ايه انسب مكان لى انا واسرتى للسكن

[egyptawy]

ياجماعة انا شغلى فى العليا دلوقتى ايه انسب مكان لى انا واسرتى للسكن الملز ولا شمال الرياض

انا عايز مكان هادى وراقى وامان ومناسب لاسؤة صغيرة

[se_ Elsyed]

ميزة العُليا أنها في موقع متوسط .. وبالتالي السليمانية والملز قريبين منك ... كمان عندك من حي الورود لحد المرسلات قريبة برضوا ...

لكن كل ده بيعتمد على ميزانية الإيجار برضوا ..

وربنا يوفقك

[egyptawy]

شكرا على ردك يا سن سن

الميزانية من 20 ل 25

عايز غرفتين وصالة

انا يهمنى الرقى ويكون مكان ونس يعنى عشان ابقى مطمن على الجماعة

انا باسمع عن الملز والسليمانية لكن عمرى ما شفتهم

انا ساكن حاليا مع ناس اصحابى فى المروج لكن ما اعرفش مين انسب ك سكن عائلى ايه رايك

المروج ولا السليمانية والملز

شكرا

[se_ Elsyed]

25 كويس ... وممكن تلاقي بهم حاجه 3 غرف كمان

المروج بعيده شويه

خليك في العُُليا نفسها وأنزل برضوا خد لفه في الملز والسليمانية ..

بُص في شارع الفرزدق في مكاتب عقار كتيره جداً ...

انزل واسال وبيبقى عندهم عقارات في المناطق دي ..

وفي مكتب إسمه " الشلهوب " للعقارات هاجيب لك تليفونه النهاردة .. البواب لما عرف إني بأدور على سكن لقيته جايب لي لسته من المكتب ده فيها ييجي 10 شقق بالتفاصيل بتاعتها بس بتبدأ من 25 وأنت طالع

أنا برضوا لسه بادور على شقة ... ولو حكمت ممكن ناخد شقة مشاركة .. أخد أنا أوضة النوم والحمام والمطبخ ... واسيبلك مدخل الشقة والبلكونه ..... قلت إيه ؟ wst::

وعندك مكان شيك قوي وحيوي وعامل زي شارع جامعة الدول كله مطاعم ومحلات وبيشغي ناس ومع كده راقي ... وهو شارع تلاتين السليمانية .... برضوا درو فيه وهاتلاقي بإذن الله ..

[egyptawy]

25 كويس ... وممكن تلاقي بهم حاجه 3 غرف كمان

المروج بعيده شويه

خليك في العُُليا نفسها وأنزل برضوا خد لفه في الملز والسليمانية ..

بُص في شارع الفرزدق في مكاتب عقار كتيره جداً ...

انزل واسال وبيبقى عندهم عقارات في المناطق دي ..

وفي مكتب إسمه " الشلهوب " للعقارات هاجيب لك تليفونه النهاردة .. البواب لما عرف إني بأدور على سكن لقيته جايب لي لسته من المكتب ده فيها ييجي 10 شقق بالتفاصيل بتاعتها بس بتبدأ من 25 وأنت طالع

أنا برضوا لسه بادور على شقة ... ولو حكمت ممكن ناخد شقة مشاركة .. أخد أنا أوضة النوم والحمام والمطبخ ... واسيبلك مدخل الشقة والبلكونه ..... قلت إيه ؟ wst::

وعندك مكان شيك قوي وحيوي وعامل زي شارع جامعة الدول كله مطاعم ومحلات وبيشغي ناس ومع كده راقي ... وهو شارع تلاتين السليمانية .... برضوا درو فيه وهاتلاقي بإذن الله ..

انت راجل زى العسل

طيب بجد ايه رايك ما ناخد دور فى فيلا سوا انا شقة وانت شقة

وهو اوفر وا ارقى وضمان للجار

[se_ Elsyed]

انت راجل زى العسل

طيب بجد ايه رايك ما ناخد دور فى فيلا سوا انا شقة وانت شقة

وهو اوفر وا ارقى وضمان للجار

يا فندم يشرفنا والله ... بس هي فين الفيلا دي ؟ أنا لازم أنقل بأسرع وقت قدامي بتاع شهر .. ولو قدامك حاجه يبقى نتوكل على الله

على فكرة .. حصل معايا موقف غريب جداً .. ويمكن صاحب الموضوع يقرأ المداخلة دي وياريت ألاقي عنده رد وتفسير لما حدث

أحد الأخوة وضع هنا في باب المغتربين منذ أسبوعين تقريباً إعلان وكتب عليه عاجل وألحقوني باموت وحاجات من دي ... عنده شقة في دور بفيلا عاوز يأجرهاوكتب موعد الإتصال المناسب له ... راسلته وأتصلت به وعرفت إن الشقة في شارع جرير يعني جنبي بالملز ... وعرفت منه التفاصيل ... طب يا سيدي أجي أتفرج على الشقة أمتى ؟

فقال لي الساعة 7 مساءً

لم أشأ أن أقول له إن ورايا محاضرة ودراسة ... وقلت ماشي

لغيت المحاضرة ولغبت كل ارتباطاتي ويمكن زهيري صديقنا عارف لأني في هذا اليوم أعتذرت له أيضاً والمفروض كنا نتقابل ....

والعبد لله يعني مشهود له بإحترام المواعيد .. ومواعيدي كلها مظبوطة زي الطيارين

أتصل به يا سيدي الفاضل من الساعة 6 ونص عشان أقول له أنا جاي في ميعادي و7 بالظبط هايلاقيني هناك لأن بيني وبينه 5 دقائق بالسيارة بالظبط ...

من 6 ونص يمكن للساعة الثامنة الموبيل بيرن ولا يُجيب هو .....

وضيع اليوم عليه .. ومن غير حتى إعتذار بكلمة " ورينا عرض قفاك "

اللي مستغرب له بقى :

هو مين كان عارض لمين ؟

أيوه يعني أنا كنت بأدور على شقة ورميت جتتي عليه وقلت له أرجوك أعطني هذا الدواء ؟

وليه حدد الموعد ده بنفسه ؟

ولما هو مش فاضي ولا في 3 دقايق غير رأيه وقال إن الشقة دي بتجيب لي الحظ ومش هافرط فيها ... كان حاطط إعلان ليه ؟

ولو أجرها لحد بعد ما أنا أتصلت في 5 دقايق ... لماذا لم يُجيب ويعتذر لي ويلغي الموعد ؟

أعتقد إن دي أمور خارج اللياقة وخارج الأحترام بين الناس .... لأن أنا نفسي لو ما كنتش هاروح كنت هاعتذر له عشان ما يربطش نفسه بي ..

لكن الظاهر إن الدنيا إتغيرت وإن أنا اللي محبكها شويتين تلاته أربعة

[egyptawy]

عموما انا هادور ولو لقيت حاجة مناسبة هاقولك وانت كمان ياريت تبقى تقولى

انا عرفت انى فيه كمبوند اسمه الحنان فى الملز لكن ما عندهومش حاجة فاضية

فيه كمان مجمع اسمه الخالدية بيقولوا كويس لكن ما اعرفش اوصل لحد هناك وما اعرفش الايجار بكام

لو عايز شقق فى المروج اقدر اقولك على كام شقة فاضية

فيه شقة 3 غرف ب 25

وواحدة كمان ب 29

وشقة غرفتين ب 22

بس هو انت عايز تسيب شقتك ليه؟ لو عشان هى صغيرة انا ممكن اخدها

شكرا وربنا يوفقنا جميعا

[se_ Elsyed]

عموما انا هادور ولو لقيت حاجة مناسبة هاقولك وانت كمان ياريت تبقى تقولى

انا عرفت انى فيه كمبوند اسمه الحنان فى الملز لكن ما عندهومش حاجة فاضية

فيه كمان مجمع اسمه الخالدية بيقولوا كويس لكن ما اعرفش اوصل لحد هناك وما اعرفش الايجار بكام

لو عايز شقق فى المروج اقدر اقولك على كام شقة فاضية

فيه شقة 3 غرف ب 25

وواحدة كمان ب 29

وشقة غرفتين ب 22

بس هو انت عايز تسيب شقتك ليه؟ لو عشان هى صغيرة انا ممكن اخدها

شكرا وربنا يوفقنا جميعا

هاسيبها غضب عني

بالعكس دي شقة كبيرة جداً وما لحقتش أكمل فيها سنة وصاحب العمارة باعها كلها بعد ما أخلاها ..

الحمد لله على كل شيء

[MZohairy]

طيب ليه نسيت حي الورود اللي ساكن فيه عماد يا سين سين؟

و الله حي جميل جدا و اعتقد ان اسعاره ارخص من العليا

[se_ Elsyed]

طيب ليه نسيت حي الورود اللي ساكن فيه عماد يا سين سين؟

و الله حي جميل جدا و اعتقد ان اسعاره ارخص من العليا

شغال ... الوردود جميل ياريس وكفايه ريحته

خلاص نقسمها مناطق ..

إنت يا زهيري عليك الورود والسليمانية

وإيجيبتاوي يدور في الملز والعُليا

وكل يوم تقدموا لي تقارير عن اللي لقتوه وأدرسها وأقول لكم مرئياتي

[egyptawy]

طيب ليه نسيت حي الورود اللي ساكن فيه عماد يا سين سين؟

و الله حي جميل جدا و اعتقد ان اسعاره ارخص من العليا

طيب ياريت عماد يقولنى لو فيه شقق حواليه

وياترى بكام وايه رايه فى الحى

شكرا

[rashed]

فى واحد صاحبى لسه واخد فى حى الورود قريب من ملاهى الخيمة بـ 28 غرفتين , هخليه يسأل إذا كان فى حاجة تانية فاضية معاه فى العمارة

وممكن أجيبلكم مكان الشقة بالضبط على جوجل ارث (google earth) بصراحة البتاع ده بيوفر عليا مجهود كبير لما بوصف لواحد مكان او لو بيتوصفلى .

وبنسبة للتلاتين سليمانية هو مكان ممتاز جدا فى الخدمات , الشارع فيه كل حاجة تقريبا , بس فيه عيب خطير ... الزحمة ... وده بصراحة بيخلقنى جدا وخصوصا اوقات الزروة بيبقى صعب حبة , بس فى ناس مابتفرقش معاها انا قولت انبه للعلم .

إلا قولى يا سين سين هو انت واخد فى أحد عمارات ابن سلييم اللى عمالة تتباع , أصلى شقتى فى العليا فى واحدة من العمارت دى ومهدد بالطرد بعد 3 شهور برده :sad:

[se_ Elsyed]

إلا قولى يا سين سين هو انت واخد فى أحد عمارات ابن سلييم اللى عمالة تتباع , أصلى شقتى فى العليا فى واحدة من العمارت دى ومهدد بالطرد بعد 3 شهور برده :sad:

هههههههههههه لأ انا واخد في عمارات إبن التيتتتتتتتتتتتتتتتتت ....

ما أعرفش إبن سليم دي فين ...

بس من بكره هاسقط على المكاتب بتاعت شارع الفرزدق أدعبس كده شويه وفي بالمناسبة شقق جميلة قوي ورا مستشفى الملك عبد العزيز قبل الفرع الرئيسي لسامبا على طريق الملك عبد العزيز نفسه .. المنطقة دي ماسكه من الملك عبد العزيز لحد الفرزدق وشارع الجامعه ومعهد الإدارة وشارع الستين ومش زحمه ..

جبت الوسيلة وعملت كام إتصال كده عن حاجات في الملز النهاردة .. بس نار يا حبيبي نار

وامبارح دخلت على موقع http://www.expatriates.com/

ولقيت إعلانات كتيره عن شقق في الملز والمناطق المحيطه

لكن كل ما أتصل يطلع يا أطشه هندي ... يا فلبيني بيدور على حاجات قلت أدب وبيطلب حد يشاركه هو وعائلته في الشقة (شيرد فلات ) ....

فطبعاً قشطه .. مش داخل المكان الموبوء ده تاني احسن اتقفش متلبس .. والهيئة ما تعرفش أبوها هنا :lol:

[mama nona]

الاخ سى السيد ,ايجيبتاوى

لو دخلت من الشارع ال مواجه لمستشفى عبيد متجه ناحية مستفى الملك عبد العزيز

المنطقة دى كويسة 3 غرف كانو ب 25الف

وكان فيه برج كبير اسمه مها الرياض اسعاره حلوة وشقق كبيرة بس دى ارزاق ولقط

ادامه بالضبط عمارة المفروض انها خلصت الان لانها كانت بتتشطب ايام ما مشيت

ولو حصلتو حاجة متنسوناش بقى من الدعاء

[se_ Elsyed]

شكراً يا ماما

مانا لسه قايل بس شكلك ما قريتيش المداخلة دي

وفي بالمناسبة شقق جميلة قوي ورا مستشفى الملك عبد العزيز قبل الفرع الرئيسي لسامبا على طريق الملك عبد العزيز نفسه .. المنطقة دي ماسكه من الملك عبد العزيز لحد الفرزدق وشارع الجامعه ومعهد الإدارة وشارع الستين ومش زحمه ..

أنا سألت هناك .. لكن للأسف الـ 25 دول يجيبوا حتتين بصالة شوفت كذا عماره هناك كده .. بس حاجه نضيفه قوي قوي قوي وبالمكيفات ومطبخ ألوميتال وتوضيب سوبر لوكس الحق يقال .. العمارة خلف مها الرياض ولسه جديدة وفيها باركنج كمان تحت العمارة

[egyptawy]

شكراً يا ماما

مانا لسه قايل بس شكلك ما قريتيش المداخلة دي

وفي بالمناسبة شقق جميلة قوي ورا مستشفى الملك عبد العزيز قبل الفرع الرئيسي لسامبا على طريق الملك عبد العزيز نفسه .. المنطقة دي ماسكه من الملك عبد العزيز لحد الفرزدق وشارع الجامعه ومعهد الإدارة وشارع الستين ومش زحمه ..

أنا سألت هناك .. لكن للأسف الـ 25 دول يجيبوا حتتين بصالة شوفت كذا عماره هناك كده .. بس حاجه نضيفه قوي قوي قوي وبالمكيفات ومطبخ ألوميتال وتوضيب سوبر لوكس الحق يقال .. العمارة خلف مها الرياض ولسه جديدة وفيها باركنج كمان تحت العمارة

طيب ياترى دى مجموعة عمارات ولا عمارة واحدة اصل انا عايز الشقة بعد شهر

ممكن تكون موجودة ولا احجز من دلوقتى

شكرا

[se_ Elsyed]

لأ عمارة واحده وفي كذا عمارة هناك

بص ادخل من جنب عمارة مها الرياض .. هاتلاقي تحت محل فول إسمه " الجره "

سيب اول تقاطع بعد 10 متر من دخولك الشارع من طريق الملك عبد العزيز .. اول ناصية سيبها هاتلاقيها تاني عمارة على إيدك الشمال

[se_ Elsyed]

سامحني يا إيجبتاوي .. أنا بعتك بعتك بعتك

بدأت أول امس تناول الدوا المُر ...

والدوا هنا هو البحث عن شقة ..

وروحت تقريباًمكتبين أول أمبارح مكتب في 3 السليمانية .

ومكتب في شارع الضباب

بتاع شارع الضباب وراني شقة بتطل على فندق ماريوت .. قلت حلو ... أنا عضو هناك في النادي الصحي بتاعهم ويبقى فركت كعب .... دخلت الشقة كنت هارجع من قرفها ..

ومكتب السليمانية وراني شقة حلوه جنب " وودن بيكري " وبصراحة جميله وسعرها معقول 25 الف وممكن تتهز 2000 خصم وعمولة المكتب 1000 ريال و 500 ريال عند كل تجديد.... والعمارة شيك قوي قوي

قلت أدور تاني

نزلت مكتب تاني في الملز ... وفرجني على شقتين كويسين جنب مستشفى قوي الأمن .. أو تقدر تقول قُرب الشعلة ومركز الاهرام التجاري الشقة نضيفة وعلى السكن بـ 28 الف .... ولو دفعت مره واحده في بادية السنة ممكن تبقى 25

وبإذن الله هاقرر النهاردة

يالله شد حيلك وعاوزين نفرح بيك عن قريب

[ozoozo]

wst:: والله بتصعبوا عليا يابتوع الرياض

احنا عندنا في كفر ابو ابها وكفر ابو خميس غير

انا اغلي شقه شفتها لغايه دلوقتي كانت خمس غرف كبار وصالتين كبار برضه + سيكيورتي + 2 باركنج في الجراج + وصله دش مركزي + النور + والمياه + الغاز (اسطوانه كبيره مركزيه) ده غير ان الشققه لسه مبنيه جديد اول ساكن توضيب ممتاز والارض كلها سيراميك والشقه حمامين وموجوده علي الطريق الرئيسي...........كل ده بكام يامؤمن؟

ب واحد وعشرين الف بس

وكتابه العقد 500 ومافيش رسوم تجديد

ودي كانت اغلي شقه انا شفتها حدانا في الكفر

[se_ Elsyed]

wst:: والله بتصعبوا عليا يابتوع الرياض

احنا عندنا في كفر ابو ابها وكفر ابو خميس غير

انا اغلي شقه شفتها لغايه دلوقتي كانت خمس غرف كبار وصالتين كبار برضه + سيكيورتي + 2 باركنج في الجراج + وصله دش مركزي + النور + والمياه + الغاز (اسطوانه كبيره مركزيه) ده غير ان الشققه لسه مبنيه جديد اول ساكن توضيب ممتاز والارض كلها سيراميك والشقه حمامين وموجوده علي الطريق الرئيسي...........كل ده بكام يامؤمن؟

ب واحد وعشرين الف بس

وكتابه العقد 500 ومافيش رسوم تجديد

ودي كانت اغلي شقه انا شفتها حدانا في الكفر

هههههههههه

عشان كده تلاقي أبها كلها 5 انفار وهما شقتين اللي فها والناس بيبدلوا فيهم السكن ..

طب إيه رأيك نيجو نسكن عندكو وناخدها طيران كل يوم من أبها للرياض ؟

لأ يا عم الرياض هي دُرة مدن السعودية ...

لا تقولي رطوبة وتلزيق عند عنبو في جده

ولا شبورة وهوميد في الدمام عند الشيف بندق

إحنا هنا بنتسلق - سوتيه - و100 فل وأربعتاشر ... على الأقل الأكل المسلوق صحي ومفيد وخفيف عالمعدة ...