المنتظريين مقابلات كيبيك 9-2010

[malekmalooka]

ya gama3a law sama7tom el nas elly galha gawabat el interviews kano ma2dmeen emta, 3alashan ana m2dm fi 11 elifat w msh 3aref hagili el interview emta

هو الملف بتاع حضرتك اخدفايل نمبر بتاريخ ايه؟هو ده التاريخ اللي بيحددوا عليه واللي اعرفهم جالهم الفايل نمبر هم اللي اخدوا فايل نمبر في 9و10و11 بس لسه كل الجوابات موصلتش يعني يمكن ميعاد حضرتك يوصلك قريب

[joo]

دة فاكس سوريا963116131600

بس عاوز اسئل سؤال هو كل اللى جالهم مواعيد فى سوريا 0 يعنى ميشن 9 و 10 فى سوريا؟

[malekmalooka]

دة فاكس سوريا963116131600

بس عاوز اسئل سؤال هو كل اللى جالهم مواعيد فى سوريا 0 يعنى ميشن 9 و 10 فى سوريا؟

يا joo كل اللي جالهم المقابلات في مصر ماعدا romany beshay لانه في اللسته و raouf لانه مش في مصر

[malekmalooka]

[يا جمااااااااااااعه خبر جامد جدا انا لقيت السفاره دلوقتي باعتالي mail بميعاد المقابله تقريبا رجعوا يبعتوا ميل تاني كل واحد يالا يخش يبص على الةيل بتاعه و يطمنا

تم تعديل 19 يوليو 2010 بواسطة malekmalooka

[matyos]

وأخيرا وصل جواب الانتر فيو بالبريد انهارده

فتح الملف 11-10-2009

فايل نمبر 2-1 2010

المقابله 29-9 -2010

ويارب عقبال باقى الناس المستنيين معاد المقابله

[romany beshay]

الف الف مبروك لكل اللى جالهم ميعاد المقابلة مالك ملوكة وصموئيل وماتيوس وعقبال ما تتم المقابلة على خير وناخد كلنا الcsq يارب

على فكرة انا شايف انى انا لوحدى كده فى سوريا ومفيش اى واحد ونس معايا هناك ,على العموم ربنا يكرمنا ويفرحنا كلنا

على فكرة يا اغابى

ابعتى الفاكس على الساعة 10-12 الصبح بيكونوا موجودين ولو لقيتى الفاكس مشغول حولى مرة تانيةوهو ده الرقم اللى بعته جو مضبوط

لو حبيتى تتصلى اعرفى رقم الفيل كويس لان كل التعامل عن طريقه فقط

[romany beshay]

يا جماعة لو سمحتوا لو اى حد عنده ورق تحضير يقدر يبعتهولى على الايميل او حد عنده موقع معين فيه معلومات عن كيبيك او اى حاجة مفيدة فى موضوع المقابلة علشان انا فى العد التنازلى

[dr gege]

1- مالك ملوكة 9-2009 المقابله 23/9/2010

2- روك 9-2009 ميعاد المقابلة 12سبتمبر2010

3- توتا عماد 9-2009 0المقابلة 3/10/2010

4- صموئيل 9-2009 المقابله 27/09/2010

5-هاني سمير 9-2009

6- هارفي حنا 11-2009

7- فرند 11-2009

8- كريم عبدو 12-2009

9- تهاني عماد 12-2009

10-جوو 12-2009

11- الفرنش ام 1-2010

12- ماتيوس 1-2010 معاد المقابلة 26-9-2010

13- دون كاملو 1-2010

14- محمد كيبك 2-2010

15- صيدلي كندي 2-2010

16- كيبك كندا 2-2010

17- الامين الشنقيطي 3-2010

18- جيجي 3-2010

19- روماني بيشاي 5-2010ا لمقابلة 25-8-2010

20-رؤوف المقابله 26-9-2010

الف مبروك ليكو كلكو وربنا معاكو

[dr gege]

يعني بالترتيب كدة

1-روماني بيشوي 25-8-2010

2-لروك 12-9-2010

3-مالوكة 23-9-2010

4-رؤوف 26-9-2010

5-صموئيل 27-9-2010

6-توتا 3-10-2010

ان شاء اللة ترجعو سالمين غانمين كلكو

[hborsa]

الاعضاء المحترمين

انا ا سمي هاني ملاك

عملت مقابلة السنة اللي فاتت ونجحت ووكمان حصلت علي الفيزا ومسافر 24 اغسطس

اللي عايز اي استفسار

انا في الخدمة

هاني ملاك

ودا كمان ايميلي

hany_malak2001@yahoo.com

ودا تليفوني

0106242865

ونصيحة مني ليكم التركيز فقط علي الغغة الفرنسية وعدم الحفظ

---------------------------------

خليني احكي ظروف مقابلتي علشان الكل يستفاد في توبك تاني

هاني ملاك

تم تعديل 20 يوليو 2010 بواسطة hborsa

[hborsa]

طبعا ذي ما وعدت اني احكي ظروف المقبلة بتاعتي من الاول علشان لو في نقط غايبة عنكم تقدر تسدو الثغرة دي بسرعه

اسمي : هاني ملاك

مهندس

30 سنه

متزوج

وعندي بنت

انا اتحددت المقبلة يوم 11 مايو 2009

وطبعا دي كانت متاجلة من شهر 12 2008

لأني كنت لسة مش جاهز في اللغة الفرنسية وطلبت التاجيل من المحامي اللي كنت معاه واللي بنصح الجميع البعد عن المحامين اللي بياخدو فلوس علي الفاضي

قدم بنفسك تنجح ...........

المهم خلينا نكمل موضوعنا

الحقيقة كنت في الفترة دي وصلت للمستوي السابع ومراتي للمستوي الثاني فقط لأني كانت بنتي صغيرة وماكنش ينفع تاخد اكتر من كدا وبصراحة اتبهدلنا في الموضوع

اتعب شوية تلاقي كتير وخصوصا اللغة

المهم اخدت شهادة من المكرز ب 7 مستويات ومراتي 2 مستوي فقط وهي خريجة كلية تربية فنية

خلصان فرنساوي في المركز الثقافي اللي هو طبعا لية الفضل علي اني انطق اللغة الفرنسية بعد ربنا

جهزنا ورقنا اللي هوة الاتي

1- شهادة التخرج بالدرجات اصلي

2- شهادة تخرج مؤقتة لي ولمراتي

3- شهادات الميلاد

4- شهدات الخبرة

5- جوزات السفر

6- شهادة التامينات ( وطبعا ارجع واقول دي مهمة الي حد كبير طبعا

7- شهادة الثانوية العامة

8 صور ل بنتي في الوقت بتاع المقبلة أني لما قدمت كانت بنتي صغيرة قوي

وصورة عائلية لينا احنا الثلاثة

المهم عايز اقول نقطة مهمة علشان يبقي ملفك قوي قدامهم وانت في المقابلة

1-

نظم ورقك كويس علشان تقدر تطلع بسهولة الورق المطلوب وماتخافش هما بياخدو وقت طويل في

قراءة الورق يعني دا بياخد من الورقت كتير

استصعب المقابلة ها تلاقيها سهلة وخاف منها ها تنجح ماتسيبش الموضوع بسهولة لأنه فعلا سهل

بص يا سيدي خليني اقولك النقط المهمة

اللي انا عملتها

حاول تجيب ايميل من اي جامعة هناك بخصوص معادلت او دراستك في مجالك

هات وظايف من مواقع بتقم وظيفتك في كيبيك

وعروض كتير

وفي مليون موقع بيقدم وظايف كيبكي ومونتريال

ماتقولهمش اني هانزل علي حد قولهم هجيب شقة من علي النت وهاحجهزها قبل ما امشي او هعاروح فندق وادور بعدها علي شقة علشان يعرفو انك بتعتمد علي نفسك

www.louer.com دا موقع للشقق

حاول بقدر الامكان تتكلم علي اد السوال فقط علشان ما توهش نفسك معاهم

حاول توزن الامور في اللغة فرنسي شوية انجليزي شوية او فرنسي فقط علطول اذا حسيت ان الانجليزي ؤايح منك

كانت مقابلتي الساعه 2ونص في القاهرة لانها لما اتاجلت جات في مصر من حظي الحلو

استقبلتنا السيدة الفلانية بدون ذكر اسماء

وخدتنا ل فوق المكتب عندها وهنا واحنا في الطريق للمكت بدات اتكلم معاها واجرب نفسي قبل الشكل الرسمي فلقتني مش خايف وبدات معاها فوق بعد ما طلبت تتعرف بينا بالفرنسي

طبعا هما مش بيحبو اللي داخل يحط الكلمتني ويطلع وفي ناس منهم بتحب كدا علشان يحاول يساعدك

المهم بدات تسالني عن دوافعي للهجرة وايه خلاني افكر في كيبيك او كندا بشكل عام ولية مش استراليا او امريكا او اي دولة اخري

سالتني عن لون شعر مراتي ولبسها

وسالت مراتي عن البدلة اللي كنت لابسها وشكلها ايه وكمان لونها

ورجعت علشان تسالني عن الخبرات بتاعتي وهل مجالي موجود في كيبيك ولا لأ وهنا كنت مجهز ورق من مواقع كنت مسجل فيها علشان اوريها اني مش ساكت واني بدور

وسالتني عن ممكن انزل فين في الانندنج قلتلها ممكن احجز فندق مناسب ورخيص شوية لحد ما الاقي شقة

يتخنقوا قوي بقي انك تقولهم هانزل علي كنيسة او هئية اسلامية هناك لي بقي ؟؟

علشان بيحبو تعتمد علي نفسك في كل شي

المهم قالتي هاتخد فلوس معاك كيبيك ؟

واد ايه ؟

كمان سالتني عن تدريب كنت خدتى فقي شركة بي ام دبليو وقالتي سوال غريب

مين اثر فيك اثناء التدريب .....ودا الغرض منه تشوفك حافظ ولا لأ ولني كنت فاهم وقتها علشان دلوقت ضايع في اللغة .... رديت عليها

سالتني عن بتحب ايه في مصر

قلتلها انا بحب مصر كا اماكن وشعب

قالتلي مال عايز تسيبها ليه

قلتلها الحكومة هنا مش بتهتم بالشعب وممكن نموت ولا حد يسال فينا

بندفع ضرايب مش بتاخد قدماها اي خدمات

خدمات صحية تعبانه

حكومة مهملة تجاى الشعب

وقلتلها بصراحة انا لو عندي مميزات كيبك في مصر ماكنتش فكرت لأني هاحتاج ايه اكتر من المميزات دي

بس بصراحة انا فضلت كيبيك علشان المميزات اللي فيها وخصوصا قلة عدد السكان

طبعا ملحوظزة مهمة جدا جدا

لو ليك قرايب في تورنتوا يعني الجزء الانجلوفون ماتقولش عنه اي شي الا اذا طلب منك واتسالت

لأنه ممكن يفنكر انك ها تروحلة وتسب كيبك اللي هاتمنحك التاشيرة ليها

سالتني كمان هل ها تفتقد اهلك اونت في كيبيك

فقلتها طبعا بس مع وجود وسائل اتصال مختلفة وكاميرات وانترنت الموضوع سهل

سالتني وقالت انت فين دلوقت ؟؟

قلتلها احنافي السفارة الكندية بجاردن سيتي بخصوص مقابلة تحديد مستقبلي القادم وهنا زهلتها الكلمة دي

وانهينا المقبلة

بس المشكلة بقي اني ماخدش السلكش بتاعي في نفس اليوم وقالتلي انت عندك بس نقطة ناقصة في اللغة الانجليزية وانا مش عايز اقولكم انا كنت نسيت اللغة دي

بس استلنها بعد 30 يوم بنعمة ربنا

خد وقتك

اسمع السوال كويس ومن حقك انها تعيد السوال قدامك

رتب ورقك حسب النوع

اعصابك هادية

اعرف انك داخل تاخدها مش اي شي تاني

حط قدامك ان كندا حتي لو اشتغلت شحات وعلي معونة الحكومة انت برضة بني ادم ( بس طبعا دا مش الصح انت ها تنجح هناك برضة

اي استفسار انا جاهز

هاني ملاك

0106242865

تم تعديل 20 يوليو 2010 بواسطة hborsa

[توتا عماد]

ا/ هانى شكرا جدا على سرد مقابلتك ، ياريت حضرتك تقول اسم اللى عمل معاك المقابلة علشان كده بنعرف اسمه وينعرف طريقة الاسئلة والمقابلة

[اغابي]

اخيييييييييييرا بعت الفاكس امبارح . .

اطلب منهم ما يبعتوش معاد المقابلة على البسطة لان مفيش حاجة بتوصل عن طريق البريد - وكتبتلهم رقم الفاكس شكرا لــ رومانى ومالك ملوكا وجوو وروك وصامويل وكل الناس اللى ساعدونى فى موضوع الفاكس داه

اللى حصل انا كنت بعت رسالة لجووو امبارح بساله ينفع ابعت الفاكس من عندى فى الكويت برغم ان اختى عايشة فى مصر - راح قالى مفيش مشكلة

رحت بسرعة بسرعة - بعت الجواب عن طريق الفاكس اللى عندى بالشغل حوالى الساعة 3 بتوقيت الكويت – والمهمة نجحت - برغم ان اختى منهارة وحالتها سيئة جدا ليها 11 يوم تجرب تبعته ومش بيروح وبيديها تقرير ان فيه مشكلة .

بس نشكر ربنا ان الموضوع مشي الحال

ميرسي يا جماعة كمان مرة

اغابي

خدو دى

[توتا عماد]

يعني بالترتيب كدة

1-روماني بيشوي 25-8-2010 سوريا

2-لروك 12-9-2010 القاهرة

3-مالوكة 23-9-2010 القاهرة

4-رؤوف 26-9-2010 سوريا

5-صموئيل 27-9-2010 القاهرة

6-ماتيوس 29-9-2010 القاهرة

7-توتا 3-10-2010 القاهرة 11:30am

ياريت كل واحد يكتب ميعاد المقابلة كمان

[توتا عماد]

ياريت يا جماعة نحكى المقابلات فى التوبيك بتاع ابو سمرة علشان يكون التوبيك متكامل وخاص بالمقابلات بس ، اما استفسارتنا والمتابعات تكون فى التوبيك ده

شكرا ليك مرة تانية يا م/ هانى

[malekmalooka]

[يا جمااااااااااااعه خبر جامد جدا انا لقيت السفاره دلوقتي باعتالي mail بميعاد المقابله تقريبا رجعوا يبعتوا ميل تاني كل واحد يالا يخش يبص على الةيل بتاعه و يطمنا

ايه يا جماعه هو محدش جاله معاد الانترفيو بالميل ولا ايه؟؟

[dr gege]

بعد ازنك يا استاز هاني

انا كنت عايزة مواقع لعروض العمل في كيبك بس ياريت لو في اكتر من موقع

وشكرا ليك جدا

[friend]

[يا جمااااااااااااعه خبر جامد جدا انا لقيت السفاره دلوقتي باعتالي mail بميعاد المقابله تقريبا رجعوا يبعتوا ميل تاني كل واحد يالا يخش يبص على الةيل بتاعه و يطمنا

ايه يا جماعه هو محدش جاله معاد الانترفيو بالميل ولا ايه؟؟

لسة واهو انا قاعد منتظر اهو ومش عارف اية الوضع

لان معنديش فاكس ومعتمد على الايميل او الجوابات

ربنا يكرم ويوفق الجميع يارب

[malekmalooka]

[يا جمااااااااااااعه خبر جامد جدا انا لقيت السفاره دلوقتي باعتالي mail بميعاد المقابله تقريبا رجعوا يبعتوا ميل تاني كل واحد يالا يخش يبص على الةيل بتاعه و يطمنا

ايه يا جماعه هو محدش جاله معاد الانترفيو بالميل ولا ايه؟؟

لسة واهو انا قاعد منتظر اهو ومش عارف اية الوضع

لان معنديش فاكس ومعتمد على الايميل او الجوابات

ربنا يكرم ويوفق الجميع يارب

ممكن طالما انت مش عندك فاكس تبعتلهم من اي مكتب فاكس تقولهم فيه يبعتولك الميعاد على الميل و اكيد طالما مشكله الميل عندهم اتحلت هيقدروا يبعتولك على الميل زي ما حصل معايا انا بعد ما بعتت الفاكس بعتولي المعاد بالفاكس و بالميل مع اني مطلبتش موضوع الميل ده و ان شاء الله قريب جدا تتطمن و تعرف معادك

[joo]

يا جماعة مش لازم يكون عندكم فاكس فى البيت روحو لاقرب سنترال جنبكم وابعتو الفاكس منة

وانت رايح جاى اسئل هل جالك رد ولا لا بالورقة اللى معاك بتاعة الفاكس