موضوع بيع التأشيرات ... هام جداً

[se_ Elsyed]

قمت بحذف موضوع يخص زملاء بيبحثون عن تاشيرات للسعودية للبيع .. واخرون يعرضون أمامهم بضائع من تأشيرات مختلفة موجودة ويطلبون الثمن ...

وهنا اريد أن أُحذر من هذا الوضع الغريب والشاذ ..

لإن عفواً دي البهدلة والنصب بعينه ..

وعلى اي وسيط أو بائع أن يبتعد عن مثل تلك الأفعال المُشينة .. لان مافيش شركة أو مؤسسة محترمة بتعمل حاجه أسمها بيع تاشيرات

ولكن للأسف لو حدث فبتبقى كلها مِهن حقيرة زي سائق خاص وعامل زراعي أو عامل عادي ...

الشخص تلاقيه مؤهل عالي ويفرح ويدفع دم قلبه وييجي هنا يسف التراب ويقول يا ريتني ما جيت

يكفي أن أقول لكم إن الشخص المشتري سيظل تحت رحمة هذا النخاس بائع التاشيرات لمدة سنتين لا يستطيع خلالهما أن ينقل كفاله على أي شركة محترمة وجد فيها عمل ..

ويكفي أن نعلم أيضاً أن هناك مهن مستحيل يتنقل لها كفالة إلا في حالات خاصة جداً وبمنتهى منتهى الصعوبة زي سائق خاص وعامل زراعي ...

وبالتالي هايبقى الواحد خسر كل شيء .. والاهم من ذلك خسر نفسه وراحة باله .

وبهذا فلن يكون منتدانا جزء من تلك الألعاب الخطرة ... وبالتالي يُنمع منعاً باتاً التحدث في مثل تلك الامور هنا .

[شريف مان]

الله يكرمك

[shiko]

طب ممكن نعرف ايه هى الوسائل السليمة والشرعية للسفر بدون مشاكل ...

يعنى لو حد عاوز يسافر يشتغل بره يعمل ايه ومايعملش ايه ....؟؟

ياريت اصحاب الخبرة والافادة يساعدوا الناس علشان ماتقعش فى مشاكل من النوع ده

تم تعديل 18 يوليو 2010 بواسطة shiko

[se_ Elsyed]

طب ممكن نعرف ايه هى الوسائل السليمة والشرعية للسفر بدون مشاكل ...

يعنى لو حد عاوز يسافر يشتغل بره يعمل ايه ومايعملش ايه ....؟؟

ياريت اصحاب الخبرة والافادة يساعدوا الناس علشان ماتقعش فى مشاكل من النوع ده

عادي جداً يا شيكوز زي كأنك عاوزه تشتغلي في مصر

- إعلانات في الجرايد والمجلات والصحف اليومية

- مواقع التوظيف المشهورة المحترمة زي

http://www.bayt.com/en/saudi-arabia/

http://my.monstergulf.com/create_account.html

وغيرها أدرمغ الدنيا بالسي في بتاعتي

- اعمل سي في كويسه مش مزيته وتقرف البوبي .. وانزل مكاتب تسفير العمالة المحترمة والموثوق فيها ودي بتتعرف بالخبرة وأوزع السي في عليهم ...

قبل ده كله ... أبقى إنسان له كيان ... معليش يا جماعه لا مكان للكفتجية ... يعني خريج حديث وما عندوش اي خبرة ولا لغة ولا بيعرف يعمل حاجه في الدنيا .. طب هايسافر يعمل إيه ومتوقع ايه نوعية الشغل اللي هايلاقيه ؟

لا العملية عاوزه تعب شوية ما تتمرمط في مصر شويه وخد خبره يا عم وما تحلمش تطلع بالأسانسير مره واحده وخدها سلمه سلمه ... لأنها عرض وطلب .. إنت بتعرض بضاعة صيني مضروبة .. يبقى لا تتوقع علية القوم هاييجوا يشتروا منك .. لانك هاتلاقي المشتري مضروب هو راخر وممكن يشتريك وتيجي تلاقي نفسك عبد هنا مربوط في حجر ومرمي في رمضاء مكه وعمال تقول أحد احد وماحدش سامعك

برضوا لحد دلوقت أنا شوفت كتير وقليل ومش قادر أفهم .. أنا رايح أشتغل في شركة .. أقوم ادفع مبلغ وقدرة عشان يشغلوني .؟

تيجي إزاي دي ؟

وهالحق أجمع الفلوس دي أمتى لما أبتدينا بالدفع ؟؟؟؟؟

[Diab]

ولكن للأسف لو حدث فبتبقى كلها مِهن حقيرة زي سائق خاص وعامل زراعي أو عامل عادي ...

أبو عمر تلك المهن ليست حقيرة ولكنها قد لا تناسب حملة المؤهلات العليا ليس إلا :roseop:

تحياتي

دياب

[kingsabry]

برضوا لحد دلوقت أنا شوفت كتير وقليل ومش قادر أفهم .. أنا رايح أشتغل في شركة .. أقوم ادفع مبلغ وقدرة عشان يشغلوني .؟

تيجي إزاي دي ؟

وهالحق أجمع الفلوس دي أمتى لما أبتدينا بالدفع ؟؟؟؟؟

جميله الجمله دي يا س س

بس صدقني مش كله بيدفع وخلاص

دي تعتبر زي اختصار لعملية المقابلات في مصر ومعظم الشركات برده مش بتعرف تعمل استقدام فبتاخد من اللي موجود في السوق

[mekkawy]

أخونا س س قام بالواجب و زيادة في الرد على أختنا شيكو و قال كل اللي في نفسي

و بأحييك على مفرداتك يا كبير و أهمها (راخر) :lol:

فيفا لو شاركيا.. و الله وحشتناأراب ريببلك أوف زجازيج

مكاوى

[se_ Elsyed]

ولكن للأسف لو حدث فبتبقى كلها مِهن حقيرة زي سائق خاص وعامل زراعي أو عامل عادي ...

أبو عمر تلك المهن ليست حقيرة ولكنها قد لا تناسب حملة المؤهلات العليا ليس إلا :roseop:

تحياتي

دياب

لأ يا دبدوب

أنا ما أقصدش بالتأكيد إن اللي بيشتغل المهنة دي يبقى أي كلام ..

لأ طبعاً

لكن أقصد إن ليه ابقى مهندس أو محاسب او طبيب والله شوفتهم كده ويطلع على مهنة زي دي ... ووإنت مغمض كده بتعرف إنه بيرجع يعيط ويقول ياريت اللي جرا مكان ...

[justtrying]

انا بصراحة شوفت مناظر هنا الواحد كان قلبة بيتقطع بس للاسف هما الي اختاروا كدة وللاسف المصريين هما اساس بيع التأشيرات يعني المصريين هما الي بيعملوا في المصريين واي موضوع بالاسلوب ده هيكون وراه مصري وتخطيطه مصري وتنفيذه مصري

والكفيل ما هو إلا انه بيقبض فلوس وخلاص

بتلوموا مين طيب ؟ !!!

نلوم نفسنا الاول وبعدين نبدأ نتكلم على الغرب

تم تعديل 25 يوليو 2010 بواسطة justtrying