على قائمة اسعد الشعوب.. الدنمرك فى المقدمة ومصر فى المركز الـ 115

[ابو محمد بن مصطفي]

على قائمة اسعد الشعوب.. الدنمرك فى المقدمة ومصر فى المركز الـ 115

كتب: هيثم فارس- تصدرت الدنمرك قائمة اسعد الشعوب في العالم ، بينما جاءت مصر فى المركز الـ 115، واحتلت إسرائيل المركز الـ8.

وفى المسح الذي أجراه معهد جالوب الأمريكي ونشرته مجلة "فوربس" جاءت فنلندا فى المركز الثاني، بينما جاءت النرويج فى المركز الثالث.

واعتمد المسح على سؤال وجه لآلاف المواطنين فى 155 دولة حول العالم وهو "ما هو مدى الرضا العام عن حياتك؟" والإجابة يجب ان تكون ما بين 1 الى 10 ، كما اعتمد المسح على أسئلة تتعلق بالخبرة الحياتية للمواطن فى هذه الدول ومدى شعوره بالاحترام والتقدير وسهولة الحياة .

وجاءت المملكة العربية السعودية فى المركز 58 بينما جاءت دولة الإمارات فى المركز الـ20.

ومن المفارقات الغربية فى قائمة اسعد شعوب العالم ان الولايات المتحدة جاءت فى المركز الـ 14بينما احتلت دولة كوستاريكا المركز السادس.

واحتلت البرازيل المركز الـ 12، بينما جاءت الكويت فى المركز الـ 23.

الجدير بالذكر ان جالوب وهي منظمة تقدم الاستشارات الإدارية والموارد البشرية والبحوث الإحصائية، وتمتلك ما يقرب من 40 مكتب عبر دول العالم ويقع مقرها الرئيس في العاصمة واشنطن ويقع مقر العمليات في أوماها بولاية نبراسكا الأمريكية.

المصدر مصراوي

الملاحظ ان دولة كوستاريكا اللي موجودة في امريكا الوسطي تأتي في المركز السادس.....

ومصر ام وابو وخالت وعمت وبنت اخت الدنيا في المركز الخامس عشر بعد المائة .....

انا بفكر اخد العيال وامهم ونروح نعيش هناك.... حد يحب يجي معايا

[mekkawy]

خدني معاااااااك خدني معاك .. خدني معاك

خدني معاك اذا كنت مهاجر خدني معاك .. خدني معاك

كوستاريكا .. و البرازيل .. يا الله .. و طبعاً السبب إننا 80 مليون و إننا شعب بنخلف كتير .. يلا بأة ننظم الأسرة و كل واحد يجبله عيل كل 40 سنة

مكاوى .. مفقوع

[ابو محمد بن مصطفي]

مجلة فوربس

ده موقع مجلة فوربس اللي نشرت نتيجة الاستطلاع

حته كدة من تحت لي تحت هما الناس دي مشافتش استطلاع لجنة السياسات ولا ايه

مكاوي اهلا بك في كوستاريكا وبلاش البرازيل خلينا مع الستة الكبار

[se_ Elsyed]

هههههههههه ... عشان ده كل يوم بأتصل باختي الصغيرة الاقيها بتضحك من غير سبب ومبسوطه ... أختي تعيش في الدنمارك من 12 سنة وجوزها هناك من 20 سنة ... على فكره الدنمارك تحتل المركز ده يمكن لسادس عام على التوالي

هما بقى لما يتصلوا بيه بيلاقوني بأعيط ..

ساعات الجزمة تكون ضيقة ... ساعات بأكون باخرط بصل .. وساعات باكون بافكر في بلدي ..

وكل ده بيصب في خانه واحده وهي البكاء ..

بس البكاء حلو على فكره .. بيغسل العين .... وبيخلي القفص الصدري شغال طالع نازل وتحس إن الفشه قصدي الرئتين بياخدوا راحتهم وينتفشوا .. كمان بيُنعش صناعة الكلينكس ...

اما هما فبنقول لهم إن

الضحك من غير سبب .. قلة أدب ....

والسعادة في الأخره أحسن من السعادة في الدنيا

ويا بخت من بات زعلان ولا باتش فرحان

ويا بخت من بكاني وبكا عليه .. وما ضحكنيش ولا ضحك الناس عليه

وأفتكر لك إيه يا بصله وكل خارطه بدمعه