رمضان...في مصر....طعم تاني

[لماضة مصرية جدا]

السلام عليكم و ورحمة الله و بركاته

النهاردة كنت بتكلم مع ناس امارتيين و لبنانين....و بنحكي عن جو رمضان و كده

لقيتهم قبل ماأنا اتكلم...اجمعوا ان

تفاصيل صغيرة بتخلي لرمضان في مصر طعم تاني

سرحنا في حاجات كتير.....و حكيتلهم عن الشوارع و الزينة باكياس الشيبسي و احيانا بورق الجلاد الملون...و لو زنقت اوي ممكن فوانيس من القفص بتاع العيش

الفانوس و المسحراتي و اللمة....و حاجات كتير

الحمد لله ربنا كرمني و هقضي رمضان في مصر

اما لو انت بعيد عنها

فتعالي هنا

هتعيش لقطات حلوة كتير

و هتحس آد ايه بجد رمضان في مصر غير

كل سنة و كلنا طيبين

كل سنة و رمضان بيخلينا من انسانيتنا أأقرب...من ربنا أأقرب

ع جنب بقي

طبعا الصور دي انا شايلاها علي قلبي و جايباها من النت....اختاروا صورة بجد تعبر عن رمضان في مصر و حطوها و لو عندكم حاجة احترافية كدهمن الكاميرا بتاعتكم....يبقي برضه هايل

مستنياكم

[mama nona]

يا سلام عليكى يا لماضة

والله العظيم جيتى على الجرح بالصور بتاعتك دى

رمضان هنا ملوش اى طعم ولا لون ولا حتى ريحة

بدور على فانوس هنا فى جدة كانى بدور على ابرة فى كوم قش صعب توصلى ليها اساسا

يا سلام بقى لو تنزلى بحالو لا حالو واهو جه يا ولاد وعمو سيد مكاوى المسحراتى

يبقى تستاهلى ترمضنى فى مصر

[mama nona]

رمضان كريم

[Howayda Ismail]

هل هلالك شهر مبارك

كل سنة والامة العربية وكل المصريين بخير

تيجى بالسلامة يالماضة اللهم بلغنا رمضان جميعا ويكون عيد سعيد ان شاء الله

[Damo]

زي ما ماما نونا قالت...جيتي عالجرح

أنا برده بقالي كتير مش قضيت رمضان في مصر. وأنا في السعودية كنت باشتكي إنو مش زي مصر ...بس بصراحة في نيو زيلاند وكندا أوحش. على الأقل في السعودية الناس كلها صايمه مع بعض وحتى بيبقى في روح خفيفة بينك وبين اللي قريبين منك . حتى كنا ساعات احنا والجيران نودي اطباق أكل لبعض .

بس خايفة اشتكي أكتر من كده السنة الجاية نروح على حتة انقح كمان:unsure:

[مسافر زاده الخيال]

اتمنى ان تتاح لي الفرصة في يوم ما.....ان اشهد دخول رمضان في مصر لأشهد طقسا مختلفا لطالما سمعت عنه..... وبالنسبة لفوانيس رمضان ورمزيته فاعتقد ان ذلك تقليدا خاصا (اتى به الفاطميون ان لم اكن مخطئا)لذا فمن الصعب وجوده (خاصة في السعودية) وبما ان الشيء بالشيء يذكر فلقد اتيحت لي الفرصة بحضور عيد الاضحى في القاهرة في مارس سنة 2000 لكني لم ارى ما كنت اتوقعه (ربما بتأثير الافلام القديمة)من انتشار الناس وهم يسحبون خرفان العيد ووجود الزينات في الشوارع ورؤية الصغار مبتهجين....فهل هذه احتفاليات انقرضت؟؟؟؟؟؟ كنت في حي شبرا امام محطة القطار والكتدرائية ساكنابفندق (تشاو وكنت امني النفس بزيارة المتاحف التي كانت مغلقه لكني استمتعت بزيارة الازبكية والاهرامات ومشاهدة فلمي كرسي بالكلوب والواد محروس بتاع الوزير...ما يميز صالات السنما بمصر عن غيرها في العالم تعليقات الجمهور الساخرة ضد الفلم اكثر من الفلم نفسه).....

[الغريب]

تسلم إيديك والله يا لماضة

كنت عاوز أكتب نفس الموضوع

بصرااحة رمضان في مصر غير

أول مرة أقضي رمضان برة مصر السنة اللي فاتت بالكويت

وبصرااحة أتحصرت حصرة مقولكمش عليها

ولو قعدنا نوصف في رمضان في مصر عاوزين صفحااات ، وده طبعا بما أني ساكن في منطقة شعبية بالقاهرة ومسجد عمرو بن العاص قريب جدا مني فبنحس بأحلى رمضان وأحلى صلاة تراويح بنصليها هناك

الغريب بقى أن جرانا اللي قدمنا مباشرة كل سنة بتجيلهم أسرة كويتية تقضي معاهم شهر رمضان ، لما أفتكرتهم قولت لنفسي يعني الكويتيين بيروحوا يقضوا رمضان في مصر وأنا جاي أقضيه في الكويت :lol:

علشان كدة قررت أن شاء الله أن كل رمضان لازم أكون في مصر وهبدأ من السنة دي بس أدعولي أحسن الأيام ماشية جملي عليا قبل معاد الأجازة :lol:

اللهم بلغنا رمضان جميعا وأكتبنا فيه من الفائزين برحمتك

تم تعديل 25 يوليو 2010 بواسطة الغريب

[عنبو]

لا يا جماعه خلاص انا عاوز اعدى مرحلة الصور دى

هو كله صور صور

ربنا ييسير والحق اخر تلات ايام فى رمضان السنه دى

مسافر زاده الخيال

مرسلة اليوم, 07:28 AM

اتمنى ان تتاح لي الفرصة في يوم ما.....ان اشهد دخول رمضان في مصر لأشهد طقسا مختلفا لطالما سمعت عنه..... وبالنسبة لفوانيس رمضان ورمزيته فاعتقد ان ذلك تقليدا خاصا (اتى به الفاطميون ان لم اكن مخطئا)لذا فمن الصعب وجوده (خاصة في السعودية) وبما ان الشيء بالشيء يذكر فلقد اتيحت لي الفرصة بحضور عيد الاضحى في القاهرة في مارس سنة 2000 لكني لم ارى ما كنت اتوقعه (ربما بتأثير الافلام القديمة)من انتشار الناس وهم يسحبون خرفان العيد ووجود الزينات في الشوارع ورؤية الصغار مبتهجين....فهل هذه احتفاليات انقرضت؟؟؟؟؟؟ كنت في حي شبرا امام محطة القطار والكتدرائية ساكنابفندق (تشاو وكنت امني النفس بزيارة المتاحف التي كانت مغلقه لكني استمتعت بزيارة الازبكية والاهرامات ومشاهدة فلمي كرسي بالكلوب والواد محروس بتاع الوزير...ما يميز صالات السنما بمصر عن غيرها في العالم تعليقات الجمهور الساخرة ضد الفلم اكثر من الفلم نفسه).....

الاخ مسافر زاده الرحيل

مافيش زينات فى الشوارع فى العيد الكبير الزينات فى رمضان بس

وبالنسبه لعيد الاضحى اغلب سكان القاهره بيسافروا البلد علشان الاضحيه يعنى انت نشل على رمضان وانت هتنسبط قوووى

[لماضة مصرية جدا]

السلام عليكم و رحمة الله و بركاته

ع فكرة انا من انبارح و انا بأنب نفسي....مش قصدي و الله اخليكوا تفتقدوا مصر...بس انا عايزة نحس روح رمضان اللي بنحسها في مصر منين ما نكون

لما فكرت في التوبيك دوت....مخبيش عليكم كنت مستهدفة..ايون و منشنة علي 3 اشخاص اتنين من االمحاورات وواحدة براها....كنت بفكر في ماما سلوي...و دامو و صاحبتي اللي هاجرت كندا الشهر اللي فات

رمضان في مجتمع عربي غير لما يكون في بلد ممكن يبقي صعب تسمع فيها الاذان.

بس عشان منبقاش قاعدين نقلب المواجع....و لا ننكش في كراكيب الذكريات....احنا نشجع بعض بقي ان احنا نعمل نفس الروح بتاعت رمضان اللي بنحس بيها في مصر....نحسها و نعملها منين ما نكون علي خريطة العالم

تعالوا نتلم مع بعضينا....تعالوا نحكي ذكرياتنا عن رمضان...اول سنة صيام....اول مرة صلاة تراويح في الجامع....رمضان اللي غيرني و لا انا اللي غيرته....خلوها مساحة خاصة بينا في المحاورات بتاعتنا كلنا....عشان ده اول رمضان الحقيقة بقضيه معاكو في المنتدي...ماشي

اللهم بلغنا رمضان ...و أعنا علي عبادتك و طاعتك علي الوجه الذي يرضيك عنا.

صباحكم لمة.....ربنا ميحرمنا منها.....و بنتحدي بيها الفواصل الزمنية و الجغرافية

[لماضة مصرية جدا]

هبتدي بحاجة بحبها اوي....و بحسها اكتر ع المغرب

صوت الشيخ محمد رفعت و الاذان

http://www.youtube.com/watch?v=nfToY1U1znc

و طبعا بيبقي قبلها ابتهالات الشيخ سيد النقشبندي...و ده ع القناة الاولي...هما دلوقتي عملوا رباعيات بس انا بحب القديمة بتاعت النقشبندي و خصوصا

مولاي اني باباك اني بسطت يدي...

من لي ألوذ به إلاك يا سندي

http://www.youtube.com/watch?v=XblfQGSXFkU&feature=related

هروح ادور ع المدفع و آجي

تم تعديل 25 يوليو 2010 بواسطة لماضة مصرية جدا

[لماضة مصرية جدا]

يا سلام عليكى يا لماضة

والله العظيم جيتى على الجرح بالصور بتاعتك دى

رمضان هنا ملوش اى طعم ولا لون ولا حتى ريحة

بدور على فانوس هنا فى جدة كانى بدور على ابرة فى كوم قش صعب توصلى ليها اساسا

يا سلام بقى لو تنزلى بحالو لا حالو واهو جه يا ولاد وعمو سيد مكاوى المسحراتى

يبقى تستاهلى ترمضنى فى مصر

مين قال ان رمضان مالوش لون و لا طعم....يا ماما نونا ده كفاية انك في جدة يعني 45 دقيقة و تبقي في الحرم.....ياااااااه و الله الواحد مشتاااق جدا و امانة عليكي الدعاء

بصي بقي....رايي ما تدوريش ع الفانوس....لو عن حضرتك ولاد صغيرين....خليهم يفكروا هما مع بعض يا تري يحبوا يزينوا العامرة بتاعتكم ازاي في رمضان....مش لازم فانوس خالص

احنا عندنا بنجمع من بعض....و بعدين بنشتري فيه ملصقات بالادعية....زي دعول الخروج و الدخول من المنزل و بنلزقهم علي كل شقة...او دعاء ركوب الدابة و ده بنحطه ع الاسانسير...او بعض الادعية اللي ممكن نقولها و احنا مستنيين الاسانسير

شجعيهم انهم يفكروا.....و انهم يتجمعوا لو فيه في البناية اطفال و كده....و ممكن هما يخترعوا زينة بتاعتهم....انا افتكر زمان عملنا زينة في الجامع من ورق الجرايد القديم....دلوقتي فيه جلاد ملون...و حركات....بس خليهم يفكروا....هي دي لمة الفانوس اللي بجد...

بس لو زنق اوي ع الفانوس.....ابعتيلي عنوان حضرتك ع الخاص....وربنا يقدرني ابعت لحضرتك واحد باذن الله من مصر.....يبقي عهد عليا

جربي و قوليلنا....ماشي

صباحك.....افكار....مبتخلصشي

[لماضة مصرية جدا]

شفتي بقي حضرتك نستيني

اتفضلي

http://www.youtube.com/watch?v=IatSEEg6KAs&feature=related

و ده ليه حكايات...انا و الباشمهندس الصغير ابن اخويا....تقريبا سنة و التانية و هتلاقونا بنافس في الموضوع دوت

و كمان...دي

http://www.youtube.com/watch?v=LASqYs7mBOU&feature=related

حضرتك تؤمري....بس افتكريني و امي و ابي في الدعاء

[لماضة مصرية جدا]

هل هلالك شهر مبارك

كل سنة والامة العربية وكل المصريين بخير

تيجى بالسلامة يالماضة اللهم بلغنا رمضان جميعا ويكون عيد سعيد ان شاء الله

و حضرتك بكل الصحة و الخير و النور و السعادة....هندعي لبعض ع الفطار ماشي....باذن الله عندنا 30 يوم....هنلحق ندعي لبعض

[لماضة مصرية جدا]

زي ما ماما نونا قالت...جيتي عالجرح

أنا برده بقالي كتير مش قضيت رمضان في مصر. وأنا في السعودية كنت باشتكي إنو مش زي مصر ...بس بصراحة في نيو زيلاند وكندا أوحش. على الأقل في السعودية الناس كلها صايمه مع بعض وحتى بيبقى في روح خفيفة بينك وبين اللي قريبين منك . حتى كنا ساعات احنا والجيران نودي اطباق أكل لبعض .

بس خايفة اشتكي أكتر من كده السنة الجاية نروح على حتة انقح كمان:unsure:

دامو الغالية جدا جدا جدا

بصي يا ضنايا...انا قولت من شوية اني كتبت التوبيك دوت عشان جناب سموك...(إياكشي تتجعصي...هتقعي يا بنتي من ع الكورسي)

عارفة يا دامو....انتي لازم تبقي شاربة الحاجات دي....حتي لو معشتيهاش....انتي يا بنتي عايزة تعيشي في بلاد الفرنجة كدهوت و بعدين تتجوزي و تخلفي عيال ميعرفوش التاريخ دوت....مش احنا من يومين بنحتفل بالثورة جزء من التريخ بتاع مصر

اهو الحتة دي برضه تاريخ.....بس تاريخ انساني جدا.....لازم نحسه و نحافظ عليه

ع جنب بقي

طمنيني يا بنتي اخبار الجالية المسلمة ايه عندك....فيه مركز اسلامي طيب....لازم تسالي عشان تحضري علي الاقل محاضرات...او تربتطي بتجمع اسلامي...عشان صلاة العيد يا خالتي

دوري و هتلاقي ان شاء الله

[لماضة مصرية جدا]

اتمنى ان تتاح لي الفرصة في يوم ما.....ان اشهد دخول رمضان في مصر لأشهد طقسا مختلفا لطالما سمعت عنه..... وبالنسبة لفوانيس رمضان ورمزيته فاعتقد ان ذلك تقليدا خاصا (اتى به الفاطميون ان لم اكن مخطئا)لذا فمن الصعب وجوده (خاصة في السعودية) وبما ان الشيء بالشيء يذكر فلقد اتيحت لي الفرصة بحضور عيد الاضحى في القاهرة في مارس سنة 2000 لكني لم ارى ما كنت اتوقعه (ربما بتأثير الافلام القديمة)من انتشار الناس وهم يسحبون خرفان العيد ووجود الزينات في الشوارع ورؤية الصغار مبتهجين....فهل هذه احتفاليات انقرضت؟؟؟؟؟؟ كنت في حي شبرا امام محطة القطار والكتدرائية ساكنابفندق (تشاو وكنت امني النفس بزيارة المتاحف التي كانت مغلقه لكني استمتعت بزيارة الازبكية والاهرامات ومشاهدة فلمي كرسي بالكلوب والواد محروس بتاع الوزير...ما يميز صالات السنما بمصر عن غيرها في العالم تعليقات الجمهور الساخرة ضد الفلم اكثر من الفلم نفسه).....

السلام عليكم و رحمة الله و بركاته

زي ما عنبو قال لحضرتك....العيد الصغير غير العيد الكبير

و بعدين بقي....من هنا و رايح حضرتك مينفعشي تبقي تنزل في فنادق...و الليلة دي....مش هتحس بطعم القاهرة كده خااااااااالص...حضرتك ان شاء الله في زيارتك القادمة لمصر و يا رب تكون في رمضان....ممكن نستضيف حضرتك و العائلة....عشان تعيش الجو اللي بنحكي عليه

ع فكرة انا قضيت رمضان سعيد في السعودية...و كان الحي اللي ساكنين فيه اسمه النزلة اليمانية في جدة....هو حي شعبي...بس حسيت فيه ان كان فيه روح مقاربة كتير للمة بتاعت مصر

كان عندنا شباب الحي بيلعبوا كورة قبل المغرب...و طبعا كانوا بيبقوا بيلطشوا :lol: ....مافيش باور....بعد المغرب و التراويح بيبتدي الدوري....و لا عمري عرفت مين كسب....بس اللي فاكراه....ان كان فيه شاب منهم بعد كل ماتش اسمه "عبد الرحمن"...كان بيقعد ع الرصيف اللي بيصدف ان شباك بيتنا فوقيه....و يفضل يقول تقريبا شعر بس "نبطي"....مكدبشي علي حضرتك....مكنتش بفهم منه حاجة خالص

و كان عندنا برضه الست التكرونية....اللي بتفرش بالحلويات....و اللي كانت بتصلي التراويح مع الحرم...و غلبنا نقنعها يا خالة مينفعشي الصلاة كده و هي تقول ربنا اعلم بنيتي

اما اكتر حاجة بقي كانت في رمضان في السعودية فهي ....دي

سمبوسك....بحبها مررررة :rolleyes:

كل سنة و حضرتك طيب....و هنستناك في مصر ان شاء الله

[لماضة مصرية جدا]

تسلم إيديك والله يا لماضة

كنت عاوز أكتب نفس الموضوع

بصرااحة رمضان في مصر غير

أول مرة أقضي رمضان برة مصر السنة اللي فاتت بالكويت

وبصرااحة أتحصرت حصرة مقولكمش عليها

ولو قعدنا نوصف في رمضان في مصر عاوزين صفحااات ، وده طبعا بما أني ساكن في منطقة شعبية بالقاهرة ومسجد عمرو بن العاص قريب جدا مني فبنحس بأحلى رمضان وأحلى صلاة تراويح بنصليها هناك

الغريب بقى أن جرانا اللي قدمنا مباشرة كل سنة بتجيلهم أسرة كويتية تقضي معاهم شهر رمضان ، لما أفتكرتهم قولت لنفسي يعني الكويتيين بيروحوا يقضوا رمضان في مصر وأنا جاي أقضيه في الكويت :lol:

علشان كدة قررت أن شاء الله أن كل رمضان لازم أكون في مصر وهبدأ من السنة دي بس أدعولي أحسن الأيام ماشية جملي عليا قبل معاد الأجازة :lol:

اللهم بلغنا رمضان جميعا وأكتبنا فيه من الفائزين برحمتك

كل سنة و حضرتك طيب....و تروح و تيجي بالسلامة....نسالك صالح الدعاء

مع حضرتك جدا ان الحياة الحقيقية في المناطق الشعبية....دلوقتي بقي كل واحد فينا يحط فانوس في البلكونة و دمتم....ناسين ان اهم حاجة ان احنا نعمل خط بالزينة بين البلكونات....و تيجي اي عربية تريلا و تقطعه....و نفضل طول الشهر محتاسين نركبه تاني إزاي... :lol:

الحياة الحقيقية....في جاد وسط البلد....ع الفطار....و ع السحور.....حد جربها قبل كده...مش ممكن اللمة....انا تقريبا في الفطار كنت قاعدة بفطر علي ترابيزة بس في اشارة مرور....ايون بناكل في الشارع... wst::

و في السحور

بنفضل قاعدين من الطعمية الاسكندراني....و الفول بالخلطة.....و البيتزا...و الفطيرة بالقشطة اسلحة دمااااار الحقيقة

ايه ده انا برغي كتير ليه

اسيبكم مع الصورة... :blush2:

ع فكرة انا دايما في الدور التاني...مش جنب الشباك....اخر كنبة علي ايدك اليمين.... :rolleyes:

تم تعديل 25 يوليو 2010 بواسطة لماضة مصرية جدا

[se_ Elsyed]

السلام عليكم و رحمة الله و بركاته

ع فكرة انا من انبارح و انا بأنب نفسي....مش قصدي و الله اخليكوا تفتقدوا مصر...بس انا عايزة نحس روح رمضان اللي بنحسها في مصر منين ما نكون

برضوا تخاطر توارد ؟؟؟؟

اهو موضوع للعبد لله من سنة 2003 ... يعني كنتي لسه بتلعبي يا لماضه بالفانوس أبو شمعه وبتلمي قطايف من الجيران

من فضلك دوس الفانوس

[mekkawy]

:cry: :cry: :cry: :cry:

:cry1: :cry1: :cry1: :cry1:

[Damo]

:cry: :cry: :cry: :cry:

:cry1: :cry1: :cry1: :cry1:

أستاذ مكاوي .....حضرتك لسة سايب مصر ....بتعيط على ايييييييه ....يعني دلوقتي باب كندا و المغتربين ابتدو الحقد والاسود اللي جوه ....فلو سمحت ....حرص على نفسك شوية مينفعش كده wst::

[لماضة مصرية جدا]

السلام عليكم و رحمة الله و بركاته

ع فكرة انا من انبارح و انا بأنب نفسي....مش قصدي و الله اخليكوا تفتقدوا مصر...بس انا عايزة نحس روح رمضان اللي بنحسها في مصر منين ما نكون

برضوا تخاطر توارد ؟؟؟؟

اهو موضوع للعبد لله من سنة 2003 ... يعني كنتي لسه بتلعبي يا لماضه بالفانوس أبو شمعه وبتلمي قطايف من الجيران

من فضلك دوس الفانوس

السلام عليكم و رحمة الله و بركاته

و الله انا ما مصدقة نفسي

مش عشات تراود الخطاطر....دوت

و لا عشان انا كنت مبحلقة عينيا في الفانوس و بقول اكيد استاذنا سين سين هيخلينا ندوس ع الفانوس...قووووم ايه تطلع لينا ايد تدي كل واحد حتة قطايف و كوباية قمر الدين

انا مش مصدقة...

انكوا هنا من سنة 2003.......يااااااااااااه (وش عيل رخم :lol: )

ربنا يجمعنا يا رب في الخير

و يا رب دايما يبقي فيه سلك كهربا كده موصل مع دماغ استاذي سين فين عين

مساااك فرحة فانوس رمضان....ابو شمعة....

كل سنة و حضرتك طيب

و نسالك صالح الدعاء