المنتظريين مقابلات كيبيك 9-2010

[Mina Adly]

الف مليون مبروك لكل اللى نجحوة مينا وجرجس وريان وقريب ايمي وعقبال الميديكال و الفيزا يارب................. ياريت لو حد عندة اى اخبار عن مواعيد الميشين اللى جاى يبلغنا علشان احنا كدة مستنين ومفيش اى حاجة واضحة والوضع فى سوريا دلوقتى مش مطمئن

[sherbo]

الف مبرووووووووووووووك ل ريان بس يا جماعة انا ليا سؤال انا سمعت من واحد النهاردة هو مقدم تقريبا شهر فبراير 2010 هما بعتلوه اميل و طلبوا منه انه يعمل امتحان dalf هو ممكن يكونوا بيستغنوا عن المقابلات بموضوع الامتحان و لا ايه فى الحالة ديه هتكون مصيبة كبيرة و لا ايه ؟ لو حد سامع حاجة يا ريت يقول

[اغابي]

ايه يا جماعة - جرا ايه بس - اتحسدتم ولا ايه

التوبيك داه كان شغال اسرع من كدا فى الاول - جرا ايه

cr((: cr((: cr((: cr((:

فين الناس اللى نجحو - عاوزين التفاصيل المملة فى المقابلة لو سمحتم ما تبخلوش علينا بخمس دقايق من وقتكم بليزز

ضرورى الناس اللى نجحو يدخلوا يشاركونا معاهم فى تفاصيل المقابل

- لان اى كلمة هتحكوهالنا اكيد هتفيد الناس اللى منتظرة ميعاد المقابلة وممكن تخفف من حدة التوتر والقلق اللى كلنا عايشين فيه

وبنشكركم جزيلا مقدما

بس مرة تانية رجاءا تحكولنا كل التفاصيل

من طق طق لسلاموا عليكم

والف مبروك ليكم كلكم

:clappingrose:

[nadvett]

مساء الخير على الناس الحلوة هنا

اللى بيسال عن التوريد بتاع الشيك

انا ليا واحد قريبى عمل الشيك فى بنك بى ان بى باريبا فرع الغردقة

البنك دا ميزتة ان لية فرع فى موريال وعارفين النظام كويس

عاوزين اخبار جديدة ياجماعة عن الميشن الجديد

يلا عاوزين نرفع روحنا المعدنية قصدى المعنوية شوية

هانى

طيب اشمعني فرع الغردقة بس ؟هي فروع القاهرة مش شغالة في الموضوع دا؟؟

[ReYYaN]

amirmorkos , اغابي , mr beko , medoo , AggoW, Mina Adly , sherbo

الله يبارك فيكم جميعا

وعقبالكم كلكم يارب

اعتذر عن التاخير

وتحت امر اى حد فى اى استفسار

[morino]

اناكنت بشتغل لوحدى لانة مكنش عندي الفرصة في الالتحاق بالسنترووصلت لحدالمستوي ال7 في ال conexion

[morino]

وبعدين اشتغلت شوية دروس علشان الorale الامتحان مرة كل شهر يتم التقديم في السنتر والامتحان ايضاوهو عبارة عن 30 جملة comperhension orale و6 اسئلة orale في حوالى 45 دقيقة

[محمد كيبيك]

الف مبروك يا morino على النجاح بس ممكن اعرف اخد وقت للتدريب اد اية وبعدين 30 جملة comperhension orale كانوا عبارة عن اية و6 اسئلة orale كانوا عبارة عن اية

[sokra]

المقابلة يوم الخميس 17/3/2011

القاهرة

الساعة 11 و30 دقيقة

مستشار الهجرة (سيمون فورست)

ليلة المقابلة كانت ليلة عصيبة جدا

معرفتش انام كويس

وصحيت بالظبط ستة وتلت الصبح ومعرفتش انام تانى

كنت عايز انزل بدرى عشان الحق اقابل الاستاذ (فريند)(معاده 8 ونص الصبح قبلى ) بعد ما يخرج عشان اعرف منه عمل ايه فى المقابلة ده بخلاف اى ملاحظات او تعليمات جديدة

وصلت السفارة الساعة تسعة ونص وقمت داخل على الامن وقلتلة عندى مقابلة وطبعا لما عرف انها 11 ونص استأذنى انى ارجع الساعة 11 و عرفت منه انى لسه (فريند) مخرجش

طبعا انا وقفت بعيد كده بعد السفارة عمال اراقب فى اللى خارج من السفارة لعله يكون منهم وتقريبا خمنت شاب خارج كده معاه ملف اوراق كبير فى ايده انه هو

طبعا عرفت منه انه لم يوفق ورغم كده كان هادىء وقانع وراضى بالنصيب

عرفت منه ايه اللى حصل معاه ونوع الاسئلة وسبب الرفض

عرفت منه ايضا ان فى مترجمة ودورها فعال جدا فى تسهيل المقابلة

عرفت ايضا منه طباع المستشار ونوعية اسئلته

المهم وقفت معاه شويه وبعدها دخلت السفارة على 10 ونص وكان ساعتها معاد مقابلة (راجل وزوجته)

جلست بره على الكراسى اراجع فى ورق التحضير بتاعى والساعة فى مواجهتى

الساعة 11 وربع خرج الراجل وزوجته بملامح سعيدة وابتسامة ملأت وجههم

الساعة 11 ونص تليفون لبتاع الامن يقوم يبصلى ويقولى اتفضل على غرفة 5

حانت لحظة المواجهة , المهم رسمت على وجهى ابتسامة خفيفة الغرض منها الايحاء بالهدوء والثقة بالنفس

فتحت الباب ودخلت

الغرفة مربعة عبارة عن جزئين بينهم فاصل زجاجى

الجانب بتاعى فيه كرسيين فقط

فى الجانب الاخر طبعا المستشار وجنبه المترجمة (اللى على طول بتضحك)

سؤال (فرنسى): مسيو................................؟

اجابة (فرنسى): نعم

سؤال (فرنسى): .................................................. .....................؟

كلام فرنساوى سريع وانا مفهمتش حرف

يا نهار مش فايت من اولها كده

بصتله بصة اللى بيستفسر

قالى سؤال معرفش هل هو اعاده الاولانى ولا سؤال جديد

سؤال(فرنسى):...................................... .............................؟

مفهمتش حاجه برده

خلاص

انا ضعت

سؤال(فرنسى)(المرة دى بلهجه بطيئة جدا):حضرتك فاهم انا بقول ايه؟

اجابة (فرنسى):قليلا

وارجو الملاحظة ان كل الاسئلة بالفرنسية تباعا بسرعة بطيئة وبكلام واضح

سؤال (فرنسى) انت جاى منين؟

ايه السؤال الغريب ده

اجابة(فرنسى): من البيت

سؤال (فرنسى):انت ساكن فين؟

اجابة(فرنسى): فى القاهرة فى ............

المستشار(فرنسى):احنا هنا النهارده عشان نعمل تقييم لملفك بخصوص طلب الهجرة والاطلاع على اوراقك

طبعا الكلمتين اللى فاتو فهمتهم بالشبه كده يعنى

المستشار(فرنسى): عملت دراستك الجامعية فين؟

الاجابة(فرنسى) :فى جامعة .............

المستشار(فرنسى): دراستك الجامعية كانت كام سنه؟

الاجابة(فرنسى):....................

المستشار (فرنسى): بسبورك؟

اتفضل

المستشار بيقلب فى البسبور وبيكرر الاسم وتاريخ الميلاد وشوية بيانات بصوت عالى شوية

المستشار (فرنسى): شهادتك الجامعية

اتفضل

بيقرى اسم البكالريوس بصوت عالى وبيبص فى الشهاده وترتسم على وشه علامات الرضا لما يلاقى فى اخر الشهادة العبارة التالية

(هذه البيانات موثقة على قاعدة بيانات جامعة (اسم الجامعة) تحت رقم (رقم ID بتاع الشهاده) ويمكن الرجوع اليها على الانترنت على العنوان التالى )

المستشار (فرنسى): بيان التقديرات والدرجات

اتفضل

المستشار لقى نفس العبارة السابقة موجوده اسفل الشهادتين

بص فيهم سريعا

وقام مرجعهم وهو بيشاولى بأيده بعلامة كده صح

بعدها فتح فايل كبير عنده وقعد يقلب فيه مكررا اسم شهادتى لحد لما لقاه وتقريبا قصاد الشهاده رقم معين قام قعد يكرر الرقم ده وهو بيدخله على الجهاز قدامه

المستشار (فرنسى) : انت بتشتغل فين؟

الاجابة (فرنسى): بشتغل فى شركة مقاولات؟

المستشار (فرنسى): بتشتغل ايه فى الشركة دى؟

الاجابة (فرنسى): بشتغل مهندس ميكانيكا

المستشار (فرنسى): معاك شهادة خبرة ؟

اتفضل

قعد يقرى فى شهاده الخبرة ومن الواضح انها لم تكن على المستوى من وجهة نظره

المستشار (فرنسى):الشركه بتاعتك دى بتشتغل فى ايه؟

الاجابة (فرنسى):.......................................... ....

المستشار(فرنسى): تقصد لأى نوع من المبانى والانشاءات؟

مفهمتش

المترجمة فهمتنى

الاجابة (فرنسى)(بالصدفة طلعت عارف الاجابة بالفرنسى): ......................

المستشار(فرنسى):ايه مهام وظيفتك ؟

الاجابة (فرنسى):.......................................... ..

لكن لسوء الحظ ورد لفظ (مناقصة) داخل احد المهام الوظيفية وهنا قاطعنى قبل ما الحق اكمل حتى نصهم وقالى كلمنى على المناقصات

طبعا سؤال زى ده مش محضره بالفرنسى

سألته بالانجليزية هل ممكن ارد على السؤال ده انجليزى

قالى اتفضل

والحمد لله اول لما ادانى فرصتى انجليزى حسيت زى ما اكون اتفتحت ومش عايز اسكت

المستشار (فرنسى) : كلمنى على اخر مشروع انت عملته؟

مفهمتش السؤال

المترجمة فهمتى

مكنتش محضر الاجابة دى

الاجابة (انجليزى):........................................ ........

المستشار(فرنسى): عندك شهاده تأمين؟

الاجابة (فرنسى): لا املك شهادة تأمين

المستشار (فرنسى): وما السبب؟

الاجابة (فرنسى):.......................................... ...........

علامات عدم الاقتناع على وجهه الا انه واصل

المستشار (فرنسى):كام عدد الذين يعملون فى شركتك؟

الاجابة (فرنسى):.......................................... ........................................

الا ان من ضمن الاجابة وردت عبارة العمالة اليومية

المستشار (فرنسى): ماذا تعنى بالعمالة اليومية؟

برده نفس السيناريو عدم تحضير الاجابة بالفرنسية = الاجابة بالانجليزية

المستشار (انجليزى): هل كل هذا العدد من الموظفين مش مؤمن عليهم مثلك؟

الاجابة (انجليزى):........................................ .....................................

المستشار انجليزى: ولماذا يوجد جزء مؤمن عليهم وجزء اخر غير؟

الاجابة(انجليزى):................................. ...............................

وهنا انا اتدخلت وقلتله ان اذا كنت حضرتك متشكك فى شهاده خبرتى انا ممكن اقنعك

قالى اتفضل

قلتله الغرفة اللى احنا قاعدين فيها شاملة الاضاءة و التكييف والتهوية اتعملت ازاى وقلتله ايه اللى موجود فوق السقف المستعار للغرفة مع ذكر كلمات والفاظ فنية جدا وهو سابنى ارغى براحتى واستمع للنهاية

معرفش بقى هل اقتنع او مقتنعش

بس هو قعد يلعب على الكمبيوتر قدامه

المستشار (فرنسى ) اتعلمت الفرنساوى فين؟

الاجابة (فرنسى) : اخذت الابتدائية بالفرنسية فى الجزائر ثم توقفت لكن حديثا بدأت مرة اخرى مع مدرس يحضر لمنزلى

المستشار(فرنسى): منذ متى يحضر عندك.؟

الاجابة: حوالى ثلاث شهور

السؤال (فرنسى):تعرف ايه عن متطلبات عمل المعادلة فى كيبك؟

مفهمتش؟؟

بص للمترجمة وفهمتنى

الاجابة (فرنسى)عشان محضرها:........................................... .......

المستشار (فرنسى):معاك ورق بالكلام ده

اتفضل

وقلتله كلمتين بالفرنساوى انى دورت فى النت على عقود عمل لوظيفتى ولقيت كتير

قالى ورينى

المستشار(انجليزى):انت فاهم بالظبط ايه المطلوب منك فى الورق ده ؟

طبعا انا مش فاهم حاجه بس قلتله مكتوب عند سيادتك كل الخطوات بالترتيب

المستشار(انجليزى):واخد بالك فى عروض العمل مطلوب ايه؟

قلتله مطلوب ايه حضرتك

قالى مطلوب بخلاف الترخيص اجادة الفرنسية و الانجليزية وانت مستواك جيد فى الانجليزى لكن اقل من المتوسط فى الفرنسية

الاجابة (فرنسى ): طبعا لسه قدامة فترة على ما اروح هناك اتعلم وانا عازم على المواصلة والوصول الى مستوى جيد

المستشار يسكت طويلا ويكتب على جهازة

وانا فى عقلى بقول ياشماتة ابلة ظاظا فيا

المستشار (فرنسى): عندك حد فى كيبك ممكن يساعدك اول ما توصل؟

الاجابة (فرنسى): حاليا معنديش بس اختى وزوجها بالفعل حصلو على سى اس كيو وعملو خلاص الكشف الطبى ومتوقعين يسافرو فى خلال خمس شهور من دلوقتى وانا بالتأكيد هعتمد عليهم فى بداية وصولى لكيبك

المستشار(انجليزى): اختك وزوجها بيشتغلو ايه؟

الاجابة (انجليزى):........................................ ...........

ودخلنا فى فترة صمت يتخللها شوية كلام منه لنفسه وهو بيكتب على الكمبيوتر وانت مش عارف تحدد الملامح اللى على وشه دى علامات رضا ولا رفض

بصيت للمترجمة اللى ما بطلتش ضحك ولا بص فى الزجاج اللى قدامها ولعب فى شعرها وقلتلها (هو ما فيش امل خلاص ) طبعا بالعربى على سبيل الدعابة

وطبعا انا مش واخد بالى ان وظيفتها انها تترجم كل اللى بقوله حتى لو خارج سياق الاسئلة بتاعة المستشار يعنى انا لو عطست تقوله ده عطس

المهم قامت بنت الايه قايلالو ده بيقول هو مفيش امل خلاص

المستشار قام بصصلى وقرب من الفاصل بينا وقالى (دائما يوجد امل)

وسكت شوية وقالها قوليله ان انا عندى ليه اخبار سارة

طبعا انا فهمت وقعدت ساكت

ثم بدأ بالطباعة

وقالى انت اتقبلت

عايز تقول حاجه

قلتله ميــــــــــــــــــــــــــرســــــــــــــــــــ ـــــى بكــــــــــــــــــــــوووووووووو

وبعدها قد يطبع ورق كتير

الكلام الجاى كله قالة بالفرنسية بسرعة والمترجمة فهمتنى بالعربى

الورقة دى اللى هتتقدم للسفارة فى مصر حيث انك علاقتك بسوريا انتهت خلاص

الورقة دى اللى هتاخدها معاك هناك فى كيبك

الوقة دى اللى هتسجل بيها فى بنك الوظايف فى كيبك قبل ما تروح بشهر

المواقع دى تدخل تسجل عليها عشان تتعلم فرنساوى واى فلوس هتدفعها فى تعلم الفرنسية تاخد بيها رسيت وهندفعهولك فى كيبك

لو الموقع ده ما قبلكش عشان مستواك وحش ادخل على المواقع دى(ادانى ورقة تانية)

شكرا مع السلامة

اسف جدا جدا على التاخير فى كتابة

التفاصيل

ريان فعلا الف الف مبروك على السي اس كيو و عقبال باقي المشوار ..كنت عايزه اسألك على حاجه ..دلوقتي حضرتك معندكش تأمينات و مع ذلك نشكر ربنا اتقبلت ..هل ده معناه ان التامينات مش مهمه عندهم ولا ايه عشان النقطه دي مهمه اوي بالنسبة لي و اعتقد انها مهمه لناس كتير ..و واضح كده ان مشيئة ربنا هي اللي بتتدخل في الأول و الأخر ..حاجه كمان ممكن بس تستأذن من استاذ فريند و تقولنا سبب رفضه انا عارفه ان زمان حالته النفسيه مش ولا بد بس احنا محتاجين برده نطمن و نعرف ايه هي ممكن تكون اسباب الرفض عشان نتفاداها ..شكرا

[محمد كيبيك]

شكرا يا سكرة لسؤالك على فريند هو اترفض بسبب التامينات مع العلم هو عندة تامينات سنة ونص والمحير ان مطلوب سنة تامينات كحد ادنى وعلى الرغم من كدة اترفض على كل حال ربنا يوفقة المرة القادمة

[nadvett]

شكرا يا سكرة لسؤالك على فريند هو اترفض بسبب التامينات مع العلم هو عندة تامينات سنة ونص والمحير ان مطلوب سنة تامينات كحد ادنى وعلى الرغم من كدة اترفض على كل حال ربنا يوفقة المرة القادمة

ممكن يا استاذ محمد توضح شوية الزاي هو اترفض بسبب التامينات وهو عندة تامينات.الكلام كدا مش مظيوط شوية .اكيد فية حاجة توضح الكلام دا

[hani yacoub]

مساء الخير على الناس الحلوة هنا

اللى بيسال عن التوريد بتاع الشيك

انا ليا واحد قريبى عمل الشيك فى بنك بى ان بى باريبا فرع الغردقة

البنك دا ميزتة ان لية فرع فى موريال وعارفين النظام كويس

عاوزين اخبار جديدة ياجماعة عن الميشن الجديد

يلا عاوزين نرفع روحنا المعدنية قصدى المعنوية شوية

هانى

طيب اشمعني فرع الغردقة بس ؟هي فروع القاهرة مش شغالة في الموضوع دا؟؟

مساء الفل

انا قولت الغردقة لانة هو مقيم فيها انما ممكن يتعمل فى اى فرع لبنك بى ان بى باريبا

لان ليهم فرع فى موريال

ربنا يوفق الكل

هانى

[محمد كيبيك]

شكرا يا سكرة لسؤالك على فريند هو اترفض بسبب التامينات مع العلم هو عندة تامينات سنة ونص والمحير ان مطلوب سنة تامينات كحد ادنى وعلى الرغم من كدة اترفض على كل حال ربنا يوفقة المرة القادمة

ممكن يا استاذ محمد توضح شوية الزاي هو اترفض بسبب التامينات وهو عندة تامينات.الكلام كدا مش مظيوط شوية .اكيد فية حاجة توضح الكلام دا

اللى حصل ان المستشار طلب منة ان التامينات تكون مغطية مدة الخبرة كلها

[andrew]

انا عندي 25 سنه و خريج تجاره و انا عايش في مصر بس انا عندي الجنسيه الكنديه عشان انا اتولد هناك و رجعت و انا عندي اربع سنين مع اهلي عشان ظروف في العيله و كنت بفكر اسافر تورونتو شهر خمسه الي جاي عشان الشتاء يكون هدي شويه

فهل لو اخد معايه خمسه او ست الاف دولار معايه هيكفوني هناك ؟

و هل ليا اعانه بطاله لغايت ملائي شغل هناك ؟

و هل الشغل الكاجوال هيكفيني اني اسكن و اصرف علي نفسي ؟

و هل الكورسات القصيره دي غاليه يعني الفلوس الي هاخودها معايه دي حتكفيني اصرف عليها و علي نفسي لحد مشتغل ؟

معلش انا اسئلتي كتيره بس انا معيش غير الفلوس دي بس و خايف اني اخسرهم هناك و في نفس الوقت انا كنت شغال محاسب في فندق في شرم الشيخ و سبت الشغل بعد اللي حصل في مصر اليومين دول و بفكر جديآ اني اسافر و شكرآ جدآ

[kerob]

go to canada

go

Kerob

[hani yacoub]

انا عندي 25 سنه و خريج تجاره و انا عايش في مصر بس انا عندي الجنسيه الكنديه عشان انا اتولد هناك و رجعت و انا عندي اربع سنين مع اهلي عشان ظروف في العيله و كنت بفكر اسافر تورونتو شهر خمسه الي جاي عشان الشتاء يكون هدي شويه

فهل لو اخد معايه خمسه او ست الاف دولار معايه هيكفوني هناك ؟

و هل ليا اعانه بطاله لغايت ملائي شغل هناك ؟

و هل الشغل الكاجوال هيكفيني اني اسكن و اصرف علي نفسي ؟

و هل الكورسات القصيره دي غاليه يعني الفلوس الي هاخودها معايه دي حتكفيني اصرف عليها و علي نفسي لحد مشتغل ؟

معلش انا اسئلتي كتيره بس انا معيش غير الفلوس دي بس و خايف اني اخسرهم هناك و في نفس الوقت انا كنت شغال محاسب في فندق في شرم الشيخ و سبت الشغل بعد اللي حصل في مصر اليومين دول و بفكر جديآ اني اسافر و شكرآ جدآ

بص يا استاذ اندرو

المبلغ دا كويس لانك تبدا بية هناك حياتك

تانى حاجة انت حاصل علىالجنسية الكندية يعنى ليك بدل بطالة وحاجات تانى كتيرة هناك

تالت حاجة الشغل هناك كتير وكون ان معاك الجنسية الكندية دا هايوفر عليك كتير جدا

اما موضوع الكورسات دى فالدولة هناك بتديلة اعانة

يعنى بتديلك الكورس وبتدفعلك بدل تفرغ لية فى حدود 160 دولار فى الاسبوع لو فرد من غير عيلة

انا اخويا هناك بس متجوز وعايش فى موريال وبيقولى كدا

ربنا يوفقك وتروح وتعيش احلى عيشة

هانى

[ReYYaN]

المقابلة يوم الخميس 17/3/2011

القاهرة

الساعة 11 و30 دقيقة

مستشار الهجرة (سيمون فورست)

ليلة المقابلة كانت ليلة عصيبة جدا

معرفتش انام كويس

وصحيت بالظبط ستة وتلت الصبح ومعرفتش انام تانى

كنت عايز انزل بدرى عشان الحق اقابل الاستاذ (فريند)(معاده 8 ونص الصبح قبلى ) بعد ما يخرج عشان اعرف منه عمل ايه فى المقابلة ده بخلاف اى ملاحظات او تعليمات جديدة

وصلت السفارة الساعة تسعة ونص وقمت داخل على الامن وقلتلة عندى مقابلة وطبعا لما عرف انها 11 ونص استأذنى انى ارجع الساعة 11 و عرفت منه انى لسه (فريند) مخرجش

طبعا انا وقفت بعيد كده بعد السفارة عمال اراقب فى اللى خارج من السفارة لعله يكون منهم وتقريبا خمنت شاب خارج كده معاه ملف اوراق كبير فى ايده انه هو

طبعا عرفت منه انه لم يوفق ورغم كده كان هادىء وقانع وراضى بالنصيب

عرفت منه ايه اللى حصل معاه ونوع الاسئلة وسبب الرفض

عرفت منه ايضا ان فى مترجمة ودورها فعال جدا فى تسهيل المقابلة

عرفت ايضا منه طباع المستشار ونوعية اسئلته

المهم وقفت معاه شويه وبعدها دخلت السفارة على 10 ونص وكان ساعتها معاد مقابلة (راجل وزوجته)

جلست بره على الكراسى اراجع فى ورق التحضير بتاعى والساعة فى مواجهتى

الساعة 11 وربع خرج الراجل وزوجته بملامح سعيدة وابتسامة ملأت وجههم

الساعة 11 ونص تليفون لبتاع الامن يقوم يبصلى ويقولى اتفضل على غرفة 5

حانت لحظة المواجهة , المهم رسمت على وجهى ابتسامة خفيفة الغرض منها الايحاء بالهدوء والثقة بالنفس

فتحت الباب ودخلت

الغرفة مربعة عبارة عن جزئين بينهم فاصل زجاجى

الجانب بتاعى فيه كرسيين فقط

فى الجانب الاخر طبعا المستشار وجنبه المترجمة (اللى على طول بتضحك)

سؤال (فرنسى): مسيو................................؟

اجابة (فرنسى): نعم

سؤال (فرنسى): .................................................. .....................؟

كلام فرنساوى سريع وانا مفهمتش حرف

يا نهار مش فايت من اولها كده

بصتله بصة اللى بيستفسر

قالى سؤال معرفش هل هو اعاده الاولانى ولا سؤال جديد

سؤال(فرنسى):...................................... .............................؟

مفهمتش حاجه برده

خلاص

انا ضعت

سؤال(فرنسى)(المرة دى بلهجه بطيئة جدا):حضرتك فاهم انا بقول ايه؟

اجابة (فرنسى):قليلا

وارجو الملاحظة ان كل الاسئلة بالفرنسية تباعا بسرعة بطيئة وبكلام واضح

سؤال (فرنسى) انت جاى منين؟

ايه السؤال الغريب ده

اجابة(فرنسى): من البيت

سؤال (فرنسى):انت ساكن فين؟

اجابة(فرنسى): فى القاهرة فى ............

المستشار(فرنسى):احنا هنا النهارده عشان نعمل تقييم لملفك بخصوص طلب الهجرة والاطلاع على اوراقك

طبعا الكلمتين اللى فاتو فهمتهم بالشبه كده يعنى

المستشار(فرنسى): عملت دراستك الجامعية فين؟

الاجابة(فرنسى) :فى جامعة .............

المستشار(فرنسى): دراستك الجامعية كانت كام سنه؟

الاجابة(فرنسى):....................

المستشار (فرنسى): بسبورك؟

اتفضل

المستشار بيقلب فى البسبور وبيكرر الاسم وتاريخ الميلاد وشوية بيانات بصوت عالى شوية

المستشار (فرنسى): شهادتك الجامعية

اتفضل

بيقرى اسم البكالريوس بصوت عالى وبيبص فى الشهاده وترتسم على وشه علامات الرضا لما يلاقى فى اخر الشهادة العبارة التالية

(هذه البيانات موثقة على قاعدة بيانات جامعة (اسم الجامعة) تحت رقم (رقم ID بتاع الشهاده) ويمكن الرجوع اليها على الانترنت على العنوان التالى )

المستشار (فرنسى): بيان التقديرات والدرجات

اتفضل

المستشار لقى نفس العبارة السابقة موجوده اسفل الشهادتين

بص فيهم سريعا

وقام مرجعهم وهو بيشاولى بأيده بعلامة كده صح

بعدها فتح فايل كبير عنده وقعد يقلب فيه مكررا اسم شهادتى لحد لما لقاه وتقريبا قصاد الشهاده رقم معين قام قعد يكرر الرقم ده وهو بيدخله على الجهاز قدامه

المستشار (فرنسى) : انت بتشتغل فين؟

الاجابة (فرنسى): بشتغل فى شركة مقاولات؟

المستشار (فرنسى): بتشتغل ايه فى الشركة دى؟

الاجابة (فرنسى): بشتغل مهندس ميكانيكا

المستشار (فرنسى): معاك شهادة خبرة ؟

اتفضل

قعد يقرى فى شهاده الخبرة ومن الواضح انها لم تكن على المستوى من وجهة نظره

المستشار (فرنسى):الشركه بتاعتك دى بتشتغل فى ايه؟

الاجابة (فرنسى):.......................................... ....

المستشار(فرنسى): تقصد لأى نوع من المبانى والانشاءات؟

مفهمتش

المترجمة فهمتنى

الاجابة (فرنسى)(بالصدفة طلعت عارف الاجابة بالفرنسى): ......................

المستشار(فرنسى):ايه مهام وظيفتك ؟

الاجابة (فرنسى):.......................................... ..

لكن لسوء الحظ ورد لفظ (مناقصة) داخل احد المهام الوظيفية وهنا قاطعنى قبل ما الحق اكمل حتى نصهم وقالى كلمنى على المناقصات

طبعا سؤال زى ده مش محضره بالفرنسى

سألته بالانجليزية هل ممكن ارد على السؤال ده انجليزى

قالى اتفضل

والحمد لله اول لما ادانى فرصتى انجليزى حسيت زى ما اكون اتفتحت ومش عايز اسكت

المستشار (فرنسى) : كلمنى على اخر مشروع انت عملته؟

مفهمتش السؤال

المترجمة فهمتى

مكنتش محضر الاجابة دى

الاجابة (انجليزى):........................................ ........

المستشار(فرنسى): عندك شهاده تأمين؟

الاجابة (فرنسى): لا املك شهادة تأمين

المستشار (فرنسى): وما السبب؟

الاجابة (فرنسى):.......................................... ...........

علامات عدم الاقتناع على وجهه الا انه واصل

المستشار (فرنسى):كام عدد الذين يعملون فى شركتك؟

الاجابة (فرنسى):.......................................... ........................................

الا ان من ضمن الاجابة وردت عبارة العمالة اليومية

المستشار (فرنسى): ماذا تعنى بالعمالة اليومية؟

برده نفس السيناريو عدم تحضير الاجابة بالفرنسية = الاجابة بالانجليزية

المستشار (انجليزى): هل كل هذا العدد من الموظفين مش مؤمن عليهم مثلك؟

الاجابة (انجليزى):........................................ .....................................

المستشار انجليزى: ولماذا يوجد جزء مؤمن عليهم وجزء اخر غير؟

الاجابة(انجليزى):................................. ...............................

وهنا انا اتدخلت وقلتله ان اذا كنت حضرتك متشكك فى شهاده خبرتى انا ممكن اقنعك

قالى اتفضل

قلتله الغرفة اللى احنا قاعدين فيها شاملة الاضاءة و التكييف والتهوية اتعملت ازاى وقلتله ايه اللى موجود فوق السقف المستعار للغرفة مع ذكر كلمات والفاظ فنية جدا وهو سابنى ارغى براحتى واستمع للنهاية

معرفش بقى هل اقتنع او مقتنعش

بس هو قعد يلعب على الكمبيوتر قدامه

المستشار (فرنسى ) اتعلمت الفرنساوى فين؟

الاجابة (فرنسى) : اخذت الابتدائية بالفرنسية فى الجزائر ثم توقفت لكن حديثا بدأت مرة اخرى مع مدرس يحضر لمنزلى

المستشار(فرنسى): منذ متى يحضر عندك.؟

الاجابة: حوالى ثلاث شهور

السؤال (فرنسى):تعرف ايه عن متطلبات عمل المعادلة فى كيبك؟

مفهمتش؟؟

بص للمترجمة وفهمتنى

الاجابة (فرنسى)عشان محضرها:........................................... .......

المستشار (فرنسى):معاك ورق بالكلام ده

اتفضل

وقلتله كلمتين بالفرنساوى انى دورت فى النت على عقود عمل لوظيفتى ولقيت كتير

قالى ورينى

المستشار(انجليزى):انت فاهم بالظبط ايه المطلوب منك فى الورق ده ؟

طبعا انا مش فاهم حاجه بس قلتله مكتوب عند سيادتك كل الخطوات بالترتيب

المستشار(انجليزى):واخد بالك فى عروض العمل مطلوب ايه؟

قلتله مطلوب ايه حضرتك

قالى مطلوب بخلاف الترخيص اجادة الفرنسية و الانجليزية وانت مستواك جيد فى الانجليزى لكن اقل من المتوسط فى الفرنسية

الاجابة (فرنسى ): طبعا لسه قدامة فترة على ما اروح هناك اتعلم وانا عازم على المواصلة والوصول الى مستوى جيد

المستشار يسكت طويلا ويكتب على جهازة

وانا فى عقلى بقول ياشماتة ابلة ظاظا فيا

المستشار (فرنسى): عندك حد فى كيبك ممكن يساعدك اول ما توصل؟

الاجابة (فرنسى): حاليا معنديش بس اختى وزوجها بالفعل حصلو على سى اس كيو وعملو خلاص الكشف الطبى ومتوقعين يسافرو فى خلال خمس شهور من دلوقتى وانا بالتأكيد هعتمد عليهم فى بداية وصولى لكيبك

المستشار(انجليزى): اختك وزوجها بيشتغلو ايه؟

الاجابة (انجليزى):........................................ ...........

ودخلنا فى فترة صمت يتخللها شوية كلام منه لنفسه وهو بيكتب على الكمبيوتر وانت مش عارف تحدد الملامح اللى على وشه دى علامات رضا ولا رفض

بصيت للمترجمة اللى ما بطلتش ضحك ولا بص فى الزجاج اللى قدامها ولعب فى شعرها وقلتلها (هو ما فيش امل خلاص ) طبعا بالعربى على سبيل الدعابة

وطبعا انا مش واخد بالى ان وظيفتها انها تترجم كل اللى بقوله حتى لو خارج سياق الاسئلة بتاعة المستشار يعنى انا لو عطست تقوله ده عطس

المهم قامت بنت الايه قايلالو ده بيقول هو مفيش امل خلاص

المستشار قام بصصلى وقرب من الفاصل بينا وقالى (دائما يوجد امل)

وسكت شوية وقالها قوليله ان انا عندى ليه اخبار سارة

طبعا انا فهمت وقعدت ساكت

ثم بدأ بالطباعة

وقالى انت اتقبلت

عايز تقول حاجه

قلتله ميــــــــــــــــــــــــــرســــــــــــــــــــ ـــــى بكــــــــــــــــــــــوووووووووو

وبعدها قد يطبع ورق كتير

الكلام الجاى كله قالة بالفرنسية بسرعة والمترجمة فهمتنى بالعربى

الورقة دى اللى هتتقدم للسفارة فى مصر حيث انك علاقتك بسوريا انتهت خلاص

الورقة دى اللى هتاخدها معاك هناك فى كيبك

الوقة دى اللى هتسجل بيها فى بنك الوظايف فى كيبك قبل ما تروح بشهر

المواقع دى تدخل تسجل عليها عشان تتعلم فرنساوى واى فلوس هتدفعها فى تعلم الفرنسية تاخد بيها رسيت وهندفعهولك فى كيبك

لو الموقع ده ما قبلكش عشان مستواك وحش ادخل على المواقع دى(ادانى ورقة تانية)

شكرا مع السلامة

اسف جدا جدا على التاخير فى كتابة

التفاصيل

ريان فعلا الف الف مبروك على السي اس كيو و عقبال باقي المشوار ..كنت عايزه اسألك على حاجه ..دلوقتي حضرتك معندكش تأمينات و مع ذلك نشكر ربنا اتقبلت ..هل ده معناه ان التامينات مش مهمه عندهم ولا ايه عشان النقطه دي مهمه اوي بالنسبة لي و اعتقد انها مهمه لناس كتير ..و واضح كده ان مشيئة ربنا هي اللي بتتدخل في الأول و الأخر ..حاجه كمان ممكن بس تستأذن من استاذ فريند و تقولنا سبب رفضه انا عارفه ان زمان حالته النفسيه مش ولا بد بس احنا محتاجين برده نطمن و نعرف ايه هي ممكن تكون اسباب الرفض عشان نتفاداها ..شكرا

الله يبارك فيكى وعقبال الجميع يارب

بالنسبة لسبب قبول الاستشارى لشهادة الخبرة بتاعتى بدون تأمينات

طبعا اكيد بعد توفيق ربنا

انا اعتقد والله اعلم انه استشعر انى صادق فى كلامى وانى فعلا بشتغل فى الشركة اللى جايب منها شهادة الخبرة

بخلاف كده مقدرش افتى بالسبب

انا كنت داخل ومهيأ نفسى للرفض بسبب التأمينات خصوصا بعد ما (فريند) اترفض للسبب ذاته

لكن ارادة ربنا اللى نجحتنى وخلت المستشار يقتنع

ولازم كل الناس تتأكد ان التوفيق ليه عامل كبير قوى فى القبول او الرفض

ثانيا بالنسبة لسبب رفض (فريند

هو حسب ما فهمت كالتالى

اولا المستشار لم يأخذ بشهادات الخبرة اللى معاه عشان من اماكن مختلفه وبدون تأمينات ماعدا شهاده خبرة واحدة منهم بس جايب لها شهادة تأمينات بسنة واحده وده زود من شكوك الاستشارى تجاه باقى شهادات الخبرة

لانه لم يقتنع انه ممكن يـتأمن عليه سنه واحد بس من مجموع خمس سنين وبالتالى اتحرم من درجات الخبرة

ثانيا ورقه كان كتير قوى وده اتسبب انه يتسأل اسئله كتير مش محضرها

ثالثا عدم اقتناع المستشار بمهام وظيفته التى لا تطابق مهام نفس الوظيفة فى كيبك

تحت امرك فى اى استفسار

تم تعديل 22 مارس 2011 بواسطة ReYYaN

[medoo]

معلش يا رايان يا خويا بس سؤال واقف في زوري

هو الاخ فريند بيشتغل ايه ؟؟؟

والله الواحد بيدعيله ربنا يخفف عنه

بس الواحد قلقان وانت سيد العارفين بالقلق واللي بيعمله

تم تعديل 22 مارس 2011 بواسطة medoo

[ReYYaN]

والله هو تشكك فى الاول فى شهادة الخبرة

وقعد يقولى طب شركتك مجالها ايه؟ وعدد موظفيها كام؟ وهل كلهم مش متأمن عليهم؟

انا قمت قايله ده يخضع لمزاج صاحب الشركة ورؤيته

وقمت داخله فى شوية تفاصيل فنية جدا فى الشغل عشان يقتنع

هو اهتم وسمع كلامى للاخر

واكيد بس ارادة ربنا اللى خلته يصدقنى ويدينى درجات الخبرة

انا والله معنديش تفسير غير كده عشان مفتيش

والله اعلم

الصراحة والصدق اقصر طريق للنجاح

حاول تقوله ان موضوع التامين ده مش فى ايدك

فى مصر مفيش قيود على اصحاب العمل عشان يأمنو على موظفيهم

انا قلتله الكلام ده

جايز لما يلاقى كتير اجمعو على نفس السبب يبقى ده واقع

ومش مجرد حجه وهمية اخترعها واحد

وتاكد ان ربنا كبير

انا قبل كده عمرى ما كنت هصدق نجاح ملف زى بتاعى

بالتوفيق

[ReYYaN]

معلش يا رايان يا خويا بس سؤال واقف في زوري

هو الاخ فريند بيشتغل ايه ؟؟؟

والله الواحد بيدعيله ربنا يخفف عنه

بس الواحد قلقان وانت سيد العارفين بالقلق واللي بيعمله

والله يا جماعه انا مش عارف هل اللى بعمله ده صح ولا ايه

انا بكلم على لسان حال الراجل من غير ما يأذنلى

بس نيتى خير وربنا عالم

تقريبا الوظيفة اللى مقدم بيها وبيشتغلها

اخصائى اجتماعى