اتفضل اختار الاسم اللي يعجبك.....آخر نكتة

[لماضة مصرية جدا]

السلام عليكم و رحمة الله و بركاته

اخواني المواطنين الشرفاء

بصوا بقي

ع الاسامي ديت

دي وثيقة حكومية ع فكرة

و يا ريت كل واحد يقولنا ايه اكتر اسم انفعل بيه و معاه....اوي

انا سخصيا...متأنثرة بي....نمرة 6...16(جديد مووووووت)....24

عيشوا بقي

[aimen]

:lol:

مهباس جزعر رفس الحمار :ninja:

ده انجاز تاريخى للأمة العربية كونها انجبت اللى رفس الحمار حته واحدة ...بس معرفناش قلبه من على الحكم ولا لأ

بصراحة حاجه فلة قوى

اغرب اسم مر على هنا هو " نجر " بكسر النون ...حتلاقى فيه اسامى تانية بس انا مش فاكرها ...

[المهندسه]

رقم 13 فظيع (ماشى حافى ليل نهار)

مش مصدقه و الله ده الرسول عليه الصلاه و السلام وصانا نحسن اختيار اسماء اولادنا

شر البليه ما يضحك

بس جبتيهم ازاى دول ده انتى لماضه بجد هههههه

[لماضة مصرية جدا]

:lol:

مهباس جزعر رفس الحمار :ninja:

ده انجاز تاريخى للأمة العربية كونها انجبت اللى رفس الحمار حته واحدة ...بس معرفناش قلبه من على الحكم ولا لأ

بصراحة حاجه فلة قوى

اغرب اسم مر على هنا هو " نجر " بكسر النون ...حتلاقى فيه اسامى تانية بس انا مش فاكرها ...

اتصدق حضرتك انا ماخدتش بالي من المواطن الشريف "رفس الحمار"

بس سمعت اوشعات في اروقة الحزب بتقولك ايه بقي....ان المواطن الشريف كان مواطن عادي جدا و ماشي في حوله (زي شااافيق يا راجل كده)...و بعدين فيه حمار جه و رفصه.....قوووووووم ايه....قالك احنا ننتقم بقي....و راح جايب الحمار و في ميدان عام و قام رفصه الرفصة....اللي ثبتت اكتاف الحمار و تقريبا راح يتعالج بعدها في المانيا.....مش عارفين بقي مرارة و لا ايه

كان معكم مراسل العاصمة

لماضة ...مبتحبش الحمير خااااااااااالص

[لماضة مصرية جدا]

رقم 13 فظيع (ماشى حافى ليل نهار)

مش مصدقه و الله ده الرسول عليه الصلاه و السلام وصانا نحسن اختيار اسماء اولادنا

شر البليه ما يضحك

بس جبتيهم ازاى دول ده انتى لماضه بجد هههههه

عليه افضل الصلاة و السلام

بالنوسبة بقي للمواطن الشريف "ماشي حافي ليل نهار"...فبالرجوع لملفه رقم 624 وجدنا ان باقي الاسم...."الحب بهدلة"....و العيلة بقي..."خلاني قندلة"

ع جنب بقي

حضرتك عايزة تعرفي مصادرنا السرية....يعني انا تاعبة نفسي و نازلة الارشيف (وش نجيب الريحاني و هو بيشتغل في اي فيلم ابيض و اسود و لابس الطربوش و البتاع الكم الاسود الغريب اللي بيلبسوه لغاية رقبتهم)....و بعد المجهود الخرافي دوت...عايزاني افصح...عن مصادري السرية...لايونكن

طب تدفعي كاااااااام (وش اي موظف بيفتح الدرج و بيبصلك كده نظرة غبية اوي....يعني حق الشاي يا مودام لو سمحت.. :lol: )

مساكي رضا يا رب

[محمود حازم]

اولا الورقة دى فى دولة الكويت ومعايا الصورة على الجهاز من سنه 2000 وفى تعمد فى الصورة المنشورة طمس كلمة(دولة الكويت)واغلب الظن انها ملفقهوالصورة ايه فيها الكويتوعشان الموضوع فكاهى نمشيها وعجبنى اسمبدها رما ابو بطنوالمعنى واضح

[المهندسه]

مساكى فل يا لماضه و سلميلى على نجيب الريحانى افندى وقوليلو سعيده امبارك

تم تعديل 22 يوليو 2010 بواسطة المهندسه

[engmido]

كان لنا زميل من قنا

اسمه محمد عبدالجابر العبد بربرى

وواحد تانى اسمه مخنار جحيو

----------

بس عموما واضح ان الاسامى دى مش من مصر

وجه الاخ الفاضل وضح انها من الكويت

[shiko]

وارد زبالة ملوح ...

هههههههه انا اعرف وارد الخارج ...لكم وارد زبالة ...دى جديدة

[Howayda Ismail]

هاتف عطيل عطلان

علاقة وثيقة بين الحفيد والجد

[pocy]

ههههههههههههههههههههههههههههههههههههههه

الاسامى فظيعه بس فعلا الاسامي دى بشوفها فى الاولاد والبنات اللى كنت بدرسهم وكانوا بيضحكوا على لانى كنت بقول الاسم مرقق زى موضي مثلا او شريده وده اسم ولد وقشطحه ودى اسم بنت والله كنت بنادلها القمرايه علشان مش بعرف انطق اسمها واجاركم الله على الباقي صعب وعذاب ومعصب وانا فى المستشفي كانت واحده خايفه جدا تكون حامل في بنت والكل يقولها يابنتى دى نعمه من عندى ربنا قالتلهم انتم مش فاهمين جوزى قالى لو جبتى بنت تانى هسميها هبله وانا ما ابي اسمى بنتى هبله

والله هم يضحك وهم يبكى

تحياتى ليكى لمضمض :roseop:

[mekkawy]

صلبوخة دلوع زعلان

إوعي الدلع :lol:

ايه يا واد الوجاهة دي .. يخربيت عسلك

تحياتي مس لماضة المختفية

مكاوى

[مغتربة]

لموضه انتى متاكده ان الورقه دى متاخدا من دفتر سجل مدنى انس

و لا بسم الله الرحمن الرحيم

جان

اصل استحاله دى تبقى اسامى ناس طبيعيه

[لماضة مصرية جدا]

لموضه انتى متاكده ان الورقه دى متاخدا من دفتر سجل مدنى انس

و لا بسم الله الرحمن الرحيم

جان

اصل استحاله دى تبقى اسامى ناس طبيعيه

اوباااااااا

ليه كده يا وديع

أشتاتا أشتوت

هو بالنوسبة لاسامي.......يجعل كلامنا خفيف..عليهم ...احنا مش ماشيين بالسجل المدني بوتاتا....بس بالنوسبة لخالتي نوسة في فيلم هنيدي...انا كنت سامعاها باين بتقوله يا جامايكا....

شفتي بقي....حاجة لاتينو كده

وزمان كانت الفوازير بتاعت مشكاح و ريما....كان عمونا صلاح رشوان ضارب راسه احمر و بيقولوله...روح يا سوكيننة...تعالي يا سوكيننة....يوه قصدي...الاشكيف

و عشان كده....مش متهيالي دي من كوكو الجان خالص

بس ينفع تبقي اسامي ديناصورات طيب

طب اختاري دزنانور منهم

[لماضة مصرية جدا]

اولا الورقة دى فى دولة الكويت ومعايا الصورة على الجهاز من سنه 2000 وفى تعمد فى الصورة المنشورة طمس كلمة(دولة الكويت)واغلب الظن انها ملفقهوالصورة ايه فيها الكويتوعشان الموضوع فكاهى نمشيها وعجبنى اسمبدها رما ابو بطنوالمعنى واضح

و عهد الله ما اعرف يا فندم من فين....انا فيه حد شدلي مكتوب من البلد...و بعتلي حوالة....و معاها الاسامي ديت...(وش فلاح كفر الهنادوة :rolleyes: )

بالنوسبة للتلفيق....يا سنة سوخة.....يعني اعداااااااااااااااام..... :blink:

بس حضرتك نورت المحكمة

[hakeem]

لماضه دى فعلا شكلها مصريه جدا جدا..خفه دم ولا تلاقيها غير عندنا