المنتظريين مقابلات كيبيك 9-2010

[malekmalooka]

-روماني بيشوي 25-8-2010 clp::

2-در.ايهاب 6-9-2010 clp::

3-جورج ماجد 6-9-2010 clp::

4-ابانوب 22-9-2020 clp::

5-مالوكة 23-9-2010 clp::

6-رؤوف 26-9-2010 clp::

7-د/سيد 26-9-2010 clp::

8-اخت صموئيل26/09/2010 الساعة 1.30 ظ

9-صموئيل 27-9-2010 الساعة 9.30 ص

10-ماتيوس 29-9-2010

11-توتا 3-10-2010

12-هارفي 9-11-2010

13-فريند 12-12-2010

انا خايفه نتحسد كده ,الف الف مبروووووووووووووك

تم تعديل 26 سبتمبر 2010 بواسطة malekmalooka

[محتاجه مساعده]

الف الف الف مبروووووووك يا اخت ملوكه انتي تستاهلي كل خير واللهي لانك اجتهدي وعلى مفتكر قلتيلي انك ذاكرتي لوحدك ...

الف مبروك وبالتوفيق في طريقك الى كندا ...

والف مبروك لكل الحاصلين على CSQ

سؤال بسيط لاختي ملوكه ..انتي عملتي اعداد مع مدرس وله درستي كمان لوحدك؟؟

يعني ينفع لو حد يعد لوحدو ؟ والسبب مفيش مدرسين اعداد متوفرين؟؟؟

[jonathan]

الف مبروك يا روؤف ...انا من ضمن الناس اللي فرحانة بجد و مبروك للدكتور سيد و ترجعوا بالسلامة و عقبال ما نطمن علي اخت صموئيل

[محمد كيبيك]

الف مبروك استاذ رؤوف و د سيد ترجعوا بالسلامة باذن اللة مستنين التفاصيل و ربنا يتمملكم على خير فى الباقى

[moatazquebec]

يا جماعه انا لسه بحضر في الورق و عاوز دعواتكم من دلوقتي لان بلاقي في كل خرابه عفريت

[jonathan]

يا جماعه انا لسه بحضر في الورق و عاوز دعواتكم من دلوقتي لان بلاقي في كل خرابه عفريت

في كل خرابة بس!!!....في ناس كان عندها في كل خطوة عفريت

[dr gege]

ا :closedeyes: :closedeyes: :closedeyes: :closedeyes:لف مليووون مبروك يا استاز رؤوف انت وسيد كمان اية ياجماعة مفيش اخبار عن اخت صموئيل اكيد نجحت وصموئيل مستني بكرة عشان يفرحنا بيهم هما الاتنين

[moatazquebec]

جماعه الخير كيفكم؟

محدش يعرف ال سي في c.v. بيتكت ازاي انا كنت شو فت ان ليه فورمه معينه محدش يعرفها و كمان ال english form من شهادات الخبره و النسخه العربيه و تكونوا مشكورين جدا

[DrEhab]

بشرى ساره لأهالى التوبيك الكرام

صمويل نجح يا رجاااااااااااااااااااااااااااااااله

:harp: :winner: bnd5:: bnd5::

[raouf r]

بشرى ساره لأهالى التوبيك الكرام

صمويل نجح يا رجاااااااااااااااااااااااااااااااله

:harp: :winner: bnd5:: bnd5::

الف الف الف مبروك يااستاذ صامويل bv:- bv:-

احنا تقريبا قربنا نعمل ريكورد فى لستتنا

يارب تكمل على خير

[محمد كيبيك]

بشرى ساره لأهالى التوبيك الكرام

صمويل نجح يا رجاااااااااااااااااااااااااااااااله

:harp: :winner: bnd5:: bnd5::

الف مبروك لصموئيل على النجاح هو بس اذا يطمنا على اختة يبقى الواحد اطمن من كلة كدة الدور على ماتيوس شد حيلك

[بيبو كندا]

شكرا ليكم يا جماع

الست راشيل دى بقى زى العسل و انا ما شفتش حد محترم و بيتكلم فرنساوى بالراااااااااااااحة كده

المهم انا رجعت و معايا الغالية

اما بالنسبة لاختى فلم توفق

تحياتى لكم جميعا

و كالعاده اللى عنده سؤال يتفضل على الخاص

بس فى الحقيقة المقابلة كانت عادية جدا و اهتمامها الاول و الاخير بعملك فقط

انا مدير مالى

تحياتى لكم و شكر خاص للدكتور إيهاب

شد حيلك يا دكتور عايزين نعمل توبيك جديد لتابعة الناس فى الفيدرال

[raouf r]

صباح الفل

المقابلة

اولا طبعا انا و زوجتى روحنا سوريا من يوم الجمعة و مقابلتنا كانت الاحد

علشان نتأقلم على المكان زى ما الكل نصحونا و اول ما وصلنا دخلنا نمنا و صحينا بعد اربع ساعات

بصيت لمراتى و قولتلها ده لازم المكان هو الى يتأقلم علينا مش العكس

المهم روحنا السفارة قبل ميعادنا و قعدنا مستنيين و كان فيه اتنين بيمتحنوا سيدة فى الخمسينات و رجل اسمر طول بعرض

المهم لما جه دورنا كان الراجل الاسمر قالنا اتفضلوا دخلنا

طبعا الدباجة المعروفة و قالنا محدش يتكلم فى دور التانى

سألنى انت جيت ازاى قولتله بالطيارة

قالى الباسبورات اديته الباسبورات قالى انت ساكن فين فى الكويت قلتله قالى دى بعيد عن العاصمة قلتله لا الكويت بلد صغيرة

قالى داكور

قالى قسيمة الجواز اديتهالوا قراها

و بعدين قالى شهادة الكلية اديتهاله قعد يقلب فيها و هو بيقلب قالى انت اتعلمت فرنساوى ازاى

قلتله انا كنت فى ابتدائى فى مدرسة فرنساوى و كانت لغة اولى و اديته شهادة من المدرسة بص فيها و رجعها و هز راسه علشان اكمل قلتله درست كمان فى ثانوى و بعد ما سفرت كنت بدرس مع مدرس على الانترنت و كمان فى مواقع زى

France interactife , france2000 , le Qatar

و قلتله انى اشتريت كورسات المعهد الفرنسى من مصر و ذاكرتهم ووريته الكورسات قاللى هاتهم قلب فيهم شوية و رجعهم

قاللى معاك شهادة قلتله لا لان مفيش معهد ثقافى فى الكويت فدور على الجهاز عنده و هز دماغه

و فجأة فلب انجليزى و قالى انت ليه عايز تروح كيبيك و مش اى حته تانى

طبعا انى اقلب انجليزى كان دمار كلمة انجليزى و تلاتة فرنساوى مع انى بتكلم انجليزى حلو جدا

علشان انا مهنتى مش مطلوبة فى كندا لكن بالعكس مطلوبة جدا فى كيبيك و انا نفسى جدا جدا اشتغل فى مهنتى كطبيب بيطرى و للاسف فى مصر و الكويت المهنة ملهاش اى اهتمام و مرتباتها ضعيفة جدا

قالى و مين قالك انها مطلوبه فى كيبيك طلعتله ورق من امبلوا كيبيك الى بيثبت ده و قلتله دى كمان عروض عمل كطبيب بيطرى من كام يوم بس و دى عروض كمساعد طبيب بيطرى لغاية ما اخلص المعادلة

قاللى و المعادلة دى ازاى ؟ لسه هتكلم انجليزى صعبت عليه و قاللى فرنساوى رحت قلتله خطوات المعادلة

قالى هتعمل المعادلة فين

قولتله جامعة موريال كلية الطب البيطرى

قالى طيب و لو مالقتش كطبيب او مساعد هتعمل ايه قلتله هشتغل فى اى مجال لغايه ما اجد فرصة كويسة

قالى هتدور ازاى رحت قايله كل طرق البحث عن وظايف لغاية ما قلت جملة ( عناوين الشركات و المزارع ) قالى مزارع ؟؟؟؟؟؟؟؟؟؟

و مسك الابليكاشن و قلب فيه و قاللى انت هتستقر فين فى كيبيك قولتله كيبيك سيتى قاللى اه

بس اشمعنى قولتله علشان مجالى هناك اكتر من موريال و اسعار السكن اقل راح قاللى عرفت منين اسعار السكن ؟

رحت مطلع عروض سكن و قلتله من على النت و انا هحجز واحدة قبل ما اسافر اخدهم و قاللى اسعار الشقق كام يعنى ؟

قلتله من 450 لغايه 1200 دولار كندى لكن انا الاول هحجز شقه مش غاليه قاللى داكور

راح بصلى و قاللى انت تعرف فى كام ساكن فى كيبيك سيتى قلتله حوالى 800.000

قاللى و نسبة البطالة قلتله 8% قاللى فى كيبيك سيتى ؟

قلتله لا فى كل كيبيك قالى لأ انا عايز كيبيك سيتى

قلتله بصراحة معرفش ؟ قاللى داكور انت كدة خلصت مقابلتك و هبتدى مقابلة المدام

قالها سكنة فين قالتله الكويت قالها العنوان قالتهولوا

قالها شغاله فين قالتله

قالها فين الشهادة بتاعة الكلية اديتهالو

سكت و قالها دى المؤقتة راحت مطالعاله الدايمة ( الكرتونية ) بس مش مترجمة

قالها فين الترجمة قالتله ماترجمتهاش راح بصيلنا و قالينا اوه و راح قام صورها و تقريبا خلى حد يقرهاله

رجع قالها عندك كام سنة ؟ قالتله

قالنا اتوا كدة مقابلتكوا خلصت و دلوقتى هحسب الدرجات بتاعتكوا و هنعرف موقفكوا

قعد يحسب و بعدين قالنا انتوا مقبولين مبروك

Bienvenue au quebec

و طبعلنا السى اس كيو و شرحلنا كل جزء فيها و ازاى نقدم فيدرال

و فى الحقيقة كان راجل محترم و هادى و هو كان جد جدا فى المقابلة علشان ده شغله لكن فى الحقيقة انا احترمته جدا جدا لانه بعد ما خلص الشغل قعد يضحك معانا و هو بيطبع السى اس كيو و كأنه واحد تانى خالص و لأول مرة افهم عمليا يعنى ايه الشغل شغل و لازم الواحد يفصل بين شغله و طبيعته لانه هو فى الواقع بشوش جدا

و ده اول درس اتعلمناه قبل مانسافر يعنى ايه نشتغل بجد و بشوشين و اجتماعيين فى نفس الوقت

بدون اى مجاملة لاحد فى العمل

و بايين احنا لسة هنتعلم حاجات كتير قوى

و قالنا شدوا حيلكوا لما تروحوا هناك

و احنا كنا طايرين من الفرحة

عقبالكوا كلكم

و نصيحة اخوية للسة ماعملوش انترفيو هناك خليك صريح جدا حتى لو الى بتقوله مش حلو فى حقك هو هيحترمك

اعرف انت عايز ايه كويس و لما تقتنع بأهدافك هو هيحس ان ليك هدف

انا لا قلت رعاية صحية و لا تعليم طبعا دى كلها مزايا بس انا قلت الحقيقة انى عايز اروح علشان الاقى حد يقدر عملى

و كل واحد له اسبابه الخاصه الى حتى لو مادية هى بتفضل اسبابه و هو مش هيعترض لانك حر فى اهدافك

بس اهم حاجة يبقى ليك هدف بتحارب علشانه

و شكرا ليكوا كلكوا

تم تعديل 27 سبتمبر 2010 بواسطة raouf r

[صيدلى كندى]

الف مبرووووووووووك بجد يا ملوكة ..ليكى ولأسرتك تعبتى والحمد لله ربنا نولك اللى انتى عايزاه ...وعقبال الباقى يا رب ...الحمد لله فى عزوة من الصيادلة هناك ...ربنا يتمم لجميع على خير ..وعقبالنا لحسن الواحد من الوييتنج طلع اكسباير ....مبرووك تانى...واتمنى لو تقدرى تبعتى اى حاجة ممكن تساعد عشان احنا فى الاعداد دلوقتى تحطيها عالتوبيك عشان الكل يستفيد او عالخاص ... clp:: :lol:

[صيدلى كندى]

bv:- الحمد لله ربنا يكتر أفراح التوبيك ده وأعضاءه مبرووووووووك درؤووف وليك يا صموائييل ..وعقبالنا يا جماعة عشان الليسته تكمل شدوا حيلكم فى الفيدرال يا جماعة وادعولنا بالتوفيق شوية بقى .... bv:-

[محمد كيبيك]

شكرا ليكم يا جماع

الست راشيل دى بقى زى العسل و انا ما شفتش حد محترم و بيتكلم فرنساوى بالراااااااااااااحة كده

المهم انا رجعت و معايا الغالية

اما بالنسبة لاختى فلم توفق

خير يا استاذ صاموئيل اختك لم توفق لية ممكن تقو ل السبب و يا ترى هتعمل اية

[jack]

طبعا الموقع جميل و علي عكس الموجودف الواقع ف هنا ف الموقع الناس خدومه جدا ربنا يوفقنا جميعا

انا كان لي سؤال انا بعت الملف بتاع الهجرة بتاعي منتصف شهر 7 و لسه مفيش فايل نمبر مش عارفه ليه في حد يعرف اي اخبار الواحد قلقان بصراحه

[DrEhab]

و نصيحة اخوية للسة ماعملوش انترفيو هناك خليك صريح جدا حتى لو الى بتقوله مش حلو فى حقك هو هيحترمك

اعرف انت عايز ايه كويس و لما تقتنع بأهدافك هو هيحس ان ليك هدف

انا لا قلت رعاية صحية و لا تعليم طبعا دى كلها مزايا بس انا قلت الحقيقة انى عايز اروح علشان الاقى حد يقدر عملى

و كل واحد له اسبابه الخاصه الى حتى لو مادية هى بتفضل اسبابه و هو مش هيعترض لانك حر فى اهدافك

بس اهم حاجة يبقى ليك هدف بتحارب علشانه

و شكرا ليكوا كلكوا

ألف الف مبروك يا دكتور رؤوف وانا معاك مليون فى الميه فى الكلام ده

bv:- bv:-

[توتا عماد]

مبروك يا صموئيل الف مبروك بجد فرحتنى وطمنتنى

يلا ياماتيوس ربنا معاك وتطمنا

[توتا عماد]

مبروك يا رؤوف الف مبروك وكمان مبرورك لدكتور سيدوعقبالــى