قناة التليفزيون العربي .. شيء بديععععععععععععععع

[se_ Elsyed]

أمبارح بالليل لقيت زهيري بيتصل بيه ويقول لي : بتتفرج يا معلم على قناة التليفزيون العربي ؟

قلت له لأ بصراحة .. بقى لي ييجي أسبوع بأشوف تنويه عنها لكن ما حاولتش أنزلها

عامةً مش هاكتر كتير في الكلام

القناة دي أُنشئت بمناسبة مرور 50 عاماً على بدء إرسال التليفزيون بمصر

وهي مخصصة لإذاعة البرامج القديمة النادرة التي تم عرضها مع بدايات التليفزيون

ولا أجد من الكلمات ما أصف به كم الأستمتاع والسمو الروحي اللي شعرت به وانا أشاهد تلك الدُرر النادرة

القناة في مرحلة البث التجريبي وتذاع بروموهات عن تلك البرامج التي سيُعاد بثها عليها بدءاً من تاريخ 21-7

التردد هو 11765 27500 H معدل تصحيح 6/5

أرجو ان تسمتعوا بما يتم التنوية عما سيعرض مع بداية البث .. وبصراحة أصبحت مشتاق لمشاهدة تلك البرامج النادرة وأتمنى يكون عندي رسيفر بيسجل عشان أحتفظ بها للذكرى ؟؟؟

[engmido]

فعلا قناة ممتازة وبتعرض التليفزيون لما كان لسه بيحبى

وبيجربوا وكانوا بيحاولوا يقنعوا الناس ان التليفزيون ده حاجة كويسة

بيسلى تمام زى السيما

[MZohairy]

القناه دي رجعتني 35 سنه للماضي

سلوى حجازي و عصافير الجنه

اماني ناشد و كاميرا 9

سمير صبري و النادي الدولي

فريال صالح و فاطمه الكسباني

اضواء المدينه

برامج من تقديم ممثلين (يظهر كان عدد المذيعين لسه قليل) الله اعلم

نور على نور و احمد فراج

غير بلاااااوي تانيه لا حصر لها

الله يرحم امواتنا يا رب

[Sherief AbdelWahab]

ساعات بأحس إنها محاولة لتطمين الناس إن مفيش حاجات كتير اتسربت بفعل فاعل لقنوات "عربية".. لكن تبقى النوستالجيا والحنين للماضي خصوصاً الماضي اللي جيلي بالكامل ما عاشهوش..

وعلى قد ما الحنين جميل للماضي على قد ما حينكد على اللي بيعيش الحاضر اللي بيشوف فيه النجوم في عز الضهر خاصةً على الساحة التليفزيونية ، حيث كل صحفي هب ودب بيقدم برنامج وحيث الأمور ماشية بالـ"بركة" ..

بالمناسبة.. كان فين الكرم الحاتمي الأسامي الشيخي لما الإذاعة المصرية احتفلت بعيد ميلادها الخامس والسبعين بدون جمهور؟ وبدون أي شيء يحسس الناس بأهمية الإذاعة المصرية وتاريخها ، واللي ليها تسجيلات في غاية الندرة يعرفها أكثر الناس الأكبر سناً وخبرة مني؟

خلص الكلام

[مغتربة]

رااااااااااااائعه النهارده مقلبتش عنها

حاجات جميله جدا و لقطات فعلا نادره عمرى ما شفتها قبل كده

دلوقتى فى اعاده لبرنامج نجمك المفضل مع محمد عبدالوهاب

جابوا حلقه من برنامج الى بتقدمه كانت ميرفت امين

اول مره اعرف ان يرفت امين قدمت برنامج فى فتره من الفترات

و لقطات من خطب عبدالناصر و قصاقيص للجرايد و هى بتواكب حدث افتتاح التلفزيون

حاجات جميله و البانر الى تحت فيه معلومات حلوه اول مره اعرفها

[أبو محمد]

لكن تبقى النوستالجيا والحنين للماضي خصوصاً الماضي اللي جيلي بالكامل ما عاشهوش..

وعلى قد ما الحنين جميل للماضي على قد ما حينكد على اللي بيعيش الحاضر اللي بيشوف فيه النجوم في عز الضهر خاصةً على الساحة التليفزيونية ، حيث كل صحفي هب ودب بيقدم برنامج وحيث الأمور ماشية بالـ"بركة" ..

تأكد يا شريف إنها قناة توجع القلب بالنسبة لجيل تلك الفترة الذى لا يزال على قيد الحياة

أنا لسه قافل التليفزيون بعد ما شفت أم كلثوم فى مقابلة مع سلوى حجازى .. فى نهاية المقابلة سلوى سألت كوكب الشرق : إيه أحسن حاجة عجبتك فى باريس ؟ .. ردت عليها: المسلة لأنها من "بلدنا" .. وكررت " بلدنا" بكل الحب والفخر والإعجاب !!!!!!!!

ملحوظة : المقابلة كانت فى وقت الهزيمة وعندما كانت "بلدنا" محتلة والإسرائيليون على الضفة الشرقية لقناة السويس .. وكانت أم كلثوم فى باريس تحيى حفلات من أجل "المجهود الحربى" .. يعنى كانت بتلم فلوس لإعادة بناء الجيش ..

تفتكر ياشريف لو مصر دخلت حرب اليومين دول (لأى سبب) .. حتحارب بمين ؟؟؟ :sad:

بالمناسبة.. كان فين الكرم الحاتمي الأسامي الشيخي لما الإذاعة المصرية احتفلت بعيد ميلادها الخامس والسبعين بدون جمهور؟ وبدون أي شيء يحسس الناس بأهمية الإذاعة المصرية وتاريخها ، واللي ليها تسجيلات في غاية الندرة يعرفها أكثر الناس الأكبر سناً وخبرة مني؟

خلص الكلام

أنا لا زلت أحترم الإذاعة .. لأنها تحترمنى

[عبيد الله]

بحثت عنها ولم أجدها

شكرا على إضافة التردد

[se_ Elsyed]

بحثت عنها ولم أجدها

شكرا على إضافة التردد

لأ هاتلاقيها إن شاء الله

بُص فكره أحسن

أقف على قناة الفضائية المصرية ... وادخل اعمل مانيول سيرش بنفس التردد والأرقام

وبعدين في المنيو اعمل ترتيب أبجدي للقنوات

وروح لـ

Arab Television

هي دي .. لاني حصل لي كده وكنت هاتجنن إزاي القناة ماجتش .. وأنا اللي عامل فيها خبير روسي في الإتصالات .. لكن جبتها بالطريقة دي

[MZohairy]

خدت بالك يابو محمد من عبد الوهاب و هو حاطت المنديل في كم الجاكت؟

شوفت الشياكه و الناس الكلاس؟

[se_ Elsyed]

خدت بالك يابو محمد من عبد الوهاب و هو حاطت المنديل في كم الجاكت؟

شوفت الشياكه و الناس الكلاس؟

خلاص خليتوها كلاس وسكول كمان ؟

بالعكس دي حاجه افلحوني قوي وتحس إن الفلانه الداخلية طالعه من تحت البدله

وبعدين تعالى هنا

يعني أنا لو ربطت دماغي بمنديل محلاوي مثلاً .. أبقى كده كلاس ؟ طب إتعب كده يا زوزو وألبس بدله عشان خاطري وبعدين أربط المنديل في الكُم ... وأبقى قولي هاتبقى في أنهي كلاس

بطلوا بقى التابوهات دي ....

قبل عبد الوهاب ما يموت .. مستفيد فوزي عمل معاه حوار .. وقال في المقدمة إن مجرد الأستاذ ما يرد على التليفون يقول ألووووو .. تحس إنه بيعزف سيمفونية

يا روح مامتك .... سينفونيه إزاي يعني ؟

يعني هو بيقول ألو .. وإحنا بنقول إتفو ؟

[مغتربة]

لو حد يعرف امتى هيتذاع لقاء همت مصطفى مع السادات يحطهولى لانى ما اخدتش بالى فى البرومو كانوا قايللين الوقت و لا لا

[عبيد الله]

شكرا يا أستاذ س س.. انت بصراحة دمك زي العسل.. أحسن من 100 خبير روسي :)

[ابو محمد بن مصطفي]

لو حد يعرف امتى هيتذاع لقاء همت مصطفى مع السادات يحطهولى لانى ما اخدتش بالى فى البرومو كانوا قايللين الوقت و لا لا

فعلا لقاء لازم الواحد يشوفة

السادات راجل لابس عبابة وجلابية .... كان يمثل الشعب اللي هو منهم ... ويسلام لما يمسك البايب اللي ملغم بالـ ؟

برنس وكلاس كمان

مش اللي طلع لابس ترنك وهو بيمشي في المستشفي في المانيا

[MZohairy]

خدت بالك يابو محمد من عبد الوهاب و هو حاطت المنديل في كم الجاكت؟

شوفت الشياكه و الناس الكلاس؟

خلاص خليتوها كلاس وسكول كمان ؟

بالعكس دي حاجه افلحوني قوي وتحس إن الفلانه الداخلية طالعه من تحت البدله

وبعدين تعالى هنا

يعني أنا لو ربطت دماغي بمنديل محلاوي مثلاً .. أبقى كده كلاس ؟ طب إتعب كده يا زوزو وألبس بدله عشان خاطري وبعدين أربط المنديل في الكُم ... وأبقى قولي هاتبقى في أنهي كلاس

بطلوا بقى التابوهات دي ....

قبل عبد الوهاب ما يموت .. مستفيد فوزي عمل معاه حوار .. وقال في المقدمة إن مجرد الأستاذ ما يرد على التليفون يقول ألووووو .. تحس إنه بيعزف سيمفونية

يا روح مامتك .... سينفونيه إزاي يعني ؟

يعني هو بيقول ألو .. وإحنا بنقول إتفو ؟

هو انت بلغت بيك الجرأه انك تتريق من عمك و عم الكل محمد عبد الوهااااب؟؟؟؟؟

هزلت

ده موسيقار الأجيال و مطرب الملوك و الأمراء يابني

يعني اكلس كلاس في الدنيا

قال يتريق عليه قال!! هاأأأأووووو

:closedeyes:

[أبو محمد]

خدت بالك يابو محمد من عبد الوهاب و هو حاطت المنديل في كم الجاكت؟

شوفت الشياكه و الناس الكلاس؟

خلاص خليتوها كلاس وسكول كمان ؟

بالعكس دي حاجه افلحوني قوي وتحس إن الفلانه الداخلية طالعه من تحت البدله

وبعدين تعالى هنا

يعني أنا لو ربطت دماغي بمنديل محلاوي مثلاً .. أبقى كده كلاس ؟ طب إتعب كده يا زوزو وألبس بدله عشان خاطري وبعدين أربط المنديل في الكُم ... وأبقى قولي هاتبقى في أنهي كلاس

بطلوا بقى التابوهات دي ....

قبل عبد الوهاب ما يموت .. مستفيد فوزي عمل معاه حوار .. وقال في المقدمة إن مجرد الأستاذ ما يرد على التليفون يقول ألووووو .. تحس إنه بيعزف سيمفونية

يا روح مامتك .... سينفونيه إزاي يعني ؟

يعني هو بيقول ألو .. وإحنا بنقول إتفو ؟

هو انت بلغت بيك الجرأه انك تتريق من عمك و عم الكل محمد عبد الوهااااب؟؟؟؟؟

هزلت

ده موسيقار الأجيال و مطرب الملوك و الأمراء يابني

يعني اكلس كلاس في الدنيا

قال يتريق عليه قال!! هاأأأأووووو

:closedeyes:

طبعا كلاس .. وأكلس من كده مفيش :)

كنت كل ما أشوفه بيطلع المنديل ، أفتكر الساحر اللى بيطلع كارت من كمه ..

وهو فيه ساحر أكبر من محمد عبد الوهاب ؟ .. ده كان بيطلع كل كارت وكارت ، ينتزع آهات المعجبين والحاقدين على حد سواء ... طبعا هذا لا يقلل من سحرة كانوا يضاهونه ولكن بطعم وبألوان مختلفة .. السنباطى .. الشيخ زكريا .. القصبجى .. محمود الشريف .. مدحت عاصم .. وغيرهم .. وما ننساش تلاميذهم النجباء .. الموجى .. كمال الطويل .. بليغ .. الشيخ سيد مكاوى ..

مين بقى الساحر بتاع اليومين دول يا مايسترو ؟!

أهرش فى دماغك يا سين سين وحاول تذكر إسم واحد بس .. mfb:

[MZohairy]

طبعا مفيش سحره حاليا ياابو محمد مقارنة بسحرة زمان

لكن بدون مقارنة مع الماضي ممكن اقول ان عمار الشريعي هو اهم ساحر حاليا

[doha]

مين بقى الساحر بتاع اليومين دول يا مايسترو ؟!

أهرش فى دماغك يا سين سين وحاول تذكر إسم واحد بس .. mfb:

ابو الليف :closedeyes:

[engmido]

حد شاف لقاءات احمد رمزى مع ليلى رستم ولقاءات طارق حبيب ومنى جبر

[mekkawy]

أنا شفت لقاء عماد حبيب .. مش اسمه عماد حبيب .. يالهوز على قصة شعره .. إوعي الشباب

احلى حاجة في القناة دي الحشمة

تحياتي

[ابو محمد بن مصطفي]

أنا شفت لقاء عماد حبيب .. مش اسمه عماد حبيب .. يالهوز على قصة شعره .. إوعي الشباب

احلى حاجة في القناة دي الحشمة

تحياتي

مكاوي طارق ولا عماد

انا اعرف ان اسمة طارق حبيب ... هو بدل اسمه وانا معرفش

شفت حلاقين زمان كان زوقهم ايه ..... دي دعوة لتجديد الخطاب الاعلامي من خلال الشعر