نقل العفش .. اسئلة و استفسارات .. واحد جدة واحد جددددة

[mekkawy]

السلام عليكم

حبايبنا الحلوين العساسيل :happy:

كلنا بنتحط في الموقف البايخ ده ... العزااااااااال .. بعبع المغتربين .. كل شوية تعيش في حتة و اول ما تيجي تتعود عليها تلاقي العقد خلص و لازم تعزل عشان الحاج صاحب البيت (الله يعمر بيته) عاوز الشقة ... حســــبي الله و نعم الوكيل :blink:

أو

شركتك شايفة إن إنت الواد التوت فروت bv:- و هتنمي الشركة و ستقود فروع الشركة للأمام .. فـ يلا بأة يا عم الهومام شيل حتتين النابوليا و الغسالة أم حلتين و التلاجة أم روحين و الخلاط المولنيكس .. حطهم في محفظتك و خد الطيارة أو السيارة مش هتفرق معاهم و اطلع على الربع الخالي :closedeyes:

نخش في الموضوع عشان ما سبق كان استهلال لابد منه B)

عاوز أعزل من الرياض لجدة .. و لأني لسة شاري العفش أصلاً ما بقالوش شهر فطبعاً مش هأبيع منه مسمار علشان ما يتخسفش بأشكاله الأرض .. فمضطر - و المضطر يركب النقل الجماعي - مضطر أنقل العفش من الرياض إلى جدة

السؤال بأة

حد خاض التجربة دي قبل كدة ... يرغي بليييز .. أنا بأحب الرغي زي عنيا

حد يعرف شركة نقل محترمة تقدم الآتي: فك و نقل و تركيب و تكون بتحافظ على الحاجة و كمان أسعارها كويسة و بتستخدم صنايعية بجد (للنجارة و الشيالة) مض بنجالة و السلام

حد عنده فكرة التكلفة بتاعت الموضوع المنيل ده تدخل في كام تقريباً علماً بان العفش عبارة عن غرفتين و أجهزة كهربائية و كام بؤجة هدوم و خلاص .. كوست تقريبي كدة (فك في الرياض - شحن - تركيب في جدة)

لو هأشحن السيارة .. هل دي ليها شركات لوحدها ولا ممكن نفس شركة العفش .. و بكام تقريباً ؟

حد يدعيلي دعوتين حلوين كدة بالتيسير و الترتيب أحسن أخوكوا عامل زي اللي طلعله كالو رخم 3*4 في بطن رجله و مش مخليه عارف يبلع كويس

سلامات يا حلوين

مكاوى .. مأساة

[hOuSsAm]

وعليكم السلام ورحمة الله وبركاته

اول حاجة ربنا يعينك ويوفقك يا باشا

وتنور جدة باذن الله

بالنسبة لنقل العفش المفروض يكون على حساب الشركة عشان هما اللى طالبين تنقل

طيب هفترض معاك انك اللى هتقوم بالمهمة دى

اول حاجة تحدد اسم الشركة اللى هتنقلك العفش (دى ممكن اجيبهالك بس لو تستنى لحد يوم التلات الجاى ) وهجيبلك شركة محترمة اوى

تانى حاجة تدى مفتاح شقتك لحد من اصحابك يكون ثقة وابن ناس

تالت حاجة تلم هدومك انت وسلمى وامها اللى تكفيكوا اسبوع فى جدة

تشد الرحال على جدة سواء بالطيارة او العربية وتنزل فى احلى فندق فيكى يا جدة لمدة اسبوع (وبردوا على حساب الشركة) ممكن تستعبط وتروح درة العروس بس انا مش مسئول عن اللى هيحصل

حبايبنا الحلويين فى جدة هيساعدوك انك تلاقى شقة فى مكان كويس وابن حلال وشرح وبرح واربع خمس مطارح ويكون قريب من شغلك (ودى مهمة اوى)

بعد متستقر عالشقة وتدفع المقدم تكلم صاحبك الثقة انه يكلم شركة نقل العفش تيجى تنقل العفش

ولازم صاحبك ده يبقى واقف على ايدهم ويشفهم وهما بيفكوا الحاجة وبيركبوها ويعرف هما اخدوا ايه فى العربية وحاطين الحاجة ازاى

(بس بصراحة الشركات دى محترمة فى الحجات دى وفاهمة هى بتعمل ايه بالظبط وبتلفها فى حجات بلاستيك عشان الخدش وبيبقوا فى الغالب مصريين)

صحبك بعد ميتاكد انهم اخدوا كل حاجة وخلوا الشقة عالبلاط يقفلها بالمفتاح ويديه لصاحب البيت ويقوله شكرا يا زوق

(متنساش فرق شهور الايجار بن شقة الرياض وشقة جدة تاخده من الشركة ويكون معاك اثباتات اللى هى الوصولات )

تانى يوم بالظبط بيكونوا وصلوا جدة وبيجولك على شقتك وبيرصوا العفش بنفس الكيفية اللى كانت فى الرياض

انا لعلمك خضت التجربة دى قبل كدة وكنا بننقل عفش صحبى من جدة لجيزان والخطوات اللى فوق دى هى اللى عملناها بالظبط

بس التكلفة بصراحة مش فاكرها

موضوع شحن العربية ده اا مفهمش فيه بس بردوا بسيط

بقولك ايه كمان

طالما انت هتاخد شقة جديدة قبل متفرشها جيب شركة رش ترشها من الصراصير بالمرة

وكمان اعمل حسابك فى التكيفات عشان اللى اعرفه انك مش هتنقلهم

اعمل حسابك كمان فى عدد الاوض فى جدة يكون زى اللى فى الرياض

--------------------

فرضا لو انت اللى هتنقل الحاجة على حسابك

ممكن تفكر بطريقة تانية

بمعنى انك تشوف حد زى حالاتك جاى جديد الرياض وعايز شقة بعفشها

ممكن تلاقى تمن النقل + بع العفش =او اقل من العفش الجديد اللى من جدة يبقى تشترى جديد وتريح بالك بس ده بفرض انك هتتحمل تكاليف النقل

بالتوفيق باذن الله

[hOuSsAm]

بص انا سالتلك ولاقيت شركة الجهات الاربع من اكبر الشركات فى السعودية

بس سمعت انهم غاليين شوية

وده الويب سايت بتاعهم

http://fourwinds-ksa.com/arabic.htm

بالتوفيق

[mama nona]

هات عفشك وانت جاى جدة مهما كانت التكلفة

العفش هنا غالى موت سواء مستعمل او جديد

وهتحوس نفس الحوسة ال حوسناها هنا فى جدة لما جينا مع اننا كنا بنشترى كله جديد

وندمت فعلا انى مجبتش عفشنا ال فالرياض

كا ن لينا بعض الاغراض شنط وكام كرتونه

اتشحنو تبع شركة فالمنفوحة القطعة ب 35 ريال وبيوصلو بع 48 ساعة

ومحصلشى فيهم حاجة ولا حاجة راحت منهم

اما بالنسبة للفك والذى منه معرفش عنه

ممكن تفك انت عندك فالرياض حاجتك كلها وتلفها وتشوف عربية ديانا تجيبهم بيتهيألى ممكن تاخدمن 500- ريال 1000

وهنا التركيب سهل

[mekkawy]

يا سلام عليك يا حوس يا جامد يا ابن الناس الكويسة يا أبو الأفكار

ممتازة أوي فكرة إني أروح اقعد بالعيال في فندق دي

لني كنت ناوي أروح أشوف شقة و بعدين أرجع أخدهم و أشحن العفش .. على أساس غني أعمل كل حاجة بنفسي يعني

بس فعلاً هأفكر إني أمشي مرة واحدة و أخدهم معايا و أكون مجهز كل حاجة هناعلى التحميل و كمان لأني عندي ابن عمي هنا في الرياض أكتر من أخ و أكتر من جدع

و الله يا ابني أنا بأحب الجماعة المحاسبين دول .. بياخدوا بالهم من كل كبيرة و صغيرة و ديماً شيفين اللي الناس مش شايفاه

و أحب أقولك إن كل حاجة على حساب الشركة بس ما فهمتش منك حتة فروقات الايجار دي .. تقصد الشهرين اللي قعدتهم مثلاً ولا فروق السعر من جدة للرياض ؟ لأن فروق السعر هم مالهمش دعوة بيها لأني ليا بدل ثابت مهما قل الايجار أو زاد .. و قولي يا حوس

هي الشركة اللي انت حطيتها دي هل اللي انتوا عزلتوا لصاحبك فيها ؟ لو مش هيا يا ريت تكلم صاحبك و تسأله عليها و تسأله كمان ع التكلفة لأني هأدفع الأول و بعدين احاسب الشركة فعاوز أعمل ميزانية و أقفلها قبل 30/7 :lol:

تشكر يا زوووق

مكاوى

[the consultant]

والله أخي خبر حلو و اتمني لك التوفيق انا من الاول بقول عليك جداوي و مش راضي /قصدي راضاوي خالص.

انا معنديش معلومات عن طريقة النقل بصراحة بس انا ممكن افيدك في موضوع الشقة (بعد ما تستغل الشركة في الاقامة في درة العروس :rolleyes: )

عموما الاقامة في جدة حتعجبك جدا و اتمنى انها تكون فتحة خير عليك و على الاسرة الكريمة ان شاء الله على كل حال حبعتلك رقم موبايلي على الخاص كلمني لو احتاجت اي حاجة واو عندك اي استفسار و حستنى تليفونك عل العموم .

و نقلة مباركة ان شاء الله

[mekkawy]

الفاضلة ماما نونا

جزاك الله خير ع النصيحة الغالية

انا فعلاً قررت إني أجي بالعفش بس اخونا حسام باة باعتلي شركة المينيمم عندهم 4500 ريال .. يا عم حسام ده العفش كله مش ب4500 ريال .. روح يا شيخ .. و تعالى بسرعة

و فعلاً يا ماما نونا .. أنا نزلت مرة المنفوحة لقيتها ملياااااااانة شركات شحن من الباب للباب و أجمل ما فيهم إنهم مصريين و الواحد يقدر يتفاهم معاهم أحسن من البنجالة اللي يا فيه كويس يا ما فيه كويس و أنا ما في معلوم انا كلام انت صديج

مكاوى .. صديج

[الغريب]

ربنا يكرمك يا مكاوي

فرحتلك كتير لأن كان نفسك تنقل جدة علشان تبقى جنب الحرم

معلش مش هقدر أفيدك بس أكيد هدعيلك بالتوفيق

خد بالك من نفسك ومن أهلك في اليومين دوول لحد ما تستقر

ومتنسناش بقى بعد كدة في الدعاء وأنت بتقطع السجاة في الحرم :lol:

أنا طبعا مبقرش متفهمنيش غلط

[mekkawy]

مستشارنا الغالي

خلاص باة خلوص الكلام و الفيصلية اتكلمت .. تسلم يا باشا و سعيد بسماع صوتك جداً و الله

أخويا الغريب

مش هتبطلوا قر باة يا بتوع الكويت .. مش ممكن يا عم ايه ده .. هأدعيلك .. تصدق بالله .. ولا بلاش .. خليها سر مع ربنا و انت الكسبان ..

دعواااااااتكم

مكاوى

[hOuSsAm]

بص ياعم

اول حاجة صحبى منقلش عالشركة دى

نقل على شركة تانية

واظن انها كانت ارخص بكتير

بس فعلا مش عارفين شركة ايه

لو تقدر تستنى لحد التلات الجاى اكون عرفتلك احسن الشركات وبسعر كويس

او لو تقدر انت تتعامل فى المنفوحة

تانى حاجة انت متجهزش حاجة خالص

انت تلم بس الهدوم والرفايع فى شنط

وتاخد الحاجة اللى تكفيك انت وام سلمى اسبوع

وتسيب كل حاجة وهما هيظبطوا كل حاجة

مثل تحطط الحلل والاطباق فى كرتونتهم والهدوم فى الشنط وكدة بس متفكش ولا تركب اى حاجة (هما محترفين وهيظبطوا كل حاجة)

الفرق فى بدل السكن اللى بقوله بمعنى انت اخدت بدل سكن 3 شهوؤ ودفعتهم فى الشقة القديمة لحد شهر سبتمبر

بس انت هتسيب الشقة دلوقتى وصاحب البيت مش هيرجع فلوسك وهتسكن تانى

فانت كدة دفت 10 ايام فى يوليو وشهر اغسطس كله مرتين

مرة فى الرياض ومرة فى جدة

عشان كدة من حقك تطالب الشركة بالفلوس دى

[Mr MAGED]

ميكو الغالي .... هتنور جدة يا صديج

توصل بالسلامة ان شاء الله ...

4500 ده كتير اوي

انت ممكن تستجدع سواق ديانا مصري كده ويكون ابن حلال

ينقلك الحاجة تقريبا في حدود 1000 .. وطبعا هتجيب هناك وهنا عمال محترفين في الفك والتركيب

بس المشكلة انك في الحالة دي عايز يكون السكن هنا جاهز

او ترتب مع الديانا ولما توصل جدة وتلاقي السكن ان شاء الله حد يقوم بالمهمة دي في الرياض بالنيابة عنك

وانت تستقبلها هنا ... واكيد هنكون معاك ان شاء الله

بالتوفيق ان شاء الله

[mekkawy]

أخويا انفستور .. شكراً على الرد يا باشا و النصيحة

بس هو ايه الديانا ده ؟ دي تاني مرة اسمع الكلمة دي

هو دول الديانا اللي ليهم عندي فلوس يعني؟ :blink:

ولا الأميرة ديانا؟ :lol:

مش فاهم .. منكن توضيح

مكاوى

[عنبو]

mekkawy

مرسلة اليوم, 08:08 AM

أخويا انفستور .. شكراً على الرد يا باشا و النصيحة

بس هو ايه الديانا ده ؟ دي تاني مرة اسمع الكلمة دي

هو دول الديانا اللي ليهم عندي فلوس يعني؟

ولا الأميرة ديانا؟

مش فاهم .. منكن توضيح

يعنى الناس تقول عليا ايه دلوقتى انا مش شارح ليكى درس كامل عن المصطلحات السعوديه هنا

الديانا : عربية نقل كبيره

الدباب : عربية نقل صغيره اللى هى سوزكى

صديج : صديق هندى

سمسم : نفس الشىء

ما فى ملعوم : مش عارف ياض

اغراضك : العفس والهدوم وكل شىء خاص بيك يعنى

ارجيله : شيشه

السياره : العربيه

لوميزين : تاكسى يعنى

دق عليه : اتصل عليه معنها فى مصر حاجه تانيه خالص

فك الجهاز : يعنى شغله مش تفكه

البذوره : العيال يعنى

المره : الست وفى مصر تم تحريفها الى المزه

زلمه : راجل يعنى

[الغريب]

mekkawy

مرسلة اليوم, 08:08 AM

أخويا انفستور .. شكراً على الرد يا باشا و النصيحة

بس هو ايه الديانا ده ؟ دي تاني مرة اسمع الكلمة دي

هو دول الديانا اللي ليهم عندي فلوس يعني؟

ولا الأميرة ديانا؟

مش فاهم .. منكن توضيح

يعنى الناس تقول عليا ايه دلوقتى انا مش شارح ليكى درس كامل عن المصطلحات السعوديه هنا

الديانا : عربية نقل كبيره

الدباب : عربية نقل صغيره اللى هى سوزكى

صديج : صديق هندى

سمسم : نفس الشىء

ما فى ملعوم : مش عارف ياض

اغراضك : العفس والهدوم وكل شىء خاص بيك يعنى

ارجيله : شيشه

السياره : العربيه

لوميزين : تاكسى يعنى

دق عليه : اتصل عليه معنها فى مصر حاجه تانيه خالص

فك الجهاز : يعنى شغله مش تفكه

البذوره : العيال يعنى

المره : الست وفى مصر تم تحريفها الى المزه

زلمه : راجل يعنى

يا عنبو بعض المصطلحات اللي انت ذكرتها سعودي وبعضها هندي

زي "بذوره" سعودي وبالهندي "بطشة"

"مرا" سعودي وبالهندي "حرمه"

بس الغريب بقى موضوع "فك الجهاز" شغله ودي مقبولة شوية لأن عندنا في الكويت بيقولو "بطل الجهاز" يعني شغل الجهاز وأحنا عندنا في مصر "بطل" يعني طفي أو أقفل فبصرااحة كلمة غريبة

أول ما جييت الكويت واحد سألني بتبطلو دوام متا ؟

أنا بصراحة أفتكرته قصده بتخلصوا أمتى :lol: طلع العكس تماما

[Mr MAGED]

mekkawy

مرسلة اليوم, 08:08 AM

أخويا انفستور .. شكراً على الرد يا باشا و النصيحة

بس هو ايه الديانا ده ؟ دي تاني مرة اسمع الكلمة دي

هو دول الديانا اللي ليهم عندي فلوس يعني؟

ولا الأميرة ديانا؟

مش فاهم .. منكن توضيح

يعنى الناس تقول عليا ايه دلوقتى انا مش شارح ليكى درس كامل عن المصطلحات السعوديه هنا

الديانا : عربية نقل كبيره

الدباب : عربية نقل صغيره اللى هى سوزكى

صديج : صديق هندى

سمسم : نفس الشىء

ما فى ملعوم : مش عارف ياض

اغراضك : العفس والهدوم وكل شىء خاص بيك يعنى

ارجيله : شيشه

السياره : العربيه

لوميزين : تاكسى يعنى

دق عليه : اتصل عليه معنها فى مصر حاجه تانيه خالص

فك الجهاز : يعنى شغله مش تفكه

البذوره : العيال يعنى

المره : الست وفى مصر تم تحريفها الى المزه

زلمه : راجل يعنى

ولا براوة عليك يا عنبو

انا مخدتش بالي ان مكاوي لسة مستجد ومحفظش قاموس اللهجات المحلية

نبقي نراجعهولوا تاني لما يوصل جدة ان شاء الله

[mekkawy]

بس أحسن و المصحف هاعيط يا جدعان خلاص

يخربيت العزال على التعزيل على العزلة ع الكل كليلة

[Mr MAGED]

بس أحسن و المصحف هاعيط يا جدعان خلاص

يخربيت العزال على التعزيل على العزلة ع الكل كليلة

ايه يا عم بس ... انت أول مرة تعزل ولا ايه

قول يا باسط كده بس هتلاقيها فرجت علي طول

ثم ان حد جاي جدة ويزعل

دانت المفروض تعمل ليلة لله ... وتعزمني انا وعنبو بس