أبتدي حياتي المهنيه أزاي ؟؟

[hOuSsAm]

السلام عليكم ورحمة الله وبركاته

اتكلمت قبل كدة عالبرستيج واهميته عشان تلاقى شغلانة كويسة وان لبسك يكون شيك

انا مش بطلب منك تجيب ماركات ........ بمعنى انك ممكن تجيب حاجة رخيصة وبسيطة بس تكون شيك وتدى انطباع كويس عنك

بالنسبة للشباب

بدلة رصاصى او كحلى (سواء مقلمة او سادة) مش لازم يا سيدى بدل غالية سعات بشوف فى السوق حجات ب 200 جنيه واهى بتقضى الغرض ومش وحشة .. قميص لونه هادى ويكون لايق عالبدلة ........ كرافت شيك ..... شراب محترم ..... شوز كلاسيك يستحسن تكون سودة (حاجة تكون رسمى هادية جدا وبسيطة ومفهاش بهرجة) ولو ساعة تكون بنت حلال ولو مفيش مفيش مشكلة........ برفيوم هادى (انت ممكن تجيب الحجات دى وتعينها على جنب للانترفيوهات بس)

سيادتك رايح انترفيو تاخد الدش التمام ومظبط كل حاجة وحالق دقنك ولو ملتحى مهذبها (متكونش متنعكشة) فيه ناس كتيرة ملتحيين شيك اوى

مسرح شعرك وحاطط كريم ....... غاسل اسنانك وتكون بتلمع من البياض ......... هادى ومركز........ تروح قبل ميعادك ومعاك علبة المناديل عشان تنشف عرقك وانت داخل وتنضف الشوز من التراب اللى فى مصر........... موضوع بسيط اوى مش تكلفة ولا بهرجة بس بيدل على شخصية سوية تقدر تشيل مسئولية

بالنسبة للبنات

انا مش فاكر اوى لبسهم المفروض يكون ازاى بس هقول اللى انا فاكره

ممنوع منعا بتا تحط مكياج ولو حتى خفيف

ممنوع الاكسسوارات

الالوان بردوا تكون حجات هادية وكلاسيك واللبس يكون محتشم (الا لو طبيعة الوظيفة تتطلب حاجة تانية ....... انا ملييش دعوة يعم) ممنوع الوان الطيف اللى بنشوفها فى الشارع كل يوم

اظن ان الكعب العالى كان بردوا ممنوع

انا بصراحة مش متعمق اوى فى الليلة دى بس اللى فاكره ان كان فيه برستيج للبس البنات وشكلهم فى الانترفيوهات والمتخصصين فى الموارد البشرية فى الشركات دى بيبقوا فاهمين الحجات دى

(انا بتكلم بردوا عالاستندارد العالمى.... لكن لو كان اللى بيتطبق مختلف فانا غير مسئول)

تحياتى للجميع

[hakeem]

مجهود تشكر عليه يا استاذ حسام ..

[abdulmuttaleb]

أهلا بكم

موضوع شيق، ويتفق مع مشروع كنت بدأته وقررت استئنافه حديثا لمكتب استشارات موارد بشرية متخصص في استشارات التخطيط الوظيفي لحديثي التخرج ومساعدتهم على إعداد السيرة الذاتية وتحديد آليات البحث عن وظيفة مناسبة، وده الموقع المؤقت لحين تشغيل الموقع الجديد:

http://sites.google.com/site/newegypthr/guarantee

شكرا لأحمد باشا سيف وسي السيد وأ.حسام لمشاركاتهم القيمة ولجميع المداخلات بالطبع والتي استفدت منها شخصيا الكثير.

أنا كنت عملت محاولة متواضعة عبر مدونة على الانترنت نشرت منها جريدة الشروق مقالة، ومن عناوين المدونة:

سنة أولى شغل:

البداية

ما قل ودل

الحضور والانصراف

الراتب

إنسانيات

طلب رسمي

محددات الأداء

الراتب الشهري:

تمييز

أول راتب

تخطيط

فن ورياضة

مصطلحات

الرواتب في مصر

لاءات العمل:

لا تتهرب

لا تنقل

لا ترفض

لا تنس

لا تنغلق

لا تعاتب ولا تشكو

لا تسأل

لا تضيع الوقت

[أحمد سيف]

أشكر المهندس محمد عبدالمطلب على مشاركتنا خبرته القيمة ومقالاته الجميلة ... وفي انتظار المزيد

[شريف مان]

شكرا استاذ احمد سيف على الموضوع المميز

هتكلم عن مجالى المحاسبة

عشان الواحد يبقى مميز فى المجال دا لازم يشتغل فى اربع اتجاهات

1- الكمبيوتر ( برامج المحاسبة زى الاكسل والبيتش ترى ..... الخ )

2- اللغة ودى موااال كبير وبتاخد وقت انما فيه مراكز حلوه والكورسات فيها مش مكلفة زى المعهد البريطانى مثلا مركز axon

3- المادة العلمية فيه كتب كتير جدا مهمة زى كتب المعلم دونالد كيسوهضيف ليك فى بداياتك بشكل غير طبيعى ( عن تجربه ) بالذات لو تجاره عربى زى حالاتى

4- الشهادات المهنية ودى طبعا مكلفة ومحتاجة وقت وجهد وانا افضلها للى شغال بالفعل عشان يبقى عارف هوا شغال فى ايه وايه انسب شهادة ليه

انا شايف ان الذكى هوا اللى يقدر يتحدى الظروف ويحقق الاربع حاجات دول بدرى

لنا عودة بأذن الله

[كارييير]

السلام عليكم

اهلا وسهلا بكل الاعضاء ونويت اشارك معاكم باستفسار مهم بخصوص الحياة المهنية وحابب الناس تفيدنى من واقع خبراتها وتجاربها

ايهما افضل؟؟؟ كاريير اجادة اللغات الاجنبية(لغتين على الاقل) ام IT الدعم الفنى فى مجال الكمبيوتر والشبكات؟؟؟

علما انى اجيد فى المجالين واحبهم واستطيع المواصلة فيهم من منطلق دراسة سابقة لكليهما

مثلا عندى ارضية لا بأس بيها لدراسة لغتين ولكن ليس لدرجة الاحتراف و مؤهل بذلك واعرف الادوات اللى ممكن اكمل بيها ونفس الحال بالنسبة للكمبيوتر حصلت على شهادات مثل +A وكمان شهادة ICDL ,aوكمان دراسة مبدئية للشبكات

لكن حابب اكمل فى كاريير منهم واتخصص واعطى كل وقتى ليه ومافيش مانع انى ابص على المجال التانى لكن الاولوية يكون لواحد منهم بحيث يكون المرجعية له

يا ترى ايه رأيكم لغات ولا IT

من ناحية مجال المنافسة مثلا والوقت المستغرق لتحصيل اى علم منهم وكمان تكلفة ده من شهادات دولية فى المجالين وايهم اريح فى تحصيله والتعب عليه (مع التسليم انى مافيش حاجة سهلة)لكن نسبيا ايهما اقل تعب قى تحصيله وله مردود اكبر من الناحية المادية والعلمية التى تعود على الشخص فى حياته وتعاملاته

كمان من ناحية مهمة ايهما له الاولوية والافادة الاكبر فى خدمة الدين (كلاهما ممكن اخدم منه الدين )لكن ايهما اكثر فائدة وثمرة

ولا اخفى سرا انى لما اسأل الاستاذ فى المجال الاولانى بالتأكيد من واقع تخصصه بيرشحه لى وكمان الاستاذ فى المجال التانى يرشحلى مجاله

ايه الحل عاوزين نبص على الموضوع من فوق شوية بشمولية وكمان تجرد عن الهوى والحب للشئ من جانب كل من يتكل فى الموضوع

و زى ما قلت انا اهوى الجانبين واستطيع انى اكمل فيهم لكن ايهما اتخصص واكمل تعب ودراسة فيه شوية

اهتماماتى دينية بحتة وبحب التنمية البشرية واجيد الكلام والحمد لله لبق واقدر اقنع اللى قدامى باللى انا عاوزه فهل مهارات دى تودى على حاجة من دول اكتر ولا ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[akramgroup]

السلام عليكم

اهلا وسهلا بكل الاعضاء ونويت اشارك معاكم باستفسار مهم بخصوص الحياة المهنية وحابب الناس تفيدنى من واقع خبراتها وتجاربها

ايهما افضل؟؟؟ كاريير اجادة اللغات الاجنبية(لغتين على الاقل) ام IT الدعم الفنى فى مجال الكمبيوتر والشبكات؟؟؟

علما انى اجيد فى المجالين واحبهم واستطيع المواصلة فيهم من منطلق دراسة سابقة لكليهما

مثلا عندى ارضية لا بأس بيها لدراسة لغتين ولكن ليس لدرجة الاحتراف و مؤهل بذلك واعرف الادوات اللى ممكن اكمل بيها ونفس الحال بالنسبة للكمبيوتر حصلت على شهادات مثل +A وكمان شهادة ICDL ,aوكمان دراسة مبدئية للشبكات

لكن حابب اكمل فى كاريير منهم واتخصص واعطى كل وقتى ليه ومافيش مانع انى ابص على المجال التانى لكن الاولوية يكون لواحد منهم بحيث يكون المرجعية له

يا ترى ايه رأيكم لغات ولا IT

من ناحية مجال المنافسة مثلا والوقت المستغرق لتحصيل اى علم منهم وكمان تكلفة ده من شهادات دولية فى المجالين وايهم اريح فى تحصيله والتعب عليه (مع التسليم انى مافيش حاجة سهلة)لكن نسبيا ايهما اقل تعب قى تحصيله وله مردود اكبر من الناحية المادية والعلمية التى تعود على الشخص فى حياته وتعاملاته

كمان من ناحية مهمة ايهما له الاولوية والافادة الاكبر فى خدمة الدين (كلاهما ممكن اخدم منه الدين )لكن ايهما اكثر فائدة وثمرة

ولا اخفى سرا انى لما اسأل الاستاذ فى المجال الاولانى بالتأكيد من واقع تخصصه بيرشحه لى وكمان الاستاذ فى المجال التانى يرشحلى مجاله

ايه الحل عاوزين نبص على الموضوع من فوق شوية بشمولية وكمان تجرد عن الهوى والحب للشئ من جانب كل من يتكل فى الموضوع

و زى ما قلت انا اهوى الجانبين واستطيع انى اكمل فيهم لكن ايهما اتخصص واكمل تعب ودراسة فيه شوية

اهتماماتى دينية بحتة وبحب التنمية البشرية واجيد الكلام والحمد لله لبق واقدر اقنع اللى قدامى باللى انا عاوزه فهل مهارات دى تودى على حاجة من دول اكتر ولا ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

والله ياكاريير انت ابن حلال

عشان رفعت الموضوع ده لانه فعلا موضوع جميل واحسن من مواضيع كتير من غير فايدة

عموما ياسيدى انا رأيي الشخصى انك تاخد اللغات افضل من الاى تى وده لسبب هام

اللى هو ان فايدة اللغات دى افضل على اللونج رن وهتساعدك فى كل حاجة وممكن تفتحلك وظايف فى كل المجالات

ولو حبيت تغير الكاريير بتاعك( مش اسمك) فى اى وقت هتلاقى الحاجات دى بتساعدك جدا

غير ماتاخد حاجة يكون لغرض واحد بس

وتبقى بقى ولد تمام لو بعد اللغات تاخد بردو بتاعة الاى تى wst:: wst::

تحياتى

أكرم,,

[عبير يونس]

أستاذ كاريير

حضرتك ماوضحتش حضرتك وضعك ايه؟

يعني طالب والا متخرج؟

و متخرج من ايه؟

و هل حضرتك حديث التخرج و الا بقى لك كام سنة؟

و لو من كام سنة يا ترى عملت ايه في الكام سنة دول؟؟

من اجابات الاسئلة دي

حتتضح حاجات كتير

عموما إجادة اللغات دي حاجة مهمة جدا و خصوصا لو الانجليزية واحدة منهم

و ده شيء مهم لمعظم المهن

اما لوحضرتك عايز تتعمق في دراسة اللغات

فمفيش مجالات غير التدريس أو الترجمة

و دي مهن شاقة جدا

و عايزة اللي يشتغلها يكون بيحبها جدا جدا عشان يقدر يتحمل مشقتها

و عايزة تطوير مستمر و مذاكرة لا تنتهي

و اطلاع على ثقافة و أدب اللغة دي

العائد المادي المجزي فيها يتطلب شغل من نار

مع الأخذ في الاعتبار ان الترجمة لها حدود وضعتها مؤسسات عالمية لحماية صحة المترجم وتجاوز الحدود دي يؤدي الى تلف في خلايا الدماغ

يعني مينفعش تشتغلها طول الوقت

لازم تكون مش هي مصدر الدخل الرئيسي

أو انك تشتغل مع مجموعة من المترجمين و توزعوا الشغل بينكم ما بين ترجمة و تدقيق و المكسب يتوزع بينكم

طبعا الاي تي معنديش فيه اي خبرات

بس اعرف انه مجال مطلوب جدا

و اخواننا الأفاضل في المحاورات المتخصصين يفيدوك

نصيحتي لو ما لكش في التدريس

او اك تكون غاوي شعر و أدب

أو معندكش وعي لغوي ثقافي و اجادة تامة للغتين و صبر

يبقى خليك في الانجليزي العملي كلغة تخدم متطلبات شغلك

الى جانب تعمقك في دراسة الاى تي

يارب اكون قدرت افيد حضرتك

[Advisor]

موضوع قديم ووجدته مع الموضوعات الشبيهه أو المقترحة و رأيت أنه لم يأخذ حقه من الحوار و تذكرت موضوعا قديما للفاضل سى السيد يتكلم فيه و ينصح بكيفية بدء الحياة العملية ....

المهم رأيت الموضوع يستحق الرفع و سأبحث عن موضوع سى السيد أيضا

[yasser moustafa]

انا بضيف صوتى واطلب من ذوى الخبرة فى المنتدى بافادتنا بخبراتهم وتجاربهم العملية

تم تعديل 23 أكتوبر 2010 بواسطة yasser moustafa

[se_ Elsyed]

تم دمج الموضوعين المتشابهين لمزيد من الأستفادة

[Mr MAGED]

أخواني الأعزاء ... اسمحولي اني أقوم باحياء الموضوع ده من تاني واطلب مشاركتكم الفعالة فيه

وده لعدة أسباب من اهمها اني بأعد حاليا دراسة لمشروع قريب من الفكرة دي

ثانيا ولأني من خلال اتصالاتي مع مسئولي التوظيف وكتير من الوكالات او من خلال اطلاعاتي في الفترة الأخيرة علي كثير من السير الذاتية

وجدت ان فيه مشكلة كبيرة جدا عند كتير مننا .. مش بس المبتدئين لكن كمان أصحاب الخبرة

وهي ان معظمنا مش بيتمتع بالذكاء الاجتماعي الكافي للحصول علي الوظيفة ... مش عارفين المفروض يعملوا ايه بالرغم من خبرتهم في مجالهم

انا عارف ان موضوع الذكاء الاجتماعي ده يحتاج لموضوع لوحده

لكن هاحاول اتكلم من ناحية علاقته بموضوع التوظيف والحصول علي وظيفة جيدة لان ده يهم عدد كبير مننا

ونحاول ندي مجموعة من النصائح الناتجة عن خبرات كتيرة اوي في المجال ده .. واتمني ان الجميع يستفيد بيها

فاصل ونواصل

[Mr MAGED]

بداية لازم نعرف كلنا ان فيه نوع من عدم العدالة في سوق العمل

ده شيء طبيعي ومعروف ومتواجد ومش هيتغير

معناه ايه الكلام ده .... معناه ان مش أفضل المؤهلين بيتقلدوا أفضل المناصب

ومش شرط انك تكون أكثر المرشحين كفاءة وأفضلهم مؤهل عشان تحصل علي الوظيفة

فيه حاجات تانية كتير ومواصفات تانية لازم تتحلي بيها بجانب مؤهلاتك وخبراتك

لأن المؤهل والخبرة حاليا في سوق العمل لوحدهم مش كفاية

انا مش عايز يكون الكلام ده محبط لأي حد ... المفروض ده يخلينا ناخد بالنا من حاجات صغيرة

بتكون فعالة اوي ومهمة اوي .. وبيكون ليها عامل كبير في الحصول علي الوظيفة

ولو حبينا ناخدهم بالترتيب ... هيكون كالتالي :

أولا : لازم تكون مؤهل للوظيفة اللي انت متقدملها .. دراسة وخبرة.

ثانيا : تكون عارف ازاي توصل معلومة انك مؤهل للشركة طالبة الوظيف،

يعني ازاي تقدر تكتب سي في محترمة .. وايه هو الاسلوب والكيفية المناسبة لارسالها.

ثالثا : لما توصل المعلومة السابقة لطالب الوظيفة .. هييجي دور المقابلة .. ازاي تحضرلها وازاي تقدر تجتازها.

رابعا : بعد كده بييجي دور التفاوض وازاي تقدر تكتسب مهارات التفاوض.

خامسا : ازاي تقدر تبدأ حياتك العملية الجديدة في شركتك الجديدة ان شاء الله .

ده تقريبا هيكون هو محور الحديث القادم باذن الله ... وطبعا يمكن اضافة بعد المستجدات التي تطرأ بين السطور

اتمني يكون فيه تفاعل مع الموضوع لأني فعلا شايف انه مهم

فاصل ونواصل