جاسوس فى المحاورات

[عنبو]

عنبو : الووووووووووووووو ادلع واجرى

سين سين : الوووووووووووو وتعالى على حجرى

كانت هذه هى الشفر المتفق عليها فى جهاز المخابرات الخاص بالمحاورات

عنبو : بص يا سين انا بفكر اوقف العميل رقم عشروميه

سين سين : هو مين رقم عشروميه ده فكرنى باسمه

عنبو : ايه ياعم انت نسيته ولا ايه ده اللى تم زرعه فى تل المطاريد باسم اليس فى بلاد العجايب

سين سين : طيب وانت ايه تقيمك له مش انت اللى كنت مسؤل عنه

عنبو : هو كان الهدف من زراعته انه يدخل تل المطاريد وينزل فيهم بقى مواضيع تغم تطفش الناس ويمسك فيهم

ويشكك فى الناس اللى هناك

سين سين : طيب وهو عمل ايه معملش كده

عنبو : لا عمل كده ايه بس ده عمل عكس كده خالص ده اندمج معاهم خالص ونسى المهمه بتعته والمرتب اللى كل شهر بيتحول له على الرصيد بتاعه وسمعت كمان انه اشترى هامستر جديد

هو ايه الهامستر ده يا سين سين يا اخويا

سين سين : دى حاجه كده زى الفورك ليفت

عنبو : وسيلة مواصلات يعنى

سين سين : مش بالظبط ولكنه يمكن ان يمتطى

ولكن الان يا عنبو ما هو الحل

عنبو : انا بفكر نبعت نستدعيه من الخارج ويتم محاكمته محاكمه عسكريه ويقتل

سين سين : طيب استنى لما اشور على الاستاذ عادل ابو زيد اصله كان متحمس للعميل عشروميه قوى

عنبو : طيب شور عليه ورد عليا علشان نقعد مع بعض ونعمل خطة الرجوع والتصفيه مره واحده

سين سين : بس انت لازم الاول تجيب لينا مصدر المعلومات وياريت لو صور وحاجات مخطوطه

عنبو : عيب يا معلم سين سين داحنا تلاميذ محسن ممتاز

من اول يوم تم زرع بصاص لكى يراقب نشاط كل العملاء وهو من قام بتوصيل هذه المعلومات لنا

سين سين : طيب على خيرة الله هاتلى ملف العمليه كله علشان ادرسه واعرض الموضوع على القائد الكبير علشان نتخذ الاجراء المناسب

عنبو : طيب يا فندم بس فيه حاجه غريبه كده كنت عاوز اكلمك فيها

سين سين : حاجه غريبه ايه كفى الله الشر

عنبو : العميل الخاين يا باشا كان قال كلام فى الهوا كده انه شاف حضرتك فى تل المطاريد بتغزغز الناس هناك وعامل اعلى شغل

هو الكلام ده صح يا باشا

سين سين وقد بدى على وجهه الاضطراب : لا طبعاً ده مجرد تشابه اسماء فقط لا غير

ودى كلها اشاعات مغرضه واديك شايف على عينك اه طول الليل والنهار شغالين من اجل المحاورات

وكل يوم اجتماعات مع دول اوربا وسهر للصبح وانت عارف بتوع اوربا متعين قد ايه

مهو انت حضرت قبل كده اجتماع وعارف

عنبو : ربنا يعينك ياباشا دانا من يوم الاجتماع وصحتى جايبه لورا

سين سين : تخيل بقى انا كل يوم فى اجتماعات من دى

عنبو : انا بفكر نقول للاستاذ عادل ابو زيد يضرف لينا بدل جمبرى

سين سين : على البركه

عنبو : طيب فيه موضوع تانى كنت عاوز اكلمك فيه

سين سين : طيب يا عنبو طير انت دلوقتى علشان عندى اجتماع

عنبو : طيب ياباشا ربنا يعينك ويقويك

........................يتبع

تم تعديل 18 يوليو 2010 بواسطة عنبو

[se_ Elsyed]

الله .. باحب قوي المغامرات دي يا عنبو

مصر محتاجاك يا شوكت

وانا رقبتي لمصر يا سين سين بيه

العملية دي فعلاً كنا مسميينها " عملية الأرنب المكار "

هو أساساً مش أرنب لكنه كان هامستر وبيستهبل وعامل أرنب عشان ما حدش يفقسه

وطبعاً لأن شغل المخابرات بيعتمد على السرية التامة .. فمستحيل نقول مين هو العميل بتاعنا هناك اللي تمكننا من زرعه بمنتهى النجاح

ولأن الدنيا كلها عارفه إن العميل ده هو " لماضه " المشهوره بالاميرة ذات الضفاير المجدولة ... وبالرغم كده هي الوحيده اللي مش عارفه إننا عارفين إن أليس في بلاد العجايب بأرنيبها اللي طلقاها في المنتدى ليل نهار ...

وكان أول الخيوط اللي خلت العملية تنكشف .. هو إن الست هانم من قبل ما تستلم الشغل .. راحت عملت بيزنس كارد وكتبت عليها

لماضه السيد أبو اللماميض

المهنة : داسوس سري

وكان هاين عليها تطلع الأتوبيسات ترمي الكروت دي على حجر الركاب عشان تتشهر وتبقى مشهورة في عالم الشهرة

------------

كمل يا عنبي

من حقنا إننا نفتح ملفات مثل هذه القضايا بعد مرور 23 يوم من إنتهاء العملية

[mekkawy]

dtcv:

بس خلاص

[om marawan]

واخيييييرا العنبى الشهير بعنبو رجع يفتح ملفات ذكرياته وحياته السرية اللى ماشفنهاش من ايام قهوة الشراقوة من بعد ما اتمسك هو وجست بالممنوعات الى كانت معاهم ع القهوة

تسجيل متابعة لعمليات أذكى جهاز كيتشين ماشين قصدى مخابرات فى العالم

[Damo]

ليه كده يا لماضة ليييييه ( لسه شايفة ' اولاد العم' النهردة' wst:: )

و يا عيني شمشون هيتبهدل في المعركة

[لماضة مصرية جدا]

السلام عليكم و رحمة الله و بركاته

حلو اوي كوبايتيت الزبادي اللي الرفيق عنبووووف و استاذنا سين سين...ماسكينهم دول....حول...حول و انا حاسة اني قاعدة زي الاباجورة المنورة

و بعدين مش كتر خيري اني اخترت اسم الافرنكة...و حاجة روشة كده...و فيه ارانيب و حركات...و بعدين مش احسن من الشورة الهوباب اللي الرفيق عنبوووف كان نفسه و مني عينه اني اتنكر في صورة العميل

اللي الاسم الحركي بتاعه..."يا دي الفاضيحة ام جلاجل ...يا دي الجورسة أم حناجل"

و بعيدن روحت انا لاني فكيكة مووووووت.....روحت اتنكرت كدهون

بس هو تقريبا و الله اعلم الله يعزكم الجزمة كانت بتزيق و "فوتكم بعافية" و "صباحكم شربات"....و "مساكم حلوياتفضحت الدنيا

بس الحقيقة اصل هما عندهم العاب حلوة و مراجيح و زحاليق و انا بهيص في الحاجات دي

ع جنب بقي:

هو انت بتعمل ايه هونيك يا عنبوووف....شايفاك قاعد من الصبح.... يا ابني قووووووم ذاكر

فوتكم بعافية

[لماضة مصرية جدا]

ليه كده يا لماضة ليييييه ( لسه شايفة ' اولاد العم' النهردة' wst:: )

و يا عيني شمشون هيتبهدل في المعركة

بمناسبة انك لبستيني السلطانية و ثبتي عليا التهمة الفزيعة اوي جدا خالص دي (فكرتيني بسنية في مسرحية وجهة نظر...اوعي تقولهم علي مكان الورق يا عرفة....اشوف فيكي يوم يا دامو يا بنت ابا الحاج ابو دامو...يكون يوم كده منقط بمبي في اخضر)

مهو الفيلم مش ولاد العم خاااااااالص

ده فيلم "لا تراجع و لا استسلام"...بتاع حزنبول و جيرمين حاجة كده اجمد من ولاد العم ده

اما بالنوسبة لحبي شماشمينو

متخافيش عليه...ده صايع من يومه

بصي كده.

طبعا دي صورة ملطوشة...انا مقدرشي احط صوره الحقيقية...احسن احنا بقينا مستهدفين دلوكيتي

بس لو شوفتيه و هو بيقرقط في صباعي....و الله العظيم هتحبيه موووووووت

هذا و قد لزم اتنويه

حد ينزلنا بقي باغنية....

انا و حبيبي روحين في زكيبة

لا قصدي...عايزين حتة وطنية كده,,,,, تحرك المشاعير

ايون...وجدتها

"يا حبيبي اللي يخاف م العفريت....يطلعله...ينزله...و يقطع نفس باباه"

[عنبو]

عنبو : طيب فيه موضوع تانى كنت عاوز اكلمك فيه

سين سين : طيب يا عنبو طير انت دلوقتى علشان عندى اجتماع

عنبو : طيب ياباشا ربنا يعينك ويقويك

ويذهب سين سين الى الاجتماع وعندما ينهى الاجتماع يعاود الاتصال بعنبو لكى يأتى الى مكتبه ليضعوا خطة رجوع العضو عشروميه لمحاكمته

وقال سين سين : انت ايه رأيك عندك خطه

عنبو : طبعاً ده يوم المنى اساساً لما نقبض على عشروميه ونحاكمه

سين سين : طيب قووووووول

عنبو : حضرتك ياباشا عارف ان العضو شيكو قريب جداً من العضو عشروميه نقوم ايه بقى ياباشا وهنا قام عنبو بضرب ضهر يده بوش يده الاخرى

نقول لشيكو اننا عاوزينها فى مهمه وطنيه ونشغل ليها اغنيه وطنيه زى مصريتنا وطنيتنا حماده هلال حماده هلال

ونطلب منها انها تقوم بالاتصال بالعضو عشروميه تقوله انها سوف تسافر الى تل المطاريد وانها تريد انى تبيت عنده لمدة 93 يوم

وبكده نكون زرعنا واحد من رجالتنا فى بيت العضو عشروميه علشان يقدر يسجل لينا بالصوت والصوره على حركاته وافعاله علشان لما

نقدمه للمحاكمه ميقدرش يفلفص مننا

سين سين وقد بدا على وجهه الدهشه : انا كده عرفت ان الجهاز هيفضل مده كبيره بخير

عنبو : احنا تلاميذك يا فندم

وهنا سكت عنبو لحظه وقال فى نفسه دى انسب فرصه اقوله على اللى انا عاوزه وهو مبسوط كده

سين سين : ايه فى حاجه يا عنبو

عنبو : كنت عاوزك تكلم الاستاذ عادل ابو زيد يزود المرتبات شويه احنا كنا متفقين على المداخله ب اتنين جنيه ونحسب كل اربع مشاهدات باتنين جنيه

سين سين : طيب تمام مهو كده كويس يا محمد وانت عارف اننا لسه مبيضين المكان بالجير وصرف بلاوى زرقه

عنبو : مهو يا فندم الاستاذ زوهيرى اللى هو مسؤل الحسابات مش بيرضى يحسب الاربع مساهدات كانهم مداخله بيقولى

كندا مفيهاش الكلام ده خالص وانت هتاخد بس اللى انت عملته وكل نمره نشد مع بعض

ويقولى انا مش عاوز وجع الدماغ ده دانا هسيبكم واروح كندا الم ايجار العماره بتعتى هناك واعيش ملك

هو صحيح يا سين سين هو له عماره هناك

سين سين : عمارة ايه بس ده له توك توك مشغله على الخط هناك

...........................يتبع

[قلب ابيض]

تسجيل متابعه من خرم الباب

:blush2:

[MZohairy]

:P :P

كمل يا عنبو لما نشوف آخرتها معاك

[hOuSsAm]

هى جريمة التجسس عقوبتها اد اييييييييييييييه

يارب تكون العقوبة محشى وبط :)

هنهيص يا عيال

[shiko]

...رغم انى معترضة تماما على اى عملية تجسس...

ولكن بما ان الجاسوس اللى عليه القصد والنية ....

عميل مزدوج ...وعلشان بلاد المحاورات تعيش فى سلام وامان

بطالب بتوقيع ...اتفاقية من اجل تبادل اسرى الجاموسية ....فصدى الجاسوسية ...

وما لم يفصح المتهمون عن كثير من المعلومات المتعلقة بطبيعة المهام التجسسية التي قاموا بها بالفعل لصالح المطاريد

يبقى يا دار مادخلك شر

ويرجع الابن الضال لاحضان المحاورات من غير تعذيب ولا دياولوا

تم تعديل 29 يوليو 2010 بواسطة shiko