المنتظريين مقابلات كيبيك 9-2010

[morino]

هل لو ارسلت الشهادة سوريا ممكن اعدي بدون انترفيو لو درجاتي مكملة

[Emy eldery]

bnd5:: bnd5:: bnd5:: bnd5:: bnd5:: bnd5:: bnd5::اخت جوزى نجحت يارجاله

[mikfaw]

هاي

عندي استفسار اتمني ان اهل الخبرة يدلوني

انا اثناء دراستي الجامعيه انقطعت سنتين

عن الدراسه في السنه القبل الاخيرة

انا بكالوريوس تجارة دفعة 2010

وانقطعت عن الدراسه سنة 2007 و سنة 2009

واثناء انقطاعي كنت بعمل لدي شركة

فهل ينفع ان اطلع شهادة خبرة بالسنتين دول ؟؟

وهل هيقبلوها ؟؟

مع العلم ان مكنش متأمن عليا في السنتين دول

[jonathan]

الف مبروك يا ايمي..تهيالى كدة مافيش حد تاني من العيلة في مصر..ربنا يوفقكم كلكم هناك و منتظريين التفاصيل

[محمد كيبيك]

الف مبروك لمارى على النجاح فى المقابلة ومتشكر ليكى يا اغابى على السؤال انا بالنسبة لى مفيش جديد وادينى منتظر ميعاد المقابلة ربنا يسهل وتبقى هنا فى مصر ويا ترى يا اغابى اخوكى جالو الفايل نمبر ولا لسة والف مبروك لمورينو على النجاح فى tcf ممكن تعرفينا الامتحان كان ازاى وجاوبتى ازاى واخد منك تدريب اد اية وباى طريقة

[HANYVERY]

الف مليون مبروك يا ايمى, عايزين التفاصيل ؟

[mikymano]

مبروك يا ايمى

تم تعديل 20 مارس 2011 بواسطة mikymano

[Emy eldery]

الف مبروك يا ايمي..تهيالى كدة مافيش حد تاني من العيلة في مصر..ربنا يوفقكم كلكم هناك و منتظريين التفاصيل

حلوه ياجوناثان يعنى لسه فيه ابن بنت عمى وجوز اخت خالتى وكده يعنى يلا ادينى بحاول اقنعم يامسهل :)

الله يبارك فيك ياباشا يلا عقبالك وعقبال كل المستنين المقابله ان شاء الله

التفاصيل جايه ان شاء الله بس للدقه مستنيه صاحبة الملف تيجى تحكيلكم بالتفصيل بس يعنى مبدئين هو سالها انتى جايه منين ودى مسافتها اد ايه وهاتعملى ايه فى كيبك وايه معادلتك وبتشتغلى ايه وسال جوزها عن شغله برضه

هو ماسالش ليه كيبك او اى حاجه من تفاصيل كيبك خالص وهو اهم حاجه عنده الورق يكون كويس واللغه كويسه ويحس بالمجهود اللى اتعمل

رببنا مع الجميع سلام

[amirmorkos]

مبروك يا إيمي,

مبروك يا مورينوا,

هللوا بالأخبار الحلوة هللوا.

تحياتي,

:hi:

أمير,,,

[بيبو كندا]

الف مبروك يا ايمى

الف مبروك لكل اللى نجحوا

[mikfaw]

الف مليون مبروووووك لكل الناجحين

عندي استفسارين الاول :

ياريت حد يدلني انا عاوز ادفع الشيك

ومش عارف ادفعه اذاي

سكوشيا وقف تعاملاته مع السفاره

ورحت ست بنك فرع الدقي قالولي

انهم معندهمش فكره عن الموضوع

الاستفسار التاني :

انا اثناء دراستي الجامعيه انقطعت سنتين

عن الدراسه في السنه القبل الاخيرة

انا بكالوريوس تجارة دفعة 2010

وانقطعت عن الدراسه سنة 2007 و سنة 2009

واثناء انقطاعي كنت بعمل لدي شركة

فهل ينفع ان اطلع شهادة خبرة بالسنتين دول ؟؟

وهل هيقبلوها ؟؟

مع العلم ان مكنش متأمن عليا في السنتين دول

اتمني ان اهل الخبرة يدلوني

[mr beko]

الف مليون مبروك لكل اللي نجحوا واحد واحد

مينا وجرجس وريان وقريب ايمي

عقبال باقي المشوار

مبروك

[mr beko]

هو كدة مافيش حد لسه فاضل في المشن دى

صح

يعني التركيز الفترة اللي جاية علي المشن اللي جاي كدة صح ولا انا ملخبط

[hani yacoub]

مساء الخير على الناس الحلوة هنا

اللى بيسال عن التوريد بتاع الشيك

انا ليا واحد قريبى عمل الشيك فى بنك بى ان بى باريبا فرع الغردقة

البنك دا ميزتة ان لية فرع فى موريال وعارفين النظام كويس

عاوزين اخبار جديدة ياجماعة عن الميشن الجديد

يلا عاوزين نرفع روحنا المعدنية قصدى المعنوية شوية

هانى

[ReYYaN]

المقابلة يوم الخميس 17/3/2011

القاهرة

الساعة 11 و30 دقيقة

مستشار الهجرة (سيمون فورست)

ليلة المقابلة كانت ليلة عصيبة جدا

معرفتش انام كويس

وصحيت بالظبط ستة وتلت الصبح ومعرفتش انام تانى

كنت عايز انزل بدرى عشان الحق اقابل الاستاذ (فريند)(معاده 8 ونص الصبح قبلى ) بعد ما يخرج عشان اعرف منه عمل ايه فى المقابلة ده بخلاف اى ملاحظات او تعليمات جديدة

وصلت السفارة الساعة تسعة ونص وقمت داخل على الامن وقلتلة عندى مقابلة وطبعا لما عرف انها 11 ونص استأذنى انى ارجع الساعة 11 و عرفت منه انى لسه (فريند) مخرجش

طبعا انا وقفت بعيد كده بعد السفارة عمال اراقب فى اللى خارج من السفارة لعله يكون منهم وتقريبا خمنت شاب خارج كده معاه ملف اوراق كبير فى ايده انه هو

طبعا عرفت منه انه لم يوفق ورغم كده كان هادىء وقانع وراضى بالنصيب

عرفت منه ايه اللى حصل معاه ونوع الاسئلة وسبب الرفض

عرفت منه ايضا ان فى مترجمة ودورها فعال جدا فى تسهيل المقابلة

عرفت ايضا منه طباع المستشار ونوعية اسئلته

المهم وقفت معاه شويه وبعدها دخلت السفارة على 10 ونص وكان ساعتها معاد مقابلة (راجل وزوجته)

جلست بره على الكراسى اراجع فى ورق التحضير بتاعى والساعة فى مواجهتى

الساعة 11 وربع خرج الراجل وزوجته بملامح سعيدة وابتسامة ملأت وجههم

الساعة 11 ونص تليفون لبتاع الامن يقوم يبصلى ويقولى اتفضل على غرفة 5

حانت لحظة المواجهة , المهم رسمت على وجهى ابتسامة خفيفة الغرض منها الايحاء بالهدوء والثقة بالنفس

فتحت الباب ودخلت

الغرفة مربعة عبارة عن جزئين بينهم فاصل زجاجى

الجانب بتاعى فيه كرسيين فقط

فى الجانب الاخر طبعا المستشار وجنبه المترجمة (اللى على طول بتضحك)

سؤال (فرنسى): مسيو................................؟

اجابة (فرنسى): نعم

سؤال (فرنسى): .................................................. .....................؟

كلام فرنساوى سريع وانا مفهمتش حرف

يا نهار مش فايت من اولها كده

بصتله بصة اللى بيستفسر

قالى سؤال معرفش هل هو اعاده الاولانى ولا سؤال جديد

سؤال(فرنسى):...................................... .............................؟

مفهمتش حاجه برده

خلاص

انا ضعت

سؤال(فرنسى)(المرة دى بلهجه بطيئة جدا):حضرتك فاهم انا بقول ايه؟

اجابة (فرنسى):قليلا

وارجو الملاحظة ان كل الاسئلة بالفرنسية تباعا بسرعة بطيئة وبكلام واضح

سؤال (فرنسى) انت جاى منين؟

ايه السؤال الغريب ده

اجابة(فرنسى): من البيت

سؤال (فرنسى):انت ساكن فين؟

اجابة(فرنسى): فى القاهرة فى ............

المستشار(فرنسى):احنا هنا النهارده عشان نعمل تقييم لملفك بخصوص طلب الهجرة والاطلاع على اوراقك

طبعا الكلمتين اللى فاتو فهمتهم بالشبه كده يعنى

المستشار(فرنسى): عملت دراستك الجامعية فين؟

الاجابة(فرنسى) :فى جامعة .............

المستشار(فرنسى): دراستك الجامعية كانت كام سنه؟

الاجابة(فرنسى):....................

المستشار (فرنسى): بسبورك؟

اتفضل

المستشار بيقلب فى البسبور وبيكرر الاسم وتاريخ الميلاد وشوية بيانات بصوت عالى شوية

المستشار (فرنسى): شهادتك الجامعية

اتفضل

بيقرى اسم البكالريوس بصوت عالى وبيبص فى الشهاده وترتسم على وشه علامات الرضا لما يلاقى فى اخر الشهادة العبارة التالية

(هذه البيانات موثقة على قاعدة بيانات جامعة (اسم الجامعة) تحت رقم (رقم ID بتاع الشهاده) ويمكن الرجوع اليها على الانترنت على العنوان التالى )

المستشار (فرنسى): بيان التقديرات والدرجات

اتفضل

المستشار لقى نفس العبارة السابقة موجوده اسفل الشهادتين

بص فيهم سريعا

وقام مرجعهم وهو بيشاولى بأيده بعلامة كده صح

بعدها فتح فايل كبير عنده وقعد يقلب فيه مكررا اسم شهادتى لحد لما لقاه وتقريبا قصاد الشهاده رقم معين قام قعد يكرر الرقم ده وهو بيدخله على الجهاز قدامه

المستشار (فرنسى) : انت بتشتغل فين؟

الاجابة (فرنسى): بشتغل فى شركة مقاولات؟

المستشار (فرنسى): بتشتغل ايه فى الشركة دى؟

الاجابة (فرنسى): بشتغل مهندس ميكانيكا

المستشار (فرنسى): معاك شهادة خبرة ؟

اتفضل

قعد يقرى فى شهاده الخبرة ومن الواضح انها لم تكن على المستوى من وجهة نظره

المستشار (فرنسى):الشركه بتاعتك دى بتشتغل فى ايه؟

الاجابة (فرنسى):.......................................... ....

المستشار(فرنسى): تقصد لأى نوع من المبانى والانشاءات؟

مفهمتش

المترجمة فهمتنى

الاجابة (فرنسى)(بالصدفة طلعت عارف الاجابة بالفرنسى): ......................

المستشار(فرنسى):ايه مهام وظيفتك ؟

الاجابة (فرنسى):.......................................... ..

لكن لسوء الحظ ورد لفظ (مناقصة) داخل احد المهام الوظيفية وهنا قاطعنى قبل ما الحق اكمل حتى نصهم وقالى كلمنى على المناقصات

طبعا سؤال زى ده مش محضره بالفرنسى

سألته بالانجليزية هل ممكن ارد على السؤال ده انجليزى

قالى اتفضل

والحمد لله اول لما ادانى فرصتى انجليزى حسيت زى ما اكون اتفتحت ومش عايز اسكت

المستشار (فرنسى) : كلمنى على اخر مشروع انت عملته؟

مفهمتش السؤال

المترجمة فهمتى

مكنتش محضر الاجابة دى

الاجابة (انجليزى):........................................ ........

المستشار(فرنسى): عندك شهاده تأمين؟

الاجابة (فرنسى): لا املك شهادة تأمين

المستشار (فرنسى): وما السبب؟

الاجابة (فرنسى):.......................................... ...........

علامات عدم الاقتناع على وجهه الا انه واصل

المستشار (فرنسى):كام عدد الذين يعملون فى شركتك؟

الاجابة (فرنسى):.......................................... ........................................

الا ان من ضمن الاجابة وردت عبارة العمالة اليومية

المستشار (فرنسى): ماذا تعنى بالعمالة اليومية؟

برده نفس السيناريو عدم تحضير الاجابة بالفرنسية = الاجابة بالانجليزية

المستشار (انجليزى): هل كل هذا العدد من الموظفين مش مؤمن عليهم مثلك؟

الاجابة (انجليزى):........................................ .....................................

المستشار انجليزى: ولماذا يوجد جزء مؤمن عليهم وجزء اخر غير؟

الاجابة(انجليزى):................................. ...............................

وهنا انا اتدخلت وقلتله ان اذا كنت حضرتك متشكك فى شهاده خبرتى انا ممكن اقنعك

قالى اتفضل

قلتله الغرفة اللى احنا قاعدين فيها شاملة الاضاءة و التكييف والتهوية اتعملت ازاى وقلتله ايه اللى موجود فوق السقف المستعار للغرفة مع ذكر كلمات والفاظ فنية جدا وهو سابنى ارغى براحتى واستمع للنهاية

معرفش بقى هل اقتنع او مقتنعش

بس هو قعد يلعب على الكمبيوتر قدامه

المستشار (فرنسى ) اتعلمت الفرنساوى فين؟

الاجابة (فرنسى) : اخذت الابتدائية بالفرنسية فى الجزائر ثم توقفت لكن حديثا بدأت مرة اخرى مع مدرس يحضر لمنزلى

المستشار(فرنسى): منذ متى يحضر عندك.؟

الاجابة: حوالى ثلاث شهور

السؤال (فرنسى):تعرف ايه عن متطلبات عمل المعادلة فى كيبك؟

مفهمتش؟؟

بص للمترجمة وفهمتنى

الاجابة (فرنسى)عشان محضرها:........................................... .......

المستشار (فرنسى):معاك ورق بالكلام ده

اتفضل

وقلتله كلمتين بالفرنساوى انى دورت فى النت على عقود عمل لوظيفتى ولقيت كتير

قالى ورينى

المستشار(انجليزى):انت فاهم بالظبط ايه المطلوب منك فى الورق ده ؟

طبعا انا مش فاهم حاجه بس قلتله مكتوب عند سيادتك كل الخطوات بالترتيب

المستشار(انجليزى):واخد بالك فى عروض العمل مطلوب ايه؟

قلتله مطلوب ايه حضرتك

قالى مطلوب بخلاف الترخيص اجادة الفرنسية و الانجليزية وانت مستواك جيد فى الانجليزى لكن اقل من المتوسط فى الفرنسية

الاجابة (فرنسى ): طبعا لسه قدامة فترة على ما اروح هناك اتعلم وانا عازم على المواصلة والوصول الى مستوى جيد

المستشار يسكت طويلا ويكتب على جهازة

وانا فى عقلى بقول ياشماتة ابلة ظاظا فيا

المستشار (فرنسى): عندك حد فى كيبك ممكن يساعدك اول ما توصل؟

الاجابة (فرنسى): حاليا معنديش بس اختى وزوجها بالفعل حصلو على سى اس كيو وعملو خلاص الكشف الطبى ومتوقعين يسافرو فى خلال خمس شهور من دلوقتى وانا بالتأكيد هعتمد عليهم فى بداية وصولى لكيبك

المستشار(انجليزى): اختك وزوجها بيشتغلو ايه؟

الاجابة (انجليزى):........................................ ...........

ودخلنا فى فترة صمت يتخللها شوية كلام منه لنفسه وهو بيكتب على الكمبيوتر وانت مش عارف تحدد الملامح اللى على وشه دى علامات رضا ولا رفض

بصيت للمترجمة اللى ما بطلتش ضحك ولا بص فى الزجاج اللى قدامها ولعب فى شعرها وقلتلها (هو ما فيش امل خلاص ) طبعا بالعربى على سبيل الدعابة

وطبعا انا مش واخد بالى ان وظيفتها انها تترجم كل اللى بقوله حتى لو خارج سياق الاسئلة بتاعة المستشار يعنى انا لو عطست تقوله ده عطس

المهم قامت بنت الايه قايلالو ده بيقول هو مفيش امل خلاص

المستشار قام بصصلى وقرب من الفاصل بينا وقالى (دائما يوجد امل)

وسكت شوية وقالها قوليله ان انا عندى ليه اخبار سارة

طبعا انا فهمت وقعدت ساكت

ثم بدأ بالطباعة

وقالى انت اتقبلت

عايز تقول حاجه

قلتله ميــــــــــــــــــــــــــرســــــــــــــــــــ ـــــى بكــــــــــــــــــــــوووووووووو

وبعدها قد يطبع ورق كتير

الكلام الجاى كله قالة بالفرنسية بسرعة والمترجمة فهمتنى بالعربى

الورقة دى اللى هتتقدم للسفارة فى مصر حيث انك علاقتك بسوريا انتهت خلاص

الورقة دى اللى هتاخدها معاك هناك فى كيبك

الوقة دى اللى هتسجل بيها فى بنك الوظايف فى كيبك قبل ما تروح بشهر

المواقع دى تدخل تسجل عليها عشان تتعلم فرنساوى واى فلوس هتدفعها فى تعلم الفرنسية تاخد بيها رسيت وهندفعهولك فى كيبك

لو الموقع ده ما قبلكش عشان مستواك وحش ادخل على المواقع دى(ادانى ورقة تانية)

شكرا مع السلامة

اسف جدا جدا على التاخير فى كتابة

التفاصيل

[medoo]

مليار مبروك يا باشا الحق قدم فيدرالي بقه المشوار لسه

طويل

[medoo]

يا جماعة حد يطمنا علي الاخ فريند يا ريت اللي معاه تليفونه يكلمه عشان يخفف عنه

ولو يقدر يدخل يحكي اللي حصل يمكن نقدر نساعده انه يقدم تاني

لازم كلنا نقف جنب بعض في اوقات الشدة كمان مش بس في اوقات التهليل و التهيص

[AggoW]

الف مبروك يا ReYYaN

مقابلتك كانت لطيفة

ربنا يوفقك فى الخطوات اللى جاية

مع أطيب أمنياتى للجميع

[AggoW]

يا اخواني يا اهلي يا اصحابي انا نجحت في ال tcf عقبال ala french and mohamad quebec النتيجة لسة ظاهرة دلوقت بس انا عايز اعرف هاخدكام ف الانترفيو انا جبت a2 في الcomperhension orale وb1 في orale

الف ميروك يا Morino

ممكن اعرف شوية تفاصيل مثل:

* المستوى اللى وصلتله قبل الامتحان ومكان الدراسة

* مواعيد الامتحان

* كيفية الحجز ومكان الامتحان

* طريقة الامتحان (هل هو أون لاين؟)

* ماهى طبيعة الاسئلة ومستواها

* وما هى النسبة او الدرجات المطلوبة للنجاح

أتمنى لك التوفيق وفى انتظار ردك المفيد ... وشكرا

[AggoW]

الف مبروك لكل الناجحين

وعقبال كل المنتظرين