رمضااااااااااااااااااان كريـــــــــــــم

[رضوي]

السلام عليكم ورحمة الله وبركاته

ما ان يقترب شهر رمضان ................ شهر الصوم والعبادات والتقّرب الي الخالق الرحمن ........... الا ونجد اعلانات المسلسلات والبرامج الفكاهية والفوازير وبرامج المسابقات والتوك شو وغيرها من البرامج الترفيهية بدأت تملأ الشاشات الارضية والفضائية علي السواء ........... ومافيش حاجة حصري كله علي التليفزيون المصري .........

وبصراحة دة شيء اصبح يستفزني بجد ( ايوة اصبح لان زمان وانا صغيرة كنت بفرح اوي بالبرامج والمسلسلات دي بس سبحان الهادي )المشكلة ان دة بيبقي الشكل العام لرمضان في مصر ( اقصد بالشكل العام يعني اهتمام العامة من المصريين ) الا من رحم ربي

وطبعاً كمية المسلسلات الرهيبة والمشوقة الغير عادية اللي نازلة في موسم رمضان ........... ياااااااااااااااخبررررررررررر

ببساطة لايجد المتابع الجيد لهذه البرامج والمسلسلات اي صعوبة في الصيام ( الوقت بيطير هوا ادام الشاشة المنزلية ) كما انه يكتشف انه ايضاً لايوجد لديه وقتاً للأداء الصلوات المكتوبة ( الا أثناء الفواصل الاعلانية ) وربنا يتقبل

( رُب صائم لم ينل من صيامه سوي الجوع والعطش )

وربنا يهدي

كمان عندنا في مصر ام الدنيا اهتمامات غير عادية بالاحتفالات الفنية والسهرات في ليالي رمضان ( بعد العشا علي طول المغنيين الافاضل بيشتغلوا ......... غير معارض الفنون التشكيلية والندوات الثقافية والادبية ) wst::

وكأن رمضان شهر العبادة والصوم والتراويح والقيام ............ قد تحول الي شهر المسلسلات والبرامج والفانوس والسحور

اه السحور ......... مش محتاجة اتكلم عليه ولا علي الموائد الفاخرة علي السحور بع الحفلة لما تخلص بقي لازم السحور علشان الناس تعرف تنام قصدي تصوم لحد المغرب

طبعاً فيه جانب مشرق ونص كوب مليان مااقدرش انكره ........... فيه ناس وناس كتير كمان ربنا يقوي ايمانهم ويكتر امثالهم عارفين يعني ايه رمضان ........ وبيحافظوا علي صلاه الجماعة وقرأة القرآن وصلاه التراويح والقيام .........الخ

بس بجد بستشيط غضباً لما الاقي الناس بيتكلموا عن المسلسلات md2: والبرامج ........ وشوفتي يافلانة مسلسل نور الشريف ..... طيب تابعتي حلقة امبارح من برنامج مش عارف مين ........ لا دة الممثلة الفلانية امبارح كانت قايمة بالدور مظبوط ...... البنت دي مستقبلها باهر في التمثيل

يااخونا انتوا بتلاقوا الوقت فين لمتابعة الكمية الرهيبة دي من المسلسلات والبرامج ............ اكيد دة سبب منطقي لنومكم طول النهار

دة انا اعرف ناس زمان كانوا بياخدوا كلمتين علشان بيتفرجوا علي بوجي وطمطم وعمو فؤاد المهندس wst::

[رضوي]

جانب تاني في رمضان

الاستهلااااااااااااااااااااااك .................؟؟؟؟؟؟؟؟؟؟؟؟؟؟؟

مليون تساؤل وتساؤل ..........؟؟؟؟؟؟؟؟؟

س - ليه الاسعار بتزيد في رمضان ؟؟؟

ج - علشان الطلب بيزيذ مع ثبات العرض .

س : وليه الطلب بيزيد علي اسعار المواد الغذائية في شهر الصيام وتقلص الوجبات اليومية الي وجبتين فقط ؟

ج - نتيجة للعادات الاستهلاكية في رمضان ( الغير منطقية ):blink:

طبعاً تلاقي ست البيت ربنا يخليها نازلة قبل رمضان بكام يوم وبتشتري حاجات غريبة بكميات اغرب وكأنه اخر موسم للاكل ...... او ان المواد الغذائية هتخلص او هيحصل ندرة فيها لاقدر الله .............. وتملي الفريزر والتلاجة من كل ماتشتهي الأنفس ومالذ وطاب من الاطعمة .......... واللي يغيظ انك لما تسألها انتي بتعملي كدة ليه تقولك دة شهر الصوم كل سنة وانت طيب !!!!!!!!:lol: :lol:

وعجبي

ناهيك طبعاً عن جشع التجار اللي مابيخلصش ويسبب ارتفاع الاسعار .......... وتبقي ولعة في كل حاجة

ياتري مين السبب في العادات دي ؟؟؟؟؟؟؟؟؟ سواء الاستهلاكية او الاستفزازية ؟؟؟؟؟؟؟

وايه الغرض منها ؟؟

وايه الحل لتوعية الناس ان شهر الصوم للصوم والعبادات فقط لاغير ؟؟؟؟؟؟؟

وعلي رأي الفاضلة صباح ....... ياعالم فهموه رمضان ماعمروش قال كدة ( تقريباً يعني لو مكنتش نسيت الاغنية )

[om marawan]

ازيك يارودى ياجميلة انا اول ماباشوف كلمة رمضان كريم باتبسط جدااااااا

زمان كنت باستغرب كم المسلسلات والتهريج اللى بيحصل وممثلات السينما اللى مش بيظهروا غير فى مسلسلات رمضان

وبعدين زى مانتى قلتى لقيت مش كل الناس بتتفرج بالعكس مع زيادة المسلسلات بيقل عدد المتفرجين

المهم انا جيت اقولك كل سنة وانتى طيبة

واللهم بلغنا رمضان يارب وتقبله منا ومنكم باذن الله

[Damo]

بكااااار :happy:

[المهندسه]

السلام عليكم

اللهم بلغنا رمضان جميعا

وربنا يهدى الناس الرمضان بالنسبه لهم مسلسلات و فوازير و سهر فىى الحسين للفجر (مش فىى الجامع طبعا قصدى الفيشاوى الجنبه)ما هى كلها الحسين

وكل سنه و انتم طيبين جميعا

[شريف مان]

انا بحب التليفزيون

بس فى رمضان بشبط فى احسن مسلسل او اثنين بالاحساس كده

لان معنديش وقت فى رمضان غير للاكل ( الفراخ والحمام واللحمة والحلويات )

يااااااااااااااااااااااااااااااااااااااااااااااااااااااااااااااااااااااااااه والله جعت :D