أحمد سيف بتاريخ: 21 يوليو 2010 تقديم بلاغ مشاركة بتاريخ: 21 يوليو 2010 الموقف أكيد حصل مع كل واحد فينا ... تدخل محل وفي بالك تشتري حاجه معينه ... مش مهم الحاجه ايه ممكن تبقى باكو لبان أو تلفزيون 42 بوصه - تلاقي 100 صنف من الحاجه دي ... غالبا هتحتار وتفكر كثير وبعد ما تشتري الحاجه ممكن تفضل تفكر في الخيارات الثانية اللي انت سبتها ... بينما لو كان قدامك صنفين ثلاثه كانت العملية تبقى أريح وأحلى بالنسبة لك أنا شخصيا الإحساس ده جالي في موقف من شهرين تقريبا ... كنت في مصر بأقضي شوية مصالح ... وجه وقت الغذا عليا وأنا في مصر الجديدة فقلت أروح أتغدى في مطعم صغير هناك بيعمل أكل بيتي كويس كنت بروحه زمان ... نظامه كان إنه ماشي على جدول أسبوعي ثابت وكل يوم بيعمل أصناف محددة يعني مثلا تلاقي عنده في يوم رز وطاجن بسلة باللحمة وشوربة .... ويوم ثاني مكرونه وفراخ بالبطاطس وهكذا ... المهم رحت سألتهم انتو عاملين ايه النهارده قاللي النظام اتغير وبنعمل كل حاجه كل يوم ... بصيت على المنيو تهت وقعدت أفكر نص ساعه وفي الآخر زهقت وقلت له على أي صنفين ... وطلعت وأنا مش مبسوط ... رغم إن المفروض العكس هو اللي يحصل. النهارده لقيت فيديو على اليوتيوب فيه عالم نفس بيتكلم على الموضوع ده وكلامه - بغض النظر عن اللي لابسه - عجبني ... قلت أنقله لكم هنا وأشوف رأيكم في الكلام ده ايه وأسمع تجاربكم اللي بتدعمه أو بتناقضه. آدي الفيديو http://www.youtube.com/watch?v=VO6XEQIsCoM&feature=player_embedded اقتباس إن فشلنا في الوصول للحكم ولتغيير البلد .. لا تقلقوا .. نحن فكرة .. الفكرة لا تموت ... تستمر لا تتوقف البرادعي 15/10/2011 رابط هذا التعليق شارك المزيد من خيارات المشاركة
Damo بتاريخ: 21 يوليو 2010 تقديم بلاغ مشاركة بتاريخ: 21 يوليو 2010 اولا عايزة أشكر حضرتك على الفيديو الجميل ده فعلا بيقول كلام صح جدا !! أنا لسه من كام يوم كنت بفكر ليه الدنا مليانة اختيارات كتير كده!! الواحد تعب من التفكير والسترس بتاع انو يختار الحاجة من أصلو أنا لسه سحرية لابتوب النهردة. قبل ما اجيبه قاعدت الدور عالنت الاول ولقت حاجات كتيييير. وبقت تايها خالص مشعرفة حتى أحط عيني على كام واحد بعدين امبارح نزلت محلين شفت فيهم. الاول الرجل قعد عايزة حاجة معينة ؟؟؟ قلتله لازم كزا وكذا وكذا راح وراني تقريبا كل اللي في المحل !!! وقالي ده في كذا بس مفيهش كذا أما ده فاه كذا وكذا لكن مفيش كذا . كمان له انتي بتحبي كذا يبقى ممكن كذا ....وهكذا وهكذا لما أنا اتلخبط خالص . فـقلت هفكر كده واشوف . بعدين دخلت محل تاني . قلت عايزة لاب فيه كذا وكذا . راح مرني اتنين!!! :blink: مع ذلك قدرت اختار في اقل من خمس دقايق وأنا مرتاحة على الآخر وجبته النهردة والحال ماشي ومبسوطه الحمدلله مرسي يا استاذ احمد اقتباس " Feed Your Faith and your fears will starve to death " Unkown~ رابط هذا التعليق شارك المزيد من خيارات المشاركة
shawshank بتاريخ: 22 يوليو 2010 تقديم بلاغ مشاركة بتاريخ: 22 يوليو 2010 الأخ العزيز الفاضل/ أحمد سيف أنا شايف ان مفتاح الموضوع هو الرضا التام بما منحه الله إياي. لأنه إن كان لديّ المال الكافي لعدد محدود من الخيارات، تطلعت إلى ما لا أستطيع شراءه. وإن كان لديّ المال الكافي لكل الموجود من خيارات في مصر مثلاً، تطلعت إلى الخيارات المتاحة في العالم. وإن استطعت الحصول على كل خيارات العالم، تطلعت إلى خيارات ستوجد في المستقبل. المهم أن تعدد أو قلة الخيارات لن يرضيني إلا لو كنت أنا راض بما معي مهما كان. البحث عن الكمال ليس مفتاح السعادة. جميلة المحاضرة القصيرة دي، وعجبني فيها كلمة قالها الراجل في الآخر: لو الاختيارات الكتير أوي اللي عندنا راح جزء منها لناس في دول تانية عندهم اختيارات أقل بكتير، ده هيخلينا احنا وهم أسعد! ودي نظرة جميلة جدًا، ولها معنى عميق بأن ربنا خلق الدنيا وفيها ما يكفي ويُرضي كل الناس. فإن حاول بعض الناس الاستئثار بكل شئ، لتسببوا في شقاء الجميع. هو قال إن فيه نقطة معينة من عدد الخيارات عندها تكون الناس مبسوطة. أنا أختلف معه في دي. لأنه ممكن تكون الناس مش مبسوطة لو لم تكن راضية، مهما كان عدد الخيارات. والرضا مفتاحه السمو والتنزه عما في أيدي الناس، والرغبة فيما عند الله سبحانه وتعالى. فأي حذاء وأي قميص وأي تليفون محمول سيؤدي الوظيفة. النقطة السحرية من عدد الخيارات اللي بيتكلم عنها وإن عندها سر الرضا هي في رأيي سراب، وأنا متأكد إنه في وقت ما من عشرات السنين كان هناك من يقول: لو كان عندنا 50 نوع من الجبنة كان كل واحد هيختار النوع اللي بيحبه وكانت الناس هتبقى سعيدة! اقتباس كل لحظة إبطاء في نيل المعتدين جزاءهم ... خطوة نحو كفر المجتمع بالعدالة، ودرجة على سلم إيمانه بشريعة الغاب رابط هذا التعليق شارك المزيد من خيارات المشاركة
wsadani بتاريخ: 22 يوليو 2010 تقديم بلاغ مشاركة بتاريخ: 22 يوليو 2010 ليه مبيبقاش عندك تخيل مسبق للى رايح تشريه يعنى انت رايح مطعم عارف انت عايز تاكل ايه اساسى فراخ سمك لجمة رايح تشترى لاب توب حاطط ميزانيتك وعارف المواصفات الى انت عايزها يعنى بتجيب الحاجة اللى مجمعه كل المواصفات فى حدود الفلوس اللى معاك وقى الاخر ترضى باختيارك انا هديلك مثال انا نازل اشترى تكييف بنزل اشوف الاول او ادور على النت 1- مساحة الغرفةوالعداد وعلى اساسه اجيب كام حصان 2- الضمان مين بيقدم ضمان وخدمات بعد البيع كويسه وعلى اساسه اجيب الماركة 3- طيب الفلوس اللى معاى تجيب سبليت ولا شبك وفى الاخر ابقى راضى باختيارى حتى لو حصل حاجةة للتكيف وزى ما الراجل قال متعلاش بتوقعاتك اوى اقتباس رابط هذا التعليق شارك المزيد من خيارات المشاركة
Mr MAGED بتاريخ: 22 يوليو 2010 تقديم بلاغ مشاركة بتاريخ: 22 يوليو 2010 أستاذ أحمد أحييك وأشكرك ع المحاضرة الجميلة دي واحنا فعلا ً بنحاول نتلافي موضوع الاختيارات الكتيرة دي لما بنحاول نعمل بروموشن او كامبين العميل السعودي دايما بنقول عنه ... لو تحب تحيره خيره ... وده غالبا ً بينطبق علي معظم الناس والدليل ان دامو لما حبت تشتري لابتوب .. راحت المحل الاول عرض عليها خيارات كتيرة معرفتش تقرر راحت للتاني اداها اختيارين بس قررت واشرت بسهولة ... عشان كده البروموشن بنركز كتير انه يكون محدد وواضح ومفيهوش اختيارات وده اكيد سبقه تجارب كتيرة اننا نعمل بروموشنز متعددة ومتنوعه وغير مباشرة وكانت النتيجة انها بتفشل او مش بتحقق النتيجة المرجوة منها بس المهم هنا اننا عايزين نعرف ... هل ده ميزة ولا عيب ... هو ليه احنا مش بنحب نفكر ... ليه بنتعب ونتضايق لما حد يطلب مننا اننا نشغل دماغنا !!! هو فيه ايه !!!! احنا ليه عايزين كل حاجة تجيلنا لحد عندنا من غير مانتعب نفسنا ونفكر شوية انا مش عارف هو كده فيه حاجة غلط ولا لأ ... بس اعتقد اننا المفروض نحاول نتعب ونفكر شوية فحاجات كتيرة فحياتنا لأن اكيد بعض القرارات بتكون مصيريه ... وتستحق مننا التفكير تحياتي وتقديري اقتباس العقول الكبيرة تبحث عن الأفكار .. والعقول المتفتحة تناقش الأحداث ... والعقول الصغيرة تتطفل علي شؤون الناس .... رابط هذا التعليق شارك المزيد من خيارات المشاركة
MaYousof بتاريخ: 13 يناير 2011 تقديم بلاغ مشاركة بتاريخ: 13 يناير 2011 للرفع .. بمناسبة وصول مداخلاتي لألف مداخلة .. اقتباس رابط هذا التعليق شارك المزيد من خيارات المشاركة
م تيمور المراغي بتاريخ: 13 يناير 2011 تقديم بلاغ مشاركة بتاريخ: 13 يناير 2011 من اعلى معدلات الدخل للفرد في العالم ,, السويد من اعلى معدلات الانتحار في العالم موجوده في ,,,,, السويد ,, قال سبحانه تعالى: (( وَلَوْ بَسَطَ اللَّهُ الرِّزْقَ لِعِبَادِهِ لَبَغَوْا فِي الارْضِ وَلَكِنْ يُنَزِّلُ بِقَدَرٍ مَا يَشَاءُ إِنَّهُ بِعِبَادِهِ خَبِيرٌ بَصِيرٌ )) الشورى / 27 اقتباس المجد لولادك المخلصين ... رابط هذا التعليق شارك المزيد من خيارات المشاركة
Recommended Posts
انضم إلى المناقشة
You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.