المنتظريين مقابلات كيبيك 9-2010

[harveyhanna]

المقابلة يوم الخميس 17/3/2011

القاهرة

الساعة 11 و30 دقيقة

مستشار الهجرة (سيمون فورست)

ليلة المقابلة كانت ليلة عصيبة جدا

معرفتش انام كويس

وصحيت بالظبط ستة وتلت الصبح ومعرفتش انام تانى

كنت عايز انزل بدرى عشان الحق اقابل الاستاذ (فريند)(معاده 8 ونص الصبح قبلى ) بعد ما يخرج عشان اعرف منه عمل ايه فى المقابلة ده بخلاف اى ملاحظات او تعليمات جديدة

وصلت السفارة الساعة تسعة ونص وقمت داخل على الامن وقلتلة عندى مقابلة وطبعا لما عرف انها 11 ونص استأذنى انى ارجع الساعة 11 و عرفت منه انى لسه (فريند) مخرجش

طبعا انا وقفت بعيد كده بعد السفارة عمال اراقب فى اللى خارج من السفارة لعله يكون منهم وتقريبا خمنت شاب خارج كده معاه ملف اوراق كبير فى ايده انه هو

طبعا عرفت منه انه لم يوفق ورغم كده كان هادىء وقانع وراضى بالنصيب

عرفت منه ايه اللى حصل معاه ونوع الاسئلة وسبب الرفض

عرفت منه ايضا ان فى مترجمة ودورها فعال جدا فى تسهيل المقابلة

عرفت ايضا منه طباع المستشار ونوعية اسئلته

المهم وقفت معاه شويه وبعدها دخلت السفارة على 10 ونص وكان ساعتها معاد مقابلة (راجل وزوجته)

جلست بره على الكراسى اراجع فى ورق التحضير بتاعى والساعة فى مواجهتى

الساعة 11 وربع خرج الراجل وزوجته بملامح سعيدة وابتسامة ملأت وجههم

الساعة 11 ونص تليفون لبتاع الامن يقوم يبصلى ويقولى اتفضل على غرفة 5

حانت لحظة المواجهة , المهم رسمت على وجهى ابتسامة خفيفة الغرض منها الايحاء بالهدوء والثقة بالنفس

فتحت الباب ودخلت

الغرفة مربعة عبارة عن جزئين بينهم فاصل زجاجى

الجانب بتاعى فيه كرسيين فقط

فى الجانب الاخر طبعا المستشار وجنبه المترجمة (اللى على طول بتضحك)

سؤال (فرنسى): مسيو................................؟

اجابة (فرنسى): نعم

سؤال (فرنسى): .................................................. .....................؟

كلام فرنساوى سريع وانا مفهمتش حرف

يا نهار مش فايت من اولها كده

بصتله بصة اللى بيستفسر

قالى سؤال معرفش هل هو اعاده الاولانى ولا سؤال جديد

سؤال(فرنسى):...................................... .............................؟

مفهمتش حاجه برده

خلاص

انا ضعت

سؤال(فرنسى)(المرة دى بلهجه بطيئة جدا):حضرتك فاهم انا بقول ايه؟

اجابة (فرنسى):قليلا

وارجو الملاحظة ان كل الاسئلة بالفرنسية تباعا بسرعة بطيئة وبكلام واضح

سؤال (فرنسى) انت جاى منين؟

ايه السؤال الغريب ده

اجابة(فرنسى): من البيت

سؤال (فرنسى):انت ساكن فين؟

اجابة(فرنسى): فى القاهرة فى ............

المستشار(فرنسى):احنا هنا النهارده عشان نعمل تقييم لملفك بخصوص طلب الهجرة والاطلاع على اوراقك

طبعا الكلمتين اللى فاتو فهمتهم بالشبه كده يعنى

المستشار(فرنسى): عملت دراستك الجامعية فين؟

الاجابة(فرنسى) :فى جامعة .............

المستشار(فرنسى): دراستك الجامعية كانت كام سنه؟

الاجابة(فرنسى):....................

المستشار (فرنسى): بسبورك؟

اتفضل

المستشار بيقلب فى البسبور وبيكرر الاسم وتاريخ الميلاد وشوية بيانات بصوت عالى شوية

المستشار (فرنسى): شهادتك الجامعية

اتفضل

بيقرى اسم البكالريوس بصوت عالى وبيبص فى الشهاده وترتسم على وشه علامات الرضا لما يلاقى فى اخر الشهادة العبارة التالية

(هذه البيانات موثقة على قاعدة بيانات جامعة (اسم الجامعة) تحت رقم (رقم ID بتاع الشهاده) ويمكن الرجوع اليها على الانترنت على العنوان التالى )

المستشار (فرنسى): بيان التقديرات والدرجات

اتفضل

المستشار لقى نفس العبارة السابقة موجوده اسفل الشهادتين

بص فيهم سريعا

وقام مرجعهم وهو بيشاولى بأيده بعلامة كده صح

بعدها فتح فايل كبير عنده وقعد يقلب فيه مكررا اسم شهادتى لحد لما لقاه وتقريبا قصاد الشهاده رقم معين قام قعد يكرر الرقم ده وهو بيدخله على الجهاز قدامه

المستشار (فرنسى) : انت بتشتغل فين؟

الاجابة (فرنسى): بشتغل فى شركة مقاولات؟

المستشار (فرنسى): بتشتغل ايه فى الشركة دى؟

الاجابة (فرنسى): بشتغل مهندس ميكانيكا

المستشار (فرنسى): معاك شهادة خبرة ؟

اتفضل

قعد يقرى فى شهاده الخبرة ومن الواضح انها لم تكن على المستوى من وجهة نظره

المستشار (فرنسى):الشركه بتاعتك دى بتشتغل فى ايه؟

الاجابة (فرنسى):.......................................... ....

المستشار(فرنسى): تقصد لأى نوع من المبانى والانشاءات؟

مفهمتش

المترجمة فهمتنى

الاجابة (فرنسى)(بالصدفة طلعت عارف الاجابة بالفرنسى): ......................

المستشار(فرنسى):ايه مهام وظيفتك ؟

الاجابة (فرنسى):.......................................... ..

لكن لسوء الحظ ورد لفظ (مناقصة) داخل احد المهام الوظيفية وهنا قاطعنى قبل ما الحق اكمل حتى نصهم وقالى كلمنى على المناقصات

طبعا سؤال زى ده مش محضره بالفرنسى

سألته بالانجليزية هل ممكن ارد على السؤال ده انجليزى

قالى اتفضل

والحمد لله اول لما ادانى فرصتى انجليزى حسيت زى ما اكون اتفتحت ومش عايز اسكت

المستشار (فرنسى) : كلمنى على اخر مشروع انت عملته؟

مفهمتش السؤال

المترجمة فهمتى

مكنتش محضر الاجابة دى

الاجابة (انجليزى):........................................ ........

المستشار(فرنسى): عندك شهاده تأمين؟

الاجابة (فرنسى): لا املك شهادة تأمين

المستشار (فرنسى): وما السبب؟

الاجابة (فرنسى):.......................................... ...........

علامات عدم الاقتناع على وجهه الا انه واصل

المستشار (فرنسى):كام عدد الذين يعملون فى شركتك؟

الاجابة (فرنسى):.......................................... ........................................

الا ان من ضمن الاجابة وردت عبارة العمالة اليومية

المستشار (فرنسى): ماذا تعنى بالعمالة اليومية؟

برده نفس السيناريو عدم تحضير الاجابة بالفرنسية = الاجابة بالانجليزية

المستشار (انجليزى): هل كل هذا العدد من الموظفين مش مؤمن عليهم مثلك؟

الاجابة (انجليزى):........................................ .....................................

المستشار انجليزى: ولماذا يوجد جزء مؤمن عليهم وجزء اخر غير؟

الاجابة(انجليزى):................................. ...............................

وهنا انا اتدخلت وقلتله ان اذا كنت حضرتك متشكك فى شهاده خبرتى انا ممكن اقنعك

قالى اتفضل

قلتله الغرفة اللى احنا قاعدين فيها شاملة الاضاءة و التكييف والتهوية اتعملت ازاى وقلتله ايه اللى موجود فوق السقف المستعار للغرفة مع ذكر كلمات والفاظ فنية جدا وهو سابنى ارغى براحتى واستمع للنهاية

معرفش بقى هل اقتنع او مقتنعش

بس هو قعد يلعب على الكمبيوتر قدامه

المستشار (فرنسى ) اتعلمت الفرنساوى فين؟

الاجابة (فرنسى) : اخذت الابتدائية بالفرنسية فى الجزائر ثم توقفت لكن حديثا بدأت مرة اخرى مع مدرس يحضر لمنزلى

المستشار(فرنسى): منذ متى يحضر عندك.؟

الاجابة: حوالى ثلاث شهور

السؤال (فرنسى):تعرف ايه عن متطلبات عمل المعادلة فى كيبك؟

مفهمتش؟؟

بص للمترجمة وفهمتنى

الاجابة (فرنسى)عشان محضرها:........................................... .......

المستشار (فرنسى):معاك ورق بالكلام ده

اتفضل

وقلتله كلمتين بالفرنساوى انى دورت فى النت على عقود عمل لوظيفتى ولقيت كتير

قالى ورينى

المستشار(انجليزى):انت فاهم بالظبط ايه المطلوب منك فى الورق ده ؟

طبعا انا مش فاهم حاجه بس قلتله مكتوب عند سيادتك كل الخطوات بالترتيب

المستشار(انجليزى):واخد بالك فى عروض العمل مطلوب ايه؟

قلتله مطلوب ايه حضرتك

قالى مطلوب بخلاف الترخيص اجادة الفرنسية و الانجليزية وانت مستواك جيد فى الانجليزى لكن اقل من المتوسط فى الفرنسية

الاجابة (فرنسى ): طبعا لسه قدامة فترة على ما اروح هناك اتعلم وانا عازم على المواصلة والوصول الى مستوى جيد

المستشار يسكت طويلا ويكتب على جهازة

وانا فى عقلى بقول ياشماتة ابلة ظاظا فيا

المستشار (فرنسى): عندك حد فى كيبك ممكن يساعدك اول ما توصل؟

الاجابة (فرنسى): حاليا معنديش بس اختى وزوجها بالفعل حصلو على سى اس كيو وعملو خلاص الكشف الطبى ومتوقعين يسافرو فى خلال خمس شهور من دلوقتى وانا بالتأكيد هعتمد عليهم فى بداية وصولى لكيبك

المستشار(انجليزى): اختك وزوجها بيشتغلو ايه؟

الاجابة (انجليزى):........................................ ...........

ودخلنا فى فترة صمت يتخللها شوية كلام منه لنفسه وهو بيكتب على الكمبيوتر وانت مش عارف تحدد الملامح اللى على وشه دى علامات رضا ولا رفض

بصيت للمترجمة اللى ما بطلتش ضحك ولا بص فى الزجاج اللى قدامها ولعب فى شعرها وقلتلها (هو ما فيش امل خلاص ) طبعا بالعربى على سبيل الدعابة

وطبعا انا مش واخد بالى ان وظيفتها انها تترجم كل اللى بقوله حتى لو خارج سياق الاسئلة بتاعة المستشار يعنى انا لو عطست تقوله ده عطس

المهم قامت بنت الايه قايلالو ده بيقول هو مفيش امل خلاص

المستشار قام بصصلى وقرب من الفاصل بينا وقالى (دائما يوجد امل)

وسكت شوية وقالها قوليله ان انا عندى ليه اخبار سارة

طبعا انا فهمت وقعدت ساكت

ثم بدأ بالطباعة

وقالى انت اتقبلت

عايز تقول حاجه

قلتله ميــــــــــــــــــــــــــرســــــــــــــــــــ ـــــى بكــــــــــــــــــــــوووووووووو

وبعدها قد يطبع ورق كتير

الكلام الجاى كله قالة بالفرنسية بسرعة والمترجمة فهمتنى بالعربى

الورقة دى اللى هتتقدم للسفارة فى مصر حيث انك علاقتك بسوريا انتهت خلاص

الورقة دى اللى هتاخدها معاك هناك فى كيبك

الوقة دى اللى هتسجل بيها فى بنك الوظايف فى كيبك قبل ما تروح بشهر

المواقع دى تدخل تسجل عليها عشان تتعلم فرنساوى واى فلوس هتدفعها فى تعلم الفرنسية تاخد بيها رسيت وهندفعهولك فى كيبك

لو الموقع ده ما قبلكش عشان مستواك وحش ادخل على المواقع دى(ادانى ورقة تانية)

شكرا مع السلامة

اسف جدا جدا على التاخير فى كتابة

التفاصيل

الف مبروك يا ريان شد حيلك وقدم فيدرال بسرعة

:clappingrose:

تم تعديل 22 مارس 2011 بواسطة harveyhanna

[Saint Laurent]

ReYYan..

Congratulationssss..(sorry for being late!)

Best of luck with the federal process :)

And thank you.

As for Friend..I hope he really overcome this & give it another try.

[kerob]

ريان يا حبيبى

أسف على تأخيرى فى مباركتك

لكن ربنا يعلم أد إيه أنا صليتلك علشان ربنا ينجحك انا كنت ناقص أقيدلك شمعه فى الكنيسه خصوصآ بعد ما قولتلنا إن مالكش تأمين و ما بتعرفش تكون جمله بالفرنساوى

و الحاجه التانيه إنى أصريت أباركلك فى منتدى حوارات المصريين مش المطاريد لأنى بصراحه مش بحب المطاريد

ألف مليون مبروك يا حبيب قلبى و ربنا يعيننا كما أعانك

كيروب

[محمد كيبيك]

الف مبروك يا ريان معلهش هى متاخرة يا ترى اخت حضرتك هى وجوزها اية اخبارهم

[bassem tobia]

انا عندي 25 سنه و خريج تجاره و انا عايش في مصر بس انا عندي الجنسيه الكنديه عشان انا اتولد هناك و رجعت و انا عندي اربع سنين مع اهلي عشان ظروف في العيله و كنت بفكر اسافر تورونتو شهر خمسه الي جاي عشان الشتاء يكون هدي شويه

فهل لو اخد معايه خمسه او ست الاف دولار معايه هيكفوني هناك ؟

و هل ليا اعانه بطاله لغايت ملائي شغل هناك ؟

و هل الشغل الكاجوال هيكفيني اني اسكن و اصرف علي نفسي ؟

و هل الكورسات القصيره دي غاليه يعني الفلوس الي هاخودها معايه دي حتكفيني اصرف عليها و علي نفسي لحد مشتغل ؟

معلش انا اسئلتي كتيره بس انا معيش غير الفلوس دي بس و خايف اني اخسرهم هناك و في نفس الوقت انا كنت شغال محاسب في فندق في شرم الشيخ و سبت الشغل بعد اللي حصل في مصر اليومين دول و بفكر جديآ اني اسافر و شكرآ جدآ

بص يا استاذ اندرو

المبلغ دا كويس لانك تبدا بية هناك حياتك

تانى حاجة انت حاصل علىالجنسية الكندية يعنى ليك بدل بطالة وحاجات تانى كتيرة هناك

تالت حاجة الشغل هناك كتير وكون ان معاك الجنسية الكندية دا هايوفر عليك كتير جدا

اما موضوع الكورسات دى فالدولة هناك بتديلة اعانة

يعنى بتديلك الكورس وبتدفعلك بدل تفرغ لية فى حدود 160 دولار فى الاسبوع لو فرد من غير عيلة

انا اخويا هناك بس متجوز وعايش فى موريال وبيقولى كدا

ربنا يوفقك وتروح وتعيش احلى عيشة

هانى

يا أستاذ أندرو ألحق أول طيارة رايحة كندا بدون تفكيرأنا أعرف أصدقاء فى أوتاوا

و فى موريال و كلهم عايشين عيشة زى الفل عشان كده الواحد بيموت نفسه فى المذاكرة

عشان حكوا ليا عن الحياة أد أيه جميلة هناك

و متنساش أول ما توصل الأراضى الكندية المباركة تدعى لكل أخواتك المنتظرين الفرج

[mikfaw]

بخصوص موضوع الشيك

اللي فهمتوا مؤخرا ان ممكن تدفع الشيك في اي بنك

شرط ان يكون ليك حساب فيه

السؤال هنا

هو ينفع بدال مالواحد بفتح حساب في البنك

يبعت عن طريق حساب حد تاني قريبه

مع العلم ان سواء كدا او كدا مش بيتكتب اسم الراسل في الشيك المبعوت

سؤال كمان

هوه ايه اللي يثبتلهم ان انا اللي دفعت الشيك مش لاقيه او سارقوا مثلا

حتي لو الشيك دا من حسابي فعلا

[ReYYaN]

harveyhanna , Saint Laurent , kerob , محمد كيبيك

الله يبارك فيكم كلكم

والله لسانى يعجز عن وصف مدى امتنانى لشعوركم ده

استاذ كيروب ربنا يباركلك وعقبالك انشاء الله

محمد كيبك انا عارف انى قصرت معاك وانت كنت بتسأل عليا على طول اول ما اشتركت

[ReYYaN]

الف مبروك يا ريان معلهش هى متاخرة يا ترى اخت حضرتك هى وجوزها اية اخبارهم

الحمد لله دلوقتى فى انتظار المرحلة اللى بعد الكشف الطبى

وللعلم الكشف الطبى وصل بعد 11 شهر بالظبط من تاريخ التقديم فيدرال

عقبالك وعقبال الجميع يارب وانا تحت امر اى حد فى اى استفسار فى حدود معلوماتى

[hani yacoub]

بخصوص موضوع الشيك

اللي فهمتوا مؤخرا ان ممكن تدفع الشيك في اي بنك

شرط ان يكون ليك حساب فيه

السؤال هنا

هو ينفع بدال مالواحد بفتح حساب في البنك

يبعت عن طريق حساب حد تاني قريبه

مع العلم ان سواء كدا او كدا مش بيتكتب اسم الراسل في الشيك المبعوت

سؤال كمان

هوه ايه اللي يثبتلهم ان انا اللي دفعت الشيك مش لاقيه او سارقوا مثلا

حتي لو الشيك دا من حسابي فعلا

صباح الخير

انا ليا كام تعقيب على كلام حضرتك

اولا ماينفعش تبعت من اى بنك وخلاص

مش كل البنوك بتقوم بالعملية دى وفية بنوك ماتسمعش عنها اساسا

دا لازم يكون بنك اجنبى او بنك بيتعامل برة

والمؤكد حتى الان هو البى ان بى باريبا

وانا قولت قبل كدا ان واحد قريبى عملة فى الغردقة بس قالولة ممكن يتعمل فى اى فرع فى مصر

تانى حاجة ممكن لو واحد فاتح حساب فى البنك تعملة على حسابة

لانهم مش بيشترطو ان صاحب الشي يفتح حساب

المهم يكون فية حساب مفتوح علشان هناك يتاكدو من الشيك

وفعلا الاسم مش بيتكتب

اما موضوع ان الشيك باسمك ولا لا

هما مالهومش دخل بدا

المهم ليهم ان شيك يوصلهم وفية القيمة اللى بعدد افراد المف

انت بس خلص امورك احسن الدنيا مش مظبطة فى سوريا

ربنا يسترها ويكملها على خير

هانى

[hani yacoub]

صباح الخير على احلى ناس

كنت عاوز اسال يا جماعة

هو الميشن دا اخر يوم فية امتى؟

وامتى يبان ميعاد الميشن الجيد ؟

وهل ممكن نعرف فى الميشن الجديد بياخدو لغاية المقدمين فى شهر كام؟ ولا دى بتبقى على حسب مابيبعتو ايميلات للناس؟

ياريت لو حد يعرف يفيدنى ويفيد الناس اللى هنا

شكرا

هانى[/font]

[محمد كيبيك]

هو تاجيل المقابلة بيبقى لكام مرة ويا ترى الميعاد التانى للمقابلة بيبقى بعد الميعاد الاولانى باد اية

[ReYYaN]

هو تاجيل المقابلة بيبقى لكام مرة ويا ترى الميعاد التانى للمقابلة بيبقى بعد الميعاد الاولانى باد اية

بص يا محمد

اولا :انت ليك انك تطلب التأجيل مرة واحدة بس وغالبا هم مش بيعترضو على السبب بس خد بالك ان المقابلة الثانية هيبعتلولك (زى ما عملو معايا) انها المقابلة الاخيرة ولازم تحضرها او هيتم اغلاق ملفك

ثانيا:مفيش قاعدة تحكم بالظبط مده التأجيل بس غاليا وده حصل معايا ومع واحد كمان انهم بيأجلوك للميشن اللى بعده على طول

مثال مقابلتى الاولى كانت 28/11/2010 وطلبت التاجييل

المقابلة الثانية 17/3/2011

يعنى تقريبا المقابلة اتأجلت حوالى ثلاث شهور للميشن اللى بعده على طول

والله اعلم

[محمد كيبيك]

متشكر ليك يا ريان على الرد على كل حال كنت عايز اعرف هو انهى امتحان فى كتابة delf او tcf

[HANYVERY]

بخصوص موضوع الشيك

اللي فهمتوا مؤخرا ان ممكن تدفع الشيك في اي بنك

شرط ان يكون ليك حساب فيه

السؤال هنا

هو ينفع بدال مالواحد بفتح حساب في البنك

يبعت عن طريق حساب حد تاني قريبه

مع العلم ان سواء كدا او كدا مش بيتكتب اسم الراسل في الشيك المبعوت

سؤال كمان

هوه ايه اللي يثبتلهم ان انا اللي دفعت الشيك مش لاقيه او سارقوا مثلا

حتي لو الشيك دا من حسابي فعلا

صباح الخير

انا ليا كام تعقيب على كلام حضرتك

اولا ماينفعش تبعت من اى بنك وخلاص

مش كل البنوك بتقوم بالعملية دى وفية بنوك ماتسمعش عنها اساسا

دا لازم يكون بنك اجنبى او بنك بيتعامل برة

والمؤكد حتى الان هو البى ان بى باريبا

وانا قولت قبل كدا ان واحد قريبى عملة فى الغردقة بس قالولة ممكن يتعمل فى اى فرع فى مصر

تانى حاجة ممكن لو واحد فاتح حساب فى البنك تعملة على حسابة

لانهم مش بيشترطو ان صاحب الشي يفتح حساب

المهم يكون فية حساب مفتوح علشان هناك يتاكدو من الشيك

وفعلا الاسم مش بيتكتب

اما موضوع ان الشيك باسمك ولا لا

هما مالهومش دخل بدا

المهم ليهم ان شيك يوصلهم وفية القيمة اللى بعدد افراد المف

انت بس خلص امورك احسن الدنيا مش مظبطة فى سوريا

ربنا يسترها ويكملها على خير

هانى

مساء الخير

مع احترامى الشديد لكل الاراء الشيك ده يا جماعه اسمه شيك مصرفى مسحوب على حساب البنك نفسه ( يتعهد به البنك بالدفع مش صاحب الحساب ) وكمان بيكون شيك من شيكات البنك مش من دفتر شيكات العميل ولازم يكون موقع من توقيعين معتمدين لموظفى البنك ويكون رقم كل توقيع واضح على التوقيع , ممكن يطلع من اى بنك حتى لو مالوش فروع فى كندا لانه كده كده هيتحصل عن طريق المراسلين المهم يكون الاسم مكتوب صح و المبلغ مكتوب بدقةوكمان لازم يكون الشيك مشكر( يعنى القيمة متفقطة بطباعة بحروف كبيرة الحجم )

اى خدمة و اى سؤال انا تحت امركم

[morino]

tcf مافهوش كتابة انما سمع وشفوي 30 جملة سمع في مواضيع مختلفة اعلانات محداثات مواقف اما الشفوي متدرج اشياءخاصة مثل عاوز توضب شقتك ومامعكش فلوس ثم مواضيع مثل وسائل الاعلام وتاثيرهاام بالنسبة للديلف هناك قطع قراءة وكتابة

[محمد كيبيك]

متشكر ليك يا اخ morino على الرد بس ممكن اعرف اخد منك وقت تدريب اد اية والتدريب على الامتحان كان بيبقى ازاى واية المستوى اللى لما وصلت عندة قلت انا كدة اقدر ادخل الامتحان

[morino]

التدريباخدحوالي 6 شهور لاني كنت بذاكر لوحدي من كورس conexion وذاكرت لحد المستوي السابع اما حكاية المستوي دي المدرس اللي اخدت معاة الاورال قالي انت مستواك مقارب لشخص دخل الامتحان وجا سكور مقارب وعنها

[أدهم الشرقاوى]

أنا بذاكر المستوى التانى مع المركز الثقافى و عاوز أوصل للتاسع قبل الإنترفيو و عندى أمل إنى أدخل المقابلة معايا ديلف B1 عشان آخد درجات اللغة و أنا مرتاح!

هل أنا كدة متأخر ولا فى فرصة ولا مفيش؟ و أنهى أحسن الديلف ولا الـ TCF ؟

شكرا

[اغابي]

أنا بذاكر المستوى التانى مع المركز الثقافى و عاوز أوصل للتاسع قبل الإنترفيو و عندى أمل إنى أدخل المقابلة معايا ديلف B1 عشان آخد درجات اللغة و أنا مرتاح!

هل أنا كدة متأخر ولا فى فرصة ولا مفيش؟ و أنهى أحسن الديلف ولا الـ TCF ؟

شكرا

ليه ؟؟ هو لو وصلت يعنى للمستوى السابع ما ينفعش تاخد دلف

A2

ويبقى كويس جدا - انا مش عارفة ليه حاسة انك مش هتوصل للتاسع يا ادهم لان الوقت ضيق

- طب اذا افترضنا ان الاحداث اللى فى سوريا حاليا ممكن تاخرلنا ميعاد المقابلات شهرين او تلاتة

- وداه اكيد على فكرة لان اذا استمرت المظاهرات وقت طويل اكيد السفارة هتقفل هناك وتوقف

اعمالها وممكن داه يديك فرصة انك توصل للمستوى التاسع

داه رايي ومش عارفة

تم تعديل 27 مارس 2011 بواسطة اغابي

[أدهم الشرقاوى]

أنا بذاكر المستوى التانى مع المركز الثقافى و عاوز أوصل للتاسع قبل الإنترفيو و عندى أمل إنى أدخل المقابلة معايا ديلف B1 عشان آخد درجات اللغة و أنا مرتاح!

هل أنا كدة متأخر ولا فى فرصة ولا مفيش؟ و أنهى أحسن الديلف ولا الـ TCF ؟

شكرا

ليه ؟؟ هو لو وصلت يعنى للمستوى السابع ما ينفعش تاخد دلف

A2

ويبقى كويس جدا - انا مش عارفة ليه حاسة انك مش هتوصل للتاسع يا ادهم لان الوقت ضيق

- طب اذا افترضنا ان الاحداث اللى فى سوريا حاليا ممكن تاخرلنا ميعاد المقابلات شهرين او تلاتة

- وداه اكيد على فكرة لان اذا استمرت المظاهرات وقت طويل اكيد السفارة هتقفل هناك وتوقف

اعمالها وممكن داه يديك فرصة انك توصل للمستوى التاسع

داه رايي ومش عارفة

ميرسى على ردك السريع يا أغابى, أنا حاسس كدة بردو. أنا باخد الكورس فى شهر و الكورسات ورا بعض الحمد لله, أنا لسة باعت ورقى قريب و أنا فعلا مش عارف عقبال الإنترفيو هوصل للمستوى الكام!

أنا مزود درجاتى فى اللغة عشان أنا أعزب و ليس لدى أطفال دة غير إن وظيفتى مش بتاخد أى درجات.

الأمل إن السنتر يفضل يدى الكورسات ورا بعض كدة و ميتعطلش لأى سبب لأنة تقريبا كان قافل فى فترة الثورة و دى عطلتنى كتير, لو الدنيا مشيت كدة - إن شاء الله - هذاكر للديلف و هحاول أوصل لأعلى مستوى ممكن أوصلة قبل الإنترفيو و ربنا هو المعين.

الدنيا والع فى سوريا للأسف و ربنا يعين الناس هناك على الظلم لكن لو الدنيا فضلت كدة زى ما بتقولى, الإنترفيو ممكن يتأخر و دة ممكن يديلى فرصة أكير :) معلش بس هى كدة مصائب قوم عند قوم فوائد.

تحياتى