حكايه السبع بنات والمدينه الجامعيه

[pocy]

بوسى حكاية ايمى والدكتور خالد اكتر من رائعة اينعم صلاة الظهر راحت على مع انى كنت متوضية والاكل الى على البوتجاز شاط والعيال رجعوا من المدرسة بدرى طبعا انا الى الوقت سرقنى وانا مندمجة مع القصة وطبعا بعد اعجابى بالحكاية الاولى وانبهارى رالتانية قررت انى اتابع الثالثة وانا على ثقة انها هتعجبنى اجمل حتجة فى قصصك انها وبتبتدى هادية وبعدين تسخن وتعدين تولع وفى الوقت الى بنكون خلاص مش عاوزين القصة تخلص من كتر اندماجنا مع الشخصيات بتنزلى ستارة النهاية كمان فى مواقف كتير حصلت معانا كلنا فبترجعينا لايام حلوة اوى انصحك بجمع القصص فى مجموعة قصصية وسميها سنة اولى جامعة لان معظم توهج الاحداث عندك فى سنة اولى جامعة كملى انا متابعكى حتى لو معلقتش لانشغالى وياريت الجزء التانى من ايمى بس بعد منخلص دى من ناحية علشان منشتش ومن ناحية علشان الاكل ميتحرقش تانى

بجد انا مش مصدقه نفسي من ساعه ما شوفت تعليقك على اللى كتبته وبجد مبسوطه لدرجه مش تتخيليها وان شاء الله هاكملها وبجد اسفه جدا على الاكل اللى اتحرق وان شاء الله اعوضهولك ان شاء الله بالدعاء بجد ربنا يدخل البهجه والسعاده فى حياتك والجنه ان شاء الله فى النهايه بجد مش عارفه ارد من كلامك الحلو ده وان شاء الله راح اكمل بس علشان كلامك الجميل ده

[pocy]

الحلقه الثامنه

وصلنا فى الحلقه السابقه ان ناديه معرفتش تنام بسبب المنبه بتاع زينب وعبير وقررت انها لما تشوفهم هتطلعوا على عنيهم ولما جولها وهم فاطسنين على روحهم من الضحك جريت وراهم فى الاربع أدوار لحد ما اخدت حقها منهم ونزلوا علشان يكشفوا سر المنبه

عبير : هههههههههه السلام عليكم

زينب : السلام عليكم أهه حرام عليكى يا شيخه هديتى حيلي

ناديه : انا برضه اللى حرام على يعنى انتم تناموا وبقيه الناس مش تنام

عبير: لا يا ناديه اصلك انتى مش فاهمه

ناديه : مش فاهمه ايه ؟؟؟

عبير : اصل احنا كنا ظابتين المنبه علشان نصحي

غاده : يعنى مش كنتم ناسينه

زينب : لالالا مكناش ههههههههه اصل انا وعبير بنام ونقعد لحد 11 بالليل نايمين نصحي نتعشي ونشرب الشاي ونلاقي الساعه بقت 2 وعندنا محاضرات بدرى ونفسنا نشوفكم ونشوف عالم المدينه من ساعه ما جينا واحنا نايمين ونفسنا نخرج قبل ما باب المدينه يتقفل بس مفيش وقت هههههههههههه فقررنا اننا نبقي نظبط المنبه وكنا بنظبته وعبير تقوم تطفيه او انا ونكمل نوم وكل مره كنا بنبعده علشان اللى يقوم يطفيه يتعب فيصحي شويه ويفوق التانى بس مفيش فايده ففكرنا فى فكره جهنميه بقي ولان المنبه مزعج جدا فاكيد هنصحي علشان نقفله علشان نكمل نوم حتى او نصحي المهم قلنا احنا هنحط المنبه فى الدولاب ونقفل عليه ونحط المفتاح تحت السرير وبالتالى كده حركات كتير نقدر ولو حد فينا يصحي المهم احنا بقي سمعنا المنبه بس انا مرضتش اقوم ولا عبير وكملنا نوم وبعدين فوجئنا بناديه بتصحينا ومنعرفش دخلت ازاى اصلنا قافلين الباب من جوه المهم كانت ناديه عايزه المفتاح وقلنلها تحت السرير وقفلته ومشيت واحنا بعدها بشويه كده فى واحده من بتوع تمريض جت عايزه حاجه وكان الباب مفتوح دخلت وصحتنا وعملت ازعاج فضطرينا نصحي وافتكرنا ناديه وقلنا نيجي ناخد المنبه هههههههههههههههههههههههههههههههه

زينب بتحكى وناديه متغاظه وعبير والباقي فطسانين على نفسهم من الضحك من اللى بتحكيه واللى كانت حكته ناديه والاكروبات اللى عملوها والحمد لله جابت نتيجه وصحيوا بدرى بس باب المدينه قفل خلاص يعنى برضه مش هيعرفوا يخرجوا وقررنا اننا نعزمهم على العشا وكانت شيري مفروض اللى هتعمل وتجهز الاكل ولكن ناديه خافت من شيري تكسفهم ههههههههههههه فراحت هى متبرعه انها تعمل الاكل

شيري : بس يا ناديه انتى تتعبي نفسك ليه انا هعمل الاكل

ناديه : بلاش النهارده عندنا ضيوف

شيري : قصدك ايه ؟؟؟؟؟؟؟؟ انى مش بعرف اعمل اكل

ناديه : انا لا سمح الله قلت كده دانتى شيف فى احسن مطعم

شيري : ههههههههههههههههه ايوه كده طب اعمل معاكى ايه

ناديه : لا متعمليش حاجه انتى احكيلي عملتى ايه النهارده فى السكشن والواد سامح لسه بيغلس عليكى

شيري : فكرتينى ليه بس بسامح ده انسان غبي مش بيفهم د هو عايد السنه وبيقلي اشرحيلي ينوبك ثواب وانا اقلك يابنى روح العب بعيد عنى لحد ما جه واحد اسمه رمضان من اسكندريه بلديات ريهام وزحزحه من عندى المشكله انى محملنى زنب انه لو سقط فى الرسم الهندسي والوصفيه انى انا هبقي السبب

ناديه : وانتى مالك ؟؟؟؟واشمعنى انتى يعنى

شيري : ما هى سمر الله يسامحها وقعت بلسانها فى السكشن وقالت انى بشرح فى الاوضه الرسم الهندسي والوصفيه ومن ساعه ما عرف من واحده اسمها ساميه وهو مش عاتقنى

ناديه : اصل انتى طيبه ومش بتعرفي تصدى حد اعملى زى خليكى خشنه مع الكل هيبعدوا عنك

شيري : اهه يا ناديه

ناديه : ليه التنهيده دى ؟؟؟؟

شيري : افتكرت امى وحشانى قوى ونفسي اكلمها قوى

ناديه : عملتى ايه صح فى موضوع الولد اللى متقدملك ؟؟؟

شيري : لا معملتش حاجه انا قلتلهم انا لسه صغيره ومش وقته اصله يبقي قريب جوز اختى ولما كانوا معزومين عندنا شافنى وعرف انى فى كليه هندسه بورسعيد وقالى طب ماتحولى القاهره علشان لو محتاجه حاجه وانا بصراحه حابه الجروب قوى هنا مع ان المدينه مقرفه واللى بنام فيه بنصبح فيه بس حاسه انها حاجه ممتازه قوى وهتعلم منها حاجات كتير وكمان انا حابه قوى دكتور ابراهيم وعايزاه ادخل عماره وابقي معاه لانه بيقولى انه هيتبنانى

ناديه : هو قالك كده اهه ؟؟؟؟؟؟؟؟؟

شيري : ايوه الدكتور قالى كده ولما شاف اللى انا بعمله وكشاكيل المحاضرات والسكاشن وبيشوفنى فى المحاضرات قرر انه هيتبانى بس قلي ادخلى عماره وانا هتابعك

ناديه : بس مع انه دكتور لذيذ الا انى مش بحبه بحس انه متصنع معرفش ليه

شيري : تعرفي يا ناديه انا نفسي اتجوز دكتور جامعى نفسي كده ابقي زوجه رجل مهم

ناديه : مش بعيده ولا حاجه عنك انتى شاطره فى كل المواد وممكن تبقي معيده بس انتى شدى حيلك بس

شيري : والله انا مش حاسه انى شاطره انا اللى بيشجعنى على المذاكره انتوا انا مكنتش بذاكر كده فى ثانوى عام نهائي بس الله كريم

ناديه : ربنا هيكرمك والله يا شيري تعرفي كلنا بلا استثناء بنحبك

شيري : وانا والله بحبكم جدا

ميرفت : انتم اتاخرتوا ليه كده انا جعت والبنات زينب وعبير عملوا الجنبه بطماطم وقربت اخلصها ههههههههههههه يالا

ناديه : خلاص هنسخن العيش ونيجي على طول

ميرفت : طيب يالا

شيري : انتى ايه رايك فى مرفت

ناديه : مرفت طيبه وغلبانه ونفسها تثبت لاهلها ان اصرارها ان تدخل هندسه ده حاجه كويسه لانهم كانوا رافضين انتى تعرفي ان ميرفت مخطوبه

شيري : بتهرجي لا معرفش مخطوبه لمين بس هى مش لابسه دبله ومقلتش لحد

ناديه : امممممممممم اصلها مش قايله لحد وهى مش عاييزه الخطوبه دى بس تقولى ايه بقي

شيري : يعنى ايه مش عايزه الجوازه دى

ناديه : بصي يا ستى واحد قريبها اتقدملها واترفض فخطب واحده تانيه واتجوزها وبعد ما اتجوزها بفتره كان بيحسبها هتكون زى مرفت كده كويسه لكنه مقدرش ينسي مرفت واتقدملها تانى ومامتها وافقت وهى رفضت بس لا حايه لمن تنادى قروا فتحتها وهى رافضه وقالولها مسيرك تتعودى عليه

شيري : ازاى تتخطب لراجل متجوز وازاى امها توافق على كده

ناديه : يا بنتى انتى تعرفي ان ميرفت من العرب سينا

شيري : يعنى ايه من عرب سينا مش فهمت ؟؟؟؟

ناديه : يعنى العرب عادى الراجل يتجوز اربعه زى ما هو عايز ومفيش مشكله طالما قادر يتكفل بيهم

شيري : لالالالالا ايه المبدأ الغريب ده لا طبعا استحاله

ناديه : طب بصي ولا كأنك تعرفي حاجه اوك

شيري : طيب بس انا هفتح موضوع العرب ده علشان اعرف

ناديه : هتفتحيه ازاى ؟؟؟؟؟

شيري : ملكيش دعوه انتى يالا للاكل يبرد

ناديه : يالا

وبعد الاكل وشرب الشاي بدأت شيري تكلمهم عن الامارات وعن ان هناك الراجل بيتجوز بالاربعه ويخلف من كل واحده فى واحد اعرفه هناك متجوز اربعه ومخلف 36 عيل تخيلوا بيربيهم ازاى والمشكله انه بيقول انا معرفهمش من بعض وفى خضم هذا الموضوع ناديه قالت ان مرفت من عرب سينا وعندهم عادى الموضوع ده

شيري : بتهرجى صحيح يا مرفت يعنى انتى ممكن تتجوزى واحد متزوج ؟؟؟؟؟؟

لم ترد مرفت بل وجدناها خرجت تجرى وجريت وراها شيري وباقي البنات وقالت انا عايزه اقعد لوحدى وهى بتعيط راحت شيري مشتهم كلهم وقعدت هى وعرفت حكايه مرفت بالتفصيل وكانت حكايه مأساويه ولكن ليس لها حل

عايزين تعرفوا حكايه مرفت استنونى فى الحله الجايه

[مصطفى يونس]

ممكن أسال سؤال ؟؟؟؟؟

هيه القصص دى حقيقه ولا من وحى خيالك

[pocy]

مش كلها حقيقيه واتمنى اكون افادتك بس منخيري حرقانى انت بتسال السؤال ده ليه ؟؟؟؟؟؟

يعنى ايه وجه نظرك فى الموضوع ده ؟؟؟؟؟؟

[pocy]

الحلقه التاسعه

توقفنا فى الحلقه الماضيه عن قصه مرفت الماساويه وقد كانت ستبدأ حكى قصتها مع شيري على ارض البلكونه فى الدور الاول بالمدينه الجامعيه

تحدثت ميرفت عن قصتها وكيف بدأت

بدأت قصتها عندما أتى قريب والدتها من الامارات وكان يعمل هناك دكتور تحاليل مع اخوها فى الغربه عندما رجع قرر انه يتزوج ويقيم فى مصر بعد ان عمل مركزه الطبي واشترى شقه وعربيه وكده مكنش عايز حاجه تانى من الغربه ومش فاضل غير نصه الحلو فعندما قرر الزواج كانت ميرفت فى ثانويه عامه وراها فاعجب بها وتفكيرها ولكنه كان لا يريد منها ان تكمل تعليمها فرفضت ميرفت هذا الامر كثيرا رغم انها شفته وهو متعلق بها وكيف كان يدرس معها الفيزياء والكمياء والرياضيات وكان دائما ما كان يرسم قلب وبه سهمين وبيقولها الواجب انك تحطى الحرفين وكانت كل مره تعاقب لانها بتحط حرف واحد بس والحمد لله نجحت فى الثانويه العامه وجابت مجموع كبير فى ثانيه ثانوى الا انه لم يريد منها تكمله التعليم والزواج فتم الرفض على موضوع الخطوبه

وفى سنه ثالثه ثانوى كان قد تقدم الى واحده اخرى واسمها مها لكنه لم يحبها انه يحب ميرفت وبعد مضي ست اشهر قرر ان يتزوج مرفت ويتقدم لها مره اخرى وبالفعل تقدم واقنع امها بانه سيتركها تكمل دراستها بعد الزواج وهى حاولت الرفض مرارا وتكرارا بسبب زوجته لانها لا تريد هدم بيت اخر بناء على سعادته واحست انه انانى لا يفكر الا فى نفسه فقط وانه لم يجد الحب مع الاولى فقلبه من البدايه كان مع مرفت ولم يستطع ان يحب مها على الاطلاق وفى اخر الامر ولرفض مرفت قال لها انه كده كده سيطلقها ولكن بعد فتره لم يكن الدكتور قال لها انها حامل وانه منتظر ان تلد حتى يطلقها وعندما علمت بولادتها لم ترد ان تكمل الخطوبه حتى لا يطلقها وبينهم طفل وهو مصمم وكل من عندهم موافقين وهى قالت خلاص هوافق بشرط ان الزواج هيتم بعد ما اخلص كليه هندسه وطبعا قوبلت بالهجوم الشديد الى ان انتصرت وخلال هذه الفتره لم تكن تريد ان تكلمه ولكنه كل اجازه ترجع فيها من الكليه كان يكون قبلها فى بيت امها ويجلس هناك الى ان تسافر هى هى تحبه كثيرا ولكن عقلها لا يقبل ابدا بدايه حياتها بهدم بيت اخر والذي ابكاها جدا فى هذا اليوم انه قد قال لها انه تركها عند امها لانه لا يريدها فى بيته وان هناك مشاكل بينهم كثيرا وستؤؤل للطلاق ولكن عرفت فى هذه الاجازه انها حامل وقد ذهبت الى امها حتى ترتاح فى تعب الحمل وهو قد قال لها من قبل انها تنام فى غرفه وهو فى غرفه اخرى فكيف تكون حامل ؟؟؟؟؟ وعندما واجهته قال لها ان لها حق شرعي مفروض على انها تاخده وانا مقدرش اخالف امر الله فى الموضوع ده وطبعا بدأ الخصام من جديد كانت شيري طول الحديث صامته لانها تريد ان تسمع القصه بشغف وبعد ان انهت ميرفت قصتها وحكايتها بكل مأساتها تكلمت شيري

شيري : بصي يا مرفت اللى اعرفه ود ه من امى وابويا ان العشره بتدوم يعنى انتى لما بتعاشري انسان زى انا وانتى كده مش بقالنا اكتر من 40 يوم واحنا اغراب بس خلاص مش بقينا كده بقينا زى صوابع الايد الواحده بيتحركوا من كف واحد ودوما معا فانسي انه يطلقها المهم فى الموضوع ده انتى حاولى بقدر الامكان انك تبعدى عنه على قد ما تقدرى ومش تفكرى فيه وحاولى انك لما تسافري وتقابليه قليله ان عندك مذاكره ورسومات او اقعدى فى المدينه ومش تسافري وهو كده هيفهم انك مش عايزاها وانه استحاله هيقبل على نفسه انه يتجوز حد مش عايزه

ميرفت : شيري انتى مش فاهمه انا كمان بحبه ونفسي نتجوز احنا الاتنين بس موضوع جوازه وحمل زوجته للمره التانيه مخلينى اتراجع وانى مضايقه منه وكمان وعوده لى اللى مش تنفذ وموضوع انى مفكرش فيه ده صعب جدا جدا

شيري : خلاص طالما بتحبيه ومش موافقه على انه يكون ليكى ضره اطلب طلاقها

ميرفت : فكرت انى اطلب منه كده بس مش هينفع الا لما تولد ولما تولد ويشوف ابنه ولا بنته التانيه هيفكر وهيجبلي ميت عذر انه مش هينفع يسيبها

وده اللى مضايقنى انى مش بقدر مش اصدقه مع علمى انه بيكدب على

شيري : بصي يا مرفت مش تزعلى منى انا بحبك وعلشان كده بقولك الصراحه فى وشك انتى عاجبك الموضوع ده بس علشان حاسه ان فى حد عايزك وبشده ويجري وراكى بالمشوار فده اللى محببك فيه بس عايزه اقولك بمجرد ما تتجوزيه ويذوب الامر ده صدقينى هيبقي انه يخرج من البيت وانتى عارفه انه رايح لمراته التانيه اقل مشاكلك والمشاكل هتبقي اكتر وخصوصا ان فى اولاد

ميرفت : انتى بتقولى حاجه صعبه جدا يا شيري انتى مش جربتى انك تحبي حد قوى

تمنت شيري ان تحس بالحب وياترى كيف هو وماذا لو احبت شخص متزوج كيف سيكون عذابها على الرغم من عذاب الحب الا ان الكل يقول انه عذاب لذيذ

انهت شيري كلامها مع مرفت على ان تجرب ان تبعد عنه وترى اذا أثر عليها هذا ام لا وهى تقول انا اعرف انى لا استطيع وعلى الرغم انى مضايقه منه جدا الا انى بحبه بحبه قوى ثم قامت كل من مرفت وذهبوا ليناموا لان بكره هيكون يوم طويل لانه يوم السفر

وفى اليوم التالى حدث لشيري امرا غريبا لم تعرف كيف تتصرف فلقد كانت مفاجئه لها وغير متوقعه

عايزين تعرفوا ايه اللى حصل لشيري تابعونى فى الحلقه الجايه

تم تعديل 14 أكتوبر 2010 بواسطة pocy

[pocy]

الحلقه العاشره

بدا اليوم التالى جميلا ومشرقا وكان عند شيري في هذا اليوم رسم

هندسي وهى موجوده فى السكشن وبدأت فى رسم المنظور واسقاطاته

حدث شئ غريب جدا

فيا ترى ايه هو ؟؟؟؟؟

تقدم شخص من شيري وقال : بعد ما تخلصي المحاضره كنت عايز اتكلم

مع حضرتك شويه

شيري تنظر الى الشخص ده وتقول فى نفسها انا شوفت السحنه دى فين قبل

كده مش الراجل ده معيد هنا فى الكليه ولا ايه ؟؟؟؟؟؟

شيري : خير يا باشمهندس في حاجه ؟؟؟

المهندس : لا بس عايز اتكلم معاكى فى موضوع كده بعيد عن الكليه مش

تقلقي

شيري : كده حضرتك قلقتنى اكتر

المهندس : طب بعد ما تخصلي سلمي اللوحه بتاعتك للمهندس ابوبكر وانزلى

انا هستناكى فى اوضه المعيدين اوك؟؟؟

شيري : اوك يا بشمهندس

خلصت شيري اللوحه بتاعتها وصححتها من المهندس ولسه هتستأذن

ابوبكر : اتفضلي المهندس احمد مستنيكى تحت

شيري : شكرا يا باشمهندس وشاورت للبنات ريهام وسمر وزينب لانهم

معاهم فى السكشن بتاع الرسم ومشيت

وفى حجره المعيدين لم يكن هناك معيدين الا مهندس احمد ومهندس

عبدالرحمن وكان مهندس عبد الرحمن مشغول مع مجموعه من الطلبه

اول ما نظر المهندس احمد لشيري ناداها واحضر كرسي وقال لها اتفضلي

قعدت شيري وهى قلقانه يا ترى الراجل ده عايز منى ايه ؟؟؟؟ ده اساسا

بتاع قسم كهربا ومش بيدرسنى عرفنى ازاى

المهندس احمد : اهلا يا شريين بصراحه انا كنت عايز ادخل فى الموضوع

على طول انا متابعك بقالي فتره والدكتور ابراهيم والمهندس ابو بكر كانوا

مرشحينك لى

وسكت قليلا واكمل الكلام

المهندس احمد : بصراحه انا كنت بدور على عروسه والمهندس ابو بكر

رشحك وبعدين كان دكتور ابراهيم موجود وشكر فيكى قوى وبصراحه انا

كنت بحضر السكاشن بتاعه الرسم علشان اشوفك وكنت عايز اسال اذا

كنتى مرتبطه بحد ولا لا وفى مشكله انى اتقدم لك فى البيت ولا لا ؟؟؟؟؟

شيري من الصدمه مش عرفت تعمل ايه لم يكن المهندس احمد جميلا

وكان قصيرا ورفيع القوام لم تدرى كيف ترد عليه شيري

شيري : والله كلام حضرتك فاجئنى وبصراحه اكتر انا اهلى مش فى البلد

فى الامارات دلوقتى ومش هيجوا مصر الا فى اخر السنه وانا هسافر لهم فى

نص السنه ومش عارفه بصراحه وبالمسبه لموضوع مرتبطه بحد انا مش

مرتبطه بحد وكنت بصراحه شايله الفكره من دماغي لحد ما اخلص الكليه

المهندس أحمد : طب فى مشكله لو كلمتى والدك فى التليفون مثلا وقلتلهم على

امكانيتك او فى موافقه حتى مبدئيه منك

شيري : انا اسفه جدا بس انا مش بوافق على حاجه الا لما اهلى يدونى

القرار انى افكر فيه

شيري بينها وبين نفسها معيد فى كليه معاه سياره وبيقول عنده شقه فى دمياط

ليه لا بس مش عارفه شكله غريب جدا ومش هو ده اللى انا بحلم بيه ؟؟؟

المهندس احمد : طب على العموم انا هديكى فرصه تفكري وياريت تردى على

فى اسرع وقت ممكن

شيري : ربنا يسهل ان شاء الله

لم تحس شيري به باى شكل من الاشكال ولم تعرف ماذا تفعل وهل تقول

لاصدقائها ام ماذا وعندما خلص السكشن وراحت لقت البنات فى الجنينه

وقالتلهم على الموضوع والبنات فرحوا ولكنها هى لم تكن فراحانه وعندما

جت مرفت وعرفت الخبر قالت حاجه مهمه جدا

ميرفت : المهندس احمد ده اتقدم لطوب الارض وكل ما يشوف واحده حلوه

يروح يتقدملها

والكلمه دى جت على أذن شيري كالبلسم على الجرح وقالت ده هيكون

سبب من ضمن الاسباب وعندما انتهى اليوم وسافرت شيري وابلغت اختها

وزوج اختها بالامر واختها فرحت جدا بالموضوع واتصلت على امها

لتقول لها الامر والتى فرحت بدورها وقال انها ستكلم والدها ولكن لم يكن

احد منهم مهتم برأى شيري واللى احست كان الموضوع لا يخصها وعندما

كلمت والدتها قالتلها انها مش حابه انها تتخطب او تتجوز دلوقت ى لسه

بدرى وكمان المهندس ده اتقدم لناس كتير بسبب انهم حلوين مش حاجه تانيه

وده مضايقنى ده غير بقي انه شكله وحش ياماما وقصير اقصر منى تقريبا

وهحس وانا جنب ه انى هركليز

أم شيري : يا بنتى مش بالشكل بالاخلاق وده الاهم

شيري : انا مش مرتحاله وبجد مش عايزه الموضوع ده

ام شيري : طب استنى بابا لما يجي من الشغل هبقي اقوله واكلمك تانى

اوك

شيري : طيب بس قوليله انى مش عايزه اتخطب وانى مش مرتاحه للموضوع

ده

ام شيري : هقوله هقوله بس انتى بس اصبري على رزقك

وبعد عد ه ساعات اتصل والد شيري :

الوالد : شيري ازيك يا حبيبتى ماما بتقولى ان فى واحد عايز يتقدملك

شيري : ايوه معيد فى قسم كهربا فى الكليه

الوالد : طب انتى رأيك ايه

اخيرا حد سألها عن رايها وفرحت قوى

شيري : والله انا مش مرتاحه ليه نهائي وكمان شكله وحش

الوالد : يا بنتى مش بالشكل بالاخلاق بصي اديله رقم تليفونى وخليه يتصل

بي يوم الاحد الساعه 11 الصبح او الساعه 7 بالليل

شيري : بس انا مش عايزه ا....

الوالد : شيري ... خلينى اشوفه الاول وبعدين ابقي ارد عليكى اوك

شيري : حاضر يا بابا

الوالد : وانتى عامله ايه فى الكليه وفى المدينه لسه بتشتكى منها ؟؟؟؟

شيري : لا مش قوى خلاص اتعودت بقي

الوالد : بصي انا بفكر اجبله تليفون محمول وتبقي تاخديه معاكى فى نص

السنه علشان نطمن عليكى ايه رايك ؟؟؟؟؟

شيري : بجد بس اخاف يتسرق فى المدينه

الوالد : امال انتى لازمتك ايه مش تاخدى بالك من حاجتك وخديه فى اى حته

بتروحيها ومش تديه لحد لاى سبب من الاسباب

شيري : طيب حاضر

الوالد : امتحانتك امتى ؟؟؟؟ولا لسه

شيري : هانت اهه اقل من شهر ان شاء الله وهيتحط الجدول بتاع

الامتحانات

الوالد:واخبارك ايه الكليه والمواد صعبه عليكى ؟؟؟؟؟

شيري : لا الحمد لله الامور ماشيه

الوالد : طب شدى حيلك علشان تقدرى تحولى القاهره

شيري : ان شاء الله ربنا يسهل

الوالد : طب مش محتاجه حاجه اى حاجه فلوس ؟؟؟؟

شيري : لا شكرا يا بابا معايا ولو احتجت هبقي اقولك ان شاء الله ولما

يحددودا الامتحانات واعرف هخلص امتى هبقي اقولك علشان تذكره الطيران

الوالد : طب هنشوف يا بنتى ان شاء الله يالا بقي سلام

شيري : مع السلامه وسلملي على ماما واخويا

الوالد : اوك يا جميل يالا سلام

شيري : سلام

اقفلت الخط وهى بتتمنى ان موضوع مهندس احمد ده مش يكمل ويوم الاحد

ردت عليه وادته رقم تليفون والدها انه يتصل بيها وظهرت اول علامات

البخل وهى ان قال

المهندس احمد : طب مينفعش بابا ياخد رقمى ويتصل بي وقت ما ظروفه تسمح

؟؟؟

شيري : نعم.... هو مين اللى مفروض يتصل بمين ؟؟؟؟

المهندس احمد : طيب خلاص هتصل النهارده ان شاء الله

وانتهى اليوم وجاء اليوم التالى واتصلت شيري باهلها فى التليفون لتعرف

ماذا حدث ؟؟

شيري : ازيك يا بابا معلش كنت عايزه اعرف اللى حصل امبارح

الوالد: بصي والله هو تقريبا مكنش عايز يتكلم فى التليفون فى اى حاجك

وماما بتقول عليه ان شكله بخيل وسبنا منه المهم انا كمان مش مرتاح

لكلامه فانا قلتله سبنا نفكر ونرد عليك واعتقد ردنا بالرفض بس بعد كام

يوم انتى بلغيه او حاولى توصليله الموضوع بشكل ظريف

شيري : الحمد لله كده اناارتحت انا مكنش عاجبنى انا كمان طب انا هقفل

بقي لانى عندى محاضره سلام

الوالد : سلام وربنا يوفقك

وذهبت الى الكليه وتحدثت للمهندس ابو بكر واخبرته بعدم موافقتها وانه

يبلغ المهندس احمد بطريقه لطيفه لانها مش قدرت تقوله ولما سالها عن

السبب قالت انها صلت استخاره وحاسه انها مش مرتاحه ورد وقالها هو طيب

جدا والله بس هو شكله كده وضحك وقالت ربنا يوفقه ان شاء الله للى فيه

الخير وكملت طريقها للمحاضرات وقالت هم وانزاح والحمد لله ومرت

الايام والجو كان متكهرب جدا فى لانه وقت امتحانات والناس خارجه

من الاوض وقاعده فى الطرقه وفى البلكونات وفى المسجد حتى المطعم كانوا

في بنات بينزلوا يزاكروا فيه بالليل وبدأت الاتحانات الشفويه والتحريري

كان بعدها باسبوع وفى الفتره ده كانت سمر وميرفت وناديه وغاده

بيسافروا ويجوا كل يوم والباقي كان قاعد فى المدينه بيذاكر وكانت ريهام

حالتها النفسيه صعبه جدا لانها بقالها شهر ونص مش سافرت وتقربت فى

الفتره دى من شيري وكان فى الوقت اللى كلنا كنا بنذاكر فيه كانت الهام

بتقرا قصص وتقول انا زاكرت خالولنا معاها مرارا وتكرارا انها تمسك كتاب

ولكن دون امل ثم بدأ اسبوعين امتحانات وكانوا صعبيت جدا على الكل

وفى ايام الوصفيه والرسم الهندسي قعدوا فى المدينه علشان يذاكروا ما عدا

سمر بس وكانت شيري بتذاكرلهم المادتين دول بالذات ولكنها تعبت

جدا من هذا الامر بسبب انها مكنتش عارفه تلحق تذاكر لنفسها لحد ما

اتعصبت على كل البنات اللى بيجوا من الاوض الاخري علشان تشرحلهم

وفى الاخر قفلوا الباب ومش كانوا بيفتحوه الا وقت التمام بس بتاع

المشرفات غير كده خلاص مش بيفتحوا لحد وكتبوا ممنوع الطرق على الباب

وبعد الامتحانات الكل ودع الاخر وكان يوم فرحه وزعل فرحه لانهم

هياخدوا اجازه اخيرا وزعل ان كل واحد مش هيشوف التانى كل الفتره دى

ولكن هل حدث شئ فى بدايه الترم التانى من الجامعه ام ماذا

؟؟؟؟؟؟؟؟؟؟؟؟؟؟؟

ده اللى هنعرفه فى الحلقه القادمه مع بدايه الترم الثانى

[pocy]

الحلقه 11

كان يوما جميلا مشرقا ذلك اليوم الذي جهزت فيه شيري شنطه السفر ورجعت من الامارات على القاهره لقد سافرت فى اجازه نصف العام الدراسي الى الامارات لتقضي الاجازه مع والديها وكانت فرحه جدا فى البدايه وكانت تحكى لهم مواقفها وكيف انها دخلت المطبخ واسندوا اليها عمل بيض مسلوق وانها مش حطت الميه والكل ضحك عليها وطبعا كانت مواقف كلها صعبه جدا ومامتها كانت تقول ان اهتمامى بالمذاكره كان اكبر من انى اعلمها المطبخ وقلت انها مش هتحتاج يالا اديكى اتعلمتى حاجه تنفعك بعد كده ومرت الايام بعد ذلك رتيبه ممله بالنسبه لشيري وقبل ان تسافر جاء والدها لها بالتليفون المحمول وكان غالى ولسه مش نزل مصر بكثره وكانت قلقانه انها مش تعرف تستخدمه واتعلمت كيفيه استخدامه وكانت هتشترى خط لما تنزل مصر وبعد ان حضرت شنطتا وسافرت واستقبلتها اختها وزوج اختها فى المطار ورجعت الى القاهره كان لديها احساس غريب بالفرحه وان قلبها كان يدق بشده ولا تعرف السبب وبعد يوم كانت تجهز شنطتها الاخرى للسفر الى المدينه الى بورسعيد مدينه الجمال والسحر نعم فانها تعشق بورسعيد كانت اول ما فعلته عندما وصلت الى القاهره ان رفعت سماعه التليفون وكلمت كل من ناديه وميرفت وسمر وريهام وغاده كانت مبسوطه جدا بما قد حدث لهم وكانت منتظراهم على نار وبعد ان وصلوا جميعا الى المدينه فى مساء يوم الجمعه وقبل الدراسه في الترم التانى بيوم تجمعوا وظلوا يحكون ويحكون عن مغامراتهم فى الاجازه وانضم اليهم زينب وعبير وكانت فرحتهم بالاجازه مثل فرحه شيري اول كام يوم ثم انتهت وعاد الاحساس بالملل لديهم وكانوا يتمنون امتى هترجع الاجازه تانى وناموا اخيرا على الساعه 2 بالليل وصحيوا كل واحد لا بس اللى على الحبل وطبعا كل ده شيري مجبتش سيره الموبيل نهائي وهى فى المحاضره ولم تغير حاله الموبيل وتفاجأ وفى بدايه المحاضره الاولى التليفون يرن وصوته عالى وكان محدش فى الدفعه معاه موبيل وكان حدث فظيع فاخرجته شيري واغلقته سريعا والدكتور بيزعق ومش عارف الصوت ده صوت ايه ومين اللى بيعمل الصوت ده طبعا كانت شيري قاعده فى وسط اصدقائها وكتموا على الخبر والدكتور بعد كام زعيقه نهى عن استخدام هذا الشئ مره اخرى والكل بعد المحاضره عايزين يشوفوا الموبيل اللى معاها وفتحته لتتصل باختها لترى ماذا كانت تريد وكانت تريد ان تقول لها انها نسيت الرووول بتاعه لوحات الرسم الهندسي فهل تريد ان ترسلها مع الاتوبيس ولا لا ؟؟؟؟ ولكنها قالت مش مهم مش هنرسم من اول اسبوع وحكتلها على اللى حصل فى المحاضره وقالتلها اقفليه لما تكونى فى محاضره وانا لو لقيته مقفول هعرف انك فى محاضره او نايمه واتفقوا على هذا الامر وكان فى الوقت ده الكل مزهول من اصدقائها بهذا الاختراع وانهم مش شافوا واحد قبل كده وانهم سمعوا عنه بس المهم وجدت شيري نفسها بعض من افراد الدفع يتقدموا نحوها وعايزين يتعرفوا عليها واستغربت جدا ومنهم من كان فى نفس سكشنها المهم خلص اول يوم والتانى والتالت وموضوع ان شيري معاها موبيل انتشر المهم وفى سكشن الميكانيكا كان واحد اسمه شريف خبط فى شيري وكان شريف انسان محترم جدا ومهذب جدا كان من السويس وكان هو وحيد والديه وكان لا يسلم على بنات نهائيا ولو فى وقت فاضي كان يخرج المصحف ويقرأ وكانوا معظم البنات معجبه بيه وكان مهذب جدا ولا يؤخر طلبا لاى احد كان طويلا ذو جسد رياضي ابيض له شعر اسود وعيون سوداء ورموش طويله احست شيري بشئ غريب تجاه هذا الشاب واحست انها تريد ان تكلمه ولكنه تكلم وقال

شريف : انا اسف جدا يا بشمهندسه

شيري: لا انا اللى اسفه وانا اللى مش اخدت بالى

شريف : مفيش مشكله واسف مره تانيه

لم تكن شيري تريد ان ينتهى الكلام معه فسألته

شيري : هو حضرتك معانا فى السكشن ؟؟؟؟

شريف : ايوه معاكم

شيري: اول مره اخد بالى هو حضرتك مكنتش بتحضر ولا ايه ؟؟؟

شريف : انا مش بفوت محاضره او سكشن والحمد لله

شيري : اه يمكن تكون فى سكشن 9 بقي مش 10

شريف : لا انا فى سكشن 10

شيري : هو حضرتك اسمك ايه معلش نسيت اعرفك انا مين انا شيرين

شريف : وانا شريف

شيري : شريف حرف الشين يعنى معايا فى السكشن فعلا

شريف: ايوه فعلا واهلا وسهلا بيكى

شيري : بس ليه مش كنت بشوفك انت عايد السنه ؟؟؟؟

شريف : لالالالا الحمد لله لا عايد السنه ولا حاجه انتى كنتى فى التربيزه اللى قدامى فى كل امتحانات الترم الاول

شيري : اممممممممممممممممم معرفش والله انا بدخل الامتحان وانا عندى زهايمر ومش اخدت بالى

لم تكن تدرى ماذا تقول بعد ذلك لتظل تتحدث معه وفرحت انه هو يعرفها وانها كانت بقربه فى الامتحانات

شريف : طب استأذن انا واسف مره اخرى

مشي شريف وذهب ليجلس مكانه وطلع المصحف وظل يقرأ لحد ما بدأ ت المحاضره

سمر : كل ده رغي ايه يا بنتى مش بترحمى ؟؟؟

شيري : رغي ايه بس الواد ده شكله محترم جدا والواحد يحب انه يتكلم معاه

سمر : طب شوفى بقي من للى جاى ؟؟؟

شيري : يييييييييييييييييي خبينى يا بنتى ولا ودينى فى اى حته

سمر : لا ياماما اللى حصل حصل وشافك وجاى نا حيتك

شيري : ربنا يسترها

سامح : شيري ازيك جيتى امتى مش شوفتك فى محطه الاتوبيس

شيري : لا انا جيت يوم الجمعه بالليل هو انت شايل الميكانيكا كمان ؟؟؟؟

سامح : لالالالا جبت مقبول الحمد لله انا قلت اعدى اسلم

شيري : طب ساميه اهه قاعده هناك تلقيك لسه مش سلمت عليها

سامح : اهه هسلم عليها وارجعلكم

وبدأ السكشن والحمد لله وانتهى وهربت شيري من سامح وهى نفسها كانت تكلم شريف مره تانيه ورجعت للمدينه وهى لازالت تفكر فى كيف تكلم هذا الشاب مره اخرى الى ان أتت لها الفكره المناسبه وستنفذها فى الحلقه الجايه ان شاء الله

[pocy]

الحلقه ال 12

فى الحلقه السابقه اتعرفت شيري على شريف و اعجبت بيه جدا لهدوئه والتزامه وحبت انها تتعرف عليه اكتر وحست بشي يطلب منها ان تتقرب اليه وتتصنع اى موضوع لكى تتقرب منه ولم تعرف من تستشير فطلبت من ميرفت ان تعلمها كيف تتقرب من احد

ميرفت : بصي انا هقوله اللى كانوا بيقولوا زميلي وانا فى الثانوى علشان تو قعي اى واد اولا لازم تخليه يشوفك يعنى تقعدى جنبه وتخبطى فيه تطلبي منه يناولك حاجه على حسب المكان طبعا المهم حاولى كل فتره تبصيله ويياسلام لو شافك وانتى بتبصيله وتعملى نفسك محروجه وتبصي في حته تانيه وبعد شويه ترجى تانى تبصي عليه وشوفيه مهتم ولا لا وبعد ما ياخد باله اتحججى ان فى حاجه مش فاهماه واسئليه فاهمها ولا لا وبعد ما يكون فهمها اطلب منه انه يشرحهالك ولو قالك فين قليله فى المكتبه علشان يعرف انك بنت محترمه ومش بتاعه جناين والكلام ده وبعدين لما توصلي للنقطه دى تعالى قوليلي

شيري : يعنى انتى متاكده ان الموضوع ده هينفع ؟؟؟؟ اصل مش عارفه هعرف ابصله ولا لا

ميرفت : مش تقلقي ده متجرب بعدد شعر راسي مع العيال اللى كانوا معانا فى الدرس ههههههههههههههههههههههههه فى الثانويه العامه

شيري : يا اروبه انتى كنتى بتعملى كده فعلا

ميرفت : لالالالالا مش انا بس كانت واحده صحبتى مشيباهم وكانت بتعمل كده معاهم كلهم وكلهم مكنوش بيقولوا لبعضهم لحد ما يتاكدوا وهى مش خلتهم ابدا يتاكدوا بس بجد كانت بتلعبهم ع الناكل طب وفين صحبتك دى الحمد لله انها عرفت تدخل حقوق بالمجموع اللى جبته

شيري : هههههههههههههههه ربنا يسترها علينا احنا ان شاء الله

وفى اليوم التالى تأنقت شيري وراحت الكليه واحسست قبل ان تنظر اليه انه ايضا ينظر اليها وتلاقت الاعين واحرجت وهو ايضا وذهب بعيدا كل منه فى خيالاته ويتسألوا بنفس السؤال هل هو ينظر لى هو هى معجبه بي مثلما انا ؟؟؟؟؟ وعندما نظروا لكى يتاكدوا اذا كانوا مهتمين وتلاقت الاعين مره اخرى واتحرجوا جدا واعتدل كل واحد منهم فى جلسته واكد لنفسه انه مهتم بها وهى ايضا مهتمه بي ما هى الخطوه الاخرى

وبعد المحاضره ما انتهت جاء سامح ليتحدث معهم وفوجئ سامح بشريف يقف معه ويسلم عليه وهو يقف بجوار شيري ويسلم عليها وكان يريد التحدث معها باى شكل ولكن كيف فهو خجول جدا وباين عليه انه متلجلج فى الكلام وعندما احس انه اخطأ باستخدام تلك الطريقه للتقرب منها فقرر ان يذهب وعندما احسست شيري انه سيذهب رجعت سريعا وقالت

شيري : م.شريف حضرتك فهمت محاضره الاستاتيكا بتاعه امبارح ؟؟؟

شريف : اهه الحمد لله فهمتها ليه فى حاجه مش فاهماها

شيري : مش عارفه حاسه ان المحاضره مش مجمعه معايا

سامح : بتهرجى انتى فى حاجه مش تفهميها انتى موس يا بنتى

شيري : وانا اقول مش بقيت افهم ليه اتارى فى حد بينق على

شريف : طب انا ممكن اشرحالك لو عندك وقت

شيري : طب خليها بعد المحاضره التانيه فى المكتبه تشرحهالى هناك كده كويس ؟؟؟؟؟

شريف : اوك بعد المحاضره ان شاء الله

شيري : طب سلام بقي يالا يا سمر انتى وريهام عايزين نلحق مكان فى المحاضره

شريف : اروح احجزلكم فى المدرج

شيري : ياريت بس قدام لانى مش بحب اقعد ورا

شريف : اوك هحاول

وسرعان ما اختفي شريف بين الحشود وحجز ليهم فى البنش التالت وجلست بجواره طول المحاضره ولكنها لم تركز فى المحاضره بل فى شعورها وهى بجانبه كان شعور جديد لم تحسه من قبل شعور بالسعاده والشوق لان تظل بجواره وان تحادثه دائما وبعد ان انتهت المحاضره اعتذرت شيري من البنات وطبعا اخدت شيري كلمتين من سمر ولكنها اصر ت ان تذهب لوحدها معه فى المكتبه وفى المكتبه انفردا ببعضهم البعض

جلسا الاتنين واخرج هو كشكول محاضراته وبدأ فى شرح ما قاله الدكتور وكانت شيري فاهمه اكتر منه وكانت تناقشه وانقلب الموضوع وشرحت هى المحاضره له وبعد ان انتهت من الشرح

شريف : بسم الله ماشاء الله عليكى انتى معيده يا بنتى

شيري : هههههههه فكرتنى بسامح اول ما اتعرفت عليه كان بيقلي انا معيد هنا فى الكليه فلما سالته معيد انهى ماده فقالى تسع مواد بس هههههههههههههههه اتاريه عايد السنه على تسع مواد هههههههه

شريف : هههههههههه لا انا اقصد انك بجد تنفعى معيده شرحك سلسل وممتاز انا مكنتش فاهم المحاضره كويس وفهمتها منك

شيري تحدث نفسها يا خراشي هيقول على ايه دلوقتى انى بتمحك فيه يا خراشي شكلى وحش قوى

شيري : لا انا فى حته بس مكنتش فاهماه فى الاول وانتى فهمتهانى وانا جمعت كده المحاضره وفهمت اللى كان واقع منى يعنى كملنا بعض

كلمه كملنا بعض دى نزلت على قلبه بالبلسم واحس انها كلمه كبيره قوى ياسلام لو نكمل بعض على طول ونظر الى عيونها فاتحرجت شيري واحمر خدودها واحست بالخجل وهو ايضا فسالها

شريف : انتى منين يا شيري ؟؟؟؟

شيري : انا من القاهره وانت ؟؟؟

شريف : من السويس

شيري : انا اعرف واحده من السويس اسمها منى معانا فى الدفعه

شريف : لا انا معرفهاش بصراحه انتى اول واحده اكلمهافى حياتى كلها

شيري : نعم فى حياتك كلها

شريف : ايوه

شيري : ازاى ؟؟؟؟؟؟

شريف : بصي هاحكيلك حكايتى انا وحيد امى وابويا عملنا حادثه وانا صغير وعندى خمس سنين وماما حضنتنى قوى وماتت هى والحمد لله بابا كان اللى صابه شويه كدمات بس وبابا ربانى ومش رضي انه يتجوز وكنت فى فصل كله ولاد وكل سنه كده وفى الثانوى نفس النظام واهل بابا كلهم مخلفين ولاد اكبر او اصغر فعمرى ما اتيحت لى انى اكلمت بنت فانتى اول واحده اتكلم معاها فى اى حاجه

شيري : الله يرحمها والدتك ويغفرلها ويكون مثواها الجنه

شريف : امين

شيري : انا اسفه انى فكرتك بحاجه زى دى

شريف : انا مش بناسها علشان افتكرها كفايه انها ضحت بنفسها عشانى

شيري : طب بابا عامل ايه دلوقتى وقاعد لوحده من غيرك

شريف : بابا .. انا حاسس بيه والله اكيد تعبان بس هانت كلها كام شهر ان شاء الله واحول بترول السويس بس ربنا يكرمنى وانجح السنه دى

شيري : بصراحه انا كنت هحول القاهره بس حاسه انى عايزه اقعد هنا لانى حبيت هنا قوى

شريف : انا من ساعه ما جيت بورسعيد وانا بكرهها وحاسس ان دمها تقيل بس امبارح بس حسيت انى حابب اقعد

شيري : اشمعنى امبارح يعنى

تذكر شريف انه كيف امضي امسيته كلها يفكر فى شيري واخذها معه فى احلامه واستيقظ وهى معه وفى عقله وقلبه تلك العيون بنظراتها البريئه لم يواجه ابدا وجه فتاه بهذا الجمال ولكنه الان اعترف بشئ وكانت زله لسان منه ولكن كيف يبرر موقفه انه لا يكذب ولكنه الان مضطر حتى لا ينفضح امره وتهجرههى بكلامه

شريف : ابدا معرفش حسيت بكده امبارح

شيري أحست بما يريد ان يقول وعرفت انه ايضا احسن نفس الاحساس ولكنه انكر فلماذا انكر هل يخاف من رد فعلى ام ماذا هل استحثه ان يقولها ام امشي واتركه ؟؟؟

شيري : طب انا مضطره امشي بقي

شريف : تمشي ليه انتى زعلتى ؟؟؟؟

شيري : لا مش زعلت بس علشان الحق ميعاد الاكل

شريف : طب هشوفك بكره ؟؟؟

شيري : نعم مش فهمت مانا اكيد هاجى الكليه

ارتبك شريف ومش عارف يرد يقول ايه ومحرج جدا انه يقولها نتكلم مع بعض او نتعرف على بعض اكتر او انها تحس بيه

شريف : لا ابدا كنت بطمن عليكى مش اكتر وانا اسف انى تدخلت فى شئونك او حاجه

شيري : لا لا مفيش مشكله وشكرا على الشرح

شريف : انا اللى شكرا على الشرح هو انا شرحت حاجه بالمناسبه انتى اخبارك ايه فى الرياضيات

شيري : لا الحمد لله

شريف : طب تضيقي انك تشرحيهالى

شيري : كلها ؟؟؟؟؟؟؟؟؟؟

شريف : لا المحاضره بتاعه امبارح بس

شيري: طب اوك ولو الرياضه كلها يعنى ايه المشكله طب استاذنك بقي وبكره بعد المحاضره التانيه فى المكتبه ان شاء الله

شريف : اوك سلام

شيري : سلام

وخرجت شيري جرى من المكتبه متجه على المدينه وهناك اول ما شافت مرفت كلمتها وقالتلها عن كل اللى حصل وهى بتقولها كده هو كمان معجب بيكى وواضح انك مش محتاجه نصايحي المهم انك مش تتسرعي وتسيبي الامور تاخد نصابها ومر اليوم اكلت ونامت وصحيت وكل اليوم وهى تفكر فى شريف ومش مركزه وكل شويه مرفت تقولها اللى اخد عقلك يتهنابه وتغمزلها وشيري تقول في نفسها ياريتنى ما كنت قلتلها وبعدين نامو ا وحاولت شيري انتنام ولكنها تحلم احلام يقظه وفجأه سمعت صوت فى الاوضه وخافت جدا فما هذا الصوت ؟؟؟؟؟؟؟؟؟؟؟؟؟؟ وهل يستدعى الخوف ؟؟؟؟؟؟؟؟؟

هنعرف الصوت ده بتاع ايه فى الحلقه الجايه ان شاء الله

[pocy]

الحلقه ال13

فى الحلقه السابقه عرفت شيري ان شريف معجب بيها زى ما هى معجبه بيه فقررت انها هتكمل المشوار واللى مش عارفه نهايته ايه وعندما نامت فى الليل وكانت تحلم احلام يقظه بحوارات مع شريف لتانى يوم فهى ستشرح له فى المكتبه بعد المحاضره التانيه ماده الرياضيات وكانت تفكر فيما سترتدى وبعد فتره ليست بكثيره وكانوا كل البنات نايمين انتبهت شيري الى صوت حاجه بتخربش وزاد الصوت ولا تعرف من اين وعندما احست ان احدا فى الغرفه والدنيا ضلمه ومش شايفه صحت غاده

شيري : غاده ...غاده اصحى ...انتى سامعه الصوت ده

غاده : صوت ايه انا مصدقت انام

شيري : اسكتى بس وركزى

سكتت غاده وركزت وسمعت الصوت وكان الصوت قريب منها

غاده : ايه ده يا ماما .........يكون ايه صرصار ؟؟؟؟؟

شيري : مش معقول الصرصار يعمل الصوت ده كله

غاده : طب هنعمل ايه ؟؟؟

شيري : هنصحي ناديه او الهام هم اللى بيعرفوا يتعاملوا مع الحاجات دى

شيري : ناديه ..... ناديه بصوت هامس

ناديه : ايه في ايه ؟؟؟ وقامت مخضوضه اصل نومها خفيف

شيري : فى صوت فى الاوضه عايزنك تشوفيه ده بتاع ايه ؟؟؟؟

ناديه : صوت .... صوت ايه

شيري : ركزى وهتسمعيه

ركزت ناديه وعرفت الصوت ده بتاع ايه وقالت

ناديه :ياربي ......... هى المدينه المقرفه دى مفهاش حاجه عدله ابدا

غاده وشيري فى نفس واحد : ليه هو الصوت بتاع ايه ؟؟؟؟

ناديه : صوت فــــــــــــــــــــــــــــــــــار

غاده تنط من سريرها وتجرى على سرير شيري وتقول

غاده : طب وبعدين انا بخاف منهم جدا موتيه يا ناديه ولا مشيه فى اى حتى

ناديه : وناديه دى سيده اللى جابتها ماما يعنى

شيري : لا طبعا ناديه هى حبيبتنا اللى معاها مش بنخاف من حاجه بس امانه عليكى مشيه انا عمرى ماشوف فار ولا سمعت صوته حتى وميته فى جلدى

ناديه : حاضر حاضر

ونزلت من على سريرها وولعت نور الاوضه ومسكت المقشه وظلت تجرى وراه وباقي البنات صحيوا ونزلت معاها الهام ومسكت المسحاه والبنات تصوت لما بيدخل تحت سريرهم وبعد محاولات عده استطاعت ناديه ان تضربه على راسه وتحجزه وكان فى نقاش بين ناديه والهام نموته ازاى وناديه زنقه عليه بالمقشه الهام تقول بالسكينه وناديه تقول لا نغرقه وشيري تعيط وتقولهم حرام تموته ارموه فى حته بعيد وخلاص واستقر الموضوع انهم يضربوه على راسه كذا مره لحد ما يموت وبالفعل مات الفار وعاد كل منهم الى سريره وفى الصباح كانت شيري اول من استيقظت وصحت الجميع وقالت يا قاتله الفار اصحى

ناديه : انا غلطانه انى مش سبتته وخليه بقي يبقي يجي وياكل صوابعك لو ملقاش اكل

شيري : بتهرجى بجد ممكن ياخد صوابعى يييييييييييييييييييععععععععععع

الهام : اه طبعا طالما جعان ومش لاقي اكل ياكل اى حاجه

شيري : لا انتم بتقولوا كده علشان تخوفونى طب احنا نحط اكل ليهم فى كل حته علشان مش ياكلونا

الهام تنظر لناديه وتضحك

ناديه : طب هنبقي نربيهم ههههههههههههههههه

شيري : الله يسمحك يا ناديه انتى والهام بتتريقأعلى مش هعرف انام انا بعد كده

ناديه : بنهظر معاكى كان نفسي يبقي معايا كاميرا واصورك وانتى ميته فى جلدك كده

شيري : الله يسمحك يا ناديه

ومسكت الخدديه بتاعتها ونزلت ضرب في ناديه وهى تنط من على السراير وجت غاده اشتركت فى ضرب ناديه وجت ميرفت من الحمام تقول مش هتلحقوا تلبسوا وهتتاخروا

وبدأ الجميع فى تجهيز نفسه للذهاب للكليه وكانت شيري كالعاده متأنقه

ولكنها لم تعرف بماذا ترد على الهام عندما طلبت منها ان ترتدى بلوزه عندها غير اوك خديها بس كانت مضايقه جدا لانها مش بتحب حد يلبس من لبسها بس قالت انها بعد كده هتتحجج باى حجه ومش هتدى لبسها لحد تانى

راحت الكليه وفى المدرج وجدت شريف يشاور لها ويقول انه حجز لهم اماكن هى والبنات و فرحت شيري جدا باللى عمله بس زعلت من ريهام لانها قالت

ريهام : ايوه ياعم وكمان بيحجزلك جنبه

شيري : مين اللى بيحجزلنا جنبه قصدك ع شريف ده انا اللى موصياه امبارح انه لو بيروح بدرى يحجزلنا قدام لان فى مدين العبد فاتحين الباب بتاع الكليه فهو هيبقي اسرع بزمتك احنا بنلحق ابدا البنش التانى ؟؟؟؟؟؟؟؟؟؟؟

ريهام : بصراحه لالالالالالالالالالالا

شيري : طب اكتمى بقي واقعدى

ودخلت البنش شيري وقعدت جنب شريف وقالتله

شيري : شكرا يا شريف بس تلاقيك جيت بدرى

شريف: لا مش بدرى قوى يعنى المهم انتى عامله ايه ؟؟؟

شيري : الحمد لله وانت اخبارك ايه ؟؟؟

شريف : الحمد لله

وبدأت المحاضره وطول المحاضره كانت شيري مش قادره تنتبهه لما يقول الدكتور فانها تحس ان شريف اشبه بالمغناطيس يجذبها اليه وبشده وشريف مش قادر يركز مع الدكتور فهى يحس انه عطشان والماء مع شيري فهو لم يحس هذا الاحساس من قبل انه عندما يراها لا يعرف ما يجتاح عقله وقلبه وجسده وكان شئ يسري فى دمائه ويجعل قلبه يخفق وبشده لا يعرف هل هذا هو الحب ام لانها اول فتاه يقابلها ؟؟؟؟ وانتهت المحاضره وتحدث معها شريف قليلا عن المحاضره وكل هذا وسمر عماله تنغز فى شيري وتقولها بطلى كلام بقي وشيري تمسك ايدها وتبعده وبدات المحاضره التانيه و ايضا عدم التركيز يتعقبها وهو ايضا يحلم بانه يمسك يديها ويضمها الى قلبه انه يحلم بها ليل نهار انها فتاه جذابه فى كل شئ حديثها وشكلها كل شئ فيها جميل انتهت المحاضره الثانيه وقالت للبنات انا هحصلكم ع المدينه بعد شويه ولو اتاخرت جبولى الاكل معاكم وسمر تقولها رايحه فين وشيري تقولها هبقي اقولك لما ارجع سلام

وذهبت الى المكتبه لتجد شريف ينتظرها هناك سلمت عليه وبدأت فى شرح المحاضره الرياضيات وبعد ان انتهت

شيري : فهمت منى حاجه ؟؟؟؟

شريف : انتى مفروض تبقي معيده بجد شرحك ممتاز

شيري : هههههههههههه بلاش معيده دى انا عايزه انجح وبس الا صحيح انت تعرف ان النتيجه بتاعه الترم الاول هتظهر الاسبوع ده ؟؟؟؟

شريف : اه انا سمعت برضه كده بس مش متاكد

شيري : ربنا يستر والله انا مش خايفه الا من ماده الميكانيكا

شريف : لا انا خايف من الوصفيه والرسم الهندسي

شيري : بتهرج دول كانوا سهلين جدا

شريف : لا والله انا من البدايه وانا مش عارف الوصفيه دى بتتكلم عن ايه

شيري : دانا بفكر ادخل عماره مخصوص عشانهم

شريف : لا انا مش فارقه معايا انا عايز بس السنه دى انجح واحول ع السويس

شيري : انا بفكر اكمل هنا

شريف : انا للاسف متردد بس بابا عايزنى ابقي معاه فى السويس وخصوصا انه بيشتغل فى شركه بترول هناك وممكن اشتغل بسهوله هناك لانى هكون من ابناء العاملين بالشركه

شيري : اممممممممممممممممم

شريف : انتى زعلتى ؟؟؟؟؟؟؟؟؟؟؟؟

شيري : انا ........ لا مش زعلت وازعل ليه ؟؟؟؟

شريف : لا ابدا اصلي افتكرت حاجه

شيري : افتكرت ايه ؟؟؟؟

شريف : لا ابدا مفيش

شيري : لا بجد انا عايزه اعرف

شريف : شيري انتى عارفه انى عمرى ما كلمت بنت قبل كده وبصراحه بحس معاكى بحاجات مش حسيت بيها قبل كده ومش عارف افسرها

شيري : بتحس بحاجات زى ايه يعنى ؟؟؟؟

شريف : انا مش عارف اوصفهالك ازاى انا بحس انى مش عايزك تروحى عايزك تفضلي معايا ونتكلم على طول

شيري : امممممممممممم

شريف : لالالالا ارجوكى متقوليش اممممممممممم وتسكتى هو انا حالتى صعبه ولا ايه

شيري : لالالالا بس انا مش عارفه تفسير ده ايه ؟؟؟

شريف : شيرين انتى مش متخيله انتى مسيطره على كل تفكيري بشكل انى مش عارف افكر فى اى حاجه تانيه تعرفي انى منمتش من امبارح وكله بسبب انى بفكر فيكى بفكر اقولك ايه وهتردى بايه وخايف لتزعلى منى من اى كلمه وانا معرفش هى مفروض تفرحك ولا تزعلك انا عارف انى عارفك بس من يومين وانى كده يمكن اكون متسرع فى الكلام اللى بقوله بس انا متعود ان اللى فى قلبي ع لسانى وحاسس انى تعبان

شيري : طب انا عايز نى اعمل ايه ؟؟؟؟

شريف : شيرين انا حاسس انك البنت اللى تملى على حياتى وتقر عينى كل حاجه فيكى بتشدنى ليكى ومش تتخيلي انا مسيطر ازاى على نفسي انى امسك ايدك بجد انا حاسس انى تعبان فعلا ومش عارف اتحكم فى نفسي طول مانا معاكى انا عايز حل لحالتى دى وهل ده حالك ؟؟؟؟؟

شيري: انا مضطره امشي مع السلامه

جريت شيري وسابته وهو مش عارف هو قال الكلام ده ازاى حاول انه يلحقها ويعتذر عن اى كلمه قالها وزعلتها بس هو مش عارف هو عمل فيها ايه بكلامه ده شيري حست بكل اللى بتقوله بس مش عرفت ترد لانها حست انهم استعجلوا على حاجات كتير وقررت قرار فى نفسها وقالت انها هتاخده ولا رجعه فيه

فيا ترى ايه القرار ده وهل هترجع فيه تانى ولا لا ؟؟؟؟؟؟؟؟؟؟؟

ده هنعرفه الحلقه الجايه

[مصطفى يونس]

مرسلة 13 October 2010 - 12:38 PM

مش كلها حقيقيه واتمنى اكون افادتك بس منخيري حرقانى انت بتسال السؤال ده ليه ؟؟؟؟؟؟

يعنى ايه وجه نظرك فى الموضوع ده ؟؟؟؟؟؟

اولا الف سلامه على مناخيرك

وجه النظر اكيد وصلتك لانى رديت على رساله حضرتك

وياريت تكملى بقيت القصه

[مصطفى يونس]

انا بقالى ست ايام مستنى باقى القصه

[pocy]

مرسلة 13 October 2010 - 12:38 PM

مش كلها حقيقيه واتمنى اكون افادتك بس منخيري حرقانى انت بتسال السؤال ده ليه ؟؟؟؟؟؟

يعنى ايه وجه نظرك فى الموضوع ده ؟؟؟؟؟؟

اولا الف سلامه على مناخيرك

وجه النظر اكيد وصلتك لانى رديت على رساله حضرتك

وياريت تكملى بقيت القصه

انا بقالى ست ايام مستنى باقى القصه

مكنتش اعرف ان فى حد متابعها والله وزهقت ان محدش بيرد وبالتالى وقفت الكتابه هنا ولله الحمد ودى الحلقه ال14 وهكملها ان شاء الله هنا طالما حضرتك وكده رضا متابعينها معلش اصل جالى احباط من قصص المحاورات للاسف

[pocy]

الحلقه ال 14

عرفنا ان شريف استرسل فى الكلام وقال لشيري عن كل ما يحس به ولكن شيري احست انه استعجل فى كل احاسيسه واحست بشئ اخر واتخدت قرارا نهائيا ياترى كان ايه القرار ده اللى هنعرفه الان

رجعت شيري الى المدينه وهناك لم تعرف ان تتغلب على بكاءها فشاهدتها غاده وقالتلها في ايه وردت مفيش ولكن غاده اقنعت شيري ان يخرجوا من المدينه ويتمشوا خارجا لحد المعديه ويرجعوا

غاده : ها يا ستى ايه رايك فى الخروجه دى لوه مش كده الجو جميل دلوقتى

شيري: اه

غاده : طب يالا قوليلي بقي واحنا بنتمشي ايه الى مضايقك

شيري: مش عارفه

غاده : ازاى مش عارفه حصل حاجه من حد مننا فى الاوضه

شيري: لالالا

غاده : طب حد فى الكليه انا سألت سمر عليكى وقلتلى انك بتشرحي لواحد فى الكليه

شيري: ده واحد زميلنا كان عايزنى اشرحله شويه حاجات وشرحتهاله فى المكتبه

غاده : طب ايه اللى مزعلك بقي ومخليكى تعيطى

شيري: بصي يا غاده انا هقولك كل اللى فى نفسي انا حاسه انك اقرب واحده لي في الاوضه اللى حصل انى قابلت شريف فى السكشن بتاعى وكنت دايما بشوفه انسان مهذب خجول وملتزم ودايما بيقرأ قران فى الوقت اللى الكل فيه بيلعب ولا بينم او اى شئ من هذا القبيل عجبنى اخلاقه جدا وحاولت انى اجذب معاه الحديث فى مره ووجدت فيه الطيبه والاخلاق العاليه حسيت انى مشدوده ليه اكتر بقيت بطلب منه انه يشرحلى فى حين انى مش محتاجه شرحه بس حاسه انى محتاجه اكون جانبه وحسيت من خلال التلات مرات اللى قعدتهم معاه انه هو كمان مهتم واتعرف عليه اكتر لما قالى انه ابن وحيد لابوه وان امه ماتت وهى بتنقذه وهو حاسس بالذنب انه سبب في موت امه وان ابوه هو كل حياته وبعدين كمل كلامه النهارده وقالى ان انا البنت الوحيده اللى قابلها واتكلم معاها وانه كمان منجذب لي وقالى حاجات كتير قوى بس وهو بيتكلم انا حاسه بانى بعمل خطأ كبير حاسه انى عايزه استخبي وادارى منه حاسه انى خنت ثقه اهلى في النهارده شريف كل احسايسه اللى قالها ومخباش حاجه منها حتى شعوره بانه عايز يلمس ايدى قاله وطبعا لو ده عارف ازاى يعمامل بنت مكنش قال كده حسيت انى جسمي اقشعر وانى كان لازم امشي وفعلا استأذنته ومشيت وحاسيت انى متلخبطه ورجولى بتخبط فى بعضها وجرجرت نفسي لحدما وصلت للمدينه واول ما دخلت الاوضه لقيتنى مش قادره اكتم دموعى

وبدأت شيري مره اخرى فى البكاء وكانت غاده تواسيها وتقول

غاد ه: بصي يا شيري انتى عارفه انى اكبر منك بسنتين وانى اللى اعرفه ان حب الجامعه العذري ده مش بيدوم وخصوصا اللى بدأ بدرى كده الا الشواذ طبعا عن القاعده ودول قليلين جدا

وانا شايفه ان هدفك انك تروحى القاهره وهو هيكمل فى بورسعيد فانسي الموضوع ده وحاولى تبعدى عنه وتبعدى الان احسن ما تبعدى بعد ما الفاس تقع فى الراس ولا ايه ؟؟؟؟

شيري : هو مش هيكمل فى بورسعيد ده هيكمل فى السويس كليه هندسه تعدين هناك

غاده : كمان يعنى حتى لو انتى كملتى فى بورسعيد هو هيكون ف السويس يا بنتى سيبك منه وركزى فى دراستك والحب جاى جاى ونصيبك هو اللى هتاخديه وصدقينى معظم البنات بتتطلع من الكليه بقصص حب فاشله المهم ان تخلى دراستك نمبر 1 فى حياتك واسالينى انا عن تجربه واحده اعرفها فى تربيه اكبر منك بسنتين كانت بتحب زميلها جدا وهو اللى بدأ الكلام معاها ولما اتمكن من حبها بقي بيتقل عليها وبدل ماهو اللى يجيب الهدايا هى اللى بتجيب الهدايا وبدل ماهو اللى يغير عليها لو واقفه مع اى حد فى الدفعه لا هى اللى بتغير عليه وعارفه انه بيحب واحده تانيه دلوقتى بس للاسف لازالت بتحبه وكله بسبب انها سابت نفسها تحبه هو صابر عليها بس علشان الهدايا اللى بتجبهاله يابنتى حب الجامعه مش بيدوم وارجوكى خدى بالك على نفسك اهلك حملوكى مسئوليه كبيره ولازم تتحمليها على الاقل عشانهم اكيد تعبوا معاكى وسهروا معاكى الليالي وانت تعبانه وانتى بتذاكرى وانتى وانتى وحاجات كتير فى على الاقل متخنيش الامانه الى هم سابوها معاكى وهى انتى

شيري : اممممممممممممممم

غاده : يعنى ايه اممممممممممممممممممممممم انا عارفه ان كلامى ضايقك بس والله لانى بحبك كصديقه واخت بنصحك سيبك منه واتهربي منه او قليله خلينا اخوات احسن وحاولى تبعدى عنه باى شكل وانا ممكن اوصي عليكى سمر وهى متتوصاش بصراحه ده هى راجعه مضايقه جدا منك بسبب انك روحتى معاه المكتبه وصدقينى هو ولا هتفرق معاه هيروح السنه الجايه السويس ولا هيفتكرك فانتى خديها من ناحيتك احسن واقفلي الموضوع

شيري : انتى عندك حق انا مش هكلمه وهحاول ابعد عنه

غاده : ايوه كده هو ده الصح ايه ده هو احنا وصلنا لدليسبس ازاى

شيري : الكلام اخدنا والمشي جنب البحر جميل هى الساعه كا م

غاده: ياخراشي يالا نركب تاكسي عايزين نلحق المدينه لا تقفل الساعه 6:15

شيري : يا لا يالا بسرعه

وشاورا بسرعه لتاكسي وراحوا للمعديه ودفعت شيري وطلبوا منه يوديهم المدينه الجامعيه مرضاش فاضطروا انهم يركبوا المعديه وياخدوا تاكسي من بور فؤاد والحمد لله لحقوا المدينه قبل ما تقفل وعندما دخلوا الحجره لقوا ريهام كانت تعبانه واغمى عليها

ولسه جايه من المستشفي طب ليه ياجماعه ايه اللى حصل مش عارفين واطمنوا على ريهام وشيري كانت مضايقه جد ا انها مكنتش موجوده ساعه ما اغمى على ريهام علشان تساعدها بس الحمد لله على اخر اليوم كانت ريهام فاقت والاعتقاد انها كان ضغطها واطى

ولما كان جو الغرفه حزين قررت مرفت انها تعمل ولا ول مره فى غرفه 129 حفله سمر زى بتوع تجاره وراحت لاختها فوق واخدت الكاسيت وشرايط واقعدوا يرقصوا ويهللوا ويسقفوا وكل واحدهكانت بتبدع وشيري كانت مبسوطه جدا جدا باللى بيعملوا

ولما قالولها قومى ارقصي قالت ابدا وفى الاخر قالت لو غندكم شريط اجنبي ممكن اركب اجنبي لكن عربي معرفش والكل قام علشان يتعلم ازاى يرقص اجنبي ههههههههههههههههههههههههههههههههه وكانت ليله ليلاء وقبل الفجر بساعه كاننت الموسيقي قد

هدأت والبنات كل واحده راحت لاوضتها لان الحفله اتزاعت فى الكرودار بتاع الدور الاول وكله كان اعدادى هندسه والباقي راح لسريره وانتظروا للفجر وصلوا وناموا وبعد ساعتين بس نوم صحيوا علشان الكليه وقايمين كلهم بضرب الجزمه وقالوا على اد ما

كان اليوم جميل بس اول واخر مره ههههههههههههههههههههههههههههههههههههههههه

بس ياترى ايه اللى حصل لما راحوا الكليه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وماذا فعلت شيري عندما شاهدت شريف منتظرها ويريد ان يحدثها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وفيما كان شريف يريد ان يكلمها وما حدث لشريف فى الامس بعد ان تركته شيري ؟؟؟؟؟؟؟؟؟؟؟؟؟؟؟؟؟؟؟؟؟؟

كل ده هنعرفه فى الحلقه القادمه ان شاء الله

يارب تعجبكم الحلقه دى وعايزه رايكم هل غاده اللى قالته ده صح ولا لا ؟؟؟؟؟؟؟؟؟؟؟؟؟؟؟؟؟

[pocy]

الحلقه ال15

عرفنا فى الحلقه السابقه ان شيري قررت انها هتقول لشريف انهم اخوات وانها هتحاول تبعد عنه ولكن هل ده اللى حصل تعالوا نشوف الاول ايه اللى حصل لشريف بعد ما سابته شيري

كان شريف مضايق جدا ومش عارف زاى طلع منه الكلام ازاى بيضعف قدامها وازاى يعتذرلها عن كل اللى قاله وكان لشريف شخص مقرب جدا لهفى المدينه وهو اكبر منه سنا وعقلا فلقد تقابل معه فى مسجد المدينه ونشأت بينهم علاقه قويه لاخلاقهم الحميده وعندما رجع الى المدينه وكان كالحائر لم يستطع النوم ولم يستطع فعل اى شئ لم يكن اماه غير ان يذعب الى صديقه ويطلب منه ان يخرج معه لانه مضايق جدا لم يكن يدرى شريف ماذا يفعل وهل يخبر صديقه بما حدث ولكن كيف وهو يحبها ولا يريد ان يعرف عنها اى شئ وظل فى صراع الى ان هداه عقله وقالله عن ما حدث ولكنه لم يقل له عن هذه الفتاه اى شئ لا اسمها ولا اى شئ من مواصفاتها فهو ايضا يغير عليها ولكن ياترى كيف كان الحوار

شريف : احمد انت هتنام ؟؟؟؟؟

احمد : ايوه فى حاجه ؟؟؟؟؟

شريف : معلش اصلي مضايق ومخنوق شويه فقلت لو صاحى نخرج نتمشي شويه

احمد : طب ثوانى هالبس ونخرج

شريف : لا مش مهم انت الظاهر عليك تعبان ارتاح وبنبقي نتكلم فى المسجد بالليل

احمد : لالالا كده احسن الواحد بقاله كتير معملش رياضه المشي تعالى نتمشي لحد الجامع الكبير اللى عند المعديه وهناك نستنى نصلي المغرب ونرجع

ملحوظه على جنب كده المدينه الجامعيه للولاد بتقفل الساعه 10 مش زى مدينه البنات بتقفل الساعه 7 المهم

شريف :اوك هستناك تحت

وبعد دقائق بسيطه انضم احمد الى شريف

احمد: ايه ياعم اللى مضايقك حد فى الاوضه ولا الدراسه ولا علشان النتيجه قربت فقلقان

شريف : لا محدش من دول خالص

احمد : يبقي اكيد بنوته فى الكليه نكدت عليك عشت وخلتك متبهدل ومتأندل وحالتك صعبه

شريف : هو انا باين على قوى كده

احمد : اصل المنظر ده شوفته فى نفسي قبل كده فعرفت حالتك على طول ومن غير ماتقول اى حاجه انسي ياعمرو زى ما بيقولوا

شريف : طب ليه هو ايه اللى حصلك

احمد : بص يا سيدى انت عارف انى قضيت فى الكليه لحد الان تلات سنين وربنا يكرم فى السنتين الباقيين وخلال الفتره دى وخصوصا اول سنه كنت متخبط جدا بين انى اصاحب واحده ومن انى اقع فى حبها وكان الكل يقلي ياعم صاحب هو انتى ايام الثانولى يعنى مصحبتش وطبعا اضطريت اقول انى صاحبت على الرغم انى مش صحبت ولا حاجه وكنت بالكتير بس البنات فى الدروس وكلمتين على التصوير واقلب وكانوا كلهم خناشير وبشنابات وكنت انا ابان بنت عنهم المهم انضميت لشله ولاد عرفونى على بنات وكانوا من ضمن البنات دول واحده مؤدبه وملهاش فى القصص والحوارات دى اعجبت بها بقيت هى اللى بتكلم معاها حسيت انى قريب منها قوى وقربنا من بعض اكتر على اخر السنه وفى اخر يوم امتحان وخرجنا وخلصنا قلتلها انى بحبها وهى كمان قالتلى انها بتحبنى واتفقنا على الاتصال وطرق الاتصال وكنت بكلمها فى الاجازه ومش تتصور البعاد كان عامل فى ايه وفى الاخر وبعد ما رجعنا رجعت هى بنيولوك جديد عجبنى فى الاول وقلت واوا فظيع جميل وبعدين لاقيت ان جمالها زاد وبقيت متيم بيها وهى حست ان الكل بدأ يلتفت لها ومكنش حد عارف انى بحبها لانى علشان اصونها مكنتش بحب اقول اى حاجه عنها لاى حد فى ناس كانت حاسه وفى ناس عادى المهم بعد وفجأه ودون سابق انذار لقيتها بتبعد عنى واحده واحده وبتحجج باعار تانيه انها مش تقابلنى بعد المحاضرات وبعد ما زمايلنا يمشوا وحاجات كده وفى يوم لاقتنى مضايق قوى زيك كده وهناك لقيتها واقفه بتتكلم مع واحد ومقربين من بعض كانهم اصحاب من زمان وبيتمشوا مع بعض وهنا كانت الصدمه اللى اخدتها كنت متيم بيها لدرجه انى غيرت القسم الى انا فيه عشانها وكنت حمار طبعا المهم عرفت انهم مش ليهم امان ومع ذلك محرمتش اتعرفت على واحده اصغر منى بسنه ومن بلدى وبشوفها بتروح وتيجي فى نفس مواعيدى وفى مره طلبت منها انها تحجزلى معاها وحجزتلى وقعدنا جنب بعض واتكلمنا وحكينا وبقينا دايما بنسافر مع بعض وبعد فتره لاقت البنت اتعلقت بي واعترفت لى انها بتحبنى باسلوب مستخبي كده قالتلى خد الورقه دى اقراها وابقي رد على يوم السفر الجاى وكانت مكتوب فيها مش متذكر الا ان المفهوم انها بتحبنى بقيت مش عارف اعمل ايه انا مش مهتم بيها وكانت بتسلينى ومبقتش عارف اعمل ايه ولما قابلتها وسالتنى على الورقه رحت سالتها سؤال مباشر انتى بتحبينى ؟؟؟؟؟؟ردت وقالت : مش عارفه انت قول

حسيت انى مش عايز اضحك عليها وخفت لاصدمها فقلت انا مهتم بيكى بس وبحب اسمع الكلام والحكايات بتاعتك بس لسه احنا بنتعرف على بعض وسبينا للايام

وطبا حسيتها اتغيرت واديتنى بوز تمام ومشفتهاش بعد كده الا بعديها بفتره وكانت قاعده جنب واحد تانى بتحكى وتهزر معاه زى ماكانت بتعمل معايا فالبنات هنا بتبقي اخده الشباب تسليه يحبوا قوى اللى مش بيحبهم ويرموا اللى بيحبهم ويدورا على واحد تانى فيابنى ايا كان اللى حصلك انسي انت السنه دى باقي فيها كام شهر خدهم بالطول ولا بالعرض وروح بلدك وادخل الكليه اللى نفسك فيها وخليها هدفك وربنا يوفقك

شريف : بس انا بفكر فيها على طول وبجد حاسس انى مش هقدر استغنى عنها البنت مؤدبه جدا وممكن اتراجع عن هدفى واكمل هنا عشانها

قاطعه احمد فى كلامه وقال

احمد : وتعمل زى وافضل ندمان طول عمرى انى سبت القسم اللى بحبه لقسم تانى مش بحبه علشان واحده سابتنى ومشيت بص يا شريف انا بحبك والله زى اخويا الصغير وبقولك اصرفنظر هترتاح والاحساس اللى انت فيه بتاع الحب ده على اد ما هو جميل وبيخليك طاير الا انه فجأه بيرميك من سابع سما ياتموت يا تفضل عايش بقلب مشوه ورأي انك تنسي مهما كانت البنت وخلى هدفك قدامك انت جاى فتره وهترجع بلدك وتنسي كل اللى حصلك هنا وادينى نصحتك وانت براحتك بقي

شريف : طب يالا نروح

احمد : مش عاجبك كلامى صح بس صدقنى لو مش عملت كده هتندم اشد الندم وابقي شوف ومش تنسي تقلي ولو مكنتش اخويا مكنتش حكتلك عن الحاجات دى اللى الواحد مفروض يخجل منها بس لازم تتعظ بتجارب اللى سبقوك

شريف : لا انا مقتنع بكلامك بس هى غيراى بنت تانيه

احمد : انا جربت بنات كتير وكلهم صنف واحد يفضلواوراك لحد ما تترمى تحت رجليهم ويلعبوا بيك شخشيخه وبعد ما يلاقوا حد تانى احسن هيسبوك ولو مش لاقوا خلاص هيفضلوا معاك مضطرين لحد ما يلاقوا فرصه احسن الا قولى البنت دى منين

شريف : من القاهره

احمد : كمان والله بتهرج يا بنى خد على ادك بتوع القاهره دول ناس جباريين والدنيا عندهم مفتوحه وفاهمين خليك فى الاقاليم طيبين و يعيشوا فكرتنى بامى لما كانت بتقول لاخويا الكبير الكلمتين دول لما كان مصمم يخطب واحده زميلته فى الجامعه ههههههههههههههههههههههاهه كانت ايام وبعد الحب العميق سبته واتخطبت لصاحبه تخيل انت بقي وطبعا امى عملت اللى عليها بعد كده هههههههههههههههههههههههههههههه والله كانت ايا م متعبه بالنسبه للبيت كله اه صحيح والدك لو عرف حاجه زى كده انك ممكن تكمل هنا فى الكليه دى هيكون موقفك ايه ؟؟؟؟؟؟؟؟؟؟؟؟؟؟؟؟؟؟؟؟

شريف : ياعم انت طربقتهافوق دماغي المشكله ان دى كانت رغبه ماما من وانا صغير وابويا هو اللى حفزنى انى ادخل هندسه لاننا كل ما كنا بنعدى عليها ماما كانت بتقول امتى اشوفك وانت فى الكليه دى ومن ساعتها وبابا معلق كل اماله انى ادخلها

احمد : بس بس لحسن انت بتزود الطينه بله المغرب اذن يالا نصلي وادعى ان ربنا يزيحها من طريقك

شريف : يالا نصلي

بس في نفسه قال انه هيدعى ان ربنا ييسرله الخير سواء معاها او لا وخصوصا انه تذكر انه سبب وفاه امه وانه على الاقل مفروض يحقق امنيتها الوحيده اللى عرفها

وانتهى اليوم ورجعوا المدينه وجاء الصباح التالى بس يا ترى شريف هيتصرف ازاى مع شيري وهل هيسمع كلام احمد ولا قلبه لازال ينبض باسمها

ده اللى هنعرفه فى الحلقه الجايه ان شاء الله

[pocy]

الحلقتين ال14 و15 دول اهداء منى ليك يااخى الفاضل /مصطفي يونس

واهداء للاخت الفاضله / كده رضا

وشكرا على المتابعه

[hakeem]

مكنتش اعرف ان فى حد متابعها والله وزهقت ان محدش بيرد وبالتالى وقفت الكتابه هنا ولله الحمد ودى الحلقه ال14 وهكملها ان شاء الله هنا طالما حضرتك وكده رضا متابعينها معلش اصل جالى احباط من قصص المحاورات للاسف

على فكره يااستاذه pocy..ناس كتير متابعه القصه بتاعتك بس محدش فعلا بيرد لاننا مستمتعين بيها جدا ومش عايزين نعمل ردود علشان الحلقات تبقى ورا بعضها..ده اللى انا عن نفسى بعمله..ومستنيين تكملى..وبصراحه اسلوبك فى العرض جميل جدا وشيق..

تم تعديل 28 أكتوبر 2010 بواسطة hakeem

[pocy]

مكنتش اعرف ان فى حد متابعها والله وزهقت ان محدش بيرد وبالتالى وقفت الكتابه هنا ولله الحمد ودى الحلقه ال14 وهكملها ان شاء الله هنا طالما حضرتك وكده رضا متابعينها معلش اصل جالى احباط من قصص المحاورات للاسف

على فكره يااستاذه pocy..ناس كتير متابعه القصه بتاعتك بس محدش فعلا بيرد لاننا مستمتعين بيها جدا ومش عايزين نعمل ردود علشان الحلقات تبقى ورا بعضها..ده اللى انا عن نفسى بعمله..ومستنيين تكملى..وبصراحه اسلوبك فى العرض جميل جدا وشيق..

ياهلا والف غلا بالاستاذ / حكيم

يعنى بجد فى حد بيتابع انا بقول عدد المشاهده كبير بس ليه محدش بيرد فده اللى بستغربه

بس فعلا جزاك الله كل الخير على كلامك الجميل ده ويارب اكون كده فعلا بعرف اكتب ههههههههههه

[مصطفى يونس]

الحلقتين ال14 و15 دول اهداء منى ليك يااخى الفاضل /مصطفي يونس

واهداء للاخت الفاضله / كده رضا

وشكرا على المتابعه

شكرا جزيلا على الهديه وفى ناس كتير متابعه القصه بتاعت حضرتك

وانا عن نفسى منتظر باقى القصه

[كدة رضا]

اخيرا ظهرت حلقات جديدة انا كنت خلاص ياست انك تكملى وكنت هكملها فى المنتدى التانى بس الحمد للة انك كملتى انا زعلانة منك لانك قلتى على كتابة القصص الى بتكتبيها شئ مش مهم لكن انا عارفة ان نفسيتك كانت وحشة وانتى بتكتبى الكلام دة كانت سيئة بسبب الحريق وموت السمك القصص الى بتكتبيها ممتعة وبنحبها انتى عارفة انى حالتى النفسية كانت مش مظبطة وبعد قصة من مذكراتى ومن فرت رومانسيتها ونهايتها السعيدة الحياة مرة واحدة بقى لونها بمبى وحسيت انى لسة عندى القدرة انى اشعر بمشاعر قديمة كنت فلكرة انى مش هاقدر احسها زى زمان واللة بعد قرائتها لما زوجى رجع من الشغل قلبى دق زى زمان وبقيت اقول الكلام الى كنت بقولة ايام الخطوبة بنفس الاحساس الواحد من كتر ماالماديات ومشاكل الدنيا الى حولية حتى لو مش شخصية بس بتاثر على حالتة النفسية بقى بيدور على الرومانسية والهدوء النفسى ودة بصراحة بلاقية فى كتابتك فلا تنقطعى عنا اية دة دا انا رغاية اوى

[waledgamal]

يا ريت تشجعونى انى اكمل هنا لانى زعلانه جدا لان محدش تابع معايا قصه ايمى وبجد كانت ممتازه من وجه نظرى ههههههههههههههههههههه

لو مش لقيت ردود مضطره انى مش اكملها هنا للاسف

على فكرة انا مقيم بالسعودية ودى اول مشاركة لى فى المنتدى وكنت بتصفح كزائر

وقمت بالتسجيل خصوصا لابدى شدة اعجابى بقصتك على الرغم من صعوبة التسجيل والدخول للمنتدى هنا

وكل يوم بدخل المنتدى مخصوص علشان اتابع قصتك

وعلى فكرة نصيحتى لك ان تسجلى القصص دى باسمك لانها اكثر من رائعة