المنتظريين مقابلات كيبيك 9-2010

[بيبو كندا]

يا رجالة حد معاه تليفون الاستاذ جورج ماجد

ممكن اكون فهمت غلط ولا حاجة

اصلى انا المصدراللى سمع بنجاح الاستاذ جورج

لو سمحتوا طمنونى

تم تعديل 7 سبتمبر 2010 بواسطة samuel adly

[sayedmido]

فيه سؤال للدكتور ايهاب وجورج

بالنسبه لاصول الاوراق اللى احنا مترجمنها

هما بياخدوا الاصول ولابيصورها وياخدوا الترجمه ويسيبوا لنا الاصول

لان فيه بعض الاصول ماعنديش منها غير اصل واحد بس

[DrEhab]

يا رجالة حد معاه تليفون الاستاذ جورج ماجد

ممكن اكون فهمت غلط ولا حاجة

اصلى انا المصدراللى سمع بنجاح الاستاذ جورج

لو سمحتوا طمنونى

د/جورج نجح يا جماعه انا مكلمه بنفسى و متأكد

[DrEhab]

فيه سؤال للدكتور ايهاب وجورج

بالنسبه لاصول الاوراق اللى احنا مترجمنها

هما بياخدوا الاصول ولابيصورها وياخدوا الترجمه ويسيبوا لنا الاصول

لان فيه بعض الاصول ماعنديش منها غير اصل واحد بس

يا أ سيد هما بيبصوا فى الورق و يدهولك كله تانى مش بياخدو ولا ورقه منهم ده اللى حصل معايا و لو حبت تاخد منك الأصل ممكن تطلب منها ترجعلك الاصل لأن صعب تطلع واحد زيو و تخليها تصوره او تاخد انت معاك صور من الاصول و تبقى تديلها الصوره بدل متتعبها وتقوم تصورلك

[DrEhab]

تم تعديل 7 سبتمبر 2010 بواسطة DrEhab

[DrEhab]

معلش يا جماعه انا اسف انى اتأخرت عليكو فى سرد أحداث المقابله بس صدقونى غصب عنى لأنى بقالى اكتر من أسبوع مكنتش اعرف حاجه عن الشغل و رجعت لقيت كل الدنيا ملخبطه بس برضه مش مهم كله فدى ال سى اس كيو

هبدأ بتفاصيل الملف بتاعى عشان زى متفقنا كل ملف ليه حالته الخاصه و مش كله زى بعضو

انا صيدلى دفعة 2003 و معايا شهادات خبره حوالى سنين

متزوج وعندى طفلين و المدام صيدلانيه و معاها 5 سنين خبره

مستوى الفرنساوى كنت كاتب فى الابلكيشن مستوى سادس و معايا شهادات لحد السابع

و المدام فرنساوى ضعيف و متعلمتش فرنساوى اصلا و كانت مستوى تالت فى الابلكيشن

طبعا انا كنت مأجل المقابله لان المقابله المره اللى فاتت كانت فى سوريا فى شهر 11 اللى فات

دى تفاصيل الملف بتاعى

نيجى بقى للمقابله .... احنا كان معادنا 8:30 الصبح روحنا هناك قبلها بساعه و الباب اتفتح بتاع السفاره الساعه 8 الصبح وكان فيه ناس كتير واقفه بس دول كانو رايحين سفارة كندا نفسها ملهمش دعوه بكيبك ...المهم دخلنا احناو الناس فضلو بره راح الراجل بتاع الامن سألنى على اسمى و ميعادى وطلب يشوف جواب الانترفيو و قاللى اتفضل ... دخلنا قعدنا فى رسيبشن كده فيه كراسى كتير و فيه كام باب كده قدامك ... المهم انا ليلة المقابله كنت قلقان جدا و خايف بس بمجرد مدخلت من باب السفاره وانا حسيت انى مطمن و مش خايف حتى المدام كانت بتقوللى طلع نراجع شويه قلتلها لا نراجع و لا نعمل خلاص كده .... قد أكمل ...

ورحت قايم أسأل الراجل بتاع الأمن مين بيعمل المقابلات و نظامه ايه وكده راح قايلى دى اسمها راشيل هى شديده شويه بس كويسه رحت قعدت اكلم نفسى و اقول منين شديده ومنين كويسه ؟؟؟!!!يعنى ايه الكلام ده ؟؟ المهم قبل موصل الكرسى بتاعى تانى راحت نادهه علينا

روحنا دخلنا أوضه صغيره شويه فيها كرسيين و هى قاعده فى الجنب التانى و فيه زجاج بينك و بينها فيه فتحه تديلها منها الورق بس الصوت مسموع كويس من الزجاج محدش يقلق انو ميسمعش كل حاجه تمام و ميه ميه bv:-

نبدأ بقى المقابله

[jonathan]

حيلك حيلك...انت كلتنا كدة في الملف و اختزلته في الفرنساوي...فين ميعاد ارسال الملف و تلقي جواب الفايل نمبر و امتي جاللك جواب المقابلة الاول و ايه حكاية التاجيل دي

[sayedmido]

فى انتظار باقى المقابله

دكتور ايهاب باشا

ربنا يبارك فيك--طمنتنى بخصوص الاوراق لان فعلا مش معايا غير اصل واحد بس من بعض الشهادات

[DrEhab]

الممتحنه شابه فى اوائل الثلاثينات تقريبا و قابلتنا بابتسامه خفيفه واحنا كمان ابتسمنا فى وشها و عملت فيها واد بتاع ايتيكيت و مرضيتش اقعد الا لما شاورتلى اقعد و رحت مقعد المدام طبعا الأول

قال يعنى واد جنتل مان متعرفش انى قعدتها الأول عشان اطمن انها قعدت مش خافت و طلعت تجرى

المهم بدأنا بالبدايه التقليديه انا فلانه بنت علانه و انا هنا عشان اقيم طلبكم الى أخره

أول ملاحظه : الكلام واضح و مفهوم و مش بتكلم بسرعه

أول حاجه ممكن اشوف الباسبورات بتاعتكم؟

اه طبعا اتفضلى

ممكن شهادات الميلاد؟

اه طبعا اومال احنا جايبنها ليه مش عشان تشوفيها ... اتفضلى ادى الشهادات

طبعا كل حاجه تشوفها تقعد تدقق فيها و تقلبها يمين و شمال و تفحص و تمحص و تقعد تكتب على اللابتوب وده بيضيع وقت كتير

طيب ممكن شهادة الثانويه بتاعتك ؟

طبعا طبعا اتفضلى ورحت مديها الشهاده اللى انا مطلعها من التربيه و التعليم مترجمه انجليزى و عليها ختم النسر ملعلع و برضه قعدت تقلب و تعدل فيها و راحت سألتنى ايه اللغه التانيه اللى كنت بتدرسها فى الثانوى ؟ قولتلها حبيب قلبى الفرنساوى

و رحت مديلها شهادة الثانوى الأصل العربى القديمه و قلتلها دى الشهاده الاوريجينال برضه اخدتها و قعدت تقلب و تعدل فيها

تانى ملاحظه : بتهتم جدا جدا بالفحص فى الورق يعنى مش يتاخد الورق و ترميها و خلاص لأ دى بيتفحص حته حته وده كمان بياخد وقت من المقابله بس اول مبتلاقى ختم النسر على اى ورقه مكنتش بتقدر تفتح بقها ولا تقول أى كلمه و الحمد لله تقريبا كل الورق اللى كان معايا كان عليه النسر ملعلع

بعد كده سألت على شهادة التخرج؟

طلعتلها الشهاده و بيان الدرجات و كله بختم النسر ...و برضو قعدت تفحص و تمحص و راحت قايللالى طب قولى بقى يا جميل ايه الفرق بين صيدلى اللى بيشتغل فى صيدليه و صيدلى المصنع ؟؟؟

رحت قايلها صيدلى الصيدليه طبعا لازم يتحرق دمه كل يوم مع الناس و يديهم نصايح و فى الاخر ميشتروش يعنى من الاخر هو تعامله كله مع الناس انما بتاع المصنع معندوش الا المكن و التقارير و الحاجات دى ومش بيكون عنده خبره فى التعامل مع الجمهور

قالتلى طيب لغة الدراسه كانت ايه ؟

قولتلها انجليزى

ماشى يا حبوب طب يلا بقى ادينى شهادات الخبره

قولتلها اتفضلى ادى شهادة الخبره من الصيدليه اللى كنت بشتغل فيها اول متخرجت وادى شهادة الخبرة بتاعة الاداره المركزيه للصيادله اللى فيها جميع تحركاتى فى العمل من يوم متخرجت لحد دلوقت و برضو عليها ختم النسر بتاع وزارة الصحه

برضو قعدت تقلب و تعدل فيهم و راحت سألتنى انت عندك صيدليه ؟

قولتلها اه

قالتلى اسمها ايه ؟

قلتلها اسمها

قالتلى معاك حاجه تثبت كده ؟

قلتلها طبعا ادى رخصة الصيدليه وبرضه عليها ختم النسر وادى البطاقة الضريبيه و عليها النسر نفسه

طب معاك كارنيه النقابه ؟

قلتلها معايا صوره منها ومعايا كارنيه النقابه الفرعيه

قالتلى اومال اصل الكارنيه فين ؟ هو ضاع منك ؟

رحت ضحكت كده :P وقلتلها بصراحه ايوه بس معايا تصريح مزاولة المهنه من وزارة الصحه اهو

اه نسيت اقول حاجه لما اديتها البطاقه الضريبيه بتاعت الصيدليه و بصت فيها قالتلى اه تمام وانت على كده بتكسب كويس انا مفهمتش السؤال فى الأول راحت عادته مفهمتش راحت قايلاه انجليش رحت فهمت قلتلها أه دانتى شكلك هتنقى ماشى المهم رحت ضاحك و قايلها اه طبعا امال انا فاتحها و شايل همها ليه مش عشان اكسب راحت ضحكت هى كمان

تالت ملاحظه :هى مش بتسأل على التواريخ بتاعت التخرج و الخبره دى غير قليل وانا اللى كنت اوقات كتيره بتبرع و اقولها التواريخ من غير متسأل

رابع ملاحظه :هى مش بتستناك تتكلم كتير يعنى هما جملتين على قد السؤال و خلاص و نصيحه متطولش فى الكلام يعنى جملتين صغيرين بس مترتبين صح و منطوقين صح احسن من ساعه كلام مليانين غلطات وكمان خليك ذكى يعنى مثلا هى سألتك سؤال و خدت منك ورق تقرى فيه وانت جاوبت و خلصت تبقى تسيبها كام ثانيه كده وهى بتقرى فى ورقك و تقوم مجمعلك جمله او جملتين ترتبهم مظبوط فى دماغك و تقوم قايلهملها وهى بتبص فى الورق منها اسمك طلعت كل المعلومات اللى عندك بطريقه مظبوطه تديها احساس انك كويس فى اللغه وانك مش مستنى سؤال عشان تتكلم وكمان حته برضه كمان انك لما تكلمها و هى بتقرا فى الورق بتشتت ذهنها وتخليها متركزش اوى فى الورق و لو فيه اى غلطه او اى حرف مش مظبوط او تاريخ فى حاجه متخدش بالها وكمان لو بتحاول تدبرلك سؤال صعب فى دماغها متعرفش لأنك بتشتت تفكيرها بكلامك معاها صدقونى اسمعو النصيحه دى عمرها متقالت قبل كده بس فعلا مؤثره جدا

خامس ملاحظه : لو فيه سؤال مش فاهمو ممكن تطلب منها بأدب انها تعيدو و هى بتعيدو بصيغه تانيه و لو مفهمتش برضو بتعيد تانى بالانجليش من غير متزعل ولا تتنرفز بس يعنى سؤال او سؤالين بالكتير فى المقابله كلها مش كل شويه تقولها عيدى السؤال

راحه شويه و ارجع اكمل

[DrEhab]

حيلك حيلك...انت كلتنا كدة في الملف و اختزلته في الفرنساوي...فين ميعاد ارسال الملف و تلقي جواب الفايل نمبر و امتي جاللك جواب المقابلة الاول و ايه حكاية التاجيل دي

ماش ياعم خد عندك لكشة التواريخ دى

تاريخ ارسال الورق 4/2009

تاريخ فتح الملف 7/2009

أول مقابله 22/11/2009 سوريا

ساعتها كان فىظروف و مينفعش اسافر وكمان مكنتش لسه شديت فى الفرنساوى رحت بعتلهم ميل واكدته بجواب فيه انى بطلب تأجيل المقابله بسبب ظروف معينه و ياريت تأجلونى لأقرب مقابله فى القاهره لأن ظروفى تمنعنى من السفر الى سوريا بس لو مينفعش الا سوريا خلاص انا تحت امركو فى اى مكان

الناس طلعت محترمه اوى و قالولى ماشى ياعم انت هتتأجل لأقرب مقابله فى القاهره و قد كان وتحت امرك يا يوناثان فى اى شىء و فى اى مكان صحرا كان ام بستان :roseop:

تم تعديل 7 سبتمبر 2010 بواسطة DrEhab

[DrEhab]

فى انتظار باقى المقابله

دكتور ايهاب باشا

ربنا يبارك فيك--طمنتنى بخصوص الاوراق لان فعلا مش معايا غير اصل واحد بس من بعض الشهادات

صدقنى يا استاذ سيد ده اللى حصل معايا انها اعدت تلم فى الورق جنبها وانا بصراحه كنت ناوى اقولها انا محتاج الورق ده كلو عشان طلع عنيا على مطلعته بس هى جت فى الاخر من نفسها اديتنى كل الورق ومخدتش اى حاجه منه

[بيبو كندا]

طيب ما هو د. جورج نجح اهووو

امال هو فين

ماشى يا دكترة انت مش عارف ان احنا فى قفص واحد

يعنى طمنا شوية و احكلنا شويتين عن المقابلة

المحترم د. روك

يالا شد حيلك يا دكتور عايزن نفرح بيك

انا بقى مرعوووووووووووووووووووب

[raouf r]

يلا يا روك شد حيلك و ربنا معاك

و ابقى طمنا بسرعة مش مستحملين

[Rock]

Mes yeux languissent après ta promesse; Je dis: Quand me consoleras-tu?

Ps:119

[DrEhab]

طيب ما هو د. جورج نجح اهووو

امال هو فين

ماشى يا دكترة انت مش عارف ان احنا فى قفص واحد

يعنى طمنا شوية و احكلنا شويتين عن المقابلة

المحترم د. روك

يالا شد حيلك يا دكتور عايزن نفرح بيك

انا بقى مرعوووووووووووووووووووب

إجمد يا صمويل خليك ريلاكس وابعت للدنيا فاكس ... ياسيدى بيقولك اللى اتعودو يسيبوا كل شىء فى ايد الله بقو يشوفو ايد الله فى كل حاجه

اديك بتتعب و بتعمل اللى تقدر عليه و الباقى بقى ده بتاع ربنا

بالنسبه لدكتور ماجد جورج تلاقيه بس تعبان من السفر و مزنوق فى الشغل معلش اصل اليومين دول زنقة شغل بالنسبه للصيادله عشان العيد وكده انت عارف بقى الشامبو و الصابون و اللذى منو لزوم العيد عموما انا متأكد انو أول ميفضى هييجى و يحكى و لو مجاش نكلمه احنا ونعرف التفاصيل و نكتبها متقلقش يا صمويل كلو تحت السيطره

[اغابي]

عاجل جدا

- بقولكم يا جماعة

انا اختى تهانى مقدمة ملفها بتاريخ 5/12/2009

وطبعا جالها الفايل نمبر

لكن لغاية دلوقتى ما جالهاش ميعاد المقابلة

كدا عادى ولا نبدا فى القلق والفاكسات والتلفونات ؟؟؟؟

اغابي

[amruby]

يا جماعة السفارة كلمتنى و اجلت المعاد الى شهرين مش عارف لية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا مش عارف اية اللى بيحصل

[jonathan]

طيب ما هو د. جورج نجح اهووو

امال هو فين

ماشى يا دكترة انت مش عارف ان احنا فى قفص واحد

يعنى طمنا شوية و احكلنا شويتين عن المقابلة

المحترم د. روك

يالا شد حيلك يا دكتور عايزن نفرح بيك

انا بقى مرعوووووووووووووووووووب

طبعا بعد فحص حالة الرعب البين اللي عندك و استشارة المتخصصين من ايهاب الي جورج الي اخره..و جدت ليك الوصفة دي تعملها قبل المقابلة علطول

wst:: و اعمل نفسك مش واخد بالك خالص

[amruby]

وكلمت روك كمان . اسمه نيلا عجلان ............ و اية الموضوع ؟؟؟؟؟؟ حد يفهمنى

[jonathan]

عاجل جدا

- بقولكم يا جماعة

انا اختى تهانى مقدمة ملفها بتاريخ 5/12/2009

وطبعا جالها الفايل نمبر

لكن لغاية دلوقتى ما جالهاش ميعاد المقابلة

كدا عادى ولا نبدا فى القلق والفاكسات والتلفونات ؟؟؟؟

اغابي

عادي و متقلقيش لانهم علي الموقع بتاع كيبك لسة يدوب مغييرين تاريخ البروسيسنج النهاردة للمتقدمين في شهر ديسمبر2009 لحد امبارح كان بروسيسنج بتوع نوفمبر2009 و كاتبين اي حد قبل التاريخ دة ماجالوش جواب الانترفيو يتصل بيهم يعني بس استنوا شوية و ربنا يوفقها..شوفي اللينك دة

http://www.immigration-quebec.gouv.qc.ca/en/immigrate-settle/businesspeople/applying-business-immigrant/official-application/processing-times-table.html#damas

تم تعديل 8 سبتمبر 2010 بواسطة jonathan