حكايه السبع بنات والمدينه الجامعيه

[pocy]

الحلقتين ال14 و15 دول اهداء منى ليك يااخى الفاضل /مصطفي يونس

واهداء للاخت الفاضله / كده رضا

وشكرا على المتابعه

شكرا جزيلا على الهديه وفى ناس كتير متابعه القصه بتاعت حضرتك

وانا عن نفسى منتظر باقى القصه

ان شاء الله هتنزل باقيها فى اقرب وقت وبجد ميرسي جدا ليك يا مصطفى ويارب تفضل دايما عاجباكم

اخيرا ظهرت حلقات جديدة انا كنت خلاص ياست انك تكملى وكنت هكملها فى المنتدى التانى بس الحمد للة انك كملتى انا زعلانة منك لانك قلتى على كتابة القصص الى بتكتبيها شئ مش مهم لكن انا عارفة ان نفسيتك كانت وحشة وانتى بتكتبى الكلام دة كانت سيئة بسبب الحريق وموت السمك القصص الى بتكتبيها ممتعة وبنحبها انتى عارفة انى حالتى النفسية كانت مش مظبطة وبعد قصة من مذكراتى ومن فرت رومانسيتها ونهايتها السعيدة الحياة مرة واحدة بقى لونها بمبى وحسيت انى لسة عندى القدرة انى اشعر بمشاعر قديمة كنت فلكرة انى مش هاقدر احسها زى زمان واللة بعد قرائتها لما زوجى رجع من الشغل قلبى دق زى زمان وبقيت اقول الكلام الى كنت بقولة ايام الخطوبة بنفس الاحساس الواحد من كتر ماالماديات ومشاكل الدنيا الى حولية حتى لو مش شخصية بس بتاثر على حالتة النفسية بقى بيدور على الرومانسية والهدوء النفسى ودة بصراحة بلاقية فى كتابتك فلا تنقطعى عنا اية دة دا انا رغاية اوى

كده رضا انت بتتكلمى بجد انا قريت كلامك اكتر من مره ومن فلاط سعادتى بيه بقيت زى المجنونه فى الشقه وجوزى بيقلي ربنا يهديكى ايه يابنتى اللى عمل فيكى كده وخليته يقرأ كلامك ومكنش مصدق وبجد فرحت جدا جدا جدا ومش تتصورى سعادتى بالكلام ده ويارب دايما يارب

يا ريت تشجعونى انى اكمل هنا لانى زعلانه جدا لان محدش تابع معايا قصه ايمى وبجد كانت ممتازه من وجه نظرى ههههههههههههههههههههه

لو مش لقيت ردود مضطره انى مش اكملها هنا للاسف

على فكرة انا مقيم بالسعودية ودى اول مشاركة لى فى المنتدى وكنت بتصفح كزائر

وقمت بالتسجيل خصوصا لابدى شدة اعجابى بقصتك على الرغم من صعوبة التسجيل والدخول للمنتدى هنا

وكل يوم بدخل المنتدى مخصوص علشان اتابع قصتك

وعلى فكرة نصيحتى لك ان تسجلى القصص دى باسمك لانها اكثر من رائعة

استاذي واخى الفاضل وليد يا مرحب بيك ومش عارفه اقول لحضرتك ايه وبجد شرفنى جدا انها تكون اول مشاركه ليك هنا فى القصه انا لو اعرف ان فى حد بيتابعها والله ما كنت توقفت يوم عن الكتابه فيها وبالنسبه للنصيحه انا نسي والله اعمل مدونه لى بس مش عارفه موقع كويس انشر فيه دايما وخصوصا انى بدأت اعمل قصص للاطفال اللى فى سن عموره ابنى وعايزه انشرها لانها قصص ترفيهيه وفى نفس الوقت تعليميه والسلسله قصص الاطفال مسمياها سلسه يوميات عمر وبجد انا حاسه انها هتبقي حلوه بس مش عارفه ابدأ من فين وربنا يسهل ان شاء الله انا بس الاقي السلم وابدأ الانطلاق عليه ان شاء الله

وجزاك الله كل الخير على متابعتك وكلامك الجميل للقصه

[pocy]

الحلقه ال 16

ذهبت شيري واصدقائها فى مجموعه (أ) وهناك وجدت شريف منتظر وحاجز لهم المكان ولكنها كلمت الهام ان تدخل وتجلس بجانب شريف علشان بيكلمها فى المحاضره وهى مش بتعرف تركز ووافقت الهام على ذلك وقالت هو اكيد هيتكسف يكلمنى وفعلا قعدت

بجانبه تضايق شريف جدا لهذا الامر لم يعرف كيف يفعل وقرر ان ينتظرها ويكلمها بعد المحاضره بمفردها ولكن ياترى هتوافق شيري ؟؟؟؟؟؟؟

شريف : باشمهندسه شيري ممكن لحظه ؟؟؟؟

شيري وهى ماسكه فى ايد سمر ومش عايزاها تسيبها

شيري : خير يا باشمهندس اتفضل؟؟؟؟

شريف : لا لو سمحتى حضرتك بس

اتحرجت سمر وباقي البنات ومبقتش عارفه تعمل ايه وهل تسيبها وتمشي ولا

ايه ؟؟؟؟

سمر : طب بصي يا شيري هنستناكى فى القاعه 301 ومش تتاخري علينا

شيري بتبص لسمر وهى متغاظه ومش عارفه هترد عليه ازاى لانها حاسه ان قلبها بيخفق بشده وانها هتموت وهى واقفه ابتعدوا البنات وبدأ شريف في الكلام

شريف : شيري ارجوكى اسمعينى للاخر بدون مقاطعه وبعدين ردى باللى انتى عايزاه ممكن ؟؟؟؟؟

شيري : اتفضل .....خير ؟؟؟؟

شريف : شيري ....انا قلت كلام كتير امبارح ودون ادراك منى مقدرتش اخبي اللى مفروض انه يستخبي جوايا وانا بجد بعتذر ليكى كتير وبستسمحك انك توافقي اننا نكون اخوه فى الله نعين بعض ع طاعه الله ونبعد عن اى خطأ ممكن ان الواحد يقوله زى

اللى حصل امبارح وارجوكى ارجوكى مش تزعلى منى انا اخطأت وباعترف بخطأى وبطلب منك انك تسامحينى

سكت شريف ولم تعرف بماذا ترد عليه لقد كانت تريد ان تقول له نفس الكلام ان يكونوا اخوات او اصدقاء ولكن لابد لها من قول شئ مختلف هى عارفه انهم علشان يبقوا اخوات او اصدقاء يعنى هيكونوا مع بعض وقريبين من بعض وده معناه عذاب

بالنسبه لها اينعم هو عذاب من النوع الذيذ واللى الواحد يحبه الا انها مش عايزه تتعذب اكتر لازم تقوله كده لازم توضحله انهم كده بيضحكوا على نفسهم ازاى يفضلوا مع بعض ويتكلموا عادى وهم بيحبوا بعض لابد لها ان تاخذ واقفه ما او تقول اى شئ يقطع

هذه العلاقه باي شكل لانها لو استمر فالمعاناه هى ما ستاخذه معها اممممممممممممفماذا تقول

شريف : شيري.... انتى روحتى فين ؟؟؟؟

شيري : انا معاك اهه مش عايزه اقاطعك زى ما قلت

شريف : لا انا خلصت ومستنى ردك

شيرري : بص يا شريف ومش تزعل منى لو قلتلك ان اللى بتطلبه ده صعب جد ا انت بتطلب منى انى اكون اختك وصديقتك بس انت مش عارف انك كده عايزنا نقرب اكتر وبدل ما نكون بنحل المشكله لا نبقي بنعقدها

شريف عارف ومتاكد من الكلام اللى بتقوله شيري بالعكس هو كان عايز يقول كده بس مقدرش هو حابب انه يكمل معاها حابب ان حلمه اللى شافته وانه قاعد هو هى فى بلكونه شقتهم عواجيز بيشربوا الشاي وبيتكلموا على مشاعرهم وهم زمان يااااااااااااه

كان جميل الاحساس ده بس الكلام اللى بتقوله شيري ده عذاب حقيقي عذاب يدمر اى واحد من جواه لالالا مستحيل تبعد عنه ده عذاب ............لالالا ده عذاب مستحيل

شريف : شيري .........ارجوكى متقوليش كده انتى لو بعدتى عنى ممكن يحصلي حاجه ارجوكى ............ متقوليش كده تانى

شيري : شريف .....ارجوك انت اللى متقولش كده لو فعلا مهتم بي او معجب بي باى شكل من الاشكال يبقي ارجوك ابعدنى عنك ولو انت مقدرتش فعشانك انت انا كمان هبعد شريف انت انسان ممتاز وصعب انى احطمه باى شكل من الاشكال لانك حاجه جميله

جدا فى حياتى وعايزه صورتك دى تفضل قدامى على طول ودلوقتى هاستأذن ومع السلامه

شريف : لالالالالا يا شيري ارجوكى متعمليش في كده

شيري : انا اسفه بس ده اللى انا شايفاه صح بعد إذنك

مشيت شيري وقلبها بيتمزق على نفسهها وعلى بعدها عن شريف انها لا تستطيع انها تريد ان ترجع وتجري عليه وتقوله انسي اى حاجه انا قلتها انا بحبك ونفسي اكمل بقيت عمرى معاك

عقل شيري يحدثها ويقول لها : لالالالالالا يا شيري مش عايزك تضعفي انتى اللى عملتيه ده اكبر صح انتى عاملتيه فى حياتك كلها

شيري : اكبر صح ؟؟؟؟ده اكبر خطأ اركبته فى حق نفسي وفى حق اول انسان بيدق ع قلبي

عقل شيري: يمكن انتى مش عارفه دلوقتى ان اللى عملتيه ده انقذتى بيه عائله ؟؟؟

شيري : انقذت عائله ؟؟؟؟؟

عقل شيري : اكيد طبعا انتى متعرفيش ان شريف حلم والده ان ابنه يدخل كليه الهندسه اللى عندهم فى السويس انتى ممكن تبقي عقبه قدامه وممكن مش يحقق حلم والده علشان يبقي جانبك وبكده بتدمرى ابوه اللى ملوش غيره

شيري : انا ازاى مش فكرت كده انا فعلا اللى عملته ده اكبر صح انا عايزه شريف يبقي احسن حاجه وانا هساعده انه يبعد عنى ومش هخليه يكلمنى بعد الان

وفى نفس الوقت كان شريف محطم لقد ظل مكانه لم يقوى ع الحراك بل انه كان يتابع شيري وهى تسير مبتعده عنه وكأنها تنتزع قلبه بسكين حاد ولكن ببطئ شديد

ولكنه علم ان ما فعلته شيري هو الصحيح ولابد ان يحاول هو الاخر ان يبعد عنها ولكن هل سيستطيع فعل هذا ؟؟؟؟؟؟؟؟؟

وهل هتقدر شيري انها تنفذ ما قالته بانها ستبعد عنه وكيف هى خطتها للابتعاد عنه ؟؟؟؟

ياترى ايه اللى هيحصل فى اليوم ده بالليل

هذا ما سنعرفه فى الحلقه القادمه

[pocy]

الحلقه 17

عرفنا ان كل من شيري وشريف قرروا انهم هيساعدوا بعض انهم يبعدوا عن بعض ولكن هل هذا ما سيحدث رجعت شيري الى المدينه ولم تكمل محاضرات اليوم وهو ايضا ذهب الى صديقه احمد ثم ذهب الى المدينه ونام كل منهم وهو يحلم بالاخر وقلبه

منهزم ومكسور ولكن حدث شئ غريب من شيري لم يكن متوقع وده ناتج من احساسها الدفين بانها لن تستطيع ان تبعد ولو للحظه عن شريف انها بالفعل تحبه

شيري : شريف لم سمحت عايزه اكلمك ثوانى

شريف : وانا كمان

شيري : انا اسفه على الكلام اللى قلته امبارح انا بسحبه وبقولك انى مش هقدر ابعد اناتعبت قوى من كتر التفكير

شريف : هو ده اللى انا كنت عايزه اقوله انا طول اليوم امبارح وانا هتجنن هتجنن لدرجه انى كنت عايز اروحلك المدينه واشوفك باى شكل

شيري : وانا كمان كان نفسي اشوفك جدا

شريف : ياااااااااااااااااااااااه انتى مش متصوره احساسي عامل ازاى ؟؟؟؟؟؟؟؟؟؟؟؟؟؟؟

شيري : ازاى؟؟؟؟؟

شريف : ااااااااااااااااااااااه لو اقدر اوصفه احساس جميل وده اقل ما يقال عنه وانتى ؟؟؟

شيري : انا ؟؟؟؟؟

شريف : ايوه حاسه بايه ؟؟؟؟

شيري : مش عارفه بس حاسه احساس جميل جدا حاسه بقشعريره فى جسمي كله حاسه انى فرحانه جدا حاسه انى مش شايفه حد ولا اى حاجه حولينا بس انا وانت ومش عايزه الاحساس ده يروح منى

شريف : شيري كلامك جميل قوى كانك بتوصفي حالى

شيري : انا لسه برضه مش عارفه اوصفه انا حاسه باكتر من كده انا حاسه ب..............

وفجأه تأتى ناديه ومرفت وغاده ويصحوا شيري

غاده : شيري ..... شيري

شيري تستيقظ من الحلم الجميل لتري وجه ميرفت وغاده وناديه ينظرون اليها باستغراب

شيري: ايه فى ايه ؟؟؟؟؟

غاده : مفيش انتى ايه اللى جابك بدرى احنا المحاضره والسكشن اتلغوا فقلنا نيجي لاقيناكى نايمه انتوا مش عندكم النهارده شغل للساعه 4 ؟؟؟؟

شيري : ايوه بس انا حسيت بصداع فقلت اجى اريح والبنات يبقوا يشرحولى المحاضرات والسكاشن

غاده : طب احنا هنروح نجيب الاكل هتنزلى معانا ولا نجيبلك الاكل معانا ؟؟؟؟؟؟؟؟؟؟؟؟؟

شيري: لا انا مليش نفس انا هكمل نوم

غاده : طب اوك ولما تصحي انا عايزه اتكلم معاكى شويه

ناديه : الف سلامه عليكى يا شيري

ميرفت : الف سلامه عليكى انا معايا ريفوا لو عايزه اجبلك

شيري : لالالالا انا هبقي كويسه بس لما اصحي

ومشيوا البنات وحاولت شيري ان تنام ولكن هيهات لم تستطع الرجوع للنوم مره اخرى وذلك من كتر التفكير في شريف وفيما حلمت به وماذا سيحدث غدا وعندما اتوا البنات قامت شيري واكلت مع البنات وغاده اقترحت على شيري ان يخرجوا الى السوق

ويجيبوا شويه حاجات للاوضه وطبعا علشان تعرف تتكلم معاها براحتها وتعرف اللى حصل النهارده

غاده : اهه يا ستى بقينا لوحدنا ولا حدش زينا قوليلي بقي لحسن انا مناخيري وجعانى من ساعه ما شوفتك انى اعرف اللى حصل

شيري : ابدا قلتله زى ما قللنا امبارح اننا نكون اخوات وزملاء وبس

غاده : وهو وافق ؟؟؟؟؟؟؟

شيري : هو كان شكله زعلان بس انا شايفه ان كده هو الصح

غاده : ايوه بالضبط هو ده الصح انتى لسه صغيره وياما هتقابلي يا بنتى وساعتها هتعرفي كلامى ده

شيري : لا انا قررت انى مش هعرف حد نهائي الا بعد الكليه العقل بيكون نضج ويعرف يختار من غير ما يعذب نفسه ولا ايه ؟؟؟؟؟؟؟؟؟

غاده : عندك حق اهه صحيح عرفتى المهندس اللى كان عايز يخطبك خطب والمعيدين كلهم كانوا بيباركلوه

شيري : الحمد لله يا شيخه ده هم وانزاح وربنا يوفقهم

غاده : عندك حق ربنا هنى سعيد بسعيده هههههههههه

شيري : انا مش عارفه بتجيبي الكلام ده منين

غاده : تعالى اقعدى مع ماما وانتى هتعرفي كل الامثال وكل الكلام هههههههههههههه

شيري: تعرفي انا بحس انى بعيده قوى عن امى يعنى بحس انى قريبه من بابا عن ماما

غاده : انا عكسك جدا بس كان نفسي يبقي لي اخت كانت اكيد هتفرق

شيري : فعلا كانت اكيد هتفرق ثم انا مش عجباكى ولا ايه

غاده : بالعكس والله انتى اختى واكتر كمان بس كان نفسي ماما تجبلي اخت اكبر منى مش اصغر

شيري : ليه ؟؟؟؟؟؟؟؟؟؟؟؟؟؟؟

غاده :علشان لما اكون فى اى موقف واحتاج مشوره هتكون هى اقرب واحده لى اه صحيح عرفتى ان بكره هتظهر النتيجه بتاعه الترم الاول انا لما عرفت كده رجولى كانت بتخبط فى بعضها

شيري : بجد بتهرجى متاكده انها بكره يعنى هنروح نشوفها بكره

غاده : اهه هتتعلق النهارده بالليل وربنا يسترها انا مرعوبه جدا جدا

شيري : يا خراشي وانا كمان يالا نخلص اللى ورانا ونروح نسال حرس الكليه هتظهر امتى النتيجه؟؟؟؟

غاده : تعالى طب يالا

وبعد ان انتهوا من السوق ورجعوا وسالوا حرس الكليه واللى قال ان نتيجه اولى مش اعدادى اللى هتظهر النهارده وارتاحوا البنات ولكن وبعد رجعوا وفى الساعه العاشره مساءا كان هناك صويت وعياط وفرح وحالالات اغماء

لقد ظهرت النتيجه بتاعه اعدادى وعلقت وكانوا الشباب وزمايل البنات كانوا بيجيبوا النتيجه كانت البنات واقفه فى البلكونات وفى الشبابيك يرمون باوراق باسمائهم حتى يحضرهالهم من الكليه وفجأه فة خضم الزحام والبنات عرفوا ان النتيجه ظهرت والكل

على اعصابه بين عياط واغماء وخوف شديد من النتيجه لاول ترم لهم فى الكليه ظهر اسم فى الكردور يقول ياجماعه شريين احمد عبد الوهاب السيد تكلم فى واحد فى الشارع جابلها النتيجه وهى على اعصابها جرت نفسها الى البلكونه لتجد شريف

يقف تحتها ويقول لها

شريف : الف مبررررروك نجحتى وتقديراتك ممتازه وخصوصا فى الوصفيه والرسم الهندسي

شيري : بجد انا نجحت بجد انا نجحت انا مش مصدقه

شيري نسيت كل حاجه وافتكرت انها نحجت ولو كان شريف قدامها فى الوقت ده كانت حضنتته كانه اخوها من شده الفرحه كان البنات جميعا حولها وهناك من يزغرط وهنا من يضمها وهناك من يبكى كان الجو مشحون بالعواطف وكان شريف واقف

تحت المدينه لا يعرف هل يمشي ام ماذا وبعد ان انتبهت لشريف

شيري : بجد مش عارفه اشكرك ازاى يا شريف بجد بس ممكن اطلب منك طلب انا هجبلك ورقه فيها اسماء زميلي فى الاوضه وتجبلي النتيجه بتاعتهم

شريف : اكيد طبعا هاتيها وانا هجيب النتيجه واجبهالكوا جرى بس الدنيا زحمه جوه فلو اتاخرت عادى معلش هيبقي غصب عنى

وبعتت البنات يكتبوا ورقه باسمائهم ووقفت هى لتطمئن على شريف فلقد نسيت ان تسأل عليه ماذا كانت نتيجته

شيري: وانت عملت ايه يا شريف الفرحه نستنى

شريف : الحمد لله نجحت بس تقديراتى عاديه والحمد لله

شيري: الف الف مبرووووووووووووووووووووكيا شريف فرحتنى الا صحيح انا تقديراتى ايه ؟؟؟؟؟

شريف : تلاته امتياز واتنين جيد جدا وتلاته جيد وبس

شيري : بتهرج بجد دى تقديراتى طب كويس الحمد لله الحمد لله هى الميكانيكا تقديرها اكيد جيد صح ؟؟؟؟

شريف : اهه شوفت انا كنت متوقعه مقبول بس الحمد لله

ميرفت : شيري اهى الورقه خليه مش يتاخر كلنا على اعصابنا وكانت غاده وسمر بيعيطوا ومش عارفين يعملوا ايه

وبعد نص ساعه عذاب اتى شريف وهو مضايق ومش كان عايز يجيب يا ترى ليه وكانت نتيجه البنات ايه ؟؟؟؟؟؟؟؟؟؟؟؟؟؟؟؟؟؟

ده اللى هنعرفه الحلقه الجايه ان شاء الله

[لماضة مصرية جدا]

السلام عليكم و رحمة الله و بركاته

اه يا معاميعي ياااااااانا

انتي يا ست انتي

انزلي بالنتيجة حتة واحدة

شريف.....شيري

آخ يا نافووووووخي

ممكن بوقين كده علي ما قوسم

شريف بتاعنا كان وقت النتيجة.....بيزاحم....و يزرق و يمرق.....و في الاخر بيجيب النتيجة ل "شيري" بس.....و بعدين بيبقي يجيبها لنفسه في الاخر خالص....

و لو "شيري" جابت جيد جدا مثلا....هو كان بيبقي طاير من الفرحة....مع انه كان بيطلع بمواد....بس بعد كده الحمد لله....بقي ينجح صافي

صبااااااااحك حلا

في انتظار النتيجة

حبيت اعاكسك شوية و اقولك.....متابعة.....بس من خرم الباب (صوت حد بيتهبد علي الارض لما اتفتح الباب فجاتن)

[لونا]

إزيك يا بوسي

أنا أول مرة أشوف القصة دي

و لقيت نفسي مشدودة جداً .. عمالة أقرأ بدون توقف

كملي

[pocy]

الحلقه ال 18

فى الحلقه السابقه كنا عرفنا ان نتيجه اعدادى هندسه ظهرت وكانوا البنات قاعدين فى اوضتهم وبمانهم مش يعرفوا حد من الشباب والبنات الى معاهم مش يعرفوا حد والحارس بتاع المدينه مش رضي يروح يجبلهم النتيجه اضطروا انهم يستنوا وكان فى حاله غريبه بين الفرح والحزن والبكاء والصويت والزغاريط والطبل والاغماء و.....لم يكن يوميا عاديا اتذكره جيدا وفجأه سمعوا بنات 129 حد بينادى على شيري وفى ولد عايزها تحت طبعا استغربت وقالت فى نفسها اكيد شريف اكيد ويارب يكون جاب النتيجه ووسط التدافع والزحام فى البلكونه استطاعت ان تكلم شريف فلقد كان فرح جدا وهو يجيب لها نتيجتها فلقد كانت تقديراتها ممتازه وسالته عن نتيجته والحمد لله نجح وتقديراته على حد قوله كانت عاديه مقبول وجيد اغلب المواد وطلبت منه شيري ان ياتى بنتيجه البنات اللى معاها فى الاوضه تردد شريف ولكن قال اوك ولكن لماذا تردد شريف فى البدايه ولما كان متردد ان يقول نتيجتهم ده اللى هنعرفه الان

ذهب شريف الى الجامعه مره اخرى وفى يده ورقه بها اسماء البنات وكانوا ناديه -زينب وعبير وميرفت وغاده وريهام والهام وسمر وبنت اسمها شيماء قعدت تعيط لحد ما كتبوا اسمها فى الورقه وفى اخر الامر رمت الورقه بمشبك غسيل من البلكونه الى شريف واخذها شريف وذهب بها ليحارب حتى يحصل على النتيجه لانه كان هناك تجمهر على النتيجه واللى محطوطه فى الدور الارضي عند مدخل الكليه من ناحيه السلم الخلفي اللى بيطل على الجنينه وكان المكان ضيق جدا لايسع كل هذا العدد الموجود فشاهد سامح وساله

شريف : عملت ايه يا سامح ؟؟؟؟

سامح : الحمد لله نجحت بسمعايا رسم هندسي ههههههههههههههههه

شريف : وفرحان ؟؟؟؟؟

سامح: اصلهم لو عملوا في ايه مفيش فايده الغبي غبي يابا

شريف : طب بقولك ايه انا معايا اسماء 8 بنات ماتجيب انت نتيجه 4 وانا اجيب نتيجه 4 لحسن 8 كتير قوى وانت عارف اللى بيدخل محترم علشان يجيب النتيجه بيخرج منها مفيش اى زرار فى القميص علشان يستره

سامح : هههههههههههههه ايوه الواد احمد لسه مش لاقي قميصه ومستنى الناس تمشي علشان ياخده ويروح وعبده مش لاقي فرده الشبشب اللى راحت منه جوه وبصراحه صعب جدا اخاف ادخل وانا لابس بنطلون باستيك من فوق اطلع الاقينى لابس شراب اخضر وباستيك من فوق ههههههههههههههه

شريف : هههههههههههههه لا اصل شيري موصايانى وهى متعرفش المنظر هنا عامل ازاى واتحرجت اقولها انى جبت نتيجتى ونتيجتها بالعافيه

سامح : لالالالالا علشان شيري انا اعمل اى حاجه

شريف من داخله احس بالغيره من كلام سامح ولكنه على مضض كتب اسماء اربع بنات فى مجموعه واحده وهو اخد المجموعه التانيه وبعد ساعه من الزمن خرج سامح وشريف وهم فى حاله يرثي لها وخصوصا سامح واللى كان شعره ناعم وكثيف وواقف من شحنه الكهربا بتاعه الاحتكاك وكان بيقول

سامح : فى واحد ورايا كان ماسك حاجه وكل شويه يكهربنى ازقه ومش بيتزق ويرجه يكهربنى تانى المشكله بقي انه لما اخد نتيجته ومشي واحد جه وفى بقه سجاره وقفايه كان الطفايه بتاعته وهو مش لاقي اسمه فقررت متبرعا انى اجبله نتيجته علشان قفايه اللى يرحمه اما اللى جنبي مكنش لاقي حته يحط رجله فيها ففي رجل من الزحام واقفه فى الهواء والتانيه واقفه على رجلى وبعد محاولات مستميته عرفت اسحب رجلى بس الواد لما سحب رجلى صعب على اصله كان واقف رجل فى مكان والرجل التانيه طايره عند ناس تانيه المهم بعد ما وصلت لمكان النتيجه والحمد لله راسي كانت لزقت فى االازاز بتاع النتيجه وكل ما حاول ارجع راسي حد من ورا يلزقها تانى بجد كانت حرب حرب مستحيله

شريف : يعنى جبت النتيجه بتاع الاربعه بتوعك

سامح : يعنى كل الحروب دى وفى الاخر مجبهاش لا جبتها طبعا

شريف : طب الحمد لله وانا كمان بس مش عارف هاديهالهم ازاى ده فى واحده منهم جايبه ست مواد

سامح : بجد ست مواد دانا مش عملتها كانت بتذاكر ايه دى كتاب ابله نظيره ؟؟؟؟؟؟؟؟؟

شريف : مش عارف انا محروج جدا خايف تقول على وشي وحش عليهم

سامح : وشك ايه بس اللى وحش ياعم انا هروح معاك وبالمره اشوف ساميه اخبارها ولو انى معتقده اعتقاد كلى انها ولا هممها بس لو شوفت شيري هقولها تبلغها النتيجه

شريف : طيب يالا لحسن احنا بقالنا ساعه وزمانهم على اعصابهم

سامح : يالا بس انا بصراحه مستغربك

شريف : مستغربنى ليه ؟؟؟؟؟

سامح : ايه اللى وداك عند مدينه البنات فى الوقت ده غريبه

شريف : ابدا دانا كنت بجيب نتيجتى وجبت نتيجه شيري ولما شوفت فى بنات كتيره قلت اعدى ولو لقيت حد من مجموعتها او هى اقولها على النتيجه

سامح : اممممممم تقولها على النتيجه اممممممممممم

شريف : ايه مالك ؟؟؟؟؟؟؟؟؟

سامح : لا يا عم ماليش ولا حاجه يا خراشي شكل البنات وهم باظين بره البلكونه والشبابيك والله صعبانين على محبوسين حبسه منيله كانوا سابوهم يجيبوا النتيجه ويرجعوا تانى

شريف : يا سلام واللى يحصلها حاجه مين ساعتها هيبقي المسئول عنها اذا كان فى عز الزحمه دى واحنا الرجاله مش عارفين ندخل هو انت مش شايف البنات البورسعيديه كانوا كلهم واقفين ورا والولاد هم اللى بيجيبوا النتيجه او اباهتهم او اخواتهم فازاى يعنى هيجبوها

سامح : طب يالا نمد شويه

شريف : طيب

فى خلال الساعه دى كانت شيري ماسكه سمر وغاده وعماله تهدى فيهم وكانت الهام ماسكه قصه وعماله تقرا فيها بينما ميرفت اختها وصحبتها كانوا موجودين جنبها على السرير وهى قلقانه وهم عملين يحكوا ريهام راحت الحمام ومش رجعت وقالت ابقيوا ندونى لو النتيجه ظهرت وواضح جدا ان بطنها كانت شغاله ومكنتش هى لوحدها طبعا اما ناديه وزينب وعبير كانوا عمالين يضحكوا وجاتلهم هستريا الضحك من كتر قلقهم وكانوا بيفتكروا ايام نتيجه الثانويه العامه وبيقولوا مواقف صعه جدا بس شيري كان نفسها تضحك بس طبعا علشان باقي البنات اللى قلقانه دى وهى كانت موصيه شيماء لو جابوا النتيجه تنادى عليها

شويه وشيماء نادت على شيري وقالت انهم جم تعالى

جريت شيري على البلكونه و كانوا البنات فى الاوضه وقلبهم كان في رجليهم من شده الخوف من النتيجه

شيري : ايه اللى خركم ده كله انا قلت انتم اكيد روحتوا

سامح : ههههههههههه حرام عليكى يا شيخه انتى مش عارفه ده هناك ضرب نار وانت عايزه اسماء بنات كتير مفيش شكرانيه ابدا

شيري: سامح هو انت عملت ايه ؟؟؟؟

سامح : مش تقلقي هتشرحيلي الرسم الهندسي مانتى جايبه فيه امتياز

شيري : يا ساتر يارب على عنيك بس من عيني طبعا يالا ادونى النتيجه

بسرعه

شريف لضم الورقه فى المشبك و رماها وفى بنت لقطتها

شيري : انا عزماكم بكره على حاجه حلوه بس اطمن على البنات الاول سلام ومتشكرين جدا جدا والف مبروووووووووك النجاح

شريف : اوك مع السلامه

سامح : طب سلام

سامح بيكلم شريف وبيقوله

سامح : والله البنات دول مش عارف يعمل معاهم ايه ؟؟؟؟

شريف : قصدك ايه ؟؟؟؟

سامح : البنت شيري دى مع انها معايا لسانها بيدينى كلام فظيع والله بس مش عارف ليه مستحليه جدا وعارف انها بتبقي مضايقه منى وانا بغلس عليها بس غصب عنى ولله نفسي اعرف هى عامله فى ايه

شريف : عامله فيك ايه يعنى انا اعرف انها مؤدبه جدا

سامح : جدا جدا طبعا واللى مكنتش اخترتها دون كل البنات

شريف : اخترتها لايه بالضبط

سامح : انها تشرحلى الرسم الهندسي طبعا امال هاختارها ايه

شريف : طيب يالا انا تعبان وعايز انام

سامح : تنام ايه انا عايز عزومه ان شالله حاجه سقعه ياعم بس تكون كنز مش ازاز

شريف : وكمان بتتأمر طب يالا نروح البقاله اللى قدام المدينه وخد اللى انت عايزه

سامح : طيب افتكر انك قلت كل اللى انا عايزه

شريف : يا ساتر يالا بقي

شريف كان مضايق من كلام سامح عن شيري واحس انه ممكن يكون بيحبها هو كمان وضيع فرحته بالنتيجه باكتشافه الموضوع ده

فى المدينه وبعد ما شيري دخلت من البلكونه قالت تفتح تشوف النتيجه وشيماء كانت جنبها واتارى الشباب مجبوش نتيجه شيماء يمكن لانهاكانت مكتوبه فى ظهر الورقه لوحدها ومش اخدوا بالهم وهى قعدت تعيط وشيري معرفتش تعملها حاجه بس قالتلها انا اسفه والله وحاولى تانى يمكن حد يقدر يجبهالك ومشيت وراحت شيماء للبلكونه بتحاول ان حد تانى يجبلها النتيجه والله يكون فى عونها على الانتظار

وفى الطرق الى الحجره 129 لانها فى اخر الكردور من ناحيه البلكونه شاهدت النتيجه بتاعه البنات وتحسرت كثيرا ومكنتش عارفه تقولهم ولا تسيبهم يكتشفوها لوحدهم ولا ايه ؟؟؟؟

ده اللى هنعرفه الحلقه الجايه ان شاء الله

[pocy]

الحلقه ال 19

فى الحلقه السابقه عانى كل من سامح وشريف الامرين علشان يقدروا يجيبوا نتيجه البنات وبعد ما جابوها وشيري عرفتها قررت انها تقطع ورقه النتيجه وتخلى كل اسم لوحده وتديهاله فى ايده وده فعلا اللى عملته ورتبتهم ترتيب معين الناجح الاول ولما فتحت باب الاوضه حدث الاتى

اديت ورقه غاده وبعدين ميرفت وبعدين زينب وبعدين عبير وبعدين ريهام وبعدين ناديه وبعدين سمر وبعدين الهام

وكانت نتيجه غاده : ناجحه وتقديراتها اغلبها مقبول وماعدا ماده واحده بس جيد

نتيجه ميرفت :ناجحه كان اغلبها جيد جدا وجيد وواحده بس مقبول

نتيجه زينب :ناجحه معظمها جيد ومادتين مقبول

نتيجه عبير : ناجحه ومعظمها جيد جدا وواحده امتياز وواحده جيد

نتيجه ريهام : ناجحه ولكن عندها ماده ض ج وباقي المواد بين جيد ومقبول

نتيجه ناديه : عندها ماده ض وباقي المواد جيد ومقبول

نتيجه سمر : عندها مادتين ض وباقي المواد مقبول

نتيجه الهام :عندها تلاته ض وتلاته ض ج واتنين مقبول

طبعا النتيجه كانت محزنه جدا جدا لبعض الناس والبعض الاخرى كانت مفرحه والبعض كانت عاديه

بعد ان اعطت شيري الورقه لغاده ورات انها نحجت وهللت واتنططت على اليرير لحد ما كانت السوست بتاعته هتقع ولا تبوظ وبعدين ميرفت واللى قعدت تزغرط هى واختها وصاحبتها كانوا بيساعدوها وزينب كانت فرحانه بس فرحتها هاديه وقالت الحمد لله نجحت وعبير كانت فرحتها كبيره وقالت امتياز انا مكنتش متوقعه اشوف التقدير ده

وبعدين ريهام واللى مسكت الورقه مش معقول انا اشيل ماده ميكانيكا ليه دانا كنت بشرحها وانهارت وعقدت الامور وقال كده انا مش هعرف احول اسكندريه وبكت بكاء غير عادى

وناديه اخدت النتيجه وسكتت ها عملتى ايه يا ناديه ده اللى قالته زينب مش انا قلتلكم مش بحب دكتور محمد فرغلي اتاريه هو كمان مش بيحبنى هههههههههه وسكتت اتريها شاليه رياضيات

اما سمر فمن ساعه ما اخدت ورقتها ومن قبل ان تاخدها وهى مش مصدقه وبتبكى بكاء مستمر لانها كانت جايبه مادتين كيمياء وفيزياء وعماله تقول هقول لماما ايه انكم نجحتوا وانا سقطت والكل يهدى فيها ولكن من اخدت ورقتها ونامت هى الهام والكل ما عدا شيري فقط لم يعرف نتيجتها الصادمه ولكنه شئ متوقع من واحده استهترت بمذاكرتها وكانت بتقرا قصص وقت الامتحانات والباقي بيتحايل عليها انها تذاكر وحاولت شيري ايقاظها علشان تطمن عليها ولكن الهام زعقت وقال ت مش عايزه حد يكلمنى سبونى انام سبونى انام والكل بيقولها انا بس كنا عايزين نطمن عليكى بس مش اكتر ارتاحوا بقي سقطت سقطت سقطت ارتاحتوا ومش عايزه حد يكلمنى

والكل بص لشيري وقالها كام ماده ؟؟؟؟؟ اشارت شيري بصوابعها ست مواد والكل شهق سته ؟؟؟؟؟

وبعد عده ساعات هدء الجو فى المدينه من البكاء والزغاريط والصويت والنحيب ونام باقي البنات وعندما استيقظوا فى الصباح لم يجدوا الهام فى حجرتها واعتقد الجميع انها قد سافرت لان دولابها مفتوح ع الاخر وفى الصباح اتصلت شيري بوالدتها وطمنتها على النتيجه وانها ظهرت بالليل وقالت على نتيجه زمايلها واللى ماماتها زعلت على بعضهم وفرحت بابنتها وقالتلها شدى حيلك علشان تحولى القاهره ععند اختك وانهت المكالمه مع شيري ولكن شيري تضايقت على مسأله التحويل لقد اعتادت العيشه فى المدينه واحبتها واحبت اصدقائها جدا وتريد ان تكمل فى بورسعيد ولكن كيف ستقنع امها بذلك هذا هو السؤال ؟؟؟؟

ذهبت شيري مع البنات وحاولوا مرارا ان ياتوا بالنتيجه ولكن الزحام كان فظيع جدا ولم يستطيعوا رؤيتها الا فى الخامسه وفى هذه الاثناء تركت اصدقائها وذهبت مع شريف الى الجنينه وكانت اول مره تقعد فى الجنينه وتحت المظله مع احد غير البنات وبدأ حديثها قائله

شيري : شريف .....انا مش عارفه اقول ايه فى حاجات كتير عايزه اقولها واول حاجه عايزه اقولها هى شكرا جدا على اللى انت عملته امبارح مكنتش اعرف ان الموضوع كان انتحارى كده وسبحان الله خليتك تدخل المعمعه مرتين وانا لو اعرف مكنتش بجد طلبت منك

شريف : متقوليش كده انا متاكد لو انتى مكانى كنتى عملتى اكتر من كده كمان

شيري : بجد الله يكون فى عونك وبجد مش عارفه اشكرك ازاى انا وعدتك امبارح انى هعزمك وانا عند وعدى

شريف : بصي يا شيري كانك عزمتى بالضبط ثم انا عامل حسابي وجايب اتنين كنز لى وليكى

شيري : بتهرج طب ليه يا بنى انا قلت هعزمك

شريف : انا وانتى واحد مش كده برضه

وهنا احست شيري بتقطع فى اوصالها وكانت واقفه فقعدت حتى لا تقع من جمال الكلمه

شيري : اكيد احنا الاتنين واحد مش اخوات

شريف : لا مش اخوات يا شيري وانتى عارفه كده كويس انا مبقتش افكر الا فيكى وتعبت امبارح من كلامك تعبت جدا

شيري لم ترد لانها لم تكن تعرف بماذا ترد هل تقول له انها ايضا تعبت وترجع من اول وجديد تعانى وتذكرت كلمه والدتها انها هتحول القاهره وهو هيحول السويس ازاى الحب ده هيكمل وازاى نتعب بعضنا تانى

شريف : ارجوكى يا شيري مش تسكتى اتكلمى انا بعد ما عرفت النتيجه وجبت نتيجتك ونتيجتى وشوفت فى المدينه وانا هتجنن انى اكلمك تانى شيري انا محتاجلك قوى محتاج تكلمينى وتقوليلي اللى انا فيه ده ايه ؟؟؟؟؟وهل انا بس اللى حاسس بيه

شيري لسه هتنطق وتفاجأ بالعزول ياترى مين اكيد سامح

سامح : طبعا مانا مليش من الحب جانب مع انى اتفعصت وانا بجيب النيجه لصحباتك امبارح وفى الاخر تعزمى شريف بس

شيري : ابدا والله ده شريف اللى عزمنى

سامح : لالالالا انا مليش دعوه انا مستنى عزومتى هنا ثم انا عزومتى مش كنز وبس لالالالالالا انا عزومتى غدا فى مطعم الرايه البيضاء ومش هتنازل وكمان مش تنسي الرسم الهندسي هه

شيري : والله ياشيخ انت بتخلى الواحد عايز يعمل فيك حاجه دايما كده بتدلق ميه سقعه على البشر بكلامك ده طب ازاى بقي انا هعزمك على الرايه البيضاء تفتكر يعنى انى هاخرج معاك لهناك

سامح : لالالا انا برضه اتعبك انتى ادينى الفلوس وانا اجيب المعلوم واجيلكم

شيري : والله يا سامح انت اكيد مفيش منك اتنين

وفتحت شنطتها وطلعت 10 جنيه واديتهاله وقالتله جيب اللى نفسك فيه

سامح : لالالالالا مينفعش الكلام ده انا عارف انا هجيب ايه انتم بقي عايزين ايه

شريف : سامح ارحمنا بقي ياعم خد من عندى 10 وجيب اللى انت عايزه وادى لشيري فلوسها عيب

سامح : عيب ايه ده شيري اختى الصغيره وانا باخد من اخويا الصغير عادى يعنى

شيري : طب جبلي معاك ساندوتش سوسيس وواحد برجر

سامح : ايوه كده الله ينور عليكى وانت هتعوز ايه يا شريف

شريف : بصراحه اناعايزك تمشي من قدامى دلوقتى

شيري بتضحك على كلمته دى

سامح : طيب ياعم متزقش عندك ما اكلت انا رايح وهارجعلكوا بعد شويه اياكم تقوموا علشان لو فضل حاجه من الفلوس تاخديه ولو انى مش اظن انه هيتبقي اصلي جعان

طبعا شريف كان مضايق جدا من تصرفات سامح وازاى ياخد فلوس من بنت وقرر انه يدى الفلوس لشيري بس بعد ما يمشي سامح وبالفعل مشي سامح بعد ان عرض على شريف ان ساتى معه ولكنه رفض

شريف : شيري خدى ال10 جنيه دى انا اللى عزمكم

شيري : استحاله طبعا انا اللى قلت هعزمكم وانا طلبتلك واحد برجر معايا اناهاكل سوسيس بس

شريف : استحاله ايه يا شيري لا طبعا استحاله اكل الا من الاكل اللى انا دافع فلوسه وعلشان مزعلش ارجوكى تاخديه ولا انتى بتحبي تزعلينى

شيري :اكيد لا مش بحب ازعلك بس انا وعد ومش بحب اخلف وعدى مع حد فارجوك سبها المره دى ودى اخر مره اوعدك بكده

شريف على مضض وافق وقال

شريف : المهم قبل ما يجي سامح لازم نقرر هنعمل ايه

شيري : هنعمل ايه فى ايه ؟؟؟

شريف : فى الحاله اللى احنا فيها دى انتى عارفه انا متمسك بيكى لاخر الوقت

شيري : انا خايفه يا شريف خايفه قوى

يا ترى شيري كانت خايفه من ايه وهل هيوصلوا لحل ولا لا ؟؟؟؟؟ وياتري ايه الحل ؟؟؟؟؟

ده اللى هنعرفه الحلقه الجايه ان شاء الله

[pocy]

السلام عليكم و رحمة الله و بركاته

اه يا معاميعي ياااااااانا

لالالالالا سلامه معاميك الا المعاميع ههههههههههههه

انتي يا ست انتي

انزلي بالنتيجة حتة واحدة

شريف.....شيري

آخ يا نافووووووخي

ممكن بوقين كده علي ما قوسم

شريف بتاعنا كان وقت النتيجة.....بيزاحم....و يزرق و يمرق.....و في الاخر بيجيب النتيجة ل "شيري" بس.....و بعدين بيبقي يجيبها لنفسه في الاخر خالص....

و لو "شيري" جابت جيد جدا مثلا....هو كان بيبقي طاير من الفرحة....مع انه كان بيطلع بمواد....بس بعد كده الحمد لله....بقي ينجح صافي

صبااااااااحك حلا

اصل شريف بتاعنا صاده الحب فى الترم التانى مش الاول علشان كده كان متفوق وربنا يستر على ولايانا ههههههههههههههههههه

ولو صبر القاتل على المقتول والله كنت هقولها وقلتها بعد كده وبجد انا مبسوطه جدا جدا انى شوفتك هنا يا لمضمض يا لمضه

في انتظار النتيجة

حبيت اعاكسك شوية و اقولك.....متابعة.....بس من خرم الباب (صوت حد بيتهبد علي الارض لما اتفتح الباب فجاتن)

ان شاء الله دايما تعكسينى وتشرفينى ان شالله تضربينى بس جربي تخبطى على الباب ههههههههههههههههههههه وربنا يسترها ومتجيش في وشك ههههههههههههههه

إزيك يا بوسي

أنا أول مرة أشوف القصة دي

و لقيت نفسي مشدودة جداً .. عمالة أقرأ بدون توقف

كملي

لونا حبيبتى فينك من زمان مش بشوفك خالص يارب تكونى والاولاد بخير يارب وميرسي جدا بجد على كلامك اللىزى العشل وشرا جدا على تشجيعك وان شاء الله هكمل

[pocy]

الحلقه ال 20

فى الحلقه السابقه اعترف شريف انه مش عايز يبعد عن شيري ولكن شيرى ردت عليه بانها خائفه وهنا سنعرف مما هى خائفه

شيري : انا خايفه يا شريف خايفه قوى

شريف : خايفه .......خايفه منى ؟؟؟؟؟؟

شيري : لا اكيد انا خايفه من حاجات كتير بص يا شيريف مش تزعل منى من الكلام اللى هقوله بس ده عقلي اللى بتكلم بيه مش اى حاجه تانيه انا المفروض هاخلص السنه دى واحول ان شاء الله القاهره لان دى كانت رغبتى وبقول كانت لانى عايزه اكمل هنا ورغبه اهلى كمان وانت كمان بتقولى انك هتحول بترول السويس ودى رغبتك انت واهلك وامنيه والدتك والحكايه متعقده ازاى هنقدر نكمل مع بعض واحنا كل واحد فى مكان وانا من النوع اللى مش بحب ابص تحت رجلى خايفه ابنى امال على حاجه قد تكون مستحيله بالنسبه لى انا بقول انى مش هقدر اقنع اهلى بالعدول عن فكره انى اكمل هنا وده لسبب مهم جدا انه كما يقال ان هندسه بورسعيد مش معترف بيها زى القاهره وعين شمس وبالتالى صعب جدا انى اقنعهم بحاجه اقل لاسباب واهيه واسباب قويه مقدرش اقولهالهم اعذرنى يا شريف بس الكلام اللى بقوله ده ناتج تفكير ايام وليالي من ساعه ماشوفتك وانا بفكر فيها وازاى احرم والدك اللى قضي حياته كلها عشانك انالما لمحت فى اجازه نص السنه انى عايزه اكمل فى الكليه دى سمعت كلام صعب جدا ومش عايزه اذكره من امى ومن بابا كمان عرفت بقي انا خايفه من ايه ؟؟؟؟؟؟

شريف : امممممممممممممم عرفت

شيري : طب رد على انت هتقدر تقنع والدك انك تكمل هنا وعلى حسب ما عرفت منك ان بعد ما تخلص الكليه فى السويس الشغل مستنيك لانك ابن احد عاملين الشركه وليك فرصه هناك وكمان ملكش جيش لانك وحيد فهل هتسيب كل ده علشان تيجي هنا ونبقي سوا وامال والدك بحياتك هتقدر تضيعها علشان حب يا عالم هيكمل ويتوج بالنهايه الجميله اللى يحلم بيها اى شاب واى بنت ؟؟؟؟؟؟؟؟؟؟؟؟؟؟؟؟؟ لا اعتقد يا شريف علشان كده لما قلتلك قبل كده نبعد عن بعض هو الافضل كان فعلا هو انسب حل

شريف : شيري ............ارجوكى يا شيري سيبيها للظروف احنا مش عارفين ايه المستقبل مخبي لينا ايه مش يمكن يحصل ان التحويل بتاعنا يترفض لاى سبب كان واللى عرفته ان فى شروط للتحويل مش ممكن الحاجات دى تفرق معانا ونكمل سوا ؟؟؟؟؟

شيري : شريف كلامك اوك ممكن يكون موجود بس بنسبه كام % علشان نقدر نحدد 10 ولا 20 ثم انا عايزه ادخل قسم عماره لانى حابه القسم ده جدا لكن هل انت حابب انك تدخل القسم ده ولو دخلت قسم تانى فى الكليه هل هتكون اوقاتنا ومحاضرتنا مناسبه مع بعضها لا اعتقد انا مش عايزه اعقدها بس مش عايزانا نتعب انا وانت

شريف :................

شيري : ما ترد على يا شريف كلامى صح ولا لا ؟؟؟

شريف : المشكله ان العقل بيقول كده بس انا مش هقدر انى اخد برايه لان رايه هيتعبنا كتير

شيري : يمكن يا شريف يتعبنا دلوقتى بس صدقنى بعدين هنقول الحمد لله اننا عملنا كده

شريف : مش هقدر يا شيري انتى اول بنت فى حياتى وصعب جدا انى انساكى او ابعد عنك

شيري : اديك انت قلتها اول بنت فى حياتى وانا مش عايزه يكون اول واحد فى حياتى الا زوجى مش عايزه ابقي اخدعه واقوله انك اول حب في حياتى تقدر تثبتلى انت اللى هتكون جوزى واللى احفظ نفسي وقلبي ان يفكر فى احد غيره تقدر ؟؟؟؟؟؟

شريف : ارجوكى متقوليش الكلام ده ده بيتعبنى اكتر

شيري : عرفت يا شريف بقي انا ليه خايفه

شريف : طب والحل ؟؟؟؟؟انا مش عايز ابعد عنك

شيري : انا اسفه ياشريف انى هقول الكلام ده بس انا مضطره انى ابعد عنك باى وسيله انت هتكون بالنسبه لى زى سامح زى اى زميل اعرفه او معرفوش ويمكن بعد ما نخلص سنين الكليه يكون الموضوع اختلف كتير وتلاقينى وساعتها هتفرق كتير قوى حياتنا وهتبقي مبسوط من الكلام اللى قلتله الان

شريف : على الرغم انك جرحتينى بكلامك وانى تعبت منه اكتر بس علشانك انتى انا هبعد بس هاطلب منك طلب واحد ممكن رقم تليفونك علشان لو حبيت فى يوم من الايام اوصلك علشان اتقدملك انا ووالدى اعرف اجيلك فين واتنظرى منى مكالمه بعد اربع سنين على الاكثر لانى مقدرش اوعدك باى حاجه قبل كده واللى اقدر اقوله انك نظرتى ليكى اختلفت من الان انتى كبرتى فى نظرى جدا حاسس انك انسانه محترمه ومن الان بتحترم شريك حياتها حتى من قبل ما تعرفه وان شاء الله اكون عند حسن ظنك واما اتصل تكونى موجوده ان شاء الله

شيري : اوك خد رقم الموبيل وانا مش هغيره نهائي طول الخمس سنين دى ولو هغيره هابقي اتصل مخصوصو واقلك عليه بس ادينى رقمك

شريف : ده رقم البيت بتاعى

ثم تبادلوا ارقام التليفون وقامت شيري لتسلم على شريف ولكنه لمس اطراف صوابعها فقط وقال حاولى متسلميش على اى شاب تانى وده علشان مركز الاحساس فى الايد ممكن انتى متحسيش بيه بس الشباب ممكن يتأثروا فكده افضل

شيري : ايوه كده تعينى على طاعه الله انا معاك غير كده هنزعل من بعض

شريف : خلاص يا شيري انتى من الان اختى فى الله وربنا يكرمنى ان شاء الله ويبقي طرقنا واحد فى النهايه ان شاء الله

شيري استأذنت شريف والالم يعتصرها ولكن ما فعلته هو الصواب لقد اخذت قرار لن تغيره ابدا لن تحب اى احد فى الكليه حتى لا تفطر قلبها ولا تفطر قلب احد

ولكن ماذا حدث لشريف وهل الكلام الذي قاله من قلبه ام انه سيظل يعانى الى ان يتقدم لها رسميا ؟؟؟؟؟؟؟؟؟؟؟؟؟؟

ده اللى هنعرفه الحلقه الجايه

ايه رايكم فى شيري وقرارها وهل القرار ده ملك ايديها ولا الحب لما بيدق على القلب مش بيقدر يقول لا و بيفتحله الباب

[pocy]

الحلقه 21

اتخذت شيري قررا بغلق قلبها الى ان تنتهى من دراستها الجامعيه ولن تقبل بمن هو اقل منها نضجا او اخلاقا بل انها قررت ان تغلق قلبها وترمى مفتاحه حتى لا يكسره الا حب قوى لا يصمد قلبها امامه بينما شريف فلقد كان له احساس مختلف لقد تعاهد امام نفسه ان شيري هى حبيبته والتى لن يتنازل عنها بسهوله قال فى نفسه انه سيحاول اقناع ابيه بان يتقدم لها بعد ان ينهى دراسه الترم التانى وتظهر النتيجه لابد ان يجتهد هذا الترم ليرفع تقديره ثم بعد النتيجه يحدثه لقد جعل هدفه فى التقدير هو الوصول الى قلب شيري من الباب وليس من الشباك ورجه شريف كما كان وحيدا فى معظم الاوقات يقرأ قران فى اوقات ما بين المحاضرات بينما شيري كان تدمج نفسها مع البنات وفى صداقات جديده وركزت فى دراستها ايضا لانها تريد ان تاتى بتقدير كويس لتفرح قلب ابيها وفى نفس الوقت تقنعه ان تكمل فى بورسعيد

مرت الايام ثقيله على شريف وشيري ولكنهم كانوا يبتسموا فى وجه بعضهم البعض ويسلموا بهز الرأس فقط كان شريف يحلم بشيري كل يوم ولا يستطيع ان يبعدها عن خياله وتفكيره ابدا بينما هى استطاعت ان تبعده عن تفكيرها شيئا فشيئا وخلال تلك الفتره كان هناك بعض الضغائن فى الحجره فلقد كانت سمر مضايقه جدا من شيري حيث انها تذاكر اقل منها واتت بكل التقديرات وهى شالت مادتين وهناك ايضا حافز ريهام وهو التحويل للاسكندريه وكيف انه كان شاق جدا بالنسبه لها ان تجيب ماده واصرت ان الترم التالى لها سيكون مختلف وستذاكر بشده ولن تهتم بمشاعر احد بينما الهام باعت القضيه خالص مبقتش تروح الكليه وتسهر طول الليل عند التليفزيون فى القاعه تحت وتطلع تكمل اليوم قراءه قصص ولم تستمع لكلام اى حد لنصها وقالت انها كده كده هتعيددها فتتعب نفسها ليه خليها تذاكر السنه الجايه والمكله انها انت بتغيظ سمر وتقولها انها فضلها ظلته وتطلع بره على اساس ان الكليه اكتر من مادتين هتعيد السنه وبقت سمر بتسافر كتير في الاسبوع علشان تذاكر فى البيت وبعيد عن دوشتهم اما بالنسبه لميرفت فلقد تقربت من شيري كثيرا فهلا اكتر واحده تقديرتها حلوه وريهام ايضا كانت تطلب من شيري كثيرا ان تشرح لها او تساعدها فى مذاكره اى من المواد اما غاده فكانت من البدايه قريبه من شيري وبعدت عن شيري خوفا من ان تعتقد انها تقترب منها لتقديراتها او ما الى ذلك وفى يوم طلبت شيري من غاده التحدث اليها فى البلكونه قليلا

ودار هذا الحوار

شيري : مالك ياغاده هو انا زعلتك فى حاجه ؟؟؟؟؟

غاده : انتى لا ابدا والله ايه اللى خلاكى تقولى كده

شيري : ابدا حسيت اننا مش بقينا نهزر ونضحك زى زمان

غاده : لا والله بس حسيت انك مش فاضيه وحواليكى كتير ده غير البنات اللى فى الاوض التانيه

شيري : انتى لا حظتى انا تعبانه قوى يا غاده والله ومش عارفه اعمل ايه انتى اخدتى بالك من ميرفت وريهام ؟؟؟؟ وكمان اللى بره الاوضه انا ببقي عايزه ازاكر ماده والابقي عايزنى فى مواد تانيه ومش قادره اقول لا لاي حد بخاف يزعلوا وخصوصا مرفت وريهام لانى بحبهم

غاده : انا هكلمك بصراحه يا شيري انتى عارفه انك اقرب واحده لي

شيريي: يا ريت يا غاده تكلمينى بصراحه

غاده : من ساعه ما النتيجه ظهرت وانا حاسه ان بقي في ناس كتير عامله زى الدبان اتلموا على حاجه حلوه مش قادره اهشهم وانا شايفاكى مش مضايقه وبتردى على كل واحده وساعات بتاخديهم بره وتقعدى بالساعه منعرفش انتى فين فحسيت انى بايخه لو جيت وقلتلك خفي على نفسك شويه وركزى فى مذاكرتك انتى فقلت انتى كبيره بما فيه الكفايه واكيد عارفه مصلحه نفسك

شيري : لا يا غاده انتى غلطانه فى اللى عملتيه دهانا كده هزعل منك انتى عارفه انك اقرب واحده منى فى الاوضه وانى استحاله ارفض طلب اى حد واحنا مش عشره يوم ولا اتنين وكنت بعمل كده الترم الاول بس مكنش حد بيسألنى كتير كده ومحدش كان بيجي يقلي زكريلي ماده كامله كان سؤال وخلاص بس واضح ان الناس طمعت فى وفى طيبتى انى مش بعرف اقول لالا كان لازم تساعدينى

غاده: اساعدك ازاى ؟؟؟؟

شيري: اولا تبعدى عنى كل اللى بره الاوضه اننا منفتحش لحد ومش نسيب الباب مفتوح ونكتب ورقه ممنوع الازعاج انا شوفتها على بيبان الاوض التانيه ثانيا بالنسبه للى فى الاوضه هرد على اد السؤال ومش هسيب مذاكرتى الا لما اخلص وبعدين ابقي ارد عليهم ايه رايك كده ؟؟؟؟؟

غاده : اوك بس انا حاسه ان الموضوع ده مش هينفع عارفه ليه لانك للاسف طيبه جدا والناس بستغلك وانتى ولا هنا انا من يويمن وانا متغاظه منك لما مرفت قالتلك تعالى زاكرى معايا رياضه وانتى قلتلها طب اخلص الميكانيكا واجى ازاكر معاكى رياضه راحت مرفت قالتك لالا كملى ميكانيكا بعدين اصل الرياضه اهم وخايفه انام قبل ما اخلصها كنت عايزاكى تاخدى رد فعل لكن للاسف لقيتك بكل بساطه جبتى حاجه الرياضه ورحتى تذاكرى معاها على سريرها واول ما خلصت هى اللى عايزاه قالتلك طب يالا علشان انا عايزه انام وانتى جيتى تشوفى الساعه حسيت بيكى وانتى بتلمى الحاجه بتاعتك وتقولى هبقي اصحى الفجر واكمل طب وده ليه مانتى لسه مذاكره الر ياضه من يومين لازم عليكى يعنى تذاكريها تانى

شيري : يا غاده مش قدرت اقولها لا وكمان مرفت كويسه وانا بحبها وبخاف تزعل

غاده: انا مقلتش انها وحشه واللى بيسالها بترد عليه بس فى الوقت اللى هى عايزاه وانا حاسه انها بتستغلك وفى الاخر الكل هنا بيدور على مصلحته فاحسنلك انك تاخدى بالك من مصلحتك

شيري : هحاول بس ساعدينى لو عرفتى وبصراحه انا حاسه ان سمر اتغيرت من ناحيتى ومش عارفه ليه مع انى بكلمها عادى والله وحاسه انها اتغيرت من ساعه النتيجه

غاده : بصي المعظم اتغير من ساعه النتيجه

شيري : لا بس سمر زودتها اناحاسه انها بتغلى من جواها بسببي وكانى انا اللى سقطتها

غاده : هى كلمتنى بعد النتيجه وقالتلى انك كنتى بتشتكيلها انك مش بتعرفي تذاكرى فى المدينه خالص وانك فى البيت برضه مش بتذاكرى كويس يبقي ازاى تجيبي النتيجه دى الا لو انك كنتى بتكدبي عليها

شيري : لا والله بالعكس انا فعلا قلتلها كده فى اول شهر مدينه وبعدين اعتدت الامور وبقي عادى وبقيت بعرف اذاكر وكمان فى البيت مش مش بعرف اذاكر مش بلحق ازاكر ودى تفرق انى مش بلحق اخلص المذاكره اللى انا عايزاها وانا عمرى ما كدبت على حد قبل كده وليه تقول كده انا زعلت جدا كده منها ومقلتش كده ليه فى وشي بدل ما بتلقح كلام طول اليوم وتقول وهى بتبصلي في نص الاوضه فى ناس مكنتش بتعرف تذاكر وبتجيب تقديرات واللى كانوا بيذاكرها شالوا مواد انا فهمت دلوقتى هى قصدها ايه

غاده : متزعليش منها سمر طيبه واللى فى قلبها على لسانها ومتنسيش انها من ريف دمياط ودول بيبقوا على نياتهم ومش بيعرفوا يخبوا اللى جواهم وكمان كفايه انها شايله مادتين المشكله فى الهام اللى مش عارفه اعمل فيها ايه

شيري : اه والله ولا انا انا كلمتها اكتر من مره

غاده : لا احنا لازم نعمل اجتماع من غير الهام ونشوف ازاى نخليها تذاكر

وفجأه سمعوا صوت ناديه وهى بتنادى على شيري فى الكردور وبيقلولها تليفونك بيرن جريت شيري على الاوضه وقلبها كان يخفق ياترى مين ممكن يكون شريف ولا مين ؟؟؟؟؟؟؟؟؟؟؟؟؟؟؟؟

ده اللى هنعرفه المره الجايه ان شاء الله

[pocy]

الحلقه ال22

فى الحلقه السابقه عرفنا ان شيري كان مضايقه من الناس اللى اتلموا عليها فجأه

وحست انها مطلوبه بس علشان يستغلوها وتناقشت مع غاده انها تساعدها وانهم كمان

يساعدوا الهام وتحاول ان تكسب رضا الجميع كعادتها ولكنها وهى تتحدث الى غاده فى

بلكون المدينه نادت عليها ناديه وقالت تليفونك بيرن

جريت شيري الى الحجره وقلبها فى قدميها لقد تذكرت انها اعطت الرقم لشريف ولكن هل

شريف ممكن يكون هو المتصل ولماذا تذكرت هذا الامر الان ؟؟؟؟

اخدت التليفون وذهبت به الى الخارج لتجد ان المتصل بها هو قريبها الى فى كليه هندسه

وسابقها بكام سنه وانه سيحضر الى بورسعيد غدا مع صديقه ويريد ان يعدى عليها فى

الكليه تضا يقت شيري ولكنها لم تعرف ماذا تفعل فقالت له على الرحب والسعه

واتصل بي عندما تصل سانتظرك بس انت جبت منين الرقم ده من اختك اصلي اتصلت بيها

وقلتلها انى رايح بورسعيد وهى قالتلى شوفها لو عايز حاجه وقالتله لا ميرسي ثم اغلقت

معه الخط واتصلت باختها

شيري : انتى بتهرجى يا منى تدي رقم تليفونى لاحمد ليه ؟؟؟؟

منى : هو الح فى طلبه وانا اتحرجت ومش عرفت اعمل ايه فدتهوله ليه هو اتصل بيكى

شيري : اكيد طبعا اتصل مانتى عارفاه لازقه وهقابله بكره فى الكليه لما يجي الله يسمحك

منى : هههههههههههههه ليه بس ده شاب ممتاز يا شيري ولما تعرفيه والله هتلاقيه ممتاز

وكمان كفايه انه منتظرك فى الكليه علشان يساعدك

شيري : لا يا ستى الله الغنى وارجوكى ارجوكى متديش رقمى لحد اتصرفي اكدبي بس مش

تديه لحد تانى

منى : ههههههههههههههههه بس انا اديته لابن البواب اصله الح على انه عايزه

هههههههههههههههههههه

شيري : اهه ده اللى كان ناقص كمان ومش ادتيه للزبال ولا هو لسه مالحش

منى : هههههههههههههه لالالالا زبال ايه مش مقامك خالص بس لو الح مش عارفه هعمل

ايه يمكن ادهوله

شيري : اقفلي يا منى علشان مش يحصل حاجه او اعمل فيكى حاجه

كان احمد واحد كده طول بعرض جسمه رياضي وكان معجب بشيري بجامالها وانقتها

وذكائها وفكرها العالم لم يكن يحبها ولكن بها الصوره النموذجيه للزوجه المستقبليه

دخلت شيري حجرتها وهى تتنهد وواضح عليها الضيق فسالتها ميرفت

ميرفت : مالك يا شيري مين اللى اتصل شكل التليفون كان فيه خبر وحش

شيري : هو مش وحش بس ده وحش جدا

غاده : ايه يا بنتى خير

شيري : فى واحد قريبي جاى بكره هنا زياره مع صاحبه البورسعيدى وعايز يعدى على

فى الكليه

غاده : طب فيها ايه يا بنتى مش قريبك

شيري : لالالالالالالالالالا اصله رخم جدا وبيحب يستظرف المهم غاده بصي هتكونى

معايا من ساعه ما يجي لحد ما يمشي اتصرفي

غاده : احسنلك خدينا كلنا وهو هيضايق واكيد هيمشي

شيري :فعلا علشان مش يطول

وفى اليوم التالى تأنقت شيري كعادتها وذهبت الى الكليه وهناك وبعد مرور ساعه اتصل

بها احمد

احمد : هاى شيري ازيك انا هنا فى الكليه عند لوحه النتيجه انتى فين

شيري : هاى احمد بص خليك مكانك وانا هاجى عندك

احمد : اوك بس مش تتاخري على

شيري اوك باي

وبعد دقائق كانت لمت كل البنات اللى فى الاوضه معاهم ماعدا الهام لانها كانت كعادتها

نايمه فى المدينه

رائها احمد من بعيد فكلم صاحبه على ان هذه هى شيري فالتفت صاحبه وظهر على

وجه اندهاشه غريبه وكلمه قالها فى اذن صاحبه وكانت واو دى قنبله يابنى وايه الغفر

اللى ماشيين معاها دول

اما البنات لما شيري قالتلهم على احمد كلهم جالهم احساس ان فتى احلامهم امامهم ازاى

شيري تكون مضايقه من واحد بالشكل الوسيم ده وميرفت كانت اول عبرت ايه يا بنتى الواد

الفرع ده ده فظيع جدا

احمد : هاى شيري اخبارك ايه

شيري : هاى احمد اخبارك ايه انا الحمد لله بخير

احمد : الف مبروووووك انا شفت النتيجه وبصراحه ممتازه

شيري : الله يبارك فيك

تنحنح صاحب احمد

احمد : نسيت اعرفك على صاحبي فى الكليه وبورسعيدى محمود

شيري : اهلا وسهلا يا باشمهندس محمود فرصه سعيده

محمود : انا الاسعد

شيري : ودول البنات اللى معايا فى الاوضه وصحابي ميرفت غاده ناديه سمر ريهام

احمد : اهلا وسهلا فرصه سعيده

ميرفت : احنا الاسعد واكتفي الباقي بهز راسه

محمود: انتم سته فى الاوضه الواحده احنا المدينه عندنا واحد فى كل اوضه

شيري : لا احنا سبعه فى اوضه واحده بس خلاص كلنا اتعودنا على بعض بس كنا تعبانين

فى الاول

محمود : الله يكون فى عونكم وبرضه مدينه الولاد كده؟؟؟؟

شيري : على ما اعتقد نفس العدد بس الاوضه اوسع

احمد : انتوا هتقعدوا تتكلموا على المدينه كتير يالا نخرج بره

شيري : للاسف يا احمد احنا 10 دقايق وهيكون عندنا محاضره

احمد : امممممممممممم طب مش اشكال هى المحاضره هتنتهى امتى ويومك هيخلص امتى

النهارده

ريهام : المحاضره هتخلص كمان ساعه ونص ومش عندنا غير سكشن واحد بعدها يعنى

بالكتير قوى نخلص 3

شيري تنظر الى ريهام وهى متغاظه جدا منها

احمد : طب ممتاز بصي احنا هنيجي تانى هنا الساعه تلاته استنينى اوك

شيري : اوك ان شاء الله

وبعد ما مشيوا نادى احمد ع شيري علشان ترجع لوحدها وقالها ياريت تيجي لوحدك فى

حاجه عايزه اقولهالك

شيري : خير فى حاجه

احمد : لالالا بس عايز اتكلم معاكى لوحدنا شويه

شيري : طب اوك هحاول

ومشيت شيري وقالت لريهام ليه تطوعتى بالرد انا كنت ناويه افلفص منه باى شكل

ريهام : هو ده حد برضه يبقي عايز يفلفص منه ده كل حاجه فيه ممتازه

ميرفت : ايه اللى مش عاجبك فيه يا شيري ده شكله محترم جدا

غاده : واحنا مالنا يا جماعه هى براحتها قريبها وعارفاه وهى مش هتاخد بالشكل اكيد

شيري : اخيرا حد نصفنى تعالى قوليلهم كده فى البيت ععندى المهم هو عايزنى اروح

اكلمه لوحدى بعد الساعه 3 وانا مش عايزه ارروح لوحدى مين هيجي معايا ؟؟؟

الكل قال انا هاجى معاكى قلت لا مش هينفع كلكم انا عايزه حد واحدبس علشان مش

يضايق

غاده : خلاص هاروح انا معاكى بعد السكشن عدى على فى القاعه 305 وانا هكون هناك

شيري : طب اوك يالا كل واحد على محاضرته

وبعد انتهاء المحاضرات والسكاشن ذهبت الى غاده ونزلوا تحت عند لوحه النتيجه وهناك

شاهدت احمد ولكن هناك من رائها تقف مع احمد ومحمود كان شريف واحس بنغصه

فظيعه من هذا الشاب ولماذا هو قريب كده من شيري وتحدث مع نفسه ماذا يفعل

لابد ان يذهب ويقول اى شئ لشيري واضح انه واحد كبير مش في اعدادى انا مش شوفته

قبل كده انا لازم اكلمها

كان شكل شريف صعب جدا من يوم النتيجه وبعد ما بعد هو وشيري عن بعض فلقد ربي

دقنه ومبقاش مهتم بمظهره زى الاول وواضح انه بقاله فتره مش حلق شعره وتحسي ان مش

ده شريف

شريف : مهندسه شيري ؟؟؟

انتبه الجميع للمنادى على شيري ولفت شيري نفسها لترى من يناديها من الخلف اوه ماى

جد ده شريف يا ترى هو عايز ايه

شيري : اهلا يا شريف اخبارك ايه ؟؟؟

شريف : الحمد لله كنت عايز اسال على السكشن الاخير كتبتيه علشان عايز اصوره

شيري : اهه كتبته تاخد الكشكول الان ؟؟؟؟؟؟

شريف : اوك هصوره واجيبه لك هنا

شيري : اوك الاول بس اعرفك على باشمهندس احمد قريبي وجاى زياره فعدى على لو

محتاجه حاجه والمهندس محمود صاحبه ومن بورسعيد

شريف : اهلا يا باشمهندس احمد اهلا يا باشمهندس محمود طب انا هستأذنكم الحق اصور

وارجع الكشكول

شيري : براحتك احنا واقفين هنا

احمد يفكر ليه شيري مهتمه تقوله مين انا وايه سبب زيارتى هو الشاب ده فى حاجه

بينهم مع ان شكله لا يوحى باى حاجه يعنى واحس انه مضايق جدا من شريف وبدون

سبب واضح

شيري : ها يا احمد كنت عايز تقولى ايه ؟؟؟؟

احمد : اه نسيت وبص لمحمود وفهم محمود نظرته دى معناها انه يشغل غاده فى الكلام

وبدأ كل من احمد وشيري فى الحديث و جلسوا على سلالم مدخل الكليه وبدأ يتحدث احمد

احمد : شيري انتى عارفه طبعا انى خلاص فاضلي السنه الجايه وان شاء الله اخلص وشغلى

بعد ما اخلص موجود وشقتى كمان موجوده وانا من النوع اللى بحب ادخل من الباب مش من

الشباك وانتى عارفه انى قررت انى اخطب قبل ما اخلص كليه واتجوز بعد ما اتخرج

واشتغل بشهور وبصراحه انا مش هلاقي احسن منك واظن انتى عارفه ان ماما كانت كلمت

مامتك ومش عارفه اذا كانت قلتلك ولا لا انا انا سبب زيارتى دى انى اعرف ردك ايه فى

الموضوع ده قبل ما ناخد الامور رسمي علشان محدش يزعل من حد انتى ايه رايك

شيري : احمد انت فاجاتنى ومكنتش متوقعه الكلام ده كله بس يا احمد انت انسان ممتاز

جدا بس انا لسه فى اعدادى هندسه والكلام اللى بتقوله ده صعب جدا يعنى انتى خلال

سنتين هتكون متجوز وانا هكون لسه فى الكليه وانا لما اتقدملى معيدي هنا فى الكليه رفضت

بسبب انى عايزه اخلص دراستى الاول وده قرار لا اعتقد انى هتراجع فيه ثم يا احمد انت

كلامك ده معناه ان دراستى مش مهمه بالنسبه ليك

احمد : لا طبعا بس اكيد ممكن تكملى دراستك وانتى متزوجه وخصوصا ان شقتى قريبه

من الكليه يعنى مش هتتعبي وانا استحاله احجر عليكى فى حاجه زى دى

شيري : بص يا احمد انا بفكر انى ادخل عماره وشغل عماره صعب جدا مع الزواج ده

غير انى عايزه اتعين معيده وان شاء الله بعد كده دكتوره وبحسن من تقديراتى للسبب ده

علشان كده يا احمد عايزه اقولك ان موضوع الجواز بالنسبه لي مرفوض التفكير فيه الان

مش بسببك لا بسبب ان دراستى الان هى الابدى من اى حاجه

احمد : اممممممممممم طب ممكن نخليها خطوبه ولما تخلصي نتجوز

شيري : الكلام اللى بتقوله مش مقنع لاى عقل ازاى خطوبه تستمر لمده اربع سنوات

وبدون مشاكل فى حين ان كل حاجه جاهزه اكيد الموضوع ده هيعمل مشاكل انا مش

هتجوز ولا اتخطب الا لما اخلص دراستى لانى مش عايزه حاجه تعطلنى عن دراستى ولا

انت مش معاكى

احمد : بصي يا شيري السبب ده بالنسبه لى سبب واهى لو انتى مش معجبه بي قوليلي

وانا هنسحب بهدوء

شيري : احمد انت تعجب اى بنت وتعتبر فتى احلام بتاع كتير ومن ضمنهم انا بس

انا مش عايزه طموحى يتقتل من قبل ما يبدأ موافق على انك تستنى لما اخلص

دراستى وساعتها تتقدم انا مش عندى اى مشكله لكن الان صعب جدا يا احمد حتى لو

انت شايف ان مستقبلك مضمون بس الدراسه زى ما هى مهمه بالنسبه ليك مهمه

بالنسبه لى جدا

احمد : يعنى اهم من كده انك بترفضينى ؟؟؟؟

شيري : متقلش كلام على لسانى وانا مقلتوش انا مش رفضتك انا رافضه فكره الزواج

نفسه حاليا

جه شريف فى الوقت وسكت كل من شيري واحمد وباين ان الجو متكهرب بينهم فاعطى

شريف الكشكول لشيري وسلم على احمد ومشي ولكنه لم يخرج من الكليه لقد جلس فى

مكان بعيد يستطيع ان يراهم فيه

احمد : يعنى ده اخر كلام ليكى

شيري : ايوه يا احمد ده اخر كلام

احمد : طب اوك براحتك بس تاكدى يا شيري انك كده خسرتى كتير

شيري : ده اللى انت شايفه ومش الى انا شايفاه

شيري فى نفسها ايه الغرور ده اللى فيك قال انا هخسر واحمد فى نفسه طب انا هخطب

الاسبوع الجاى واعزمك يا شيري وتكون واحده احلى وواغنى واجمل منك ونشوف مين

اللى هيندم انا ولا انتى

احمد : طب انا هستأذن بقي علشان مضطر اسافر

شيري : اوك امال فين صاحبك محمود وغاده

احمد : اهم هناك ....محمود ....محمود

انتبه محمود واللى كان مندمج جدا مع غاده وهى فطسانه على روحها من الضحك وذهبا

فى اتجاه شيري واحمد واللى باين عليهم الضيق وسلما عليهم بينما رففضت شيري ان

تسلم عليه بيديها لانه حرام فنظر اليها نظره صعبه كده تقول انه يحتقرها ومشي وغاده

تسالها

غاده : كان عايزك فى ايه

شيري : كان عايز يفرض جوازته على بس ليه هو مين يعنى وقال ايه انااللى هخسر

غاده : لالا احكيلي بالتفصيل

حكت شيري بالتفصيل ما حدث لغاده وغاده قالتلها ايه المشكله يعنى انك تتخطبي

وتكملى وانت متجوزه ما صاحبتى عامله كده وكملت والسنه دى هتتخرج من تربيه وعادى

يعنى وشيري عارضتها وقالت انها ليست معجبه بالشخص نفسه فازاى كمان اضحي

بدراسته علشان لالالا انسي وذهبا للمدينه وكان باقي البنات فى انتظارهم وكانت غاده

فى طريقهم للمينه كانت تحكى عن محمود واد ايه كان ظريف وقاللما يجي الكليه هيبقي

يعدى علينا ويسلم بينما احمد كان مضايق جدا وكل همه مين من البنات اللى يقدر

يتجوزها وتكون متفوقه على شيري فى كل شئ ومحمود كان عمال يحكى عن غاده وان اى

حاجه بيقلها كانت بتضحك عليها وبيفكر يبقي يروح الكليه ليها فى الاجازات واحمد مش معاها نهائي بينما شريف كان فرحا عندما شاهد احمد يمشي مبتعدا وهو مضايق وهذا فى حد ذاته يعتبر شئ جيدا وبايت من تعبيرات وشهم انهم زعلانين او حاجه كده ويارب ما يكون عايز يتجوزها

ومشي هو كمان وراح المدينه وبعد ان وصلا للمدينه وحكت للبنات وكلهم اعترضوا على تفكيرها وان محدش هيلاقي كده بس شيري كانت متاكده انها هى الصح وانها مش هتاخد اقل من دكتور او معيد وهى هتبقي معيده ودكتوره فى الجامعه

مرت الايام وبدأت امتحانات الميد ترم ومن بعدها امتحانات الشفوى وامتحانات الفينل وفى اخر يوم من امتحانات الفينل دار حديث شيق جدا بين شريف وشيري وده اللى هنعرفه فى الحلقه الجايه والاخيره من السبع بنات والمدينه الجامعيه فى سنتهم الاولى

[pocy]

الحلقه ال23 والاخيره من الجزء الاول لسلسه البنات والمدينه الجامعيه

فى الحلقه السابقه عرفنا ان شيري رفضت احمد وانها بدت عقلها عن اى حاجه تانيه ومرت الايام وجه وقت الامتحانات وكان وقت عصيب جدا فى المدينه الجامعيه فالكل او المعظم يبحث عن مصلحته والبنات قفلوا باب الحجره ولم يكونوا يفتحوا الباب الا للمشرفات او لزينب وعبير فقط وغير كده لو اتنططوا البنات مش هيفتحوا الباب علشان عايزين شيري تشرحلهم حاجات وكانوا البنات مره يقولوا انها بره بتذاكر فى المسجد ومره يقولواانها نايمه ومره يقولوا خرجت ومش عارفين راحت لمين المهم انهم مكنوش بيفتحوا الباب وبصراحه كان كفايه الهم اللى كان جوه الاوضه وحاله الياس الفظيعه اللى عند ريهام والهام واحده قالت انا كده كده عيداها والتانيه انا شكلى مش هحول ومن اول يوم غاده ريحت نفسها وعرفت انها مش هتعرف تذاكر فى المدينه سفرت حاجتها وبقت بتيجي على الامتحان وكانت سحر نفس النظام وكانت بس شيري و الهام وريهام وميرفت وناديه اللى قاعدين فى المدينه وقت الامتحانات وكان اد ايه كانت الايام دى صعبه وكان شريف فى الامتحانات يجلس خلف شيري وكان ينظر اليها ويدعوا لها بالتوفيق وكانت شيري تسلم عليه كل يوم وتستبشر خير بوجه وتطمن عليه بعد كل امتحان كان الجو فى المدينه الجامعيه متكهرب على الاخر وهناك اوراق ظهرت فقط وقت الامتحانات والاوراق دى بتاعه الدروس اتارى فى ناس معاهم بياخدوا دروس ومش بيقولوا وفي ناس ظهرت على حقيقتهم واتفقوا البنات كلهم انهم يبيتوااخريوم امتحان ومش يسافرواالا تانى يوم بس علشان يقعدوا مع بعض شويه وخصوصا ان معظمهم ممكن مش يشوفوا بعض تانى لو حولوا المهم جه اخر يوم امتحان واد ايه كان اليوم جميل من تعب المذاكره لكنه عصيب جدا على البنات علشان هيبقي اخر يوم ليهم مع بعض وياعالم مين هيروح فين ومين هيكون موجود

وفى اليوم ده وبعد تسليم ورقه الاجابات وانتهى الامتحان طلب شريف بسرعه من شيري ان يحدثها ضرورى

شريف : شريين ممكن لو سمحت عايز اتكلم معاكى شويه

شيري : خير ياشريف الاول عملت ايه فى الامتحان كان حلو صح

شريف : اه الحمد لله بس كنت عايز اتكلم معاكى بس تحت فى الجنينه

شيري : اممممممممممم طب هطمن على اصحابي واخليهم يسبقونى على المدينه واحصلك على الجنينه اوك

شريف : اوك

انتظرها شريف قرابه الربع ساعه الى ان رأها تمشي تجاهه فاحس بان قلبه ينبض وينبض بشده حاول ان يبلع ريقه لكنه لم يجد ريقا ليبلعه احس ان الكلام محشور ومش عارف يقولها ايه ده نسي الكلام اللى كان عايز يقوله لا بجد حاجه صعبه جدا يقطع الحب وسنينه وجت شيري بابتسامتها الجميله ووجهها الصافي المضئ

شيري : ها اخبارك ايه يا شريف الواحد مش مصدق انه خلاص خلص والسنه عدت على خير

شريف : فعلا الواحد مش مصدق وبصراحه مكنتش عايز السنه دى تخلص بسرعه

شيري : وانا كمان

ووجدت شيري نفسي تنظر تلقائيا الى عينيه وهنا لم تستطع ان تدارى نفسها عنه وتلعثمت فى الكلام

شيري : انت كنت عايز تكلمنى فى ايه صح

شريف : يعنى مش عارف ه

شيري: لا

شريف : لا حاسه ؟؟؟؟

شيري : اكيد حاسه وخايفه كمان

شريف : طب خايفه ليه

شيري : خايفه نتكلم تانى يا شريف ونتعب تانى من اول وجديد

شريف : انا لسه تعبان من ساعتها انتى متخيله يا شيري انك تتنسي بالسهوله دى اكيد لا انا احساسي بيكى بيزيد يوم عن يوم وحاسس انى ارتبطت بيكى اكتر من الاول

شيري : وبعدين يا شريف حرام عليك انا مصدقت انى اتغلب على الموضوع ده

شريف : ؟؟؟؟؟؟

شيري : ايوه يا شريف انا قررت انى مش هاتجوز ولا اتخطب الا لما اكمل دراستى وكنت كل ما افتكرك واحن ليك ارجع افوق نفسي تانى واقول انك هتسيبنى وتروح السويس ويمكن هناك تلاقي الاحسن منى

شريف: استحاله يا شيري انتى مش عارفه انا اد ايه بحبك والله العظيم بحبك .............ومحتاجك تكونى معايا دايما بصي يا شيري ايه رايك لو نكمل اناوانتى فى بورسعيد هنا انا مستعد اتنازل عن كل احلامى علشاناكون معاكى ولو لحظه

شيري : ارجوك يا شريف متكملش

شريف: لا يا شيري لازم اكمل علشان بس تعرفي انى ممكن اضحى باغلي ماعندى عشانك وعلى فكره انا عامل حسابي انى بعد النتيجه هكلم والدى ونيجي نخطبك والدى مش هيعترض انا متاكد هو بيلبي لى كل حاجه ومعتقدش انه هيمانع انى اخطب وانا بكمل دراستى

شيري: شريف ...........ارجوك كفايه انا لازم امشي

شريف: لالا خليكى معايا شويه

شيري : مش هينفع يا شريف انا انسانه برضه بص يا شريف انا يمكن كلامى هيكون جامد عليكى بس ده علشان بحبك وعايزه مصلحتك خلى الايام هى اللى تعالج اللى احنا فيه ده وانتى حول السويس وانا هحول القاهره ولو مش قدرت تناسانى طول الفتره دى وانا كمان مش درت انساك الفتره دى يبقي ساعتها ربنا قسملنا اننا نكون لبعض لكن رغبه والدتك قبل كل شئ ثم انت بتقول هتقول لوالدتك انك تخطبنى ومين قالك ان والدى هيوافق وانا عارفه انه ضد الموضوع ده وسبق واطبق مع اختى مش اتخطبت الا لما خلصت ارجوك يا شريف انتبه لنفسك علشان خاطرى

عايزنى اعترف ايوه يا شريف بعترف انى مش قدرت انساك الفتره دى وبفكر فيه وحتى الورق اللى فيه كلامك حافظاه كانها جوابات منك مع انها كانت مجرد شرح بس بتحمل بالنسبه لى زكريات جميله اتمنى اننا نحافظ عليها انا عمرى ما فكرت انى اقدر اهدم حياه انسان انا بحبه واتمنى ليه كل الخير ولو فعلا بتحبنى يبقي خد بكلامى وسيب مشاعرنا للايام تداويها وياعالم ايه اللى ممكن يحصل بس اوعدك ووعد الحر دين عليه انى مش هتخطب ولا هتجوز الا لما اخلص دراستى واللى اتخطبله مش اقل من دكتور او معيد فى الجامعه واتمنى ان ده يبقي حافز ليك انك تكون دكتور فى الجامعه فى السويس علشان لما تتقدملى ابقي متاكده ان مفيش مشكله شريف انا عارفه ان كلامى تقيل ويسد الواد بس ارجوك افهمنى انا بعمل كده علشانك وعلشانى وعلشان ربنا يكرمنا ان شاء الله فى حياتنا عايزه اسمع منك كل سنه النتيجه وانك طالع من الاوائل وفرح والدتك الله يرحمها ووالدك وفرحنى انا كمان ولان امرى مش بايدى كنت قلت خطيبتك بس يمكن بعد اربع سنين تكون الامور اختلفت شريف ارجوك تكون فهمتنى صح

شريف : اممممممممممممم مع ان كلامك كان صعب كتير بس انا هنفذه وكل سنه هتاخدى منى اتصال بالنتيجه وهتكونى انتى هدفي يا شيري اللى هعيش علشان احققه السنين الجايه ويارب يجمع بينا على خير وبجد كل يوم عن يوم بيزيد اعجابي وحبي ليكى واحترامى واقول انك انتى اللى هتكونى زوجه لى ان شاء الله

ومد يده ليسلم عليها ولكنها لم ترد عليه بالسلام باليد

شيري : شريف كان ممكن اسلم عليك بس الحمد لله انى اعرف واحد قالى التسليم باليد بيعمل ايه انا هسيبك وانا بقولك انى مستنياك بعد اربع سنين من دلوقتى

شريف : ربنا يباركلى فيكى يارب واللى تحافظ على نفسها من كلمه ولمسه ايد اكيد هتكون لى نصيب معاها بعد اربع سنين يا شيري

شيري : فى حفظ الله

شريف : فى حفظ الله ورعايته

مشيت شيري وقلب شريف يتقطع عليها وهل ستتطيع البعد عنها اربع سنين انه لم يستطيع البعد عنها يوم واحد فما باله باربع سنين ونظر الى السماء وقال يارب صبرنى ثم ذهب فى طريقه الى المدينه حتى يسافر

بينما شيري بعد ان تركت شريف احست انها تريد ان ترجع له مره اخرى وتقول له انها لا زالت تحبه وان كلامها معه كان كلام لتخفي حقيه حبها له انها تحبه

نعم تحبه ولن تستطيع ان تنتظر اربع سنوات لابد ان ترجع وتقول له هذا الكلام ونظرت الى الخلف وجدته ترك المكان واختفي ورجعت هى الى المدينه حيث ينتظرها البنات وكان الجو مفعم بالحيويه والقبلات ونزل الجميع وركبوا المعديه وراحوا التجارى ثم رجعوا على طلح البحر وهناك تنططوا كانهم فى الخامسه من عمرهم وقعدوا يلعبوا ويجروا ورا بعض وعلى الساعه 9 مساءا راحوا المدينه طبعا متاخرين بس كان خلاص اخر يوم ليهم ورجعوا اتعشوا وعملوا فرح وشغلوا الكاسيت على احلى صوت واتلموا باقي الحجرات والابداعات وكانت سهره الى الصباح وقبل اذان الفجر بقليل خف الضغط على الحجره ولم يبقي بها الا البنات السبع وهم يبكون ويتذكروا نفسهم فى المواقف البايخعه ويقلدوا الدكاتره وعلى الساعه 7 صباحا كان كل منهم جهز شنطته وبعد تجهيز الشنط كل واحده فيهم سلمت على الاخرى وبدأ العياط والنحيب وانهم مش عايزين يمشوا وكل ما واحده تسكت التانيه التانيه تبدأ فى العياط وهكذا وقرروا انهم هيتقابلوا تانى بحجه انهم جايين يشوفوا النتيجه ويتفقوا مع بعض ويتفسحوا وبالفعل ركبوا كلا منهم فى طريقه فمنهم من ذهب للاتوبيس ومنهم من ذهب فى القطار

وكل واحده منهم تفكر فى الاخرى وهل ستكون اجازه سعيده بينما كانت شيري تفكر فى شريف هل سيستمر حبها له وهو ايضا سيظل يحبها

هذا ما سنعرفه فى الجزء التانى من حكايه السبع بنات والمدينه الجامعيه ومش تروحوا بعيد علشان احكيلكم على الحرامى اللى دخل المدينه اول يوم فى الجامعه منتظراكم فى الجزء التانى

اتمنى ان الحكايه تكون عجبتكم واشوفكم على خير ومش تبخلوا على فى الرد وسلام مؤقت

اهه صحيح اكمل ولالالا ؟؟؟؟؟؟؟؟؟؟

[waledgamal]

قمة الابداع

وفى انتظار الجزء الثانى

[كدة رضا]

بتهرجى طبعا كملى احنالسة فى اعدادى لسة كمان اربع سنين ويترى هنكتشف انتى مين من البنات دول ولا انتى خرجتى نفسك من المجموعة واكتفيتى بدور الراوى

[pocy]

قمة الابداع

وفى انتظار الجزء الثانى

مش عارفه اقولك ايه بصراحه كلامك جميل وكلمه قمه دى مش عارفه اقولك عملت فى ايه بجد ميرسي جدا لذوقك ولكلامك ويارب يعجبك الجزء التانى واللى هيبدأ ينزل بعد ما اخلص ان شاء الله الجزء التانى من حكايتى من مذكراتى (يوميات خطوبه ايمي وخالد)

بتهرجى طبعا كملى احنالسة فى اعدادى لسة كمان اربع سنين ويترى هنكتشف انتى مين من البنات دول ولا انتى خرجتى نفسك من المجموعة واكتفيتى بدور الراوى

لالالالا بلاش تعرفي انا مين فيهم اقولك على سر بس مش تقوليه لحد انا حكايتى موجوده فى حكايه كل بنت بس انتى جمعى البازل وهتلقينى ان شاء الله ههههههههههههههه وبجد انا مش عارفه اشكرك ازاى لانك كنتى سبب من الاسباب انى اكملها بصراحه وجزاكى الله كل الخير

اخلص ايمان ان شاء الله واكمل هنا باقي الاجزاء ويارب فعلا تعجبكم لان السنه التانيه هتحصل فيها حاجات كتير

[pocy]

ومن مكانى هذا ادعوا حضرتكم لكل من لم يقرأ قصتى الاولى اسرار البنات والمدينه الجامعيه انه يبص بصه هنا

أسرار البنات والمدينه الجامعيه

تم تعديل 8 نوفمبر 2010 بواسطة pocy

[مصطفى يونس]

القصه جميله جدا ونتتظر باقى الاجزاء

[waledgamal]

فى انتظار الجزء الثانى

[pocy]

الحلقه الاولى من الجزء التانى للسبع بنات والمدينه الجامعيه

فى الجزء الاول انتهى العام الدراسي الاول وسلم الجميع على بعضهم البعض وطبعا اتفقوا انهم يتقابلوا علشان يشوفوا النتيجه واى حد يعرف عن النتيجه يتصل بالتانى وكانت اول من عرفت نتيجتها هى شيري تعالوا نعرف مين قالها على النتيجه

مجهول يتصل على موبيل شيري : الو السلام عليكم ورحمه الله وبركاته

شيري : وعليكم السلام ورحمه الله وبركاته مين معاى؟؟؟

المجهول : انا شريف

كان هول المفاجأه كبير مما جعل شيري لا تستطيع ان تتحدث

شريف : شيري انتى معايا ؟؟؟

كان صوت شيري مميز وخصوصا فى الهاتف فكان متاكد انها هى ولكن لماذا لا ترد عليه

شيري : ايه اهه انا معاك ازيك يا شريف بس مفاجأه فعلا

شريف : انا حبيت بس اقولك ان النتيجه هتظهر يوم الخميس

شيري : بجد انت متاكد ؟؟؟؟

شريف : اه بس انا قدرت اجبها من الكنترول بس عرفت اننا ناجحين وانى انا جبت جيد وانك انتى جبتى جيد جدا والتقديرات لما تتعلق النتيجه

شيري : بجد الف الف مبروووك يا شريف

شريف : الله يبارك فيكى والف مبروك ليكى انتى كمان بس كنت عايز اسالك اذا كنتى هتيجي الكليه هتسافري امتى ؟؟؟؟

شيري : لسه مش عارفه بس يمكن الاحد علشان ابقي متاكده انها اتعلقت والبنات فى بورسعيد ياكدولى انها اتعلقت علشان مروحش وخلاص وكمان انا متفقه مع البنات انى هاقبلهم هناك

شريف : ارجوكى يا شيري انا اتمنى انك اقابلك يمكن تكون الاخيره

شيري : طب بص انا هسافر الخميس واحاول اسافر الاحد برضه يوم الخميس هقابلك واتاكد ان النتيجه ظهرت ويوم الاحد اتجمع مع البنات

شريف فرحان جدا : بجد يعنى هشوفك الخميس ؟؟؟؟

شيري : ان شاء الله

شريف : ان شاء الله يا شيري بصي انا هكون عند شباك الدور الرابع الساعه 10

شيري : 10 بس احتما ل اتاخر عن كده يعنى انا هركب 7 وهوصل بعد 3 ساعات يعنى 10 وده للمحطه بس يعنى على 10 ونص ان شاء الله ممكن اكون عند الشباك

شريف : اوك انا برضه هكون هناك من الساعه 10واستناكى

شيري : اوك

شريف : بصراحه يا شيري انا مش عايز اقفل الخط معاكى انا مفقتقد كلامى معاكى جدا

شيري : وانا كمان هانت كلها يومين واكون هناك وميرسي جدا

شريف: ياااااااااه يومين دول كتير جدا وخصوصا انى بعد ما سمعت صوتك

شيري : احمممم احممم وبعدين

شريف : انا اسف طيب سلام مؤقت بقي

شيري :اوك يا شريف اشوفك على خير

اقفلت شيري التليفون وجلست تنطط الى ان سمعتها والدتها فدخلت حجرتها لتجدها تنط فوق السرير

ام شيري : بتعملى ايه

شيري : النتيجه ظهرت ياماما ونجحت الحمد لله

ام شيري : والتقدير ؟؟؟؟؟

شيري : لا التقدير هعرفه الخميس ان شاء الله وبالمره اشوف اصحابي هناك

ام شيري : طب لازم تسافري ما تخلى حد يجبلك التقدير وخلاص

شيري : لا يا ماما انا اللى لازم اشوفه بنفسي

ام شيري :طيب براحتك والف مبرروك يا حبيبتى وبالمره اعملى اجراءات التحويل واسئلي عليها

اضايقت شيري من الموضوع ده لانها نفسها تكمل فى الكليه مع البنات وانها حبت الكليه بكل اللى فيها وصعب جدا انها تحول المهم انها اتصلت باصدقائها ناديه ومرفت وكل البنات واتفقوا سويا ان يتقابلوا جميعا يوم الاحد لمعرفه النتيجه بينما لم تقل لاحد انها ستسافر يوم الخميس

لتقابل شريف هناك انها تفتقده جدا طوال هذه الفتره وهى تفكر بيه ليل نهار ولكنها تعرف ان هذا الحب لن يكتب له بالاستمرار ولكنها فقط تريد ان تطمئن عليه ليس اكثر وسرعان ما اتى يوم الخميس

وصلت شيري الى الكليه فى الساعه 10.30 ونظرت من بعيد لشباك الدور الرابع فوجدت شريف هناك ولكنها الاول بحثت عن اسمها وعن اسماء اصدقائها فلقد نجحت كل البنات ما عدا سمر والهام وريهام نجحت وخرجت بماده التيرم الاول بينما ناديه نحجت بماده واحده والاخرى

اترفعت لها وغاده ناجحه ولكن بمقبول ميرفت نجحت بتقدير جيد وزينب وعبير نفس التقدير وبعد ان اطمأنت على اصدقائها وزعلت على سمر جدا لانها كانت رفيقه دربها فى السكاشن والمحاضرات والمدينه ايضا وصلت شيري الى الشباك لترى شريف يقف فى الشباك وينظر

على الجنينه

شيري : احمم احمم نحن هنا

التفت شريف بسرعه الى مصدر الصوت ليجد شيري بزيها الانيق تقف امامه انه لا يستطيع ان يصدق انها حضرت بالفعل واخيرا رائها ولكن هذه المره لم تكن فى الحلم انها هى امامه بنفسها

شريف : شيري .........وحشانى قوى

لم ترد شيري على شريف رغم انها كانت تريد ان تقول وانت واحشنى اكتر ولكنها لم تفعل انها لا تريد ان تنساق وراء مشاعرها والتى تعلم جيدا انها ستتعبها بعد ان يمشي بثانيه

شيري : مبررووو ك الف مبرووك انا شايفه تقديراتك كلها نمسك الخشب

شريف : الله يبارك فيكى انا اللى مفروض ابارك على التقديرات الجميله بتاعتك والله شفت نتيجتك قبل نتيجتى حسيت انى حابب انى اطمن على الاول وبجد يا شيري انا مكنتش متاكد انك هتيجي كنت حاسس انك هتيجي الاحد وقلت لو مكتش الخميس هاجى انا تانى يوم الاحد بس علشان اشوفك

ولو حتى من بعيد

شيري : شريف انا كمان كنت محتاجه انى اشوفك

شريف : بجد يا شيري يعنى انتى كمان كان نفسك تشوفينى

شيري : للاسف طول الفتره اللى فاتت حاولت انى مش افكر فيك حاولت اشغل نفسي بحاجات بس مكنتش كفايه انى اقدر انساك

شريف : انتى مش متخيله ان كلامك ده اد ايه مفرحنى مع انى مفروض ازعل لانك بتحاولى تنسينى ...شيري ارجوكى يا شيري خلينا مع بعض على طول وحتى لو انا حولت او انتى حولتى فارجوكى خلينا على اتصال وان شاء الله ابقي اجيلك زيارات الكليه كل فتره لحد ما نخلص وانا قادر

وبوعدك انى هقدر اقنع اهلك بزواجى منك انا لا عندى جيش ولا اخوات وانتى كل حياتى فارجوكى خلينا نبقي مع بعض

شيري: شريف اللى بتطلبه ده مستحيل ازاى هتقدر نتابع انا وانت احنا لسه قدامنا على الاقل اربع سنين وحاسه انهم كتير والبعد والفراق بيبعدنا اكتر مش بيقولوا اللى بعيد عن العين بعيد عن القلب

شريف : ماحنا بقالنا فتره اهه ولسه بنفكر فى بعض ومش قدرنا ننسي بعض

شيري : شريف احنا مكملناش شهر لكن انا بتكلم فى سنين واخاف ان البعد يولد الجفا بينا وساعتها يبقي كل واحد ملتزم بكلمه مع التانى وساعتها ؟؟؟؟؟؟؟؟؟

سكتت شيري وسكت شريف وظل ينظر الى الجنينه وهناك سرح بعيدا وتذكر اخر لقاء لهم وكيف انتهى بيه اليوم

شيري : شريف انت روحت فين

شريف : ابدا معاكى

شيري : زعلت

شريف : اكيد بس مش بايدى حاجه

شيري : اممممممممممممم شريف محبش انى ازعلك بس العقل بيقول كده

شريف : طب وقلبك بيقول ايه

شيري : ياريت كان ينفع الامور تمشي باللى فى القلوب

شريف: ارجوكى يا شيري قوليلي محتاج اعرف اللى في قلبك ويا ترى اكتر من اللى فى قلبي

شيري : طب ماتقول انت ايه اللى فى قلبك

شريف : هاقول بس على شرط انك توعدينى انك كمان هتقولى اللى فى قلبك من ناحيتى

ترددت شيري ولكنها كانت تريد ان تعرف ماذا بقلبه انها تتمنى ان تسمع منه فقلبها كان يخفق بشده وهى تصعد لتقابله وعندما شاهدته يقف عند الشباك ارادت ان تجرى عليه كما يحدث فى الافلام ولكن .............قاطعها شريف

شريف : صعب قوى كده

شيري : لا اوعدك

شريف : شيري...... قلبي مفهوش الا انتى كليه حاجه فيه باسمك انتى اول ما عرفتك قلبي بدأ يدق بقي بينبض بقيت اول ما اشوفك بحس بيه كانه بيقرع الطبول لقدوم الملكه على عرشهابداخله حاولت انى ابعد ولكنه كان يرجعنى اليك حاولت ان افهمه لكنه افهمنى حقيقه مشاعري

وعندما بعدتى انتى حذرنى انى افقدك والا سيموت لان من ينبض باسمها تركته فلماذا يعيش شيري .........مع كل نبضه باسمك يرافقها كلمه بحبك ....اخترقت الكلمه قلب شيري كالسهم فاكمل قائلا: ايوه يا شيري بحبك بحبك قوى واستحاله اتخيل حياتى من غيرك كنت ميت الفتره اللى

فاتت وايقظنى صوتك منذ يومين حاولت مرار وتكرارا ان اتصل بك ولكن كنت امنع نفسي لم اكن اعرف ماذا ساقول لك ولكن عندما علمت بخبر النتيجه وتاكدت منها كان لابد ان اراكى واتخذتها حجه كى اتصل بك نعم يا شيري تحملت فى بعدك الكثير ولا استطيع تحمل المزيد ارجوكى

دعينا نكمل سويا فلن تخسري حتى لو جربتى شيري ....ارجوكى اسمعى لى فانا لا اريد منك غير التجربه لمده عام وسنرى ماذا سنفعل بعدها

كانت حاله شيري صعبه جدا فكل خليه من خلاياها تنطق باسمه انها ايضا تحبه فرمت بكلام عقلها وطردت اى فكره للرفض واستجابت لقلبها الذي كان ينبض هو الاخر باسم حبيبها شريف

شيري : شريف ......الكلام اللى بتقوله ده كلام كبير قوى ...كبير على انا مستحقش كل الكلام ده

شريف : اللى فى قلبي اكبر من كده بكتير انتى مش متخيله انا بحبك اد ايه

شيري : امممممممممم

شريف : لا يا شيري انا محتاج اسمع منك زى ما سمعتى منى لو مش موافقه اقنعينى برايك

شيري : شريف ....بعد الكلام اللى قلته مش هقدر اقولك اى حاجه غير انى انا كمان بحبك وبحبك من زمان قوى ومن اول نظره تعرف انى اتلككت اول مره علشان تشرحلى مع انى كنت فاهمه كويس بس علشان اتعرف عليك شريف ...والله اتمنى اننا نكمل مع بعض انت انسا ناى واحده وانا

اولهم تتمنى ترتبط بيك بس حاسه ان الظروف مش في صالحنا بس اللى اقدر اقوله ليك انى خلاص قررت اننا هنجرب سنه ولو نفع هنكمل بس عندى شرط اساسي

شريف فرحان جدا : قولى انا موافق جدا عليه

شيري: انا مش هتجوز اقل من معيد عارف ده معناه ايه

شريف: خلاص انتى هدفى وهكون اكيد المعيد اللى تتمنيه ان شاء الله وبتشجيعك هكون اكتر من كده ان شاء الله

شيري: طب مش هتعزمنى على حاجه من عند عم ابراهيم

شريف : اكيد طبعا ثوانى واكون عندك

راح جاب 2 كانز وبسكوت من عند عم ابراهيم وكان فرحان جدا ورجع لشيري وقعدوا يتكلموا عن اجراءات التحويل وبدأوا البفعل يروحوا لشئون الطلبه وسالوا عن الاجراءات وبعدين اتصلت ام شيري بها علشان تطمن على وصولها وعلى النتيجه وقالتلها ان النتيجه هتتعلق النهارده

بالليل وانها دلوقتى فى الكنترول وانها مش عرفت تجيبها وطبعا الفيلم ده كله علشان تيجي يوم الاحد تانى مع صحباتها وبعدين قفلت مع امها على انها فى الطريق لمحطه السفر وهتوصل للمحطه فى مصر خلال اربع ساعات من دلوقت

شيري : انا مضطره امشي لانهم فى البيت هيقلقوا على

شريف : اوك طب ما نركب سوا لمحطه السفر ولا فى مشكله

شيري : طب اوك

ومشيوا كل من شيري وشريف ووصلوا لمحطه السفر وكانت لحظه الوداع صعبه جدا عليهم بس كانوا فرحانين وكان شريف قبل ما يمشي كان كاتب لشيري شويه رسايل وقصائد شعر اخدتهم شيري منه وبدأت تقرأ فيهم بعد ان ودعت شريف واللى استنى لحد ما مشي اتوبيس القاهره وراح

هو حجز لنفسه الى السويس

كان أد ايه اليوم اسعد ايامه لانه شاف حبيبته ومش كده بس لا ده وافقت انهم يرتبطوا وقال فى نفسه انه هيجي يوم الاحد كمان حتى علشان يشوفها من بعيد بينما شيري بدأت تقرأ اول رساله واللى كان مكتوب فيها ...............

ده اللى هنعرفه فى الحلقه القادمه

[كدة رضا]

تسجيل متابعة واعجاب لكن فين قصة ايمى الشعب يريد معرفة النهاية