المنتظريين مقابلات كيبيك 9-2010

[dr gege]

للناس الخبرة اللي في المنتدي انا عندي مشكلة انا مقدمة فيل في الجزء الفيدرالي من حوالي 3 سنين ومكنسلتهوش لحد دلوقتي علي الرغم ان المحامي بتاعي قالي اكنسلة بس انا مش قادرة اعمل الخطوة دي لاني مش ضامنة كيبك هل لو سالني المستشار او المستشارة ارد اقول اية لو سالتني انت مقدمة فيدرال لية اقول اية ولو سالتني طيب مش كنسلتية لية ارد اقول اية وهل حد يعرف حالات متشابهة لحالتي واية اللي حصل معاهم وهل ممكن اخد رفض بسبب الموضوع دة حتي لو الفرنساوى بتاعي معقول وملفي كويس ارجو مداخلتك كلكم عشان استفاد من افكاركم وشكرا

[DrEhab]

للناس الخبرة اللي في المنتدي انا عندي مشكلة انا مقدمة فيل في الجزء الفيدرالي من حوالي 3 سنين ومكنسلتهوش لحد دلوقتي علي الرغم ان المحامي بتاعي قالي اكنسلة بس انا مش قادرة اعمل الخطوة دي لاني مش ضامنة كيبك هل لو سالني المستشار او المستشارة ارد اقول اية لو سالتني انت مقدمة فيدرال لية اقول اية ولو سالتني طيب مش كنسلتية لية ارد اقول اية وهل حد يعرف حالات متشابهة لحالتي واية اللي حصل معاهم وهل ممكن اخد رفض بسبب الموضوع دة حتي لو الفرنساوى بتاعي معقول وملفي كويس ارجو مداخلتك كلكم عشان استفاد من افكاركم وشكرا

ياريت يا د /جيجى اقدر افيدك فى الموضوع ده بس معداش عليا الموضوع ده قبل كده وانا مقدرش افتى فى حاجه معرفهاش

[AggoW]

ازيكم يا جماعة، عندى سؤال للدكتور إيهاب لو ممكن يساعدنى فيه

انا مهندس ديكور "فنون جميلة" لسة مقدم الفيل ومجاش الفايل نمبر بس كنت بفكر ابتدى اراسل ازاى اعمل معادلة، يا ترى ممكن ابتدى ادرس من دلوقتى وممكن تكون الدراسة بالانجليزى ولا لسة بدرى على الخطوات دى.هل ليها تكاليف ولا ايه ودى هى معادلة للشهادة الجامعية

لو ممكن، هل ده مفيد فى توفير الوقت؟ ولو ممكن تبعتلى موقع استفيد منه واراسله.

لو فى اى تفاصيل تانية حد يعرفها ممكن تفيد ياريت تبعتوهالى.

وشكرا

[محمد كيبيك]

متشكر ليك جدا يا اخ صاموئيل بس ممكن تسالى اخت حضرتك تاريخ صدور الفايل نمبر كان امتى علشان اقدر انا اتوقع انة من الممكن ميعاد المقابلة هيكون باذن اللة على خير امتى

[harveyhanna]

ازيكم يا جماعة اخباركم ايه واخبار المذاكرة انتى فين يا جيجى واللستة الحلوة فين علشان مننساش حد واحنا بندعيلوا شيدوا حيلكم ربنا معاك يادون كاملو وهارفي حنا ومايكل وفريند وجوجو وروك وصيدلي كندي وتهاني وعمر وميستري وجوو جيجي وام مونتريال وامي الديرىود.مينا وعلاء فرنش وروا رودي وكريم عبدو وجدي ويارب ما اكون نسيت حد

سلام خاص جدا لاغابــى

شكرا لصلاتك يا توتا

كل ما ادخل على المنتدى باتشجع اكتر وبفرح اما بشوف ناس زى حضرتك و دكتور ايهاب و حبيبى صامويل

اللى فاكرينا على طول

[gogobeak]

نعود بعد الفاصل ...استكمالا للجزء بتاع الصيادله اللى بدأنا فيه قبل كده وعشان خاطر د/ايمى اللى طلعت بلدياتى

اول حاجه كانت المعادله و عرفنا بتتعمل ازاى

2-ايه الاوراق اللى بتاخدها معاك فى المقابله غير ورق المعادله ودى كتبناها قبل كده بس التكرار بيعلم الشطار

أول حاجه بتاخدها معاك شرح ازاى انت تقدر تمارس مهنتك هناك باختصار فى كام ورقه و اسمها بالفرنساوى

Exercer la profession

دى تنزلها بالفرنساوى من اللينك ده و تطبعها و تقراها و تاخدها معاك المقابله

http://www.immigration-quebec.gouv.qc.ca/publications/fr/professions-regies/Pharmacien.pdf

ودى النسخه الانجليزى للاطلاع و الفهم فقط

http://www.immigration-quebec.gouv.qc.ca/publications/en/professions/Pharmacist.pdf

تانى حاجه عروض العمل

ده بقى اهم موقع عندهم ومعترف بيه اوى وهو مش عبارة عن موقع بحث عن وظايف ولكن فيه حاجات تانية كتير عن طبيعة الوظيفية ومؤشرات سوق العملemploiquebec

وده لنك البحث عن وظيفة داخل الموقع

http://placement.emp...r.asp?CL=french

بس يا سيدى هتعلم فى Offres recherchées على Toutes les offres

وفىRégions على Tout le Québec

وفى خانة Utilisation d’un mot-clé اكتب اسم الوظيفة بالفرنساوى وتكون صح فى الاسبلنج

واضغط على البحث

هتظهر قدامك كل عروض العمل اضغط على العروض عرض عرض ونقى اللى ينسبك واطبعه

هتلاحظ ان العرض فيه كل شى عن عدد الساعات واسم الشركة والخبرةواللغة المطلوبة

وفيه كمان الموقع ده لقيته جديد

http://www.workopolis.com/EN/Common/HomePage.aspx

هنعمل كالتالى ... هنعمل بحث هن مهن صيادله و مساعدين صيادله و فنيين صيدليات و نجمع كل محموعه منهم مع بعض و يتدبسوا و فى المقابله لو اتسألت هتشتغل ايه تقول هشتغل صيدلى طبعا و دى عروض عمل الصيادله و لحد مخلص النعادله هشتغل مساعد صيدلى و تطلع بالعروض بتاعة المساعد او فنى و تقوم طالع بعروض الفنيين و طبعا البحث يكون فى كل كيبك مش مونتريال بس لو انت كاتب انك هتقعد فى مونتريال عشان ببساطه تبينلهم انك لو ملقيتش شغل فى مونتريال مش هتقعد تعيط على كورنيش سان لوران يعنى تقدر تروح اى حته تانيه فى كيبك عشان تشتغل منتاش مربوط بمونتريال يعنى

تالت حاجه الاحصائيات

كل مهنه ليها حجات اسمها احصائيات خاصه بكل مهنه

ده عباره عن الجزء الخاص بالفرص الوظيفيه اللى هوPerspectives professionnelles

http://imt.emploique...pro=3131&PT3=10

وده عباره عن الجزء الخاص بالمرتبات و احصائيات المهنهSalaires et statistiques

http://imt.emploique...10&cregncmp2=QC

هتتطبع الورقتين دول و تجيب قلم هاى لايت و تعلم على العناوين الرئيسيه و الحاجات الايجابيه فى الارقام و الاحصائيات و فى المقابله تطلعهم و تشرح بنفسك الاحصائيات دى للى بيمتحنك و تشاورله على المكان اللى انت معلم عليه فى الورق ده بيدى انطباع انك عارف بتعمل ايه كويس و معلوماتك تمام

اخر حاجه عروض السكن

و دى بتتجاب من المواقع دى

http://montreal.kiji...es-W0QQCatIdZ36

http://www.logisquebec.com/

http://www.montrealenligne.com/

كده يبقى كل حاجه تمام وانا عملت اللى عليا و برضو نرجع ونقول لازم كل واحد يبقى ليه اجتهادات شخصيه تميزه عن اللى حواليه و دى بقى كل واحد يشغل دماغه و يقرا المقابلات القديمه و يفكر ايه الجديد اللى هو هيعمله عشان يلفت نظر اللى بيعمل معاه المقابله و يديلو افضليه عنده لو اتحط فى موضع المقارنه

ربنا يوفق الجميع

merci bgd ya dr. hoba, ana kont lessa dakhel 3alashan as2al 3ala mo3adlet saidala, ensha2allah el medical haigilak 3alatol 3alashan ta3abak ma3a el nas kolha

[gogobeak]

ya gama3a law 7ad y3rf ezay awsl l2abona tadros 3alashan yb3tly invitation 3an ay tareek,argo yb3tly

[DrEhab]

ازيكم يا جماعة، عندى سؤال للدكتور إيهاب لو ممكن يساعدنى فيه

انا مهندس ديكور "فنون جميلة" لسة مقدم الفيل ومجاش الفايل نمبر بس كنت بفكر ابتدى اراسل ازاى اعمل معادلة، يا ترى ممكن ابتدى ادرس من دلوقتى وممكن تكون الدراسة بالانجليزى ولا لسة بدرى على الخطوات دى.هل ليها تكاليف ولا ايه ودى هى معادلة للشهادة الجامعية

لو ممكن، هل ده مفيد فى توفير الوقت؟ ولو ممكن تبعتلى موقع استفيد منه واراسله.

لو فى اى تفاصيل تانية حد يعرفها ممكن تفيد ياريت تبعتوهالى.

وشكرا

انا اسف جدا بس صدقنى معنديش اى معلومات بخصوص مهندسين الديكور غير انهم بياخدو فلوس كتير عشان يقولك هتدهن الشقه لون ايه و هتبقى كلاسيك ولا مودرن :P اوعى تزعل انا بهزر معاك :rolleyes: المهم اللى اعرفو مهندس ديكور هو عمرو معانا فى المنتدى و مقابلته يوم 24/11 الجاى ده ..هو كان المفروض فى الميشن اللى فات معانا بس اتأجل هو وروك فى سابقه هى الاولى من نوعها عشان خاطر مقابلتهم كانت يوم العيد ..حضرتك ممكن تبعتلو وانا متأكد انو مش هيتاخر بس لو مردش عليك دلوقتى استناه بعد المقابله عشان اكيد هيكون مشغول

و ده موقع فيه كل المهن اللى بيتعملها معادله حضرتك ممكن تدور على مهنتك فيهم و لو لقيتها دوس عليها هتفتحلك صفحه فيها شرح وافى ازاى تمارس مهنتك هناك

ده بالفرنساوى http://www.immigration-quebec.gouv.qc.ca/fr/emploi/professions-metiers/ordre-professionnel.html

وده انجليزى http://www.immigration-quebec.gouv.qc.ca/en/employment/regulated-professions/professional-order.html

[DrEhab]

كده يبقى كل حاجه تمام وانا عملت اللى عليا و برضو نرجع ونقول لازم كل واحد يبقى ليه اجتهادات شخصيه تميزه عن اللى حواليه و دى بقى كل واحد يشغل دماغه و يقرا المقابلات القديمه و يفكر ايه الجديد اللى هو هيعمله عشان يلفت نظر اللى بيعمل معاه المقابله و يديلو افضليه عنده لو اتحط فى موضع المقارنه

ربنا يوفق الجميع

merci bgd ya dr. hoba, ana kont lessa dakhel 3alashan as2al 3ala mo3adlet saidala, ensha2allah el medical haigilak 3alatol 3alashan ta3abak ma3a el nas kolha

حضرتك احلامك اوامر :hi: ... مع المحاورات مش هتقدر تغمض عنيك :blush2:شايف يا صمويل الصيادله بيدلعو بعض ازاى ؟؟؟ متيجى تذاكر صيدله وانا اظبطك pp:...

[arsany magdy]

ارجو الاضافة في لستة الانترفيو ارساني 29/11/2010 اسكندرية و بي التوفيق للجميع

[DrEhab]

يا شباب المقابلات ... دى مشاركه شوفتها بالصدفه لأحد الاخوه الافاضل اعتقد انو الدكتور قناوى استأذنو اولا و استأذن ادارة المنتدى انى انزلها هنا عشان لقيت فيها حجات مفيده للناس اللى داخلين عالمقابلات وربنا يوفق الجميع

الاول هتكلم فى الحاجات اللى ممكن نلحقها قريب عشان الناس اللى بتقابل اليومين دول... المقابله لازم نتكلم فيها عن 4 مواضيع اساسيه (ده بفرض طبعا ان اللغه الفرنسيه متوسط المستوى)

1- العيوب اللى انت شايفها فى مصر وخلتك تاخد قرار الهجره .

2- المميزات اللى انت عرفتها عن المجتمع فى كيبيك وجذبتك للاقليم ده بالذات (الحته دى مهمه اوعى تجيب سيرته البلد اللى اسمها كندا او تحط الكلمه دى فى اى جمله ,,,, هى كيبيك وبس ).

3- ايه خطتك للوصول والاستقرار هناك وهتعمل ايه عشان تدور على شغل, والشغل بتاعك ده اخباره ايه هناك وسهل الحصول عليه ولا فى صعوبه.

4- معلومات عامه عن الاقليم .

* ممكن نتكلم عن العيوب الظاهره فى المجتمع المصرى زى ضعف الخدمات والرعايه الصحيه والاجتماعيه والتلوث والاهمال والفوضى والعشوائيه والحوادث المتكرره , وهى عارفه كل التفاصيل ,لقيتها عارفه حوادث القطارات فى قليوب والصعيد وحريق مجلس الشورى وكارثه الدويقه وحقوق الانسان , وهناك نقطه اخرى وهى تفاوت الخدمات بين الريف والحضر .

* ايضا ممكن نتكلم عن معدل التضخم العالى اللى عدى 30 % على اقل تقدير السنه دى بس , وان التضخم ده بيسبب ضغوط على المواطنين المطحونين اساسا من مرتباتهم الهزيله .

* ممكن نتكلم عن نظام التعليم فى كيبيك وانها من افضل نظم التعليم فى العالم وده لانى اتعلمت فى مصر ومش عايز اولادى يتعلموا بالنظام المصرى . ممكن نعقد مقارنه سريعه كما يلى :-

التعليم المصرى

- الفصل 60 طالب .

- يعتمد على الحفظ والتلقين ونسيان كل الماده العلميه بعد الامتحان .

- انعدام ممارسه الانشطه المختلفه (الرياضه والموسيقى مثلا ) لضعف الامكانيات .

- المرتبات الهزيله للمدرسين وما ينتج عنه من ظاهره الدروس الخصوصيه التى تمثل عبء اضافى على الوالدين .

- الطالب مثقل بمواد كثيره ووقته قليل لاى انشطه اخرى .

التعليم فى كيبيك

- الفصل بحد اقصى 20 طالب .

- الدراسه تعتمد على 3 اساسيات (الشرح , التطبيق والعمل الاجتماعى ماحدش يسالنى على دى هى كده)

- الطالب يمارس ما يدرسه .

- الطالب يمارس الهوايه المفضله كمادة اساسيه .

النقطه التانيه المميزات اللى تعرفها عن اقليم كيبيك .

نبدا بالاختيار :- (لماذا كيبيك) اللى هكتبه ده هو رائى الشحصى وهى وجدته منطقى ومناسب للموقف .

بدات من سنوات البحث على الانترنت للحصول على ملعومات عن المجتمعات التى تقبل مهاجرين ووجدت الاتى مع ملاحظاتى .

- امريكا : دوله غير محبوبه فى المنطقه العربيه ويوجد بها نزعات عنصريه ضد العرب والمسلمين والسود .

- استراليا ونيوزيلاندا : لا يقبلوا المهاجرن الملونين (غير البيض) وانا ارفض الحياه فى مجتمع بهذه العنصريه .

- كندا بشكل عام واقليم كيبيك بشكل خاص : وجدت ان كيبيك تقدم خدمات جيده جدا للمهاجرين مثل التامين الصحى والاجتماعى والتعليم عالى المستوى والكثير بشرط واحد وهو توافر امكانيه اللغه الفرنسيه وبالتالى قمت بدرستها جيدا ثم قمت بتقديم طلبى للهجره اليكم .

ثم نتكلم عن المميزات فى اقليم كيبيك :-

- نظام التعليم .

- البيئه النظيفه .

- الخدمات الممتازه و المتوفره لجميع المواطنين (من الاقليم او مهاجرين) .

- احترام حقوق الانسان و المساواه والعدل والحريه وحريه الفرد محميه طبقا لميثاق الحقوق . (La charte des droits)

- اهم كلمه لازم ندخلها فى جمله مفيده (جوده الحياه هى الاهتمام الاكبر) (la qualite de vie c'est la plus importante ).

- مجتمع متقدم ومنظم ومتنوع ومنضبط ومنفتح على العالم .

- وفى النهايه جنسيه لها احترامها فى جمبع دول العالم .

النقطه الثالثه , خططك للوصول والايام الاولى فى كيبيك .

- هنقول انا قبل السفر (من خلال الانترنت) ساقوم بحجز غرفه فى موتيل لمده اسبوع قرب وسط المدينه (مونتريال) لكى اكون بالقرب من خطوط المواصلات والمكاتب الحكوميه .

- خلال وصولى فى المطار ساقوم بالمرور على مكتب وزراه شئون المهاجرين (MICC Ministre des Immigation et des Communites Culturelles ) فى المطار وذلك لتسجيل بيانات اسرتى كمهاجرين جدد و لمعرفة الاجراءات اللازمه للحصول على المستندات الاتيه :-

- كارت التامين الصحى .

- كارت التامين الاجتماعى .

- رخصه القياده .

- فى اليوم الثانى , ساقوم بزياره مكتب ال (MICC) الاقرب لمسكنى وذلك لمساعدتى فى تاجيرشقه او ستوديو لمده شهر وذلك لمساعدتى على التوائم مع المجتمع الجديد .

- بعد ذلك ازور مكتب التوظيف الملحق فى مكتب (MICC) وذلك لمساعدتى فى ايجدا العمل المناسب لبدى الحياه .

بالنسبه للعمل (تكون مجهز احصائيات عن وظيفتك فى كيبيك ورسوم بيانيه عن متوسط البطاله والمرتبات لهذه الوظيفه هناك , هكتب بالتفصيل ازاى نوصل لكل ده فى مشاركه تانيه باذن الله ) تقول الاول استعين بال MICC ثم استعين بالـ CLE (Centre Local d' empploi) ودى منظمه خاصه او اهليه عنى مش حكوميه وخلاص لمساعده للمهاجرين الجدد لايجاد وظائف , ثم عن طريق الصحافه من جرايد (le devoir) و(la Press) و(les pages juane) التى تنشر قوائم بالوظائف الخاليه او بيانات الاتصال بالشركات المختلفه مع البحث على الانترنت (حنتكلم ازاى نجيب عروض عمل منالانترنت بالتفصيل فى مشاركه تانيه) .

- ثم التقديم للحصول على كورسات اللغه الفرنسيه للمهاجرين الجدد , وذلك للتسريع من عمليه التوائم فى المجتمع الجديد (مهمه اوى دى عشان تقنعها انك هتتعود بسره وبالتالى تاخد درجه التوائم كامله)

النقطه الرابعه هى معلومات عامه عن الاقليم , فى موضوع فى المنتدى اسمه ( كل اللى اتقال عن كيبيك فى الموسوعات العالميه) الموضوع ده اكتر من وافى وفيه اكتر من المطلوب , والله انا تعبت نفسى وقريت المكتوب عن كيبيك فى ويكيبيديا بالانجليزى والفرنساوى ولقيه الموضوع ده كاتب كل اللى هناك بالنص وبالعربى وده معناه انه وراه مجهود كبير فى الترجمه, ربنا يكرم كل اللى تعبوا وبذلوا المجهود المشكور ده.

لكن فى ملعومه مهمه وهى اللى اتسالت فيها ما هو اسم رئيس الوزراء فى كيبيك حاليا (M.Jean Charest) معلومات على الرابط ده :-

http://www.premier-ministre.gouv.qc.ca/pre...iographie.shtml

بالتوفيق للجميع

[بيبو كندا]

موضوع المعادلة للمحاسبين فى كندا

مكتوب باللغة الانجليزية و به جميع النقابات و الشهادات لعمل المعادلة

فللمحاسب 3 شهادات هى

CA,CMA,CGA

CGAهى الاسهل

CA محاسب قانونى

CMA محاسب ادارى معتمد

CGA محاسب عام

و كل التفاصيل الاخرى بالموقع الاتى

http://www.immigrati...onal-order.html

طبعا هتختار الشهادة اللى انت عايزها و دوس عليها هيطلع لك بى دى اف ذاكرة كويس جدا

اما الفرنساوى فروح اطلع فوق و غير اللغة و عيش

و كل اوردر من دول ستجد الاميل الخاص بهم فتكتب الخطاب ده و تبعته ليهم و هم يردو

j'ai fait mes études en comptabilité pour 4 ans a temps plein.

J'ai une experience pertinente dans ce domaine plus de .......... ans.

j'ai passe ...... mois pour apprender le frances Jusqu'à la ...... niveau

Dans l'attente de votre réponse ,

veuillez recevoir l'assurance de mes sentements les plus affectueux et mon profond respect.

بعد كده تروح على الموقع ده

http://imt.emploique...otpro=comptable

ده موقع عن عمل مساعد المحاسب هتلاقى فية ايه المطلوب منه يعمله و إيه الشهادة اللي لازم تبقى معه و المرتب المتوقع و الكثير جدا من المعلومات كل اللى عليك انك تذهب اقصى اليسار و تدعس الاتى

Description détaillée

Perspectives professionnelles

Salaires et statistiques

اهمهم الاول و الاخير للمذاكرة الجيدة جدا ايه اللى هتشتغلة هناك و الرق بينة و بين شغلك الحالى و المرتب حوالى من كذا لكذا

طيب ليه مساعد محاسب مش محاسب

اولا لانك مش معاك شهادة كندية ولا خبرة كندية

ثانيا لاتك تستطيع العمل كمساعد من غير معادلة يا دوووب بخبرتك المصرية

بعد كده تروح على الموقع التالى تطبع منه عروض العمل طبعا مساعد محاسب شوية كده حلوين 10 او 15

http://placement.emp.../erechroffr.asp

طبعا وظيفة المحاسب دى حاجة كبيرة قوى فى الكثير من الفروع تحضر كويس انت بتعمل ايه علشان الاسئلة اللى اتسألتلى لو انت مش محاسب ذو خبرة كبيرة جدا مش هتعرف تجاوب ده فى حالة ضرب كلام و بس يعنى مثلا ما تقولش انا اشتغلت فى الميزانية و انت مش عارف بتتعمل ازاى و البنود اللى فيها و هكذا يعنى

يعنى انا اتسألت انت بتعرف تعمل الموازنة ازاى ؟؟؟؟؟

طبعا طبيعة الشغل مكتوبة فى طبيعه الوظيفة لكيبك خد اللى تعرفة منها و كمل انت لا تعتمد على اى حد يترجمها ليك لانها كلها مصطلحات لازم تعرفها زى ما هى مكتوبه

دى من عندى للساده المحاسبين علشان ما يبقاش حد احسن من حد يا دكتور ايهاب :protest: زى الصبادلة و ما حدش يحتج

[بيبو كندا]

اسف تم محوها لانها اكسيل فايل و عند اضافتة حصل له بولولوم

اللى عايز كل مهام المحاسب

يبعتلى اميلة على الخاص و انا تحت امرة

تم تعديل 29 أكتوبر 2010 بواسطة samuel adly

[DrEhab]

موضوع المعادلة للمحاسبين فى كندا

دى من عندى للساده المحاسبين علشان ما يبقاش حد احسن من حد يا دكتور ايهاب :protest: زى الصبادلة و ما حدش يحتج

حبيب قلبى يا صامو (لما ادلعك انا بقى) هو ده الشغل ولا بلاش bv:-

[dr gege]

]دون كاملو 08-11-2010 اسكندرية

2- هارفي حنا 09-11-2010 اسكندرية

3- مايكل 09-11-2010 اسكندرية

4- فريند 10-11-2010 اسكندرية

5- جوجو 11-11-2010 اسكندرية

6- روك 21-11-2010 اسكندرية

7- صيدلي كندي 22-11-2010 اسكندرية

8- تهاني 22-11-2010 اسكندرية

9- عمر 24-11-2010 اسكندرية

10- ميستري 24-11-2010 اسكندرية

11- جوو 28-11-2010 اسكندرية

12 - جيجي 29-11-2010 اسكندرية

13-ارساني مجدي 29-11-2010 اسكندرية

14- ام مونتريال 30-11-2010 اسكندرية

15- امي الديري 01-12-2010 اسكندرية

16- د.مينا 01-12-2010 اسكندرية

17- علاء فرنش 01-12-2010 اسكندرية

18-روا 6-12-2010 اسكندرية

19-رودي 8-12-2010 اسكندرية

20-كريم عبدو 14-12-2010 اسكندرية

21-وجدي 15-12-2010 اسكندرية

اهلا بيك في المنتدي يا ارساني انا ضفتك اهو معاناكلها خلاص5 ايام ونعرف اخبار المقابلات اية ومين هيكون فيها كثفو صلواتكم جميعا عشان ربنا يبعتلنا ناس كويسة :h!!!h: :h!!!h: :h!!!h: :h!!!h: :h!!!h: :h!!!h: :h!!!h: :h!!!h: :h!!!h: :h!!!h:

تم تعديل 29 أكتوبر 2010 بواسطة dr gege

[مايكل وكيرمينا]

مساء الخير للجميع

هااااااانت بقى 10 ايام .

عملت اليوم جولة على فنادق الاسكندرية ووجدت التالى:

1-فندق سميراميس معقول ولكن الغرف ضيقة شوية والليلة 180 جنيه العنوان180 طريق 26 يوليو (الكورنيش )محطة الرمل ت 034846837/034847837 يبعد مسافة 10دقائق الى15 دقيقة بالسيارة(نظرا للزحام فى هذه المنطقة فى توقيت المقبلات ) .

2-فندق وندسور بلاس 4 نجوم السعر 890 لليلة ت 034808256/034808123.العنوان 17ش الشهداء(ايضا الكورنيش )محطة الرمل.

3- فندق يونيون مستوى عادى بطل على البحر الغرفة المزدوج على البحر بدون تكييف 154 بالتكييف 204 تطل على الشارع الجانبى بدون تكييف 118 وبالتكييف 154 حمام خارج الغرفة 70 العنوان 164 ش 26 يوليو محطة الرمل ت 034807771/034807537.

4- فندق الروضة فى الشارع الموازى للنبى دانيال يبعد 5 دقائق مشى فقط مستوى معقول الحمام داخل الغرفة الغرفة المزدوجة بدون تكييف154 بالتكييف 164 العنوان 1ش مرسى بدر خلف قصر ثقافة الحرية ت 033920568/0101638061 .

واعتقد انه انسب الفنادق نظرا لقربه من المكز الثقافى الفرنسى الا لوحد عايز يتفرج على البح دى جاجة تانية .

وهنا اتركم لكم الاختيار ويمكن الحجز بالتليفون ولو حد عايز احجز له انا تحت امره يبعتى على الخاص وربنا يوفقنا جميعا .

(ليس لنا يارب ليس لنا لكن لاسمك اعطى مجدا)

[reemragab]

مايكل وكيرمينا

دي طريقة توثيق شهادة الخبرة

ستى اعملى شهادة الخبرة انجليزى

وروحى الشهر العقارى اللى تابعة ليه الشركة ومعاكى مندوب من الشركة معاه تفويض بالتوثيق والسجل التجارى والبطاقة الضريبية وبعد ما توثقيها تروحى الشهر العقارى خلف دار القضاء العالى بدون المندوب

وها تتمضى تانى من هناك وبعدين على مكتب توثيق الخارجية شارع نهرو خلف الميريلاند او احمد عرابى المهندسين او ميدان لاظوغلى ووثقيها

بالنسبة للتامينات:هما كانوا لازم يعرفوا ان صاحب الشركة جوزك؟

ابعتى مندوب تانى من الشركة ومعاه ورقك كله كانك موظفة ويامن عليكى وله 3 شهور بالراجع من تاريخ التقديم للتامينات وكده كده لازم ها يعمل عقد

الاخ envoyeur

تحية طيبة

طبعا المشاركة دى منقولة بالحرف من مشاركة ليا بمنتدى المطاريد

انا ما عنديش مشكلة نهائى فى اعطاء اى معلومات عشان افيد بيها اى حد لان ده اللى بيحصل معايا بالظبط

بس حضرتك اما تقتبس بس يا ريت لو تغير شويه مش نسخة كربون كده

مين قال ان كارمينا شغالة فى شركة مايكل

طب كنت حضرتك كلفت خاطرك وكمل قراية المشاركة عشان تشيل منها السياق اللى مش مناسب

؟؟؟؟؟؟!!!!!!!!!!!!!!!!!

[sergy]

يا جماعة انا باعت الورق بتاعى يوم 19-9 و لسة لحد دلوقتى مفيش حس ولا خبر دا عادى ولا يقلق شوية

[محمد كيبيك]

ارجو الاضافة في لستة الانترفيو ارساني 29/11/2010 اسكندرية و بي التوفيق للجميع

اهلا وسهلا باللاخ arsany magdy فى المحاورات ناجح باذن اللة و موفق فى طريق الهجرة الى كندا ان شاء اللة

[AggoW]

د_ إيهاب بعد مساء الخير

طبعا النصائح والمعلونات دى هايلة ومفيدة جدا للجميع

ربنا يعوضك عن كل الخدمات اللى بتقدمها لكل من يحتاجها

أشكرك على ردك

كنت عايز اسألك ازاى اقدر اراسلك على الخاص