفتن ولا يحيد عن الصراط المستقيم .. واحد تم استثناءه من الامتحان وتم منحه الدرجه النهائية وبمرتبة شرف كمان .. تزعل عليه ؟ يابخته وربنا بس يجمعنا بيه ويعطينا من درجته الي اعطيت له

طبيعي جدا ان الشيطان مش هيسيبك في حالك .. وطبيعي جدا انه يقعد يقولك ابنك مختلف عن اي ابن تاني ده الي كان بالنسبة لك كذا .. ده الي كان هيبقى كذا.. ده الي مش هتقدر تعوضه .. رد عليه بكلمه واحده .. قوله ايوه .. ابني كان كل ده واكتر .. كان هو الغالي وهو حبة عيني الي مش هشوف بعدها ولان المصاب عظيم .في الثواب عليه اعظم

قوله ابني ربنا كتب لي بيه باذن الله بيت في الجنة ولو مكانش غالي اوي كده ولو مكانش هو الي لا قبله ولا بعده مكانش بقى الثواب كبير كده ومكانش بقى عوض ربنا هو اقصى مايمكن ان يحلم بيه بشر .. بيت .. وفي الجنة ..

سيدي الفاضل هي ايام طالت قصرت هتعدي وهيجي يوم هنكبر في السن اوي وهنقرب من الآخرة اوي اوي وهنبص ورانا للسنين الي فاتت من عمرنا ونقول احنا كنا قلقانين على ايه ولا بنبكي ايه ده الي جاي هو الاهم ده الي جاي الي معملناش حسابه .. ابدأ من دلوقت جهز نفسك .. اعمل الي عليك كله .. ارمي موضوع ابنك وراء ظهرك .. خليه ذكرى ( جميلة ) تعدي في مخيلتك فتفتكر قد ايه كان عزيز وقد ايه ربنا كان كريم معاك لما اختارك لدخول التجربة دي ولابتلاءك بفقده وقد ايه هو سبحانه سهلها عليك وادالك حاجه من عنده وهي ابنك الي هو في الاصل له سبحانه واسترده ماهو له ليكافأك لمجرد انك مقلتش لأ ..

سيدي الفاضل اتمنى متكونش برغم كل ده حانق على سائق الميكروباص وقول بس ربنا يسامحه .. الي حصل حصل وعمر ابنك كان كده مكانش ينفع تزود فيه يوم ولا دقيقة .. السائق كان مجرد سبب وان كان الي عمله ( جريمه ) فاحمد ربنا انه لم يتم القبض عليه يعني لم يتم القصاص منه في الدنيا عشان يكون حسابه في الآخره

قول الحمد لله دائما فالكلمه دي بتريح بشكل ميعرفوش غير الي جربه .. كررها كتير وقول بثقة وانت بتفكر في معنى العباره (( ان لله وان اليه راجعون )) كلنا منه سبحانه وكلنا راجعين له سبحانه يبقى نجزع ليه ونزعل ليه لما واحد فينا يروح للي كلنا رايحين له في يوم من الايام ..

تضيعش ( فرصة عمرك ) في انك تقول لربنا سبحانه انا بحبك يارب وعشانك يارب هصبر ومش هعترض ولا بالحزن .. على فكره انا متاكده انك مش معترض ولكن الحزن العميق الي ظهر لي في كلامك والشعور القاتل بالحسرة والالم الي حسيته من بين سطورك لما بتفتكر ابنك او تستعرض ذكرياته معاك هو الي خلاني اقولك كلامي السابق ده كله .. انا نفسي تشيل من داخلك كل المشاعر دي وتستبدلها بالرضى والحمد وصدقني هتذهل من حالك بعدها وازاي هتكون متقبل لما حدث بل وراضي عنه وازاي هتختلف نظرتك للحياه بعدها ..

صادق عزائي ومواساتي لحضرتك .. وخالص تهاني كمان .. رحم الله ابنك وابنائنا جميعا ورحمنا سبحانه وجمعنا بكل من نحب في جنته ويارب يارب نكون اهل لها

زي النهرده السنة الجايه باذن الله هيكون مر سنتين على يوم ( العمار ) اليوم الي بني لك فيه بيت الجنة اعمل بقى واصبر .. عشان تكون من سكانه ..

[أبو العز]

الأخوات والأخوة الكرام

اشكركم جميعا من كل قلبى على كلماتكم الرقيقة والتى كانت فعلا نعم السلوى لى ولزوجتى عندما قرأت ردودكم

الأخت الفاضلة ضحى

اشكرك على كلماتك واسمحى لى لم اكن اعرف انك ايضا فقدت ابنك الله يعوضك عنه خير

انا الحمد لله راض بقضاؤه ، واعيش على امل لقاؤه ان شاء الله

كل ما احزننى ان الحادث تم بشكل غريب من سائق ارعن تجاوز بطريقة خاطئة ومسرع جدا وصدمنى من الخلف وانقلبت السيارة بنا وخرجنا جميعا بسلام ماعدا الولد الذى توفى فى الحال وكنا على الطريق الصحراوى وهذا النذل لم يتوقف حتى لاسعافنا ونحن بعد منتصف الليل وبقينا على حالنا اكثر من ساعة ولكن هذه هى مصر بلدنا ماذا نفعل

انها تجربة مؤلمة بكل المقاييس لقد كنا نصلى معا فى جماعة قبل الحادث وكنت اعلمه تعاليم دينه وقيمنا على امل ان يكون هو الولد الصالح الذى سيدعوا لى بعد مماتى

ولكن سبحان الله لقد دفنته انا بيدى مثلما دفنت ابى فى نفس القبر قبل 20 عاما ودعوت له وكنت اتمنى ان يدعوا لى ابنى وهو يواري جثمانى

لكن لله حكمة فى ذلك

الشىء الوحيد الذى يخفف المى هو اننى لم ابخل عليه بشىء فى حياته وعلمته كل ماتعلمته انا وكانت امه تحفظه القرأن وكان يصلى مع فى المسجد وكان من اسعد الاطفال فى الدنيا وكان لديه كل مايتمناه

الحمد لله واشكركم جميعا على مشاعركم والتى والله خففت عننا الكثير وخاصة ونحن نعيش فى الغربة

أعتذر للاطالة ولا أراكم الله مكروها فى عزيز لديكم

[لماضة مصرية جدا]

الأخوات والأخوة الكرام

اشكركم جميعا من كل قلبى على كلماتكم الرقيقة والتى كانت فعلا نعم السلوى لى ولزوجتى عندما قرأت ردودكم

الأخت الفاضلة ضحى

اشكرك على كلماتك واسمحى لى لم اكن اعرف انك ايضا فقدت ابنك الله يعوضك عنه خير

انا الحمد لله راض بقضاؤه ، واعيش على امل لقاؤه ان شاء الله

كل ما احزننى ان الحادث تم بشكل غريب من سائق ارعن تجاوز بطريقة خاطئة ومسرع جدا وصدمنى من الخلف وانقلبت السيارة بنا وخرجنا جميعا بسلام ماعدا الولد الذى توفى فى الحال وكنا على الطريق الصحراوى وهذا النذل لم يتوقف حتى لاسعافنا ونحن بعد منتصف الليل وبقينا على حالنا اكثر من ساعة ولكن هذه هى مصر بلدنا ماذا نفعل

انها تجربة مؤلمة بكل المقاييس لقد كنا نصلى معا فى جماعة قبل الحادث وكنت اعلمه تعاليم دينه وقيمنا على امل ان يكون هو الولد الصالح الذى سيدعوا لى بعد مماتى

ولكن سبحان الله لقد دفنته انا بيدى مثلما دفنت ابى فى نفس القبر قبل 20 عاما ودعوت له وكنت اتمنى ان يدعوا لى ابنى وهو يواري جثمانى

لكن لله حكمة فى ذلك

الشىء الوحيد الذى يخفف المى هو اننى لم ابخل عليه بشىء فى حياته وعلمته كل ماتعلمته انا وكانت امه تحفظه القرأن وكان يصلى مع فى المسجد وكان من اسعد الاطفال فى الدنيا وكان لديه كل مايتمناه

الحمد لله واشكركم جميعا على مشاعركم والتى والله خففت عننا الكثير وخاصة ونحن نعيش فى الغربة

أعتذر للاطالة ولا أراكم الله مكروها فى عزيز لديكم

السلام عليكم و رحمة الله و بركاته

كنت قد عزمت ان ادخل لاطمئن علي حضرتك

ووجدت مداخلتك الحمد لله

تواصل دائما معنا

مش عشان بس الغربة...(كتبتها احرف كبيرة...لأانها فعلا كلمة ثقيلة جدا ع النفس....و اشعر اني احملها فوق كتفي و تزداد وزنا يوما عن الاخر)

عشان احنا بني آدمين

هنا او مصر او في اي حتة في الدنيا

نحتاج جدا من الوقت للاخر أن........نترك العنان لكلماتنا تحملنا حيث يعجز لساننا عن البوح

اكتب

و تواصل معانا متي شئت

و يسعدنا تواجد حضرتك معانا

في امان الله

[doha]

الاخ الفاضل ابو العز .. تفاصيل قصتك فعلا تدمي القلب .. لكن عزائك الوحيد ان ابنك ده من بين كل ابنائك هو باذن الله الي هيدعي لك بعد وفاتك الدعوة الي مبعدهاش دعوة .. ابنك ده باذن الله هو الحاجه الوحيده الي ممكن يكون لك بيها شفاعه وهو الوحيد الي ممكن يقول يارب اهلي دخلهم معايا الجنة يارب

متزعلش يابو العز السائق الارعن حسابه عند ربه واحمد ربنا انك مش مكانه .. في الاختبار الي دخلتوه كنتم اربعه واحد اصطفي ليدخل الجنة بلا حساب وواحد ابتلي ليقتل نفس بغير نفس واثنين اختبروا ايصبروا ام يكونوا من الجازعين .. ربنا سبحانك كان ممكن يخليك او يخلي زوجتك اي من الاربعه دول .. اختار لابنك عزيزك افضل مكانة من بين الاربعه واشرف دور والسائق الارعن بكل اسف هو اخذ الاخس من بينكم اما انت وزوجتك فبايدكم انكم تخرجوا من تجربتكم ظافرين لتكونوا ثلاثتكم باذن الله من فاز في النهاية .. احمد ربنا الف مرة انك مكنتش السائق محدش عارف ابدا لو اي منا مكانه كان هيعمل ايه واحمد ربنا الفين انه قدر ولطف وانه اهداك الهدية دي وان الولد فعلا ( يبكى عليه ) كدليل انه باذن الله شهيد عند ربنا مكانش ممكن ينال المكانة دي لو لم يكن اصلا من الصالحين ..

كلمه حبيتها اوي قراتها في تلك الفترة وحسيتها صادقة اوي لسيد قطب رحمه الله ...

الموت ليس نهاية الرحلة ولكنه مرحلة في الطريق .. ومانناله في هذه الحياة الدنيا ليس هو نصيبنا كله وانما هو جزء من هذا النصيب .. ومايفوتنا من الجزاء هنا لا يفوتنا هناك في عالم الغيب والشهادة ..

انت فقدت في الدنيا هيكون عوضك في الآخرة والسائق مخدش حاجه في الدنيا من جزائه فخليه كله ينتظره في الآخره وكلها في النهاية رحلة طالت قصرت هي منتهية فمتتوقفش كتير امام عثرة في طريقها وخلي الي حصل ده دافع لك انك تبص للامام وتشوف خلاص المرحلة دي من حياتكم عدت خلينا نجهز بقى للمرحلة الجايه وياعالم هنقابل فيها مين ولا ربنا هيرزقنا فيها بايه .. احنا مش داخلين الدنيا لا يكون لنا فلوس ولا بيوت ولا عيال احنا داخلين اختبار ياننجح فيه يالاقدر الله مننجحش .. ركز وخلي كل عقبة او موقف او حدث يعترضكم سبيل لنجاحكم في الاختبار مش العكس ..

وكون على ثقة ان ربنا مش هيتركك ابدا لا في الدنيا ولا في الآخرة .. عن نفسي وبعد وفاة ابني بفترة قصيرة حدثت نفسي بكلمه معرفش حسيتها داخلي كانها يقين .. اني هشوف من بعد ابني ده خير عمري في حياتي ماشفته ولا كان ممكن اشوفه غير من بعده .. حسيت كده مع ان مكانش في اي مؤشرات لذلك وسبحان الله هو مابدأ يكون .. انت كمان ياابو العز وزوجتك باذن الله هتشوفوا .. سنتين تلاته بالكتير وهتلاقي البشائر ظهرت وكلها فترة بعدها وتتأكد من كلامي .. سبحان الله ربنا بيجزي الصابرين دنيا وآخرة وبغير حساب ..

وفاة ابنك مرحلة انتقالية في حياتكم مش للاسوأ ابدا زي ماممكن تصور لك الصدمه الاولى .. وفاته بالطريقة الصعبه الي حصلت كان لازم تكون كده عشان يكون المصاب جلل فيكون الاجر على نفس درجه العظم .. وزي ماقلت لك هي فترة وهتعدي ومش هيبقى منها غير الذكرى لحاجه حلوة كانت في حياتنا وباذن الله هترجع تاني بعد نهاية هذه الحياة ..

واكيد زي ماقالت عزيزتي لماضه كلنا اذان صاغية في اي وقت تحب حضرتك تفضفض عن اي حاجه اكيد هتلاقينا كلنا مستمعين ..

تم تعديل 17 يوليو 2010 بواسطة doha