متابعة لموضوع إنقطاع الكهرباء في المحروسة

[se_ Elsyed]

أسف للعنوان .. هاغيره والله لما أهدى شويه .. أصلي مالقيتش عنوان غير كده لما قرأت الخبر ده الصادر عن مجلس الوزرا

بعد مبادرة (ساعة الأرض).. الحكومة تتجه لإغلاق المحلات 7 مساءً لترشيد استهلاك الكهرباء

7/18/2010 11:58:00 AM

القاهرة - محرر مصراوى - صرح الدكتور مجدى راضي المتحدث الرسمى لمجلس الوزراء بأن الحكومة تدرس حاليا اقتراح بإغلاق جميع المحلات فى السابعة مساءً بهدف ترشيد استهلاك الكهرباء، وتخفيف الضغط المرورى على وسط القاهرة .

وأوضح راضى فى اتصال هاتفى ببرنامج "مصر النهاردة" بالتلفزيون المصري السبت أن ظاهرة الظلام فى شوارع القاهرة جاءت بقرار من مجلس الوزراء بهدف خفض الاستهلاك الذى زاد فى فصل الصيف بنسبة 40% بسبب تشغيل التكييفات .

وأضاف راضي أن مجلس الوزراء قرر خفض استهلاك المحافظات من الطاقة الكهربائية بنسبة 50% بدءاً من المبانى الحكومية، والإنارة فى الشوارع التى تركت طريقة إنارتها لكل محافظة حسب قدرتها وذلك بدلا من إطفاء الأنوار فى المنازل.

واشار راضي إلى انه تم التشديد على المسئولين فى كل المباني الحكومية بتخفيف الإضاءة نهاراً قدر الإمكان، والتأكد من إطفاء كل أنوار المباني فيما عدا العاملين ليلاً.

وناشد المتحدث الرسمى لمجلس الوزراء المواطنين بترشيد استهلاك الكهرباء خاصة فى التكييفات ،واستخدام اللمبات الموفرة للطاقة.

يذكر أن مصر و92 دولة أخرى قد شاركوا في مبادرة "ساعة الأرض" لإطفاء الأنوار لمدة ساعة يوم السبت الموافق 27/3/2010 من الساعة الثامنة والنصف وحتى الساعة التاسعة والنصف مساء بهدف حماية الكوكب من ظاهرة الاحتباس الحراري وتحجيم الإنبعاثات الحرارية ومشاركة المجتمع الدولي في مواجهة ظاهرة التغيرات المناخية، والمساهمة في ترشيد استهلاك الطاقة.

والجدير بالذكر أن شركة "لينك دوت نت " قد شاركت في المبادرة بإطفاء أنوار مكاتب مبناها الإداري وبذلك تنضم إلى الأماكن الأشهر في مصر والتي قررت الانضمام للمبادرة مثل الأهرامات والقلعة وبرج القاهرة وغيرها من الأماكن.

[se_ Elsyed]

زمان وأنا صغير لما كنت بأسافر الشرقية بلدنا .. كنت بانبهر طبعاً بجو الجواميس والحمامير والحناطير وأقعد اتامل العالم الغريب ده

لكن لاحظت والله إن حتى الحيوانات بتفهم بالفطره

يعني الواحد كان ييجي يسوق الحمار عشان يروح الغيط تلاقيه متمسمر في الأرض وما بيمشيش الا بالطبل البلدي ..

طب خد الدايري بقى ووجهه من الغيط ناحية البيت ... تلاقيه بقى رهوان ونزلت عليه قوة 230 حصان

يعني بيفهم أهو ؟؟؟

أومال الحكومة عندنا طالعه لمين ؟

أيوه انهي حيوان يعني ما بيفهمش عشان نشهبهم به ؟

يعني يابُعده ياللي مالكمش وصف

يا تسيب الدنيا تبقى مسخره والمحلات اللي له لازمه واللي مالوش شغال 24 ساعه ... وأستهلاك كهربا وزحمة شوراع وتحرش ومعاكسات من صيع قاعدين على قهاوي لخلق الله اللي رايح واللي جاي

يا إما تنيم الناس زي الفراخ من الساعة 7 ولما احب اجيب زبادي أبقى أشتريه قبلها بأسبوع ؟ ومحلات كتيره يتخرب بيوتها وتسرح العماله اللي شغاله عندها لان ممكن كده تصفي على شغل ساعتين في اليوم من 5 - 7 لأن ده طبيعة شغلها

إنتو إيه ؟

أمخاخكم دي فيها جزم قديمة كلها فرده شمال كمان

مجرد طرح الفكرة للدراسة بهذا المنظر يدل على المخ العجيب بتاعهم لو كان عندهم مخ

وياما صوتنا أتنبح وقولنا اللي بيحصل في مصر ده غير طبيعي

يعني إيه محل عصير يفتح 24 ساعه ؟

يعني إيه واحد بيصلح تليفزيونات تلاقيه نايم طول النهار ويفتح من بعد المغرب لتاني يوم الصبح ؟

والله العظيم باحتاج أصحى مثلاً الساعة 10 اخلص مصالحي مع إن كده متأخر .. ولو أحتاجت أصور ورقه في مكتبه بادوخ دوخة الأرملة على معاش جوزها لان البهوات بيصحوا بعد العصر

وعادي جداًً تلاقي عيل عنده 3 سنين بيلعب في الشارع الساعة 3 الفجر

او عادي تلاقي عديلي إتصل بيه الساعة 3 بالليل أروح أتعشا معاه !!!!!!!!!!! ما هو ده الطبيعي والسهرة بتبدأ في الوقت ده في الصيف وبأبقى ماشي عامل زي الكائن الحلزوني العجيب اللي جاي من المريخ ولونه أخضر وراسه طويله وعينه في قفاه

إيه الشقلبة دي وإيه البلد اللي مالهاش كبير دي ؟

اول مره أروح دُبي زمان قوي ... وصلت بالليل ووانا سايق مش باعرف أكل أو أشرب حاجه ... وكنت هاموت من الجوع ... نزلت بار دبي قبل ما أستقر على الفندق اللي هاننزل فيه انا والمقاطيع اللي معايا ... الساعة 10 مساءً .. وإني ألاقي محل فاتح أو سريخ إبن يومين ماشي في الشارع .. أبداً

فضلت أسأل لما قالوا لي روح الديره وهناك هاتلاقي محلات قليلة للأكل شغاله

كذلك هنا في الرياض

موعد غلق .. خلاص انتهت ما تناقشش ... كنت يوم الخميس الماضي في كوفي شوب صديق لنا بشارع التحلية ... وجت 12 الا خمسه مساءً والكل لازم يقفل وخرجنا بره قعدنا على الرصيف في الضلمه

الإحترام حلو

لكن البلطجه بتؤدي بنا إلى إننا نرجع 50 سنه ورا أيام ما كان قطع النور هو العادي وانت وحظك وبدل ما تلعن الظلام .. لا ألعن اللي جابو الأمخاخ دي

بلا قرف

[ozoozo]

قرات في عدد الدستور من يومين انهم بقوا يقطعوا النور -عن المناطق البيئه بس زي دار السلام وخلافه-عشان تخفيف الاحمال وعشان البهوات يتكيفوا في المناطق التانيه بتاعه ولاد الناس

وطبعا زادت حالات السرقه والاختناقات في تلك المناطق اثناء انقطاع الكهرباء

كل ده عشان ولاد الايه يتكيفوا

[se_ Elsyed]

قرات في عدد الدستور من يومين انهم بقوا يقطعوا النور -عن المناطق البيئه بس زي دار السلام وخلافه-عشان تخفيف الاحمال وعشان البهوات يتكيفوا في المناطق التانيه بتاعه ولاد الناس

وطبعا زادت حالات السرقه والاختناقات في تلك المناطق اثناء انقطاع الكهرباء

كل ده عشان ولاد الايه يتكيفوا

لأ يا أخي ما تصدقش

هـــا يقطعوا ؟؟؟

ما بقى يحصل يا زوز واتنفذ فعلاًً وبشكل منتظم وحاجه زبالة بعيد عنك

ووزير الكهربا ورئيس مصلحة الكهربا يقول بالفم المليان .. سمعته والله يا عم ..: نعلم لكم إيه ما كل واحد مشغل في بيته بالتلات أربع مكيفات .. وقاعد في اوضه وسايب المكيفات شغاله في الأوض التانية

تخيل ؟

ده عند مين بيحصل ده يابن تييييييييييييت ؟

ده انا لو عندي 4 مكيفات في مصر كنت زماني بقيت وزير البيئة ... أو بلاش دي احسن حد يقول لي يا بيئة ... كنت زماني بقيت وزير العمل بدل عيوشه وماحدش يقدر يكلمني لأني راجل متكيف

[ابو محمد بن مصطفي]

محلات ايه اللي هيقفلوها هي نقصه المحلات اساسا بتنش مفيش حد بيبيع ولا بيشتري

طب ايه لزمة السد العالي دحنا ياحكومة يابنت ستين في تسعين بنصدر كهربا

ارض ايه وجو ايه

ثم فين المواطنين اللي مشغلين التكييفات اناء الليل واطراف النهار دول اكيد في مناطق استحالة ان ينقطع عنها الكهرباء

ولا هما هيقطعوا الكهرباء عن الاحياء الفقيرة من اجل انارة الاحياء الغنية

الملاحظ الصيف ده ان اليوم الحر بتنقطع الكهربا فيه ساعة او ساعتين علي الاقل في الاحياء الشعبية اما الاحياء الخمس نجوم باعمدة الكهرباء مضاءة بالنهار كمان

فاكرين يوم ماتش الاهلي والاتحاد الليبي كان يوم حر اخر حاجة ..... اليوم ده الكهربا قطعت قبل الماتش بربع ساعة في 95% من مصر

[se_ Elsyed]

بركاتك يا حج صالح

هههههههههههه

ليه واحد صاحبي مطرقع .. حكيت لكم عنه ... من أكثر من 10 سنوات أخترع حاجه إسمها " مناطق العزل " والله بيتكلم جد قبل دريم والرحاب والحاجات دي

مره كان عامل دماغ .. يخرب بيت كده مش عارف بيشرب ايه الواد ده .. مهندس برمجيات هو ...

لقيته جاي لي أوضتي فجاة كده وعينه مدغششه ومش طبيعي وبيقول لي : عارف .. أنا فكرت في فكرة بمليون جنيه عشان نعرف نعيش صح في مصر .... إحنا نعمل في مصر مناطق نسميها مناطق العزل

قلت له أه يابو صلاح ... يعني مناطق نعزل ليها .... صح ؟

قال لي لأ نعزل إيه ... إنت دماغك دي فيها إيه ( ده أنا واخدين بالكم )

يا بني مناطق العزل دي .. مُدن كبيررررررررررررة ... نبنيها في حتت نضيفة وبعيده .. ونعمل حواليها أسوار عاليه متكهربه .... وامن وكاميرات مراقبة وحراس واقفين بأسلحة قناصة ... وإحنا بقى اللي هما الناس النضاف يعني نعيش جوه ... اكلنا وشربنا وسلطاتنا وبابا غنوجنا متوفره جوه داخل الأسوار ... ومش محتاجين حاجه من حد بره

بره بقى يبقى الناس البيئة اللي ممنوع يقربوا مننا ... واللي يقرب يتكهرب

وبكده نضمن بقاء الجنس النضيف ...اللي هو أحنا

وهما بقى البيئة يعني مع نفسهم ويروحوا في داهيه

حد فاهم حاجه من أبو صلاح ؟

[ابو محمد بن مصطفي]

بركاتك يا حج صالح

هههههههههههه

ليه واحد صاحبي مطرقع .. حكيت لكم عنه ... من أكثر من 10 سنوات أخترع حاجه إسمها " مناطق العزل " والله بيتكلم جد قبل دريم والرحاب والحاجات دي

مره كان عامل دماغ .. يخرب بيت كده مش عارف بيشرب ايه الواد ده .. مهندس برمجيات هو ...

لقيته جاي لي أوضتي فجاة كده وعينه مدغششه ومش طبيعي وبيقول لي : عارف .. أنا فكرت في فكرة بمليون جنيه عشان نعرف نعيش صح في مصر .... إحنا نعمل في مصر مناطق نسميها مناطق العزل

قلت له أه يابو صلاح ... يعني مناطق نعزل ليها .... صح ؟

قال لي لأ نعزل إيه ... إنت دماغك دي فيها إيه ( ده أنا واخدين بالكم )

يا بني مناطق العزي دي .. مُدن كبيررررررررررررة ... نبنيها في حتت نضيفة وبعيده .. ونعمل حواليها أسوار عاليه متكهربه .... وامن وكاميرات مراقبة وحراس واقفين بأسلحة قناصة ... وإحنا بقى اللي هما الناس النضاف يعني نعيش جوه ... اكلنا وشربنا وسلطاتنا وبابا غنوجنا متوفره جوه داخل الأسوار ... ومش محتاجين حاجه من حد بره

بره بقى يبقى الناس البيئة اللي ممنوع يقربوا مننا ... واللي يقرب يتكهرب

وبكده نضمن بقاء الجنس النضيف ...اللي هو أحنا

وهما بقى البيئة يعني مع نفسهم ويروحوا في داهيه

حد فاهم حاجه من أبو صلاح ؟

ما البلد بقت كدة

هدف الحكومة القضاء علي الشعب المصري (البيئة من وجهة نظرهم)

بس بعد القضاء علي الشعب هيسرقوا مين ويضحكوا علي مين ويموتوا مين ......... الشعب بقي حقل تجارب

[dongol]

يا باشمهندس سي السيد

يا ريت تكبر خطك شوية

يعني مش هتبقي حضرتك و الادارة علينا

و لا انتوا عاملين اتفاق ضمني تخلوا نظر الاعضاء شيش بيش

اوعي تزعل انا بهزر

دنجل

[se_ Elsyed]

يا باشمهندس سي السيد

يا ريت تكبر خطك شوية

يعني مش هتبقي حضرتك و الادارة علينا

و لا انتوا عاملين اتفاق ضمني تخلوا نظر الاعضاء شيش بيش

اوعي تزعل انا بهزر

دنجل

يا باشمهندس دنجل دي خطه ومرسومة ومتنفذه

الحكومة تطفي النور وتنيمنا من المغرب ( يبقوا يستلموا بقى زيادة السكان والخلفة اللي هاتبقى على ودنه .. ما هي الناس فاضية وبتنام من المغرب .. فالكل هايسلي نفسه ويقول لك بدل ما أحنا فاضيين اهو نبقى منتجين وكده يعني ) :lol:

والإدارة تصغر الخط ( بحيث ماحدش برضوا يشوف حاجه )

وبعد كده هاندخل المنتدى نحسس بعيد عنك ...

بس مش عاوزين تهريج .... ماحدش ياخدها حلوانه في سلوانه ويقول : اعمل لكوا إيه مانا مش شايف !!!

مش شايف برضوا ولا بتتلكك ؟؟ wst::

انا من الناس اللي بيعانوا وجايب ميكرسكوب عمال أنقي به الحروف ..

------------------------------

يا بختكو ياللي مش لابسين نظارات .. تلاقيكوا شايفين كل حاجه كبيرة وحلوه ولا فارقه معاكو .... مانتو نظركو 6/6 ..

لكن إحنا .... إحنا ياللي اتحرمنا من نعمة النظر عمالين نحسس ونشرب بيريل .. قصدي بنكتب بطريقة بيريل

[محمود حازم]

انا رأيي يعملوا الكهرباء بنظام الكارت المدفوع مقدما مش فاتوره عشان كله يستخدم على اده وعلى اد جيبه

[الغريب]

قرات في عدد الدستور من يومين انهم بقوا يقطعوا النور -عن المناطق البيئه بس زي دار السلام وخلافه-عشان تخفيف الاحمال وعشان البهوات يتكيفوا في المناطق التانيه بتاعه ولاد الناس

وطبعا زادت حالات السرقه والاختناقات في تلك المناطق اثناء انقطاع الكهرباء

كل ده عشان ولاد الايه يتكيفوا

ليه كدة بس ، على فكرة أنا من دار السلام :rolleyes:

[se_ Elsyed]

قرات في عدد الدستور من يومين انهم بقوا يقطعوا النور -عن المناطق البيئه بس زي دار السلام وخلافه-عشان تخفيف الاحمال وعشان البهوات يتكيفوا في المناطق التانيه بتاعه ولاد الناس

وطبعا زادت حالات السرقه والاختناقات في تلك المناطق اثناء انقطاع الكهرباء

كل ده عشان ولاد الايه يتكيفوا

ليه كدة بس ، على فكرة أنا من دار السلام :rolleyes:

لأ يا غريب إنت فهمت أزوزه غلط

هو قصده إن دي نظرة الحكومة المفترية للناس في مصر على إنهم طبقات وفي مناطق هاي وفي مناطق اخرى بيئة ... وبالتالي البيئة لازم يموتوا عشان الهاي يعيشوا .. مع إن البيئة دول من وجهة نظرهم القذرة هم أسيادهم وتاج راسهم

[محمد عبدالعزيز]

الحكومة دى لا عايزة تحل ولا تربط, بس المشاكل تفضل تتراكم فوق بعضها لغاية ما تبقى كارثة.

اللى أعرفه إن احنا عندنا شمس فى الصيف طول النهارودرجة الحرارة مرتفعة, وحالياً بقى أغلب أيام الشتا كمان بتبقى الشمس طالعة, وأعرف إن فى انظمة إضاءة دلوقتى بتستخدم فى الحدائق معتمدة على الطاقة الشمسية.

اللمبة تقعد تشحن طول النهار, وبالليل نورها براحتك, ولا تقول لى نضلم الشوارع الجانبية ولا الرئيسية, والموضوع مش محتاج أكتر من شوية مخ صغيرين وحد يكون قلبه على البلد ويكون بيفهم وهو يقدر يحل المشاكل التافهة دى بأفكار بخمسة قروش.

بس إزاى بقى مايحرقوش دمنا ويزودلنا الضغط والسكر؟

فى حلول كتير من وجهة نظرى, بس احنا نتحرك مش نستنى لغاية ما نجيب خبير أجنبى من اللى معاهم إعدادية ييجى ياخد له كام ألف فى الشهر عشان يحل لنا مشاكلنا.

[HanaaOsama]

بركاتك يا حج صالح

هههههههههههه

ليه واحد صاحبي مطرقع .. حكيت لكم عنه ... من أكثر من 10 سنوات أخترع حاجه إسمها " مناطق العزل " والله بيتكلم جد قبل دريم والرحاب والحاجات دي

مره كان عامل دماغ .. يخرب بيت كده مش عارف بيشرب ايه الواد ده .. مهندس برمجيات هو ...

لقيته جاي لي أوضتي فجاة كده وعينه مدغششه ومش طبيعي وبيقول لي : عارف .. أنا فكرت في فكرة بمليون جنيه عشان نعرف نعيش صح في مصر .... إحنا نعمل في مصر مناطق نسميها مناطق العزل

قلت له أه يابو صلاح ... يعني مناطق نعزل ليها .... صح ؟

قال لي لأ نعزل إيه ... إنت دماغك دي فيها إيه ( ده أنا واخدين بالكم )

يا بني مناطق العزل دي .. مُدن كبيررررررررررررة ... نبنيها في حتت نضيفة وبعيده .. ونعمل حواليها أسوار عاليه متكهربه .... وامن وكاميرات مراقبة وحراس واقفين بأسلحة قناصة ... وإحنا بقى اللي هما الناس النضاف يعني نعيش جوه ... اكلنا وشربنا وسلطاتنا وبابا غنوجنا متوفره جوه داخل الأسوار ... ومش محتاجين حاجه من حد بره

بره بقى يبقى الناس البيئة اللي ممنوع يقربوا مننا ... واللي يقرب يتكهرب

وبكده نضمن بقاء الجنس النضيف ...اللي هو أحنا

وهما بقى البيئة يعني مع نفسهم ويروحوا في داهيه

حد فاهم حاجه من أبو صلاح ؟

هو صاحبك الي ألف الروايه العجيبه الغريبه الي نزلت مؤخرا الي اسمها " يوتيبوبيا " اصلها نفس القصه بالحرف و لا المؤلف الي غشها منه :)

[doha]

هو لو رسيت الحكايه على مجرد خبر يبقى مش مستاهلة زعل .. ساعات الاخبار الي زي كده بتكون ضرورية عشان نقنع ( المجتمع الخارجي ) اننا دولة عندها نقص في الموارد ومحتاجين مصادر اخرى للكهرباء غير السد العالي وبالتالي مقدامناش غير نولدها بالطاقة النووية يعني احنا من الآخر مضطرين ومسالمين ومش ناويين ناخذ النووي نبعزقه على ولاد الحرام .. وهتلاقي السسيستم ده بيتبع برضه في موضوع المياه الي لازم من وقت للتاني تطلع فرقعات تثبت للناس الي بره اننا مش لاقيين ( بق ) المية جوه ..

طبعا كل ده بيحصل ( ساعات ) الله اعلم ان كان الخبر ده في ساعه منهم ولا لأ ..

[se_ Elsyed]

قرار جواميسي رقم 113 تقسم جيم بسنة 2010

يونس: مجلس الوزراء قرر تخفيض إنارة الشوارع بنسبة 50% لترشيد الكهرباء

7/20/2010 8:13:00 PM

متابعة: هيثم فارس- قرر مجلس الوزراء الثلاثاء ترشيد استخدام الكهرباء فى الإنارة العامة بالطرق بنسبة 50%.

وقال "راديو مصر" نقلا عن الدكتور حسن يونس، وزير الكهرباء والطاقة، إن قرار مجلس الوزراء تضمن إجراء التنسيق اللازم بين وزارتي الكهرباء والطاقة والتنمية المحلية لخفض استهلاك المحافظات من الكهرباء فى الإنارة العامة بالطرق بنسبة 50 %".

وأوضح أن تطبيق هذه التجربة جاء بعد أن تمت تجربتها فى عدد من الشوارع وقياس شدة الإضاءة والتأكد من عدم تأثيرها على حركة السير والمرور، وأن شدة الإضاءة بعد التخفيض تصبح فى حدود المعدلات العالمية .

شاهد الفيديو

وزارة الكهرباءوكان وزير الكهرباء قد أكد فى تصريحات سابقة أن الأجهزة المسئولة فى مصر اضطرت الى ترشيد استهلاك الكهرباء وقت الذروة، مضيفا انه من تم اللجوء الى تخفيض إنارة الشوارع ليلا لتخفيف الأحمال على محطات توليد الكهرباء، نظرا لكثافة معدلات الاستهلاك أشهر فصل الصيف في ظل استخدام أجهزة التكييف.

قال وزير الكهرباء " إن الاستخدامات المنزلية للكهرباء زادت بصورة كبيرة، كما أن عدد أجهزة التكييف المستخدمة ارتفعت من مليون جهاز الى 3 ملايين خلال الفترة من عام 1996 الى 2009 طبقا لتقدير الجهاز المركزي للتعبئة والإحصاء ".

[se_ Elsyed]

أنطح أنطح يا عم الحاج ماحدش واخد باله

وهو من أمتى الشوارع كانت منوره عشان تخفضوا نسبة الأنارة 50 % ؟

أيوه يعني إيه الوضع دلوقت .. الطرقات اللي بيحصل عليها حوادث ليل نهار نتيجة أهترأ البنية الأساسية اللي فلق دماغنا بها القائد .... وعواميد النور اللي عامله زي ضوء الشموع وكل ده بيؤدي إلى حوادث يومية .... مش مكفيكوا ده كله وهاتخلوا النور سهاري كمان ؟

هو المسئولين بتوع الكهربا ما سمعوش عن حاجه إسمها إنارة بالطاقة الشمسية وهي غير مكلفة وتدوم طويلاً .؟

او اللمبات الموفرة والصيانة الدورية ؟

ياااااي . عدد اجهزة التكييف زاد وعمل لنا مشكلة ....

يا توتو !!!!!! .... أومال لو عندك مصانع زادت وبقت تستهلك كهربا .. ولو عندك مُدن كتيرة بتتبني كل يوم ..... كنا طفينا النور 12 ساعة في اليوم بقى كما يحدث في لبنان الأن أو كوريا الشمالية أو الدول اللي وراء التاريخ ؟

وليه الأن بتصدر كهربا لبعض الدول العربية يا فييص ؟

وليه بتصدر الغاز لأسرائيل يا يهودي ؟

تعرفوا إن إسرائيل كان عندها 5 محطات توليد كهربا كبيره وبتشتغل بالفحم وده مُكلف جداً جداً ...وكان عامل لهم مشكلة تلوث بيئي وبهدله ...

طبعاً قلب زعيمنا المفدى حنين وما يرضيهوش إسرائيل تتعذب ويتعبوا ويقعدوا يرصوا فحم في الجوزه قصدي في المحطات ... وبالفعل قام بخطوة تاريخية بتصدير الغاز لأسرائيل بأقل من سعر بيعه في العالم كله ... وبالتالي تم تحويل كل تلك المحطات لتعمل بالغاز الطبيعي المصري الحلو الرخيص اللي أرخص مبدلة حماده ورشا ...

أما أحنا .. فربنا يولع فينا مش مهم .. ومش مهم نلاقي انانبيب غاز .. أو مش مهم نبقى زي حمار الفكهاني شايل ومحروم ... الحمار يبقى شايل عنب وتين وكاكا .. ويعني عمال ياكل برسيم طول اليوم وماحدش بيحن عليه ويقول له خد لك كاكاياه حتى بِر بيها نفسك ...

----------

على فكره ... تصريح تاني من مجلس الوزرا بيقول إن قرار النوم من الساعة 7 ده هايُستثنى منه المطاعم والصيدليات مبدئياً ... وهايبدأو بمحلات الملابس وما شابه ...

يعني عشان أعوز أشتري منطلون جينز باجي .. وأنا باخلص شغلي الساعة 5 .. يبقى لازم أخد أسبوع أجازة ...

كمان اللي عاوز يشتري لبس العيد لعياله يبقى لازم ينزل في عز الشمس والحر والقيظ أحسن المحلات بتقفل الساعة 7 يا عم .. يعني يادوب يصلوا العصر ويجيبوا ضرافها ...

--------------------

[محمود حازم]

هو لو رسيت الحكايه على مجرد خبر يبقى مش مستاهلة زعل .. ساعات الاخبار الي زي كده بتكون ضرورية عشان نقنع ( المجتمع الخارجي ) اننا دولة عندها نقص في الموارد ومحتاجين مصادر اخرى للكهرباء غير السد العالي وبالتالي مقدامناش غير نولدها بالطاقة النووية يعني احنا من الآخر مضطرين ومسالمين ومش ناويين ناخذ النووي نبعزقه على ولاد الحرام .. وهتلاقي السسيستم ده بيتبع برضه في موضوع المياه الي لازم من وقت للتاني تطلع فرقعات تثبت للناس الي بره اننا مش لاقيين ( بق ) المية جوه .. طبعا كل ده بيحصل ( ساعات ) الله اعلم ان كان الخبر ده في ساعه منهم ولا لأ ..

ياريت دى يبقى كدا الحكومه بتستخدم ذكائها منها تحرق دمنا وكمان تموه على العالم

[myusername]

الاستاذ الفاضل سى السيد..

مين اللى ادى حضرتك حق انك تغلط فى المصريين؟

من ساعة ما حضرتك رجعت اجازة لمصر, و انتا مش طايق.. و عمال تفتح موضوع كل شوية..

طيب اشمعنى لما احنا بنتكلم... بتقولوا انتوا مابتحبوش مصر :-s

ولا علشان سيادتك عايش فى السعودية و مش حاسس بالنعمة اللى انتا فيها؟

بصراحة.. انا حاسس بالقرف..

[أحمد سيف]

الاستاذ الفاضل سى السيد..

مين اللى ادى حضرتك حق انك تغلط فى المصريين؟

من ساعة ما حضرتك رجعت اجازة لمصر, و انتا مش طايق.. و عمال تفتح موضوع كل شوية..

طيب اشمعنى لما احنا بنتكلم... بتقولوا انتوا مابتحبوش مصر :-s

ولا علشان سيادتك عايش فى السعودية و مش حاسس بالنعمة اللى انتا فيها؟

بصراحة.. انا حاسس بالقرف..

هو غلط فين في المصريين؟ هو اللي ينتقد مسؤولين الحكومة يبقى بيغلط في المصريين؟ وبعدين ما كل الناس جوه وبره بتنتقد في الحكومة ايه الجديد يعني؟ ولا هو عشان عايش بره مصر يبقى مش من حقه يتكلم؟ مش دي بلده ودول أهله وناسه برضه؟

تم تعديل 22 يوليو 2010 بواسطة أحمد سيف