يوميات مصري عائد من الخارج

[GENDY ABASI]

من غير مقدمة و لا تعليق و لا فلفسة فارغة . بدأت الموضوع ده علشان اللي رجعوا من بره يساعدوني و يعرفوني هما ازاي عرفوا يتعايشوا تاني في مصر بعد العيشه كام سنه براها؟

ياسلااااااااام يا جدعان امتي بقي العقد بتاعي يخلص و ارجع مصر ... وحشتني قوي وحشني كل حاجة فيها ...يارب بقي الايام تجري.

و ياريتها ما جريت ... الأماكن علي كل خطوط الطيران محجوزة و لا في مكان واحد حتي... طب اعمل ايه... قلبت الدنيا و جبت وسايط و كلمت حبايبي وخلاصة معارفي في الكام سنة اللي قعدتهم في البلد و أخيرا لقيت مكان علي طيارة الحمد لله ...دا انا كان هيجرايل حاجة لو طولت في البلد دي يوم واحد بعد نهاية عقدي .

اجراءات السفر سهلة جدا الدنيا رايقة قوي في المطار رغم انه موسم اجازات بس ماتحسش ان فيه زحمة الدنيا تمام و ركبنا الطيارة و الناس كلها مبسوطة انها نازلة مصر. طبعا الرحلة مكانتش علي مصر للطيران و عشان كده المعامله هايله ع الطيارة و الناس محترمة و الرحلة مريحة جدا و أخيرا الطيار عمل لاندينج و الطيارة هبطت الي ارض الوطن ... تسمع اصوات رسايل الترحيب بتاعة الموبايلات و نغمات الرسايل و ب>ات الناس اللي كانوا ع الطيارة يكلموا اهلهم اللي مستنينهم في صالة الوصول . قلت أحط خطي أنا كمان و أكلم أهلي اللي مستنيني بره . المهم لقيت رسالة طلعالي " فشل في استقبال الاشارة" استغربت قوي و سألت نفسي اومال الناس دي بتتكلم ازاي؟ سألت المدام اللي جنبي و كنت اتعرفت عليها اثناء الرحلة قالت لي انا برضه عندي نفس المشكله و طمنتني و قالت يمكن الطيارة مافيهاش اشارة استني لما ننزل أكيد هنلقط الاشارة .......

ما علينا ... نزلنا من الطيارة و ركبنا الاتوبيس الداخلي في المطار و ألاقي شاب قدامي داخل الاتوبيس بيحجز بكتافه " استغربت قوي لتصرفه " راح قايلي يا استاذ معايا ستات هقعدوا علي الكراسي ... رغم اندهاشي قلتله و انا يا سيدي مش عايز أقعد اصلا " طيب هو ليه ماقالش كده من الاول و ليه بدي لغة الدرعان و الكتاف علي لغة اللسان ... ...

المهم دخلنا الترمينال ووقفنا في طوابير و إذ بظابط من الظباط بيقول لأخ من الخليجين اللي كانوا معانا ع الطيارة بصوت عالي ناهرا " انت يا استاذ انت مافيش تدخين جوا المطار" سألت نفسي " طيب هو ليه ما يقولوش كده بهدوء ... و لو رفض و اكيد مكنش هيرفض ... لو رفض يوقع عليه الغرامة " برضه ما علينا المهم الناس كلها سلمت الفورم اللي مليناها في الطيارة و ختمتت باسبوراتها من عند ظابط الجوازات و عدوا بما فيهم الأجانب و جه الدور علي اللي قبلي شاب صغير في اواسط العشرينات راح الظابط واخد منه باسبوره و قاله استلمه من عند الشباك اللي هناك ... و جه الدور عليا و حصل معايا نفس اللي حصل معاه و رحت ع الشباك الافقي زحمة جامده و مافيش طابور و الناس اللي ع الشباك واقفه تتحايل علي امين الشرطة اللي قاعد يقولوا له و النبي الناس مستنيانا بره و النبي اتأخرنا راح طالع لهم امين شرطة تاني وشخط قائلا" انت يا استاذ انت و هو ابعدوا كده شوية و هننادي علي كل واحد لماباسبوره يجي " المهم سألت الشاب اللي كان قبلي و اللي كان مستني باسبوره برضه " هو فيه ايه؟انا اول مرة يحصل معايا كده في مطار " قالي اسماءنا مشتبه فيها و ابتسم ما كان مني الا ان اندهشت قليلا ثم ابتسمت بدوري و قلت له

" Welcome to Egypt" bv:-

[Diab]

في كل مكان بيقولوا ويلكم welcome

إلا مصر

بيقولوا

الويل لكم

تم تعديل 19 يوليو 2010 بواسطة Diab

[أحمد سيف]

هو حضرتك ما نزلتش مصر بقالك كام سنه ... أصل الحاجات دي يتحصل من زمااان أوي

[hOuSsAm]

أحمد سيف

هو حضرتك ما نزلتش مصر بقالك كام سنه ... أصل الحاجات دي يتحصل من زمااان أوي

لعلمك انا لسه راجع مصر من شهر ومحصلش معايا حاجة من كدة خالص

بالعكس كانوا ناس زوق فوق الوصف

كنت حاسس انهم هيجبولى عشا استعشى انا واهلى :lol:

[أحمد سيف]

أحمد سيف

هو حضرتك ما نزلتش مصر بقالك كام سنه ... أصل الحاجات دي يتحصل من زمااان أوي

لعلمك انا لسه راجع مصر من شهر ومحصلش معايا حاجة من كدة خالص

بالعكس كانوا ناس زوق فوق الوصف

كنت حاسس انهم هيجبولى عشا استعشى انا واهلى :lol:

معقول ما حدش اداك كتف قانوني ولا زغدك كوع في الأوتوبيس

انت متأكد انك كنت في مصر

[herohero]

بصراحه انا نزلت ع الصاله الجديدة منتهى ذوق وكان الكلام ده بيحصل بصراحه قبل كده ماهو ده يا استاذنا اللى اسمه فن الضيافه امال ايه اللي مخلي تونس بتنافسنا ف السياحه

عموما كويس انك ماقلتش ان فيه ناس خلصت ورقها وهو ف الطيارة انا بصراحه كان ليا واحد زميلي صاحبه ضابط شرطة اول ما باب الطيارة اتفتح جوازتنا اتاخدت ويادوب خدنا الشنط ولقينا جوازاتنا سهلة

وجاهزة بصراحه طعم الكوسة كان حلو قوي خاصة بالبشاميل

سيدي العزيز عن تجربة نزولك لمصر اجازة ده شيئ عادي يعني بينك وبين نفسكم لو ماتكيفتش هتقول اهو شهرين وراجع اما المشكلة لما تنزل خالص وهتستقر ف مصر انا عندي تجربتي الخاصة وكنت صغير وتعبت وبعد كده اتعودت ووالدي جاله شبه اكتئاب مش لان مصر وحشه

لكن شيئ طبيعي صححابك كانوا هناك شغلك كان هناك متعود ع السواقه باسلوب معين فالحكاية مش سهلة

يعني بعد 25 سنة غربة صعبه انك تنزل ف يوم وليله تبقى مندمج لكن اطمنك هي مسالة وقت

ونصيحه بلاش تقارن لان المقارنة بتتعب ماتقولش كان ف الامارات مش عارف ايه وهنا ف مصر ايه اوعى تقارن عيش اللحظة وريح دماغك

[المهندسه]

ده العادى فى مصر انت مستغرب ليه و تاعب نفسك و فاتح موضوع جديد و تعبت اعصابك على شىء عااادى جداااا فى مصر

اتعود على كده اصل الضابط البيشخط و الناس البتتزاحم بيعملوا كده ليه ؟؟؟؟علشان ياعينى متبهدلين فى البلد دى و مابياخدوش حقهم و عيشتهم ضنك و قرف و زحمه و غلاء فاحش ومرتبات اى كلام ياسيدى ده انا لى اخين ضباط شرطه منهم واحد فى مكتب الوزير ملازم اول راتبه 654 جنيه يا مؤمن و لما الله يعمر بيييييييته الوزير يحن عليهم يصرف مكافأه 100%يعنى ياخد1300 جنيه شوفت الحلاوه وطبعا شغال ليل و نهار و ده من الطبقه المفروض كويسه فى مصر ....شوف بقه نظيره فى الدول الاخرى و منها فعلا الضباط فى المطارات الخليجيه مثلا بيبقوا رايقين و هاديييين و حلويييين و الدنيا هدوء و نظام لانهم ببساطه نفسهم مفتوحه علشان بيخدوا حقهم وزياده لكن فى مصر بياخدوا حقك مش بيدهولك....

ماتستغربش يا اخى و ابتسم انت فى مصر

[herohero]

ده العادى فى مصر انت مستغرب ليه و تاعب نفسك و فاتح موضوع جديد و تعبت اعصابك على شىء عااادى جداااا فى مصر

اتعود على كده اصل الضابط البيشخط و الناس البتتزاحم بيعملوا كده ليه ؟؟؟؟علشان ياعينى متبهدلين فى البلد دى و مابياخدوش حقهم و عيشتهم ضنك و قرف و زحمه و غلاء فاحش ومرتبات اى كلام ياسيدى ده انا لى اخين ضباط شرطه منهم واحد فى مكتب الوزير ملازم اول راتبه 654 جنيه يا مؤمن و لما الله يعمر بيييييييته الوزير يحن عليهم يصرف مكافأه 100%يعنى ياخد1300 جنيه شوفت الحلاوه وطبعا شغال ليل و نهار و ده من الطبقه المفروض كويسه فى مصر ....شوف بقه نظيره فى الدول الاخرى و منها فعلا الضباط فى المطارات الخليجيه مثلا بيبقوا رايقين و هاديييين و حلويييين و الدنيا هدوء و نظام لانهم ببساطه نفسهم مفتوحه علشان بيخدوا حقهم وزياده لكن فى مصر بياخدوا حقك مش بيدهولك....

ماتستغربش يا اخى و ابتسم انت فى مصر

وهل حاليا ضابط الشرطة محتاج مرتب مع كامل احترامي ضابط الشرطة غالبا ابن ناس اغنيه انا اعرف ناس كتيرة بيروحوا القسم ب بي ام

او اوبل ده اعادي

معلش يعني انت دافع رشوة عشانتدخل شرطة منتظر مرتب

اا ضابط الخليج فمع احترامي هواتفرضعليه الاحترام لان نفس الضابط المصري اللي اسد على المصري اخوه مع احترامي واعتذاري للقطط بيكون نو نو مع الاجنبي واظن فيلم عسل اسود بين كده ع راي اللي قال ف اغنية بالورقه والقلم فعلا احنا لنا الوش الخشب اما مع الاجانب حاجه تانيه وتحياتي

بتاع الخليج اتعود انه يتعامل بادب ومع اعتذاري لو ف مصر خد الوف مالفه هو اتعود ان ابن بلدك اغلط فيه ده مننا وعلينا انما الاجنبي ده ضيف دلعه

فالحكاية مش فلوس خاااااااااااااالص ده مبدا اسمه الاحترام خلي ضابط ف مصر تعدي ادامه بالعربية مع كامل احترامي بيبص لك كده كانه والعياذ الله كان جايب 1000000000 % ف الثانوية العامة مش لا قدر 50%

يعني انا مش مع حضرتك انها فلوس لا ده منظومة للاسف بتنشطر على بعض فيها مادام مصريين زي بعض

[الفقير الى الله]

ردا على الاخ جندى عباسى موضوعك بصراحة ضحكنى جدا وعملى حالة غريبة من الاسى والحزن والانبساط يعنى حالة كدة مختلطة مش عارف اضحك ولا اعيط بس مش عارف هوا انتة بقالك اد اية منزلتش مصر؟

النصيحة لله بصراحة الكلام دة انتة شوفتة بس فى المطار امال لما تنزل بقى وتعيش وتتعايش وياسلام لو انت فكرت انك ترجع تشتغل تانى هنا انصحك بالرجوع تانى لوظيفتك فهى المكان المناسب والطبيعى وسيب موضوع مصر دة للفسح والرحلات والترفية عن عن النفس

[Morial]

وسيب موضوع مصر دة للفسح والرحلات والترفية عن عن النفس

وهو ده اللي انا اكتشفته متأخر مع الاسف

علشان كده هقبل اي عقد ولو بتراب الفلوس عشان ارحل

لمجرد بس اني ارحل مش علشان الفلوس

لحد ما ربنا يريد وارحل بصفه نوهائية

بس والله رفعت معنوياتي جامد يا استاذ جندي

يعني مش انا بس اللي شربت المقلب ورجعت؟

هههههههههههههههههههههههههه

اهلا بيكbv:-

تم تعديل 19 يوليو 2010 بواسطة Morial

[المهندسه]

وهل حاليا ضابط الشرطة محتاج مرتب مع كامل احترامي ضابط الشرطة غالبا ابن ناس اغنيه انا اعرف ناس كتيرة بيروحوا القسم ب بي ام

او اوبل ده اعادي

معلش يعني انت دافع رشوة عشانتدخل شرطة منتظر مرتب

اخى الفاضل HEROHERO

سواء اختلفت او اتفقت مع كلامى فليس من المفترض ان تعمم ما قولته على كل الضباط (انهم بيدفعوا رشوه )لانك كده خرجت بره الموضوع الاصلى وقذفت بالباطل اتهام لاناس لا تعلم عنهم شيئا

مين قال لحضرتك ان احنا دافعين رشوه اعوذ بالله (لعن الله الراشى و المرتشى و الرائش) اخى ضابط متخصص و كانوا محتاجين تخصصه النادر علشان كده قبلوا و انا كنت بنقل واقع شايفاه معاه بكل امانه امام الله وبالرغم من انى لست مطالبه بان اقول ذلك و لكن اتهامك بالرشوه ألمنى و جرحنى جدااا لان معناه واضح وراجع ما قولته و سترى وانا لست صاحبه الموضوع او داخله الموضوع اهاجمك فيه فليه تهاجمنى انت بكلمه ليست فى موضعها الصحيح ...يعنى ماينوب المخلص !!!!

[GENDY ABASI]

أنا بجد مش مصدق ان الموضوع لاقي الاستجابة دي من الاخوة الاعضاء و عجباني جدا جدا خفة الدم اللي في الردود

بس هو انتو لسه قر يتو حاجة في اليوميات ........... ها ها ها دي ضحكات شريرة علي فكرة عشان اللي جاي تقيييييييل

نكمل بقي ... المهم و انا واقف مستني الباسبور يمكن يطلع عليا حكم بالاعدام و لا حاجة - علي فكرة انا خفت فعلا- لقيت البيه الظابط مع اتنين امناء شرطة بيتريقوا ع الاخ الخليجي اللي كان بيشرب السيجارة بس هو طبعا مش سامع و لو سامع يعني كان عمل ايه؟ المهم طلعت من المطار و خدت شنطي علي ترولي و الاقي يجي 3 او 4 انفار بيجروا ورايا عشان يزقوا الترولي يا جماعة مش تقيل و اللهي و بعدين 3 يزقوه ليه؟؟؟؟ ما هو اصلا علي عجل المهم غمزت 2 منهم بحتتين خضر - كانوا معايا من قبل ايام الفقر0 5 جنيه يعني ماحدش يفهم غلط- لقيت التالت بيقول انا مخدتش يابيه !!!! طب و النبي ده يبقي اسمه ايه؟ وبعدين انا نازل بتي شيرت و جينز يعني لا جلباية و لا شماغ و لا اي حاجة اومال الغلابة اللي بجلبية و شماغ اتعمل فيهم ايه؟؟؟

اول ما شفت اخويا قلت له مش عارف موبايلي ما بلقطش اشارة ليييييه؟ قالي ما هم لغوا الخطوط القديمة و ممكن تتصل برقمك تلاقي واحد بيرد عليك و الخطوط القديمة دي علي فكرة بقت غاليه المهم قلت ما علينا جت علي الخط يعني؟؟؟

مشينا في طريق العودة .... الشوارع هي هي بس زادت فيها شوية حفر و مطبات من أجل السامة و لراحة يعني ... بس بصراحة انا عينيا اللي اتغيرت ..... هو انا شايف الشوارع ضيقة ليه؟؟؟؟؟ و شايفها شوية مش نضيفة ؟؟؟ ما علينا انا مش هاتكلم لا يقولوا هو طلع فيها من اولها؟؟؟؟

المهم بعد ما وصلت البيه و اتعشيت العشوة التمام دخلت ريحت و علي فكرة انا لسه مادخلتش دنيا عشان ماحدش يسرح بخياله.... صحيت قلت انزل بقي الف في الشوارع عشان وحشتني جدا و بالمرة اشوف العيال ولاد اخواتي كانوا واحشني جدا سخنت العربية و طلعت بيها بس البنزين اللي فيها كان قليل قلت هه نروح نفول بقي .... ننسي بقي ايام حط و النبي بعشرين جنيه دي .... روحت داخل علي اول بنزينه و قلت له 90 قالي مش موجود و اللهي يابيه ... بتحصل مع اننا في اول اليوم مشيت شوية كمان و دخلت ع التانية .... برضه قالي خلصان انما في التالته بقي شوارلي بس من غير من يقول حتي و لا يفتح بقه .... بس فيه حاجة غريبة لفتت انتباهي التلاتة كانوا بيبتسموا ابتسامات غريبة ... مش المفروض البنزين خلصان و كده هما مش هياخدوا بقشيش يبقي مبسوطين لييييييييييه؟ و بعدين من امتي الناس بتضحك في مصر؟ وو بتبتسم في وش بعض؟؟؟ اكيد في حاجة غلط ؟؟؟؟ ماعلينا انا قلت اضمن اركن العربية و اخد تاكسي شغال برضه .... و لما ركبت سواق التاكسي و بفضول سائقي التاكسي المعتاد بص علي مفتاح العربية اللي في ايدي و سألني بدهشة هو حضرتك معاك عربية قلت له و عشان اجيب من الاخر " اه بس مش لاقي بنزين ... مش عارف فيه اييييييييييه؟"

هز راسه و ابتسم و قال " ولاد التييييييييييييت .... هو لسه غلي طيب ؟ مخزنيننه من دلوقتي عشان هيغلي في اول سبعة "

اول سبعة ؟ سألت نفسي بدهشة و هي العربية هتفضل مركونه كده لغلية اول سبععععععععة؟؟؟؟؟ و سمعني تاني

" Welcome to Egypt" bv:-

[الفقير الى الله]

ههههه واضح انك عايش كتير اوى برة ودى حاجات اقل من العادية

طب يا طيب هتعمل اية لو روحت تخلص ورقة من مصلحة حكومية

او هتعمل اية لو روحت شغلانة جديدة فى مصر وحبيت تستقر

وهتعمل اية لو ربنا اكرمك وحبيت تتجوز

وياسلام لو دخلت محل او حبيت تشترى حاجة والبياع حس انك جاى من برة ومعاك يعنى قرشين

والاكتر من كدة وقلت لاااااااااااااااااااااااا انا مش هشتغل عند حد معدش ينفع انا هفتح مصلحة كدة صغيرة على قدى واعيش منها واسمى بقيت حر نفسى ولامنى اتغربت ولامنى اشتغلت عند حد فى مصر/ دى بقى اكبر مشكلة انصحك بالتفكيير انتة دلوقتى عندك خبرة برة لو اى شركة تانية طلبت نفس تخصصك صدقنى اول واحد هيختاروة انتة لانك ببساطة خبرة والسلام ختام

[هيشو]

للأسف حاسس بتحامل عجيب و صورة قاتمة مش حقيقية الصراحة عن مصر

انا اعمل في السعودية و كل المواقف اللي حكيتها عن مصر مستعد احكيلك زيها بيحصل في السعودية

و اقلها معاملة البنغال اللي بيشتغلوا في البنزينة و انهنم قرفانين من الدنيا و اللي فيها و مش طايقين نقسهم و لا اللي بيمونولهم

كل الحاجات اللي بتحكي عليها بتحصل سواء اقل او اكثر لكن مش كل حاجة وحشة و كل دي حاجات عادية جداً و لو فكرت شوية هتعذر اللي كانوا عاوزيني يزقوا التروليلي علشان 5 جنية

بالعكس كان ممكن تديهالهم و في نيتك انها صدقة لأنك متعرفشي راتب الناس دي كام و بيعملوا كدة لية

و برضة نفس الوضع ده موجود في مطار الملك خالد في الرياض لكن من العمالة الاجنية

يا سيدي ده المنظر ده بيتكرر في الحرم المكي و المدني

و لا انت مشوفتش العمالة بتاعة بن لادن و هي بتشحت في الحرم و بياخدوا اكراميات

تم تعديل 22 يوليو 2010 بواسطة هيشو

[herohero]

للأسف حاسس بتحامل عجيب و صورة قاتمة مش حقيقية الصراحة عن مصر

انا اعمل في السعودية و كل المواقف اللي حكيتها عن مصر مستعد احكيلك زيها بيحصل في السعودية

و اقلها معاملة البنغال اللي بيشتغلوا في البنزينة و انهنم قرفانين من الدنيا و اللي فيها و مش طايقين نقسهم و لا اللي بيمونولهم

كل الحاجات اللي بتحكي عليها بتحصل سواء اقل او اكثر لكن مش كل حاجة وحشة و كل دي حاجات عادية جداً و لو فكرت شوية هتعذر اللي كانوا عاوزيني يزقوا التروليلي علشان 5 جنية

بالعكس كان ممكن تديهالهم و في نيتك انها صدقة لأنك متعرفشي راتب الناس دي كام و بيعملوا كدة لية

و برضة نفس الوضع ده موجود في مطار الملك خالد في الرياض لكن من العمالة الاجنية

يا سيدي ده المنظر ده بيتكرر في الحرم المكي و المدني

و لا انت مشوفتش العمالة بتاعة بن لادن و هي بتشحت في الحرم و بياخدوا اكراميات

تعليق بسيط هو ليه احنا دايبما لما بيكون شيئ سيئ او سلبي بنقول ماهو موجود ف دول تانيه وانا مقتنع بكده لكن ليه بس بنحصره ع التصرفات السلبية يعني محدش بيقارن بالتصرفات الصح والايجابية يعني يقول المفروض بلدنا اللي بنحبها يكون فيها كده ليس اكثر

يعني عمال البنزينة البنغال محدش منهم بيضرب ع الباقي ع العكس من اماكن تانيه بينام ع الباقي واحنا مقتنعين وبنقول مش فارقه اعتبرها صدقة

يعني اللي اقصده مش عيب اننا نقول ع السلبيات وزمش معنى كده ان بلدنا وحشةاحنا نتمنى انها تبقى احسن بلد لكن مش دايما نقول عادي هو انت بس اللي وحش ماغيرك كتير وحش طب ما برده فيه كتير حلوين

يعني زي ماقارنا عمال البنزينة ف الامارات والسعوديه برده نقارن الايجابيات هناك

[GENDY ABASI]

ما هو انا كنت برضه راجع مسقع للدنيا كلها هنا و البوست التالت اللي هأكتبه ان شاء الله هيبين كده.

كل اللي عايشين بره و اللي راجعين حديثا بيبقوا شايلين الفيشه . فيشه اي؟ ده اللي انا هاقوله في البوست الجاي

[GENDY ABASI]

كأس العالم شغال و الدنيا مهيصة و جو حلو جدا ... اتفقت مع جماعة من الأصدقاء نتقابل و بالمرة نشوف الماتش في كافيه و رحنا الكافيه علي دفعات بس عشان كاس العالم كان صاحب الكافيه شايل الترابيزات و عامل صفوف زي المسرح و السينما المهم قعدنا جنب بعض و اللي بيجب الطلبات ما خدش باله ان احنا كلنا شلة واحدة و فبل نهاية المتش بعشر دقايق جه الكابتن عشان يلم الحساب قبل المتش ما يخلص و حد يزوغ كده و لا كده

و كانت المفاجأه كلنا طلبنا بيبسي كانز و بسلامته حاسب لكل واحد فينا العلبة بسعر مختلف شوية ب خمسة و شوية بسته و شوية منا بسبعة و لما سألناه انت ليه مش موحد السعر؟ اتلخبط في الكلام و اتزنق و بدأ يتخانق و يعلي صوته .... خلي بالك الناتش لسه ماخلصش مع ده كله .... يلا مالهاش لازمة بقي نشوف كأس العالم smk: .

و موقف تاني في نفس اليوم ....رحت اشتري سندوتشات بس الوقت كان متأخر حوالي الساعة 3 الصبح ... فاللي بيعمل الطلبات قالي الوقت أتأخر و طلبك ده مش موجود منه الا واحد بس و عشان كنت شايل الفيشة و مسقع ... رديت عليه بابتسامة عريضه و قلت له مافيش مشكله نغير الطلب ... المهم جه بعدي اتنين و طلبوا نفس الطلب .... فلم يجد بدا الا ان يصنع لهم ما ارادوا فقلتا له خلاص اعملي معاهم و انا معنديش مشكله في الوقت ....

انا كنت اول واحد جاي فيهم و جهزلي الطلبات كلهم ما عدا الصنف ده... المهم اول ما طلع الصنف ده من الفرن راح حاطط السندوتشات قدامي يعني بيقولي خدها و قبل ان انتبه او حتي المح السندوتشات اللي حطها قدامي كان واحد من الاتنين اللي جم بعدي خد السندوتشات و مشي .... المهم راح عامل لي طلبي تاني المرة دي ما لحقش يحط الحاجة قدامي لان كان الاخ التاني قد تقمص شخصية عصام الحضري في اعلانه بتاع اريا ل و صد السندوتشات و خدها و فر هاربا .... ما كان من الشاب اللي في المحل الا ان ينظر لي و يتساءل قائلا " شكلك عايز تبات عندنا في المحل؟" md2:

الموقف التالت هو الاغرب علي مدار حياتي في كل زياتي لدور الخيالة " اللي هي السنيما يعني " دخلنا فيلم كوميدي انا وواحد صاحبي و قبل ما الفيلم يشتغل فيه ورانا اتنين قاعدين و هات يا كلام ... اتنين رجال في التلاتينات يعني لا هم ستات و لا عيال صغيرة قلت مش مشكله دلوقتي الفيلم هيبدأ و يبطلوا كلام و ده فعلا اللي ما حصلش خالص بل بدأ صوتهم يعلي و بدأت اسمع هما بيقولوا ايه؟؟؟ :rolleyes:

كانوا بيتكلموا عن صفقة اتموها في شغلهم حيث انهم شركاء و يتهم احدهم الاخر انه اخطأ في محاسبة العميل بينما يصر الاخر انه قد حالفه كل الصواب

المهم كلمة من ده علي كلمة من ده الناس اتضايقت و طلبوا نهم يوطوا صوتهم ... امتثلوا فعلا لكلام الناس و بعد دقيقتين لقيتهم مطلعين موبايلاتهم و بدأوا يحسبوا و ده يقول لده انه غلطان و ما بيفهمش و التاني يرد عليه بانه هو اللي ما بيفهمش .... قوم ايه ؟؟ عينك ما تشوف الا النور مسكزا في بعض و امتدت الايدي و بقت خناقة

ما كان مني الا اني رحت لكشاف السينما و قلت له " انا كنت فاكر ان السينما شاشتها قدام و هتعرض فيلم كوميدي .... طلعوا فيلمين ... التاني ورا و أكشن " :ninja:

المهم .... نورت مصر

[aimen]

و موقف تاني في نفس اليوم ....رحت اشتري سندوتشات بس الوقت كان متأخر حوالي الساعة 3 الصبح ... فاللي بيعمل الطلبات قالي الوقت أتأخر و طلبك ده مش موجود منه الا واحد بس و عشان كنت شايل الفيشة و مسقع ... رديت عليه بابتسامة عريضه و قلت له مافيش مشكله نغير الطلب ... المهم جه بعدي اتنين و طلبوا نفس الطلب .... فلم يجد بدا الا ان يصنع لهم ما ارادوا فقلتا له خلاص اعملي معاهم و انا معنديش مشكله في الوقت ....

انا كنت اول واحد جاي فيهم و جهزلي الطلبات كلهم ما عدا الصنف ده... المهم اول ما طلع الصنف ده من الفرن راح حاطط السندوتشات قدامي يعني بيقولي خدها و قبل ان انتبه او حتي المح السندوتشات اللي حطها قدامي كان واحد من الاتنين اللي جم بعدي خد السندوتشات و مشي .... المهم راح عامل لي طلبي تاني المرة دي ما لحقش يحط الحاجة قدامي لان كان الاخ التاني قد تقمص شخصية عصام الحضري في اعلانه بتاع اريا ل و صد السندوتشات و خدها و فر هاربا .... ما كان من الشاب اللي في المحل الا ان ينظر لي و يتساءل قائلا " شكلك عايز تبات عندنا في المحل؟" md2:

المهم .... نورت مصر

نفس الموقف حصل معى بس هناك اختلافات ( كنا هنا فى الرياض )

كنا بنشترى غسالة من هايبر بنده من اسبوعين وعمالين بنقارن بين نوعين واحدة فارق السعر 10ريال لكن احدهما بدون كرتونة وشكلها اظرف واشيك وواحدة بكرتونة بس شكلها عادى ...واحد جه سالنا هى دى ايه اللى فيها وحلوة ليه يعنى قلنا له اللون وحاجات تانية ( دى كانت الغسالة الوحيدة الباقية من الموديل ده ) الأخ فضل يلف شوية حوالينا و اختفى ثانية وبعدين رحنا نحاسب نلاقى الأخ الظريف اخد الغسالة اللى كنا بنختارها وحاسب كمان عليها واحنا عمالين بندور على الكاشير علشان نأخدها ..مش عارف هى شطارة ام فهلوة او قلة ذوق ...انا فضلت مذهول عدة دقائق من الحركة الخايبة دى ...طيب ليه عمل كده ؟ مش عارف بس اللى يفكر فى اخلاق الناس وتصرفاتها يتعب ...

تم تعديل 24 يوليو 2010 بواسطة aimen

[bo ghareeb]

موضوع جميل و لكن فعلا فيه تحامل على مصر لأن السلبيات هذه موجود في كل مكان و منقدرش نقول ان مثلا الامارات أفضل أو الكويت أو ... لأن احنا عددنا كبير اوي احنا بس بننقد بدافع حبنا لمصر و حلمنا اننا نشوفها افضل بلد في العالم.

انا مقيم في الامارات و انزل شهرين في الصيف أكثر حاجة بتتعبني السواقة و لكن منذ اقامتي في 6 اكتوبر ارتحت شوية. بقى فيه مطبات صناعية في كل مكانه ( ولكن لدرجة العبط احيانا ) و اشارات مرور ( شيء جميل و حضاري و بالعد التنازلي و كاميرات مراقبة ) بس الكثير من الناس لا يحترمون الاشارات و لا الشرطي اللي واقف. تعرفوا..مرة واقف على تقاطع و شايف العسكري سرحان و مفيش حد جاي من الطريق الثاني فضربت له كلاكس..بصلي و نزل ضحك و شاورلي بيقول الطريق فاضي..انت واقف ليه..أكنه مش مصدق ان فيه واحد ممكن يحترمه و يسمع الكلام.

البقشيش زاد عن حده كثيرا و لكن لو بصيت للموضوع على انه صدقة..انت اللي كسبان. حط نفسك مكان الشخص اللي حتديله بقشيش و احمد ربك انك مش في مكانه. أيه يعني 2 و لا 3 جنيه هنا و هناك.

سمعت في نجوم اف ام ان عامل محطة البترول يعتمد على البقشيش بشكل كامل و في لقاء مع احد مديري المحطات فوجئت أن راتب العامل 50 جنيه ( خمسون جنيه ) في الشهر...هل تصدقون؟؟

اللي كنت أسمعه عن الشرطة و انا برا ,لقيت عكسه تماما و انا في مصر. الصراحة و ان وجدت فئة سيئة في الشرطة فهناك السيء في كل مهنة و لكن و اللهي كل من تعاملت معه في مصر من رجال الداخلية اثلجوا صدري.

مصر جميلة بس محتاجة اللي يخاف عليها و يحب ينميها مش يكون كلامنا لهدها فقط..يجب أن يكون كلامنا بناء و مراد من وراءه الفائدة لبلدنا لأننا مهما بعدنا حنرجع لمصر في يوم من الأيام.

تحياتي لكم جميعا.

[تامر مصطفى]

موضوعك جميل اوي

اقولك انا على موقف على السريع

من يومين كنت واقف عند مطعم في شارع الهرم واول ما نويت اني اركن لقيت شخص ظهر من تحت الارض وبيقولي تعالى ورا شوية وقدام شوية وراح فاتح لي الباب

المهم اشتريت طلباتي في اقل من دقيقتين ورجعت اركب السيارة لقيته بيحاول يوقف السيارات اللي في الشارع علشان اطلع انا بسيارتي

رحت اديته جنيه راح فاتح ايده وقالي والنبي ده يرضي ربنا تديني جنيه بس ؟؟!!!!!!

قلت له يعني جنيه في دقيقتين مش عاجبك؟؟؟؟؟

قالي اصل محدش بيدفع الجنيه ده خالص

قلت له احمد ربنا وهو يباركلك فيه ويبقى الف جنيه ومشيت .