أمثال رجالى

[mnman]

امثال منمان الشعبية تقدم!!!

" قالوا القرد فتح لبان قلنا تغور القشطة من وشة"

وممكن يتقال:

" قالوا فلان بيحكم الوسية قلنا تغور الوسية من وشة"

كان معكم منمان من معتقلات الوسية!!

[ابو خليل]

بما انها حرب ..

يسعدني ان اكون جندي في أول صفوف الرجال لاسيما ان البنات تطرقوا لامثلة تتكلم عن ( الأقرع ) وهو يعلمون تماما ظروف شعري السيئة ... وعليه فانا اعلن الحرب ... عليهن ... واطلق ما يأتي :

- اكسر للبنت ضلع يطلع لها غيره

- اكفي القدرة علي فهمها تطلع البنت لأمها ..

-قالها ايه اخر اخبار الندالة ؟ قالت له نص كباية الشاي اللي شربتهالك كانت كلور !

-القارعة تتباهي بشعر بنت اختها ... (طيب لو كانت بنت اختها برضة قارعة !!! هتبقي مشكلة )

-جت الحزينة تفرح ملقتلهاش مطرح ....

-كيد النسا غلب كيد الرجال( واسألوني انا!!!! )

-النسوان زي الأكل المسلوق لا طعم ولا ريحة ..

بس كفاية الذخيرة خلصت .. هاشحن ذخيرتي واكمل ...

انها الحرب يا رجال

[فــيــروز]

انا سمعت المثلين دول فى الفوازير بس شغالين بردو وينفعوا فى الحرب المقدسه :o

اللحمه تقول نينى نينى لحد ما ييجى ..... يشترينى :)

قال مال لحمتك مشغته قال اصل الجزار معرفه i*:

وهذه الامثال طبعا بتتكلم عن المهارات الفرديه للرجل فى شراء اللحوم prt:

تم تعديل 6 يونيو 2004 بواسطة فــيــروز

[Cleo]

أكل و مرعى و قلة صنعة (دور معظم الرجال فى البيوت) lo:: lo:: tea))(: lo::

[se_ Elsyed]

أكل و مرعى و قلة صنعة (دور معظم الرجال فى البيوت)  lo::  lo::  tea))(:  lo:: 

أعترض بشدة على التحريف المتعمد في امثالنا التراثية ... ومن الواضح إن هناك بعض الزميلات تستغل الفرصة لتطويع الأمثال لصالحهم . fsh::

بقى بذمتك يا كليو بعض الرجالة اللي أكل ومرعى وقلة صنعة .. والا الستات اللي قاعدين طول اليوم قدام التليفزيون وقدامها حلة المحشي وشوال اللب السوري وعمال تحش طول اليوم ؟..

خدي كده عينة عشوائية من الرجال والستات المصريين ... وخديهم كلهم في عربية نقل لأول طريق مصر-إسكندرية الصحراوي بعد البوابة هاتلاقي هناك يافطة مكتوب عليها " ميزان باسكال " وأوزنيهم واحد واحد وشوفي مين اللي اكل ومرعى وقلة صنعة ؟

بطلوا بقوا لوي للحقائق .

[Farah]

البوار ولا الجوازه العار

[Farah]

بدال لحمك وقلقاسك هات لك طاقيه علي راسك

قال.. لا ابويا ولا امي.... دي مراتي هيا اللي تشيل همي...(شفتوا بقي في الفرح منسيه وفي الهم مدعيه)

تم تعديل 8 يونيو 2004 بواسطة Farah

[Farah]

كيد الرجال بيهد الجبال

[moody00x]

إيه ده حرب الشعانين من جديد...طيب.. وسعولى

متجوزش العاقله اللي امها هبله واجوز الهبله اللي امها عاقله

لبس الخنفسا تبقى ست النسا

عامشه ومكسحه وبتقول للصايغ تقلى الخلخال

متخدش السهتانه ام لبانك تغشك وتعمل عيانه

ساب ام احمد واتجوز ام حسين قال قطيعه تقطع الاتنين

خد الاصيله ولو على الحصيره

ما تآمن للمرأة اذا صلت و لا للخيل اذا كلت و لا للشمس إذا ولت

وزه شافت الحمام بيطير طارت وقعت فى البير

سمره ونغشه ولا بيضه ودفشة

كُلها نيّة قبل ماغيرك ياكلها مستوية

البيوت مقفلة على بلاوي متلتلة

اللى يربط فى رقبته حبل ألف من يسحبه

شيّعت جاني يجيب جاني راح جاني ولا جاني

رحت اجوزها وارتاح من بلاها جتني وجاره اربعه وراها

حسبنا حساب الحيه والعقربه ما كانت على البال

:rolleyes: lo:: lo:: :P

[moody00x]

نقول كمان...

نار جوزي ولا جنت ابويا :rolleyes:

يا قاعدة في الدار يا غالية زي الدولار

الفاجرة داديها و الحرة عاديها

اللى نايمه على ظهرها ماتستاهلش مهرها

ياريتنى حلوه وعرجه...ده الحلاوه فرجه

ياريتني بيضه وكتعه دا البياض متعه

فاتت ابنها يعيط و راحت تسكت ابن الجيران

خنفسة شافت ولادها ع الحيط قالت ده لولى ملضوم فى خيط

تتوب الغازية و كعبها بيرف

جت العازبة تشكى, لقت المتجوزة بتبكى

ازرع قريب وناسب بعيد

ابني علي كتفي وروح ادور عليه

؟

ستى لئيمة و أنا ألأم منها... تعد اللحمة و انا اقطع منها

lo:: lo:: :P :D

[moody00x]

ادلعى يا عوجة فى السنة السودة

ياليله بيضه والعروسه سوده

ست وجاريتين على قلى بيضتين

تيتى تيتى زى ما رحتى زى ما جيتى

وفري نفسك يا حماتي مالي الا مراتي

الشاطرة تقضي حاجتها والخايبة تنده جارتها

الغجرية ست جيرانها

في فرحكم ابص وارجع وفي غمكم لي التلات الربع

اللى جوزها يقول لها ياعورة الناس تلعب بيها الكورة ----واللى جوزها يقول لها ياهانم الناس تقف لها على السلالم

لو كانت بيضة الفرخة لقيَّه يبقى جوز البنت هدية

على ما تتكحل العمشة يكون السوق خرب

إضرب الطينة في الحيطة إن ما لزقت علمت

:rolleyes: lo::

[Farida]

اتلم تنتون على تنتن الأتنين .....و .......

تم تعديل 17 يونيو 2004 بواسطة Farida

[crossfield]

شكلها قلبت حرب بجد

خد عندك يا سى مودى:

الخال خلى من ولاد أخته و العم أعمى عن ولاد أخوه

اكفى الطبق على أخوه يطلع الواد لأبوه

أسمع كلامك أصدقك أشوف أمورك أستعجب

التخين عقله زيه

إن حبنى بخسنى و إن كرهنى جرسنى

أبوك البصل و أمك التوم منين لك الريحة الطيبة يا مشؤوم

الراجل زى الجزار ميحبش إلا السمينة

الدست قال للمغرفة يا سودا يا معجرفة

قالت:كلنا أولاد مطبخ

العرس زوبعة و العريس ضفدعة

الشايب لما يدلع يبقى زى الباب المخلع

اقطع لسان عدوك بسلامه عليكو

سلامو عليكو يا رجال :rolleyes: