المنتظريين مقابلات كيبيك 9-2010

[m montreal]

الف مبروك للدكتورة جيجي ...... معلش كنت اليوم والنص الى فاتة كنت براجع على الورق........ الف مبروك مرة اخرى

اية دة مفيش غير الاخت أغابي والاخ محمد كبيك همة الي بس الي سالوا علية ... على العموم كتر خيركم ( أغابي و محمد كبيك ) والف شكر ليكم

انا الحمد للة لسة ناجح واخدت CSQ وحبايبي بس همة الي معزومين على أكلة السمك النهاردة

كانت مقابلتي مع مسيو بول وحالة فايلي كالاتي

السن 29 سنة

الشهادة بكالريوس حاسبات ومعلومات

الخبرة 3 سنوات بالتامينات ولكن في مجال اخر ولكنني اشتغلت في شغلانة اخرى قبل ذلك ولكن بدون تامينات ولهذا لم أذكرها في طلب الهجرة

الاطفال : 2

مستوى الفرنساوي : السادس

-----------------------------------------

التابع

بكالريوس تجارة

مستوى الفرنساوي : الثالث

السن 28 سنة

--------------------------------

سألني عن طبيعه عملك والتامينات

واشمعنى اخترت مونتريا ل

وشوية اسئلة من نوعية عندك عربية - لونها - جيت امتي - هترجع امتى - دة امضتك على طلب الهجرة

وبعد كدة عاوز تسافر كبيك لية ونفس السؤال للمدام

والاسئلة الاخرى للمدام مجال دراستك اية وبتحبي اية في الفرنساوي

وبعد كدة سألني E كلمني عن القاهرة وبعد كدة ما نوعية الافلام الي بتحبها واحكيلي عن اخر فيلم شوفتة

وبعد كدة قلنا انتم اتقبلتم .........

معلش ممكن السرد مش كويس بس انا منمتش من امبارح ومرضتش انام قبل ما احكيلكم

وشكرا مرة أخري لاغابي ومحمد كبيك

[reemragab]

الف الف مبروك

مين بس اللى قال ان اغابى ومحمد كيبيك بس اللى بيسالوا

واحنا رحنا فين

يعنى اعمل حسابك انت والمدام على واحد زيادة

ولا عايزين تنفدوا من العزومة

تم تعديل 30 نوفمبر 2010 بواسطة reemragab

[كيبيك]

الواضح من كلام بعض الناس ان الجواب الاول مالوش فترة معينة من وقت ارسال الملف

يعنى كل جواب ولة ظروفة

فية ناس جالها بعد شهر وناس تانية شهرين وناس اكتر

هو السبب بيكونليستة الوظايف المطلوبة؟

يعنى المطلوب بيتبعتلة اسرع مثلا ولا اية؟

لو حد يعرف ياريت يقول ويريحنا

على فكره انا بعت الورق يوم 21/6 ووصل سوريا يوم 24/6 و لم يصلنى اى جواب منهم حتى الان

بس انا بعتلهم 3 فاكسات ردوا على بالجواب اللى مفروض انه اتبعتلى بان تم فتح ملف لى بتاريخ 2/8

و على قكره بيردوا ع الفاكس بعد حوالى من 10 ايام لاسبوعين و الكلام ده كان فى اخر شهر 9 يعنى بعد 3 شهور من التقديم

ملحوظه هما ردوا على بعد اول فاكس لان الفاكسين التانين كان فى خلال يومين من ارسالهم الفاكس لان كل مره كنت اجى استقبل الفاكس مكنتش بستقبله معرفش كان فى مشكله عندى و لاعندهم كل مره يبعتوه ميوصلش اقوم ابعت اقولهم انهم حاولو يبعتولى بس انا لم استلمه لحد ما بعتولى و استلمته

اختى ملفها و صل سوريا 19/6 لم يردوا علينا حتى الان بس هانبعتلهم فاكس الاسبوع ده

ممكن اعرف لو سمحت صيغة فاكس الأستعجال علشان محتاجها

وشكراااا

دة الصيغة الي بعتها لواحد صاحبي الفايل نمبر اتاخر علية

Mon nom est xxxxx yyyyy du Egypte , et j'ai envoyé mon dossier le dd/mm/2010 et jusqu'à pressent je n'ai pas reçu le numéro

Du dossier et je veux savoir si vous avez ouvrir l'enveloppe et si dossier a pris un numéro veuillez m'envoyer une lettre de ces renseignements a mon E-mail ou par fax

Numéro de fax 002 02 2xxxxxxx

وهتحط مكان xxxxx اسم العائلة ومكان yyyyyy اسمك الاول زي ماانت كاتب في الملف اللي بعتة

شكرااا للأهتمام

[djdj]

مرسى جدا لمعلوماتك بس انا مش مستنية فايل نمبر يمكن انتى مكنتيش متبعانى لانى جديدة معاكم انا كان لية مقابلة الاسبوع اليفات و اترفض بسبب التامينات معانى سنى اقل من35 و لدى طفلين و كل حاجة تمام على كلام مسيو بول بس انا كنت براجع مع نفسى البوينت و افتكرت انى كان لازم اقولة انى لية اخت فى كندا بس الحمد للة مرسى كتير

اووووووف يا خبر

انتى كنت فين يا بنتى انا فاكرة انك منتظرة الفايل نمبر

يبقى انتى ما كنتيش معانا على الليستة وبتبصى من ورا الباب علينا

داه صح انا ما سمعتش بيكي - حظك عصلج شوية - مع ان الميشن داه رايق وكمان مسيو بول افضل واحد على الاطلاق حقيقي

طيب انا اعتقد انك جبتى سيرة اختك بتاعة فيدرال افهمى دى حاجة بتنرفزهم جدا

اكيد دى سبب انه يفشلك المقابلة

زعلتيني اوى

ياريت تراسليني على الخاص وتشرحيلى حصل ايه

وتحكي مقابلتك بالتفصيل على التوبيك هنا علشان الناس تاخد بالها اللى عندهم مقابلة

انا فى انتظار رسالة منك على الخاص تحكي ليا بالتفصيل كل حاجة بليززز

وخلينا نبدأ من جديد

اغابي

انا معرفش اكتب ازاى على الخاص بس انا كتبة مقابلتى فى صفحة160 لانى لقيت انى من الواجب عليا انى احكى مقابلتى حتى بعد ما اترفض حتى يستفيد الاخرين زى ما انا استفاد كتير و على فكرة انا ماقلتش انى ليا اخت بس افتكرت انى كان لازم اقول لعل و عسى كانت الدرجات تترفع بس الحمد للة ماقلتش بس برضو اترفض بسبب الزفتة التامينات

[محمد كيبيك]

الف مبروك للاخ m montreal على السى اس كيو و عقبال شلة بكرة ربنا يسهلك باذن اللة فى الباقى الفيدرال و المديكال و الفيزا و سلامة الوصول لكندا

[كيبيك]

ألف مبروووووووووووووووووووووووووووووووك ياجانوووووووووووووووووووووو

وبصراحة انت تعبت وربنا وفقك

100000000000000 mabrooooooooooook

[توتا عماد]

الف مبروووووووووووووووووووك يا M MONTREAL احنا كنا مستنيين نسممع الاخبار الحلوة دى

عقبال مجموعة بكرة بس ياريت متتاخروش علينا وتطمنونا

[اغابي]

وشكرا مرة أخري لاغابي ومحمد كبيك

شكرا ليك يا محمد مونتريال

وشكرا على العزومة يا محمد مونتريال صح كدا احسن ما تعزمش حد غيري انا ومحمد كيبك

:P :P

- وانت اسرع حد رد علينا بتفاصيل المقابلة

والف مبرووووك - الف الف الف الف مبروووووووووك

وانا هنا مخصوص علشان ادعى لليستة وكل واحد فيها ومش عاوزة يعدي يوم من غير ما ادخل ادعى للناس

نداء - نداء

لكل واحد بيبص على التوبيك من ورا الباب او بيلمع الاوكرة بس ههههههههه

يدخل بسرعة بقلب جامد ويضيف اسمه لليستة لان وشها حلوا

واللى مش حيعمل كدا حيس........ بعد الشر يعنى - انا بس خايفة عليكم

ياريت كل الناس تشترك معانا فى التوبيك الرائع داه واللى عنده معلومات او نصيحة

او لينكات يشارك بيها وما يبخلش على الناس الى هنا

والف مبروووووك لمحمد مونتريال

الف مبروك يا محمد

وبكره معانا مين يا اغابي

اممممممممم

ايوه معانا

وجدى

لحسن يقتلنا داه عامل زى السؤال الاجبارى

bk: bk:

تم تعديل 30 نوفمبر 2010 بواسطة اغابي

[djdj]

الف مبروك للدكتورة جيجي ...... معلش كنت اليوم والنص الى فاتة كنت براجع على الورق........ الف مبروك مرة اخرى

اية دة مفيش غير الاخت أغابي والاخ محمد كبيك همة الي بس الي سالوا علية ... على العموم كتر خيركم ( أغابي و محمد كبيك ) والف شكر ليكم

انا الحمد للة لسة ناجح واخدت CSQ وحبايبي بس همة الي معزومين على أكلة السمك النهاردة

كانت مقابلتي مع مسيو بول وحالة فايلي كالاتي

السن 29 سنة

الشهادة بكالريوس حاسبات ومعلومات

الخبرة 3 سنوات بالتامينات ولكن في مجال اخر ولكنني اشتغلت في شغلانة اخرى قبل ذلك ولكن بدون تامينات ولهذا لم أذكرها في طلب الهجرة

الاطفال : 2

مستوى الفرنساوي : السادس

-----------------------------------------

التابع

بكالريوس تجارة

مستوى الفرنساوي : الثالث

السن 28 سنة

--------------------------------

سألني عن طبيعه عملك والتامينات

واشمعنى اخترت مونتريا ل

وشوية اسئلة من نوعية عندك عربية - لونها - جيت امتي - هترجع امتى - دة امضتك على طلب الهجرة

وبعد كدة عاوز تسافر كبيك لية ونفس السؤال للمدام

والاسئلة الاخرى للمدام مجال دراستك اية وبتحبي اية في الفرنساوي

وبعد كدة سألني E كلمني عن القاهرة وبعد كدة ما نوعية الافلام الي بتحبها واحكيلي عن اخر فيلم شوفتة

وبعد كدة قلنا انتم اتقبلتم .........

معلش ممكن السرد مش كويس بس انا منمتش من امبارح ومرضتش انام قبل ما احكيلكم

وشكرا مرة أخري لاغابي ومحمد كبيك

انا جديدة معاكم بس بامانة ربنا انا مبسوطة ليك كتير و ربنا يباركك و يسهل بقية طريقك والف مبروك

[كيبيك]

صباح الخير عليكو انا متشكر جدا جدا علشان كنتو بتدعولى وانا منجحتش الا بصلواتكو ليا ربنا يعوض تعب محبتكم

ومتشكر لكل اللى بركولى فى المنتدى وعلى الخاص وعلى التليفون متتصوروش اد اية كنت فرحان بسؤالكو عليا اكتر من نجاحى

ومنساش تعب جى جى معايا اد اية كانت واقفة على اعصابها فى السنتر هى وجوزها لحد ما خلصت الانتر فيو وانا مبسوط جدا جدا انى اتعرفت عليهم

المقابلة

دخل مسيو بول وندة عليا ورحنا معاة المكتب وعرفنا بنفسة ولية احنا موجودين هنا والمترجمة بترجم كل كلمة هو بيقولها

وبعد كدة بيقول هنبدأ المقابلة الان بالفرنسية ولو احتجت المترجمة فى اى حاجة متترددش انك تسالها

1- انت اتجوزت كام مرة ؟ قلتة دى اول مرة

2-فين عقد الزواج؟ اتفضل

3- انت درست فى كلية اية؟ جامعة 0000

4-وهل الكلية دى جميلة؟ نعم

5- وهل هى كبيرة؟ هى مجمع كليات كبير فيها كلية الاداب والتجارة والعلوم والحقوق

6- من هو مدرس المادة المفضلة اليك ؟ مدرس مادة المحاسبة لانة كان شخص لطيف ومحترم وبيشرح كويس

7-ورينى شهادة الكلية والدرجات ؟ اتفضل

8- ماهو تاريخ ميلاد اولادك ؟ 000000000000000

9- اين تسكن ؟ وما المدة ؟ 000000000000

10-انت متجوز من امتى ؟ 10 سنوات

11- خبرتك اداية ؟ 10 سنوات فى هذا المجال

12- كل العشر سنوات فى نفس الشركة؟ نعم

13- طيب انت بتشتغل اية ؟ انا مدير قسم 000 فى شركة 000

14- وصلت امتى اسكندرية ؟ امبارح

15- ركبت اية وانت جاى السنتر ؟ تاكسى

16- رحت فين امبارح ؟مارحتش فى حتة علشان كنت بذاكر فرنساوى

17- اتعشيت فى مطعم امبارح ؟ نعم

18- اسمة اية ؟ جاد

19- هتشتغل اية فى كيبك ؟ انا هعمل معادلة وهحسن لغتى علشان اشتغل فى مجالى

20- ودة هياخد منك اد اية ؟ حوالى سنتين

21- وفى خلال السنتين هتشتغل اية ؟ انا معايا شهادات من ويدر المشهورة فى موريال انى مدرب كمال اجسام دة غير انى شاطر جدا فى اعمال النحت والرسم

31- طيب لية مجبتلهاش عروض عمل ؟ علشان المهن دى بتيجى من خلال الاحتكاك بالمجتمع هناك مش من النت

41- طيب انت جبت عروض عمل للعمل فى مجالك ؟ نعم ( هى دى اللى طحنى فيها وطلع عينى )

51- مسك اول ورقتين وسألنى هما طلبين اية فى الوظيفة دى ؟ قلتة محاسب

61- اسمها اية الشركة دى وفين ؟ بأيت ابص معاة فى الورق وكأنى اتعميت والدنيا لفت بيا يا سنة سودة دة مكنش على البال ولا الخاطر

المهم اعدت اشاورة هنا وهنا لما حسيت بردة انى توهتة معايا وسالنى - انت عارف الشركة دى اسمها اية اللى فيها الشغل ؟ قلتة موريال- وعنية جابت

شرار وانا هنجت على الاخر وقامت المترجمة قايلالى هو بيسالك على اسم الشركة - قلتلها انا عارف بس مش مركز خالص

62- وبعدين منة للة اتفاجئ انة بيمسك الورقة التانية بتاعة عروض العمل ( يا لهوىىىى ) على رئى عادل امام هيغمن عليا

وبردو نفس الاسئلة وسألنى عن الشهادات اللى طلباها الوظيفة دى اية ؟

الزوجة

بتشتغلى اية ؟ صحفية فى جريدة 0000

درستى فرنساوى فين ؟ فى سنتر المنيرة

وصلتى للمستوى الكام ؟ الخامس

ماهى كليتك ؟ اداب اجتماع

ورينى شهادة الكلية ؟ اتفضل

ماهى هواياتك ؟ 000000000000000

وبعدين رجعلى تانى ( يادى النيلة حل عنى بأ )

كلمنى عن اى حاجة بلانجليزية ؟ فقلتلة زى اية ؟ فقالى عندك اخوات ؟ فقلتلة نعم 0000

وسالنى ايضا بالانجليزية هل والدك عايش ؟ قلتلة الحمد للة عايش ويرزق

بيشتغل اية ؟ على المعاش

احلى حاجة انة كان بيسال بلانجليزية وانا معظم اجابتى بلفرنسية لما جننتة

ورجع تانى سال بالفرنساوى

هتاخد معاك كام وانت مسافر ؟ قلتلة المبلغ اللى انا كاتبة فى الابلكيشن

وشاور على الاوراق اللى انا ماضى عليها وقالى دى امضتك وهو دة المبلغ اللى انت هتاخدة معاك ؟ نعممممممممممم

وبعدين جة الفرج الحمد للة وقالى انتم اتقبلتم ( الولادة كانت متعسرة لكن الحمد للة ضحينا بالمترجمة علشان جانو يعيش وينجح )

نشكر اللة وبشكر تعب محبتكم وانا جاهز لاى استفسار

ألفففففففففففففففففففففف مبروووووووووووووووووووووووك

ياجانواااااااااااااااااااااااااااااا

[كيبيك]

انا كنت حاكيت مقابلتى انها كانت يوم 25\11 مع مسيو بول و المتقدم الرئيسى كان مستوى سابع لكن فى السنتر لغاية الخامس و التابع زيرولكن كاتب الرابع وكانت المقابلة فيها مترجمة ثم سئل عن البسبورتات ثم شهادة الجواز و تاريخ الجواز ثم شهادة الكلية الكرتون و علة فكرة احنا الاثنين تجارة ثم شهادة بيان الدرجات و اعجب بالتقديرات ثم سئل اضيتى ليلة امبارح فين و جيتى بئة و لون العربية اية و مركتها و تارخ ميلاد العيال الاثنين ثم سئل عن المعادلة و هتلائى شغل هناك ازاى فورتلة عروض العمل ثم انى لى اصدقاء هناك فى كيبك ثم ورتلة بعض الايميلات بعناوين و تليفونات اصحابى ثم ورتلة جواب انا كنت بعتة للكنيسة اللى هناك و الرد بتعهم بانهم هيسعدونى فى الاول انا نيسيت اقولكم اهم حاجة انى لما اديتة شهادة الخبرة و سئلنى بعد كدة فين التائمينات و قلتاة مفيش و التلة سبب مقنع جداا لكن هو قلي انى سوف الغيلك درجات الخبرة و كذلك بعض درجات التخصص قلتلة بس كدة انا درجاتى هتنذل جدا فراح قلي خلينا بس نكمل المقابلة و نشوف و فى الاول و الخر انا موظف ليا بالوراق و مينفعش اعتمد ورقة الخبرة الا و معاها التائميناتو فعلا كملنا المقابلة فسئل التابع سنك و معاك ساعة و دة طبعامن غير رد ثم رجع و سئلنى بالانجليزى احكيلى قابت شريكحياتك ازاى و قوليلى اسم فيم بتحبى و فى النهاية قلى ان ملفك كويس جدا و انتى اخاتى كل الدرجات اللى فى اللغة سواء فى الانجيزى و الفرنساوى ودرجات السن و الاطفال و و اعجب بتحضير الورق لكن انا لما لغيت الخبرة و بعض درجات التحصص لم تتوصلى الى الدرجة المطلوبة بس انتى ممكن تعملى اعادة فتح ملف ايذا حصلتى على التائمينات . فانا عوذة اعرف من اهل الخبرة لو انا حصلت دلوقتى على شهادة التائميناتاعمل اعدة فتح ملف ازاى خصصوصا انة كان متعاون معانا جدا جدا لدرجة انى لما قلتلة ان انت ممكن تتصل و تتئكد انى كنت بشتغل فعلا قلى انا مسدئك و مقتنع فعلا بالفايل بس انا فى الاخر انا موظف فارجو الرد

يا دي جي,

أنا رأيي انك الأول تبتدي ف انك توفري ورقة التأمينات المطلوبة, و تشوفي هاتاخد وقت أد إيه, لو مش هاتطول, تقومي باعته صورتها المترجمة مع بياناتك كاملة و ممكن صورة من الورق اللي يثبت رقم الملف و المقابلة و كدة و تبعتيه علي البريد اللي بعتنا عليه الملف, و تقوليلهم عايزة إعادة فتح الملف و النظر فيه بالنسبة للموضوع كذا و تشرحيلهم اللي حصل باختصار و استني الرد.

دا رأي الشخصي, أنا ماشفتش الموضوع قبل كدة.

و الرأي الأول و الأخير لأصحاب الخبرة و ليكي.

بس هو انت هاتخسري ايه لو بعتتي البريد زي ما قلتلك كدة, و كمان ممكن لو ورقة التأمينات هاتتأخر تبعتي انت جواب فيه شرح الموقف برقم الملف و تقولقلهم انك عايزة إعادة فتح الملف ودا من حقك ف مدة ال 90 يوم زي ما قلتي و الورقة الناقصة هاتكون موجودة قبل المهلة ما تخلص.

و للا ايه رايك؟

أمير,,,

مرسى جدا لاهتمامك انا مش عرفة اكتب فى نفس المكان الى كتبت فية بس المهم انى لسة محتارة هل استنى الملف الخاص بالمقابلة ثم ابعت طلب فتح الملف ولا استنى اعمل الشهادة بتاعت التامينات و ابعتها مع الطلب ولا اعمل اية بالظبط خصوصا ان الضماغ بئت عملة زي الحصالة

ازيك يادى جى

بصراحة ربنا يكون فى عونك واتأكدى وثقى تمام الثقة ان اللة لا يضيع تعب اى انسان وان الرفض دة فية خير ليكى

وأنا رأيى لو مسيو بول قالكم فعلا ان الرفض بسبب التأمينات فقط مش اى حاجة تانية يبقا بسرعة ابتدوا فى عمل التأمينات لو حتى هتدفعوها من جيبكم وابعتوا تظلم ومعاة صورة التأمينات وانشاء اللة هيبعتولكم csq

و ربنا معاكم

تم تعديل 30 نوفمبر 2010 بواسطة كيبيك

[veto]

انا عضو جديد و كنت عايز اعرف اى معلومات عن معادلة تربية انجليزى

[Filomina]

مبروك يا M montereal ,انا كنت فاكره اني كتبت ادعيليك لما باركت لجيجي بس الظاهر bsh:) اني نسيت

ومبروك مره تانيه gra:- gt: mft:

[كيبيك]

بجد انا مش قادرة اتاخر عليكو اكتر من كدة اولا لازم تنامو كويس وتحاولو تروحو السنتر وتتعرفو علي المكان كويس عشان يوم المقابلة متكونوش مسيغربيين المكان

عموما هو عامل زي فيلا ولما تدخلو هتلاقو بنت قاعدةعلي اليمين وحجرة الانتظار علي الشمال دة الوصف بالظبط

اما انا فكنت مع مستر بول اولا راجل متعاون جدا والفرنساوي بتاعة واضح زيادة عن اللزوم راجل طويل اوي وشكلة مش مصري ههههههههه

الملف:انا المتقدم الرئيسي مستوي 8 من المركز في المنيرة

وبيطري

ارسال الملف 1/2/2010

رقم الفايل 11/3/2010

المقابلة:اولا جة نادانا من الحجرة اللي علي الشمال اللي قلتلكم عليها واخدنا معاة كان ماشي بسرعة اوى هو وصل الحجرة واحنا وصلنا بعدة بحوالي10 دقايق هههههههههههههههه

اول ما دخلنا قلنا هو هنا لية وهنعمل اية والمترجمة بترجم اجباري

1-الباسبرتات. انتو متجوزيين من وقت طويل؟من امتي؟

2-اية تاريخ ملاد ابنك؟

3انتو في نفس العنوان مش غيرتوة؟

4-دية امضتكو اللي علي الابليكيشن؟

5-انتو معاكو شهادة في اية؟

6-انتي بتشتغلي اية واية هيا المهام بتاعتك فين شهادة الخبرة وفين التامينات؟

7-انتي عارفة ان معادلتك صعبة؟

8-الانجليزى :انتي هتعملي اية بكرة وعملتو اية امبارح ؟

دية اول مرة في الاسكندرية؟

9-اية الورق اللي معاكي دة واية التحضريات اللي انتو عملتوها؟

10-اية عرض العمل اللي معاكي دة وجبتية منيين؟

11-هتشتغلو اية لحد ما تخدو المعادلة؟

الزوج:انت درست فين الفرنساوي وقعدين فين في اسكندرية ومن امتة وبكام الليلة؟

طيب انا كدة خلاص وعندي ليكو خبر كويس انتو اتفبلتو انا كنت هقوم ازغرت وارقص في الاوضة بس اتحرجت وقعد يحكيلنا عن كيبك وسوق العمل هناك وادلنا ابرندر لو كيبك وطبع الغالية وادهلنا

انا بجد فرحانة طبعا عشان المقابلة عدت علي خير بس كمان علشان عرفت ناس ممتازة جدا هما عارفين نفسهم بس لوكنت قعدت عشر سنين مكنتش هعمل اصحاب حلوة بجد زي ما عملت اصحاب هنا علي المنتدي

ربنا مع كل الناس اللي داخلة الايام الجاية وانا تحت امركم في اي حاجة متهيالي انا اسرع واحدة في المنتدي كتبت المقابلة بعدها بساعات محدودة اي خدمة ههههههههههههه

ألفففففففففففففففففففف مبروووووووووك

يادكتورة وعقبال الميديكال

[mikymano]

انا عضو جديد و كنت عايز اعرف اى معلومات عن معادلة تربية انجليزى

وأنا كمان معاك يا فيتو المدام زيك و حتاج أي شيء عن المعادلة ياريت د/ ايهاب يدلنا و يبقي له الثواب عند الله

[kareemabdou]

الف مليون مبرووك يا محمد

ربنا يكملك طريقك على خير

و يسهلك فى مشوار الفيزا

امين

[mr zoro]

ألف مبروووووووك لكل اللي نجحوا وعقبااااال الميديكال والفيزا وعقبالنا جميعاان شاء الله ... :waving:

معلش انا قليل التواجد ع المنتدي لظروف الشغل ...

ندعو بالتوفيق لأبطال الغد بالنجاح والحصول علي الغالية CSQ ...

ان شاء الله ناجحين جميعا وابقوا طمنونااااا

تحياتي

[كيبيك]

صباح الفل على الناس الحلوين دول بمناسبة البوينتس لو عندى اخت فى كندا مش كيبك هل اخذ بوينت عليها ولا لأ

شوف يا دي جي

لو جبت سيرة اختك فى المقابلة حتسقط بسببها والحمدالله

لانها هى حتفتكرك انك جاى كيبك كوبرى يوصلك لاختك اللى فى فيدرال

بلاش سيرة اختك دى خالص وحتى انا وصيت اختى تهانى ان لو المستشارة

سالتها عنى هل ليك حد مقدم فى فيدرال او عايش هناك قولتلها تقول لاءة

كمان فى واحدة بس دي كانت عاملة مقابلة فى ميشن راشيل اللى فات

وراشيل سقطتها لما عرفت ان اختها عايشة فى فيدرال

بلاش تجيب سيرتها نهائي

وزى ما قالت توتا اول ما يوصلك الفايل نمبر تستعد للمذاكرة وما تشوشرش على دماغك بقصة النقاط

الموضوع نصيب من عند ربنا واحنا لينا على التوبيك اكتر من 4 صفحات بمشاركات تفوق 26 مشاركة عن النقاط

بدون اى نتيجة

ركزو فى المذاكرة

ازيك ياأغابى عاملة اية

انشاء اللة تعدى فى الفيدرال ونباركلك

استفسار بس على موضوع

انا لية اخ فى الفيدرال وبعتلى فيزا واترفضت ومعلم على خانة انى اترفضت من قبل فى الأبلكيشن وبعت الفايل طبعا ياترى بقا لو أتسألت فى المقابلة مين الى بعتلك الفيزا اقول اية بقة ؟؟؟؟؟؟؟؟؟؟؟؟؟؟؟؟؟؟

وشكرااااااااااا

[توتا عماد]

صباح الفل على الناس الحلوين دول بمناسبة البوينتس لو عندى اخت فى كندا مش كيبك هل اخذ بوينت عليها ولا لأ

شوف يا دي جي

لو جبت سيرة اختك فى المقابلة حتسقط بسببها والحمدالله

لانها هى حتفتكرك انك جاى كيبك كوبرى يوصلك لاختك اللى فى فيدرال

بلاش سيرة اختك دى خالص وحتى انا وصيت اختى تهانى ان لو المستشارة

سالتها عنى هل ليك حد مقدم فى فيدرال او عايش هناك قولتلها تقول لاءة

كمان فى واحدة بس دي كانت عاملة مقابلة فى ميشن راشيل اللى فات

وراشيل سقطتها لما عرفت ان اختها عايشة فى فيدرال

بلاش تجيب سيرتها نهائي

وزى ما قالت توتا اول ما يوصلك الفايل نمبر تستعد للمذاكرة وما تشوشرش على دماغك بقصة النقاط

الموضوع نصيب من عند ربنا واحنا لينا على التوبيك اكتر من 4 صفحات بمشاركات تفوق 26 مشاركة عن النقاط

بدون اى نتيجة

ركزو فى المذاكرة

ازيك ياأغابى عاملة اية

انشاء اللة تعدى فى الفيدرال ونباركلك

استفسار بس على موضوع

انا لية اخ فى الفيدرال وبعتلى فيزا واترفضت ومعلم على خانة انى اترفضت من قبل فى الأبلكيشن وبعت الفايل طبعا ياترى بقا لو أتسألت فى المقابلة مين الى بعتلك الفيزا اقول اية بقة ؟؟؟؟؟؟؟؟؟؟؟؟؟؟؟؟؟؟

وشكرااااااااااا

بس ده عادى جدا لو اتسالت قول انها كانت فيزا سياحة واترفضت وهما عارفين كويس ان معظم الفيز بتترفض بس متجيبش سيرة اخوك خالص

تم تعديل 30 نوفمبر 2010 بواسطة توتا عماد

[اغابي]

ازيك ياأغابى عاملة اية

انشاء اللة تعدى فى الفيدرال ونباركلك

استفسار بس على موضوع

انا لية اخ فى الفيدرال وبعتلى فيزا واترفضت ومعلم على خانة انى اترفضت من قبل فى الأبلكيشن وبعت الفايل طبعا ياترى بقا لو أتسألت فى المقابلة مين الى بعتلك الفيزا اقول اية بقة ؟؟؟؟؟؟؟؟؟؟؟؟؟؟؟؟؟؟

وشكرااااااااااا

شوف انت خلاص بعت الابليكيشن ولازم بقى حتسالك السؤال داه

وما ينفعش تكذب لا مفر وهما مش بيحبو الكذب

لكن انت ممكن ترد وتعمل فلم هندى

يعنى تصف مدى حبك العميق لكيبك وعلشان كدا قررت انك تروح كيبك مش فيدرال

وكمان تقول انك ممكن كنت تقدم فيدرال بس انت ما رضيتش

وحاول تغطى الموضوع بكلام تانى والاهم من كل داه اللغة طبعا

لازم تتمكن من اللغة علشان تديك نقاط اكتر تعوضك فى حالة انها نقصت منك نقاط التاقلم

عموما ما نسبقش الاحداث وهى تساهيل لسة انت فى انتظار الفايل نمبر

خلينا انشالله نشوف الميشن اللى جاى ايه وظروف الناس فيه

ونبقى نحاول نرجع لنقطة الفيزا وازاى انك متمسك بكيبك واللغة الفرنسية

اللى بتحبهم اكتر من فيدرال وبلاش سيرة اخوك عايش هناك او اختك

غريبة مع ان الكلام داه مش موجود فى فيدرال

:give_rose:

تم تعديل 30 نوفمبر 2010 بواسطة اغابي